ସମ୍ପାଦକୀୟ |

ସ୍ବର୍ଗକୁ ନିଶୁଣି

ସ୍ବର୍ଗକୁ ନିଶୁଣି

ମନ-ମାନଚିତ୍ର / ଡ. ନରହରି ବେହେରା

ମଣିଷ ସବୁବେଳେ ସ୍ବତନ୍ତ୍ର ହେବାକୁ ପ୍ରୟାସ କରେ। କାରଣ ଏହି ସ୍ବତନ୍ତ୍ରତା ତାକୁ ନିଆରା ପରିଚୟ ଦିଏ। ଏହି ପ୍ରୟାସ ତାକୁ କଷ୍ଟସହିଷ୍ଣୁ ଓ ଆମତ୍ାନୁବର୍ତ୍ତୀ କରିଥାଏ। ଆଜି ଆମେ ଯାହା ପାଇଛୁ, ତାହା କେବଳ ସମ୍ଭବ ହୋଇଛି ଏହି ସ୍ବତନ୍ତ୍ର ହେବାର ପ୍ରୟାସରୁ। ମାତ୍ର ଏହି ପ୍ରୟାସ ଯେତେବେଳେ ତୁଚ୍ଛା ଅହମିକା ପାଇଁ କରାଯାଏ, ତାହା ଜନନେତ୍ରରେ ଏକ ନଗଣ୍ୟ ପ୍ରୟାସ ଭାବେ ବିବେଚିତ ହୋଇଥାଏ। ରାମାୟଣରେ ମହାପ୍ରତାପୀ ରାବଣ ସ୍ବର୍ଗକୁ ନିଶୁଣି ବାନ୍ଧିବାର ପ୍ରୟାସ କରିବା କଥା ଏବେ ବି ଜନମୁଖରେ ପ୍ରଚଳିତ। ତାହା ପୂର୍ଣ୍ଣ ହେଲାନାହିଁ ା  ଅହମିକାର ଏକ ବୃଥା ଆସ୍ଫାଳନ ଭାବେ ଏହା କାଳକାଳକୁ ରହିଯାଇଛି। ଏପରି  ଆସ୍ଫାଳନ ସାଧାରଣତଃ କ୍ଷମତାଶାଳୀ ଏବଂ ଧନାଢ଼୍ୟ ବ୍ୟକ୍ତିଙ୍କ ନିକଟରେ ଅଧିକ ଦେଖାଯାଇଥାଏ। 

ଭାରତରେ ଏବେ ମୂର୍ତ୍ତି ଏବଂ ସୌଧ ନିର୍ମାଣ କରିବାର ପ୍ରତିଯୋଗିତା ବଢ଼ି ଚାଲିଛି। ପରିସ୍ଥିତି ଏବଂ ପରିବେଶକୁ ଲକ୍ଷ୍ୟ କଲେ ଏହି ସବୁ ପ୍ରତିଯୋଗିତାରେ ସ୍ବତନ୍ତ୍ରତା ପ୍ରତିପାଦନ ଅପେକ୍ଷା ନିଜର ରାଜନୈତିକ ଅଭିସନ୍ଧି ଅଧିକ ଥିବାପରି ମନେହୁଏ। ଏହାଦ୍ୱାରା ଏ ଦେଶର କି ଉନ୍ନତି ହେବ, ଆର୍ଥିକ ଅବସ୍ଥା ଉପରେ ଏହାର କି ପ୍ରଭାବ ପଡିବ, ସେ ବିଷୟରେ କିଛି ଚିନ୍ତା କରାଯାଉଥିବା ମନେହୁଏ ନାହିଁ। ଲୌହମାନବ ସର୍ଦ୍ଦାର ବଲ୍ଲଭଭାଇ ପଟେଲଙ୍କ ପ୍ରତିମୂର୍ତ୍ତି ପ୍ରତିଷ୍ଠା ପରେ ଭାରତରେ ଏହି ପ୍ରତିଯୋଗିତାର ସୂତ୍ରପାତ ହୋଇଛି। 

ଲୌହମାନବ ସର୍ଦ୍ଦାର ବଲ୍ଲଭଭାଇ ପଟେଲ ଭାରତର ଜଣେ ସର୍ବମାନ୍ୟ ନମସ୍ୟ ନେତା। ତାଙ୍କର ପ୍ରତିମୂର୍ତ୍ତି ସ୍ଥାପନ କରି ଗୁଜରାଟ ସରକାର ବିଶ୍ୱର ଦୃଷ୍ଟି ଆକର୍ଷଣ କରିଛନ୍ତି। ଏହି ପ୍ରତିମୂର୍ତ୍ତି ଭାରତକୁ ଜନନେତାଙ୍କ ସର୍ବୋଚ୍ଚ ମୂର୍ତ୍ତି ସ୍ଥାପନ କ୍ଷେତ୍ରରେ ପ୍ରଥମ ଦେଶର ମାନ୍ୟତା ଆଣିଦେଇଛି। କାରଣ ଭାରତର ଏହି ମୂର୍ତ୍ତି ୧୮୨ ମିଟର ଥିବାବେଳେ ଏ ପର୍ଯ୍ୟନ୍ତ ପ୍ରଥମ ସ୍ଥାନ ଅଧିକାର କରିଥିବା ଚାଇନାର ସ୍ପ୍ରିଙ୍ଗ୍‌ ଟେମ୍ପଲ୍‌ ବୁଦ୍ଧ (୧୨୮ ମିଟର) ଦ୍ୱିତୀୟ ସ୍ଥାନକୁ ଖସି ଆସିଛି। କୁହାଯାଉଛି, ବଲ୍ଲଭଭାଇ ପଟେଲଙ୍କ ପ୍ରତିମୂର୍ତ୍ତି ୧୮୨ ମିଟର ହେବା ପଛରେ  ଏକ ଗଭୀର ଉଦ୍ଦେଶ୍ୟ ରହିଛି। ଗୁଜରାଟ ବିଧାନସଭାର ମୋଟ ଆସନ ସଂଖ୍ୟା ହେଉଛି ୧୮୨। ଏହି ଆସନ ଅନ୍ୟ ସବୁ ରାଜ୍ୟଠାରୁ ଊର୍ଦ୍ଧ୍ୱରେ ବୋଲି ଦେଖାଇବା ପାଇଁ ଲୌହମାନବଙ୍କ ପ୍ରତିମୂର୍ତ୍ତିର ଉଚ୍ଚତା ୧୮୨ ମିଟର ରଖାଯାଇଛି ା ଏଥିପାଇଁ ୨,୯୮୯ କୋଟି ଟଙ୍କା ଖର୍ଚ୍ଚ ହୋଇଛି। ଏହି ପ୍ରତିମୂର୍ତ୍ତି ସ୍ଥାପନ ପରେ ଗୁଜରାଟର ଅଖ୍ୟାତ ନର୍ମଦା ସରୋବର ଡ୍ୟାମ୍‌ ଏବେ ବିଶ୍ୱପ୍ରସିଦ୍ଧ ପର୍ଯ୍ୟଟନସ୍ଥଳୀର ମାନ୍ୟତା ପାଇଛି। ଏହି ‘ଷ୍ଟାଚ୍ୟୁ ଅଫ୍‌ ୟୁନିଟି’କୁ ଦେଖିବା ପାଇଁ ପର୍ଯ୍ୟଟକଙ୍କର ଭିଡ଼ ଲାଗିଛି। ଭାରତ ମଧ୍ୟ ସର୍ବୋଚ୍ଚ ପ୍ରତିମୂର୍ତ୍ତି ନିର୍ମାଣ କରି ବିଶ୍ୱରେ ପ୍ରଥମ ସ୍ଥାନ ଅଧିକାର କରିଛି। ମାତ୍ର ଗୁଜରାଟ ସରକାରଙ୍କର ଏହି କୃତିତ୍ୱକୁ ଅନ୍ୟ ରାଜନୈତିକ ଦଳମାନେ ଏକ ଚାଲେଞ୍ଜ ଭାବରେ ଗ୍ରହଣ କରିଛନ୍ତି। ଏକଥା ସତ କୌଣସି କୃତି ପ୍ରଶଂସାଭାଜନ ହେଲେ ଅନ୍ୟମାନେ ସେହିପରି କୃତି ବା ତା’ଠାରୁ ଅଧିକ ସୁନ୍ଦର କୃତି ଗଢ଼ିବାକୁ ପ୍ରୟାସ କରିଥାନ୍ତି। 

ଗୁଜରାଟ ସରକାରଙ୍କ ଏହି କୃତିତ୍ୱକୁ ପଛରେ ପକାଇ ଆନ୍ଧ୍ରପ୍ରଦେଶ ମୁଖ୍ୟମନ୍ତ୍ରୀ ୨୫୦ ମିଟର ଉଚ୍ଚର ତିନି ମହଲା ବିଶିଷ୍ଟ ରାଜ୍ୟ ବିଧାନସଭା ସୌଧ ନିର୍ମାଣ କରିବା ପାଇଁ ନିଷ୍ପତ୍ତି ନେଇଛନ୍ତି। ଏହା ସର୍ଦ୍ଦାର ବଲ୍ଲଭଭାଇ ପଟେଲଙ୍କ ଉଚ୍ଚତାଠାରୁ ୬୮ ମିଟର ଅଧିକ ଉଚ୍ଚ ହେବ। ସୁତରାଂ ଆନ୍ଧ୍ରପ୍ରଦେଶର ବିଧାନ ସୌଧ ହେବ ବିଶ୍ୱର ଉଚ୍ଚତମ ସୌଧ। ଫଳରେ ଆନ୍ଧ୍ରପ୍ରଦେଶ ଗୁଜରାଟକୁ ପଛରେ ପକାଇ ବିଶ୍ୱରେ ପ୍ରଥମ ସ୍ଥାନ ଅଧିକାର କରିବ। ଏହି ଦୁଇ ରାଜ୍ୟର ରାଜନୈତିକ ଛକାପଞ୍ଝାକୁ ଲକ୍ଷ୍ୟକରି ଏବେ ପ୍ରତିମୂର୍ତ୍ତି ନିର୍ମାଣ ପାଇଁ ଅନ୍ୟ ରାଜ୍ୟ ସରକାରମାନେ ମଧ୍ୟ ଅଣ୍ଟା ଭିଡ଼ି ନିଜର ପତିଆରା ଜାହିର କରିବାକୁ ବାହାରିଛନ୍ତି। ଉତ୍ତରପ୍ରଦେଶର ମୁଖ୍ୟମନ୍ତ୍ରୀ ଯୋଗୀ ଆଦିତ୍ୟନାଥ ଅଯୋଧ୍ୟାରେ ୧୫୧ ମିଟର ଉଚ୍ଚତା ବିଶିଷ୍ଟ ରାମଙ୍କ ପ୍ରତିମୂର୍ତ୍ତି ନିର୍ମାଣ କରିବେ ବୋଲି ଘୋଷଣା କରିଛନ୍ତି। ରାଜସ୍ଥାନ ସରକାର ୧୦୭ ମିଟର ଉଚ୍ଚତା ବିଶିଷ୍ଟ ଶିବମୂର୍ତ୍ତି ନିର୍ମାଣ କାର୍ଯ୍ୟ ଆରମ୍ଭ କରିସାରିଲେଣି। ୨୦୧୯ ମାର୍ଚ୍ଚ ସୁଦ୍ଧା ଏହି ମୂର୍ତ୍ତି ଉନ୍ମୋଚିତ ହେବ ବୋଲି ସେ ଘୋଷଣା କରିଛନ୍ତି। ଏହା ସମ୍ପୂର୍ଣ୍ଣ ହେଲେ ବିଶ୍ୱରେ ଚତୁର୍ଥ ଉଚ୍ଚତମ ପ୍ରତିମୂର୍ତ୍ତି ହେବାର ଗୌରବ ଅର୍ଜନ କରିବ। ପ୍ରତିମୂର୍ତ୍ତି ନିର୍ମାଣ କରି ବାହାବା ନେବା ପାଇଁ କର୍ନାଟକ ସରକାର ମଧ୍ୟ ପଛରେ ପଡ଼ିଯାଇ ନାହାନ୍ତି। ସେ ମା’ କାବେରୀଙ୍କ ୩୮ ମିଟର ଉଚ୍ଚର ପ୍ରତିମୂର୍ତ୍ତି ନିର୍ମାଣ କରିବା ପାଇଁ ଯୋଜନା ମଧ୍ୟ କରିଛନ୍ତି।

ଏହିପରି ପ୍ରତିମୂର୍ତ୍ତି ନିର୍ମାଣର ପ୍ରତିଯୋଗିତାକୁ ଲକ୍ଷ୍ୟ କଲେ ଜଣାଯାଉଛି ସତେଯେମିତି କିଛିବର୍ଷ ପରେ ସମଗ୍ର ଭାରତବର୍ଷ କେବଳ ମୂର୍ତ୍ତିମୟ ହିଁ ହୋଇଯିବ। କେବେଠାରୁ ଆମ ସମାଜରେ ଏହି ମୂର୍ତ୍ତି ପ୍ରତିଷ୍ଠାର ନିଶା ଲାଗିଲା ତାହା ଜଣା ନାହିଁ, ମାତ୍ର ରାସ୍ତାଘାଟ, ମନ୍ଦିର, ଖୋଲା ପଡ଼ିଆ ସବୁଠି ମୂର୍ତ୍ତିମାନ ଠିଆ ହୋଇଥିବା ଦେଖାଯାଉଛି। କିନ୍ତୁ ଅଧିକାଂଶ ମୂର୍ତ୍ତି ସରକାରୀ ଜାଗାଗୁଡ଼ିକୁ ମାଡ଼ି ବସିଥିବା ଦେଖାଯାଏ। ମୂର୍ତ୍ତିଗୁଡ଼ିକ ସ୍ଥାପନ ହେବା ପରେ ସେଗୁଡ଼ିକ ଉପରେ ସାଧାରଣତଃ ଦୃଷ୍ଟି ଦିଆଯାଏ ନାହିଁ। ମୁକ୍ତ ଆକାଶ ତଳେ ଏହି ଦିଅଁ ଦେବତା ଏବଂ ମହାପୁରୁଷମାନଙ୍କର ମୂର୍ତ୍ତି ଖରାବର୍ଷା ସହି ଅତ୍ୟନ୍ତ ବିକଳ ଅବସ୍ଥାରେ ଠିଆ ହୋଇଥାନ୍ତି। ବହଳ ଧୂଳି ଜମିଯାଇଥାଏ, ପକ୍ଷୀମାନଙ୍କର ମଳମୂତ୍ରର ଛାପ ମଧ୍ୟ ଥାଏ। ଯେଉଁମାନେ ଭକ୍ତିରେ ଗଦ୍‌ ଗଦ୍‌ ହୋଇ ପ୍ରତିମୂର୍ତ୍ତି ସ୍ଥାପନ କରିଥାନ୍ତି, ସେମାନେ କେବଳ ଜନ୍ମଦିନ କିମ୍ବା ପୂଜୋତ୍ସବ ଦିନ ପାଣି ଢାଳି ଫୁଲହାର ଝୁଲାଇ ଦେଇ ନିଜର କର୍ତ୍ତବ୍ୟ ସମ୍ପାଦନ କରିଥାନ୍ତି। ପ୍ରତିମୂର୍ତ୍ତି ସ୍ଥାପନ କରି ତା’ର ଉପଯୁକ୍ତ ଯନତ୍ ନିଆ ନ ଗଲେ ଏହା ମହାମାନବ ବା ଦେବତାମାନଙ୍କ ପ୍ରତି ଅପମାନ ହେବ। ଅବଶ୍ୟ ସର୍ଦ୍ଦାର ବଲ୍ଲଭଭାଇ ପଟେଲ କିମ୍ବା ଅନ୍ୟାନ୍ୟ ପ୍ରତିମୂର୍ତ୍ତି ସ୍ଥାପନ କ୍ଷେତ୍ରରେ ଏକଥା ହୋଇ ନ ପାରେ। କାରଣ ସରକାରୀ ସ୍ତରରେ ଏତେ ଅର୍ଥ ବ୍ୟୟ ହେଉଥିବାରୁ ସେଗୁଡ଼ିକର ଖୁବ୍‌ ଯନତ୍ ନିଆଯିବ ବୋଲି ଆଶା କରାଯାଏ ା ମାତ୍ର ଏଠାରେ ପ୍ରଶ୍ନ ଉଠେ, ନିଜକୁ ସ୍ବତନ୍ତ୍ର ଭାବରେ ପରିଚିତ କରାଇବା ପାଇଁ  ଏବଂ ପର୍ଯ୍ୟଟକମାନଙ୍କୁ ଆକୃଷ୍ଟ କରିବା ପାଇଁ କେବଳ ପ୍ରତିମୂର୍ତ୍ତି ବା ସୌଧ ସ୍ଥାପନ କ’ଣ ଏକମାତ୍ର ମାଧ୍ୟମ? ନିଜକୁ ସ୍ବତନ୍ତ୍ର ଏବଂ ବିଶ୍ୱରେ ପ୍ରଥମ କରି ପ୍ରତିଷ୍ଠା କରିବା ପାଇଁ ଅନ୍ୟ କିଛି ମାଧ୍ୟମ ନାହିଁ? ସର୍ଦ୍ଦାର ବଲ୍ଲଭଭାଇ ପଟେଲ ଜଣେ ପରମ ସମ୍ମାନନୀୟ ବ୍ୟକ୍ତିତ୍ୱ ା  ତାଙ୍କର ସର୍ବୋଚ୍ଚ ପ୍ରତିମୂର୍ତ୍ତି ସ୍ଥାପନ ଏକ ସ୍ବାଗତଯୋଗ୍ୟ ପଦକ୍ଷେପ। କିନ୍ତୁ ସର୍ଦ୍ଦାରଜୀଙ୍କ ଦଶମିଟରର ପ୍ରତିମୂର୍ତ୍ତି ସ୍ଥାପନ କରି ଯଦି ବିଶ୍ୱର ଗୋଟିଏ ସର୍ବବୃହତ୍‌ ଚିକିତ୍ସାଳୟ କରାଯାଇଥାନ୍ତା, ତାହାହେଲେ ଭାରତ ନାଁ ବି ବିଶ୍ୱର ଏକ ନମ୍ବର ତାଲିକାରେ ରହିଥାନ୍ତା। ବହୁଲୋକ ନିଯୁକ୍ତି ପାଇବା ସହିତ କେତେ ମୁମୂର୍ଷୁ ଜୀବନ ଲାଭ କରିପାରିଥାନ୍ତେ। ଭାରତରେ ପ୍ରାଚୀନ କାଳରେ ନାଳନ୍ଦା ବିଶ୍ୱବିଦ୍ୟାଳୟ, ବିକ୍ରମଶିଳା ବିଶ୍ୱବିଦ୍ୟାଳୟ, ପୁଷ୍ପଗିରିବିହାର ପରି ପ୍ରସିଦ୍ଧ ବିଶ୍ୱବିଦ୍ୟାଳୟରେ ଅଧ୍ୟୟନ କରିବା ପାଇଁ ବହୁ ବିଦେଶୀ ବିଦ୍ୟାର୍ଥୀ ଧାଇଁ ଆସୁଥିଲେ। ଆମେ କାହିଁକି ଆଉ ଗୋଟିଏ ସେହିପରି ବିଶ୍ୱବିଦ୍ୟାଳୟ ଗଢ଼ି ପାରିବା ନାହିଁ? ଏ ବିଷୟରେ ଚିନ୍ତା ନ କରି କାହିଁକି ଆମ ସରକାରମାନେ ପ୍ରତିମୂର୍ତ୍ତି ଗଢ଼ି ଆକାଶକୁ ନିଶୁଣି ବାନ୍ଧୁଛନ୍ତି? ସର୍ବବୃହତ୍‌ ବିଶ୍ୱବିଦ୍ୟାଳୟ ହେଉ କି ଚିକିତ୍ସାଳୟ ହେଉ ତା’କୁ ସ୍ଥାପନ କରି ସେହି ଅନୁଷ୍ଠାନର ନାମକରଣ ରାମଚନ୍ଦ୍ର, ଶିବ କିମ୍ବା ମା’ କାବେରୀଙ୍କ ନାଁରେ କରାଗଲେ ସେଥିରେ କାହାରି ହୁଏତ ଆପତ୍ତି ରହିବ ନାହିଁ। ମାତ୍ର ଦୁଃଖର ବିଷୟ ଆମ ନେତୃମଣ୍ଡଳୀ କେବଳ ପ୍ରତିମୂର୍ତ୍ତି ନିର୍ମାଣ କରି, ସହଜ ସୁବିଧାରେ ସ୍ବର୍ଗକୁ ନିଶୁଣି ବାନ୍ଧିବା ପାଇଁ ପ୍ରତିଯୋଗିତା ଚଳାଇଛନ୍ତି। ଏପରି ଉଦ୍ୟମ ରାବଣର ସେହି ପ୍ରୟାସର ନାମାନ୍ତର ହେବ ନାହିଁ ତ?

ବାସୁଦେବବାସ୍ୟମ୍‌, ଜଗନ୍ନାଥବିହାର, ବାଇପାସ, ଭଦ୍ରକ, ଫୋନ୍‌: ୭୯୭୮୯୦୩୫୦୯

All Right Reserved By

ସମ୍ପାଦକୀୟ |

ଶବଦାହରେ ଘଷି

ଶବଦାହରେ ଘଷି

ପରିବେଶ ପରିଚିନ୍ତା/ ମାନେକା ଗାନ୍ଧୀ

ଭାରତରେ ପ୍ରତିଦିନ ଲକ୍ଷ ଲକ୍ଷ ଲୋକ ମରୁଛନ୍ତି। ମୁସଲମାନମାନେ ମୃତ ଲୋକର ଶବକୁ ପୋତିଦିଅନ୍ତି ଏବଂ ହିନ୍ଦୁମାନେ ତାକୁ ଅଗ୍ନିରେ ଦାହ କରନ୍ତି। ପାରମ୍ପରିକ ଭାବେ ଦାହ ପାଇଁ କାଠ ବ୍ୟବହୃତ ହୋଇ ଆସୁଥିବା ବେଳେ ଆଜିକାଲି ବିଦ୍ୟୁତ୍‌ଶକ୍ତି ଓ ଗ୍ୟାସ୍‌ ମଧ୍ୟ ବ୍ୟବହୃତ ହେଲାଣି।  କିନ୍ତୁ ଆଜିକାଲି ଜାଳେଣି କାଠର ଘୋର ଅଭାବ। ଦିଲ୍ଲୀରେ ସରକାରୀ ଗାର୍ଡନରମାନେ ଗଛର ଅଳ୍ପ କିଛି ଛୋଟ ଡାଳ କାଟିବାର ଛଳନା କରନ୍ତି। କିନ୍ତୁ ସେମାନେ ପ୍ରାୟ ସବୁ ବଡ଼ ବଡ଼ ଡାଳ କାଟନ୍ତି ଓ ସେସବୁକୁ ନିଗମବୋଧ ଘା..

ଅଶ୍ଳୀଳତାକୁ ନେଇ ଛଳନା

ଅଶ୍ଳୀଳତାକୁ ନେଇ ଛଳନା

ଡ. ସୁବାସ ଚନ୍ଦ୍ର ପାତ୍ର

ଅଶ୍ଳୀଳତାକୁ ନେଇ ମଣିଷର ଛଳନା ଇତିହାସ ପରି ପୁରୁଣା। କିଛିଦିନ ତଳେ ଖଣ୍ଡଗିରି ଯାତ୍ରା ମହୋତ୍ସବ ଅବସରରେ କୌଣସି ଏକ ଅପେରା ମଞ୍ଚ ଉପରେ ମନୋରଞ୍ଜନ ଆଳରେ ଜଣେ ମହିଳା କଳାକାର ଅଙ୍ଗ ପ୍ରଦର୍ଶନ ସହ ଅଶ୍ଳୀଳ ନୃତ୍ୟ ପରିବେଷଣ କରିବାର ଅଭିଯୋଗ ଆସିଲା। ପରବର୍ତ୍ତୀ ସମୟରେ ବିଭିନ୍ନ ଟିଭି ଚ୍ୟାନେଲ ତାଙ୍କ ସହ ସାକ୍ଷାତ୍‌କାର ପ୍ରସାରଣ କଲେ ଏବଂ ଆଉ କେତେକ ଚ୍ୟାନେଲ ପ୍ରତିବାଦ ବାହାନାରେ ସେହି ତଥାକଥିତ ନଗ୍ନ ନୃତ୍ୟକୁ ବାରମ୍ବାର ପ୍ରଦର୍ଶନ ମଧ୍ୟ କଲେ। ଜଣେ ରାଜାଙ୍କୁ ଯଦି ତାଙ୍କ ପାର୍ଷଦ କହେ, ‘ମଣିମା, ଆପଣଙ୍କ ବଡ଼ଗୁଣ ହେଲା ଆପଣ ତୋଷାମଦି ଭଲପାଆନ୍ତି ନାହିଁ,’ ଏ କଥାଟି ଯେମିତି ଏକ ତୋଷା..

ସ୍ବଚ୍ଛ ପାନୀୟ ଜଳ ଆମ ଅଧିକାର

ସ୍ବଚ୍ଛ ପାନୀୟ ଜଳ ଆମ ଅଧିକାର


ବିକାଶ କୁମାର ପତି

ଚିରନ୍ତନ ବିକାଶ ଲକ୍ଷ୍ୟ ସମସ୍ତଙ୍କୁ ୨୦୩୦ ସୁଦ୍ଧା ପାନୀୟ ଜଳ ଯୋଗାଇବା ପାଇଁ ଉଦ୍ଦିଷ୍ଟ। ଅର୍ଥାତ୍‌, କେହି ବି ପାନୀୟ ଜଳ ପାଇବାରୁ ବଞ୍ଚିତ ହେବେନି। କିନ୍ତୁ ଆଜି ବି ଲକ୍ଷ ଲକ୍ଷ ଲୋକ ସ୍ବଚ୍ଛ ପାନୀୟ ଜଳ ବିନା ବଞ୍ଚୁଛନ୍ତି- ତାଙ୍କ ପରିବାର, ବିଦ୍ୟାଳୟ, କର୍ମକ୍ଷେତ୍ର, ସବୁଠି ବଞ୍ଚିବା ପାଇଁ ଓ ତୃଷ୍ଣା ମେଣ୍ଟେଇବା ପାଇଁ କଷ୍ଟ କରୁଛନ୍ତି। ଜାତିସଂଘର ଜଳ ଉପରେ କାମ କରୁ..

ଏଇ ଭାରତରେ

ଏଇ ଭାରତରେ

କୁହାଯାଏ ବିବାହ ଯୋଡ଼ି ଈଶ୍ୱରଙ୍କ ଦରବାରରେ ପୂର୍ବରୁ ନିର୍ଦ୍ଧାରିତ ହୋଇଥାଏ। ଏହାକୁ ଖଣ୍ଡନ କରିବା ସହଜ ନୁହେଁ। ମଧ୍ୟପ୍ରଦେଶର ଖଣ୍ଡଓ୍ବାରେ ଏପରି ଏକ ବିରଳ ବାହାଘର ସମ୍ପନ୍ନ ହୋଇଛି। ଖଣ୍ଡଓ୍ବା ଅନ୍ତର୍ଗତ ପୁନାସା ଗଁାର ବାସିନ୍ଦା ଧନେଶ ରାଜବୈଦ ନିମାଡ ନିବାସୀ ଚେତନା ଶର୍ମାଙ୍କୁ ବିବାହ କରିଛନ୍ତି। ଉଭୟ କନ୍ୟା ଓ ବରଙ୍କ ଉଚ୍ଚତା ୩୬ ଇଞ୍ଚ। ଉଚ୍ଚତା କମ୍‌ ..

ସମ୍ପାଦକୀୟ/ ଛଦ୍ମ ଦେଶପ୍ରେମ

ସମ୍ପାଦକୀୟ/ ଛଦ୍ମ ଦେଶପ୍ରେମ

ସାଧାରଣତଃ ଉତ୍ତରପ୍ରଦେଶ ଓ ବିହାର ବୋର୍ଡ ପରୀକ୍ଷାରେ ପିଲାମାନେ ବହୁ ସମୟରେ ଅଜବ ଓ ଅଦ୍ଭୁତ ଉତ୍ତର ଲେଖିଥିବା ଶୁଣିବାକୁ ମିଳିଛି। ଏପରିକି ଭଲ ମାର୍କ୍ସ ପାଇବା ପାଇଁ ଉତ୍ତର ଖାତାରେ ଟଙ୍କା ଷ୍ଟାପଲ୍‌ କରିବାର ନଜିର ଅଛି।  ‘ବାପା ଗରିବ ଲୋକ, ପୁଣି ଥରେ ପରୀକ୍ଷା ଦେବା ଲାଗି ଟଙ୍କା ଦେଇପାରିବେ ନାହିଁ, ତେଣୁ ମୋତେ ପାସ୍‌ କରିଦିଅନ୍ତୁ’ କହି କେତେକ ପରୀ..

ସ୍ବାସ୍ଥ୍ୟସେବାରେ ଦଳୀୟ ସ୍ବାର୍ଥ

ସ୍ବାସ୍ଥ୍ୟସେବାରେ ଦଳୀୟ ସ୍ବାର୍ଥ

ଡ. ନିଖିଳାନନ୍ଦ ପାଣିଗ୍ରାହୀ

ଚିକିତ୍ସାଳୟରେ ରୋଗୀ ଓ ତାଙ୍କ ସମ୍ପର୍କୀୟଙ୍କ ଆଖି ଆଗରେ କାହାର ଛବି ନାଚି ଉଠିଥାଏ? କିଛି ସାଧାରଣ ଲୋକ ମନେ କରୁଥିବେ ମୁଖ୍ୟମନ୍ତ୍ରୀ ବା ପ୍ରଧାନମନ୍ତ୍ରୀଙ୍କ ମୁଖମଣ୍ଡଳ। ଏମିତି ଏକ ଧାରଣା ଜନ୍ମିବା ପଛରେ ବିଭିନ୍ନ ନେତା ଓ ସମର୍ଥକମାନଙ୍କ ଜବରଦସ୍ତ ପ୍ରଚାର, ଅସଂଖ୍ୟ ବିଜ୍ଞାପନ ଏବଂ ରାସ୍ତାକଡ଼ର ତତ୍‌ସମ୍ପର୍କିତ ଏକାଧିକ ହୋର୍ଡିଂର ପ୍ରଭାବ ବି..

ଘରଚଟିଆର ତୁଳନା ନାହିଁ

ଘରଚଟିଆର ତୁଳନା ନାହିଁ

ପୀତାମ୍ବର ରାଉତ

ମହାନ୍‌ ପରିବେଶବିତ୍‌ ମହମ୍ମଦ ଦିଲଓ୍ବାର୍‌ଙ୍କ ଉଦ୍ୟମରେ ୨୦୧୦ରୁ ପ୍ରତିବର୍ଷ ମାର୍ଚ୍ଚ ୨୦ ତାରିଖକୁ ବିଶ୍ୱ ଘରଚଟିଆ ଦିବସ ରୂପେ ସମଗ୍ର ବିଶ୍ୱରେ ପାଳନ କରାଯାଇ ଆସୁଛି। ଘରଚଟିଆର ବୈଜ୍ଞାନିକ ନାମ ପାସେରିଡି। ଭୂମଧ୍ୟସାଗରୀୟ ଅଞ୍ଚଳରୁ ଆରମ୍ଭ କରି ବ୍ରିଟେନ୍‌, ଫ୍ରାନ୍ସ, ପ୍ୟାରିସ୍‌, ଜର୍ମାନୀ, ବେଲଜିୟମ୍‌, ଇଟାଲୀ, ନେଦରଲାଣ୍ଡ ଓ ଫିନ୍‌ଲାଣ୍ଡ..

ଏଇ ଭାରତରେ

ଏଇ ଭାରତରେ

ଜଣେ ବ୍ୟକ୍ତି ୧୦ଲକ୍ଷ ଟଙ୍କା ରାସ୍ତାପାର୍ଶ୍ୱରୁ ପାଇ ଫେରାଇଦେବା ଘଟଣା ତାଙ୍କୁ ମହାନତାର ପରିଚୟ ଦେଇଛି। ଏଥିପାଇଁ ଉକ୍ତ ବ୍ୟକ୍ତିଙ୍କୁ ପୁରସ୍କାର ସ୍ବରୂପ ୨ଲକ୍ଷ ଟଙ୍କା ଦିଆଯାଇଛି।  ଦିଲୀପ ପୋଦ୍ଦାର ନାମକ ଜଣେ ବ୍ୟକ୍ତି ସୁରଟର ଉମ୍ରା ଅଞ୍ଚଳରେ ଶାଢ଼ି ଶୋ’ରୁମ୍‌ରେ ସେଲ୍ସମ୍ୟାନ୍‌ ଭାବେ କାମ କରନ୍ତି। ପୋଦ୍ଦାର ମଧ୍ୟାହ୍ନଭୋଜନ ସାରି ଡ୍ୟୁଟିକୁ ଫେରୁଥିବା ବେଳେ ରାସ୍ତାପାର୍ଶ୍ୱରେ ଏକ ବ୍ୟାଗ୍‌..

ସମ୍ପାଦକୀୟ/ଅନୁଚିତ ନିଯୁକ୍ତି

ସମ୍ପାଦକୀୟ/ଅନୁଚିତ ନିଯୁକ୍ତି

ସୁପ୍ରିମ୍‌କୋର୍ଟର ପୂର୍ବତନ ବିଚାରପତି ପିନାକୀ ଚନ୍ଦ୍ର ଘୋଷ ଦେଶର ପ୍ରଥମ ଲୋକପାଳ ହେବା ମାର୍ଚ୍ଚ ୧୭ରେ ସ୍ଥିର ହୋଇଛି। ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ଅଧ୍ୟକ୍ଷତାରେ ଗଠିତ ଉଚ୍ଚ ସ୍ତରୀୟ ଚୟନ କମିଟି ତାଙ୍କ ନାମ ସୁପାରିସ କରିଥିଲା। ଲୋକପାଳ ଚୟନ ନେଇ ଫେବୃୟାରୀ ଶେଷ ସୁଦ୍ଧା ନିଷ୍ପତ୍ତି ନେବାକୁ ସୁପ୍ରିମକୋର୍ଟ କେନ୍ଦ୍ର ସରକାରଙ୍କୁ ନିର୍ଦ୍ଦେ..

ମୃତ୍ୟୁ ପରେ ଜୀବନ

ମୃତ୍ୟୁ ପରେ ଜୀବନ

ବୈକୁଣ୍ଠନାଥ ମିଶ୍ର

ଜନ୍ମ ପରେ ମୃତ୍ୟୁ ଏକ ଅବଧାରିତ ସତ୍ୟ। ଆଧୁନିକ ବିଜ୍ଞାନ ସବୁ କ୍ଷେତ୍ରରେ ସଫଳତା ପାଇଥିଲେ ମଧ୍ୟ ମୃତ୍ୟୁକୁ ଟାଳିପାରି ନାହିଁ। ମୃତ୍ୟୁ ପରବର୍ତ୍ତୀ ଘଟଣା ଉପରେ ବିଜ୍ଞାନ ସମ୍ପୂର୍ଣ୍ଣ ନୀରବ। ତଥାପି କେତେକ ଘଟଣା ଓ ତତ୍‌ସମ୍ବନ୍ଧୀୟ ମତାମତକୁ ପରୀକ୍ଷା କଲେ ଆମେ ମୃତ୍ୟୁପରବର୍ତ୍ତୀ ଅବସ୍ଥା ବିଷୟରେ ଅନୁମାନ କରିପାରିବା। ଆଜକୁ ବହୁବର୍ଷ ପୂର୍ବର ଏକ ଘଟଣା ଏବେ ମଧ୍ୟ ମୋ ହୃଦୟରେ ଆଲୋଡନ ସୃଷ୍ଟି କରେ। ଶୈଶବ ସମୟରେ ଘଟିଥିବା ଉକ୍ତ ଘଟଣାର ଜଟିଳତାକୁ ହୃ..

ଗୋପାଳଙ୍କ ଓଗାଳ

ଗୋପାଳଙ୍କ ଓଗାଳ

ଡ. ଭାଗ୍ୟଲିପି ମଲ୍ଲ

ଦୋଳପୂନେଇଁ ଆସିଲେ ମନେପଡ଼େ ଗଁା ଦାଣ୍ଡ। ସଞ୍ଜ ଆକାଶରେ ଉଇଁ ଆସୁଥାଏ ଉକିଆ ଜହ୍ନ। ଜହ୍ନ ଉପରକୁ ଉଠେ। ପବନରେ ଭାସି ଆସେ କୃଷ୍ଣ-ସଂଗୀତ। ”ଫଗୁଣ ମାସରେ ଦୋଳଗୋବିନ୍ଦ, ଫଗୁ ଖେଳୁଥା’ନ୍ତି ପରମାନନ୍ଦ। ଫଗୁ ଗୁଣ୍ଡିରେ ଝିମିରି ମିଶାଇ, ଫଗୁ ଖେଳୁଥା’ନ୍ତି ଯଦୁ ଗୋସାଇଁ, ମୋ’ କାହ୍ନାରେ।“ ..

ଏଇ ଭାରତରେ

ଏଇ ଭାରତରେ

ଦେଶର ବିିଭିନ୍ନ ସମ୍ପ୍ରଦାୟ ମଧ୍ୟରେ ବେଳେବେଳେ ଉତ୍ତେଜନା ସୃଷ୍ଟିହୁଏ। ଏଥିପାଇଁ ଧନସମ୍ପଦ କ୍ଷୟ ହେବା ସହିତ ଜୀବନ ହାନି ମଧ୍ୟ ଘଟିଥାଏ। କିନ୍ତୁ ଜୀବନ ମରଣ ସମସ୍ୟାରେ ପଡ଼ିବା ପରେ ଦୁଇ ସମ୍ପ୍ରଦାୟର ବ୍ୟକ୍ତିଙ୍କ ମନରେ ସୃଷ୍ଟି ହୋଇଛି ମାନବିକତା। ଏଭଳି ଏକ ନିଆରା ଉଦାହରଣ ସୃଷ୍ଟି କରିଛନ୍ତି ହିନ୍ଦୁ ଓ ମୁସଲମାନ ସମ୍ପ୍ରଦାୟର ଦୁଇଜଣ ମହିଳା। ନିଜ ନିଜ ସ୍ବାମୀଙ୍କ ଜୀବନ ବଞ୍ଚାଇବା..


Model This Week

ଚନ୍ଦନ, ସରିତା, ସୁଶିଲ, ସଙ୍ଘମିତ୍ରା