ସମ୍ପାଦକୀୟ |

ଧନୀ ଓ ଧାର୍ମିକ

ଧନୀ ଓ ଧାର୍ମିକ

ଡ. ବାସୁଦେବ ମିଶ୍ର

ଜଣେ ଧନୀଲୋକଠାରେ ଯେତିକି ଧାର୍ମିକ ଭାବନା ଆଶା କରାଯାଏ, ଜଣେ ଜ୍ଞାନୀଲୋକଠାରୁ ଯଥେଷ୍ଟ ଅଧିକ ମାତ୍ରାରେ ଧାର୍ମିକ ବିଚାର, ବିଶ୍ୱାସ ତଥା ଆଚରଣ ଆଶା କରାଯାଏ। ତା’ର କାରଣ ହେଲା, ଧନୀ ଲୋକଟି ଧନ ଆହରଣ କରିବା ସମୟରେ ଧନର ଆକର୍ଷଣରେ କେବେ କେମିତି ନୀତି, ଆଦର୍ଶଠାରୁ ଦୂରେଇଯିବା ବିଚିତ୍ର ନୁହେଁ। କିନ୍ତୁ ଜ୍ଞାନାର୍ଜନ କରୁଥିବା ସମୟରେ ସେପରି ଆଶଙ୍କାର ପ୍ରଶ୍ନ ଉଠେନାହିଁ। ବରଂ ଶାସ୍ତ୍ରପୁରାଣ ପୃଷ୍ଠାରେ ଉଲ୍ଲିଖିତ ଜ୍ଞାନର ସମ୍ଭାରକୁ ଆତ୍ମସ୍ଥ କରି କେହି ବି ଜଣେ ନୀତିବାନ, ଧର୍ମଜ୍ଞ ହୋଇପାରେ। 

କିନ୍ତୁ ସର୍ବତ୍ର ଏପରି ଦେଖାଯାଏ ନାହିଁ। କଦାଚିତ୍‌ ଦେଖାଯାଏ, ଧାର୍ମିକତା ଧନୀ-ଦରିଦ୍ର, ଜ୍ଞାନୀ-ଅଜ୍ଞାନ ନିର୍ବିଶେଷରେ ଥାଏ। ଜଣେ ଧନୀ ହୋଇ ଧାର୍ମିକ ହୋଇପାରେ। ସୁଦାମା ପରି ଦରିଦ୍ର ମଧ୍ୟ ପରମ ଜ୍ଞାନୀ ଓ ଧାର୍ମିକ ହୋଇପାରେ। ମହାମାନୀ ଦୁର୍ଯ୍ୟୋଧନ ହସ୍ତିନାର ରାଜା ତଥା ଅଚଳାଚଳ ସମ୍ପତ୍ତିର ମାଲିକ ହୋଇ ମଧ୍ୟ ଧାର୍ମିକତାର ଧାର ଧାରି ନ ଥିଲେ। ତେବେ ପ୍ରଜାମାନଙ୍କୁ ସୁଶାସନ ଦେବାର ଜ୍ଞାନ ଯେ ତାଙ୍କର ନ ଥିଲା, ତାହା ନୁହେଁ। ପାଣ୍ଡବମାନଙ୍କର ବନବାସ ସମୟରେ ଜଣେ କିରାତ ଦୁର୍ଯ୍ୟୋଧନ-ଶାସିତ ସମଗ୍ର ହସ୍ତିନାପୁର ଭ୍ରମଣ କରି ବନବାସରେ ଥିବା ଯୁଧିଷ୍ଠିରାଦି ପାଣ୍ଡବମାନଙ୍କୁ ରାଜ୍ୟରେ ପ୍ରଜାମାନେ ଅତ୍ୟନ୍ତ ଆନନ୍ଦରେ ଜୀବନଯାପନ କରୁଛନ୍ତି ବୋଲି ଖବର ଦେଇଥିଲେ। ଅନ୍ୟାୟ ଅନୀତିର ମୂର୍ତ୍ତିମନ୍ତ ସ୍ବରୂପରୂପେ ଜଣାଶୁଣା ଦୁର୍ଯ୍ୟୋଧନଙ୍କଠାରେ ଏତେ ଶୃଙ୍ଖଳିତ ଭାବରେ ରାଜ୍ୟ ଶାସନ କରିବାର ଜ୍ଞାନ ଆସିଲା କେଉଁଠୁ? ବାସ୍ତବରେ ଧର୍ମ ଏବଂ ଅଧର୍ମର ଜ୍ଞାନ ସମସ୍ତଙ୍କଠାରେ ଥାଏ। ଦୁର୍ଯ୍ୟୋଧନଙ୍କର ମଧ୍ୟ ଥିଲା। ହସ୍ତିନାର ପ୍ରଜାମାନେ ପାଣ୍ଡବମାନଙ୍କୁ ଯେପରି ସମ୍ପୂର୍ଣ୍ଣରୂପେ ଭୁଲିଯିବେ, ତାହା ସୁନିଶ୍ଚିତ କରିବା ଲାଗି ସେ ସୁଶାସନ ଦେଉଥିଲେ। 

ସ୍ବଚ୍ଛତାର ସହିତ ଧନ ଅର୍ଜନ କରିବାକୁ ଶପଥ ନେଇଥିବା ଲୋକଟିର କେତେବେଳେ ଅସ୍ବଚ୍ଛତାର ଶିଉଳିରେ ଗୋଡ଼ ଖସିଯାଏ, ତାହା ସେ ନିଜେ ଜାଣିପାରେ ନାହିଁ। ଅଶେଷ ଜ୍ଞାନର ଅଧିକାରୀ ଅଥଚ ନୀତିଭ୍ରଷ୍ଟ ଲୋକଙ୍କର ଏ ସମାଜରେ ଅଭାବ ନାହିଁ। ଶାସ୍ତ୍ରପୁରାଣରେ ଅଖଣ୍ଡ ଦକ୍ଷତା ଥିବା ଲୋକର ସାଧାରଣ ବ୍ୟବହାର ନିତାନ୍ତ ଅମାର୍ଜିତ ଥିବା ଦେଖାଯାଏ। କଥାରେ କଥାରେ ଗଭୀର ଦର୍ଶନର ବାର୍ତ୍ତା ଉଛୁଳୁଥିବା ଲୋକର ଉଚ୍ଛୃଙ୍ଖଳିତ ଆଚରଣ ଏବଂ ଦୁଷ୍କୃତିପୂର୍ଣ୍ଣ ବ୍ୟବହାର ଦେଖିଲେ ବିସ୍ମୟର ସୀମା ରହେନାହିଁ। 

ଯେଉଁଠି ଧନୀ ଲୋକଟିଏ ଜ୍ଞାନୀ ଅବା ଧାର୍ମିକ ହେବା ଦେଖାଯାଏ, ସେଇଠି ସଂସାରର ଅଶେଷ ଉପକାର ସାଧିତ ହେବା ଆଶା କରାଯାଏ। କିନ୍ତୁ ଏପରି ପରିସ୍ଥିତି କ୍ୱଚିତ୍‌ ଆସେ। ସାଧାରଣତଃ ଆମେ ଯାହା ଦେଖୁ, ଧନ ଅଛି ତ ବିବେକ ନାହିଁ। ଧନ ଅର୍ଜନ କରୁକରୁ ନୀତି-ନୈତିକତାର ଗଣ୍ଠିଲିଟିକୁ କେଉଁଠି ହଜେଇଦିଏ ମଣିଷ। ଜ୍ଞାନ ଅଛି ତ ତାକୁ ଠିକ୍‌ରୂପେ ପ୍ରୟୋଗ କରିବାର ଆକାଙ୍‌କ୍ଷା ନାହିଁ କି ମାନସିକତା ନାହିଁ। ଜ୍ଞାନକୁ ପ୍ରୟୋଗ କରି ଧନ ଅର୍ଜନ କରିବା ତା’ର ଗୋଟାଏ ନିଶା ହୋଇଯାଉଛି। ଧାର୍ମିକତା ଅଛି ତ ସେ ନିର୍ଦ୍ଧନ ହୋଇଛି। ଧନ ଯାହାପାଖରେ ଅଛି, ତା’ର ନିର୍ବିବେକପଣିଆ ଅନେକଙ୍କୁ କଷ୍ଟ ଦେଉଛି। ଜ୍ଞାନୀ ନିଜର ଜ୍ଞାନକୁ ବିତରଣ କରିବାକୁ ନିଃସ୍ପୃହ ଏବଂ ଅକ୍ଷମ। ଧାର୍ମିକତା ନିନ୍ଦାର ଭଉଁରିରେ। ଯେତେ କମ୍‌ ହେଉ ପଛେ ନୈତିକତାର ସହିତ ଧନ ଅର୍ଜନ କରିବା ଉଚିତ- ଏପରି ବିଚାର ଆଉ କେଉଁଠି ଦେଖିବାକୁ ମିଳୁନାହିଁ। ପ୍ରକୃତ କଥା ହେଲା- ବଞ୍ଚତ୍ବା ପାଇଁ ଯେତିକି ଧନ ଆବଶ୍ୟକ, ତାହା ପ୍ରତିଦିନର ପରିଶ୍ରମ ଦ୍ୱାରା ଅର୍ଜନ କରାଯାଇପାରିବ। ସେପରି ବ୍ୟବସ୍ଥା ବିିଧିଦ୍ୱାରା ସ୍ଥିରୀକୃତ। କିନ୍ତୁ ତା’ଦ୍ୱାରା କୁଢ଼କୁଢ଼ ସମ୍ପତ୍ତି ଠୁଳ କରିବା ସମ୍ଭବ ହେବନାହିଁ। ପ୍ରଚୁର ସମ୍ପତ୍ତି ଠୁଳ କରିବାର ଇଚ୍ଛା ଥିଲେ ଅନୈତିକତାର ସାହାଯ୍ୟ ନେବାକୁ ହୋଇଥାଏ। ଆଜିର ସମାଜରେ ଧନର ବହୁଳତାକୁ ସାମାଜିକ ପ୍ରତିଷ୍ଠାର ପ୍ରମୁଖ କାରଣରୂପେ ଗ୍ରହଣ କରାଯାଉ ଥିବାରୁ ଯେ କୌଣସି ମାର୍ଗରେ ଅଣନିଃଶ୍ୱାସୀ ହୋଇ ଧନ ଅର୍ଜନ କରିବାକୁ ସମସ୍ତେ ତପତ୍ର। 

ଜଣେ ବିଚାରବାନ୍‌, ପ୍ରଜ୍ଞାବାନ୍‌ ଏବଂ ବୁଦ୍ଧିଦୀପ୍ତ ଭାବରେ ସାମାଜିକ ପ୍ରତିଷ୍ଠା ଲାଭ କରିବା ତଥା ସାମାଜିକ କର୍ତ୍ତବ୍ୟ ପାଳନ କରିବା, ଜ୍ଞାନ ଅର୍ଜନ କରିବାର ପ୍ରମୁଖ ଉଦ୍ଦେଶ୍ୟ ବୋଲି ବିବେଚିତ ହୋଇଥାଏ। କିନ୍ତୁ ଆଜିର ଦୁନିଆର ଚିତ୍ର ଅଲଗା। ସେଇଠି ଏସବୁ କଥା ସ୍ବପ୍ନପ୍ରାୟ ମନେହୁଏ। ଅର୍ଥସଂଗ୍ରହ ହିଁ ଜ୍ଞାନାର୍ଜନର ଏକମାତ୍ର ଉଦ୍ଦେଶ୍ୟ ବୋଲି ସାଧାରଣଭାବେ ଗ୍ରହଣ କରାଯାଏ। ଜ୍ଞାନ ଏବଂ ଧନ ଏ ଦୁହେଁ ସତେ ଯେମିତି ନିକିତିର ଦୁଇପାଖରେ ପଡି ଅନବରତ ତଉଲି ହେଉଥାନ୍ତି। ଅଧିକ ପାଠପଢ଼ି ଯେଉଁମାନେ ପ୍ରତିଷ୍ଠା ଲାଭକରନ୍ତି, ସେମାନେ କର୍ତ୍ତବ୍ୟନିଷ୍ଠା ତଥା ସାମାଜିକ ଦାୟିତ୍ୱକୁ ଭୁଲି କେବଳ ଧନସଂଗ୍ରହରେ ମନୋନିବେଶ କରନ୍ତି। ବ୍ୟଭିଚାର-ଅସାମାଜିକତାର ନଗ୍ନ ରୂପ। ଚୋରି କରିବା, ଲାଞ୍ଚ ଗ୍ରହଣ କରିବା ପରି ଅସ୍ବୀକୃତ ଯୌନ ଲାଳସା ଚରିତାର୍ଥ କରିବା ଏକ ସାଧାରଣ ଘଟଣାରେ ପରିଣତ ହୋଇଯାଏ। ଅସ୍ବଚ୍ଛ ମନସହିତ ଅସାମାଜିକତାର ଶିଉଳିରେ ଥରେ ଗୋଡ଼ ଖସିବା ଆରମ୍ଭ ହେଲେ ତାହା କେବେ କେଉଁଆଡେ ଯାଏ ତା’ର ହିସାବ ମିଳେନା। ମନୁଷ୍ୟର ମନ ଅର୍ଥସର୍ବସ୍ବ ହେଲେ ତା’ର ପରିଣାମ ଭୟଙ୍କର ହୋଇଯାଏ। ଆଜିକାଲି ଲବ୍ଧପ୍ରତିଷ୍ଠ ବ୍ୟକ୍ତିମାନଙ୍କର ବିଭିନ୍ନ କାରନାମାରେ ଧରାପଡି ଗିରଫ ହୋଇ ପୋଲିସ ଗାଡ଼ିରେ ହାଜତକୁ ନିଆଯାଉଥିବାର ଦୃଶ୍ୟ ପ୍ରାୟ ଆଖିରେ ପଡ଼େ। ସେଥିରେ ଆମେ ସାଧାରଣ ଜନତା ଖୁସି ହେବା ନା ଦୁଃଖ କରିବା?

ଦଶରଥପୁର, ଯାଜପୁର, ମୋ- ୯୪୩୮୩୨୮୭୫୫

All Right Reserved By

ସମ୍ପାଦକୀୟ |

ଶବଦାହରେ ଘଷି

ଶବଦାହରେ ଘଷି

ପରିବେଶ ପରିଚିନ୍ତା/ ମାନେକା ଗାନ୍ଧୀ

ଭାରତରେ ପ୍ରତିଦିନ ଲକ୍ଷ ଲକ୍ଷ ଲୋକ ମରୁଛନ୍ତି। ମୁସଲମାନମାନେ ମୃତ ଲୋକର ଶବକୁ ପୋତିଦିଅନ୍ତି ଏବଂ ହିନ୍ଦୁମାନେ ତାକୁ ଅଗ୍ନିରେ ଦାହ କରନ୍ତି। ପାରମ୍ପରିକ ଭାବେ ଦାହ ପାଇଁ କାଠ ବ୍ୟବହୃତ ହୋଇ ଆସୁଥିବା ବେଳେ ଆଜିକାଲି ବିଦ୍ୟୁତ୍‌ଶକ୍ତି ଓ ଗ୍ୟାସ୍‌ ମଧ୍ୟ ବ୍ୟବହୃତ ହେଲାଣି।  କିନ୍ତୁ ଆଜିକାଲି ଜାଳେଣି କାଠର ଘୋର ଅଭାବ। ଦିଲ୍ଲୀରେ ସରକାରୀ ଗାର୍ଡନରମାନେ ଗଛର ଅଳ୍ପ କିଛି ଛୋଟ ଡାଳ କାଟିବାର ଛଳନା କରନ୍ତି। କିନ୍ତୁ ସେମାନେ ପ୍ରାୟ ସବୁ ବଡ଼ ବଡ଼ ଡାଳ କାଟନ୍ତି ଓ ସେସବୁକୁ ନିଗମବୋଧ ଘା..

ଅଶ୍ଳୀଳତାକୁ ନେଇ ଛଳନା

ଅଶ୍ଳୀଳତାକୁ ନେଇ ଛଳନା

ଡ. ସୁବାସ ଚନ୍ଦ୍ର ପାତ୍ର

ଅଶ୍ଳୀଳତାକୁ ନେଇ ମଣିଷର ଛଳନା ଇତିହାସ ପରି ପୁରୁଣା। କିଛିଦିନ ତଳେ ଖଣ୍ଡଗିରି ଯାତ୍ରା ମହୋତ୍ସବ ଅବସରରେ କୌଣସି ଏକ ଅପେରା ମଞ୍ଚ ଉପରେ ମନୋରଞ୍ଜନ ଆଳରେ ଜଣେ ମହିଳା କଳାକାର ଅଙ୍ଗ ପ୍ରଦର୍ଶନ ସହ ଅଶ୍ଳୀଳ ନୃତ୍ୟ ପରିବେଷଣ କରିବାର ଅଭିଯୋଗ ଆସିଲା। ପରବର୍ତ୍ତୀ ସମୟରେ ବିଭିନ୍ନ ଟିଭି ଚ୍ୟାନେଲ ତାଙ୍କ ସହ ସାକ୍ଷାତ୍‌କାର ପ୍ରସାରଣ କଲେ ଏବଂ ଆଉ କେତେକ ଚ୍ୟାନେଲ ପ୍ରତିବାଦ ବାହାନାରେ ସେହି ତଥାକଥିତ ନଗ୍ନ ନୃତ୍ୟକୁ ବାରମ୍ବାର ପ୍ରଦର୍ଶନ ମଧ୍ୟ କଲେ। ଜଣେ ରାଜାଙ୍କୁ ଯଦି ତାଙ୍କ ପାର୍ଷଦ କହେ, ‘ମଣିମା, ଆପଣଙ୍କ ବଡ଼ଗୁଣ ହେଲା ଆପଣ ତୋଷାମଦି ଭଲପାଆନ୍ତି ନାହିଁ,’ ଏ କଥାଟି ଯେମିତି ଏକ ତୋଷା..

ସ୍ବଚ୍ଛ ପାନୀୟ ଜଳ ଆମ ଅଧିକାର

ସ୍ବଚ୍ଛ ପାନୀୟ ଜଳ ଆମ ଅଧିକାର


ବିକାଶ କୁମାର ପତି

ଚିରନ୍ତନ ବିକାଶ ଲକ୍ଷ୍ୟ ସମସ୍ତଙ୍କୁ ୨୦୩୦ ସୁଦ୍ଧା ପାନୀୟ ଜଳ ଯୋଗାଇବା ପାଇଁ ଉଦ୍ଦିଷ୍ଟ। ଅର୍ଥାତ୍‌, କେହି ବି ପାନୀୟ ଜଳ ପାଇବାରୁ ବଞ୍ଚିତ ହେବେନି। କିନ୍ତୁ ଆଜି ବି ଲକ୍ଷ ଲକ୍ଷ ଲୋକ ସ୍ବଚ୍ଛ ପାନୀୟ ଜଳ ବିନା ବଞ୍ଚୁଛନ୍ତି- ତାଙ୍କ ପରିବାର, ବିଦ୍ୟାଳୟ, କର୍ମକ୍ଷେତ୍ର, ସବୁଠି ବଞ୍ଚିବା ପାଇଁ ଓ ତୃଷ୍ଣା ମେଣ୍ଟେଇବା ପାଇଁ କଷ୍ଟ କରୁଛନ୍ତି। ଜାତିସଂଘର ଜଳ ଉପରେ କାମ କରୁ..

ଏଇ ଭାରତରେ

ଏଇ ଭାରତରେ

କୁହାଯାଏ ବିବାହ ଯୋଡ଼ି ଈଶ୍ୱରଙ୍କ ଦରବାରରେ ପୂର୍ବରୁ ନିର୍ଦ୍ଧାରିତ ହୋଇଥାଏ। ଏହାକୁ ଖଣ୍ଡନ କରିବା ସହଜ ନୁହେଁ। ମଧ୍ୟପ୍ରଦେଶର ଖଣ୍ଡଓ୍ବାରେ ଏପରି ଏକ ବିରଳ ବାହାଘର ସମ୍ପନ୍ନ ହୋଇଛି। ଖଣ୍ଡଓ୍ବା ଅନ୍ତର୍ଗତ ପୁନାସା ଗଁାର ବାସିନ୍ଦା ଧନେଶ ରାଜବୈଦ ନିମାଡ ନିବାସୀ ଚେତନା ଶର୍ମାଙ୍କୁ ବିବାହ କରିଛନ୍ତି। ଉଭୟ କନ୍ୟା ଓ ବରଙ୍କ ଉଚ୍ଚତା ୩୬ ଇଞ୍ଚ। ଉଚ୍ଚତା କମ୍‌ ..

ସମ୍ପାଦକୀୟ/ ଛଦ୍ମ ଦେଶପ୍ରେମ

ସମ୍ପାଦକୀୟ/ ଛଦ୍ମ ଦେଶପ୍ରେମ

ସାଧାରଣତଃ ଉତ୍ତରପ୍ରଦେଶ ଓ ବିହାର ବୋର୍ଡ ପରୀକ୍ଷାରେ ପିଲାମାନେ ବହୁ ସମୟରେ ଅଜବ ଓ ଅଦ୍ଭୁତ ଉତ୍ତର ଲେଖିଥିବା ଶୁଣିବାକୁ ମିଳିଛି। ଏପରିକି ଭଲ ମାର୍କ୍ସ ପାଇବା ପାଇଁ ଉତ୍ତର ଖାତାରେ ଟଙ୍କା ଷ୍ଟାପଲ୍‌ କରିବାର ନଜିର ଅଛି।  ‘ବାପା ଗରିବ ଲୋକ, ପୁଣି ଥରେ ପରୀକ୍ଷା ଦେବା ଲାଗି ଟଙ୍କା ଦେଇପାରିବେ ନାହିଁ, ତେଣୁ ମୋତେ ପାସ୍‌ କରିଦିଅନ୍ତୁ’ କହି କେତେକ ପରୀ..

ସ୍ବାସ୍ଥ୍ୟସେବାରେ ଦଳୀୟ ସ୍ବାର୍ଥ

ସ୍ବାସ୍ଥ୍ୟସେବାରେ ଦଳୀୟ ସ୍ବାର୍ଥ

ଡ. ନିଖିଳାନନ୍ଦ ପାଣିଗ୍ରାହୀ

ଚିକିତ୍ସାଳୟରେ ରୋଗୀ ଓ ତାଙ୍କ ସମ୍ପର୍କୀୟଙ୍କ ଆଖି ଆଗରେ କାହାର ଛବି ନାଚି ଉଠିଥାଏ? କିଛି ସାଧାରଣ ଲୋକ ମନେ କରୁଥିବେ ମୁଖ୍ୟମନ୍ତ୍ରୀ ବା ପ୍ରଧାନମନ୍ତ୍ରୀଙ୍କ ମୁଖମଣ୍ଡଳ। ଏମିତି ଏକ ଧାରଣା ଜନ୍ମିବା ପଛରେ ବିଭିନ୍ନ ନେତା ଓ ସମର୍ଥକମାନଙ୍କ ଜବରଦସ୍ତ ପ୍ରଚାର, ଅସଂଖ୍ୟ ବିଜ୍ଞାପନ ଏବଂ ରାସ୍ତାକଡ଼ର ତତ୍‌ସମ୍ପର୍କିତ ଏକାଧିକ ହୋର୍ଡିଂର ପ୍ରଭାବ ବି..

ଘରଚଟିଆର ତୁଳନା ନାହିଁ

ଘରଚଟିଆର ତୁଳନା ନାହିଁ

ପୀତାମ୍ବର ରାଉତ

ମହାନ୍‌ ପରିବେଶବିତ୍‌ ମହମ୍ମଦ ଦିଲଓ୍ବାର୍‌ଙ୍କ ଉଦ୍ୟମରେ ୨୦୧୦ରୁ ପ୍ରତିବର୍ଷ ମାର୍ଚ୍ଚ ୨୦ ତାରିଖକୁ ବିଶ୍ୱ ଘରଚଟିଆ ଦିବସ ରୂପେ ସମଗ୍ର ବିଶ୍ୱରେ ପାଳନ କରାଯାଇ ଆସୁଛି। ଘରଚଟିଆର ବୈଜ୍ଞାନିକ ନାମ ପାସେରିଡି। ଭୂମଧ୍ୟସାଗରୀୟ ଅଞ୍ଚଳରୁ ଆରମ୍ଭ କରି ବ୍ରିଟେନ୍‌, ଫ୍ରାନ୍ସ, ପ୍ୟାରିସ୍‌, ଜର୍ମାନୀ, ବେଲଜିୟମ୍‌, ଇଟାଲୀ, ନେଦରଲାଣ୍ଡ ଓ ଫିନ୍‌ଲାଣ୍ଡ..

ଏଇ ଭାରତରେ

ଏଇ ଭାରତରେ

ଜଣେ ବ୍ୟକ୍ତି ୧୦ଲକ୍ଷ ଟଙ୍କା ରାସ୍ତାପାର୍ଶ୍ୱରୁ ପାଇ ଫେରାଇଦେବା ଘଟଣା ତାଙ୍କୁ ମହାନତାର ପରିଚୟ ଦେଇଛି। ଏଥିପାଇଁ ଉକ୍ତ ବ୍ୟକ୍ତିଙ୍କୁ ପୁରସ୍କାର ସ୍ବରୂପ ୨ଲକ୍ଷ ଟଙ୍କା ଦିଆଯାଇଛି।  ଦିଲୀପ ପୋଦ୍ଦାର ନାମକ ଜଣେ ବ୍ୟକ୍ତି ସୁରଟର ଉମ୍ରା ଅଞ୍ଚଳରେ ଶାଢ଼ି ଶୋ’ରୁମ୍‌ରେ ସେଲ୍ସମ୍ୟାନ୍‌ ଭାବେ କାମ କରନ୍ତି। ପୋଦ୍ଦାର ମଧ୍ୟାହ୍ନଭୋଜନ ସାରି ଡ୍ୟୁଟିକୁ ଫେରୁଥିବା ବେଳେ ରାସ୍ତାପାର୍ଶ୍ୱରେ ଏକ ବ୍ୟାଗ୍‌..

ସମ୍ପାଦକୀୟ/ଅନୁଚିତ ନିଯୁକ୍ତି

ସମ୍ପାଦକୀୟ/ଅନୁଚିତ ନିଯୁକ୍ତି

ସୁପ୍ରିମ୍‌କୋର୍ଟର ପୂର୍ବତନ ବିଚାରପତି ପିନାକୀ ଚନ୍ଦ୍ର ଘୋଷ ଦେଶର ପ୍ରଥମ ଲୋକପାଳ ହେବା ମାର୍ଚ୍ଚ ୧୭ରେ ସ୍ଥିର ହୋଇଛି। ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ଅଧ୍ୟକ୍ଷତାରେ ଗଠିତ ଉଚ୍ଚ ସ୍ତରୀୟ ଚୟନ କମିଟି ତାଙ୍କ ନାମ ସୁପାରିସ କରିଥିଲା। ଲୋକପାଳ ଚୟନ ନେଇ ଫେବୃୟାରୀ ଶେଷ ସୁଦ୍ଧା ନିଷ୍ପତ୍ତି ନେବାକୁ ସୁପ୍ରିମକୋର୍ଟ କେନ୍ଦ୍ର ସରକାରଙ୍କୁ ନିର୍ଦ୍ଦେ..

ମୃତ୍ୟୁ ପରେ ଜୀବନ

ମୃତ୍ୟୁ ପରେ ଜୀବନ

ବୈକୁଣ୍ଠନାଥ ମିଶ୍ର

ଜନ୍ମ ପରେ ମୃତ୍ୟୁ ଏକ ଅବଧାରିତ ସତ୍ୟ। ଆଧୁନିକ ବିଜ୍ଞାନ ସବୁ କ୍ଷେତ୍ରରେ ସଫଳତା ପାଇଥିଲେ ମଧ୍ୟ ମୃତ୍ୟୁକୁ ଟାଳିପାରି ନାହିଁ। ମୃତ୍ୟୁ ପରବର୍ତ୍ତୀ ଘଟଣା ଉପରେ ବିଜ୍ଞାନ ସମ୍ପୂର୍ଣ୍ଣ ନୀରବ। ତଥାପି କେତେକ ଘଟଣା ଓ ତତ୍‌ସମ୍ବନ୍ଧୀୟ ମତାମତକୁ ପରୀକ୍ଷା କଲେ ଆମେ ମୃତ୍ୟୁପରବର୍ତ୍ତୀ ଅବସ୍ଥା ବିଷୟରେ ଅନୁମାନ କରିପାରିବା। ଆଜକୁ ବହୁବର୍ଷ ପୂର୍ବର ଏକ ଘଟଣା ଏବେ ମଧ୍ୟ ମୋ ହୃଦୟରେ ଆଲୋଡନ ସୃଷ୍ଟି କରେ। ଶୈଶବ ସମୟରେ ଘଟିଥିବା ଉକ୍ତ ଘଟଣାର ଜଟିଳତାକୁ ହୃ..

ଗୋପାଳଙ୍କ ଓଗାଳ

ଗୋପାଳଙ୍କ ଓଗାଳ

ଡ. ଭାଗ୍ୟଲିପି ମଲ୍ଲ

ଦୋଳପୂନେଇଁ ଆସିଲେ ମନେପଡ଼େ ଗଁା ଦାଣ୍ଡ। ସଞ୍ଜ ଆକାଶରେ ଉଇଁ ଆସୁଥାଏ ଉକିଆ ଜହ୍ନ। ଜହ୍ନ ଉପରକୁ ଉଠେ। ପବନରେ ଭାସି ଆସେ କୃଷ୍ଣ-ସଂଗୀତ। ”ଫଗୁଣ ମାସରେ ଦୋଳଗୋବିନ୍ଦ, ଫଗୁ ଖେଳୁଥା’ନ୍ତି ପରମାନନ୍ଦ। ଫଗୁ ଗୁଣ୍ଡିରେ ଝିମିରି ମିଶାଇ, ଫଗୁ ଖେଳୁଥା’ନ୍ତି ଯଦୁ ଗୋସାଇଁ, ମୋ’ କାହ୍ନାରେ।“ ..

ଏଇ ଭାରତରେ

ଏଇ ଭାରତରେ

ଦେଶର ବିିଭିନ୍ନ ସମ୍ପ୍ରଦାୟ ମଧ୍ୟରେ ବେଳେବେଳେ ଉତ୍ତେଜନା ସୃଷ୍ଟିହୁଏ। ଏଥିପାଇଁ ଧନସମ୍ପଦ କ୍ଷୟ ହେବା ସହିତ ଜୀବନ ହାନି ମଧ୍ୟ ଘଟିଥାଏ। କିନ୍ତୁ ଜୀବନ ମରଣ ସମସ୍ୟାରେ ପଡ଼ିବା ପରେ ଦୁଇ ସମ୍ପ୍ରଦାୟର ବ୍ୟକ୍ତିଙ୍କ ମନରେ ସୃଷ୍ଟି ହୋଇଛି ମାନବିକତା। ଏଭଳି ଏକ ନିଆରା ଉଦାହରଣ ସୃଷ୍ଟି କରିଛନ୍ତି ହିନ୍ଦୁ ଓ ମୁସଲମାନ ସମ୍ପ୍ରଦାୟର ଦୁଇଜଣ ମହିଳା। ନିଜ ନିଜ ସ୍ବାମୀଙ୍କ ଜୀବନ ବଞ୍ଚାଇବା..


Model This Week

ଚନ୍ଦନ, ସରିତା, ସୁଶିଲ, ସଙ୍ଘମିତ୍ରା