ବାଣିଜ୍ୟ |

ଟଙ୍କା ନ ଥିବାରୁ ଦରମା ଦେଇପାରୁନି ହାଲ୍‌;୧୦୦୦କୋଟି ଋଣ କରିବ

ଟଙ୍କା ନ ଥିବାରୁ ଦରମା ଦେଇପାରୁନି ହାଲ୍‌;୧୦୦୦କୋଟି ଋଣ କରିବ

ନୂଆଦିଲ୍ଲୀ,୬-୧: ପ୍ରତିରକ୍ଷା କ୍ଷେତ୍ରରେ ରାଷ୍ଟ୍ରାୟତ୍ତ କମ୍ପାନି ହିନ୍ଦୁସ୍ତାନ ଏରୋନଟିକ୍ସ ଲିମିଟେଡ(ହାଲ୍‌)ର ଆର୍ଥିକ ପରିସ୍ଥିତି ଅତ୍ୟନ୍ତ ଶୋଚନୀୟ ହୋଇପଡିଛି। କର୍ମଚାରୀଙ୍କୁ ଦରମା ଦେବା ଲାଗି ଏହା ନିକଟରେ ଅର୍ଥ ନାହିଁ। ବେତନ ଦେବା ଲାଗି କମ୍ପାନୀ ୧୦୦୦ କୋଟି ଟଙ୍କା ଋଣ ଆଣିିବ ବୋଲି ସିଏମ୍‌ଡି ଆର୍‌.ମାଧବନ ଗଣମାଧ୍ୟମକୁ କହିଛନ୍ତି। ଏପ୍ରିଲରୁ କମ୍ପାନୀ ନିକଟରେ କୌଣସି କାମ ନାହିଁ। ଅବସ୍ଥା ଏପରି ଯେ, ଏହା କୌଣସି ସାମଗ୍ରୀ କିଣିବା ସ୍ଥିତିରେ ନାହିଁ। ଏପରିକି ଭେଣ୍ଡରଙ୍କୁ ବକେୟା ଦେଇପାରୁନି। 

ଗଣମାଧ୍ୟମକୁ ଦେଇଥିବା ସୂଚନାରେ ସିଏମ୍‌ଡି ମାଧବନ କହିଛନ୍ତି ଯେ, ହାଲ୍‌ ନିକଟରେ ଆଦୌ ଅର୍ଥ ନାହିଁ। କର୍ମଚାରୀଙ୍କୁ ବେତନ ଦେବା ଲାଗି ଓଭରଡ୍ରାଫ୍ଟ ମାଧ୍ୟମରେ ଋଣ କରିବାକୁ ହେବ। ମାର୍ଚ୍ଚ ସୁଦ୍ଧା କମ୍ପାନୀର ବକେୟା ପ୍ରାୟ ୬ହଜାର କୋଟି ଟଙ୍କା ହେବ। ଯାହା ଆଦୌ ଗ୍ରହଣଯୋଗ୍ୟ ନୁହେଁ। ପ୍ରକଳ୍ପ ପାଇଁ ନୁହେଁ ବରଂ ଦୈନନ୍ଦିନ ଖର୍ଚ୍ଚ ତୁଲାଇବା ପାଇଁ କମ୍ପାନୀଙ୍କୁ ଏବେ ଋଣ କରିବାକୁ ହେବ ବୋଲି ସେ କହିଛନ୍ତି। ହାଲ୍‌ର ଓଭରଡ୍ରାଫ୍ଟ ସୀମାକୁ ୧୯୫୦ କୋଟି ଟଙ୍କାରୁ ବୃଦ୍ଧି କରିବା ଲାଗି ପ୍ର୍ରୟାସ ଚାଲିଛି। ଗତବର୍ଷ ସେପ୍ଟେମ୍ବରରୁ ଭାରତୀୟ ବାୟୁସେନା ଏହାର ବକେୟା ଦେଇ ନ ଥିବାରୁ ହାଲ୍‌ର ଏଭଳି ଅବସ୍ଥା ହୋଇଛି ବୋଲି ସେ କହିଛନ୍ତି। ୨୦୧୮ ଅକ୍ଟୋବର ସୁଦ୍ଧା ବାୟୁସେନାରୁ ହାଲ୍‌ ପ୍ରାୟ ୧୦ ହଜାର କୋଟି ଟଙ୍କା ପାଇନାହିଁ। ଡିସେମ୍ବର ସୁଦ୍ଧା ଏହା ୧୫,୭୦୦ କୋଟି ଟଙ୍କାକୁ ବୃଦ୍ଧି ପାଇଛି। ଚଳିତ ବର୍ଷ ମାର୍ଚ୍ଚ ସୁଦ୍ଧା ଏହା ପ୍ରାୟ ୨୦ ହଜାର କୋଟି ଟଙ୍କାରେ ପହଞ୍ଚତ୍ୟିବ ବୋଲି ସିଏମ୍‌ଡି ମାଧବନ କହିଛନ୍ତି। ସୂଚନାଥାଉ କି, ୨୦୧୭-୧୮ ଆର୍ଥିକ ବର୍ଷରେ ହାଲ୍‌ ଲାଗି ପ୍ରତିରକ୍ଷା ମନ୍ତ୍ରଣାଳୟ ପକ୍ଷରୁ ୧୩,୭୦୦ କୋଟି ଟଙ୍କାର ବଜେଟ୍‌ ଧାର୍ଯ୍ୟ ହୋଇଥିଲା। ୨୦୧୮-୧୯ରେ ଏଥିରେ ସଂଶୋଧନ କରାଯାଇ ୩୩,୭୧୫ କୋଟି ଟଙ୍କାକୁ ବୃଦ୍ଧି କରାଯାଇଛି। ତନ୍ମଧ୍ୟରେ ୨୦୧୭-୧୮ର ବକେୟା ସାମିଲ ରହିଛି। ଏଥିରୁ ୨୦,୨୮୭ କୋଟି ଟଙ୍କା ମିଳିଥିବା ବେଳେ ଅବଶିଷ୍ଟ ୧୬,୪୨୦ କୋଟି ଟଙ୍କା ପାଇବାକୁ ଅଛି। ଆଜିସୁଦ୍ଧା ବକେୟା ପରିମାଣ ୧୫,୭୦୦ କୋଟି ଟଙ୍କା ରହିଛି ବୋଲି ମାଧବନ କହିଛନ୍ତି। ସାମଗ୍ରୀ ଓ ସେବା ଯୋଗାଣ ବାବଦରେ କମ୍ପାନି ନିଜର ବକେୟା ଅର୍ଥ ଚାହୁଁଛି। ନିଜର ଖର୍ଚ୍ଚ ମେଣ୍ଟାଇବା ଲାଗି ଏହା ଅଗ୍ରିମ ଚାହୁଁନି। ୧୫,୭୦୦ କୋଟି ଟଙ୍କା ମଧ୍ୟରୁ ୧୪,୫୦୦ କୋଟି ଟଙ୍କା ବାୟୁସେନା ଦେବ। ଅବଶିଷ୍ଟ ଅର୍ଥ ସ୍ଥଳସେନା, ନାଭି ଓ କୋଷ୍ଟ ଗାର୍ଡଠାର ପାଇବାକୁ ଅଛି। ସେ କହିଛନ୍ତି ଯେ, ପ୍ରତିରକ୍ଷା ମନ୍ତ୍ରଣାଳୟ ସେନାବାହିନୀ ପାଇଁ ସର୍ବଦା ବଜେଟ୍‌ ପ୍ରସ୍ତୁତ କରନ୍ତି। ସେଠାରୁ କମ୍ପାନୀକୁ କାମ ବାବଦରେ ଅର୍ଥ ମିଳେ। ହାଲ୍‌ ନିକଟରେ ସର୍ବଦା ବଳକା ଅର୍ଥ ଥାଏ। ତେବେ ବିଗତ ୨ରୁ ୩ ଦଶନ୍ଧି ଭିତରେ ପ୍ରଥମଥର ଯେତେବେଳେ କମ୍ପାନି ନିକଟରେ ଅର୍ଥର ଅଭାବ ରହିଛି। ସୂଚନାଥାଉ କି, ୨୦୦୩-୦୪ରେ ହାଲ୍‌ ନିକଟରେ ସର୍ବନିମ୍ନ ୪,୮୪୧ କୋଟି ଟଙ୍କା ଥିଲା। ଚଳିତ ବର୍ଷ ମାର୍ଚ୍ଚ ୩୧ ତାରିଖ ସୁଦ୍ଧା ଏହା ନିକଟରେ ୬,୫୨୪ କୋଟି ଟଙ୍କା ଥିଲା, ଯାହା ହ୍ରାସ ପାଇ ସେପ୍ଟେମ୍ବର ୩୦ ତାରିଖସୁଦ୍ଧା ୧,୦୦୦ କୋଟି ଟଙ୍କାରେ ପହଞ୍ଚତ୍ଥିଲା। ତେବେ ଡିସେମ୍ବର ୩୧, ୨୦୧୮ ସୁଦ୍ଧା କମ୍ପାନି ନିକଟରେ  ଟଙ୍କାଟିଏ ନାହିଁ। ଗୋଟିଏ ମାସରେ କମ୍ପାନି ୧୩୦୦ରୁ ୧୪୦୦ କୋଟି ଟଙ୍କା ଖର୍ଚ୍ଚ କରିଥାଏ। ତନ୍ମଧ୍ୟରୁ ୩୫୮ କୋଟି ଟଙ୍କା ଦରମା ବାବଦରେ ଓ ଅବଶିଷ୍ଟ ସାମଗ୍ରି କିଣାରେ ବ୍ୟୟ ହୁଏ। ପ୍ରତି ମାସରେ ହେଉଥିବା ଖର୍ଚ୍ଚକୁ ଯୋଡିଲେ ଆଗାମୀ ଦିନରେ କମ୍ପାନିର ଅବସ୍ଥା ଅତ୍ୟନ୍ତ ଦୟନୀୟ ହୋଇଯିବ ବୋଲି ସିଏମ୍‌ଡି ପ୍ରକାଶ କରିଛନ୍ତି। ଏହାର ଗଭୀର ପ୍ରଭାବ ଅନ୍ୟ ପ୍ରକଳ୍ପ ଉପରେ ପଡିବ। ଗତବର୍ଷ କିଣାଯାଇଥିବା ସାମଗ୍ରି ଯୋଗୁ ଚଳିତ ବର୍ଷ ଏ ବାବଦରେ କିଣାଯିବାର ପ୍ରସ୍ତାବ ନାହିଁ। ଏପ୍ରିଲରୁ ଅର୍ଥ ଅଭାବରେ ବିମାନ ମରାମତି କାର୍ଯ୍ୟ ପ୍ରଭାବିତ ହେବ। ଏକ୍ଷେତ୍ରରେ ହାଲ୍‌ ବାର୍ଷିକ ୬ ହଜାର କୋଟି ଟଙ୍କା ଆୟ କରିଥାଏ ବୋଲି ମାଧବନ କହିଛନ୍ତି। ଅର୍ଥ ଅଭାବରେ ହାଲ୍‌ର କାର୍ଯ୍ୟ ସ୍ଥାଣୁ ପାଲଟିଲେ ଏହା ଉପରେ ନିର୍ଭରଶୀଳ ପ୍ରାୟ ୨୦୦୦ ଭେଣ୍ଡର ଅର୍ଥାତ୍‌ ଏମ୍‌ଏସ୍‌ଏମ୍‌ଇ ପ୍ରଭାବିତ ହେବେ। ସେମାନଙ୍କ ଆର୍ଥିକ ସ୍ଥିତି ଦୋହଲିଯିବ ଏହାହି ତାଙ୍କର ବଡ଼ ଚିନ୍ତା ବୋଲି ସିଏମ୍‌ଡି କହିଛନ୍ତି। 

All Right Reserved By

ବାଣିଜ୍ୟ |

୪ ଟ୍ରେନର ଅତିରିକ୍ତ ରହଣି

୪ ଟ୍ରେନର ଅତିରିକ୍ତ ରହଣି

ଭୁବନେଶ୍ୱର,୧୯-୨: ଯାତ୍ରୀ ସୁବିଧାକୁ ଧ୍ୟାନରେ ରଖି ୪ ଟ୍ରେନର ଅତିରିକ୍ତ ରହଣି ବ୍ୟବସ୍ଥା ସମ୍ପର୍କରେ ପୂର୍ବତଟ ରେଳପଥ ପକ୍ଷରୁ ଘୋଷଣା କରାଯାଇଛି। ହାଓଡା-ଟିଟଲାଗଡ-ହାଓଡା ଏକ୍ସପ୍ରେସ ବଡମାଳଠାରେ ଅଟକିବ ବୋଲି ଜଣାପଡ଼ିଛି।

ପୁଲଓ୍ବାମା ଶହୀଦଙ୍କ ଲାଗି ଏସ୍‌ବିଆଇର ଅଭିଯାନ

ପୁଲଓ୍ବାମା ଶହୀଦଙ୍କ ଲାଗି ଏସ୍‌ବିଆଇର ଅଭିଯାନ

ଭୁବନେଶ୍ୱର,୧୯-୨: ଜମ୍ମୁ କାଶ୍ମୀରର ପୁଲଓ୍ବାମାରେ ଶହୀଦ ବୀର ଜବାନଙ୍କ ଲାଗି ଭାରତୀୟ ଷ୍ଟେଟ ବ୍ୟାଙ୍କ (ଏସ୍‌ବିଆଇ) ପକ୍ଷରୁ ସ୍ବତନ୍ତ୍ର ଅଭିଯାନ ଘୋଷଣା କରାଯାଇଛି।

ବିଗ୍‌ ବଜାର ପକ୍ଷରୁ ‘ଦି ଗ୍ରେଟ୍‌ ଏକ୍ସଚେଞ୍ଜ’

ବିଗ୍‌ ବଜାର ପକ୍ଷରୁ ‘ଦି ଗ୍ରେଟ୍‌ ଏକ୍ସଚେଞ୍ଜ’

ଭୁବନେଶ୍ୱର,୧୯-୨: ପ୍ରମୁଖ ହିପର୍‌ମାର୍କେଟ ବିଗ୍‌ ବଜାର ପକ୍ଷରୁ ‘ଦି ଗ୍ରେଟ୍‌ ଏକ୍ସଚେଞ୍ଜ’ ସମ୍ପର୍କରେ ଘୋଷଣା କରାଯାଇଛି। ଏହା ଚଳିତ ମାସ ୧୬ ଠାରୁ ମାର୍ଚ୍ଚ ୨୪ ତାରିଖ ଯାଏ ବିଗ୍‌ ବଜାର ଷ୍ଟୋରଗୁଡ଼ିକରେ ଚାଲୁଛି। 

ବି.ଆର୍‌.ଲାଇଫ କଳିଙ୍ଗ ହସ୍ପିଟାଲର ସ୍ବନକ୍ଷତ୍ର ଦିବସ

ବି.ଆର୍‌.ଲାଇଫ କଳିଙ୍ଗ ହସ୍ପିଟାଲର ସ୍ବନକ୍ଷତ୍ର ଦିବସ

ଭୁବନେଶ୍ୱର,୧୯-୨: ବି.ଆର୍‌. ଲାଇଫ କଳିଙ୍ଗ ହସ୍ପିଟାଲର ୨୨ତମ ସ୍ବନକ୍ଷତ୍ର ଦିବସ ପାଳିତ ହୋଇଯାଇଛି। 

ମୀରା ମସଲାର ବିଜ୍‌ନେସ ମିଟ୍‌

ମୀରା ମସଲାର ବିଜ୍‌ନେସ ମିଟ୍‌

ଭୁବନେଶ୍ୱର,୧୯-୨: ମୀରା ମସଲା ପକ୍ଷରୁ ଏହାର ୨ୟ ବାର୍ଷିକ ବ୍ୟବସାୟିକ ସମ୍ମିଳନୀ ପୁରୀଠାରେ ଅନୁଷ୍ଠିତ ହୋଇଯାଇଛି। 

ଓକେସିଏଲ୍‌ ପକ୍ଷରୁ ବୁଟ୍‌ କ୍ୟାମ୍ପ

ଓକେସିଏଲ୍‌ ପକ୍ଷରୁ ବୁଟ୍‌ କ୍ୟାମ୍ପ

ଭୁବନେଶ୍ୱର,୧୯-୨: ଓଡ଼ିଶା ନଲେଜ କର୍ପୋରେଶନ ଲିମିଟେଡ (ଓକେସିଏଲ)ପକ୍ଷରୁ ବାର୍ଷିକ ବୁଟ୍‌ କ୍ୟାମ୍ପ-୨୦୧୯ ଅନୁଷ୍ଠିତ ହେଉଛି। 

ଉତ୍କଳିକାର କର୍ପୋରେଟ ଫେୟାର ଉଦ୍‌ଘାଟିତ

ଉତ୍କଳିକାର କର୍ପୋରେଟ ଫେୟାର ଉଦ୍‌ଘାଟିତ

ଭୁବନେଶ୍ୱର,୧୯-୨: ଉତ୍କଳିକା ପକ୍ଷରୁ ସ୍ଥାନୀୟ ଚନ୍ଦ୍ରଶେଖରପୁର ଇଣ୍ଡିଆନ ଅଏଲ ପେଟ୍ରୋଲ ଟାଙ୍କି ନିକଟରେ ଦ୍ୱିତୀୟ କର୍ପୋରେଟ ଫେୟାର ଉଦ୍‌ଘାଟିତ ହୋଇଛି।

ଆର୍‌ବିଆଇକୁ ସିଆଇସିଙ୍କ ଭର୍ତ୍ସନା

ଆର୍‌ବିଆଇକୁ ସିଆଇସିଙ୍କ ଭର୍ତ୍ସନା

 ନୂଆଦିଲ୍ଲୀ,୧୯-୨:  ବିମୁଦ୍ରୀକରଣ ତଥ୍ୟ ପ୍ରଦାନକୁ ନେଇ କେନ୍ଦ୍ରୀୟ ସୂଚନା କମିଶନ(ସିଆଇସି) ଭାରତୀୟ ରିଜର୍ଭ ବ୍ୟାଙ୍କ(ଆର୍‌ବିଆଇ)କୁ ଉର୍ତ୍ସନା କରିଛନ୍ତି। 

ଇଲେକ୍ଟ୍ରିକ ସହ ହାଇବ୍ରିଡ ଗାଡ଼ି ଲାଗି ମିଳିବ ପ୍ରୋତ୍ସାହନ

ଇଲେକ୍ଟ୍ରିକ ସହ ହାଇବ୍ରିଡ ଗାଡ଼ି ଲାଗି ମିଳିବ ପ୍ରୋତ୍ସାହନ

ନୂଆଦିଲ୍ଲୀ,୧୯-୨:  ପ୍ରଦୂଷଣ ନିୟନ୍ତ୍ରଣ ସହ ତୈଳ ଆମଦାନୀକୁ ହ୍ରାସ କରିବା ଲକ୍ଷ୍ୟରେ କେନ୍ଦ୍ର ସରକାର ଏବେ ହାଇବ୍ରିଡ ଗାଡ଼ିକୁ ଇଲେକ୍ଟ୍ରିକ ଗାଡ଼ି ସହ ଇନସେନଟିଭ ଦେବାକୁ ଯୋଜନା ପ୍ରସ୍ତୁତ କରିଛନ୍ତି। ଭାରି ଉଦ୍ୟୋଗ ବିଭାଗ ପକ୍ଷରୁ ପ୍ରସ୍ତୁତ ଯୋଜନା ଅଧୀନରେ ଫେମ୍‌(ଫାଷ୍ଟର ଆଡପ୍ସନ ଆଣ୍ଡ ମାନୁଫ୍ୟାକଚରିଂ ଅଫ୍‌ ହାଇବ୍ରିଡ ଆଣ୍ଡ ଇଲେକ୍ଟ୍ରିକ ଭେହିକିଲ୍ସ)-୨ରେ ଇଲେକ୍ଟ୍ରିକ ଗାଡ଼ି ସହ ହାଇବ୍ରିଡ ଗାଡ଼ିକୁ ମଧ୍ୟ ବିଭିନ୍ନ ଟିକସ ପ୍ରୋତ୍ସାହନ ଦିଆଯିବ ବୋଲି ଜଣେ ବରିଷ୍ଠ ଅଧିକାରୀ ପ୍ରକାଶ କରିଛନ୍ତି। 

ଠକାମୀର ଶିକାର ହେଉଛନ୍ତି ଗ୍ରାହକ;ଫ୍ଲାଇଟ୍‌ ବାତିଲ କରି ମାଲାମାଲ୍‌ ହେଉଛି ଏୟାରଲାଇନ୍ସ

ଠକାମୀର ଶିକାର ହେଉଛନ୍ତି ଗ୍ରାହକ;ଫ୍ଲାଇଟ୍‌ ବାତିଲ କରି ମାଲାମାଲ୍‌ ହେଉଛି ଏୟାରଲାଇନ୍ସ

ନୂଆଦିଲ୍ଲୀ,୧୯-୨:  ଯେକୌଣସି କାରଣ ଦର୍ଶାଇ ଏୟାରଲାଇନ୍ସ କମ୍ପାନୀ ପ୍ରାୟତଃ ବିମାନ ଯାତ୍ରା(ଫ୍ଲାଇଟ୍‌) ବାତିଲ କରିବାର ଦେଖାଯାଏ। ଗତ କିଛି ମାସ ହେବ ଏହା ବ୍ୟାପକ ହାରରେ ବଢ଼ିଯାଇଛି। ଗତ ସପ୍ତାହରେ ଦେଶର ଅଗ୍ରଣୀ ବିମାନ କମ୍ପାନୀ ଇଣ୍ଡିଗୋ ଗୋଟିଏ ଦିନରେ ୧୩୦ ଫ୍ଲାଇଟ୍ସ ବାତିଲ କରିବା ପରେ ହଇଚଇ ସୃଷ୍ଟି ହୋଇଛି। ଫ୍ଲାଇଟ୍ସ ବାତିଲ କରି ଏୟାରଲାଇନ୍ସ କମ୍ପାନୀ ମାଲାମାଲ ହେଉଥିବା ବେଳେ ବିଚରା ଗ୍ରାହକ ଠକାମୀର ଶିକାର ହେଉଛି। 

ସନ୍ଦିପ ଭଟ୍ଟନାଗର, ଅଶୋକ ପାଣ୍ଡେ ସିିବିଆଇସି ସଦସ୍ୟ

ସନ୍ଦିପ ଭଟ୍ଟନାଗର, ଅଶୋକ ପାଣ୍ଡେ ସିିବିଆଇସି ସଦସ୍ୟ

ନୂଆଦିଲ୍ଲୀ,୧୯-୨: ଭାରତୀୟ ରାଜସ୍ବ ସେବାର ଦୁଇ ବରିଷ୍ଠ ଅଧିକାରୀ ସନ୍ଦିପ ଭଟ୍ଟନାଗର ଏବଂ ଅଶୋକ କୁମାର ପାଣ୍ଡେଙ୍କୁ ସେଣ୍ଟ୍ରାଲ ବୋର୍ଡ ଅଫ୍‌ ଇନଡାଇରେକ୍ଟ ଟ୍ୟାକ୍ସେସ ଆଣ୍ଡ କଷ୍ଟମ୍ସ(ସିିବିଆଇସି)ର ସଦସ୍ୟ ଭାବେ ନିଯୁକ୍ତ କରାଯାଇଛି।

୨୮ ହଜାର କୋଟିର ଅନ୍ତରୀଣ ଲାଭାଂଶ ଦେବ ଆର୍‌ବିଆଇ

୨୮ ହଜାର କୋଟିର ଅନ୍ତରୀଣ ଲାଭାଂଶ ଦେବ ଆର୍‌ବିଆଇ

ମୁମ୍ବାଇ,୧୯-୨: କେନ୍ଦ୍ର ସରକାରଙ୍କୁ ୨୮ ହଜାର କୋଟି ଟଙ୍କାର ଅନ୍ତରୀଣ ଲାଭାଂଶ ଦେବାକୁ ସୋମବାର ରିଜର୍ଭ ବ୍ୟାଙ୍କ ବୋର୍ଡ ନିଷ୍ପତ୍ତି ନେଇଥିବା ନେଇ କେନ୍ଦ୍ରୀୟ ବ୍ୟାଙ୍କ ପକ୍ଷରୁ ଏକ ବିବୃତିରେ ସ୍ପଷ୍ଟ କରାଯାଇଛି।