ସମ୍ପାଦକୀୟ |

ଆଜିର ଅର୍ଥନୀତି/ ମାନବକୃତ ସଙ୍କଟ

ଆଜିର ଅର୍ଥନୀତି/ ମାନବକୃତ ସଙ୍କଟ

ସମ୍ପ୍ରତି ଚାଷୀ ଆତ୍ମହତ୍ୟା ଘଟଣା ଓଡ଼ିଶାର ସମସ୍ତ ଆଞ୍ଚଳିକ ଖବରକାଗଜରେ ମୁଖ୍ୟ ଶିରୋନାମା ପାଲଟିଛି। ଯଦି ଏପରି ଧାରା ଚାଲୁ ରହେ, ତେବେ ଚାଷୀ ଆତ୍ମହତ୍ୟାରେ ଓଡ଼ିଶା ଭାରତରେ ଏକ ନମ୍ବର ରାଜ୍ୟର ମାନ୍ୟତା ପାଇବାକୁ ବେଶିଦିନ ଲାଗିବ ନାହିଁ। ବରଗଡ଼, ବଲାଙ୍ଗୀର ପରି ଜିଲାରେ ଏହି ସମସ୍ୟା ଉତ୍କଟ ରୂପ ଧାରଣ କରିଛି, ଯଦିଚ ଅନ୍ୟ ଜିଲାଗୁଡ଼ିକରେ ବି ଏପରି ଘଟଣା କିଛି କମ୍‌ ଘଟୁନାହିଁ। ଚାଷ ଉଜୁଡ଼ିଯିବା, ଋଣ ଶୁଝି ନ ପାରିବା, ଋଣ ଶୁଝିବାକୁ ମହାଜନମାନଙ୍କ ଜୁଲମ୍‌, ଅମଳ ହ୍ରାସ, ରୋଜଗାରର ଅନ୍ୟ ବିକଳ୍ପର ଅଭାବ ପ୍ରଭୃତି ଚାଷୀ ଆତ୍ମହତ୍ୟାର ମୁଖ୍ୟ କାରଣ। ଗତ କିଛିଦିନ ହେଲା ପ୍ରାୟ ପ୍ରତିଦିନ ଏପରି ଦୁଃଖଦ ଖବର ଗଣମାଧ୍ୟମରେ ଦେଖିବାକୁ ମିଳୁଛି। ରାଜ୍ୟ ସରକାର ବୁଧବାର ବରଗଡ଼ ଜିଲାକୁ ଏକ ବୈଷୟିକ ବିଶେଷଜ୍ଞ ଦଳ ପଠାଇଥିଲେ। ସେମାନେ ଦେଇଥିବା ରିପୋର୍ଟ ଅନୁସାରେ ଚଳିତବର୍ଷ ଚାଷୀମାନେ ଅନନୁମୋଦିତ କୀଟନାଶକ ବହୁଳ ମାତ୍ରାରେ ବ୍ୟବହାର କରିଛନ୍ତି। କେବଳ ବରଗଡ଼ ଜିଲାରେ ସପ୍ତାହକ ଭିତରେ ଚାରିଜଣ କୃଷକ ଏପରି ଚରମ ପଦକ୍ଷେପ ନେଲେଣି। ଚକଡ଼ା ପୋକ ଧାନ ଫସଲକୁ ଉଜାଡ଼ି ଦେବାରୁ ତିନିଜଣ ହତାଶ ଚାଷୀ ମଙ୍ଗଳବାର ନିଜ ଉଜୁଡ଼ା ଫସଲରେ ନିଆଁ ଲଗାଇ ପୋଡ଼ିଦେଇଥିଲେ, ଯାହା ଥିଲା ସେମାନଙ୍କର ପ୍ରତିବାଦ କରିବାର ଏକ ନୂଆ ତରିକା। ଯଦିଚ ଓଡ଼ିଶାରେ ବର୍ଷାଭାବ ଓ ମରୁଡ଼ି କିଛି ନୂଆ କଥା ନୁହେଁ, ତଥାପି ଜିଲାରେ ଜଣକ ପରେ ଜଣେ ଚାଷୀ ଏପରି ଭାବେ ଆତ୍ମହତ୍ୟା କରିବା ଘଟଣା ଆଗରୁ କେବେ ଘଟି ନ ଥିଲା। ରାଜ୍ୟ ସରକାର ମରୁଡ଼ି ସାହାଯ୍ୟ ଘୋଷଣା କରିବା ସତ୍ତ୍ୱେ ଏପରି ଘଟଣା ଘଟୁଥିବାରୁ ଏଥିରୁ ପ୍ରମାଣିତ ହେଉଛି ଯେ, ସଙ୍କଟ ଟାଳିବାରେ ଏ ସାହାଯ୍ୟ ଘୋଷଣା ବିଫଳ ହୋଇଛି। ସଦ୍ୟତମ ଘଟଣାରେ କଳାପାଣି ଗଁାର ବୃନ୍ଦାବନ ସାହୁ ମଙ୍ଗଳବାର ତାଙ୍କର ୭ ଏକର ଉଜୁଡ଼ା ଫସଲରେ ନିଅଁା ଲଗାଇଦେଇ ବୁଧବାର ବିଷ ପିଇ ଆତ୍ମହତ୍ୟା କରିଛନ୍ତି। ଯଦି ପ୍ରଶାସନ ତାଙ୍କ ପାଖରେ ଠିକ୍‌ ସମୟରେ ପହଞ୍ଚିଥାନ୍ତା, ତେବେ ବୃନ୍ଦାବନଙ୍କ ଜୀବନ ରକ୍ଷା ପାଇଯାଇ ପାରିଥାନ୍ତା। ରାଜ୍ୟର ଅନେକ ଜିଲାକୁ ସରକାର ମରୁଡ଼ି ପ୍ରପୀଡ଼ିତ ଘୋଷଣା କରିବା ସହିତ ସେଥିପାଇଁ ସାହାଯ୍ୟ ବି ଘୋଷଣା କରିଛନ୍ତି। ମରୁଡ଼ି ସତ୍ତ୍ୱେ ଯେତିକି ବି ଫସଲ ବଞ୍ଚିଥିଲା, ତାକୁ ଚକଡ଼ା ଆଦି ପୋକମାନେ ଉଜାଡ଼ିଦେଲେ। ବରଗଡ଼, କଳାହାଣ୍ଡି, ବାଲେଶ୍ୱର ଓ ଗଞ୍ଜାମ ଜିଲାରୁ ରୋଗପୋକ ଆକ୍ରମଣର ଖବର ମିଳିଛି। ମରୁଡ଼ିରୁ ବଞ୍ଚିଯାଇଥିବା ହଜାର ହଜାର ହେକ୍ଟର ଧାନ ଫସଲ ରୋଗପୋକର ଶିକାର ହୋଇଛି। ବର୍ତ୍ତମାନ ଧାନ ପାଚିବା ସମୟ ଏବଂ ଚାଷୀମାନେ ଆଉ ୧୫ ଦିନ ଭିତରେ ଧାନ କାଟିବା ଯୋଜନାରେ ଥିଲେ। ଏପରି ସମୟରେ ଚକଡ଼ା ପୋକ, ଜଉପୋକ, କାଣ୍ଡବିନ୍ଧା ପୋକ, ପତ୍ରମୋଡ଼ା ରୋଗ ପ୍ରଭୃତି ଫସଲକୁ ଉଜାଡ଼ିଦେଲା। ନିଜର ପାଚିଲା ଧାନ ଫସଲ ନଷ୍ଟ ହେବାର ଦେଖି ଚାଷୀ ହତାଶ ହୋଇପଡ଼ିବା ସ୍ବାଭାବିକ। ଦୁଃଖ ଓ ହତାଶାରେ ସେମାନେ ହେକ୍ଟର ହେକ୍ଟର ଜମିରେ ନିଅଁା ଲଗାଇଦେଲେ। ବରଗଡ଼, ସମ୍ବଲପୁର, ଗଞ୍ଜାମ ଓ ରାୟଗଡ଼ା ଜିଲାରେ ଏପରି ଘଟଣା ଘଟିଥିବାର ଖବର ମିଳିଛି। ଯଦି ସମୟୋଚିତ ପଦକ୍ଷେପ ନିଆଯାଇଥାନ୍ତା, ତେବେ ରୋଗପୋକ ଆକ୍ରମଣରୁ ଫସଲକୁ ରକ୍ଷା କରାଯାଇପାରିଥାନ୍ତା। ଜିଲା କୃଷି ଅଧିକାରୀମାନେ ଚାଷୀମାନଙ୍କ ସହ କୌଣସି ସମ୍ପର୍କ ରଖୁନାହାନ୍ତି। ଉକ୍ତ ଉଚ୍ଚ ବେତନଭୋଗୀ ଅଫିସରମାନେ ନିଜ ବାତାନୁକୂଳିତ ପ୍ରକୋଷ୍ଠରୁ କ୍ୱଚିତ୍‌ ପଦାକୁ ବାହାରିଥାନ୍ତି। ସରକାର ଚାଷୀମାନଙ୍କ ହିତ ପାଇଁ ଯେଉଁସବୁ କାର୍ଯ୍ୟକ୍ରମ ଏହିସବୁ ଅଫିସରମାନଙ୍କ ଦ୍ୱାରା କରାଉଛନ୍ତି, ସେଗୁଡ଼ିକର ଠିକ୍‌ଭାବେ ତଦାରଖ କରାଯାଉ ନାହିଁ। ସଚେତନତା ଏବଂ ସମୟୋଚିତ ମାର୍ଗଦର୍ଶନର ଅଭାବ ଯୋଗୁ ଚାଷୀମାନେ ଲାଭଖୋର କୀଟନାଶକ କମ୍ପାନୀ ଓ ଡିଲରମାନଙ୍କ ପରାମର୍ଶ ନେବାକୁ ବାଧ୍ୟ ହେଉଛନ୍ତି। କୀଟନାଶକ ଓ ପୀଡ଼କମାରୀ ଔଷଧ ବିକ୍ରି କରୁଥିବା କମ୍ପାନୀମାନେ ଚାଷୀଙ୍କ ଦୁଃଖ ସମୟରେ ପ୍ରଚୁର ଲାଭ ଅର୍ଜନ କରିଥାନ୍ତି। ଡିଲର ଓ କମ୍ପାନୀ ଏଜେଣ୍ଟମାନେ ସରଳବିଶ୍ୱାସୀ କୃଷକମାନଙ୍କୁ ଭୁଲାଣିଆ କଥା କହି ନିଜ ଉତ୍ପାଦଗୁଡ଼ିକୁ ବିକ୍ରି କରିଥାନ୍ତି। କୃଷକମାନେ ଉକ୍ତ ବିଷାକ୍ତ ଔଷଧକୁ ପାଚିଲା କ୍ଷେତରେ ପକାଇଥାନ୍ତି। କିନ୍ତୁ ଔଷଧର ଭାଗମାପ ଭୁଲ୍‌ ହେଲେ ତାହା ଲାଭ ପରିବର୍ତ୍ତେ ଅଧିକ କ୍ଷତି କରିଥାଏ। ଅଧିକ କୀଟନାଶକ ପ୍ରୟୋଗ ଯୋଗୁ ଧାନଗଛ ଶୁଖି ନଷ୍ଟ ହୋଇଯିବା ପରି ଘଟଣା ସମ୍ବଲପୁର, ବରଗଡ଼ ଓ କଳାହାଣ୍ଡି ଜିଲାରେ ଘଟିଛି। ଅବିବେକୀ ବ୍ୟବସାୟୀମାନେ ଗୋଳିଆପାଣିରୁ ମାଛ ମାରିବା ଭଳି କୃଷକମାନଙ୍କ ଅସମୟରେ ସେମାନଙ୍କୁ ଶୋଷଣ କରିଥାନ୍ତି। ଜିଲାସ୍ତରୀୟ କୃଷି ଅଧିକାରୀମାନଙ୍କ ପାଖରେ ବିଶେଷଜ୍ଞ ଦଳ ଓ ବୈଜ୍ଞାନିକ ଯନ୍ତ୍ରପାତି ରହିଛି। ସେମାନେ ଗତାନୁଗତିକ ଧାରା ପରିତ୍ୟାଗ କରି ଏପରି ସଙ୍କଟ ସମୟରେ ଅତ୍ୟନ୍ତ ସକ୍ରିୟଭାବେ କାର୍ଯ୍ୟ କରିବା ଉଚିତ। ସେମାନେ ଗଁା ଗଁାରେ କୃଷକମାନଙ୍କୁ ଭେଟି ସେମାନଙ୍କୁ ଆବଶ୍ୟକ ପରାମର୍ଶ ଦେବା ଆବଶ୍ୟକ। ଫସଲରେ ରୋଗପୋକ ହେଲେ କି କି ଔଷଧ କେତେ ମାତ୍ରାରେ ପ୍ରୟୋଗ କରିବା କଥା ତାହା ସେମାନେ କୃଷକମାନଙ୍କୁ ଶିଖାଇବା ଦରକାର। ଏପରି ସକ୍ରିୟ ପଦକ୍ଷେପ ଓ ସମୟୋଚିତ କାର୍ଯ୍ୟାନୁଷ୍ଠାନ ଦ୍ୱାରା ବାରମ୍ବାର ଘଟୁଥିବା ଏତାଦୃଶ ମାନବକୃତ ସଙ୍କଟକୁ ଟାଳି ଦିଆଯାଇ ପାରିବ।

All Right Reserved By

ସମ୍ପାଦକୀୟ |

 କାହିଁକି ପାରୁନାହୁଁ

କାହିଁକି ପାରୁନାହୁଁ

ଆକାର ପଟେଲ ଶନିବାର ରୁଷିଆରେ ଆଇସ୍‌ଲାଣ୍ଡ ସହ ଆର୍ଜେଣ୍ଟିନା ଫିଫା ବିଶ୍ୱ କପ୍‌ ଖେଳିଛି। ବିଶ୍ୱ ର଼୍ୟାଙ୍କିଙ୍ଗ୍‌ରେ ୫ମ ଓ ୧୨ଶ ସ୍ଥାନରେ ଥିବା ଦୁଇଦଳ ମଧ୍ୟରେ ଏହି ଖେଳ ବଡ଼ ଚମକଦାର ଥିଲା। ତେବେ ଶେଷରେ ଖେଳ ଡ୍ର ରହିଲା। ସବୁଠାରୁ ମଜାର କଥା ହେଲା ମାତ୍ର ୩ ଲକ୍ଷ ଲୋକସଂଖ୍ୟା ଥିବା ଆଇସ୍‌ଲାଣ୍ଡ ମାତ୍ର ପ୍ରାୟ ୨ ବର୍ଷ ତଳେ ର଼୍ୟାଙ୍କିଙ୍ଗ୍‌ରେ ଭାରତଠାରୁ ତଳେ ୧୩୩ତମ ସ୍ଥାନରେ ଥିଲା। ଏହା ନିଜସ୍ବ ଶୈଳୀରେ ଇଂଲଣ୍ଡକୁ ହରାଇ ବିଶ୍ୱ କପ୍‌ ଖେଳିବାର ସୁଯୋଗ ପାଇଲା। ଭାରତ ୯୭ତମ ସ୍ଥାନରେ ଥାଇ ବି ବିଶ୍ୱ କପ୍‌ ଖେଳିବାରୁ ବଞ୍ଚିତ ହୋଇଛି। ..

 ତଳକୁ ଟିକେ ଚାହଁ

ତଳକୁ ଟିକେ ଚାହଁ

ଚିତ୍ର ଚରିତ୍ର/ ନିରଞ୍ଜନ ପାଢ଼ୀ ଜଣେ ଜିଜ୍ଞାସୁର ପ୍ରଶ୍ନ ଥିଲା ସ୍ବାମୀ ବିବେକାନନ୍ଦଙ୍କୁ- ”ମୁଁ ଏକା କାହିଁକି ଦୁଃଖରେ ରହିବି? ମୋ ଆଖପାଖର ସମସ୍ତେ ସୁଖରେ ରହୁଥିଲାବେଳେ, ମାନସମ୍ମାନ, ପ୍ରାଚୁର୍ଯ୍ୟ ପ୍ରତିଷ୍ଠା କାହିଁରେ ବି ଊଣା ନ ଥାଇ ହସଖୁସିରେ ଦିନ କାଟୁଥିଲାବେଳେ ସବୁଥିରୁ ବଞ୍ଚିତ ହୋଇ ମୁଁ କାହିଁକି ଦୁଃଖରେ ବଞ୍ଚତ୍ବି ? ଈଶ୍ୱର ପରା ସମସ୍ତଙ୍କ ପାଇଁ ସମାନ। ଅନ୍ୟ ସଭିଙ୍କୁ ସବୁପ୍ରକାରେ ପରିପୂର୍ଣ୍ଣ କରି ରଖିଥିବାବେଳେ ମୋ ପାଇଁ ଅପ୍ରାପ୍ତି ଅସନ୍ତୋଷଭରା ଶୂନ୍ୟ ଜୀବନଟିଏ କାହିଁକି?“ ସ୍ବାମିଜୀଙ୍କ ଉଦ୍ଦେଶ୍ୟରେ ଅସହାୟ ଯୁବକର ...

ଅନୁଭବୀ ଅଧିକାରୀ

ଅନୁଭବୀ ଅଧିକାରୀ

ବ୍ୟକ୍ତିତ୍ୱ/ଜିତେନ୍ଦ୍ର ସରକାରୀ କ୍ଷେତ୍ରରେ ଦୁର୍ନୀତି ରୋକିବା ପାଇଁ ୧୯୬୪ରେ ପ୍ରତିଷ୍ଠା କରାଯାଇଥିଲା କେନ୍ଦ୍ରୀୟ ଭିଜିଲାନ୍ସ କମିଶନ (ସିଭିସି)। ୨୦୦୩ରେ ଏହି ଭ୍ରଷ୍ଟାଚାର ନିରୋଧୀ ସଂସ୍ଥାକୁ ବୈଧାନିକ ମାନ୍ୟତା ମିଳିଥିଲା। ଏହା ଏକ ସ୍ବୟଂଚାଳିତ ସଂସ୍ଥା, ଯାହା ଉପରେ କୌଣସି କାର୍ଯ୍ୟନିର୍ବାହୀ କର୍ତ୍ତୃପକ୍ଷଙ୍କ କର୍ତ୍ତୃତ୍ୱ ନ ଥାଏ। କିନ୍ତୁ ସିଭିସି ପାର୍ଲାମେଣ୍ଟକୁ ଉତ୍ତରଦାୟୀ। କେ. ଭି. ଚୌଧ୍‌ରୀ ଏହାର ମୁଖ୍ୟ ଥିବା ବେଳେ ଡକ୍ଟର ତେଜେନ୍ଦ୍ର ମୋହନ ଭାସିନ୍‌ଙ୍କୁ ଭିଜିଲାନ୍ସ କମିଶନର ପଦରେ ଅବସ୍ଥାପିତ କରାଯାଇଛି। ଖାଲି ପଡ଼ିଥିବା ଅନ୍ୟତମ ଭିଜିଲାନ୍ସ କମିଶନର ପଦବୀରେ ୨୦୧୮ ଜୁନ୍‌ ୧୦ରେ ବରିଷ୍ଠ ଆଇପିଏସ୍‌ ଶରଦ କୁମାରଙ୍କୁ ନିଯୁକ୍ତି ମିଳିଛି। ଫଳରେ...

ଏଇ ଭାରତରେ

ଏଇ ଭାରତରେ

ଆମେ ଜାଣୁ ଦ୍ୱାପର ଯୁଗରେ ମାମୁ କଂସ ଭଉଣୀ ଦେବକୀଙ୍କ ସନ୍ତାନମାନଙ୍କୁ ହତ୍ୟା କରିଥିଲେ। ହତ୍ୟା ପଛରେ ଭଣଜାମାନଙ୍କ ପକ୍ଷରୁ ପ୍ରାଣନାଶର ଆଶଙ୍କା ଥିଲା। କିନ୍ତୁ କଳିଯୁଗରେ କେତେକ ବ୍ୟକ୍ତି ବିନା ଦୋଷରେ ଭଣଜାଭାଣିଜୀଙ୍କୁ ହତ୍ୟାକରିବାକୁ ପଛାନ୍ତି ନାହିଁ। ମାନସିକ ସ୍ତରରେ ଦୁର୍ବଳ ଦୁଇ ଯମଜ ଭଣଜା (୧୨)ଙ୍କୁ ଜଣେ ବ୍ୟକ୍ତି ନୃଶଂସଭାବେ ହତ୍ୟା କରିଛନ୍ତି। ଏପରି ଏକ ଘଟଣା ଘଟିଛି ତେଲେଙ୍ଗାନାର ନାଲ୍‌ଗୋଣ୍ଡା ଅଞ୍ଚଳରେ। ନାଲ୍‌ଗୋଣ୍ଡା ନିକଟବର୍ତ୍ତୀ ମିରିଆଲ୍‌ଗୁଡାଠାରେ ଭଡାଘରେ ରହୁଥିବା ଜଣେ ବ୍ୟକ୍ତି ତାଙ୍କର ଦୁଇଭଣଜାଙ୍କୁ ଘରକୁ ବୁଲାଇ ଆଣିଥିଲେ। ଶୁକ୍ରବାର ରାତିରେ ଏହି ବ୍ୟକ୍ତି ଜଣକ ସେମାନଙ୍କ ତଣ୍ଟିଚିପି ହତ୍ୟା କରିଥିଲେ। ଅଭିଯୁକ୍ତ ମୃତଦେହ ଦୁଇଟିକୁ କାର୍‌ ଯୋଗେ ନେବାକୁ ଉଦ୍ୟମ କରୁଥିବା ବେଳେ ଘର ମାଲିକ ଏହା ଦେଖିବାକୁ ପାଇଥିଲେ। ...

କର୍ନାଟକରେ ସମ୍ଭାବ୍ୟ ବଦଳି

କର୍ନାଟକରେ ସମ୍ଭାବ୍ୟ ବଦଳି

ଦିଲ୍ଲୀକା ବାବୁ/ ଦିଲୀପ ଚେରିଏନ୍‌ ସରକାର ପରିବର୍ତ୍ତନ ହେବା ପରେ କର୍ନାଟକର ବାବୁମାନେ ଆଉ ଏକ ବଡ଼ଧରଣର ଅଦଳବଦଳ ଆଶା କରୁଛନ୍ତି। ଜେଡିଏସ୍‌ ନେତା ଏଚ୍‌ଡି କୁମାରସ୍ବାମୀ ମୁଖ୍ୟମନ୍ତ୍ରୀ ହେବା ପରେ ସେ ନିଜ ପସନ୍ଦର ବାବୁମାନଙ୍କୁ ଗୁରୁତ୍ୱପୂର୍ଣ୍ଣ ପଦପଦବୀରେ ନିଯୁକ୍ତ କରିପାରନ୍ତି ବୋଲି ପର୍ଯ୍ୟପେକ୍ଷକମାନେ ଅନୁମାନ କରୁଛନ୍ତି। ଅନ୍ତତଃ ପାଞ୍ଚମାସ ପାଇଁ କର୍ନାଟକର ବାବୁମାନେ ଏଭଳି ଆଶଙ୍କାରେ ରହିବେ। କଂଗ୍ରେସ ଅମଳରେ ଅବହେଳାର ଶିକାର ହୋଇଥିବା ଜେଡିଏସ୍‌ର ଅନୁଗତ ଅନେକ ବାବୁ ପୁଣି ତାଙ୍କର ପୁରୁଣା ତଥା ଗୁରୁତ୍ୱପୂର୍ଣ୍ଣ ପଦକୁ ଫେରିପାରନ୍ତି। ଆଗରୁ କଂଗ୍ରେସ ଅମଳରେ ଓକାଲିଗା ସମ୍ପ୍ରଦାୟର ଅଫିସରମାନଙ୍କୁ ଅଣଦେଖା ...

ଆମ ସମାଜର ଗତି କୁଆଡ଼େ

ଆମ ସମାଜର ଗତି କୁଆଡ଼େ

ଜନାର୍ଦ୍ଦନ ବନ୍ଦ୍ୟୋପାଧ୍ୟାୟ ସମ୍ପ୍ରତି ଖବରକାଗଜଗୁଡ଼ିକରେ ପ୍ରତ୍ୟହ ବଳାତ୍କାର ଏବଂ ବଳାତ୍କାର ପରେ ହତ୍ୟାର ଖବରଗୁଡିକ ଦାୟିତ୍ୱଶୀଳ ନାଗରିକଙ୍କ ଚିନ୍ତାର କାରଣ ହୋଇଛି। ସମଗ୍ର ଦେଶରେ ଏ ଧରଣର କ୍ରମବର୍ଦ୍ଧିଷ୍ଣୁ ଯୌନ ଅପରାଧ ଯୋଗୁ ସରକାର ମଧ୍ୟ ବିବ୍ରତ ହୋଇପଡିଛନ୍ତି। ପୂର୍ବାପେକ୍ଷା ଅଧିକ କଠୋର ଆଇନଗତ ବ୍ୟବସ୍ଥା, ଦଣ୍ଡବିଧାନ ଏବଂ ସଶକ୍ତୀକରଣ ଭଳି ନାନା ପଦକ୍ଷେପ ଗ୍ରହଣ ସତ୍ତ୍ୱେ ଅପରାଧ ବଢ଼ୁଥିବା ଦେଖାଯାଉଛି। ଆଧୁନିକ ଭାରତୀୟ ସମାଜ ମୁଖ୍ୟତଃ ପାଶ୍ଚାତ୍ୟ ସଭ୍ୟତାର ଅନୁକରଣ କରି ଆଗେଇଚାଲିଛି। ଏହି ...

ଇସ୍‌ଲାମରେ ଜକାତ୍‌ ଓ ଫିତରା

ଇସ୍‌ଲାମରେ ଜକାତ୍‌ ଓ ଫିତରା

ଡ. ଅବ୍‌ଦୁଲ ଓସିଦ୍‌ ଖାଁ ଇସ୍‌ଲାମୀ ବିଶ୍ୱରେ ଆବାଳବୃଦ୍ଧବନିତାଙ୍କ ପାଇଁ ଅଭିପ୍ରେତ ପାଞ୍ଚୋଟି ବିଧାନ ମଧ୍ୟରୁ ଜକାତ୍‌ (ଦାନ) ଅନ୍ୟତମ। କଲମା, ନମାଜ, ରୋଜା, ହଜ୍‌ ଓ ଜକାତ୍‌ ରୂପକ ପାଞ୍ଚ ସ୍ତମ୍ଭ ଉପରେ ତିଷ୍ଠି ରହିଛି ଇସ୍‌ଲାମ। ଇସ୍‌ଲାମ ଏକ ପବିତ୍ର ଜୀବନଧାରା, ଏକ ସାଧନା, ଏକ ଜୀବନାଚାର। ଇସ୍‌ଲାମର ସାଧନା ଦ୍ୱିବିଧ- ଅନ୍ତର୍ମୁଖୀ ଓ ବହିର୍ମୁଖୀ। କଲମା, ରୋଜା ଓ ନମାଜ ଅନ୍ତରାତ୍ମାକୁ ଶୋଧନ କଲାବେଳେ ହଜ ଓ ଜକାତ୍‌ ବାହ୍ୟ ଜୀବନକୁ ଶୋଧନ କରିଥାଏ। ଜକାତ୍‌ ଉଭୟ ବ୍ୟକ୍ତି ଓ ସମାଜର ହିତ ସାଧନ କରେ। ଏହା ହୃଦୟ ବିଶୋଧନ କରିବା ସହିତ ସମାଜର ଆର୍ଥିକ ଅଭିବୃଦ୍ଧି ଓ ସମାନତା ଆଣିବାରେ ସାହାଯ୍ୟ କରେ।...

ଏଇ ଭାରତରେ

ଏଇ ଭାରତରେ

ଝିମିଟି ଖେଳରୁ ମହାଭାରତ ସୃଷ୍ଟି ହୋଇଥିଲା। ଜଳ ପାଇଁ ଦୁଇ ପରିବାର ମଧ୍ୟରେ ବିବାଦ ହେବାରୁ ଏହା ଏପରି ରୂପ ନେଇଥିଲା ଯେ, ଶେଷରେ ଜଣଙ୍କୁ ଜୀବନ ଦେବାକୁ ପଡ଼ିଲା। ଦକ୍ଷିଣ ଦିଲ୍ଲୀର ସଙ୍ଗମ ବିହାର ଅଞ୍ଚଳରେ ଏପରି ଏକ ଘଟଣା ଘଟିଛି। ଦୁଇ ପରିବାର ମଧ୍ୟରେ ଜଳ ପାଇଁ ପୂର୍ବରୁ ବିବାଦ ଲାଗି ରହିଥିଲା। କଳିଝଗଡା ହେବାରୁ ଗୋଟିଏ ପରିବାରର ବବ୍‌ଲି ଓ ତାଙ୍କର ସହଯୋଗୀମାନେ ଅପର ପକ୍ଷର କ୍ରିଷନ୍‌ ଓ ତାଙ୍କ ପରିବାରର ସଦସ୍ୟମାନଙ୍କ ଉପରକୁ ଇଟା ଫୋପାଡ଼ି ଆକ୍ରମଣ କରିଥିଲେ। ଏଥିରେ ମନ ଶାନ୍ତ ହୋଇ ନ ଥିଲା। ସେମାନେ ଉକ୍ତ ପରିବାର ସଦସ୍ୟଙ୍କ ଉପରକୁ ବନ୍ଧୁକରୁ ଗୁଳି ଫୁଟାଇଥିଲେ। ଏଥିରେ କ୍ରିଷନ୍‌ ...

 ଆଜିର ଅର୍ଥନୀତି/ରୋଗର ମୂଳକୁ ଚିହ୍ନ

ଆଜିର ଅର୍ଥନୀତି/ରୋଗର ମୂଳକୁ ଚିହ୍ନ

ଭାରତୀୟ ରିଜର୍ଭ ବ୍ୟାଙ୍କ (ଆର୍‌ବିଆଇ) ଗଭର୍ନର ଉର୍ଜିତ ପଟେଲ ମଙ୍ଗଳବାର ଏକ ସଂସଦୀୟ କମିଟି ଆଗରେ କହିଲେ ଯେ, ରାଷ୍ଟ୍ରାୟତ୍ତ ବ୍ୟାଙ୍କ (ପିଏସ୍‌ବି)ଗୁଡ଼ିକୁ ନିୟନ୍ତ୍ରଣ କରିବା ପାଇଁ କେନ୍ଦ୍ରୀୟ ବ୍ୟାଙ୍କ ହାତରେ ଯଥେଷ୍ଟ କ୍ଷମତା ନାହିଁ। ପଟେଲ କିଛି ଭୁଲ୍‌ କହିନାହାନ୍ତି। ରାଷ୍ଟ୍ରାୟତ୍ତ ବ୍ୟାଙ୍କଗୁଡ଼ିକରେ ଉଦ୍‌ବେଗଜନକଭାବେ ଅଚଳ ପରିସମ୍ପତ୍ତି (ଏନ୍‌ପିଏ) ବୃଦ୍ଧିପାଇ ବର୍ତ୍ତମାନ ସୁଦ୍ଧା ପ୍ରାୟ ୮.୫ ଲକ୍ଷ କୋଟି ଟଙ୍କାରେ ପହଞ୍ଚିଲାଣି। ଏହି ପରିପ୍ରେକ୍ଷୀରେ ସଂସଦୀୟ କମିଟି ସହ ପଟେଲଙ୍କର ବୈଠକ ଅନୁଷ୍ଠିତ ହୋଇଥିଲା। ଉକ୍ତ ଅର୍ଥ ସମ୍ପର୍କିତ ସ୍ଥାୟୀ କମିଟି ପଟେଲଙ୍କ ସହ ବ୍ୟାଙ୍କିଙ୍ଗ୍‌ ବ୍ୟବସ୍ଥାରେ ଅଚଳ ପରିସମ୍ପତ୍ତିର ସ୍ତର, ବୃଦ୍ଧି ପାଉଥିବା ବ୍ୟାଙ୍କ ଠକେଇ ଏବଂ ବ୍ୟାଙ୍କିଙ୍ଗ୍‌ ବ୍ୟବସ୍ଥାର ସ୍ଥିତି ବିଷୟରେ ଆଲୋଚନା କରିଥିଲେ।...

ଅନ୍ଧାର ମାଡ଼ି ଆସିବା ଆଗରୁ

ଅନ୍ଧାର ମାଡ଼ି ଆସିବା ଆଗରୁ

ଉପେନ୍ଦ୍ର ବିଶ୍ୱାଳ ସହରର ରାସ୍ତା ପାର୍ଶ୍ୱସ୍ଥ ଏକ ବାର୍‌। ପ୍ରେକ୍ଷାଳୟର ପ୍ରଲମ୍ବିତ ପାହାଚରୁ ପ୍ରଫୁଲ୍ଲ ମନରେ ଓହ୍ଲାଇଲେ ନୂଆକରି ନିଶ ଗଜୁରୁଥିବା ଦୁଇଜଣ ପିଲା। ବିକଟାଳ ହର୍ନ ବଜାଇ ଦ୍ରୁତ ବେଗରେ ଅତିକ୍ରମ କରିଯାଉଥାଆନ୍ତି ବାଇକ୍‌ ଚଢ଼ି। କିଛକ୍ଷଣ ପରେ ଖବର ମିଳିଲା ଦୁଇଜଣ କଲେଜ ଛାତ୍ରଙ୍କର ଭୟଙ୍କର ଦୁର୍ଘଟଣାକୁ ନେଇ ରାସ୍ତା ବନ୍ଦ ଓ ଗଣ୍ଡଗୋଳ। ଅନ୍ୟ ଏକ ଘଟଣା। ଗ୍ୟାଙ୍ଗ୍‌ୱାର ଚାଲିଥାଏ ଜିଲାର ଦୁଇ କୁଖ୍ୟାତ ଗୋଷ୍ଠୀଙ୍କ ଭିତରେ। ଆକ୍ରମଣ-ପ୍ରତି ଆକ୍ରମଣ, ପ୍ରତିଶୋଧର ପରିଣାମରେ ହତ୍ୟାର ଶିକାର ହୁଅନ୍ତି ଦୁଇପକ୍ଷର ପ୍ରମୁଖ ବ୍ୟକ୍ତି। ଚାଲିଲା ପୋଲିସର ଧରପଗଡ଼। ବନ୍ଧା ହୋଇଥିବା ବ୍ୟକ୍ତିଙ୍କ ଭିତରେ ଥିଲେ କିଛି କଲେଜପଢ଼ୁଆ ଛାତ୍ର। ...

ରଜ ଦୋଳି କଟମଟ

ରଜ ଦୋଳି କଟମଟ

ଭାଗ୍ୟଲିପି ମଲ୍ଲ ଜ୍ୟେଷ୍ଠ ଶେଷ, ଆଷାଢ଼ ଆରମ୍ଭର ବେଳ। ଭୂମି ସହ ଭୂମାର ଏ ମିଳନ ବେଳା। ତୃଷାର୍ତ୍ତ ମାଟି ଚାହେଁ ଆଷାଢ଼ର ଆଶ୍ଳେଷ। ନିଜକୁ ପୁଷ୍ପବତୀ, ଫଳବତୀ କରିବାର ଦୁର୍ବାର ଆକାଂକ୍ଷା ଜାଗେ ଧରିତ୍ରୀ ମାଟିରେ। ମିଳନ ହୁଏ ମାଟି ଆଉ ମେଘର। ଏହି ମହାମିଳନର ଅନ୍ୟ ନାଁ ରଜ। କୃଷି-ସଂସ୍କୃତି ଓ ପ୍ରଜନନର ପର୍ବ। ନିଜ ଭିତରେ ପ୍ରକୃତି ଏବଂ ପ୍ରକୃତି ଭିତରେ ନିଜକୁ ଅନୁଭବ କରିବାର ଏକ ମହାନ୍‌ ପର୍ବ। ଏ ସମୟରେ ନାରୀ ଓ ମାଟି ଉଭୟ ସମାନ। ଉଭୟ ଈଶ୍ୱରଙ୍କ ଅନୁପମ ସୃଷ୍ଟି। ନାରୀ ତା’ର ଉତ୍ତରାଧିକାରୀକୁ ...

ଏଇ ଭାରତରେ

ଏଇ ଭାରତରେ

ଭାରତର ସୀମାନ୍ତ ଉତ୍ତର ଦିଗରେ କଶ୍ମୀରଠାରୁ ଆରମ୍ଭ କରି ଦକ୍ଷିଣରେ କନ୍ୟାକୁମାରୀ ପର୍ଯ୍ୟନ୍ତ ପରିବ୍ୟାପ୍ତ। ଇଣ୍ଡିଆନ୍‌ ନାଭାଲ୍‌ ଏକାଡେମୀ (ଆଇଏନ୍‌ଏ)ର ଲ୍ୟୁଟ୍‌ନାଣ୍ଟ୍‌ କମାଣ୍ଡର ମନୋଜ ଗୁପ୍ତା କଶ୍ମୀରଠାରୁ କନ୍ୟାକୁମାରୀ ପର୍ଯ୍ୟନ୍ତ ଏକାକି ସାଇକେଲ୍‌ ଅଭିଯାନ ଚଳାଇଛନ୍ତି। ଏହି ଅଭିଯାନର ଉଦ୍ଦେଶ୍ୟ ହେଉଛି ‘ସଶସ୍ତ୍ର ବାହିନୀର ପତାକା ଦିବସ’ ଉପରେ ସଚେତନତା ସୃଷ୍ଟି କରିବା। ଜୁନ୍‌ ୬ରେ ଜମ୍ମୁ-କଶ୍ମୀର୍‌ର ଖାର୍ଦ୍ଦୁଙ୍ଗ-ଲାଠାରୁ ସାଇକେଲ୍‌ ଅଭିଯାନ ଆରମ୍ଭ ହୋଇଛି। ଏହା ଜୁଲାଇ ୧୬ରେ କନ୍ୟାକୁମାରୀଠାରେ ସମ୍ପୂର୍ଣ୍ଣ ହେବ। ଲେହସ୍ଥିତ ଲଦାଖ ସ୍କାଉଟ୍‌ସ ରେଜିମେଣ୍ଟାଲ୍‌ ଟ୍ରେନିଂ ସେଣ୍ଟରର କମାଣ୍ଟାଣ୍ଟ୍‌ କଲୋନେଲ୍‌ ସତୀଶ ଶର୍ମା ସାଇକେଲ୍‌ ଅଭିଯାନକୁ ପତାକା ହଲାଇ ଉଦ୍‌ଘାଟନ କରିଥିଲେ। ଲ୍ୟୁଟ୍‌ନାଣ୍ଟ୍‌ କମାଣ୍ଡର ତାଙ୍କ ଯାତ୍ରା ପଥରେ ୪୦ଟି ମୁଖ୍ୟସ୍ଥାନ ଦେଇ ଭ୍ରମଣ ...

Model This Week

ପ୍ରଭାତ