ସମ୍ପାଦକୀୟ |

ଧର୍ମାଚାରରେ ବିଜ୍ଞାନ

 ଧର୍ମାଚାରରେ ବିଜ୍ଞାନ

ଉପେନ୍ଦ୍ର ବିଶ୍ୱାଳ
ବିଶ୍ୱାସରେ ବନ୍ଧା, ଆସ୍ଥାରେ ଆଶ୍ରିତ ଆମ ଧର୍ମାଚାର ଓ ଆଧ୍ୟାମତ୍ିକତା। ଧ୍ୟାନ-ଧାରଣା, ପୂଜା-ଉପାସନାରେ ଏହା ନିହିତ। ମାତ୍ର ପ୍ରାମାଣିକତାକୁ ନେଇ, ବୌଦ୍ଧିକ ବିଚାରକୁ ନେଇ ବିଜ୍ଞାନ। ବିଜ୍ଞାନ ଓ ଆଧ୍ୟାମତ୍ିକତା ପରସ୍ପର ବିରୋଧୀ ନୁହନ୍ତି। ବରଂ ଆଧ୍ୟାମତ୍ିକତାରେ ହିଁ ନିହିତ ବିଜ୍ଞାନର ସାରବତ୍ତା। ପ୍ରାଚୀନ କାଳରେ ଆମ ପୂର୍ବଜମାନେ ଜଣେ ଜଣେ ପୋଖତ ବିଜ୍ଞାନୀ ଥିଲେ। ବିଜ୍ଞାନର ଗୂଢ଼ ତତ୍ତ୍ୱ ଓ ରହସ୍ୟକୁ ସେମାନେ ଭଲଭାବେ ବୁଝିଥିଲେ, ଯାହାକୁ ଜାଣିବା ଓ ବୁଝିବା ସାଧାରଣ ଲୋକଙ୍କ ପକ୍ଷେ ଅସାଧ୍ୟ ଥିଲା। ଏଣୁ ସେମାନେ ଲୋକ କଲ୍ୟାଣାର୍ଥେ ବିଜ୍ଞାନକୁ ବିନିଯୋଗ କରିଥିଲେ ଆଧ୍ୟାମତ୍ିକତାର ଗଣ୍ଡି ଭିତରେ। ଏଇ ଯେମିତି ମନ୍ଦିରରେ ଘଣ୍ଟି ବଜାଇବାର ବ୍ୟବସ୍ଥା ଓ ମନ୍ଦିରରେ ଦିଅଁ ଦର୍ଶନରେ ପୁଣ୍ୟପ୍ରାପ୍ତିର ପ୍ରଲୁବ୍ଧତା। ଘଣ୍ଟି ଶବ୍ଦରେ ଅନିଷ୍ଟକାରୀ ଜୀବ ଓ ଜୀବାଣୁ ଦୂରେଇ ଯାଆନ୍ତି। ଘଣ୍ଟିି ଶବ୍ଦ ମସ୍ତିଷ୍କରେ ୭ ସେକେଣ୍ଡ ପର୍ଯ୍ୟନ୍ତ ପ୍ରତିଧ୍ୱନିତ ହୋଇଥାଏ। ଶରୀରରେ ଥିବା ୭ଟି ଶକ୍ତିକେନ୍ଦ୍ର ବା ଆରୋଗ୍ୟ କେନ୍ଦ୍ର (ମୂଳାଧାର ଚକ୍ର, ସ୍ବାଧିଷ୍ଠାନ ଚକ୍ର, ଅନାହତ ଚକ୍ର, ବିଶୁଦ୍ଧ ଚକ୍ର, ଆଜ୍ଞାଚକ୍ର ଓ ସହସ୍ରାର ଚକ୍ର)ଗୁଡ଼ିକୁ ଏହି ଶବ୍ଦ ସକ୍ରିୟ କରାଇଥାଏ, ସେମାନଙ୍କ ମଧ୍ୟରେ ସନ୍ତୁଳନ ରକ୍ଷା କରିଥାଏ। ଘଣ୍ଟିରୁ ଜାତ ଶବ୍ଦ ତରଙ୍ଗାୟିତ ହୋଇ ମସ୍ତିଷ୍କରେ ପ୍ରବାହିତ ହୁଏ ଓ ତାକୁ ଖୁବ୍‌ ସକ୍ରିୟ କରାଏ। ଘଣ୍ଟି ଶବ୍ଦ ମନରୁ ନକାରାମତ୍କ ଭାବନା ଓ ଋଣାମତ୍କ ଊର୍ଜ୍ଜାକୁ ଦୂରେଇ ଦେଇ ସାତ୍ତ୍ୱିକ ଭାବନା ଓ ସକରାମତ୍କ ଊର୍ଜ୍ଜାକୁ ଉଜ୍ଜୀବିତ କରାଇଥାଏ। ମସ୍ତିଷ୍କରେ ରକ୍ତ ସଂଚାଳନ ସକ୍ରିୟ ରହେ। ସେମିିତି ମନ୍ଦିରଗୁଡ଼ିକର ନିର୍ମାଣ ମଧ୍ୟ ହୋଇଥାଏ ଶରୀର ବିଜ୍ଞାନକୁ ଦୃଷ୍ଟିରେ ରଖି। ସୂଚନାଯୋଗ୍ୟ ଯେ ଏ ଜଗତ କେତେକ ତରଙ୍ଗର ସମାହାର ମାତ୍ର। ଏହି ତରଙ୍ଗଗୁଡ଼ିକ ବିଭିନ୍ନ ତରଙ୍ଗ ଦୈର୍ଘ୍ୟ ବା (Wave Length)କୁ ନେଇ ପ୍ରବାହିତ ହେଉଥାଏ। ସେଗୁଡ଼ିକ ହେଲା ଜଡ଼ତରଙ୍ଗ (Physical Wave), ମାନସ ତରଙ୍ଗ (Psychic Wave) ଓ ଭୂମା ତରଙ୍ଗ (Cosmic Wave)। ଜୀବ ଦେହରେ ମାନସ ତରଙ୍ଗ ସହିତ ସମାନ୍ତରତା ବଜାୟ ରଖି ଯେତେବେଳେ ଶରୀର ତରଙ୍ଗ ପ୍ରବାହିତ ହୋଇଥାଏ ତାକୁ ଜୀବନ କହନ୍ତି ଏବଂ ଜଡ଼ ତରଙ୍ଗ ସହିତ ମାନସ ତରଙ୍ଗର ସମାନ୍ତରତାରେ ଯେବେ ବିଚ୍ଛେଦ ଘଟେ ତାକୁ ମୃତ୍ୟୁ କହନ୍ତି। ମନ୍ଦିର ଏଭଳି ସ୍ଥାନରେ ନିର୍ମାଣ ହୋଇଥାଏ, ଯେଉଁଠି ତରଙ୍ଗାୟିତ ଭାବେ ପ୍ରଚୁର ଊର୍ଜ୍ଜା ଉଦ୍‌ଗମ ହେଉଥିବ। ଉତ୍ତର-ଦକ୍ଷିଣ ମେରୁ ଦିଗରୁ ବିଚ୍ଛୁରିତ ବିଦ୍ୟୁତ୍‌-ଚୁମ୍ବକୀୟ ତରଙ୍ଗର ଶକ୍ତି ଅଧିକ ପରିମାଣରେ ଉପଲବ୍ଧ ହେଉଥିବ। ସେହି କ୍ଷେତ୍ରସ୍ଥ କେନ୍ଦ୍ରସ୍ଥଳରେ ହିଁ ଗର୍ଭଗୃହ ସ୍ଥାପନ ହୋଇଥାଏ। ଗର୍ଭଗୃହ ପାଇଁ ଚିହ୍ନିତ ଭୂମିର ନିମ୍ନଦେଶରେ ତମ୍ବାପ୍ଲେଟ୍‌ରେ ବୈଦିକ ମନ୍ତ୍ର ଖୋଦିତ ହୋଇ ପୋତା ଯାଇଥାଏ। ଭୂଗର୍ଭରୁ ଆସୁଥିବା ବିଦ୍ୟୁତ୍‌-ଚୁମ୍ବକୀୟ ତରଙ୍ଗକୁ ଏହି ତମ୍ବାପାତ୍ର ଗ୍ରହଣ କରି ଚତୁଃପାର୍ଶ୍ୱକୁ ସମ ପରିମାଣରେ ବିଚ୍ଛୁରିତ କରିଥାଏ। ମନ୍ଦିରରେ ଠାକୁରଙ୍କ ଦର୍ଶନ ସାରି ଗର୍ଭଗୃହ ଚାରିପଟରେ ଦକ୍ଷିଣାବର୍ତ୍ତରେ ଘୂରିବା ଫଳରେ ଏହି ତରଙ୍ଗ ସିଧା ଆମ ଶରୀର ମଧ୍ୟକୁ ପ୍ରବେଶ କରିଥାଏ। ଫଳରେ ଶରୀରର ଚକ୍ରଗୁଡ଼ିକ ଖୁବ୍‌ ସକ୍ରିୟ ହୋଇ ଉଠନ୍ତି। ଶରୀରର ରକ୍ତ ସଂଚାଳନ ସନ୍ତୁଳିତ ରହୁଥିବା ବେଳେ ରକ୍ତଚାପ ନିୟନ୍ତ୍ରିତ ହୋଇ ରହେ। ମନରେ ଭକ୍ତିଭାବନା ଜାତ ହେବା ଫଳରେ ବିକାର ଓ ନକାରାମତ୍କ ଚିନ୍ତନଗୁଡ଼ିକ ଦୂରେଇ ଯାଆନ୍ତି। ଫଳରେ ଦେହ ଓ ମନ ସତେଜ ଓ ସୁସ୍ଥ ରହେ। ସେମିତି ଉପବାସ ହେଉଛି ଏକ ପ୍ରକାର ମହୌଷଧି, ଯାହା ସ୍ବାସ୍ଥ୍ୟ ଓ ମନକୁ ଠିକ୍‌ ରଖିବାରେ ସହାୟକ। ଆମ ଶରୀରର ପାକସ୍ଥଳୀ ହେଉଛି ଅଧିକାଂଶ ରୋଗର ନିର୍ଦ୍ଧାରକ। ପାକସ୍ଥଳୀରେ ବିଷାକ୍ତ ଉପାଦାନ ଧୀରେ ଧୀରେ ଜମାଟ ବାନ୍ଧେ। ଯେମିତି ଶରୀରର ବର୍ଜ୍ୟ ବସ୍ତୁଗୁଡ଼ିକୁ ପ୍ରାକୃତିକ ଉପାୟରେ ଦୈନିକ ଆମେ ନିଷ୍କାସନ କରିଥାଉଁ, ସେମିତି ଶରୀରରେ ଗଚ୍ଛିତ ଥିବା ଏହି ଅଦରକାରୀ ଉପାଦାନ ସବୁ ନିୟମିତ ଭାବେ ହଟାଇଦେବା ଉଚିିତ। ପୁନଃ ଅନବରତ କାର୍ଯ୍ୟ କରିଚାଲିଥିବା ପାଚକ ଅଙ୍ଗଗୁଡ଼ିକୁ ମଝିରେ ମଝିରେ ବିଶ୍ରାମ ଦେବା ଜରୁରୀ। ଠିକ୍‌ ଯେମିତି ଯନ୍ତ୍ରପାତିଗୁଡ଼ିକୁ ସୁରକ୍ଷା ଦୃଷ୍ଟିକୋଣରୁ ମଝିରେ ମଝିରେ ସଜଡ଼ା ଯାଇଥାଏ, ପ୍ରିଭେଣ୍ଟିଭ୍‌ ମେଣ୍ଟେନାନ୍‌ସ କରାଯାଇଥାଏ। ଶରୀରକୁ ଖାଦ୍ୟ ନ ଯିବା ଫଳରେ ଗଚ୍ଛିତ ଥିବା ଏହି ଉପାଦାନଗୁଡ଼ିକ ପ୍ରାକୃତିକ କ୍ରିୟାରେ ନିଷ୍କାସିତ ହୋଇଯାଏ। ଶରୀରବିଜ୍ଞାନୀଙ୍କ ମତ ଅନୁଯାୟୀ ଆମ ଶରୀର ପ୍ରାୟ ୮୦ ଭାଗ ତରଳ ଓ ୨୦ ଭାଗ କଠିନ ଉପାଦାନକୁ ନେଇ ଗଠିତ। ଚନ୍ଦ୍ରର ମାଧ୍ୟାକର୍ଷଣ ଶକ୍ତି ଯେମିତି ଭୂପୃଷ୍ଠରେ ଥିବା ଜଳଭାଗ ଉପରେ ପ୍ରଭାବ ପକାଇଥାଏ, ଠିକ୍‌ ସେମିତି ଆମ ଶରୀର ଉପରେ ମଧ୍ୟ ତାହା ପ୍ରଭାବ ପକାଏ। ଫଳତଃ ମାନସିକ ଚାପ, ଅବସାଦ, ଚିଡ଼ିଚିଡ଼ାପଣ ଆଦି ଦେଖାଦିଏ। ଉପବାସ ଆମର ବାତ-ପିତ୍ତ-କଫର ଅନୁପାତକୁ ନିୟନ୍ତ୍ରଣରେ ରଖେ। ପାକସ୍ଥଳୀର ଶୋଧନ କାମ ଉପବାସ ହିଁ କରିଥାଏ। ଏଣୁ ଉପବାସ ଆମ ପାଇଁ ବିଷନିରୋଧକ ପ୍ରକ୍ରିୟା। ଉପବାସ ମଧ୍ୟ ମନକୁ ସାତ୍ତ୍ୱିକ ଭାବନାରେ ଭରିଥାଏ। ଏଇଥିପାଇଁ ଶାସ୍ତ୍ରରେ ମାସରେ ଅନ୍ତତଃ ଦୁଇଥର (ବିଶେଷ କରି ଏକାଦଶୀ ତିଥିରେ) ଉପବାସ କରିବାକୁ ପରାମର୍ଶ ଦିଆଯାଇଥାଏ। ପୁଣି ସଂକ୍ରାନ୍ତି, ଅମାବାସ୍ୟା, ପୂର୍ଣ୍ଣମୀ, ଅଷ୍ଟମୀ ଆଦି ସ୍ବତନ୍ତ୍ର ତିଥିରେ ଉପବାସ କରିବାର ବିଧି ରହିଛି। ଫଳରେ ହୃଦ୍‌ରୋଗ, ଉଚ୍ଚରକ୍ତଚାପ, ବହୁମୂତ୍ର, କର୍କଟ ଆଦି ରୋଗ ଆମଠାରୁ ଦୂରେଇଯାଏ। ଆକଳନ ଅନୁଯାୟୀ ଯଦି ଭାରତବର୍ଷର ପ୍ରତିଟି ନାଗରିକ ମାସରେ ଅନ୍ତତଃ ଥରେ ଏକାଦଶୀରେ ଉପବାସ କରନ୍ତି, ତେବେ ବାର୍ଷିକ ଅନୂ୍ୟନ ୬ ଲକ୍ଷ ଟନ୍‌ ଖାଦ୍ୟଶସ୍ୟ ଗଚ୍ଛିତ ରହିବା ସହିତ ପ୍ରାୟ ୫୦ ଭାଗ ଅପରାଧ ଆପଣାଛାଏଁ ହ୍ରାସ ପାଇଯିବ। ଦେଶର ଦୁର୍ନୀତି, ଭ୍ରଷ୍ଟାଚାର ଅନେକାଂଶରେ ଉଭାନ ହୋଇଯିବ। ମନ୍ଦିରମାନଙ୍କରେ ମାଟିପାତ୍ରରେ ରୋଷେଇ ହୁଏ। ଏଥିରେ ମଧ୍ୟ ବିଜ୍ଞାନର ଗୂଢ଼ ତତ୍ତ୍ୱ ନିହିତ। ମାଟିରେ ଗଢ଼ା ଆମ ଦେହ। ଏଣୁ ମଣିଷ ଦେହକୁ ଏକ ଘଟ ବା ମାଟିପାତ୍ର ମନେ କରାଯାଇଥାଏ। କୁହାଯାଏ- ଯାହା ଅଛି ବ୍ରହ୍ମାଣ୍ଡେ, ତାହା ଅଛି ନିଜ ଭାଣ୍ଡେ। ”ପିଣ୍ଡ ବ୍ରହ୍ମାଣ୍ଡ ଏକମତ। ଜାଣନ୍ତି ସୁଜ୍ଞାନୀ ପଣ୍ଡିତ।ା“ (ଭାଗବତ) ଅର୍ଥାତ୍‌ ଜଗତ ଯେମିତି ପଞ୍ଚଭୂତ (କ୍ଷିତି, ଅପ୍‌, ତେଜ, ମରୁତ୍‌, ବ୍ୟୋମ)ରେ ଗଠିତ ଠିକ୍‌ ସେମିତି ପଞ୍ଚଭୂତରେ ତିଆରି ଆମ ଦେହ। ଦାହ ହେଲା ପରେ ମଣିଷର ଶବ ପ୍ରାୟ ୨୦ଗ୍ରାମ୍‌ ପରିମିତ ପାଉଁଶରେ ପରିଣତ ହୋଇଯାଏ। ପରୀକ୍ଷାରୁ ଜଣାଯାଏ ଯେ ସେହି ପାଉଁଶରେ ପାଞ୍ଚଟି ରାସାୟନିକ ଉପାଦାନ ଯଥା - କ୍ୟାଲସିୟମ୍‌, ଫସ୍‌ଫରସ୍‌, ଜିଙ୍କ୍‌, ଆଇରନ୍‌ ଓ ସଲ୍‌ଫର୍‌ ରହିଥାଏ। ମାଟି ମଧ୍ୟ ଏହି ୫ଟି ଉପାଦାନର ସମାହାର। ଏଣୁ ଆମ ଶରୀରଟି ମାଟି ସହିତ ନିବିଡ଼ ଭାବରେ ସମ୍ବନ୍ଧିତ। ଦୀର୍ଘ ଓ ନିରାମୟ ଜୀବନ ପାଇଁ ଏହି ୫ଟି ଉପାଦାନ ଯଥେଷ୍ଟ ଗୁରୁତ୍ୱ ବହନ କରିଥାଏ। ଏହି ଗହନ ଗାଥାକୁ ଆମ ଋଷି-ବିଜ୍ଞାନୀମାନେ ଖୁବ୍‌ ଭଲଭାବେ ବୁଝିଥିଲେ। ଏଣୁ ମାଟିପାତ୍ରର ବହୁଳ ଉପଯୋଗ ସେମାନେ କରୁଥିଲେ। ପରୀକ୍ଷାରୁ ଜଣାଯାଏ ଯେ ମାଟିପାତ୍ରରେ ରୋଷେଇ ହେଲେ ଖାଦ୍ୟରେ ଥିବା ସୂକ୍ଷ୍ମ ପୋଷକ ତତ୍ତ୍ୱଗୁଡ଼ିକ ନଷ୍ଟ ନ ହୋଇ ଅକ୍ଷୁଣ୍ଣ ରୁହନ୍ତି। ମାତ୍ର ଆଲୁମିନିୟମ୍‌ ବା ଷ୍ଟିଲ ପାତ୍ରରେ ରୋଷେଇ ହେଲେ ସେଗୁଡ଼ିକ ନଷ୍ଟ ହୋଇଯାଏ। ମାଟିପାତ୍ରରେ ରୋଷେଇ ଦ୍ୱାରା ଶତକଡ଼ା ୧୦୦ଭାଗ, କାଂସ୍ୟ ବାସନରେ ଶତକଡ଼ା ୯୭ଭାଗ, ପିତ୍ତଳରେ ଶତକଡ଼ା ୯୩ଭାଗ ସୂକ୍ଷ୍ମ ପୋଷକ ତତ୍ତ୍ୱ ଅକ୍ଷୁଣ୍ଣ ରହୁଥିବା ବେଳେ ପ୍ରେସର୍‌ କୁକର୍‌ରେ ମାତ୍ର ୭ଭାଗ ଅକ୍ଷୁଣ୍ଣ ରହେ। ବାକିତକ ନଷ୍ଟ ହୋଇଯାଏ। କାରଣ ପ୍ରେସର୍‌ କୁକର୍‌ର ଅତ୍ୟଧିକ ଚାପ ଫଳରେ କଣିକା କଣିକା ଭିତରେ ଥିବା ରାସାୟନିକ ବନ୍ଧ ଭାଙ୍ଗିିଯାଏ। ମାଟିପାତ୍ରରେ ପାକ କଲେ ଅଧିକ ସମୟ ସୁରକ୍ଷିତ ରହିଥାଏ। ପୁଣି ତାହା ଅଧିକ ସୁସ୍ବାଦୁ ମଧ୍ୟ ହୋଇଥାଏ। ପୁରୀ ଶ୍ରୀମନ୍ଦିରର ପ୍ରସାଦ (ଡାଲି) ୩୬ ଘଣ୍ଟାରୁ ଅଧିକ ସମୟ ନଷ୍ଟ ନ ହୋଇ ସୁରକ୍ଷିତ ରହୁଥିବା ପରୀକ୍ଷାରୁ ଜଣାପଡ଼େ। ୭୦/୮୦ବର୍ଷ ପୂର୍ବରୁ ଆମ ଦେଶରେ ମାଟିପାତ୍ରର ବହୁଳ ବ୍ୟବହାର ହେଉଥିଲା। ଆଜି ବି ବନବାସୀ ଅଧ୍ୟୁଷିତ ଇଲାକାରେ ଲୋକେ ମାଟିହାଣ୍ଡିରେ ରୋଷେଇ କରୁଥିବାର ଜଣାଯାଏ। ସେଇଥିପାଇଁ ବୋଧହୁଏ ଗାଁଗହଳିର ଲୋକେ, ବନବାସୀମାନେ ହୃଦ୍‌ରୋଗ, ବହୁମୂତ୍ରରୋଗ, ଉଚ୍ଚରକ୍ତଚାପ ଆଦି ରୋଗରେ ପ୍ରାୟତଃ କମ୍‌ ଆକ୍ରାନ୍ତ ହୁଅନ୍ତି। ସେଥିପାଇଁ ପୂର୍ବକାଳରେ ଲୋକମାନେ ଶତାଧିକ ବର୍ଷ ବଞ୍ଚୁଥିଲେ। ମରିବା ପର୍ଯ୍ୟନ୍ତ ତାଙ୍କ ଦାନ୍ତ ଅକ୍ଷୁଣ୍ଣ ରହିବା ସହ ଶରୀର ବେଶ୍‌ ଚଳଚଞ୍ଚଳ ରହୁଥିଲା।
ମୋ- ୯୪୩୭୪୩୬୦୭୩, ଇ-ମେଲ : unbiswal05@gmail.com

All Right Reserved By

Model This Week

ନିକିତା

ସମ୍ପାଦକୀୟ |

ଶିଶୁ ବଳାତ୍କାର: ଦଣ୍ଡ କାହିଁ

ଶିଶୁ ବଳାତ୍କାର: ଦଣ୍ଡ କାହିଁ

୨୦୧୨ ନିର୍ଭୟା ଗଣବଳାତ୍କାର ଘଟଣା ପରେ ଭାରତରେ ମହିଳା ନିର୍ଯାତନା ନିରୋଧୀ ସ୍ବର ଯେଭଳି ସର୍ବୋଚ୍ଚରେ ପହଞ୍ଚତ୍ଥିଲା, ଏବେ ସେଭଳି ପରିସ୍ଥିତିର ପୁନରାବୃତ୍ତି ଘଟିଛି। ନିର୍ଭୟାଙ୍କ ବୟସ ୨୩ ହୋଇଥିବା ବେଳେ ଏବେ ଶିଶୁକନ୍ୟାଙ୍କ ଉପରେ ପାଶବିକ ଅତ୍ୟାଚାର ଯେପରି ଭାବେ ବଢ଼ିଚାଲିଛି ତାକୁ ଦେଖିଲେ ବ୍ୟସ୍ତ ଲାଗୁଛି। ଜମ୍ମୁ-କଶ୍ମୀର କଠୁଆର ୮ ବର୍ଷୀୟା କନ୍ୟା, ଗୁଜରାଟ ସୁରଟର ୧୧ ବର୍ଷୀୟା ଝିଅ, ଓଡ଼ିଶା ନୀଳଗିରିର ୪ ବର୍ଷୀୟା ଶିଶୁକନ୍ୟା, ନିଶ୍ଚିନ୍ତକୋଇଲିର ୬ ବର୍ଷୀୟା ଝିଅଠାରୁ ଆରମ୍ଭ କରି ମଧ୍ୟପ୍ରଦେଶ ଇନ୍ଦୋରର ୪ ମାସର ଶିଶୁକନ୍ୟାଙ୍କୁ ବଳାତ୍କାର ଓ ହତ୍ୟା ପର୍ଯ୍ୟନ୍ତ ଅସଂଖ୍ୟ ଘଟଣା ଘଟିଗଲାଣି। ସବୁଠାରୁ ଅତ୍ୟନ୍ତ ସମ୍ବେଦନଶୀଳ ଇନ୍ଦୋର ଘଟଣାକୁ ଦେଖିଲେ ଯେ କେହି ବିବ୍ରତ ହେବା ସ୍ବାଭାବିକ। ଇନ୍ଦୋର ଶିଶୁକୁ ବଳାତ୍କାର କରିଥିବା ବ୍ୟକ୍ତି ହେଉଛନ୍ତି ସମ୍ପର୍କୀୟ ମାମୁ। ଦେଖିବାକୁ ଗଲେ ୪ ମାସ ଶିଶୁର ବେକ ଟାଣ ହୋଇ ନ ଥାଏ। ଯିଏ ତା’ ସହ ଏପରି ଜଘନ୍ୟ କାଣ୍ଡ ଘଟାଇଥାଆନ୍ତି ତାଙ୍କ ମାନସିକତା ବୁଝିବା ଅସମ୍ଭବ। ଏଠାରେ ସାମାଜିକ ବିଶ୍ଳେଷଣର ପ୍ରୟୋଜନ ଉଠିଲାଣି। ମନେହେଉଛି, ଯେପରି ଏହା କେବଳ ଘୋର ଯୌନ ଲାଳସାର ପରିଣତି ନୁହେଁ। ସହଜ ଭାଷାରେ କହିବାକୁ ଗଲେ ଏହା ଅତ୍ୟନ୍ତ ଜଘନ୍ୟ ଆପରାଧିକ ମାନସିକତାର ପ୍ରତିଫଳନ।

ରେଭେନ୍‌ସା ଯୁଗର ଅବସାନ

ରେଭେନ୍‌ସା ଯୁଗର ଅବସାନ

ଶରତ ଚନ୍ଦ୍ର ମିଶ୍ର/ରେଭେନ୍‌ସା କଲେଜ ଓଡ଼ିଶାର ସର୍ବପୁରାତନ ଉଚ୍ଚ ଶିକ୍ଷାନୁଷ୍ଠାନ। ଦେଢ଼ଶହ ବର୍ଷ (୧୮୬୮) ପୂର୍ବେ ନଅଙ୍କ ଦୁର୍ଭିକ୍ଷର ଦୁଇବର୍ଷ ପରେ ଏ କଲେଜ ସ୍ଥାପିତ ହୋଇଥିଲା। କଟକ କଲେକ୍ଟୋରେଟ୍‌ ପାଖରେ ଏହି ଅନୁଷ୍ଠାନଟି ପଚାଶ ବର୍ଷ ରହିବା ପରେ ଚାଉଳିଆଗଞ୍ଜର ରେସ୍‌କୋର୍ସ ପଡିଆକୁ ଉଠିଆସିଲା ଓ ଗତ ଶହେବର୍ଷ ଧରି ସେହିଠାରେ ଗର୍ବୋନ୍ନତ ଶିର ଉତ୍ତୋଳନ କରି ବିଦ୍ୟମାନ।

ଲୁଣା ଜଙ୍ଗଲ ଓ ଉପକୂଳ ସୁରକ୍ଷା

ଲୁଣା ଜଙ୍ଗଲ ଓ ଉପକୂଳ ସୁରକ୍ଷା

ହିମାଂଶୁ ଶେଖର ଫତେସିଂହ/ପୃଥିବୀର ନିରକ୍ଷୀୟ ଓ ଉପନିରକ୍ଷୀୟ ଅଞ୍ଚଳ ଅନ୍ତର୍ଗତ ୨୪ଂ ଉ.ଅକ୍ଷାଂଶରୁ ୩୮ଂ ଦ.ଅକ୍ଷାଂଶ ମଧ୍ୟବର୍ତ୍ତୀ ଅଞ୍ଚଳରେ ସମୁଦ୍ର ତଟବର୍ତ୍ତୀ ଜୁଆରିଆ ଆର୍ଦ୍ର, ବାଲିଆ ଭୂମିରେ ଏକ ନିର୍ଦ୍ଦିଷ୍ଟ ପ୍ରଜାତିର ଉଦ୍ଭିଦ ଦେଖାଯାଆନ୍ତି। ଏହି ଅଞ୍ଚଳରେ ୨୬ଂରୁ ୩୫ଂ ସେଲ୍‌ସିୟସ୍‌ ପର୍ଯ୍ୟନ୍ତ ଉଚ୍ଚ ବାୟୁମଣ୍ଡଳୀୟ ତାପମାତ୍ରା, ୧୦୦୦ ମିମିରୁ ୩୦୦୦ ମିମି ବୃଷ୍ଟିପାତ, ଉଚ୍ଚ ଲବଣତା, ଜୁଆରିଆ ଜଳ ପ୍ଳାବନ ସତ୍ତ୍ୱେ ଏହି ଉଦ୍ଭିଦଗୁଡ଼ିକ ଜୀବନ ଧାରଣ କରି ବଂଶବୃଦ୍ଧି କରିଥାନ୍ତି।

ଏଇ ଭାରତରେ

ଏଇ ଭାରତରେ

ଲୋକଙ୍କଠାରୁ ମାନବିକତା କ୍ରମେ ହଜିଯାଉଛି। ଅର୍ଥ ଓ ବସ୍ତୁବାଦୀ ହୋଇପଡୁଥିବା ମଣିଷ ଅନ୍ୟ ପ୍ରତି ସହାନୁଭୂତି, ଦୟା ଆଦି ଗୁଣକୁ ହରାଇବସୁଛି। ବିପଦରେ ପଡିଥିବା ଲୋକଙ୍କୁ ସାହାଯ୍ୟ କରିବା ପରିବର୍ତ୍ତେ ସୁଯୋଗର କିଭଳି ଫାଇଦା ଉଠାଇହେବ ସେଥିପ୍ରତି ଆଗ୍ରହ ଦେଖାଉଛି। ଗତ ଶୁକ୍ରବାର ବିଳମ୍ବିତ ରାତିରେ ଦିଲ୍ଲୀ ନିକଟବର୍ତ୍ତୀ ଗାଜିଆବାଦରେ ଘଟିଥିବା ଏକ ଘଟଣା ସମ୍ପର୍କରେ ଶୁଣିଲେ ମଣିଷ ନିକଟରୁ ମାନବିକତାର ଗୁଣ କିପରି ହଜିଯାଉଛି ତାହା ସ୍ପଷ୍ଟ ହୁଏ।

ସଂଖ୍ୟାଗୁରୁ ମାନସିକତା

ସଂଖ୍ୟାଗୁରୁ ମାନସିକତା

ଆକାର ପଟେଲ ଭାରତୀୟ ଉପମହାଦେଶର ଉପନିବେଶୀୟ ପର ପରମ୍ପରା ମୁଖ୍ୟତଃ ଧାର୍ମିକ ରହିଆସିଛି ଏବଂ ସଂଖ୍ୟାଗୁରୁ ଧାର୍ମିକ ଗୋଷ୍ଠୀ ସଂଖ୍ୟାଲଘୁମାନଙ୍କ ବିରୋଧୀ ସାଜିଛନ୍ତି। ଶ୍ରୀଲଙ୍କାରେ ସଂଖ୍ୟାଗୁରୁ ବୌଦ୍ଧ ସିଂହଳୀମାନେ ଧର୍ମ ଓ ଭାଷାକୁ ନେଇ ତାମିଲମାନଙ୍କ ବିରୋଧରେ ଲଢ଼େଇ କରିଛନ୍ତି। ଭାରତରେ ବୌଦ୍ଧ ଓ ହିନ୍ଦୁମାନଙ୍କ ଭିତରେ ଘୃଣା ଭାବ ରହିଛି, ଯାହା ସଂଖ୍ୟାଗୁରୁତ୍ୱର ସ୍ବଭାବ। ଶ୍ରୀଲଙ୍କାର ଗୃହଯୁଦ୍ଧ ପ୍ରାୟ ୨୫ ବର୍ଷ ଧରି ଲାଗିରହିଥିଲା, ଯାହା ଫଳରେ ଶ୍ରୀଲଙ୍କାର ଅନେକ ନେତା ଓ ଭାରତର ରାଜୀବ ଗାନ୍ଧୀଙ୍କ ସମେତ ଲକ୍ଷାଧିକ ଲୋକ ମଲେ। ବାଂଲାଦେଶରେ ପ୍ରାଥମିକ ଜାତୀୟତାବାଦ ଭାଷା ଭିତ୍ତିରେ ଗଢ଼ିଉଠିଥିଲା ଏବଂ ଏହା ବଙ୍ଗାଳୀ ମୁସଲମାନ ଓ ହିନ୍ଦୁମାନଙ୍କୁ ପଶ୍ଚିମ ପାକିସ୍ତାନୀଙ୍କ ଦ୍ୱାରା ସେମାନଙ୍କ ଉପରେ ଜୋରଜବରଦସ୍ତ ଉର୍ଦ୍ଦୁଭାଷାକୁ ଲଦିଦିଆଯିବା ବିରୋଧରେ ଏକତ୍ରିତ କରିଥିଲା। ଆଶ୍ଚର୍ଯ୍ୟର କଥା ମହମ୍ମଦ ଅଲି ଜିନ୍ନା ଜଣେ ...

ବୋହୂଯୋଗ୍ୟା କନ୍ୟା

ବୋହୂଯୋଗ୍ୟା କନ୍ୟା

ପ୍ରକାଶ ତ୍ରିପାଠୀ ଗତ ରବିବାର ସାରେ ଆମେ କିଛି ବନ୍ଧୁ ପୁରୀ ବେଳାଭୂମିରେ ବସିଥିଲୁ। କର୍ମମୟ ଜୀବନରୁ କିଛି ମୁହୂର୍ତ୍ତ ବାହାର କରି ବନ୍ଧୁମାନଙ୍କ ସହ ଦୁଃଖସୁଖ ହେବା କେବଳ ଏହି ଛୁଟିଦିନମାନଙ୍କରେ ହିଁ ସମ୍ଭବ ହୋଇଥାଏ। ତାହା ପୁଣି ଅନିୟମିତ। ସେ ଯାହାହେଉ, ମଝିରେ ମଝିରେ ଏପରି ବନ୍ଧୁମିଳନ ମନରେ ପ୍ରସନ୍ନତା ଭରିଦିଏ ଓ ଆଳାପ ଆଲୋଚନା ଦ୍ୱାରା ମନ ବି ହାଲ୍‌କା ହୋଇଯାଏ। ସେଦିନ କଥାପ୍ରସଙ୍ଗରେ ଜଣେ ବନ୍ଧୁ କହିଲେ ଯେ, ଆଜି ତାଙ୍କ ଘରେ ଝିଅ ଓ ତା’ ମାଆ ମଧ୍ୟରେ ଝଗଡା ହୋଇଯାଇଛି। ଆମେ ଜାଣୁ ଯେ ବନ୍ଧୁଙ୍କ ପତ୍ନୀ ଅତି ସରଳ ଓ ଶାନ୍ତ ସ୍ବଭାବର। ...

 ‘ଲେସ୍‌’ର ଲେଖକ

‘ଲେସ୍‌’ର ଲେଖକ

ବ୍ୟକ୍ତିତ୍ୱ/ଜିତେନ୍ଦ୍ର ଆମେରିକାରେ ଖବରକାଗଜ, ପତ୍ରିକା, ଅନ୍‌ଲାଇନ୍‌ ଜର୍ନାଲିଜିମ୍‌, ସାହିତ୍ୟ ଓ ସଙ୍ଗୀତ ସଂଯୋଜନା କ୍ଷେତ୍ରରେ ‘ପୁଲିଜର ପୁରସ୍କାର’ ମର୍ଯ୍ୟାଦାଜନକ ସମ୍ମାନ ଭାବେ ପରିଚିତ। ହଙ୍ଗେରିଜନ୍ମିତ ଆମେରିକୀୟ ଖବରକାଗଜ ପ୍ରକାଶକ ତଥା ସାମ୍ବାଦିକ ଯୋଶେଫ୍‌ ପୁଲିଜରଙ୍କ ନାମାନୁଯାୟୀ ୧୯୧୭ ମସିହାରୁ ଏହି ସମ୍ମାନ ପ୍ରତିବର୍ଷ କଲମ୍ବିଆ ବିଶ୍ୱବିଦ୍ୟାଳୟ ଦ୍ୱାରା ପ୍ରଦାନ କରାଯାଇଆସୁଛି। ୨୧ଟି କ୍ଷେତ୍ରରେ ଏହି ପୁରସ୍କାର ଦିଆଯାଉଥିବା ବେଳେ ୨୦୧୮ ପାଇଁ କାଳ୍ପନିକ ଲେଖା ସକାଶେ ଆଣ୍ଡ୍ର୍ୟୁ ସିଏନ ଗ୍ରୀର୍‌ ଯୋଗ୍ୟ ବିବେଚିତ ହୋଇଛନ୍ତି।...

ଏଇ ଭାରତରେ

ଏଇ ଭାରତରେ

ପୋଲିସ ପାଖକୁ ଗଲେ ପଇସା ନ ଦେଲେ କୌଣସି କାମ ହୁଏନାହିଁ। ଏହା ବାରମ୍ବାର ପ୍ରମାଣିତ ହୋଇଆସୁଛି। ଖାକି ବର୍ଦ୍ଦି ପିନ୍ଧିଥିବା ଅଧିକାଂଶ ବାବୁ ଅଭିଯୋଗକାରୀଙ୍କ ଆର୍ଥିକ କ୍ଷମତାକୁ ନ ଦେଖି ଅର୍ଥ ଦାବି କରନ୍ତି, ଯାହା ପୈଠ କରିବା କାଠିକର ପାଠ ହୋଇଯାଏ। ନିକଟରେ ବିହାର ବୈଶାଳୀ ଜିଲାର ଜଣେ ଅନାଥ ବାଳକ ଥାନାବାବୁଙ୍କ ଚାହିଦା ପୂରଣ ପାଇଁ ଭିକ୍ଷା କରିବା ଘଟଣା ସମସ୍ତଙ୍କୁ ଆଶ୍ଚର୍ଯ୍ୟ କରିଛି। ବୈଶାଳୀ ଜିଲା କଟହରାର ଚେହରାକଳା ଗ୍ରାମର ଜଣେ ଅନାଥ ବାଳକ ବିବେକଙ୍କଠାରୁ ସମ୍ପୃକ୍ତ ଅଞ୍ଚଳର ଜଣେ ଗୁଣ୍ଡା ଶ୍ରେଣୀୟ ବ୍ୟକ୍ତି ଜୋର୍‌ କରି ଜମି ନେଇଯାଇଥିଲେ। ବିବେକ ଏ ସମ୍ପର୍କରେ ପୋଲିସରେ ଅଭିଯୋଗ କରିବାକୁ ଥାନାକୁ ଗଲେ। ମାତ୍ର ଥାନାବାବୁ ତାଙ୍କୁ ଏଥିପାଇଁ ଦଶ ହଜାର ଟଙ୍କା ଦାବି କରିଥିଲେ। ...

 ଭବିଷ୍ୟତ ଗତିବିଧି

ଭବିଷ୍ୟତ ଗତିବିଧି

ଦିଲ୍ଲୀକା ବାବୁ/ ଦିଲୀପ ଚେରିଏନ୍‌ କେନ୍ଦ୍ରୀୟ ପ୍ରତ୍ୟକ୍ଷ କର ପରିଷଦ (ସିବିଡିଟି)ର ଅଧ୍ୟକ୍ଷ ସୁଶୀଲ ଚନ୍ଦ୍ରଙ୍କ ଭବିଷ୍ୟତକୁ ନେଇ ଦିଲ୍ଲୀରେ ନାନା କଳ୍ପନାଜଳ୍ପନା ପ୍ରକାଶ ପାଇଛି। ଆସନ୍ତା ମେ ଶେଷ ସୁଦ୍ଧା ଚନ୍ଦ୍ର ଅବସର ନେବାକୁ ଥିବାବେଳେ ସରକାର ତାଙ୍କ କାର୍ଯ୍ୟକାଳ ପୁଣିଥରେ ବୃଦ୍ଧି କରିପାରନ୍ତି ବୋଲି ଶୁଣିବାକୁ ମିଳୁଛି। ଏଠାରେ ସ୍ମରଣଯୋଗ୍ୟ ଯେ, ଗତବର୍ଷ ମେ ମାସରେ ଚନ୍ଦ୍ର ଅବସର ନେବାର ଥିଲା। କିନ୍ତୁ ତାଙ୍କ ଅବସରର କିଛିଦିନ ପୂର୍ବରୁ ମୋଦି ସରକାର ତାଙ୍କୁ ସିବିଡିଟିର ଅଧ୍ୟକ୍ଷ ଭାବେ ପୁନର୍ନିଯୁକ୍ତ କରିଥିଲେ। ସମ୍ପ୍ରତି ସରକାର ସିବିଡିଟିର ଦୁଇଟି ସଦସ୍ୟ ପଦ ପୂରଣ କରିବା ପାଇଁ ପ୍ରକ୍ରିୟା ଆରମ୍ଭ କରିଥିବାବେଳେ ଚନ୍ଦ୍ରଙ୍କ ଅବସର ପରେ ଖାଲି ହେବାକୁ ଥିବା ଅଧ୍ୟକ୍ଷ ପଦ ପୂରଣ ପାଇଁ ପ୍ରକ୍ରିୟା ଆରମ୍ଭ କରି ନ ଥିବାରୁ ଏପରି କଳ୍ପନାଜଳ୍ପନାକୁ ଖୋରାକ ମିଳିଯାଇଛି। ତେବେ ଆଉ କିଛି ଲୋକଙ୍କ ଅନୁମାନ ଅନୁସାରେ ଚନ୍ଦ୍ରଙ୍କୁ ୧୯୮୪ ବ୍ୟାଚ୍‌ ଆଇପିଏସ୍‌ ଅଫିସର କର୍ନଲ ସିଂଙ୍କ ସ୍ଥାନରେ ପ୍ରବର୍ତ୍ତନ ନିର୍ଦ୍ଦେଶାଳୟ (ଇଡି)ର ମୁଖ୍ୟ କରାଯାଇପାରେ।...

ବିଶ୍ୱାସ ନିକିତିରେ ଦେଶର ତଉଲ

ବିଶ୍ୱାସ ନିକିତିରେ ଦେଶର ତଉଲ

ସରଳ କୁମାର ଦାସ ଯେ କୌଣସି ସମାଜର ଉନ୍ନତି ଓ ପ୍ରଗତି ପାଇଁ ଦୃଢ଼ ଭାବେ ସଂସ୍ଥାପିତ, ବିଶ୍ୱସନୀୟ, ଉତ୍ତରଦାୟୀ, ପ୍ରଭାବୀ ଅନୁଷ୍ଠାନଗୁଡ଼ିକର ଆବଶ୍ୟକତା ଗୁରୁତ୍ୱପୂର୍ଣ୍ଣ। ଅନୁଷ୍ଠାନଗୁଡ଼ିକ ସମାଜକୁ ତିଆରି କରୁଥିବା ଇଟାଖଣ୍ଡ ସଦୃଶ। ଜନସାଧାରଣଙ୍କର ସଂସ୍ଥା ଓ ବ୍ୟବସ୍ଥା ପ୍ରତି ଆସ୍ଥା ନ ରହିଲେ ଅରାଜକତା ଦେଖାଦେଇ ତାହା ସମାଜ ଓ ଦେଶର ସଂହତି ପ୍ରତି ବିପଦ ସୃଷ୍ଟି କରିବାର ସମ୍ଭାବନା ଥାଏ। ଲୋକଙ୍କ ଆସ୍ଥା ବିନା ଗୋଟିଏ ଦେଶ ତିଷ୍ଠି ରହିବା ଅସମ୍ଭବ ବୋଲି ବହୁ ଶତାବ୍ଦୀ ପୂର୍ବରୁ ଚୀନ ଦାର୍ଶନିକ କନ୍‌ଫୁସିଅସ୍‌ କହିଥିଲେ।...

ସାହିତ୍ୟ କାହିଁକି

ସାହିତ୍ୟ କାହିଁକି

ଶିବରାମ ଶତପଥୀ ସହିତ ଶବ୍ଦରେ ୟ ପ୍ରତ୍ୟୟ ଯୋଗ କରି ସାହିତ୍ୟ ଶବ୍ଦ ସୃଷ୍ଟ। ପଣ୍ଡିତମାନେ ବ୍ୟାଖ୍ୟା କରି କହିଛନ୍ତି ଯାହା ଜୀବାତ୍ମାକୁ ପରମାତ୍ମାଙ୍କ ସହିତ ମିଶାଏ ତାହା ସାହିତ୍ୟ। ତେବେ ଯୁଗେ ଯୁଗେ ସାହିତ୍ୟ ସୃଷ୍ଟି କରନ୍ତି ଅଳ୍ପକିଛି ସ୍ଥିତଧୀ ବ୍ୟକ୍ତି ଓ ସେଥିରେ ଆପ୍ୟାୟିତ ହୁଅନ୍ତି ଅସଂଖ୍ୟ ପାଠକଳ୍‌। ଯେପରି ଜଣେ ଭଗୀରଥ ଗଙ୍ଗାଙ୍କୁ ସ୍ବର୍ଗରୁ ଅବତରଣ କରାଇଥିଲେ। କେବଳ ଷାଠିଏ ସହସ୍ର ସଗର ପୁତ୍ର ନୁହନ୍ତି କୋଟି କୋଟି ବ୍ୟକ୍ତି ସେ ଜଳରେ ଅବଗାହନ ଓ ପାନ କରି ଉପକୃତ ହେଉଛନ୍ତି। ସାହିତ୍ୟ ସୃଷ୍ଟି ସେପରି ଶାଶ୍ୱତ ଓ ସାର୍ବଜନୀନ ହେବା ଆବଶ୍ୟକ।...

ଏଇ ଭାରତରେ

ଏଇ ଭାରତରେ

ବିବାହ ପୂର୍ବରୁ କନ୍ୟା ତା’ର ପ୍ରେମିକ ସହ ଫେରାର ହୋଇଯିବା ଫଳରେ ବରକୁ ଶିଶୁପାଳ ହୋଇ ଫେରିବାର ଉଦାହରଣ ଅନେକ ରହିଛି। କିନ୍ତୁ ବର ମଦ୍ୟପାନ କରି ବାହା ହେବାକୁ ଆସିଥିବାରୁ କନ୍ୟା ବିନା ଘରକୁ ଫେରିବା ଘଟଣା ଖୁବ୍‌ କମ୍‌ ଦେଖିବାକୁ ମିଳେ। ଏମିତି ଏକ ଘଟଣା ଗତ ମଙ୍ଗଳବାର ଦେଖିବାକୁ ମିଳିଛି ଉତ୍ତରପ୍ରଦେଶର ଇଟାଓ୍ବା ଜିଲା ଶେଖପୁର ସରୌୟା ଗ୍ରାମରେ। କନ୍ୟା କୁମ୍‌କୁମ୍‌ ଖୁବ୍‌ ସାହସ ଦେଖାଇ ମଦ୍ୟପ ବରକୁ ଫେରାଇ ଦେଇଛନ୍ତି। କୁମ୍‌କୁମ୍‌ଙ୍କ ପରିବାର ରୁହନ୍ତି ଶେଖପୁର ସରୌୟା ଗ୍ରାମରେ। ତାଙ୍କର ବିବାହ ସ୍ଥିର ହୋଇଥିଲା ସେହି ଜିଲାର ଯଶଓ୍ବନ୍ତନଗର କସ୍‌ବେ ଗ୍ରାମର ଗୁଲ୍‌ଶନ୍‌ ଯାଦବଙ୍କ ସହ। କୁମ୍‌କୁମ୍‌ ଗୋଟିଏ ସର୍ତ୍ତ ରଖିଥିଲେ ଯେ, ବାହାଘରକୁ କେହି ମଦ ପିଇ ଆସିବେ ନାହିଁ। ବରଯାତ୍ରୀମାନଙ୍କୁ ଏଥିସକାଶେ ବାରଣ ମଧ୍ୟ କରାଯାଇଥିଲା। ...