ଜୀବନଚର୍ଯ୍ୟା |

ଆୟୁର୍ବେଦରେ ଆଣ୍ଟିବାୟୋଟିକ୍‌

ଆୟୁର୍ବେଦରେ ଆଣ୍ଟିବାୟୋଟିକ୍‌
ଆୟୁର୍ବେଦ ଚିକିତ୍ସା ପ୍ରାକୃତିକ, ପାର୍ଶ୍ୱ ପ୍ରତିକ୍ରିୟା ବିହୀନ। ଏଥିରେ ବିଭିନ୍ନ ଧାତୁ, ଉପଧାତୁ, ରତ୍ନ, ଉପରତ୍ନ ପାରଦ ଇତ୍ୟାଦିକୁ ଶୋଧନ କରାଯାଇ ଏହାର ଶାସ୍ତ୍ରୀୟବିଧି ଅନୁସାରେ ଭସ୍ମ ପ୍ରସ୍ତୁତି ହୋଇଥାଏ । ଏହିଗୁଡିକ ଏଣ୍ଟିବାୟୋଟିକ ରୂପେ କାର୍ଯ୍ୟ କରିବା ସହ ବିଭିନ୍ନ ରୋଗକୁ ଆଶୁ ଆରୋଗ୍ୟ କରିଥାଏ । ଏହା ତ୍ରିଦୋଷ (ବାତ, ପିତ୍ତ ଓ କଫ) ଶାମକ, ଜନ୍ତୁଘ୍ନ (ବିଭିନ୍ନ ପ୍ରକାର ଜୀବାଣୁ ଓ ଭୂତାଣୁ ନାଶକ), କୋଷ୍ଠଘ୍ନ (କୋଷ୍ଠ ଶୁଦ୍ଧି କରେ), ଯୋଗବାହୀ(ଔଷଧର ଗୁଣବତ୍ତା ବୃଦ୍ଧି କରେ) ଓ ଶରୀରର ସମସ୍ତ ଅଙ୍ଗକୁ ସୁରକ୍ଷା ପ୍ରଦାନ କରେ । ପ୍ରାକୃତିକ ଆଣ୍ଟିବାୟୋଟିକ ମଧ୍ୟରେ ପ୍ରଥମତଃ ରସଔଷଧୀ ବା ପାରଦ ଘଟିତ ଔଷଧ ଯଥା-ଶୁଦ୍ଧ ପାରଦ ଓ ଶୁଦ୍ଧ ଗନ୍ଧକର ଯୋଗ କଜ୍ଜ୍ୱଳି କଥା ବିବେଚନା କରିବା। ଏହା ଜନ୍ତୁଘ୍ନ, କୋଷ୍ଠଘ୍ନ, ଯୋଗବାହୀ, ତ୍ରିଦୋଷ ନାଶକ, ବାତ ବାହିନୀ (ନର୍ଭସ ସିଷ୍ଟମ)ର ପୀଡା ନାଶକ, ରକ୍ତଶୋଧକ ନାଡୀ (ବ୍ରଣ) ଦୋଷ ସଂଶୋଧକ, ଦୁର୍ଗନ୍ଧ ନାଶକ, ପାଚନ କ୍ରିୟାକୁ ସବଳ କରେ । ସ୍ବର୍ଣ୍ଣ ଭସ୍ମ-ରକ୍ତ ପ୍ରସାଦକ, ବାତ ବାହିନୀ ବଳ ପ୍ରଦାୟକ, ଜୀବାଣୁ ନାଶକ। ରୌପ୍ୟ ଭସ୍ମ-ରକ୍ତବାହିନୀରେ ବାତ ପ୍ରକୋପଜନିତ ଶୂଳ, ରକ୍ତବାହିନୀ ସଂକୋଚ, ପ୍ରମେହ, ଯକୃତ ପ୍ଲିହା ରୋଗ, ଧାତୁ କ୍ଷୀଣତା, ନେତ୍ରରୋଗ, ଅପସ୍ମାର, ହିଷ୍ଟ୍ରିଆ ଏବଂ ବାତ ପିତ୍ତ ଜନିତ ବିକାର ନାଶକ। ରୌପ୍ୟଭସ୍ମକୁ ଅଁଳା, ବଂଶଲୋଚନ, ଅମୃତା ସତ୍ତ୍ୱ, ତୋପଚିନି ଏବଂ ମହୁ ସହ ଦେଲେ ଉତ୍ତମ ଫଳ ମିଳେ। ତାମ୍ର ଭସ୍ମ-ଆମାଶୟରେ ଉତ୍ପନ୍ନ ଘା, ମାଂସାର୍ବୁଦ ପାଇଁ ଫଳପ୍ରଦ। ବଙ୍ଗଭସ୍ମ-ବାରମ୍ବାର ମୂତ୍ର ସ୍ରାବ, ପରିସ୍ରା ନଳୀ ଜ୍ୱଳନ, ଉଦର କର୍କଟ, ନାରୀ ଜନନେନ୍ଦ୍ରିୟ ରୋଗ, ପ୍ରଦର ବିକାର, ସିଫଲିଶନାଶକ। ନାଗ ଭସ୍ମ-ପ୍ରଦର, ରକ୍ତଗୁଳ୍ମ, ଗଣ୍ଡମାଳା, ଧାତୁକ୍ଷୟ ନାଶକ। ରସମାଣିକ୍ୟ-(ଶୁଦ୍ଧ ପାରଦ, ଗନ୍ଧକ, ମନଃଶିଳା ଏବଂ ସୀସା)-ମୁଖପାକ(ପାକସ୍ଥଳିଜନିତ), ପରିସ୍ରା ସାନ୍ଧ୍ରତା କମିଯିବା, ହଳଦିଆ ବର୍ଣ୍ଣ ପରିସ୍ରା, ମୂତ୍ରନଳୀ ଉତ୍ତେଜନା ଦୂର କରେ । ରସପର୍ପଟି-(ଶୁଦ୍ଧ ପାରଦ ଓ ଗନ୍ଧକ)- ସଂଗ୍ରହଣୀ, ଅନ୍ତବ୍ରଣ (ଟ୍ୟୁମର) ଅନ୍ତ୍ରଶୋଥ, ଗୁଦକ୍ଷତ (ଆନାଲାଫିସିଓର)କୁ ଦୂର କରେ । ପଞ୍ଚାମୃତ ପର୍ପଟୀ-(ଶୁଦ୍ଧ ପାରଦ, ଲୌହ, ଅଭ୍ର, ତାମ୍ର ଭସ୍ମ) ଏହା ପଚନେନ୍ଦ୍ରିୟ ଶକ୍ତି ପ୍ରଦାନ କରେ, ଅନ୍ତଃନଳୀ ଦୋଷ ନାଶକ। ତାଳସିନ୍ଦୂର-(ଶୁଦ୍ଧ ହରିତାଳ, ପାରଦ, ଗନ୍ଧକ)-ବାତରକ୍ତ କୁଷ୍ଠ, ଚର୍ମରୋଗ, ଉପଦଂଶ, ରକ୍ତବିକାର, ଉରଃକ୍ଷତ ଭଲ କରେ । ଶିଳା ସିନ୍ଦୂର (ଶୁଦ୍ଧ ମନଃ ଶିଳା, ପାରଦ, ଗନ୍ଧକ)-ଏହା ବିସର୍ପ, କଣ୍ଠମାଳା, ଭେରିକସଭେନ, ତ୍ୱଚା ବିକୃତିରେ ଉପଯୋଗୀ । ରସ ସିନ୍ଦୂର- (ପାରଦ, ଗନ୍ଧକ)-ପ୍ଲୁରିସି, ହୃଦରୋଗ, ବାତରୋଗରେ ବିଭିନ୍ନ ଅନୁପାନ ସହ ଦେଲେ ଭଲ ହୋଇଥାଏ। ମଲ୍ଲସିନ୍ଦୂର-(ଶଙ୍ଖୁଆ, ପାରଦ, ଗନ୍ଧକ, ରସକର୍ପୂର) ଏହା ଉପଦଂଶ, ପକ୍ଷାଘାତ, ସନ୍ନିପାତ, ହ୍ୟୁପିଙ୍ଗ କଫ, ସନ୍ଧିବାତ, ଇସନଫୁଲିଆ ଆଦି ରୋଗ ପାଇଁ ଉପକାରୀ । ଏହି ଔଷଧ ସହ ବିଭିନ୍ନ ବନସ୍ପତି ଔଷଧ ସେବନ କଲେ ଶରୀରରେ ଥିବା ବିଷାକ୍ତ(ଟକ୍‌ସିକ)ପଦାର୍ଥକୁ ଦୂର କରି କୋଷ, ତନ୍ତୁଗୁଡିକୁ ଶୁଦ୍ଧ କରିବା ପାଇଁ ସୋନାମୁଖୀ, ଜଷ୍ଟିମଧୁ, ଶୁଣ୍ଠି, ତ୍ରିକଟୁ ଇତ୍ୟାଦି ଦ୍ରବ୍ୟ ପ୍ରୟୋଗ କରାଯାଏ । ଏହି ଔଷଧଗୁଡିକ ପ୍ରୟୋଗ ଦ୍ୱାରା ପୁରାତନ ବ୍ୟାଧି, ଅମ୍ଳ, ଧାତୁରୋଗ, ପ୍ରମେହ, ପ୍ରଦର ରୋଗ, ଶିରଃଶୂଳ, ଏକଜିମା, ସୋରିଆସିସ, କାମଳା, ଗାଉଟ, ପୁରାତନ ଜ୍ୱର, ଯକୃତରୋଗ, ଏପିଲେପ୍ସି, ଉନ୍ମାଦ, ଲିଙ୍ଗଶିଥିଳତା, ଦନ୍ତଶୂଳ, କଟିବାତ, ଗଣ୍ଠିବାତ ଇତ୍ୟାଦି ବାତବ୍ୟାଧିରେ ନିଜର ସୁନାମ ଅର୍ଜନ କରି ସ୍ଥିତି ବଜାଇ ରଖିପାରିଛି। ତଥାପି କେତେକ ରୋଗ ଯଥା-ଏଡସ, କର୍କଟ (କ୍ୟାନସର), ମଧୁମେହ, ବୃକ୍‌କ ରୋଗ, ଚକ୍ଷୁରୋଗ (ଟେପିନୋପ୍ୟାଥି), ଅସ୍ଥିମଜ୍ଜା ଯକ୍ଷ୍ମା, ଅନ୍ତନଳୀ ଯକ୍ଷ୍ମା ଇତ୍ୟାଦିରେ ଶାସ୍ତ୍ରରେ ଔଷଧ ଚିକିତ୍ସାର ବର୍ଣ୍ଣନା ଥିଲେ ମଧ୍ୟ ଗବେଷଣା ଅଭାବରୁ ସଫଳତା ପାଇ ପାରୁ ନାହିଁ। ଏଥିପାଇଁ ସରକାରୀ ସ୍ତରରେ ପ୍ରଚେଷ୍ଟା ଓ ପ୍ରୋତ୍ସାହନ ଆବଶ୍ୟକ। ବର୍ତ୍ତମାନ ମଣିଷ ବିଭିନ୍ନ ରାସାୟନିକ ଔଷଧ, ସାରଦିଆ ଖାଦ୍ୟ, ପନିପରିବା, ମସଲା ଓ ଥଣ୍ଡା ପାନୀୟ ସେବନ କରି ତା’ର ଶରୀରରେ ବ୍ୟାଧି ପ୍ରତିରୋଧକ କ୍ଷମତା ହ୍ରାସ ପାଇବାକୁ ବସିଲାଣି ଯଦ୍ଦ୍ବାରା ସାନରୁ ବଡ ପର୍ଯ୍ୟନ୍ତ ସମସ୍ତେ ବିଭିନ୍ନ ବ୍ୟାଧିରେ କବଳିତ। ପ୍ରାକୃତିକ ଔଷଧ ଓ ଉପଚାର ମାଧ୍ୟମରେ ମଣିଷ ସମାଜ ସୁସ୍ଥ ନୀରୋଗ ଜୀବନଯାପନ କରିପାରିବ ।
All Right Reserved By

ଜୀବନଚର୍ଯ୍ୟା |

ଟ୍ରାଡିଶନାଲ ଲୁକ୍‌

ଟ୍ରାଡିଶନାଲ ଲୁକ୍‌

ଏଥର ପୂଜାରେ ଟ୍ରାଡିଶନାଲ ସହ mଟ୍ରେଣ୍ଡି ଲୁକ୍‌ ପାଇବାକୁ ଚାହୁଁଥିଲେ ଆପଣାଇ ପାରିବେ ନିମ୍ନୋକ୍ତ ଟିପ୍ସ...

ସକାଳେ ଗ୍ଲାସେ ଉଷୁମ ପାଣି...

ସକାଳେ ଗ୍ଲାସେ ଉଷୁମ ପାଣି...

ଉଷୁମ ପାଣି ପିଇବା ଦ୍ୱାରା ଶରୀରର ଅନେକ ପ୍ରକାର ରୋଗ ଦୂର ହୋଇଥାଏ। ସକାଳେ ନଖ ଉଷୁମ ପାଣି ଗ୍ଲାସେ ପିଇଲେ ସୁଫଳ ମିଳିଥାଏ ବୋଲି ଆୟୁର୍ବେଦରେ ଉଲ୍ଳେଖ ରହିଛି। 

ଜାଣନ୍ତୁ ମଧୁମେହ ରୋଗୀ  ସାଗୁ ଖାଇବା କେତେଦୂର ଠିକ୍‌

ଜାଣନ୍ତୁ ମଧୁମେହ ରୋଗୀ ସାଗୁ ଖାଇବା କେତେଦୂର ଠିକ୍‌

ମଧୁମେହ ଏକ ଗମ୍ଭୀର ରୋଗ। ଯେଉଁ ରୋଗରେ ଖାଦ୍ୟପେୟ ଜନିତ   ଅନେକ କଟକଣା କରାଯାଇଥାଏ। କାରଣ ଏହି ରୋଗୀଙ୍କ ଖାଦ୍ୟପେୟରେ ହେଉଥିବା ଛୋଟ ପରିବର୍ତ୍ତନ ସେମାନଙ୍କ ପାଇଁ କ୍ଷତିକାରକ ହୋଇଥାଏ। 
ତେବେ ଆପଣ ଯଦି ମଧୁମେହ ରୋଗୀ ହୋଇଥାନ୍ତି ଏକ୍ସରସାଇଜ କରିବା ସହ ମେଡିଶିନ ଖାଇ ବ୍ଲଡ୍‌ ସୁଗାର ମାତ୍ରା କମାଇପାରିବେ।

ଡେଙ୍ଗୁର ଘରୋଇ ଉପଚାର

ଡେଙ୍ଗୁର ଘରୋଇ ଉପଚାର

ଡେଙ୍ଗୁ ସାଧାରଣତଃ ବର୍ଷାଦିନେ ହୋଇଥାଏ। ଅନ୍ୟପକ୍ଷରେ ଅପରିଷ୍କାର ସ୍ଥାନରେ ଡେଙ୍ଗୁର ବାହକ ଏଡିସ୍‌ ମଶା ବଂଶ ବିସ୍ତାର କରିଥାଏ। ତେଣୁ ନିଜ ଘର ଚତୁଃପାର୍ଶ୍ୱ ଯେପରି ପରିଷ୍କାର ପରିଚ୍ଛନ୍ନ ରହେ ସେଥିପ୍ରତି ଧ୍ୟାନ ଦିଅନ୍ତୁ। ଘର ଚାରିପଟେ ଅଳିଆ ଆବର୍ଜନା ଜମା ହେବାକୁ ଦିଅନ୍ତୁ ନାହିଁ। 

ଅଲ୍‌ରାଉଣ୍ଡର ରୋବୋ

ଅଲ୍‌ରାଉଣ୍ଡର ରୋବୋ

ବିଭିନ୍ନ କ୍ଷେତ୍ରରେ ରୋବୋର ବ୍ୟବହାର ଦିନକୁ ଦିନ ବଢ଼ିବାରେ ଲାଗିଛି। ବିଶେଷଭାବରେ ଚିକିତ୍ସା ବିଜ୍ଞାନ କ୍ଷେତ୍ରରେ ଏହାର ଉପଯୋଗ ଚିକିତ୍ସା ଜଗତରେ ଏକ ନୂଆ ଅଧ୍ୟାୟ ସୃଷ୍ଟି କରିଛି।

ଖାଇବା ଶୈଳୀରୁ ଜଣାପଡ଼ିବ ବ୍ୟକ୍ତିତ୍ୱ

ଖାଇବା ଶୈଳୀରୁ ଜଣାପଡ଼ିବ ବ୍ୟକ୍ତିତ୍ୱ

ଜଣେ ବ୍ୟକ୍ତିଙ୍କର ବ୍ୟକ୍ତିତ୍ୱ ତାଙ୍କର ଖାଇବା ଶୈଳୀରୁ ଜଣାପଡିବ-ଏଭଳି ଏକ ମଜାଦାର ତଥ୍ୟ ସଦ୍ୟତମ ଗବେଷଣାରୁ ଜଣାପଡିଛି। ଏପରି ବିଷୟବସ୍ତୁକୁ ନେଇ କାଲିଫର୍ନିଆ ବିଶ୍ୱବିଦ୍ୟାଳୟର ମନୋବିଜ୍ଞାନୀମାନେ ଏକ ସର୍ଭେ କରିଥିଲେ।

ସ୍ମରଣ ଶକ୍ତି ବୃଦ୍ଧି କରିବାର ନୂଆ ଉପାୟ

ସ୍ମରଣ ଶକ୍ତି ବୃଦ୍ଧି କରିବାର ନୂଆ ଉପାୟ

ବେଳେବେଳେ କେତେକ କଥା ଆମ ହାତ ପାଆନ୍ତାରେ ଥାଏ, ହେଲେ ଆମେ ତାକୁ ସହଜରେ ଜାଣି ପାରି ନ ଥାଉ। କୌଣସି ସୂତ୍ରରୁ ସୂଚନା ପାଇବା ମାତ୍ରେ ତାକୁ ଉପଯୋଗ କରି ତାହାର ସୁଫଳ ପାଉ।

ଲେଜର ବିଜ୍ଞାନର ଅବଦାନ

ଲେଜର ବିଜ୍ଞାନର ଅବଦାନ

”ଲେଜର ହେଉଛି ତୀବ୍ର ଉଚ୍ଚ ସଂହତିଯୁକ୍ତ ଏକବର୍ଣ୍ଣୀ  ଆଲୋକ ଉତ୍ସ। ଏହା ୧୯୬୦ ମସିହାରେ ଉଦ୍ଭାବିତ ହେବା ପରେ ପରେ ବୈଜ୍ଞାନିକମାନେ ଏହାର ସଫଳ ପ୍ରୟୋଗ ଉପରେ ଗବେଷଣା କଲେ। ମାନବୋପଯୋଗୀ ଏହାର ଦୁଇଟି ପ୍ରୟୋଗ ସମ୍ବନ୍ଧୀୟ ଉଦ୍ଭାବନ କରିଥିବାରୁ ଏହି ବର୍ଷ ତିନିଜଣ ବୈଜ୍ଞାନିକ-ଯୁକ୍ତରାଷ୍ଟ୍ର ଆମେରିକାର ଆର୍ଥର ଆସ୍କିନ୍‌, ଫ୍ରାନ୍‌ସର  ଜୋରାର୍ଡ ମୋରୁ ଓ କାନାଡ଼ାର ଡୋନା ଷ୍ଟ୍ରିକ୍‌ଲାଣ୍ଡଙ୍କୁ ପଦାର୍ଥ ବିଜ୍ଞାନରେ ନୋବେଲ ପୁରସ୍କାର ପ୍ରଦାନ କରିବା  ପାଇଁ ରୟାଲ୍‌ ସୁଇଡେନ୍‌ ବିଜ୍ଞାନ ଏକାଡେମୀ  ଘୋଷଣା କରିଛନ୍ତି।“

୧୦୩  ପ୍ରକାର ରୋଗ ଦୂର କରେ ପାଟିର ଲାଳ

୧୦୩ ପ୍ରକାର ରୋଗ ଦୂର କରେ ପାଟିର ଲାଳ

ମୁଖ ଭିତରେ ଏକ ଲକ୍ଷରୁ ଅଧିକ ସ୍ବେଦଗ୍ରନ୍ଥି ଲାଳ ତିଆରି କରିଥାନ୍ତି। ଏଥିରେ ଶରୀରର ୧୦୩ ପ୍ରକାର ରୋଗ ଦୂର ହୋଇଥାଏ। ଏହାକୁ ସକାଳେ ଉଠି ପୁରାତନ ଘାରେ ଲାଗାଇଲେ କିଛି ଦିନ ମଧ୍ୟରେ ଘା ଭଲ ହୋଇଥାଏ।

ପ୍ଲାଷ୍ଟିକ ବୋତଲରେ ପାଣି ପିଇବା କ୍ଷତିକାରକ

ପ୍ଲାଷ୍ଟିକ ବୋତଲରେ ପାଣି ପିଇବା କ୍ଷତିକାରକ

ପ୍ଲାଷ୍ଟିକ ବୋତଲରେ ପାଣି ପିଇବା ଆଜିକାଲି ସାଧାରଣ ମନେହେଉଥିଲେ ମଧ୍ୟ ଏହା ଏକ ଖରାପ ଅଭ୍ୟାସ।  ଦେଖିବାକୁ ଗଲେ ଏହା ଆମ ଜୀବନର ଏକ ଅବିଚ୍ଛେଦ୍ୟ ଅଙ୍ଗ ପାଲଟି ସାରିଛି।  ତେବେ ପ୍ଲାଷ୍ଟିକ ବୋତଲରେ ପାଣି ପିଇବା ସ୍ବାସ୍ଥ୍ୟପକ୍ଷେ କ୍ଷତିକାରକ ହୋଇଥାଏ। ପ୍ଲାଷ୍ଟିକରେ ବିଭିନ୍ନ ପ୍ରକାର ରାସାୟନିକ ପଦାର୍ଥ ଓ ବ୍ୟକ୍ଟେରିଆ ଆଦି ରହିଥାଏ। ଯାହାକି ଆମ ସ୍ବାସ୍ଥ୍ୟ ପାଇଁ ହାନିକାରକ ହୋଇଥାଏ। ଆସନ୍ତୁ ଜାଣିବା ପ୍ଲାଷ୍ଟିକ ବୋତଲରେ ପାଣି ପିଇବା ଦ୍ୱାରା ହେଉଥିବା କ୍ଷତି ବିଷୟରେ:

ଅନିଦ୍ରା ସମସ୍ୟାକୁ ଦୂର କରିବା ପାଇଁ ଆପଣେଇ ପାରିବେ ଏଭଳି ସହଜ ଉପାୟ...

ଅନିଦ୍ରା ସମସ୍ୟାକୁ ଦୂର କରିବା ପାଇଁ ଆପଣେଇ ପାରିବେ ଏଭଳି ସହଜ ଉପାୟ...

ମନୁଷ୍ୟକୁ ନିରୋଗ ରଖିବା ପାଇଁ ଗୋଲାପ ଫୁଲ ବେଶ୍‌ ଉପକାରୀ ସାବ୍ୟସ୍ତ ହୋଇଥାଏ। ଅନିଦ୍ରା ରୋଗରୁ ଦୂରେଇ ରହିବା  ଲାଗି ଏହା ମହୋଷଧୀ ସଦୃଶ କାମ କରେ ବୋଲି ଆୟୁର୍ବେଦରେ ଉଲ୍ଲେଖ ରହିଛି।

କେଶ ଝଡିବା ସମସ୍ୟାରୁ ମୁକ୍ତି ଦେବ ତେଲ

କେଶ ଝଡିବା ସମସ୍ୟାରୁ ମୁକ୍ତି ଦେବ ତେଲ

ବର୍ତ୍ତମାନ ସମୟରେ  ପ୍ରାୟତଃ  ଅଧିକାଂଶ ଲୋକଙ୍କଠାରେ କେଶ ଝଡିବା ସମସ୍ୟା ଦେଖାଦେଉଛି। ଜୀବନଶୈଳୀର ପରିବର୍ତ୍ତନ ଓ ବଢ଼ୁଥିବା ପ୍ରଦୂଷଣ ଏହାର ମୁଖ୍ୟ କାରଣ ହୋଇଥାଏ। ଏହି ସମସ୍ୟା ପିଲାଙ୍କଠାରେ ମଧ୍ୟ ଦେଖାଦେଇଥାଏ। ଯାହା ଫଳରେ ଉକ୍ତ ସମସ୍ୟା ପାଇଁ ଅନେକ ବ୍ୟକ୍ତି ଡାକ୍ତରଙ୍କ ପରାମର୍ଶ ଲୋଡିଥିଲେ ମଧ୍ୟ ଏହାର ସୁଫଳ ମିଳିପାରୁ ନାହିଁ।