ଅନଗୁଳ-ଢେଙ୍କାନାଳ

ଅଣ-ଅର୍ଦ୍ଧକୁଶଳୀକୁ ନେଇ କେଁ: ଅସନା ଦିଶିଲାଣି ଅନୁଗୋଳ ସହର

ଅଣ-ଅର୍ଦ୍ଧକୁଶଳୀକୁ ନେଇ କେଁ: ଅସନା ଦିଶିଲାଣି ଅନୁଗୋଳ ସହର

ଅନୁଗୋଳ ଅଫିସ, ୧୩।୧୨: ଅନୁଗୋଳ ସହରର ଅଳିଆ କେଉଁଠି ପଡ଼ିବ ତାହାକୁ ନେଇ ଦୀର୍ଘ ବର୍ଷ ହେଲା ବାଦ ବିବାଦ ଚାଲିଥିବା ବେଳେ ସଫେଇ କର୍ମଚାରୀଙ୍କ ଘନ ଘନ କାର୍ଯ୍ୟବନ୍ଦ ଆନ୍ଦୋଳନ ପୌର ପ୍ରଶାସନ ପାଇଁ ଏବେ ନୂଆ ଅଡ଼ୁଆ ସୃଷ୍ଟି କରିଛି। ସରକାରୀ ନିୟମ ଅନୁଯାୟୀ ସଫେଇ କର୍ମଚାରୀଙ୍କୁ ଅଣ କୁଶଳୀ ଶ୍ରେଣୀଭୁକ୍ତ କରାଯାଇଛି। କିନ୍ତୁ ସମ୍ପୃକ୍ତ କର୍ମଚାରୀମାନେ ଅର୍ଦ୍ଧକୁଶଳୀ ଦରମା ଦାବି କରୁଛନ୍ତି। ଏହା ହିଁ ସହର ସଫେଇ କାର୍ଯ୍ୟରେ କେଁ ପୂରାଇଛି। ପୌର ପ୍ରଶାସନ ଶ୍ରମ ବିଭାଗର ଚିଠି ଦେଖାଇ ବୁଝାଇବାକୁ ଚେଷ୍ଟା କରୁଥିଲେ ମଧ୍ୟ ସମସ୍ୟାର ସମାଧାନ ହୋଇପାରୁ ନାହିଁ। ଏହାଛଡ଼ା ଅଧିକ ୩୦ଜଣ କର୍ମଚାରୀଙ୍କୁ ନିଯୁକ୍ତି ଦେବାକୁ କର୍ମଚାରୀମାନେ ଅଡ଼ି ବସିଥିବାରୁ ପ୍ରାୟ ମାସେ ହେଲା ସଫେଇ ବିନା ସହର ଅସନା ଦିଶିଲାଣି। ବ୍ୟକ୍ତିଗତ ଫାଇଦା ପାଇଁ କେତେଜଣ ବ୍ୟକ୍ତି ସହର ସଫେଇରେ ଏପରି ବାଧା ପହଞ୍ଚାଉଥିବା ଚର୍ଚ୍ଚା ହେଉଛି।

ରାତି ପାହିଲେ ସଫେଇ କର୍ମଚାରୀ ଅନୁଗୋଳ ଷ୍ଟାଡିୟମ ସମ୍ମୁଖରେ ରୁଣ୍ଡ ହେଉଛନ୍ତି। ସେଠାରେ ବୈଠକ କରି କାର୍ଯ୍ୟ ବନ୍ଦ ରଖିବାକୁ ନିଷ୍ପତ୍ତି କରୁଛନ୍ତି। ୧୦୦ କର୍ମଚାରୀ ଥିଲେ ବି ଅଧିକ ୩୦ ଜଣଙ୍କୁ କାର୍ଯ୍ୟରେ ନିୟୋଜିତ କରିବା ଓ ଅର୍ଦ୍ଧକୁଶଳୀ ଦରମା ୩୨୦ ଟଙ୍କା ପ୍ରଦାନ ଦାବି ଦୋହରାଉଛନ୍ତି। ସଫେଇ କର୍ମଚାରୀଙ୍କ ଏପରି ଆନ୍ଦୋଳନ ଯୋଗୁ ସହରର ପରିମଳ ଅବସ୍ଥା ଶୋଚନୀୟ ହୋଇପଡ଼ିଲାଣି। ପୌରପାଳିକାର ହାତଗଣତି କେଇଜଣ କର୍ମଚାରୀ କେତେକ ସ୍ଥାନରୁ ଅଳିଆ ଉଠାଉଥିଲେ ବି କିଛି ସମୟ ପରେ ସେଠାରେ ଅଧିକ ଆବର୍ଜନା ଜମା ହୋଇଯାଉଛି। ଏପରି ଅବସ୍ଥାରେ ସଫେଇ ପାଇଁ ଠିକା ନେଇଥିବା ସଂସ୍ଥା ଏଲ୍‌ ଆଣ୍ଡ କେ ମଧ୍ୟ ନିରୁପାୟ ହୋଇପଡ଼ିଛି। କର୍ମଚାରୀମାନଙ୍କୁ ସଂସ୍ଥା କର୍ତ୍ତୃପକ୍ଷ ବୁଝାଇ ବୁଝାଇ ଥକି ଗଲେଣି। ହେଲେ ସେମାନେ ଦାବି ପୂରଣ ପାଇଁ ଜିଦ୍‌ ଧରି ବସିଛନ୍ତି। ଏଣେ ସରକାରଙ୍କ ଆଞ୍ଚଳିକ ଶ୍ରମ ନିୟୋଜନ କାର୍ଯ୍ୟାଳୟକୁ ପୌରକର୍ତ୍ତୃପକ୍ଷ ଚିଠି ଲେଖି ସଫେଇ କର୍ମଚାରୀଙ୍କ ମଜୁରୀ ସମ୍ପର୍କରେ ବୁଝି ସାରିଛନ୍ତି। ଶ୍ରମ ବିଭାଗ ପକ୍ଷରୁ ପୌର କର୍ତ୍ତୃପକ୍ଷଙ୍କୁ ପ୍ରଦାନ କରାଯାଇଥିବା ଚିଠି (ନଂ. ୪୨୩୧/୧୮)ରେ ଦର୍ଶାଯାଇଛି ଯେ, ସଫେଇ କର୍ମଚାରୀମାନେ ଅଣ କୁଶଳୀ। ତେଣୁ ସେମାନଙ୍କୁ ଅଣ କୁଶଳୀ ହିସାବରେ ଦରମା ପ୍ରଦାନ କରାଯାଉ। ଏହି ଚିଠିକୁ ପୌର କର୍ତ୍ତୃପକ୍ଷ ସଫେଇ କର୍ମଚାରୀଙ୍କୁ ବାରମ୍ବାର ଦେଖାଇ ସାରିଲାଣି। କିନ୍ତୁ ସମସ୍ୟା ସମାଧାନର କୌଣସି ପନ୍ଥା ଏଯାଏ ବାହାରି ପାରି ନାହିଁ। ଅପରପକ୍ଷରେ ସଫେଇ କର୍ମଚାରୀଙ୍କ ଏପରି ଜିଦ୍‌ ପଛରେ କେତେଜଣ ମୁଷ୍ଟିମେୟ ବ୍ୟକ୍ତିଙ୍କ ହାତ ଥିବା କୁହାଯାଉଛି। କାରଣ ସହରରୁ ଅଳିଆ ସଫା କରିବାକୁ ଟେଣ୍ଡର ନେଇଥିବା ବ୍ୟକ୍ତିଙ୍କୁ ମୋଟା ଅଙ୍କର ଟଙ୍କା ମଗାଯାଉଥିବା ଚର୍ଚ୍ଚା ହେଉଛି। ଟଙ୍କା ଦେଲେ ଅଳିଆ ଉଠିବ ନଚେତ୍‌ ସଫେଇ କାର୍ଯ୍ୟ ହୋଇପାରିବ ନାହିଁ ବୋଲି କୁହାଯାଉଥିବା ଆଲୋଚନା ଜୋର ଧରିଛି।

ଘଟଣା ସମ୍ପର୍କରେ ପୌର ନିର୍ବାହୀ ଅଧିକାରୀ ଶୁଭେନ୍ଦୁ ଜେନା କହିଛନ୍ତି, ବାରମ୍ବାର ସଫେଇ କର୍ମଚାରୀଙ୍କ ସହ ଆଲୋଚନା କରାଯାଉଥିଲେ ମଧ୍ୟ ବିଫଳ ହେଉଛି। ସଫେଇ କର୍ମଚାରୀଙ୍କୁ ଅର୍ଦ୍ଧ କୁଶଳୀ ଦରମା ଦେବାର ସରକାରୀ ନିୟମ ନାହିଁ। ତେଣୁ ସେମାନେ ଦାବି କରୁଥିବା ଅର୍ଥ ରାଶି ପୌରପରିଷଦ ଦେଇପାରିବ ନାହିଁ।

All Right Reserved By

ଅନଗୁଳ-ଢେଙ୍କାନାଳ

ଶ୍ରୀଚୈତନ୍ୟଙ୍କ ଜୟନ୍ତୀ

ଶ୍ରୀଚୈତନ୍ୟଙ୍କ ଜୟନ୍ତୀ

କଣିହଁା, ୨୧।୩(ଡି.ଏନ.ଏ.)-ଶ୍ରୀକୃଷ୍ଣଙ୍କ ଲୀଳା ଏବଂ ହରିନାମକୁ ସଂକୀର୍ତ୍ତନ ମାଧ୍ୟମରେ ପ୍ରଚାର ପ୍ରସାର କରିଥିବା ସନ୍ଥ ଶ୍ରୀଚୈତନ୍ୟ ଦେବଙ୍କ ଜନ୍ମ ଉତ୍ସବ ଗୁରୁବାର କଣିହାଁ ବ୍ଲକର ବିଭିନ୍ନ ଗ୍ରାମରେ ପାଳିତ ହୋଇଛି ।

ଭାଜପାରେ ମିଶିଲେ ଢେଙ୍କାନାଳ ଜିଲା କଂଗ୍ରେସ କାର୍ଯ୍ୟକାରୀ ସଭାପତି

ଭାଜପାରେ ମିଶିଲେ ଢେଙ୍କାନାଳ ଜିଲା କଂଗ୍ରେସ କାର୍ଯ୍ୟକାରୀ ସଭାପତି

ଭୁବନ ୨୧।୩(ଡି.ଏନ.ଏ.)-ଢେଙ୍କାନାଳ ଜିଲା କଂଗ୍ରେସ କାର୍ଯ୍ୟକାରୀ ସଭାପତି ପ୍ରବାଳକାନ୍ତି ସାହୁ ଗୁରୁବାର ଭାଜପାରେ ଯୋଗଦେଇଛନ୍ତ। ଜିଲା ଉପସଭାପତି ଶତ୍ରୁଘ୍ନ ଜେନାଙ୍କ ତତ୍ତ୍ୱାବଧାନରେ ଭୁବନେଶ୍ୱରରେ ଅନୁଷ୍ଠିତ ମିଶ୍ରଣ ପର୍ବରେ ସେ ଭାଜପାରେ ସାମିଲ ହୋଇଛନ୍ତି। ଏହି ଅବସରରେ ଦଳର ରାଷ୍ଟ୍ରୀୟ ଉପାଧ୍ୟକ୍ଷ ବୈଜୟନ୍ତ ପଣ୍ଡା, କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର ପ୍ରଧାନ ପ୍ରମୁଖ ଉପସ୍ଥିତ ଥିଲେ।

ଦୋଳପୂର୍ଣ୍ଣିମା ପାଇଁ ଚଳଚଞ୍ଚଳ ଗ୍ରାମ୍ୟ ପରିବେଶ

ଦୋଳପୂର୍ଣ୍ଣିମା ପାଇଁ ଚଳଚଞ୍ଚଳ ଗ୍ରାମ୍ୟ ପରିବେଶ

ଭୁବନ/ପରଜଙ୍ଗ/ବଅଁରପାଳ, ୨୧।୩(ଡି.ଏନ.ଏ.)-ଦୋଳ ଉତ୍ସବ ଲାଗି ଚଳଚଞ୍ଚଳ ହୋଇଉଠିଛି ଗ୍ରାମ୍ୟ ପରିବେଶ। ଦୋଳବେଦିରେ ଚାଲିଛି ରାଧାକୃଷ୍ଣଙ୍କ ଆରାଧନା। ଭାଇଚାରର ଏହି ପର୍ବରେ ସଭଁିଏ ନିଜକୁ ସାମିଲ କରିଥିବାବେଳେ ଏହାକୁ ନେଇ ଉତ୍ସବମୁଖର ହୋଇଉଠିଛି ପୁରପଲ୍ଲି।

ହୋଲିରେ ମଦ ଦୋକାନ ବନ୍ଦ ନିର୍ଦ୍ଦେଶ

ହୋଲିରେ ମଦ ଦୋକାନ ବନ୍ଦ ନିର୍ଦ୍ଦେଶ

ଅନୁଗୋଳ ଅଫିସ, ୨୧।୩-ରଙ୍ଗର ପର୍ବ ହୋଲି। ଭାଇଚାରାର ଏହି ଉତ୍ସବରେ ଯେପରି କୌଣସି ଆଇନଶୃଙ୍ଖଳା ପରିସ୍ଥିତି ନ ଉପୁଜେ ସେଥିଲାଗି ତୀକ୍ଷ୍ଣ ନଜର ରଖିଛି ଅନୁଗୋଳ ଅବକାରୀ ବିଭାଗ। 

ଦୋଳଯାତ୍ରା ଲାଗି ପୋକତୁଙ୍ଗା ଉତ୍ସବମୁଖର

ଦୋଳଯାତ୍ରା ଲାଗି ପୋକତୁଙ୍ଗା ଉତ୍ସବମୁଖର

ବନ୍ତଳା, ୨୧।୩(ଡି.ଏନ୍‌.ଏ.)-ଦୋଳଯାତ୍ରା ଲାଗି ଉତ୍ସବମୁଖର ହୋଇଉଠିଛି ପୋକତୁଙ୍ଗା ଗ୍ରାମ। 

ବିଜେଡିର ବୈଠକ

ବିଜେଡିର ବୈଠକ

ବଇଣ୍ଡା, ୨୧।୩(ଡି.ଏନ୍‌.ଏ.)-କିଶୋରନଗର ବ୍ଲକ ଧଡ଼ରପାଳ ପଞ୍ଚାୟତ ନତଡ଼ାରେ ଗୁରୁବାର ବିଜେଡିର ବୈଠକ ଅନୁଷ୍ଠିତ ହୋଇଯାଇଛି। ପୂର୍ବତନ ସରପଞ୍ଚ କାଳିନ୍ଦୀଚରଣ ପ୍ରଧାନଙ୍କ ସଭାପତିତ୍ୱରେ ଆୟୋଜିତ କାର୍ଯ୍ୟକ୍ରମରେ ବିଜେଡିରେ ସାମିଲ ହୋଇଥିବା ପୂର୍ବତନ ପ୍ରଶାସନିକ ଅଧିକାରୀ ରମେଶ ଚନ୍ଦ୍ର ସାଏ ମୁଖ୍ୟଅତିଥି ଭାବେ ଯୋଗଦେଇ ଆଗାମୀ ନିର୍ବାଚନ ଲାଗି ତୃଣମୂଳସ୍ତରରୁ ପ୍ରସ୍ତୁତ ରହିବାକୁ ପରାମର୍ଶ ଦେଇଥିଲେ। ଏଥିଲାଗି ସମସ୍ତେ ଏକଜୁଟ୍‌ ହୋଇ କାମ କରିବାକୁ ସେ ଉପସ୍ଥିତ କର୍ମୀଙ୍କୁ ଆହ୍ବାନ କରିଥିଲେ।


ଗ୍ରାହକ ସେବାକେନ୍ଦ୍ର ଉଦ୍‌ଘାଟିତ

ଗ୍ରାହକ ସେବାକେନ୍ଦ୍ର ଉଦ୍‌ଘାଟିତ

ବଇଣ୍ଡା, ୨୧।୩(ଡି.ଏନ୍‌.ଏ.)-କିଶୋରନଗର ବ୍ଲକ ବଇଣ୍ଡା ଛକରେ ବ୍ୟାଙ୍କ ଅଫ୍‌ ବରୋଦା (ଜାମୁନାଳି ଶାଖା) ପକ୍ଷରୁ ଗୁରୁବାର ଗ୍ରାହକ ସେବା କେନ୍ଦ୍ର ଉଦ୍‌ଘାଟିତ ହୋଇଯାଇଛି। ଶାଖା ପରିଚାଳକ ବିଦେଶ ସାହୁ ମୁଖ୍ୟଅତିଥି ଭାବେ ଯୋଗଦେଇ ଏହାକୁ ଉଦ୍‌ଘାଟନ କରିଥିଲେ।

ବିଦ୍ୟୁତ୍‌ ଆଘାତରେ ବଳଦ ମୃତ, ଉତ୍ତେଜନା

ବିଦ୍ୟୁତ୍‌ ଆଘାତରେ ବଳଦ ମୃତ, ଉତ୍ତେଜନା

ବଇଣ୍ଡା, ୨୧।୩(ଡି.ଏନ୍‌.ଏ.)-ଆଠମଲ୍ଲିକ ବ୍ଲକ ପାଇକସାହି ପଞ୍ଚାୟତ ବାଲିସାହି ଗ୍ରାମରେ ଗୁରୁବାର ବିଦ୍ୟୁତ୍‌ ଆଘାତରେ ପୀତବାସ ଭୂତିଆଙ୍କ ଏକ ବଳଦର ମୃତ୍ୟୁ ଘଟିଛି। ବିଦ୍ୟୁତ୍‌ ବିଭାଗର ଖାମଖିଆଲ ମନୋଭାବ ଯୋଗୁ ଏପରି ଦୁର୍ଘଟଣା ଘଟିଥିବା ଗ୍ରାମବାସୀ ଅଭିଯୋଗ କରିଛନ୍ତି। ଘଟଣା ପରେ ଗ୍ରାମରେ ଚାପା ଉତ୍ତେଜନା ଦେଖାଦେଇଛି।

ଅବକାରୀ ଚଢ଼ାଉ, ୨ ଗିରଫ

ଅବକାରୀ ଚଢ଼ାଉ, ୨ ଗିରଫ

ବଇଣ୍ଡା, ୨୧।୩(ଡି.ଏନ୍‌.ଏ.)-ଆଠମଲ୍ଲିକ ଥାନା ଅଧୀନ ତେଣ୍ଠେଇପାଲ୍ଲି ଗ୍ରାମ  ମୁଣ୍ଡାସାହିରେ ଗୁରୁବାର ଅବକାରୀ ବିଭାଗ ପକ୍ଷରୁ ଚଢ଼ାଉ କରାଯାଇ ୨୦ ଲିଟର ଦେଶୀ ମହୁଲି ମଦ ଜବତ କରାଯାଇଛି।

ପରିବେଶ ସୁରକ୍ଷା ସମସ୍ତଙ୍କ ପାଇଁ ଆହ୍ବାନ

ପରିବେଶ ସୁରକ୍ଷା ସମସ୍ତଙ୍କ ପାଇଁ ଆହ୍ବାନ

ଢେଙ୍କାନାଳ ଅଫିସ, ୨୧ା୩-ପରିବେଶ ଉପରେ ମାତ୍ରାଧିକ ହସ୍ତକ୍ଷେପ ସବୁଜଗ୍ରହର ସ୍ବାସ୍ଥ୍ୟକୁ ବିଗାଡ଼ିଦେଲାଣି। ବର୍ଷକୁ ବର୍ଷ ତାପମାତ୍ରା ବଢ଼ିଚାଲିଛି। ଲକ୍ଷଲକ୍ଷ ବର୍ଷ ଧରି ଜମାଟ ବାନ୍ଧିଥିବା ହିମବାହ ତରଳିବା ଆରମ୍ଭ କଲାଣି। ପ୍ରତିକୂଳ ପରିବେଶ ଯୋଗୁ ଅନେକ ଜୀବଜନ୍ତୁ, ବୃକ୍ଷରାଜି ଲୋପ ପାଇଗଲେଣି। ଏପରି ଧାରା ଜାରି ରହିଲେ ସବୁଜ ଗ୍ରହ ସତ୍ତା ହରାଇବ।

ରାଜ୍ୟ ହକ୍‌ ମାଗିଲା ବିଜେଡି

ରାଜ୍ୟ ହକ୍‌ ମାଗିଲା ବିଜେଡି

ଢେଙ୍କାନାଳ ଅଫିସ, ୨୧ା୩-କେନ୍ଦ୍ରୀୟ ଅବହେଳାର ଶିକାର ହୋଇଛି ଓଡ଼ିଶା। ହକ୍‌ ଦାବିରୁ ରାଜ୍ୟବାସୀଙ୍କୁ ବଞ୍ଚତ୍ତ କରାଯାଉଛି। ମହାନଦୀ ଜଳ ବିବାଦ ହେଉ କି ସ୍ବତନ୍ତ୍ର ରାଜ୍ୟ ପାହ୍ୟା ମାନ୍ୟତା, ସବୁଥିରେ ବୈମାତୃକ ମନୋଭାବ ପୋଷଣ କରାଯାଉଛି। ଆଗାମୀ ଦିନରେ ଏହାକୁ ନେଇ ଜୋର୍‌ଦାର ପ୍ରତିବାଦ କରାଯିବ।

୬ବର୍ଷର ପୁଅ ଆଣିଲେ ଅଭିଯୋଗ:  ଧାର ଟଙ୍କା ମାଗିବାରୁ ମା’ଙ୍କୁ ଜବରଦସ୍ତ ବିଷ ପିଆଇଦେଲେ

୬ବର୍ଷର ପୁଅ ଆଣିଲେ ଅଭିଯୋଗ: ଧାର ଟଙ୍କା ମାଗିବାରୁ ମା’ଙ୍କୁ ଜବରଦସ୍ତ ବିଷ ପିଆଇଦେଲେ

ଅନୁଗୋଳ ଅଫିସ, ୨୧।୩-ଧାରରେ ଦେଇଥିଲେ ଟଙ୍କା। ଆଉ ସେହି ଟଙ୍କା ମାଗିବାକୁ ଯାଇଥିବାବେଳେ ଜବରଦସ୍ତ ମହିଳାଙ୍କୁ ବିଷ ପିଆଇଦେଲେ। ଏପରି ଅଭିଯୋଗ ଆଣିଛନ୍ତି ସମ୍ପୃକ୍ତ ମହିଳାଙ୍କ ୬ବର୍ଷର ପୁଅ। ଗୁରୁତର ଅବସ୍ଥାରେ ତାଙ୍କୁ ଚିକିତ୍ସାଳୟରେ ଭର୍ତ୍ତି କରାଯାଇଛି। ଏଭଳି ସମ୍ବେଦନଶୀଳ ଘଟଣା ଅନୁଗୋଳ ଜିଲାରେ ଚର୍ଚ୍ଚାର ବିଷୟ ପାଲଟିଛି।


Model This Week

ଚନ୍ଦନ, ସରିତା, ସୁଶିଲ, ସଙ୍ଘମିତ୍ରା