ବ୍ରହ୍ମପୁର

ଥାନା ପାଲଟୁଛି କବାଡ଼ିଖାନା

ଥାନା ପାଲଟୁଛି କବାଡ଼ିଖାନା

ବ୍ରହ୍ମପୁର ଅଫିସ୍‌,୧୩ା୧୨-ମାଳ ମାଳ ଅଚଳ ଗାଡି । କେଉଁଥିରେ ଚେଚିସ୍‌ କଭର୍‌ ନାହିଁ ତ ଆଉ କେଉଁଥିରେ ବ୍ୟାଟେରି ନାହିଁ । ବର୍ଷ ତମାମ୍‌ ଖରା ବର୍ଷା ଶୀତ କାକର ଖାଇ ଗାଡି ସବୁ ଏବେ ନଷ୍ଟ ହେବାକୁ ବସିଲାଣି । ବେଳେ ଥାନାଗୁଡିକ ଏବେ କବାଡିଖାନା ପାଲଟି ଯାଇଛି । ବ୍ରହ୍ମପୁର ପୋଲିସ ଜିଲାର ସମସ୍ତ ଥାନା ଏବେ କବାଡିଖାନା ହୋଇଛି ।ବିଭିନ୍ନ କାରଣରୁ ପୋଲିସ ପକ୍ଷରୁ ଗାଡିଗୁଡିକ ଜବତ କରାଯାଇ ଥାନାକୁ ଅଣାଯାଉଥିବାବେଳେ ପରବର୍ତ୍ତୀ ସମୟରେ ତାକୁ ସମ୍ପୃକ୍ତ ଗାଡି ମାଲିକମାନେ ଆଉ ନେବାକୁ ଚାହୁଁ ନ ଥିବାରୁ ଜବତ ଗାଡି ସଂଖ୍ୟା ବୃଦ୍ଧି ପାଉଥିବା ଦେଖିବାକୁ ମିଳିଛି ।

ସେହିପରି କୋର୍ଟ ପକ୍ଷରୁ ମଧ୍ୟ ଅକ୍ସନ ପାଇଁ ବିଜ୍ଞପ୍ତି ପ୍ରକାଶ କରାଯାଉ ନ ଥିବାରୁ ସମଦଶା ଉପୁଜିଛି ।

  ଦୁର୍ଘଟଣା, ଚୋରି, ହତ୍ୟା, ହତ୍ୟା ଉଦ୍ୟମ, ଚେରା ନିଶାଦ୍ରବ୍ୟ ଚାଲାଣ ଭଳି ବିଭିନ୍ନ ମାମଲାରେ ବ୍ୟବହୃତ ଗାଡିଗୁଡିକୁ ପୋଲିସ ଜବତ କରିଥାଏ। ଥରେ ପୋଲିସ ଜବତ କରିବା ପରେ ଉକ୍ତ ସମ୍ପତ୍ତି ଅଦାଲତର ହୋଇଯାଇଥାଏ। ପରବର୍ତ୍ତୀ ସମୟରେ ସମ୍ପୃକ୍ତ ମାଲିକ ନିଜ ଗାଡିକୁ ନେବାକୁ ହେଲେ ଓକିଲ ଜରିଆରେ ଅଦାଲତର ଆଶ୍ରୟ ନେବାକୁ ହୋଇଥାଏ ।

ମାମଲାର ବିଚାର ସରିବା   ପରେ କିମ୍ବା ପୂର୍ବରୁ ସମ୍ପୃକ୍ତ ଗାଡି ମାଲିକ ଅଦାଲତରୁ ନିଜ ଗାଡିକୁ ଜିମାରେ ନେଇପାରିବେ । ସମ୍ପୃକ୍ତ ଗାଡି ମାଲିକ ଦୋଷୀ ସାବ୍ୟସ୍ତ ହେଲେ ଜବତଗାଡିକୁ ମଧ୍ୟ ପୋଲିସ ଜିମାରେ ରଖିବା ପାଇଁ ଅଦାଲତ ନିର୍ଦ୍ଦେଶ ଦେଇଥାଏ । ନିୟମାନୁଯାୟୀ ମାମଲାର ଶୁଣାଣି ହେବା ପରେ ଅଦାଲତ ଆକ୍ସନ ପାଇଁ ବିଜ୍ଞପ୍ତି ପ୍ରକାଶ କରିବା କଥା । କିନ୍ତୁ ତାହା ହେଉ ନ ଥିବାରୁ ଥାନା ଗୁଡିକରେ ଜବତ ଗାଡି ସଂଖ୍ୟା ବୃଦ୍ଧି ପାଉଛି ବୋଲି ଜଣେ ଏସ୍‌ଆଇ ନିଜ ନାମ ଗୋପନ ରଖି ସୂଚନା ଦେଇଛନ୍ତି।

   ଯେ କୌଣସି ମାମଲାରେ ସମ୍ପୃକ୍ତ ଜବତ ଗାଡିକୁ ମାଲିକମାନେ ଥାନାରୁ ନ ନେବା ପଛରେ ଅନ୍ୟ କାରଣ ମଧ୍ୟ ରହିଛି । ଗାଡିଗୁଡିକୁ ସମ୍ପୃକ୍ତ ମାଲିକମାନେ ବୀମା ଭୁକ୍ତ କରିଥିବାରୁ ଏତଲାର ନକଲ ଦେଇ ସମ୍ପୃକ୍ତ ବୀମା କମ୍ପାନୀରୁ  ବୀମା ଅର୍ଥ ଉଠାଇ ନୂଆ ଗାଡି କିଣି ନେଉଛନ୍ତି । ବୀମା କମ୍ପାନୀ ମଧ୍ୟ ଉକ୍ତ ଜବତ ଗାଡି ବିଷୟରେ ସେତେଟା ଗୁରୁତ୍ୱ ଦେଉ ନ ଥିବା ବେଳେ ଗାଡି ମାଲିକ ମଧ୍ୟ ବୀମା ଅର୍ଥ ପାଇ ବେଶ୍‌ ଖୁସିରେ ରହିଯାଉଛି ।

ଅନ୍ୟପକ୍ଷରେ ଜବତକୁ ନେଇ ପୋଲିସର ଦାୟିତ୍ୱ ବଢି ଯାଉଥିବା ବେଳେ ସେ ଗୁଡିକର ସୁରକ୍ଷା ଏବଂ ରକ୍ଷଣାବେକ୍ଷଣ ନେଇ ମୁଣ୍ଡ ବ୍ୟଥା ବଢି ଯାଇଥାଏ । କାହିଁକିନା ଆଇନଶୃଙ୍ଖଳା ପରିସ୍ଥିତି ନିୟନ୍ତ୍ରଣ କରିବାକୁ ପୋଲିସ କର୍ମଚାରୀ ତଥା ଅଧିକାରୀଙ୍କ ସଂଖ୍ୟା କମ୍‌ ହେଉଥିବା ବେଳେ ଜବତ ଗାଡିଗୁଡିକର ହେପାଜତ କରିବାକୁ କାହାରି ନିକଟରେ ସମୟ ନଥାଏ ା 

All Right Reserved By

ବ୍ରହ୍ମପୁର

କନ୍ଧମାଳ ମହୋତ୍ସବ ଦ୍ୱିତୀୟ ସନ୍ଧ୍ୟା: ଆସିଲେନି ମନ୍ତ୍ରୀ ରମେଶ, ପ୍ରଫୁଲ୍ଲ

କନ୍ଧମାଳ ମହୋତ୍ସବ ଦ୍ୱିତୀୟ ସନ୍ଧ୍ୟା: ଆସିଲେନି ମନ୍ତ୍ରୀ ରମେଶ, ପ୍ରଫୁଲ୍ଲ

ଫୁଲବାଣୀ ଅଫିସ, ୨୦ା୧-ଫୁଲବାଣୀ କରୋନେସନ ପଡିଆରେ ଆରମ୍ଭ ହୋଇଥିବା କନ୍ଧମାଳ ମହୋତ୍ସବ ଶନିବାର ଦ୍ୱିତୀୟ ଦିନରେ ପହଞ୍ଚତ୍ଛି। 

ନବଜାତ ଶିଶୁ ଆଖି ବୁଜିବା ଘଟଣା: ଭାଜପା ସହାୟତାରେ ପରିବାର ଲୋକଙ୍କ ଥାନାରେ ଅଭିଯୋଗ

ନବଜାତ ଶିଶୁ ଆଖି ବୁଜିବା ଘଟଣା: ଭାଜପା ସହାୟତାରେ ପରିବାର ଲୋକଙ୍କ ଥାନାରେ ଅଭିଯୋଗ

ଦାରିଙ୍ଗବାଡ଼ି,୨୦।୧(ଡି.ଏନ.ଏ)-ଦାରିଙ୍ଗବାଡ଼ିର ଏକ ସେବାଶ୍ରମରେ ନାବଳିକା ଅଷ୍ଟମ ଶ୍ରେଣୀ ଛାତ୍ରୀ ମା’ ହେବା ଘଟଣା ଓ ପରେ ନବଜାତ ଶିଶୁକନ୍ୟା ଆଖିବୁଜିବା ଘଟଣାକୁ ନେଇ ଶନିବାର ଭାଜପା ପକ୍ଷରୁ ନାବାଳିକାଙ୍କ ପରିବାର ସହ ଦାରିଙ୍ଗବାଡ଼ି ଥାନାରେ ଅଭିଯୋଗ କରାଯାଇଛି|

ଆସିକା ମହୋତ୍ସବର ଚତୁର୍ଥ ସନ୍ଧ୍ୟା:  ନାଚଗୀତରେ ଝୁମିଲେ ଦର୍ଶକ

ଆସିକା ମହୋତ୍ସବର ଚତୁର୍ଥ ସନ୍ଧ୍ୟା: ନାଚଗୀତରେ ଝୁମିଲେ ଦର୍ଶକ

ଆସିକା,୨୦ା୧(ଡି.ଏନ୍‌.ଏ.)-ଆସିକା ସହର କଳିଙ୍ଗା ରୋଡଠାରେ ପ୍ରଥମ ଥର ଲାଗି ଆସିକା ମହୋତ୍ସବ ଗତ ବୁଧବାର ଠାରୁ ଆରମ୍ଭ ହୋଇଛି। 

ସୁଡ୍ରାଠାରେ ମାଓବାଦୀ ପୋଷ୍ଟର: ପୋଲିସର ଖବରଦାତାଙ୍କୁ ମୃତ୍ୟୁଦଣ୍ଡ ଧମକ

ସୁଡ୍ରାଠାରେ ମାଓବାଦୀ ପୋଷ୍ଟର: ପୋଲିସର ଖବରଦାତାଙ୍କୁ ମୃତ୍ୟୁଦଣ୍ଡ ଧମକ

ବାଲିଗୁଡା,୨୦ା୧(ଡି.ଏନ୍‌.ଏ.) -କନ୍ଧମାଳ ଜିଲା ବାଲିଗୁଡ଼ା ଥାନା ସୁଡ୍ରା ପଞ୍ଚାୟତରେ ମାଓବାଦୀମାନେ ନିଜ ସ୍ଥିତି ଜାହିର କରିଛନ୍ତି। ସୁଡ୍ରା ହାଇସ୍କୁଲ୍‌ ଗେଟ୍‌ ଓ ବିଭିନ୍ନ କାନ୍ଥରେ ଶନିବାର ସକାଳୁ କେକେବିଏନ୍‌ ମାଓବାଦୀ ସଙ୍ଗଠନର କାନ୍ଥ ପତ୍ରିକା ମରାଯାଇଥିବା ଦେଖିବାକୁ ମିଳିଛି। ପୋଷ୍ଟରରେ ପୋଲିସ ଖବରଦାତା ସନ୍ଦେହରେ ଜଣଙ୍କୁ ମୃତ୍ୟୁଦଣ୍ଡ ଧମକ ମଧ୍ୟ ଦେଇଛନ୍ତି। 

କ୍ଷେତ୍ରପ୍ରଚାର ବିଭାଗର ସ୍ବତନ୍ତ୍ର ସଚେତନତା କାର୍ଯ୍ୟକ୍ରମ: ଶୌଚାଳୟ, ଡଷ୍ଟବିନ୍‌ ବ୍ୟବହାର କରିବାକୁ ପରାମର୍ଶ

କ୍ଷେତ୍ରପ୍ରଚାର ବିଭାଗର ସ୍ବତନ୍ତ୍ର ସଚେତନତା କାର୍ଯ୍ୟକ୍ରମ: ଶୌଚାଳୟ, ଡଷ୍ଟବିନ୍‌ ବ୍ୟବହାର କରିବାକୁ ପରାମର୍ଶ

ବ୍ରହ୍ମପୁର ଅଫିସ,୨୦ା୧-ଭାରତ ସରକାରଙ୍କ କ୍ଷେତ୍ରପ୍ରଚାର ବ୍ରହ୍ମପୁର କାର୍ଯ୍ୟାଳୟ ପକ୍ଷରୁ ବ୍ରହ୍ମପୁର ମହାନଗର ୧୭ ନଂ. ୱାର୍ଡ ମିଲିଟାରୀଲାଇନ ଭିମାରାଓପେଟା ସାହିରେ ସ୍ବତନ୍ତ୍ର ସଚେତନତା କାର୍ଯ୍ୟକ୍ରମ ଶନିବାର ଅନୁଷ୍ଠିତ ହୋଇଯାଇଛି|

୮ମ ଶ୍ରେଣୀ ନାବାଳିକା ଛାତ୍ରୀ ମା’ ହେବା ଓ ନବଜାତ ଶିଶୁକନ୍ୟା ମୃତ୍ୟୁ ଘଟଣାର ପ୍ରତିବାଦ: ଜିଲା ମହିଳା କଂଗ୍ରେସର ବିକ୍ଷୋଭ

୮ମ ଶ୍ରେଣୀ ନାବାଳିକା ଛାତ୍ରୀ ମା’ ହେବା ଓ ନବଜାତ ଶିଶୁକନ୍ୟା ମୃତ୍ୟୁ ଘଟଣାର ପ୍ରତିବାଦ: ଜିଲା ମହିଳା କଂଗ୍ରେସର ବିକ୍ଷୋଭ

ବ୍ରହ୍ମପୁର ଅଫିସ,୨୦ା୧-ଗଞ୍ଜାମ ଜିଲା ମହିଳା କଂଗ୍ରେସ ପକ୍ଷରୁ ଶନିବାର ବ୍ରହ୍ମପୁର ଦକ୍ଷିଣାଞ୍ଚଳ ଆରଡିସିଙ୍କ ଅଫିସ ଆଗରେ ବିକ୍ଷୋଭ ପ୍ରଦର୍ଶନ ସହ ଗଣଧାରଣା ଦିଆଯାଇଥିଲା। 

ବିବାହ ବନ୍ଧନରେ ବାନ୍ଧିହେଲେ ଛ’ ଦମ୍ପତି

ବିବାହ ବନ୍ଧନରେ ବାନ୍ଧିହେଲେ ଛ’ ଦମ୍ପତି

ବ୍ରହ୍ମପୁର ଅଫିସ୍‌,୨୦ା୧-ସେମାନଙ୍କ ମଧ୍ୟରେ କେହି ଥିଲେ ମା’ ବାପା ଛେଉଣ୍ଡ । କିଏ ଥିଲେ ଦିବ୍ୟାଙ୍ଗ  ଆଉ କିଏ  ଦୃଷ୍ଟିହୀନ, ଆଉ କିଏ ଆର୍ଥିକ ଅନଗ୍ରସର। ପେଟ ପାଇଁ ମୁଠେ ଦାନା ମିଳିଯାଉଥିଲା, କିନ୍ତୁ ବାହା ଘର ଭୋଜି ଦେବାକୁ ପାଖରେ ନ ଥିଲା ଆବଶ୍ୟକ ଅର୍ଥ । 

ପିଠା ବାସି ହେବାକୁ ନେଇ ପାଟିତୁଣ୍ଡ

ପିଠା ବାସି ହେବାକୁ ନେଇ ପାଟିତୁଣ୍ଡ

ପାତ୍ରପୁର,୧୯।୧(ଡି.ଏନ୍‌.ଏ.)- ପାତ୍ରପୁର ବ୍ଲକ ବାଦପୁର ପଞ୍ଚାୟତରେ ହେବାକୁ ଥିବା ଦ୍ୱିତୀୟ ପର୍ଯ୍ୟାୟ ପିଠା କାର୍ଯ୍ୟକ୍ରମ ଘୁଞ୍ଚିଘୁଞ୍ଚି ଯାଉଛି। ଶାସକ ଦଳର ୨ଗୋଷ୍ଠୀଙ୍କ ମଧ୍ୟରେ ବାଦବିବାଦରୁ ଏଭଳି ହେଉଥିବା ଜଣାପଡିଛି। ବାରମ୍ବାର କାର୍ଯ୍ୟକ୍ରମ ତାରିଖ ବଦଳୁ ଥିବାରୁ ମହିଳାମାନେ ଖର୍ଚ୍ଚାନ୍ତ ହୋଇ ପିଠା କରୁଥିବାବେଳେ ଏହା ବାସି ହେବାକୁ ନେଇ ଜିଲୁଣ୍ଡାରେ ମହିଳାମାନେ ପାଟିତୁଣ୍ଡ କରିଥିଲେ।

ଘୋଷିତ ହେଲା ଆଖୁ ଦର, ଚାଷୀ ଖୁସ୍‌

ଘୋଷିତ ହେଲା ଆଖୁ ଦର, ଚାଷୀ ଖୁସ୍‌

ଆସିକା,୧୯।୧(ଡି.ଏନ୍‌.ଏ.)- ଆସିକା ସମବାୟ ଚିନିଶିଳ୍ପ ପକ୍ଷରୁ ଚଳିତ ବର୍ଷ ଲାଗୁ ଆଖୁଦର ଘୋଷଣାକୁ କେନ୍ଦ୍ରକରି ଆଖୁଚାଷୀଙ୍କ ମଧ୍ୟରେ ରହିଥିବା ଅସନ୍ତୋଷ ଦୂର ହୋଇଛି। ଶନିବାର ଦିନ ବ୍ରହ୍ମପୁର ମୁନିସପାଲିଟି କର୍ପୋରେସନ ହଲରେ ଗଞ୍ଜାମ ଜିଲାପାଳ ବିଜୟ ଅମୃତା କୁଲାଙ୍ଗେଙ୍କ ଅଧ୍ୟକ୍ଷତାରେ ଅନୁଷ୍ଠିତ ଏକ ବୈଠକରେ ଚଳିତ ବର୍ଷ କାରଖାନା ପକ୍ଷରୁ ଆଖୁ ଟନ୍‌ ପ୍ରତି ୨ହଜାର ୯୫୦ଟଙ୍କା ଦେବା ଲାଗି ନିଷ୍ପତ୍ତି ହୋଇଛି।

ଆସିକା ବନାଞ୍ଚଳରେ ପହଚିଂଲେ ହାତୀପଲ

ଆସିକା,୧୯।୧(ଡି.ଏନ୍‌.ଏ.)- ଆସିକା ବନାଞ୍ଚଳର ପାକିଡି ପାହାଡରେ ଶନିବାର ଭୋର ପ୍ରାୟ ୪ଟା ସମୟରେ ଏକ ବଣୁଆ ହାତୀଦଳ ପହଞ୍ଚତ୍ଛନ୍ତି। ଶେରଗଡ ସେକ୍ସନ ଅନ୍ତର୍ଗତ ଟାକିଡି ସଂଲଗ୍ନ ନରେନ୍ଦ୍ରପୁର-ପଥରପୁଞ୍ଜି ରାସ୍ତାର ଏକ ପାଣି ଖାଲୁଆ ନିକଟରେ ଏହି ହାତୀଦଳ ରହିଥିବା ଜଣାପଡିଛି।

ଘନ କୁହୁଡ଼ି ଯୋଗୁ ଗାଡ଼ି ଚଳାଚଳରେ ସମସ୍ୟା

ଘନ କୁହୁଡ଼ି ଯୋଗୁ ଗାଡ଼ି ଚଳାଚଳରେ ସମସ୍ୟା

ପାରଳାଖେମୁଣ୍ଡି, ୧୯।୧(ସ୍ବ.ପ୍ର.)- ଗଜପତି ଜିଲାରେ ଗତ ଦୁଇଦିନ ହେବ ଶୀତର ପ୍ରକୋପ ବୃଦ୍ଧି ପାଇଛି। ଏଥିସହ ସକାଳ ୮ଟା ପର୍ଯ୍ୟନ୍ତ ଘନ କୁହୁଡି ଆଚ୍ଛାଦିତ ହୋଇରହୁଛି। ଫଳରେ ଗାଡ଼ି ଚଳାଚଳ ନେଇ ସମସ୍ୟା ଉପୁଜୁଥିବାବେଳେ ଦୁର୍ଘଟଣା ଆଶଙ୍କା ସୃଷ୍ଟି ହେଉଛି।

ପାହାଡ଼ ନିକଟରୁ ଯୁବକଙ୍କ ମୃତଦେହ ଉଦ୍ଧାର, ପଥରରେ ଛେଚି ହତ୍ୟା ସନ୍ଦେହ

ପାହାଡ଼ ନିକଟରୁ ଯୁବକଙ୍କ ମୃତଦେହ ଉଦ୍ଧାର, ପଥରରେ ଛେଚି ହତ୍ୟା ସନ୍ଦେହ

ଆସିକା,୧୯।୧(ଡି.ଏନ୍‌.ଏ.): ଗଞ୍ଜାମ ଜିଲା ହରଣପଦର ପଞ୍ଚାୟତ ନିକଟରେ ଥିବା ମାଗୁରା ପାହାଡ଼ ନିକଟରୁ ଜଣେ ଯୁବକଙ୍କ ରକ୍ତ ଜୁଡୁବୁଡ଼ୁ ମୃତଦେହ ଶନିବାର ଉଦ୍ଧାର କରାଯାଇଛି। ସେ ହେଲେ ରବୀନ୍ଦ୍ର ନାହାକ। ତାଙ୍କ ଘର ଭେଙ୍କଟରାଇପଲ୍ଲୀ ଗାଁରେ ବୋଲି ଜଣାପଡ଼ିଛି।