ଖେଳ |

ଭିଆଇପି ଲାଉଞ୍ଜ୍‌ରେ ଖେଳାଳି ପ୍ରବେଶ ଘଟଣା: ବିବାଦକୁ ଏଡ଼ାଇଗଲେ ମନ୍‌ପ୍ରୀତ୍‌

ଭିଆଇପି ଲାଉଞ୍ଜ୍‌ରେ ଖେଳାଳି ପ୍ରବେଶ ଘଟଣା: ବିବାଦକୁ ଏଡ଼ାଇଗଲେ ମନ୍‌ପ୍ରୀତ୍‌

ଭୁବନେଶ୍ୱର, ୧୩।୧୨(ସ୍ପୋଟର୍‌ସ ବ୍ୟୁରୋ)- କଳିଙ୍ଗ ଷ୍ଟାଡିୟମରେ ହକି ବିଶ୍ୱକପ୍‌ ବେଶ୍‌ ଶୃଙ୍ଖଳିତଭାବେ ଚାଲିଥିବାବେଳେ ଏକ ବିବାଦୀୟ ଘଟଣା ସାମ୍‌ନାକୁ ଆସିଛି। ଫଳରେ ଆୟୋଜକଙ୍କୁ ଅପ୍ରୀତିକର ପରିସ୍ଥିତିର ସମ୍ମୁଖୀନ ହେବାକୁ ପଡିଛି। ମଙ୍ଗଳବାର ନେଦରଲାଣ୍ଡ୍ସ ଓ କାନାଡ଼ା ମଧ୍ୟରେ ଅନୁଷ୍ଠିତ କ୍ରସ୍‌ ଓଭର ମ୍ୟାଚ୍‌ ଅବସରରେ ଭାରତୀୟ ଦଳର ଅଧିନାୟକ ମନପ୍ରୀତ୍‌ ସିଂଙ୍କ ସମେତ କେତେଜଣ ଖେଳାଳି ଭିଆଇପି ଲାଉଞ୍ଜକୁ ଚାଲିଯାଇଥିଲେ। ଏଥିରେ ଉତକ୍ଷିପ୍ତ ହୋଇ ହକି ଇଣ୍ଡିଆର ଜଣେ ଉଚ୍ଚପଦସ୍ଥ ଅଧିକାରୀ ଖେଳାଳିମାନଙ୍କୁ ତାଗିଦ୍‌ କରିବା ସହ ସେଠାରୁ ଚାଲି ଯିବାକୁ କହିଥିଲେ। ଏହା ଏବେ ଚର୍ଚ୍ଚାର କେନ୍ଦ୍ରରେ ରହିଥିବାବେଳେ ଘଟଣାକୁ କିନ୍ତୁ  ହାଲକା ଭାବେ ନେଇଛନ୍ତି ମନପ୍ରୀତ। ସେ ଯଥା ସମ୍ଭବ ବିବାଦକୁ ଏଡ଼ାଇଯିବାକୁ ପ୍ରୟାସ କରିଛନ୍ତି। ”ଏହା ଆମର ଭୁଲ୍‌ ଥିଲା। ଆମେ ଅଜାଣତରେ ଭିଆଇପି ଏରିଆକୁ ଚାଲିଯାଇଥିଲୁ। ଭିଆଇପି ଲାଉଞ୍ଜ୍‌କୁ ଯିବାକୁ କୌଣସି ଦଳ କିମ୍ବା ଖେଳାଳିମାନଙ୍କୁ ଅନୁମତି ନ ଥାଏ। ତେଣୁ ସେଠାକୁ ଯାଇ ଆମେ ଭୁଲ୍‌ କରିଛୁ। ଯେତେବେଳେ ତ୍ରୁଟି ସମ୍ପର୍କରେ ଅବଗତ ହେଲୁ ଆମେ ସେଠାରୁ ଚାଲିଆସିଥିଲୁ। ଆମକୁ କେହି ସେଠାରୁ ଚାଲିଯିବାକୁ ବାଧ୍ୟ କରି ନ ଥିଲେ“ ବୋଲି ବୁଧବାର ଅନୁଷ୍ଠିତ ଖବରଦାତା ସମ୍ମିଳନୀରେ ମନପ୍ରୀତ ପ୍ରକାଶ କରିଛନ୍ତି। ଏହା ଏକ ସାଧାରଣ ଘଟଣା। ଏହାକୁ ଏତେଟା ଗୁରୁତ୍ୱ ଦିଆଯିବା ଉଚିତ ନୁହେଁ। ଗୁରୁବାର ଖେଳାଯିବାକୁ ଥିବା ନେଦରଲାଣ୍ଡ୍ସ ବିପକ୍ଷ କ୍ୱାର୍ଟର ଫାଇନାଲ ମ୍ୟାଚରେ ଆମର ପ୍ରଦର୍ଶନ ଉପରେ ଏହା ଆଦୌ ପ୍ରଭାବ ପକାଇବ ନାହିଁ ବୋଲି ସେ କହିଛନ୍ତି। ଏଭଳି କହିବା ପାଇଁ କେହି ଚାପ ପ୍ରୟୋଗ କରି ନାହାନ୍ତି କି ମୋତେ କେହି ବାଧ୍ୟ କରିନାହାନ୍ତି। କାହା ସହିତ ମୋର ବ୍ୟକ୍ତିଗତ ସମସ୍ୟା ନାହିଁ। ସମସ୍ତଙ୍କ ସହ ମୋର ଭଲ ସମ୍ପର୍କ ରହିଛି। ଏହି ଘଟଣାକୁ ଗୁରୁତ୍ୱ ଦେବା ଆବଶ୍ୟକ ନାହିଁ ବୋଲି ମନପ୍ରୀତ କହିଛନ୍ତି। 

ଉଲ୍ଲେଖଥାଉ କି, ଟୁର୍ନାମେଣ୍ଟର ପ୍ରୋଟୋକଲ ଅନୁସାରେ ଭିଆଇପି ଲାଉଞ୍ଜ୍‌କୁ ଯିବାପାଇଁ ଖେଳାଳିମାନଙ୍କୁ  ଅନୁମତି ନ ଥାଏ। ତେବେ କେତେଜଣ ପ୍ରଶଂସକଙ୍କ ଅନୁରୋଧକ୍ରମେ ମନପ୍ରୀତ୍‌ଙ୍କ ସମେତ ମନଦୀପ ସିଂ, ଗୁରଜନ୍ତ ସିଂ ଓ କ୍ରିଷନ ପାଠକ ସେଠାକୁ ଯାଇଥିଲେ ଓ ପ୍ରଶଂସକଙ୍କୁ ଅଟୋଗ୍ରାଫ୍‌ ଦେବା ସହ ଫଟୋ ଉଠାଇଥିଲେ। ଖେଳାଳିଙ୍କ ଏତାଦୃଶ ଆଚରଣକୁ ହକି ଇଣ୍ଡିଆ ଅଧିକାରୀ ସହଜରେ ଗ୍ରହଣ କରିପାରି ନ ଥିଲେ ଓ ଖେଳାଳିଙ୍କ ଉପରେ ବର୍ଷିଥିଲେ। ସେଠାରେ ଉପସ୍ଥିତ ଥିବା ଜଣେ ପୂର୍ବତନ ଆନ୍ତର୍ଜାତିକ ଖେଳାଳି ନିଜ ନାମ ଗୋପନ ରଖି କହିଛନ୍ତି ଯେ, ଭିଆଇପି ଲାଉଞ୍ଜରେ ଖେଳାଳିଙ୍କୁ ଦେଖି ଅଧିକାରୀ ଜଣକ ଉତ୍‌କ୍ଷିପ୍ତ ହୋଇଯାଇଥିଲେ।  ଅତିଥି ଏବଂ କିମ୍ବଦନ୍ତୀ ଖେଳାଳିମାନଙ୍କ ଉପସ୍ଥିତିରେ ସେମାନଙ୍କୁ ସେଠାରୁ ବାହାରି ଯିବାକୁ କହିଥିଲେ। ଆମ ଜାତୀୟ ଦଳର ଖେଳାଳିଙ୍କୁ ଏଭଳି ବ୍ୟବହାର ଆଦୌ ଗ୍ରହଣୀୟ ନୁହଁ ବୋଲି ସେ କହିଛନ୍ତି।

ଅନ୍ୟପକ୍ଷରେ ଖେଳାଳିମାନଙ୍କୁ ପ୍ରଶଂସକମାନେ ଭିଆଇପି ଲାଉଞ୍ଜକୁ ଡାକିନେଇଥିଲେ ଓ ଏଥିପାଇଁ ସେମାନଙ୍କୁ ବାରଣ କରାଯାଇଥିଲା ବୋଲି ହକି ଇଣ୍ଡିଆ ତରଫରୁ କୁହାଯାଇଛି। ନିଷିଦ୍ଧାଞ୍ଚଳକୁ ଗଲେ ଖେଳାଳିମାନେ ବାସନ୍ଦର ସମ୍ମୁଖୀନ ହେବା ଯଥେଷ୍ଟ ସମ୍ଭାବନା ରହିଛି। ପୁଣି ସୁରକ୍ଷା ତଥା ନିରାପତ୍ତା ପାଇଁ ଖେଳାଳିମାନଙ୍କୁ ଆମେ ସେଠାରୁ ଚାଲିଯିବାକୁ କହିଥିଲୁ ବୋଲି ନିଜ ନାମ ଗୋପନ ରଖି ଜଣେ ହକି ଇଣ୍ଡିଆ ଅଧିକାରୀ ସଫେଇ ଦେଇଛନ୍ତି। 

ଏହି ଘଟଣା ବେଳେ ରାଜ୍ୟସ୍ତରୀୟ ହକି କୋଚ୍‌ ଲିଓ ଡେଭାଡୋସ୍‌  ଭିଆଇପି ଲାଉଞ୍ଜ୍‌ରେ ଉପସ୍ଥିତ ଥିଲେ ଓ ଏ ଅଭାବନୀୟ ଘଟଣାରେ ଅସନ୍ତୋଷ ଜାହିର କରି ଫେସ୍‌ବୁକ୍‌ରେ ନିଜ ମତ  ରଖିଛନ୍ତି। ଭାରତୀୟ ଦଳର ଦୁଇଜଣ ଅଷ୍ଟ୍ରେଲୀୟ ଅଧିକାରୀ ଏହି ଅବସରରେ ଉପସ୍ଥିତ ଥିଲେ ମଧ୍ୟ ସେମାନଙ୍କୁ କିଛି କୁହାଯାଇ ନ ଥିଲା। ଏ ନେଇ ଲିଓ ପ୍ରଶ୍ନ ଉଠାଇଛନ୍ତି। ପୂର୍ବତନ ଅନ୍ତର୍ଜାତୀୟ ଅମ୍ପାୟର ଅନୁପମା ପୁଚିମାନ୍ଦ ଓ ପୂର୍ବତନ ଭାରତୀୟ ଗୋଲକିପର ଆଶିଷ୍‌ ବଲାଲ ମଧ୍ୟ ଘଟଣାରେ ଅସନ୍ତୋଷ ପ୍ରକାଶ କରିଛନ୍ତି। ହକି ଇଣ୍ଡିଆ ଅଧିକାରୀଙ୍କ ଏଭଳି ଆଚରଣ ଆଦୌ ଗ୍ରହଣୀୟ ନୁହେଁ ଓ ଅତ୍ୟନ୍ତ ଦୁର୍ଭାଗ୍ୟଜନକ ବୋଲି ଏମାନେ କହିଛନ୍ତି। 

All Right Reserved By

ଖେଳ |

ଟାଟା ଫୁଟବଲ ଏକାଡେମୀ ଚାମ୍ପିୟନ

ଟାଟା ଫୁଟବଲ ଏକାଡେମୀ ଚାମ୍ପିୟନ

ଭୁବନେଶ୍ୱର, ୧୯।୩(କ୍ରୀଡ଼ା ପ୍ରତିନିଧି)-
ୟୁନିଟ-୬ ଆଥଲେଟିକ୍‌ ଆସୋସିଏଶନ ଆନୁକୂଲ୍ୟରେ ଅନୁଷ୍ଠିତ ଟାଟା-ଉତ୍କଳିକା କପ୍‌ ଫୁଟବଲ ଟୁର୍ନାମେଣ୍ଟ ମଙ୍ଗଳବାର ଉଦ୍‌ଯାପିତ ହୋଇଛି। ଫାଇନାଲରେ ଜାମସେଦପୁରର ଟାଟା ଫୁଟବଲ ଏକାଡେମୀ (ଟିଏଫଏ) ୨-୧ ଗୋଲରେ ଫୁଲବାଣୀ ଏକାଦଶକୁ ହରାଇ ଚାମ୍ପିୟନ ହୋଇଛି। ରଜତ ନାଗ୍‌ଙ୍କ ୭ମ ମିନିଟ ଗୋଲ ବଳରେ ଫୁଲବାଣୀ ଦଳ ପ୍ରଥମାର୍ଦ୍ଧ ଶେଷସୁଦ୍ଧା ୧-୦ ଗୋଲରେ ଅଗ୍ରଣୀ ହାସଲ କରିଥିଲା। ମାତ୍ର ଦ୍ୱିତୀୟାର୍ଦ୍ଧରେ ଟାଟା ଦଳ ପ୍ରଭାବୀ ପ୍ରଦର୍ଶନ କରି ସଫଳ ପ୍ରତ୍ୟାବର୍ତ୍ତନ କରିଥିଲା।

ଭିଜି ଟ୍ରଫି: ଦକ୍ଷିଣାଞ୍ଚଳଠାରୁ ହାରିଲା ପୂର୍ବାଞ୍ଚଳ

ଭିଜି ଟ୍ରଫି: ଦକ୍ଷିଣାଞ୍ଚଳଠାରୁ ହାରିଲା ପୂର୍ବାଞ୍ଚଳ

କଟକ ଅଫିସ,୧୯ା୩-
ଭାରତୀୟ କ୍ରିକେଟ କଣ୍ଟ୍ରୋଲ ବୋର୍ଡ(ବିସିସିଆଇ) ଆନୁକୂଲ୍ୟରେ ମଧ୍ୟପ୍ରଦେଶ ଗ୍ବାଲିୟରର ସିନ୍ଧିଆ ସ୍କୁଲ ଗ୍ରାଉଣ୍ଡରେ ମଙ୍ଗଳବାର ଅନୁଷ୍ଠିତ ଭିଜି ଟ୍ରଫିର ଏକ ମ୍ୟାଚ୍‌ରେ ଦକ୍ଷିଣାଞ୍ଚଳ ୩ ଉଇକେଟରେ ପୂର୍ବାଞ୍ଚଳକୁ ପରାସ୍ତ କରିଛି ।  ଦଳ ପରାଜିତ ହୋଇଥିଲେ ହେଁ ପୂର୍ବାଞ୍ଚଳରୁ ପ୍ରତିନିଧିତ୍ୱ କରୁଥିବା ଓଡ଼ିଆ ଖେଳାଳି ରାଜେଶ ଧୂପର ମ୍ୟାନ ଅଫ ଦି ମ୍ୟାଚ୍‌ ପୁରସ୍କାର ଲାଭ କରିଥିଲେ। ସେ ୯୦ରନ୍‌ର ଇନିଂସ ଖେଳିଥିଲେ । ଟୁର୍ନାମେଣ୍ଟର ପ୍ରଥମ ମ୍ୟାଚ୍‌ରେ ଉତ୍ତରାଞ୍ଚଳଠାରୁ ୪୬ରନରେ ହାରିଥିବା ପୂର୍ବାଞ୍ଚଳ ପରବର୍ତ୍ତୀ ମ୍ୟାଚ୍‌ ଗୁରୁବାର ପଶ୍ଚିମାଞ୍ଚଳ ବିପକ୍ଷରେ ଖେଳିବ । ୨ଟି ପରାଜୟ ସହ ପୂର୍ବାଞ୍ଚଳ ଫାଇନାଲ ଦୌଡ଼ରୁ ବାଦ୍‌ ପଡ଼ିଛି।

ଆଇପିଏଲ୍‌ରେ  ଗ୍ଲାମର

ଆଇପିଏଲ୍‌ରେ ଗ୍ଲାମର

ଇଣ୍ଡିଆନ୍‌ ପ୍ରିମିୟର ଲିଗ୍‌(ଆଇପିଏଲ୍‌)କୁ କ୍ରିକେଟ୍‌ ଓ ମନୋରଞ୍ଜନର କକ୍‌ଟେଲ ବୋଲି କୁହାଯାଏ। ଏଭଳି କହିବା ପଛରେ ବଳିଷ୍ଠ କାରଣ ମଧ୍ୟ ରହିଛି। ଆଇପିଏଲ୍‌ରେ ପୁରୁଷ ଖେଳାଳିମାନେ କ୍ରିକେଟ୍‌ ମଇଦାନରେ ଧୂଆଁଧାର ବ୍ୟାଟିଂ କରୁଥିବା ବେଳେ ମହିଳା ଆଙ୍କରମାନେ ଖେଳରେ ଥିବା ନିଜ ଜ୍ଞାନକୁ ନେଇ ଚମତ୍କାର ଶବ୍ଦ ଜାଲରେ ଦର୍ଶକଙ୍କୁ ବାନ୍ଧି ରଖିଥାନ୍ତି। ଫଳରେ ମ୍ୟାଚ୍‌ର ମଜା ଦ୍ୱିଗୁଣିତ ହୋଇଯାଏ। 

୫ ହଜାର ରନ୍‌ ଦୌଡ଼ରେ ରାଇନା, କୋହଲି

୫ ହଜାର ରନ୍‌ ଦୌଡ଼ରେ ରାଇନା, କୋହଲି

ନୂଆଦିଲ୍ଲୀ, ୧୯।୩- ବିଶ୍ୱର ସବୁଠାରୁ ବ୍ୟୟବହୁଳ ଟି୨୦ କ୍ରିକେଟ ପ୍ରତିଯୋଗିତା ଇଣ୍ଡିଆନ୍‌ ପ୍ରିମିୟର୍‌ ଲିଗ୍‌ (ଆଇପିଏଲ୍‌)ର ଦ୍ୱାଦଶ ସଂସ୍କରଣ ଆସନ୍ତା ୨୩ରୁ ଆରମ୍ଭ ହେବ। ଡିଫେଣ୍ଡିଂ ଚାମ୍ପିୟନ ଚେନ୍ନାଇ ସୁପର କିଙ୍ଗ୍ସ ଓ ରୟାଲ ଚ୍ୟାଲେଞ୍ଜର୍ସ ବାଙ୍ଗାଲୋର ମଧ୍ୟରେ ଉଦ୍‌ଘାଟନୀ ମୁକାବିଲା ଅନୁଷ୍ଠିତ ହେବ। ଏହି ମ୍ୟାଚ୍‌ ଚେନ୍ନାଇର ଏମ୍‌. ଚିନ୍ନାସ୍ବାମୀ ଷ୍ଟାଡିୟମରେ ଖେଳାଯିବାକୁ ଥିବାରୁ ମହେନ୍ଦ୍ର ସିଂଙ୍କ ନେତୃତ୍ୱାଧୀନ ଘରୋଇ ଚେନ୍ନାଇ ଏହି ମ୍ୟାଚ୍‌ ଜିତି ଅଭିଯାନ ଆରମ୍ଭ କରିବା ଲକ୍ଷ୍ୟରେ ରହିଛି। 

ମୁମ୍ବାଇ କୋଚ୍‌ କୋଷ୍ଟାଙ୍କ କାର୍ଯ୍ୟକାଳ ବୃଦ୍ଧି

ମୁମ୍ବାଇ କୋଚ୍‌ କୋଷ୍ଟାଙ୍କ କାର୍ଯ୍ୟକାଳ ବୃଦ୍ଧି

ମୁମ୍ବାଇ, ୧୯।୩(ପି.ଟି.)- ପର୍ତ୍ତୁଗାଲର ପ୍ରାକ୍ତନ ଅନ୍ତର୍ଜାତୀୟ ଫୁଟ୍‌ବଲ ତାରକା ଜର୍ଜ କୋଷ୍ଟା ଇଣ୍ଡିଆନ ସୁପର୍‌ ଲିଗ୍‌ (ଆଇଏସ୍‌ଏଲ୍‌)ର ଆଗାମୀ ସଂସ୍କରଣରେ ମଧ୍ୟ ମୁମ୍ବାଇ ସିଟି ଏଫ୍‌ସିର କୋଚ୍‌ ରହିବେ। କୋଷ୍ଟାଙ୍କ କାର୍ଯ୍ୟକାଳ ସୀମାକୁ ଆଉ ଏକ ବର୍ଷ ବୃଦ୍ଧି କରାଯାଇଥିବା ନେଇ ମୁମ୍ବାଇ ପକ୍ଷରୁ ମଙ୍ଗଳବାର ସ୍ପଷ୍ଟ କରାଯାଇଛି। 

ଆବୁଧାବି ଷ୍ଟାଡିୟମରେ ଟି୧୦ ଲିଗ୍‌ର ନୂଆ ଭେନ୍ୟୁ

ଆବୁଧାବି ଷ୍ଟାଡିୟମରେ ଟି୧୦ ଲିଗ୍‌ର ନୂଆ ଭେନ୍ୟୁ

ଦୁବାଇ, ୧୯।୩(ପି.ଟି.)- ଆବୁଧାବିସ୍ଥିତ ଜାୟେଦ କ୍ରିକେଟ ଷ୍ଟାଡିୟମ ଟି୧୦ କ୍ରିକେଟ ଲିଗ୍‌ର ନୂତନ ଭେନ୍ୟୁ ହୋଇଛି। ୨୦୧୯ ସିଜନଠାରୁ ଆଗାମୀ ୫ ବର୍ଷ ପର୍ଯ୍ୟନ୍ତ ଏଠାରେ ଟି୧୦ କ୍ରିକେଟ ଅନୁଷ୍ଠିତ ହେବ। 

ଶଟ୍‌ଗନ ବିଶ୍ୱକପ୍‌ରେ ପୃଥ୍ବୀରାଜ, କ୍ୟନନଙ୍କ ପ୍ରଭାବୀ ପ୍ରଦର୍ଶନ

ଶଟ୍‌ଗନ ବିଶ୍ୱକପ୍‌ରେ ପୃଥ୍ବୀରାଜ, କ୍ୟନନଙ୍କ ପ୍ରଭାବୀ ପ୍ରଦର୍ଶନ

ନୂଆଦିଲ୍ଲୀ, ୧୯।୩(ପି.ଟି.)- ମେକ୍ସିକୋର ଅକାପୁଲକୋଠାରେ ଚାଲିଥିବା  ଇଣ୍ଟରନ୍ୟାଶନାଲ ଶୁଟିଂ ସ୍ପୋଟର୍‌ସ ଫେଡେରେଶନ (ଆଇଏସ୍‌ଏସ୍‌ଏଫ୍‌) ଶଟ୍‌ଗନ ବିଶ୍ୱକପ୍‌ରେ ଦୁଇ ଭାରତୀୟ ଶୁଟର୍‌ ପୃଥ୍ବୀରାଜ ତୋଣ୍ଡାଇମାନ ଓ କ୍ୟନନ ଚେନାଇ ପ୍ରଭାବୀ ପ୍ରଦର୍ଶନ କରି ପୁରୁଷ ଟ୍ରାପ୍‌ ଇଭେଣ୍ଟର ଫାଇନାଲ ପଥରେ ଅଗ୍ରସର ହୋଇଛନ୍ତି।

ଭାରତ ପ୍ରଥମେ ଜାପାନକୁ ଭେଟିବ

ଭାରତ ପ୍ରଥମେ ଜାପାନକୁ ଭେଟିବ

ବେଙ୍ଗାଲୁରୁ, ୧୯ା୩ (ପି.ଟି.)-ମାଲେସିଆର ଇପୋଠାରେ ଆଜଲାନ ଶାହ କପ୍‌ ହକି ପ୍ରତିଯୋଗିତାରେ ପ୍ରଭାବୀ ପ୍ରଦର୍ଶନ ସହ ସିଜନ ଆରମ୍ଭ କରିବା ଲାଗି ଲକ୍ଷ୍ୟ ରଖିଛି ଭାରତୀୟ ପୁରୁଷ ହକି ଦଳ।  ଟୁର୍ନାମେଣ୍ଟରେ ଅଂଶଗ୍ରହଣ କରିବା ଲାଗି ରବିବାର ରାତିରେ ଦେଶ ଛାଡ଼ିବା ପୂର୍ବରୁ ଅଧିନାୟକ ମନପ୍ରୀତ ସିଂ ଖବରଦାତାମାନଙ୍କ ନିକଟରେ ଏକଥା ପ୍ରକାଶ କରିଛନ୍ତି।

ଭଲିବଲ ସଂଘରେ ମୁଣ୍ଡ ଟେକୁଛି ବିବାଦ

ଭଲିବଲ ସଂଘରେ ମୁଣ୍ଡ ଟେକୁଛି ବିବାଦ

କଟକ ଅଫିସ,୧୯ା୩- ଓଡ଼ିଶା ଅଲିମ୍ପିକ ଆସୋସିଏଶନ(ଓଓଏ) ଅଧିନରେ ଥିବା ଓଡ଼ିଶା ଭଲିବଲ ଆସୋସିଏଶନ(ଓଭିଏ)ରେ ବିବାଦ ମୁଣ୍ଡ ଟେକିଛି । ବିବାଦ ପ୍ରସଙ୍ଗ ପଦାରେ ପଡ଼ି ନଥିଲେ ବି ଏ ନେଇ ଆସୋସିଏଶନ ନିକଟରେ ମଧ୍ୟ ଠୋସ ଖବର ରହିଛି । ଖୁବ ଶୀଘ୍ର ଓଡ଼ିଶାରେ ଓଭିଏର ଅନ୍ୟ ଏକ ସମାନ୍ତରାଳ ସଂଘ ତିଆରି ହେବ । ଓଭିଏ ଗାଦିରେ ଥିବା ପଦାଧିକାରୀଙ୍କ ବିରୋଧୀ ଗୋଷ୍ଠୀ ଏହି ସଂଘ ତିଆରି କରିବେ ବୋଲି ବିଶେଷ ସୂତ୍ରରୁ ଜଣାପଡ଼ିଛି ।

ଜୁଭେନାଇଲ କ୍ୱାର୍ଟର ଫାଇନାଲରେ

ଜୁଭେନାଇଲ କ୍ୱାର୍ଟର ଫାଇନାଲରେ

ଭୁବନେଶ୍ୱର, ୧୯।୩(କ୍ରୀଡ଼ା ପ୍ରତିନିଧି)- ବିଏମ ହାଇସ୍କୁଲ ପଡ଼ିଆରେ ଚାଲିଥିବା ରାମେଶ୍ୱର କପ୍‌ ଜୁନିୟର କ୍ରିକେଟ ଟୁର୍ନାମେଣ୍ଟର ସୋମବାର ଅନୁଷ୍ଠିତ ପ୍ରି-କ୍ୱାର୍ଟରରେ ଭୁବନେଶ୍ୱରର ପାରାମାଉଣ୍ଟ ସ୍ପୋର୍ଟିଂକୁ ୧୧ ରନରେ ହରାଇ କଟକର ଜୁଭେନାଇଲ କ୍ୱାର୍ଟର ଫାଇନାଲରେ ପ୍ରବେଶ କରିଛି। 

ଭାରତୀୟ ବ୍ୟାଡ୍‌ମିଣ୍ଟନ ଟିମ୍‌ରେ ଓଡ଼ିଶାର ଋତୁପର୍ଣ୍ଣା

ଭାରତୀୟ ବ୍ୟାଡ୍‌ମିଣ୍ଟନ ଟିମ୍‌ରେ ଓଡ଼ିଶାର ଋତୁପର୍ଣ୍ଣା

ନୂଆଦିଲ୍ଲୀ, ୧୯।୩(ପି.ଟି.)- ହଂକଂଠାରେ ମଙ୍ଗଳବାରଠାରୁ ବ୍ୟାଡ୍‌ମିଣ୍ଟନ ଏସିଆ ଟିମ୍‌ ଚାମ୍ପିୟନଶିପ୍‌ ‘ତୋଙ୍ଗ୍‌ ୟୁନ୍‌ କାଇ କପ୍‌’ଅନୁଷ୍ଠିତ ହେବ। ଏଥିଲାଗି ଏଚ୍‌.ଏସ୍‌. ପ୍ରଣୟଙ୍କ ନେତୃତ୍ୱରେ ସୋମବାର ୧୩ ଜଣିଆ ଭାରତୀୟ ବ୍ୟାଡ୍‌ମିଣ୍ଟନ ଟିମ୍‌ ଘୋଷଣା ହୋଇଛି। 

ଇଞ୍ଜୁରି ସମସ୍ୟାକୁ ନେଇ ପୂର୍ଣ୍ଣିମା ଚିନ୍ତିତ

ଇଞ୍ଜୁରି ସମସ୍ୟାକୁ ନେଇ ପୂର୍ଣ୍ଣିମା ଚିନ୍ତିତ

ଭୁବନେଶ୍ୱର, ୧୯।୩(କ୍ରୀଡ଼ା ପ୍ରତିନିଧି)- ଫେଡେରେଶନ୍‌ କପ୍‌ ଜାତୀୟ ସିନିୟର ଆଥଲେଟିକ୍ସ ଚାମ୍ପିୟନଶିପ୍‌ର ହେପ୍‌ଟାଥଲନ ଇଭେଣ୍ଟରେ ରୌପ୍ୟ ପଦକ ଜିତିଥିବା ପୂର୍ଣ୍ଣିମା ହେମ୍ବ୍ରମ ଏବେ ଇଞ୍ଜୁରି ସମସ୍ୟାକୁ ନେଇ ଚିନ୍ତା ପ୍ରକଟ କରିଛନ୍ତି।


Model This Week

ଚନ୍ଦନ, ସରିତା, ସୁଶିଲ, ସଙ୍ଘମିତ୍ରା