ସମ୍ପାଦକୀୟ |

ମ୍ୟାଗଟ୍‌ ସଂକ୍ରମଣ

ମ୍ୟାଗଟ୍‌ ସଂକ୍ରମଣ

ପରିବେଶ ପରିଚିନ୍ତା/ ମାନେକା ଗାନ୍ଧୀ

ପିପୁଲ ଫର୍‌ ଆନିମଲ୍‌ସ, ମହୀଶୂର ଶାଖାର କର୍ମୀମାନେ ଏକ ଘୋଡ଼ା ଉଦ୍ଧାର କରିଥିଲେ, ଯାହାର ମୁଣ୍ଡକୁ ପରଜୀବୀ (ପାରାସାଇଟ୍‌)ମାନଙ୍କ ଦ୍ୱାରା ଅଧା ଖିଆଯାଇ ସାରିଥିଲା। ମୁଁ ତା’ର ପୂର୍ବ ଓ ପର ଅବସ୍ଥାର ଛବି ଏଥିରେ ପ୍ରଦାନ କରୁଛି। ଏହା ଏକ ସଫଳତାର କାହାଣୀ, ମାତ୍ର ଅନେକ ପ୍ରାଣୀଙ୍କ ଦେହରେ ପରଜୀବୀ ପୂରା ଭିତରକୁ ପ୍ରବେଶ କରିସାରିଥିବାରୁ ସେମାନଙ୍କ ବଞ୍ଚିବା ଅସମ୍ଭବ ହୋଇପଡ଼ୁଛି। ଏଭଳି ରୋଗ ସଂକ୍ରମଣ ହେଲେ ମଣିଷଙ୍କଠାରୁ ପ୍ରାଣୀମାନେ ବେଶି କଷ୍ଟ ପାଇଥାନ୍ତି, କାରଣ ସେମାନଙ୍କ ପାଖରେ କିଛି ବିକଳ୍ପ ନ ଥାଏ। ସେମାନଙ୍କର ଚିକିତ୍ସା କରିବା ପାଇଁ ଡାକ୍ତର ନ ଥାନ୍ତି। ରୋଗଗ୍ରସ୍ତ ହୋଇପଡ଼ିଲେ ଅଧିକାଂଶ ମାଲିକ ଏପରି ପ୍ରାଣୀମାନଙ୍କୁ ପରିତ୍ୟାଗ କରିଥାନ୍ତି। 

ରାସ୍ତାରେ ବୁଲୁଥିବା ପରିତ୍ୟକ୍ତ ପ୍ରାଣୀମାନଙ୍କ ପାଇଁ ତିନୋଟି ମାରକ ରହିଛି- ଡିସ୍‌ଟେମ୍ପର (ଭୂତାଣୁଜନିତ ସଂକ୍ରାମକ ରୋଗ), ପାର୍ଭୋ (ପାର୍ଭୋଭାଇରସ୍‌ ଦ୍ୱାରା ହେଉଥିବା ରୋଗ) ଏବଂ ମ୍ୟାଗଟ୍‌ (ମାଛିଙ୍କ ଲାର୍ଭା ଯାହା ପଚନଶୀଳ ଜୈବିକ ବସ୍ତୁରେ ଦେଖିବାକୁ ମିଳେ)। ଆପଣ କେବେ କୁକୁର ପିଠିରେ ଗାତ ହୋଇଯାଇଥିବା, ଗାଈର ତଳିପେଟରେ ଗାତ ହୋଇଯାଇଥିବା ବା ଗଧର ବେକରେ  ଚାଟି ଚାଟି ଘାଆ ହୋଇଯାଇଥିବା ଦେଖିଛନ୍ତି କି? ଏହା ସବୁ ମ୍ୟାଗଟ୍‌ ଯୋଗୁ ହୋଇଥାଏ। ଦିଲ୍ଲୀସ୍ଥିତ ମୋର ପ୍ରାଣୀ ଆଶ୍ରୟସ୍ଥଳରେ ଏପରି ଅନେକ ରୋଗଗ୍ରସ୍ତ ପ୍ରାଣୀ ଆଶ୍ରୟ ନେଇଛନ୍ତି। ଆମେ ପୋଷା ପ୍ରାଣୀମାନଙ୍କୁ ଏପରି ଅବସ୍ଥାରେ ପହଞ୍ଚିବା ପାଇଁ ଛାଡ଼ିଦେବା ଅତ୍ୟନ୍ତ ଦୁଃଖର ବିଷୟ। କଳ୍ପନା କରନ୍ତୁ ଆପଣଙ୍କ ନିଜ ଦେହରେ ଯଦି ଗୋଟିଏ ଛୋଟିଆ ଘାଆ ଉପରେ ମାଛିମାନେ ତାଙ୍କ ଲାର୍ଭା (ଶୂକ)କୁ ନେଇ ବସିବେ ଓ ଭିତରୁ ଭିତରୁ କଣା କରି ମାଂସ ଖାଇଚାଲିବେ ଏବଂ ଆପଣଙ୍କ ଦେହରୁ ପଚା ଗନ୍ଧ ବାହାରୁଥିବା ଯୋଗୁ ଲୋକମାନେ ଆପଣଙ୍କ ଉପରେ ଟେକାପଥର ପକାଇବେ, ଦୂର ଦୂର ମାର ମାର କରିବେ, ତେବେ ଅବସ୍ଥା କ’ଣ ହେବ? 

ମୋ ଆଶ୍ରୟସ୍ଥଳକୁ ଅଣାଯାଇଥିବା ଏକ ଘୋଡ଼ାର ମୁଣ୍ଡରେ ମୁଠି ଆକାରର କଣା ହୋଇଯାଇଥିଲା ଏବଂ ତା’ ମସ୍ତିଷ୍କ ବାହାରକୁ ଦେଖାଯାଉଥିଲା। ଆମେ ତାକୁ ଏକ ପରିତ୍ୟକ୍ତ କୋଠାରୁ ମୁମୂର୍ଷୁ ଅବସ୍ଥାରେ ଉଦ୍ଧାର କରିଥିଲୁ। ମାଛିମାନେ ତା’ କାନ ପାଖରେ ହୋଇଥିବା ଏକ ଘାଆରେ ଅଣ୍ଡା ଦେବା ପରେ ମ୍ୟାଗଟ୍‌ମାନେ ତାକୁ ଖାଇଚାଲିଲେ। ଆମେ ତାକୁ ଉଦ୍ଧାର କରି ଦିଲ୍ଲୀସ୍ଥିତ ଆଶ୍ରୟଗୃହକୁ ଆଣିଲୁ ଓ ତା’ର ନାଁ ଦେଲୁ ବାଳି। ସେଠାରେ ତାକୁ ଭଲ କରିବା ପାଇଁ ତିନିମାସ ଲାଗିଲା।  

ବୁଲା ପଶୁଙ୍କଠାରେ ଏ ମାଛି ଓ ମ୍ୟାଗଟ୍‌ଜନିତ ରୋଗ ଅତି ସାଧାରଣ କଥା। ତେବେ ମାଛିମାନେ ପ୍ରାଣୀଙ୍କ ଦେହରେ କାହିଁକି ଅଣ୍ଡା ଦିଅନ୍ତି ଓ ତା’ପରେ କ’ଣ ହୁଏ? ପ୍ରାଣୀଙ୍କ ଦେହରେ ଯଦି କୌଣସି ଖୋଲା ଘାଆ ଥାଏ, ସେ ଘାଆର ଯଦି କୌଣସି ଚିକିତ୍ସା କରା ନ ଯାଏ, ତେବେ ତା’ ପ୍ରତି ମାଛିମାନେ ଆକର୍ଷିତ ହୁଅନ୍ତି। କେବଳ କୁକୁର ନୁହେଁ, ବିରାଡ଼ି, ଗୋରୁ, ଘୋଡ଼ା, ମେଣ୍ଢା ଓ ଛେଳିମାନଙ୍କ କ୍ଷେତ୍ରରେ ଏପରି ହୋଇପାରେ। ପାଗ ଆର୍ଦ୍ର ଓ ଉଷୁମ ଥିଲେ ସେହି ଘାଆ ଭିତରେ ମାଛିମାନେ ଦେଇଥିବା ଅଣ୍ଡା ଫୁଟି ଚାରିଘଣ୍ଟା ଭିତରେ ସେଥିରୁ ଲାର୍ଭା ବାହାରେ। ଲାର୍ଭାଗୁଡ଼ିକ ଭିତରେ ଭିତରେ କଣା କରି ମାଂସ ଖାଇବାକୁ ଆରମ୍ଭ କରିଦିଅନ୍ତି। ଅପରିଚ୍ଛନ୍ନ, ଦୁର୍ବଳ ଓ ରୋଗଣା ପ୍ରାଣୀମାନେ ବେଶି ଏହାର ଶିକାର ହୁଅନ୍ତି। ଖୋଲା ଘାଆ ବା ମଳମୂତ୍ରରେ ଭିଜିଥିବା ଆର୍ଦ୍ର ଚର୍ମ ମାଛିମାନେ ଅଣ୍ଡା ଦେବାର ପ୍ରକୃଷ୍ଟ ସ୍ଥାନ। 

ତେବେ କେବଳ ବୁଲା ପଶୁମାନେ ଏହାର ଶିକାର ହୁଅନ୍ତି ନାହିଁ। ଅନେକ ପୋଷା ପ୍ରାଣୀ ବି ହୁଅନ୍ତି। ସେମାନଙ୍କ ମାଲିକମାନେ ସେମାନଙ୍କୁ ବର୍ଷ ସାରା ସବୁ ଋତୁରେ ବାହାରେ ବାନ୍ଧି ରଖନ୍ତି, ସେମାନଙ୍କ ଲୋମକୁ କେବେ ବ୍ରଶ୍‌ କରନ୍ତି ନାହିଁ କିମ୍ବା ଉତ୍ତମ ଖାଦ୍ୟ ଖାଇବାକୁ ଦିଅନ୍ତି ନାହିଁ। ସବୁବେଳେ ବନ୍ଧା ହୋଇ ରହିବା ଯୋଗୁ ବିରକ୍ତିରେ ଏହି ପ୍ରାଣୀମାନେ ନିଜ ଦେହକୁ ଘଷନ୍ତି କିମ୍ବା କାମୁଡ଼ନ୍ତି କିମ୍ବା ଚେନ୍‌ ଘଷି ହୋଇ ତାଙ୍କ ବେକରେ ଘାଆ ହୋଇଯାଏ। ଫଳରେ ମାଛିମାନେ ସେଥିରେ ଅଣ୍ଡା ଦେବାକୁ ସୁଯୋଗ ପାଆନ୍ତି। କେବଳ ସେମାନେ ଗନ୍ଧେଇବା ପରେ ହିଁ ମାଲିକମାନେ ଘରକୁ ଆଣନ୍ତି। କେତେକ ସେମାନଙ୍କୁ ଚିକିତ୍ସା କରାଇବାକୁ ଚାହାନ୍ତି। ଆଉ କେତେକ ନିଜ ପୋଷା ପଶୁକୁ ଚିକିତ୍ସା ପାଇଁ ଆଣି ଧାଡ଼ିରେ ଛିଡ଼ା ହୁଅନ୍ତି ଓ ମଉକା ଦେଖି ତାକୁ ସବୁଦିନ ପାଇଁ ପରିତ୍ୟାଗ କରି ଚାଲିଯାଆନ୍ତି। 

ଆପଣ ଏକ ମ୍ୟାଗଟ୍‌-ସଂକ୍ରମିତ ଘାଆକୁ କିପରି ଚିହ୍ନିବେ ଓ ଚିକିତ୍ସା କରିବେ? ଏହି ଘାଆ ସହଜରେ ଚିହ୍ନିହୁଏ। ପ୍ରାଣୀଙ୍କ ଦେହରେ ହୋଇଥିବା କୌଣସି ପଚା ଘାଆକୁ ଦେଖନ୍ତୁ। ସେଥିରୁ ଦୁର୍ଗନ୍ଧ ବାହାରୁଥିବ। ଭଲ କରି ନିରୀକ୍ଷଣ କଲେ ଦେଖିପାରିବେ, ଧଳା ଧଳା ମ୍ୟାଗଟ୍‌ ସେହି ଘାଆ ଭିତରେ ଚାଲୁଛନ୍ତି। କୁକୁରମାନଙ୍କର ଗୋଡ଼ ନଖ ଓ ପଞ୍ଝା ତଳେ, ଲାଞ୍ଜ ତଳେ ଏବଂ ମୁଣ୍ଡରେ ସାଧାରଣତଃ ମ୍ୟାଗଟ୍‌ ହୋଇଥାଏ। ଯଦି ଦେଖିବେ କୌଣସି ପ୍ରାଣୀ ଚାରିପଟେ ମାଛିମାନେ ଗୁଣୁଗୁଣୁ ଶବ୍ଦ କରି ଉଡ଼ୁଛନ୍ତି, ତେବେ ସେ ପ୍ରାଣୀ ଦେହରେ କେଉଁଠି ଘାଆ ଅଛି କି ନାହିଁ ଦେଖନ୍ତୁ। ସେଥିରେ ମାଛିମାନେ ଅଣ୍ଡା ଦେଇଥିବେ। ସେହିସବୁ ଅଣ୍ଡା ଫୁଟି ଲାର୍ଭା ବାହାରିବା ପୂର୍ବରୁ ତା’ର ଚିକିତ୍ସା କରାନ୍ତୁ। 

ଏହାର ଚିକିତ୍ସା ମଧ୍ୟ ସହଜ। କିନ୍ତୁ ସମ୍ପୂର୍ଣ୍ଣ ଆରୋଗ୍ୟ ହେବା ପାଇଁ ୧ରୁ ୩ ମାସ ପର୍ଯ୍ୟନ୍ତ ସମୟ ଲାଗିଯାଇପାରେ। ତାହା ମ୍ୟାଗଟ୍‌ମାନେ କେତେ ଗଭୀରକୁ ଯାଇଛନ୍ତି, ତା’ ଉପରେ ନିର୍ଭର କରେ। ଚିକିତ୍ସକ ପ୍ରଥମେ ଘାଆ ଉପରେ କିଛି କ୍ଲୋରୋଫର୍ମ ପ୍ରୟୋଗ କରେ ଏବଂ କିଛି ସମୟ ଅପେକ୍ଷା କରି ମ୍ୟାଗଟ୍‌ଗୁଡ଼ାଙ୍କୁ ଗୋଟିକ ପରେ ଗୋଟିଏ କାଢ଼େ। ଆମ ଆଶ୍ରୟଗୃହରେ ମ୍ୟାଗଟ୍‌ ସଂକ୍ରମଣ ଘଟଣା ବହୁତ ହେଉଥିବାରୁ ଆମେ କ୍ଲୋରୋଫର୍ମ ସହ ସମାନ ପରିମାଣର ଟର୍ପେଣ୍ଟାଇନ୍‌ ବ୍ୟବହାର କରି ମ୍ୟାଗଟ୍‌ଗୁଡ଼ାଙ୍କୁ ମାରିପକାଉ। କୁକୁର ପରି ଛୋଟ ପ୍ରାଣୀଙ୍କ ଦେହରୁ ମ୍ୟାଗଟ୍‌ କାଢ଼ିବା ପୂର୍ବରୁ ଚିକିତ୍ସକ ପ୍ରଥମେ ଘାଆକୁ ଆଣ୍ଟିସେପ୍ଟିକ୍‌ ଦେଇ ସଫା କରେ। ତା’ପରେ ସେ ଲରେକ୍ସିନ୍‌ ବା ମାଗୋସାଇଡ୍‌ ମଲମ ଲଗାଏ, ଯାହା ମ୍ୟାଗଟ୍‌ମାନଙ୍କୁ ମାରିବା ପାଇଁ ଉଦ୍ଦିଷ୍ଟ। ଘାଆ ସଫା କରି ମଲମ ଲଗାଇବା ପରେ ଡାକ୍ତର ଘାଆ ଉପରେ କଟନ ଗଜ୍‌ କନା ଗୁଡ଼ାଇ ବ୍ୟାଣ୍ଡେଜ୍‌ କରିଦିଅନ୍ତି। ସେ ଏପରି ବ୍ୟାଣ୍ଡେଜ୍‌ କରନ୍ତି, ଯେପରି ଭିତରକୁ ପବନ ପ୍ରବେଶ କରିପାରିବ ନାହିଁ। ଫଳରେ ମ୍ୟାଗଟ୍‌ମାନେ ଭିତରେ ଅମ୍ଳଜାନ ବିନା ଅଣନିଃଶ୍ୱାସୀ ହୋଇ ମରିଯାନ୍ତି। ସଂକ୍ରମଣ ଅତି ସାଙ୍ଘାତିକ ହୋଇଥିଲେ ଚିକିତ୍ସକ ଦିନକୁ ଥରେ ବା ଦୁଇଥର ବ୍ୟାଣ୍ଡେଜ ବଦଳାନ୍ତି ଏବଂ ପ୍ରତିଥର ନୂଆ ବ୍ୟାଣ୍ଡେଜ୍‌ କରିବା ପୂର୍ବରୁ ଘାଆରୁ ମ୍ୟାଗଟ୍‌ମାନଙ୍କୁ କାଢ଼ନ୍ତି। 

ସହାୟକ ପଦ୍ଧତି ହିସାବରେ ଘାଆ ଶୀଘ୍ର ଭଲ କରିବାରେ ଜିଙ୍କୋଲାକ୍‌ ସାହାଯ୍ୟ କରିପାରେ। ସଲ୍‌ଫରଯୁକ୍ତ ଆଣ୍ଟିବାୟୋଟିକ୍ସ ବା ଆମୋକ୍ସିଲିନ୍‌, ଯାହା ପେଶୀ ସୁସ୍ଥକାରକ ଭାବେ କାମ କରେ, ଚିକିତ୍ସକ ତାହା ପ୍ରୟୋଗ କରନ୍ତି। ଥରେ ସୁସ୍ଥ ହେବାର ପ୍ରକ୍ରିୟା ଆରମ୍ଭ ହୋଇଗଲେ ଶୀଘ୍ର ଭଲ ହେବା ପାଇଁ ଆମେ ହସ୍ପିଟାଲରେ ସାଧାରଣତଃ ବେଟାଡିନ୍‌ ଓ ଫ୍ୟୁରାସିନ୍‌ ମଲମ ଲଗାଇଥାଉ। 

ବାଳି ହେଉଛି ଅତି କମ୍‌ ସଂଖ୍ୟକ ଭାଗ୍ୟଶାଳୀଙ୍କ ଭିତରେ ଅନ୍ୟତମ ଯିଏ ଆରୋଗ୍ୟ ଲାଭ କରିପାରିଲା ଓ ବଞ୍ଚିଗଲା। ଏଥିପାଇଁ ତିନିମାସ ତା’ର ନିରବଚ୍ଛିନ୍ନ ଯତ୍ନ ନେବାକୁ ପଡ଼ିଲା। ପ୍ରାଣୀମାନେ ଅତିଶୟ କଷ୍ଟ ପାଉଥିଲେ ଓ ସବୁ ଆଶା ଛାଡ଼ି ଦେଇଥିଲେ, ସେମାନେ ଅନ୍ଧାରରେ ଲୁଚନ୍ତି। ତେବେ ଦୁର୍ଭାଗ୍ୟର ବିଷୟ ହେଉଛି ମ୍ୟାଗଟ୍‌ମାନେ କୋରି କୋରି ଭିତରୁ ଖାଇବା ସହ ନିଜର ବୃଦ୍ଧି ଘଟାଇବା ପାଇଁ ଏହା ଅନୁକୂଳ ପରିବେଶ। ଫଳରେ ପ୍ରାଣୀଟି ଶୀଘ୍ର ଶୀଘ୍ର ମୃତ୍ୟୁ ଆଡ଼କୁ ଗତି କରିବାକୁ ଲାଗେ। ଯଦି ଆପଣ ରାସ୍ତାରେ ଏମିତି କୌଣସି ଘାଆଯୁକ୍ତ ପ୍ରାଣୀକୁ ଦେଖିବେ, ତେବେ ତା’ର ଜୀବନ ବଞ୍ଚାଇବା ପାଇଁ ଦୟାକରି ମୋ ପ୍ରାଣୀ ଆଶ୍ରୟସ୍ଥଳକୁ ଫୋନ୍‌ କରି ଜଣାଇବେ। 

Email: gandhim@nic.in

All Right Reserved By

ସମ୍ପାଦକୀୟ |

ଡ୍ୟାନ୍ସ ବାର୍‌ ସଂସ୍କୃତି

ଡ୍ୟାନ୍ସ ବାର୍‌ ସଂସ୍କୃତି

ଆକାର ପଟେଲ

ଡ୍ୟାନ୍ସ ବାର୍‌ ସଂସ୍କୃତି ମୁମ୍ବାଇରୁ, ବିଶେଷତଃ କେନ୍ଦ୍ରୀୟ ମୁମ୍ବାଇ ଅଞ୍ଚଳରୁ ଆରମ୍ଭ ହୋଇଥିଲା। ଏହି ପରମ୍ପରା ସହ ସମ୍ଭବତଃ ଲାଓ୍ବଣୀର ସମ୍ପର୍କ ଅଛି। ଢୋଲକୀ ବାଜାର ତାଳେ ତାଳେ ନାଚ-ଗୀତକୁ ଲାଓ୍ବଣୀ କହନ୍ତି, ଯାହା ହେଉଛି ମହାରାଷ୍ଟ୍ରର ଏକ ପ୍ରାଚୀନ ଲୋକନୃତ୍ୟ। ପୁରୁଷମାନଙ୍କର ଛୋଟ ଛୋଟ ଦଳ ଏବଂ ବେଳେବେଳେ ସେମାନଙ୍କ ପରିବାର ଟେବୁଲରେ ବସି ଏକ ଖୋଲା ସ୍ଥାନ ଆଡ଼କୁ ଚାହିଁଥାନ୍ତି, ଯେଉଁଠି ଅଧ ଡଜନ ମହିଳା ହିନ୍ଦୀ ଗୀତର ତାଳେ ତାଳେ ନୃତ୍ୟ କରୁଥାନ୍ତି। ନୃତ୍ୟାଙ୍ଗନାମାନେ ସମ୍ପୂର୍ଣ୍ଣ ଦେହକୁ ଆବୃତ କଲାଭଳି ବସ୍ତ୍ର ପନ୍ଧିଥାନ୍ତି। ପରିଚାରିକାମାନେ ଦର୍ଶକମାନଙ୍କ ଟେବୁଲ ଉପରେ ମଦ ପରଷନ୍ତି। ଏଠାରେ ଏପରି କି ମୃଦୁ ପାନୀୟ ପାଇଁ ମଧ୍ୟ ବିୟର ଭଳି ମୂଲ୍ୟ ନିଆଯାଏ। କିଛି ପୁ..

ଅସତ୍ୟ ସହରର ରାତି

ଅସତ୍ୟ ସହରର ରାତି

ଚିତ୍ର ଚରିତ୍ର/ ନିରଞ୍ଜନ ପାଢ଼ୀ

କେଇଦିନ ପୂର୍ବରୁ ଆମ ରାଜଧାନୀ ସହରର ଚେହେରା ଦେଖିଥିବା ଲୋକ ଏ ସହରର ବାସିନ୍ଦା ହୋଇ ନ ପାରିଥିବାର ଦୁଃଖରେ ନିଜ ଭାଗ୍ୟକୁ ନିନ୍ଦିବାର କାରଣ ଥିଲା ବେଶ୍‌ ଯୁକ୍ତିଯୁକ୍ତ। ବିଶ୍ୱକପ୍‌ ହକି ଅନୁଷ୍ଠିତ  ହେଉଥିବାର ବିରଳ ଗୌରବବୋଧ ନେଇ ଏ ସ୍ମାର୍ଟ ସହର ଯେମିତି ସୁସଜ୍ଜିତ ତୋରଣ ଓ ରଙ୍ଗ ବେରଙ୍ଗର ଆଲୋକମାଳାରେ ଆକର୍ଷଣୀୟ ରୂପରେ ସଜେଇ ହୋଇଥିଲା, ତହିଁରେ ଏଠାରେ ରହୁ ନ ଥିବା ଯେ କୌଣସି ଲୋକ ମନରେ ଈର୍ଷାର ଅସୁରଟିଏ ମୁଣ୍ଡ ଟେକିବା ସ୍ବାଭାବିକ। ମାତ୍ର ସ୍ମାର୍ଟ..

କୁଷ୍ଠରୋଗୀଙ୍କ ସାହାରା

କୁଷ୍ଠରୋଗୀଙ୍କ ସାହାରା

ବ୍ୟକ୍ତିତ୍ୱ/ ଜିତେନ୍ଦ୍ର କୁମାର ନାୟକ

ବିଶ୍ୱକୁ ମହାତ୍ମା ଗାନ୍ଧୀଙ୍କ ଅବଦାନ ଅତୁଳନୀୟ। ତାଙ୍କ ଆଦର୍ଶକୁ ସ୍ମରଣୀୟ ରଖିବା ଲାଗି ଭାରତ ସରକାରଙ୍କ ପକ୍ଷରୁ ୧୯୯୫ରୁ ପ୍ରତିବର୍ଷ ଅନ୍ତର୍ଜାତୀୟ ଗାନ୍ଧୀ ଶାନ୍ତି ପୁରସ୍କାର ପ୍ରଦାନ କରାଯାଇଆସୁଛି। ମହାତ୍ମାଙ୍କ ୧୨୫ତମ ଜନ୍ମବାର୍ଷିକୀରୁ ସଂସ୍ଥାପିତ ଏହି ସମ୍ମାନ ଅହିଂସା ଓ ଗାନ୍ଧୀବାଦ ଜରିଆରେ ସାମାଜିକ, ଅର୍ଥନୈତିକ ଓ ରାଜନୈତିକ କ୍ଷେତ୍ରରେ ରୂପାନ୍ତରଣ ଆଣିପାରୁଥିବା ବ୍ୟକ୍ତି ଓ ସଙ୍ଗଠନକୁ ଦିଆଯାଉଛି। ଦକ୍ଷିଣ ଆଫ୍ରିକାର ବର୍ଣ୍ଣବୈଷମ୍ୟ ବିରୋଧୀ ବିପ୍ଳବୀ ନେଲ୍‌ସନ ମଣ୍ଡେଲା, ଭାରତର ‘ଚିପ୍‌କୋ’ ଆନ୍ଦୋଳନର ପୁରୋଧା ଚଣ୍ଡିପ୍ରସାଦ ଭଟ୍ଟଙ୍କଠାରୁ ଆରମ୍ଭ କରି ଭାରତୀୟ ମହାକାଶ ଗବେଷଣା ସଂସ୍ଥା (ଇସ୍ରୋ) ଭଳି ସଙ୍ଗଠନ ଏଭଳି ସମ୍ମାନର ଅଧିକାରୀ ହୋଇପାରିଛନ୍ତି। ୨୦୧୯ ଜା..

ଏଇ ଭାରତରେ

ଏଇ ଭାରତରେ

ଭାରତୀୟ ସମାଜ ପିତୃକୈନ୍ଦ୍ରିକ ପରିବାରକୁ ନେଇ ଗଢ଼ିଉଠିଛି। କାରଣ ଆମ ଦେଶର ପରିବାରରେ ପୁରୁଷ ହେଉଛି ମୁଖ୍ୟ ବ୍ୟକ୍ତି। ତାଙ୍କ ନାମରେ ମୁଖ୍ୟତଃ ସମ୍ପତ୍ତିର ମାଲିକାନା ରହିଥାଏ। ପରିବାରର ଅନ୍ୟ ସଦସ୍ୟମାନେ ତାଙ୍କୁ ମାନି ଚଳିଥାଆନ୍ତି। ତେଣୁ ଭାରତୀୟ ସମାଜ ଏକ ପୁରୁଷପ୍ରଧାନ ସମାଜ ଭାବରେ ଗଣ୍ୟ ହୋଇଥାଏ। ନିକଟରେ ଝିଅ ନାମରେ ସମ୍ପତ୍ତି କରିବାରୁ ଖାପ୍‌ ପଞ୍ଚାୟତରେ ବାପାଙ୍କ ପ୍ରତି ଦଣ୍ଡାଦେଶ ହୋଇଛି। ଏପରି ଏକ ଘଟଣା ଘଟିଛି ରାଜସ୍ଥାନ ରାଜ୍ୟର ଯୋଧପୁର ଅଞ୍ଚଳରେ। ସ୍ଥାନୀୟ ବିଲାଡା ତହସିଲ ଖେଜଡଲାରେ ଜଣେ ପିତା ତାଙ୍କ ସମ୍ପତ୍ତିର କିଛି ଅଂଶ ଝିଅ ନାମରେ କରିଥିଲେ। ତେବେ ଏହାକୁ ତାଙ୍କର ସରଗରା ସମାଜ ପକ୍ଷରୁ ପସନ୍ଦ କରାଯାଇ ନ ଥିଲା। କାରଣ ସମାଜରେ ପ୍ରଚଳିତ ପୁରୁଣା..

ସଂସ୍କାର ପାଇଁ ତରତର ନାହିଁ

ସଂସ୍କାର ପାଇଁ ତରତର ନାହିଁ

ଦିଲ୍ଲୀକା ବାବୁ/ ଦିଲୀପ ଚେରିଏନ୍‌

ନୀତି ଆୟୋଗର ଷ୍ଟ୍ରାଟେଜି ଡକୁମେଣ୍ଟ ‘Strategy for New India@75’ରେ ଭାରତୀୟ ଅମଲାତନ୍ତ୍ରରେ ସଂସ୍କାର ଆଣିବା ପାଇଁ ବହୁବିଧ ପଦକ୍ଷେପ ନେବା ଲାଗି ସୁପାରିସ କରାଯାଇଛି। ସେଗୁଡ଼ିକ ମଧ୍ୟରେ ରହିଛି ଅପାରଗ ବାବୁମାନଙ୍କୁ ବାଧ୍ୟତାମୂଳକ ଅବସର ଦେବା, ବର୍ତ୍ତମାନ ପ୍ରଚଳିତ ପ୍ରଶାସନିକ ସେବା ସଂଖ୍ୟା କମାଇଦେବା, ପ୍ରଶାସନିକ ସେବା ପରୀକ୍ଷା ଦେବା ଲାଗି ସାଧାରଣ ପ୍ରାର୍ଥୀମାନଙ୍କ ସର୍ବୋଚ୍ଚ ବୟସ ସୀମା ୩୨ରୁ ୨୭ ବର୍ଷକୁ ହ୍ରାସ କରିବା ଇତ୍ୟାଦି। ଉଭୟ ରାଜ୍ୟ ଓ କେନ୍ଦ୍ରୀୟ ପ୍ରଶାସନିକ ସେବା ପାଇଁ ଗୋଟିଏ ସର୍ବଭାରତୀୟ ପରୀକ୍ଷା କରିବା ଲାଗି ମଧ୍ୟ ବିଶେଷଜ୍ଞମଣ୍ଡଳୀ ପ୍ରସ୍ତାବ ଦେଇଛନ୍ତି। ଆମ ରୁଗ୍ଣ ପ୍ରଶାସନିକ ସେବା ବ୍ୟବସ୍ଥାକୁ ସୁଧାରିବା ଲାଗି ଡାକ୍ତରଙ୍କ ବ୍ୟବସ୍ଥାପତ୍ର ଭଳି ବିଶେଷଜ୍ଞମାନେ ସିନା ସଂସ୍କାର-ପ୍ରସ୍ତାବମାନ ଦେଇଦେଲେ, ହେଲେ ମିଳିଥି..

ଆଧ୍ୟାତ୍ମିକତାର ମର୍ମ

ଆଧ୍ୟାତ୍ମିକତାର ମର୍ମ

ଡ. ଛାୟାକାନ୍ତ ଷଡ଼ଙ୍ଗୀ

ସମ୍ପ୍ରତି ଧର୍ମ ଓ ଆଧ୍ୟାତ୍ମିକତା ସମାର୍ଥବାଚକ ଶବ୍ଦ ଭାବରେ ବ୍ୟବହୃତ ହେଉଛି। ମାତ୍ର ସାମାଜିକ ଧର୍ମାନୁଷ୍ଠାନ ସହ ଆଧ୍ୟାତ୍ମିକତାର ବିଶେଷ ସମ୍ପର୍କ ନାହିଁ। ଆଜିକାଲି ଭଗବାନଙ୍କ ଉପରେ ଉପରଠାଉରିଆ ବିଶ୍ୱାସ। ମନ୍ଦିର, ମସ୍‌ଜିଦ ବା ଗୀର୍ଜାରେ ପହଞ୍ଚି ଉପାସନା କରିବାକୁ ଧର୍ମନିଷ୍ଠା କୁହାଯାଉଛି। ଏହା ସହ ଆଧ୍ୟାତ୍ମିକତାର ସିଧାସଳଖ କୌଣସି ସମ୍ପର୍କ ନାହିଁ। ବିଶେଷଣ ପଦ ରୂପେ ଅଧ୍ୟାତ୍ମ ଶବ୍ଦର ଅର୍ଥ ହେଲା ‘ଆତ୍ମ ବିଷୟକ’। ବିଶେଷ୍ୟ ପଦ ଭାବରେ ଏହାର ଅର୍ଥ ହେଲା ପରମାତ୍ମା ବା ବ୍ରହ୍ମ। ଆଧ୍ୟାତ୍ମିକ ମାନେ ‘ବ୍ରହ୍ମ ବା ପରମାତ୍ମା ବିଷୟକ’। ଏହି ବ୍ରହ୍ମ ବିଷୟକ ଭାବ ହେଉଛି ଆଧ୍ୟାତ୍ମିକତା। ଏଣୁ ଆଧ୍ୟାତ୍ମିକତାର ମର୍ମ..

ବାଂଲାଦେଶ ନିର୍ବାଚନ

ବାଂଲାଦେଶ ନିର୍ବାଚନ

ଶରତ ଚନ୍ଦ୍ର ମିଶ୍ର

ଡିସେମ୍ବର ୩୦, ୨୦୧୮ରେ ବାଂଲାଦେଶରେ ଏକାଦଶ ଜାତୀୟ ନିର୍ବାଚନ ଅନୁଷ୍ଠିତ ହୋଇଯାଇଛି। ଏହି ସଦ୍ୟ ସମାପ୍ତ ନିର୍ବାଚନରେ ପ୍ରଧାନମନ୍ତ୍ରୀ ଶେଖ୍‌ ହାସିନାଙ୍କ ଆଓ୍ବାମୀ ଲିଗ୍‌ ୩୦୦ରୁ ୨୬୭ଟି ସ୍ଥାନ ଅଧିକାର କରି ଅଭୂତପୂର୍ବ ସଫଳତା ହାସଲ କରିଛି। ତାଙ୍କର ସହଯୋଗୀ ଦଳ ଜାତୀୟ ପାର୍ଟି ୨୦ଟି ସ୍ଥାନ ପ୍ରାପ୍ତ ହୋଇଛି। ଜାତୀୟ ପାର୍ଟିର ନେତା ହେଉଛନ୍ତି ପୂର୍ବତନ ମିଲିଟାରୀ ଶାସକ ଜେନେରାଲ ଏରସାଦ। ଦେଶର ମୁଖ୍ୟ ବିରୋଧୀ ଦଳ ବାଂଲାଦେଶ ଜାତୀୟ ଦଳ ଅନ୍ୟାନ୍ୟ ଛୋଟ ଛୋଟ ୧୦ଟି ଦଳ ସହିତ ମିଶି ଜାତୀୟ ମିଳିତ ସାମ୍ମୁଖ୍ୟ ଗଠନ କରି ପ୍ରମୁଖ ବିରୋଧୀ ଭାବରେ ନିର୍ବାଚନରେ ଅବତୀର୍ଣ୍ଣ ହୋଇ..

ଏଇ ଭାରତରେ

ଏଇ ଭାରତରେ

ବିବାହ ଏକ ପବିତ୍ର ବନ୍ଧନ। ଏହା ପୁରୁଷ ଓ ସ୍ତ୍ରୀ ମଧ୍ୟରେ ଦୃଢ଼ ସମ୍ପର୍କ ସ୍ଥାପନ କରେ। କାହିଁ କେଉଁ ଅନାଦି କାଳରୁ ଏହି ପରମ୍ପରା ଚଳିଆସୁଛି। ବିବାହ ପରେ ପୁରୁଷ-ସ୍ତ୍ରୀ ମଧ୍ୟରେ ଦୈହିକ ସମ୍ପର୍କ ପବିତ୍ର। କିନ୍ତୁ ରାଞ୍ଚତ୍ର ଜନଜାତି ସମ୍ପ୍ରଦାୟ ବିବାହ ନ କରି ଦୀର୍ଘବର୍ଷ ଧରି ଏକତ୍ର ରହି ଆସୁଛନ୍ତି। ଏହା ପଛର ଅସଲ କାରଣ ହେଉଛି ବିବାହ ଉତ୍ସବରେ ଖର୍ଚ୍ଚକରିବା ଲାଗି ସେମାନଙ୍କ ପାଖରେ ଟଙ୍କା ନାହଁ। ସେମାନଙ୍କ ଅସୁବିଧା ସମ୍ପର୍କରେ ଅବଗତ ହେବା ପରେ ଏଠାରେ ସାମାଜିକ ସେବା ଜାରି ରଖୁଥିବା ଏକ ସଂଗଠନ ଅଭାବୀ ଲୋକମାନଙ୍କର ବିବାହ କରାଉଛି। କେତେକ ଲୋକ ଏଠାରେ ୪୦ବର୍ଷରୁ ଅଧିକ ହେଲା ଏକାଠି ରହି ଆସୁଛନ୍ତି। ପିଲା..

ଆଜିର ଅର୍ଥନୀତି/ଲେଖାନୁଦାନରେ ସୀମିତ ରୁହ

ଆଜିର ଅର୍ଥନୀତି/ଲେଖାନୁଦାନରେ ସୀମିତ ରୁହ

ସାଧାରଣ ନିର୍ବାଚନ ଆଉ ଅଳ୍ପ କେଇମାସ ବାକି ରହିଲା। ନିର୍ବାଚନ ଆୟୋଗ ପକ୍ଷରୁ ଏ ନେଇ ଯଥାସମୟରେ ବିଜ୍ଞପ୍ତି ଜାରି ହେବ। ତେବେ ଏହି ନିର୍ବାଚନ ପୂର୍ବରୁ ସରକାର ଲେଖାନୁଦାନ ନା ପୂର୍ଣ୍ଣାଙ୍ଗ ବଜେଟ୍‌ ଉପସ୍ଥାପନ କରିବେ, ତାହା ଜଣାପଡ଼ି ନାହିଁ। ବଜେଟ୍‌ ପାଇଁ ଆଉ ମାତ୍ର ପ୍ରାୟ ଦୁଇ ସପ୍ତାହ ବାକି ଥିବାବେଳେ ହଠାତ୍‌ କେନ୍ଦ୍ର ଅର୍ଥମନ୍ତ୍ରୀ ଅରୁଣ ଜେଟ୍‌ଲୀ ଅସୁସ୍ଥ ହୋଇପଡ଼ିବାରୁ ଏ ନେଇ ଅନିଶ୍ଚିତତା ଦେଖାଦେଇଛି। ଆମେ ଆଶା କରୁଛୁ ଓ ପ୍ରାର୍ଥନା କରୁଛୁ ଯେ, ଜେଟ୍‌ଲୀ ଖୁବ୍‌ଶୀଘ୍ର ସୁସ୍ଥ ହୋଇଉଠନ୍ତୁ ଓ ଫେବୃୟାରୀ..

ଜଳବାୟୁ ପରିବର୍ତ୍ତନ ଚୁକ୍ତି: ପ୍ୟାରିସରୁ ପୋଲାଣ୍ଡ

ଜଳବାୟୁ ପରିବର୍ତ୍ତନ ଚୁକ୍ତି: ପ୍ୟାରିସରୁ ପୋଲାଣ୍ଡ

ଡ. ରମେଶ ଚନ୍ଦ୍ର ପରିଡ଼ା

ବିଶ୍ୱ ସମ୍ମୁଖରେ ଏବେ ସବୁଠାରୁ ଜଟିଳ ସମସ୍ୟା ରୂପେ ମୁଣ୍ଡ ଟେକିଥିବା ଜାଗତିକ ଉଷ୍ମତା ବୃଦ୍ଧି ଏବଂ ସେଥିସହିତ ସମ୍ପୃକ୍ତ ଜଳବାୟୁ ପରିବର୍ତ୍ତନକୁ ପ୍ରତିହତ କରା ନ ଗଲେ ତାହା ଯେ ଅଚିରେ ଏକ ପ୍ରଚଣ୍ଡ ଧ୍ୱଂସକାରୀ ଶକ୍ତିରୂପେ ଉଭା ହେବ ଏ କଥା ସ୍ବୀକୃତ ହୋଇସାରିଲାଣି। ତେଣୁ ଏହାର ପଥ ନିର୍ଦ୍ଧାରଣ ଲାଗି ଜାତୀୟ ତଥା ଆନ୍ତର୍ଜାତିକ ସ୍ତରରେ ଚାଲିଛି ବ୍ୟାପକ ଆଲୋଚନା ପର୍ଯ୍ୟାଲୋଚନା ଏବଂ ସମ୍ପାଦିତ ହେବାରେ ଲାଗିଛି ନାନାଦି ଚୁକ୍ତି। ଏଗୁଡିକ ମଧ୍ୟରୁ ସବୁଠାରୁ ଗୁରୁତ୍ୱପୂର୍ଣ୍ଣ ହେଲା ‘ୟୁଏନ୍‌ ଫ୍ରେ..

ଆଧୁନିକ ବେଣ୍ଟ

ଆଧୁନିକ ବେଣ୍ଟ

ଦ୍ୱିତୀ ଚନ୍ଦ୍ର ସାହୁ

ଘର ସାମ୍ନା ଗେଟ୍‌ ଦେଇ ବଜାରକୁ ବାହାରିଲା ବେଳେ ନିକଟରେ ଥିବା କଲେଜକୁ ଯାଉଥିଲେ ପଞ୍ଝାଏ କଲେଜ ପଢୁଆ ପିଲା। ସମସ୍ତଙ୍କ ହାତରେ ମୋବାଇଲ। ମୋବାଇଲକୁ ଖେଳାଇ ଖେଳାଇ ଜଣେ କହିଲା ଆଜି ବେଣ୍ଟ (ଶିକାର) କରିବା। ପଛରୁ ଶୁଣି ଟିକେ ଚକିତ ହେଲି। ତା’ ପରେ ସେମାନଙ୍କ ବାର୍ତ୍ତାଳାପରୁ ଯାହା ଜାଣିଲି ସେମାନେ କଲେଜର ଏକ ନିର୍ଦ୍ଦିଷ୍ଟ ସ୍ଥାନରେ ଦଳଗତ ଭାବେ ଠିଆ ହେବେ। କଲେଜ ଭିତରକୁ ପ୍ରବେଶ କରୁଥିବା ଝିଅମାନଙ୍କୁ ଚାହିଁବେ। ସେମାନଙ୍କୁ ପରଖିବେ। ସେଥିରୁ ସୁନ୍ଦରୀ ଲଳନାଙ୍କୁ ବାଛିବେ..

ଏଇ ଭାରତରେ

ଏଇ ଭାରତରେ

ଯୌତୁକ ନିରୋଧୀ ଆଇନ ୧୯୬୧ର ଧାରା ୩ ଅନୁସାରେ ଯୌତୁକ ନେବା କିମ୍ବା ଦେବା ଉଭୟ ଅପରାଧ। ସମ୍ପ୍ରତି ସମାଜରେ ଯୌତୁକ ଦାବିରେ ବହୁ ଅପରାଧ ଘଟୁଛି।  ଏନେଇ ବହୁ ମାମଲା ମଧ୍ୟ ଅଦାଲତରେ ବିଚାରାଧୀନ ରହିଛି। ବିଶେଷକରି ଯୌତୁକ ଦାବି ବିରୋଧରେ ମହିଳାମାନେ ସ୍ବାମୀ ଓ ଶାଶୁଘର ଲୋକଙ୍କ ବିରୋଧରେ ମାମଲା ରୁଜୁ କରୁଥିବା ଦେଖିବାକୁ ମିଳେ। ଏବେ କିନ୍ତୁ ..