ସମ୍ପାଦକୀୟ |

ଭୂଲୁଣ୍ଠିତ ମାନବାଧିକାର

ଭୂଲୁଣ୍ଠିତ ମାନବାଧିକାର

ପ୍ରଦୀପ୍ତ ନାୟକ

ଆଜି ତମାମ ବିଶ୍ୱରେ ୭୦ତମ ମାନବାଧିକାର ଦିବସ ପାଳନ ହେଉଛି। ୧୯୪୮ ଡିସେମ୍ବର ୧୦ ତାରିଖ ଆଜିର ଦିନରେ ଜାତିସଂଘ ବିଶ୍ୱବାସୀଙ୍କ କଲ୍ୟାଣ ନିମନ୍ତେ ଅର୍ପଣ କରିଥିଲା ଐତିହାସିକ ସାର୍ବଜନୀନ ବିଶ୍ୱ ମାନବାଧିକାର ଘୋଷଣାପତ୍ର। ଲକ୍ଷ୍ୟ ଥିଲା ଭ୍ରାତୃତ୍ୱ, ଶାନ୍ତି, ପ୍ରଗତି ଓ ସ୍ବତନ୍ତ୍ରତା ଏବଂ ମାନବ ପ୍ରତି ଅମାନବୀୟ ବ୍ୟବହାରର ପରିସମାପ୍ତି। ଆମ ଦେଶ ଏଥିରେ ପୂର୍ଣ୍ଣ ସହମତି ଜଣାଇ ତଦନୁଯାୟୀ ନୂତନ ଭାବରେ ପ୍ରଣୟନ କରାଯାଇଥିବା ସମ୍ବିଧାନରେ ଏହା ସ୍ଥାନିତ କରିଥିଲା। ସମଗ୍ର ବିଶ୍ୱରେ ମାନବ କଲ୍ୟାଣ ନିମନ୍ତେ ସଚେତନତାର ବାର୍ତ୍ତା ପ୍ରଚାର କରିବା ସହିତ ମାନବାଧିକାରର ମୁଖ୍ୟ କଥାବସ୍ତୁ ଉପରେ ବିଚାର ଆଲୋଚନା କରିବା ଏହି ଦିବସ ପାଳନର ଲକ୍ଷ୍ୟ।

ସମାଜର ପ୍ରତ୍ୟେକ ବ୍ୟକ୍ତି ଦେଶର ସମ୍ପଦ। ମଣିଷକୁ ସେମାନଙ୍କ ଅଧିକାରରୁ ବଞ୍ଚତ୍ତ କରିବା ଅର୍ଥ ସେମାନଙ୍କ ମାନବିକ ମୂଲ୍ୟବୋଧକୁ ହନନ କରିବା। ଦଙ୍ଗା, ହଙ୍ଗାମା, ଗୋଷ୍ଠୀ ଯୁଦ୍ଧ ଓ ଦେଶ ଦେଶ ମଧ୍ୟରେ ଯୁଦ୍ଧ ହେଲେ ସମସ୍ତ ଆଇନକାନୁନ ନୀରବ ହୋଇଯାଏ। ଶିକ୍ଷାଦୀକ୍ଷା ଜଣେ ବ୍ୟକ୍ତିକୁ ଶୋଷିତ ହେବାରୁ ନିବୃତ୍ତ କରେ। ଲୋକମାନେ ଏକାଠି ହେଲେ ସମସ୍ତ ପ୍ରକାର ଅନ୍ୟାୟ, ଦୁର୍ନୀତି, ଶୋଷଣ ଓ କଷଣର ପ୍ରତିବାଦ କରିପାରିବେ ଏବଂ ସୁରକ୍ଷିତ ରହିପାରିବେ। ଏକାଠି ହେଲେ ଭବିଷ୍ୟତ ବଂଶଧର ଆମ ଶିଶୁମାନଙ୍କର ସୁରକ୍ଷା ଓ ଉନ୍ନତି ହୋଇପାରିବ। ଦେଖାଯାଉଛି ବିଜ୍ଞାନ ଓ ସମାଜ ଯେତେ ଆଗଉଛି ସେତେ ମଣିଷର ଅଧିକାର ଉଲ୍ଲଂଘନ ହେଉଛି। ଅନ୍ୟାୟ ବିରୋଧରେ ସ୍ବର ଉତ୍ତୋଳନ କରିବା ପାଇଁ ଲୋକ ଯେତେ ସଂଗଠିତ ହେଉଛନ୍ତି, ନୂଆ ନୂଆ ଢାଞ୍ଚାରେ ସେମାନଙ୍କ ଉପରେ ଆକ୍ରମଣ ହେଉଛି। ସମାଜତାନ୍ତ୍ରିକ ଦୃଷ୍ଟିରୁ ଚିନ୍ତା କଲେ ଏପରି ଅବଶ୍ୟ ହୁଏ। 

ଅତୀତ ଇତିହାସକୁ ରୋମନ୍ଥନ କଲେ ଦେଖାଯାଏ, ୧୨୧୨ ଖ୍ରୀଷ୍ଟାବ୍ଦର ବ୍ରିଟେନର ମାଗ୍ନାକାର୍ଟା, ଫରାସୀ ରାଷ୍ଟ୍ର ବିପ୍ଳବ, ୧୯୧୭ ମସିହାର ରୁଷ୍‌ ବିପ୍ଳବ ହେଉ କିମ୍ବା ଭାରତର ସ୍ବାଧୀନତା ସଂଗ୍ରାମ ଇତ୍ୟାଦି ପ୍ରତ୍ୟେକ ସ୍ଥାନରେ ପ୍ରତ୍ୟେକଟି ସ୍ତରରେ ଲୋକମାନେ ଏକଜୁଟ ହୋଇ ଅଧିକାର ହାସଲ ପାଇଁ ଲଢ଼େଇ କରିଛନ୍ତି। ଫଳରେ ସମାଜରେ ପରିବର୍ତ୍ତନ ଆସିଛି, ଜନତାର ବିଜୟ ହୋଇଛି, ଶାସନରେ ଢାଞ୍ଚାଗତ ପରିବର୍ତ୍ତନ ହୋଇଛି। କିଛି ନୂଆ ନୀତିଗତ ବ୍ୟବସ୍ଥା ଆସିଛି। ଦେଖାଯାଉଛି ଲୋକମାନଙ୍କୁ ଜାତି, ଧର୍ମ, ଆଞ୍ଚଳିକତା ନାମରେ ଓ ଲିଙ୍ଗଗତ ପ୍ରଭେଦ ସୃଷ୍ଟି କରାଯାଇ ଶାସକଶ୍ରେଣୀ ତା’ର ରାଜନୈତିକ ଫାଇଦା ହାସଲ କରିବାରେ ସଫଳ ହେଉଛି। ଗତ କିଛିବର୍ଷ ଧରି ଆମ ଦେଶରେ ଏହା ଅତିମାତ୍ରାରେ ଘଟିଚାଲିଛି। ଅନୁସୂଚିତ ଜନଜାତି ଓ ଦଳିତବର୍ଗର ଲୋକମାନଙ୍କ ଉପରେ ଅତ୍ୟାଚାର ବୃଦ୍ଧି ପାଇଛି। ସରକାରୀ ତଥ୍ୟକୁ ଆଧାର କରି ଆମ୍ନେଷ୍ଟି ଇଣ୍ଟରନ୍ୟାଶନାଲ ନାମକ ଏକ ମାନବାଧିକାର ସଂସ୍ଥା ପ୍ରକାଶ କରିଛି ଯେ, କେବଳ ୨୦୧୬ରେ ଦଳିତମାନଙ୍କ ଉପରେ ୪୦,୦୦୦ ହିଂସା ତମାମ ଦେଶରେ ସଂଗଠିତ ହୋଇଛି। 

ସର୍ବୋଚ୍ଚ ନ୍ୟାୟାଳୟଙ୍କ ବାରଣ ସତ୍ତ୍ୱେ ଏବେ ଦଳିତମାନେ ହାତରେ ପାଇଖାନା ଓ ସ୍ବେରେଜ ଟାଙ୍କି ସଫା କରୁଛନ୍ତି। ଏହା ଆମ ଦେଶରେ ସମ୍ପୂର୍ଣ୍ଣ ବେଆଇନ କାର୍ଯ୍ୟ। କିନ୍ତୁ କେନ୍ଦ୍ର ସରକାରୀ ସଂସ୍ଥା ସ୍ବେରେଜ ବୋର୍ଡ ସେମାନଙ୍କୁ ଶାରୀରିକ ଭାବେ ଖଟାଉଛନ୍ତି। ଇତିମଧ୍ୟରେ ୯୦ଜଣ ଦଳିତ ସ୍ବେରେଜ ଟାଙ୍କି ସଫା କରିବା ସମୟରେ ମୃତ୍ୟୁବରଣ କରିଛନ୍ତି। ଆଦିବାସୀଙ୍କ ଉପରେ ସେହି ୨୦୧୬ ମସିହାରେ ୬୫,୦୦୦ ହିଂସା ହୋଇଛି। ଦେଶର ଆଇନ ଅନୁସାରେ ସେମାନଙ୍କୁ ଜଙ୍ଗଲ ଜମିପଟ୍ଟା ପ୍ରଦାନ କରାଯାଉନାହିଁ। ତଥାକଥିତ ବିକାଶ ନାମରେ ଖଣି, ଖାଦାନ, କାରଖାନା, ଜଳଭଣ୍ଡାର ନିର୍ମାଣ ନିମନ୍ତେ ଆଦିବାସୀଙ୍କୁ ଭିଟାମାଟିରୁ ଉତ୍‌ଖାତ କରାଯାଉଛି। ସେମାନେ ଆନ୍ଦୋଳନ କଲେ ନକ୍ସଲ ଆଖ୍ୟା ଦେଇ ପୋଲିସ ଲଗାଇ ମାରି ଦିଆଯାଉଛି କିମ୍ବା ମିଥ୍ୟା ମକଦ୍ଦମାରେ ଫସାଇ ଜେଲ ପଠାଇ ଦିଆଯାଉଛି। ସେମାନଙ୍କୁ ଯିଏ ସମର୍ଥନ କଲା ସେ ଦେଶଦ୍ରୋହୀ ନାମରେ ଚିତ୍ରିତ ହୋଇ କାଠଗଡ଼ାରେ ଛିଡ଼ା ହେଉଛି। ମୁକ୍ତ ମତବ୍ୟକ୍ତ ପାଇଁ ଥିବା ମୌଳିକ ଅଧିକାରକୁ ଖର୍ବ କରାଯାଉଛି। ସରକାରଙ୍କ ମୁସଲମାନ ବିରୋଧୀ ହିଂସା ଓ ଏନ୍‌କାଉଣ୍ଟର ହତ୍ୟା ବିରୋଧରେ କଲମ ଚାଳନା କରିଥିବାରୁ ହିନ୍ଦୁ ସନାତନ ସେନାର କର୍ମୀମାନେ କର୍ନାଟକରେ ଗୌରୀ ଲଙ୍କେଶଙ୍କୁ ଗୁଳିକରି ହତ୍ୟା କଲେ। ତ୍ରିପୁରାର ବଙ୍ଗଳା ଦୈନିକ ଖବରକାଗଜ ‘ଦେଶେର କଥା’ର ଛାପା ଓ ପ୍ରସାରଣକୁ ବେଆଇନ ଭାବରେ ବନ୍ଦ କରିଦିଆଯାଇଥିଲା। ପରେ ତ୍ରିପୁରା ଉଚ୍ଚ ନ୍ୟାୟାଳୟ ଉକ୍ତ ବେଆଇନ ଲଗାମକୁ ଖାରଜ କରିଦେଇଥିଲେ। ଶାନ୍ତୁନ ଭୌମିକ ଓ ସୁଦୀପ ଦତ୍ତ ଭୌମିକ ନାମକ ୨ଜଣ ସାମ୍ବାଦିକଙ୍କୁ ଅଗରତାଲାରେ ମାରିଦିଆଯାଇଛି। ଜମ୍ମୁ-କଶ୍ମୀରରେ ଫଟୋ ସାମ୍ବାଦିକ ୟୁସୁଫ୍‌ଙ୍କୁ ଗିରଫ କରାଯାଇଛି। ବରବରା ରାଓ, ସୁଧା ଭରଦ୍ୱାଜ, ଗୌତମ ନେହେଲଖା ପ୍ରମୁଖ ୫ଜଣ ପ୍ରତିଷ୍ଠିତ ବୁଦ୍ଧିଜୀବୀଙ୍କୁ ମହାରାଷ୍ଟ୍ରର ପୁଣେ ପୋଲିସ ଗିରଫ କରିଛି। ମଧ୍ୟପ୍ରଦେଶରେ ୨୦ଜଣ ମାନବାଧିକାର କର୍ମୀଙ୍କୁ ରାଷ୍ଟ୍ରଦ୍ରୋହ ଅପରାଧରେ ଗିରଫ କରାଯାଇଛି। ଫ୍ରାନ୍ସର ଜଣେ ଟିଭି ସିରିଏଲ ନିର୍ମାତାଙ୍କୁ ଜମ୍ମୁ-କଶ୍ମୀରରେ ୩ ଦିନ ଅଟକ ରଖାଯାଇଥିଲା। ଲକ୍ଷ୍ନୌରେ ସରକାରଙ୍କ ବିରୋଧରେ ସାମ୍ବାଦିକ ସମ୍ମିଳନୀ କରିଥିଲେ ବୋଲି ୩୧ଜଣ ଦଳିତ କର୍ମୀଙ୍କୁ ଗିରଫ କରାଯାଇଥିଲା। ବିଭିନ୍ନ ଲୋକ ସପକ୍ଷବାଦୀ ପୁସ୍ତକକୁ ଉତ୍ତରପ୍ରଦେଶ ସରକାର ବେଆଇନ ଘୋଷଣା କରିଛନ୍ତି। ଜଣେ ମନ୍ତ୍ରୀଙ୍କୁ ବିରୋଧ କରିଥିବାରୁ ଲକ୍ଷ୍ନୌ ବିଶ୍ୱବିଦ୍ୟାଳୟର ୨୮ଜଣ ଛାତ୍ରଙ୍କୁ ୨୦ ଦିନ ଜେଲ ଭୋଗିବାକୁ ପଡ଼ିଛି। ଯୌନଶୋଷଣ ବିରୋଧରେ ସ୍ବର ଉତ୍ତୋଳନ କରିବାରୁ ବନାରସ ହିନ୍ଦୁ ବିଶ୍ୱବିଦ୍ୟାଳୟର ଛାତ୍ରୀମାନଙ୍କ ଉପରେ ପୋଲିସ ଲାଠି ପ୍ରହାର କରିଛି। ମାନବାଧିକାର ସଙ୍ଗଠନଗୁଡ଼ିକର ବିଦେଶୀ ପାଣ୍ଠି ସଂଗ୍ରହ, ବ୍ୟାଙ୍କ ଆକାଉଣ୍ଟକୁ ଅଚଳ କରିଦିଆଯାଇ ହଜାର ହଜାର ମାନବାଧିକାର କର୍ମୀଙ୍କ ପାଟି ବନ୍ଦ କରିଦିଆଯାଇଛି।

୨୦୧୬ ମସିହାରେ ଶିଶୁମାନଙ୍କ ଉପରେ ୧,୦୬,୦୦୦ ହିଂସା ଓ ଯୌନ ନିର୍ଯାତନା ଘଟିଥିବାର ସରକାରୀ ସୂତ୍ରରୁ ଜଣାପଡ଼ିଛି। ଶିଶୁମୃତ୍ୟୁ, ଶିଶୁବିକ୍ରି ଓ ଚାଲାଣ ଏବଂ ଶିଶୁ ଶ୍ରମିକ ପ୍ରଥା ବନ୍ଦ ହେବା ତ ଦୂରର କଥା, ଦିନକୁ ଦିନ ବୃଦ୍ଧି ପାଉଛି। ଶତକଡ଼ା ୩୬ ଭାଗ ୫ ବର୍ଷରୁ କମ୍‌ ଶିଶୁ ପୁଷ୍ଟିହୀନତାର ଶିକାର ହୋଇଛନ୍ତି। ୧୫ ଭାଗରୁ ଅଧିକ ଶିଶୁ ସ୍କୁଲ୍‌ ମାଟି ମାଡ଼ିପାରି ନାହାନ୍ତି। ଲକ୍ଷ ଲକ୍ଷ ଶିଶୁ ଅଧାରୁ ପାଠପଢ଼ାରେ ଡୋରି ବାନ୍ଧୁଛନ୍ତି।

ସେହି ୨୦୧୬ରେ ତମାମ ଭାରତ ବର୍ଷରେ ମହିଳାଙ୍କ ପ୍ରତି ୩,୩୮,୦୦୦ ହିଂସା ଘଟିଥିବା ଜଣାପଡ଼ିଛି। ଯୌନ ନିର୍ଯାତନା ଓ ପାରିବାରିକ ହିଂସା ବୃଦ୍ଧି ପାଇଛି ବୋଲି ଜାତୀୟ ଅପରାଧ ସୂଚକାଙ୍କରୁ ଜଣାପଡ଼ିଛି। ୮୯୪ଜଣ ମହିଳା ଜେଲ ଗୃହରେ ଓ ୭୪ଜଣ ଥାନା ହାଜତରେ ମୃତ୍ୟୁବରଣ କରିଥିବା ଆମ୍ନେଷ୍ଟି ଇଣ୍ଟରନ୍ୟାଶନାଲ ରିପୋର୍ଟରୁ ଜଣାପଡ଼ିଛି। କେରଳର ସାବରୀମାଳା ମନ୍ଦିରକୁ ସମସ୍ତ ବୟସର ମହିଳାଙ୍କ ପ୍ରବେଶ ଅଧିକାର ଓ ପୂଜାର୍ଚ୍ଚନା ନିମନ୍ତେ ସର୍ବୋଚ୍ଚ ନ୍ୟାୟାଳୟ ଦେଇଥିବା ଐତିହାସିକ ରାୟକୁ କାର୍ଯ୍ୟକାରୀ କରାଇ ଦିଆଯାଉନାହିଁ। ନିରାପତ୍ତା ବାହିନୀ ଓ ପୋଲିସର ସାଧାରଣ ନାଗରିକଙ୍କ ଉପରେ ଅତ୍ୟାଚାର ପ୍ରତିଦିନ ଗଣମାଧ୍ୟମରେ ଦେଖିବାକୁ ମିଳୁଛି। ଆଇନର ରକ୍ଷକ ହୋଇ ଭକ୍ଷକ ସାଜିଥିବା ଏହି ନିରାପତ୍ତା ବାହିନୀର କର୍ମଚାରୀମାନେ ସବୁଠାରୁ ବଡ଼ ମାନବାଧିକାର ଉଲ୍ଲଂଘନକାରୀ ବୋଲି ଜନମାନସରେ ସାବ୍ୟସ୍ତ ହୋଇଛନ୍ତି। ସରକାରୀ ପ୍ରାୟୋଜିତ ବିଭିନ୍ନ ଜନବିରୋଧୀ କାର୍ଯ୍ୟକୁ ସାକାର କରିବା ଦିଗରେ ଏମାନଙ୍କର ବଳିଷ୍ଠ ଯୋଗଦାନ ଥାଏ। ଭାରତୀୟ ପୋଲିସ ସବୁଠାରୁ ଦୁର୍ନୀତିଖୋର ବୋଲି ଟ୍ରାନ୍ସପରେନ୍ସି ଇଣ୍ଟରନ୍ୟାଶନାଲ ପ୍ରକାଶ କରିଥିଲା। ଏଭଳି ପରିସ୍ଥିତିରେ ଦେଶରେ ମାନବାଧିକାରର ସ୍ଥିତି ଯେ ଭୂଲୁଣ୍ଠିତ ହେଉଛି, ତାହା ସ୍ପଷ୍ଟ ଅନୁମେୟ। ତେଣୁ ପୃଥିବୀରେ ବୃହତ୍ତମ ଗଣତନ୍ତ୍ର ରାଷ୍ଟ୍ର ବୋଲି ଏ ଦେଶର ନେତା, ଜନତା ଓ ଅଧିକର୍ତ୍ତା କହିବା କେତେଦୂର ଠିକ୍‌, ତାହା ଜନସାଧାରଣ ବିଚାର କରନ୍ତୁ।

ଟିକରପଡ଼ା, କାକଟପୁର, ପୁରୀ, ମୋ-୯୪୩୭୦୫୩୩୨୯


All Right Reserved By

ସମ୍ପାଦକୀୟ |

ସଂସ୍କାର ପାଇଁ ତରତର ନାହିଁ

ସଂସ୍କାର ପାଇଁ ତରତର ନାହିଁ

ଦିଲ୍ଲୀକା ବାବୁ/ ଦିଲୀପ ଚେରିଏନ୍‌

ନୀତି ଆୟୋଗର ଷ୍ଟ୍ରାଟେଜି ଡକୁମେଣ୍ଟ ‘Strategy for New India@75’ରେ ଭାରତୀୟ ଅମଲାତନ୍ତ୍ରରେ ସଂସ୍କାର ଆଣିବା ପାଇଁ ବହୁବିଧ ପଦକ୍ଷେପ ନେବା ଲାଗି ସୁପାରିସ କରାଯାଇଛି। ସେଗୁଡ଼ିକ ମଧ୍ୟରେ ରହିଛି ଅପାରଗ ବାବୁମାନଙ୍କୁ ବାଧ୍ୟତାମୂଳକ ଅବସର ଦେବା, ବର୍ତ୍ତମାନ ପ୍ରଚଳିତ ପ୍ରଶାସନିକ ସେବା ସଂଖ୍ୟା କମାଇଦେବା, ପ୍ରଶାସନିକ ସେବା ପରୀକ୍ଷା ଦେବା ଲାଗି ସାଧାରଣ ପ୍ରାର୍ଥୀମାନଙ୍କ ସର୍ବୋଚ୍ଚ ବୟସ ସୀମା ୩୨ରୁ ୨୭ ବର୍ଷକୁ ହ୍ରାସ କରିବା ଇତ୍ୟାଦି। ଉଭୟ ରାଜ୍ୟ ଓ କେନ୍ଦ୍ରୀୟ ପ୍ରଶାସନିକ ସେବା ପାଇଁ ଗୋଟିଏ ସର୍ବଭାରତୀୟ ପରୀକ୍ଷା କରିବା ଲାଗି ମଧ୍ୟ ବିଶେଷଜ୍ଞମଣ୍ଡଳୀ ପ୍ରସ୍ତାବ ଦେଇଛନ୍ତି। ଆମ ରୁଗ୍ଣ ପ୍ରଶାସନିକ ସେବା ବ୍ୟବସ୍ଥାକୁ ସୁଧାରିବା ଲାଗି ଡାକ୍ତରଙ୍କ ବ୍ୟବସ୍ଥାପତ୍ର ଭଳି ବିଶେଷଜ୍ଞମାନେ ସିନା ସଂସ୍କାର-ପ୍ରସ୍ତାବମାନ ଦେଇଦେଲେ, ହେଲେ ମିଳିଥି..

ଆଧ୍ୟାତ୍ମିକତାର ମର୍ମ

ଆଧ୍ୟାତ୍ମିକତାର ମର୍ମ

ଡ. ଛାୟାକାନ୍ତ ଷଡ଼ଙ୍ଗୀ

ସମ୍ପ୍ରତି ଧର୍ମ ଓ ଆଧ୍ୟାତ୍ମିକତା ସମାର୍ଥବାଚକ ଶବ୍ଦ ଭାବରେ ବ୍ୟବହୃତ ହେଉଛି। ମାତ୍ର ସାମାଜିକ ଧର୍ମାନୁଷ୍ଠାନ ସହ ଆଧ୍ୟାତ୍ମିକତାର ବିଶେଷ ସମ୍ପର୍କ ନାହିଁ। ଆଜିକାଲି ଭଗବାନଙ୍କ ଉପରେ ଉପରଠାଉରିଆ ବିଶ୍ୱାସ। ମନ୍ଦିର, ମସ୍‌ଜିଦ ବା ଗୀର୍ଜାରେ ପହଞ୍ଚି ଉପାସନା କରିବାକୁ ଧର୍ମନିଷ୍ଠା କୁହାଯାଉଛି। ଏହା ସହ ଆଧ୍ୟାତ୍ମିକତାର ସିଧାସଳଖ କୌଣସି ସମ୍ପର୍କ ନାହିଁ। ବିଶେଷଣ ପଦ ରୂପେ ଅଧ୍ୟାତ୍ମ ଶବ୍ଦର ଅର୍ଥ ହେଲା ‘ଆତ୍ମ ବିଷୟକ’। ବିଶେଷ୍ୟ ପଦ ଭାବରେ ଏହାର ଅର୍ଥ ହେଲା ପରମାତ୍ମା ବା ବ୍ରହ୍ମ। ଆଧ୍ୟାତ୍ମିକ ମାନେ ‘ବ୍ରହ୍ମ ବା ପରମାତ୍ମା ବିଷୟକ’। ଏହି ବ୍ରହ୍ମ ବିଷୟକ ଭାବ ହେଉଛି ଆଧ୍ୟାତ୍ମିକତା। ଏଣୁ ଆଧ୍ୟାତ୍ମିକତାର ମର୍ମ..

ବାଂଲାଦେଶ ନିର୍ବାଚନ

ବାଂଲାଦେଶ ନିର୍ବାଚନ

ଶରତ ଚନ୍ଦ୍ର ମିଶ୍ର

ଡିସେମ୍ବର ୩୦, ୨୦୧୮ରେ ବାଂଲାଦେଶରେ ଏକାଦଶ ଜାତୀୟ ନିର୍ବାଚନ ଅନୁଷ୍ଠିତ ହୋଇଯାଇଛି। ଏହି ସଦ୍ୟ ସମାପ୍ତ ନିର୍ବାଚନରେ ପ୍ରଧାନମନ୍ତ୍ରୀ ଶେଖ୍‌ ହାସିନାଙ୍କ ଆଓ୍ବାମୀ ଲିଗ୍‌ ୩୦୦ରୁ ୨୬୭ଟି ସ୍ଥାନ ଅଧିକାର କରି ଅଭୂତପୂର୍ବ ସଫଳତା ହାସଲ କରିଛି। ତାଙ୍କର ସହଯୋଗୀ ଦଳ ଜାତୀୟ ପାର୍ଟି ୨୦ଟି ସ୍ଥାନ ପ୍ରାପ୍ତ ହୋଇଛି। ଜାତୀୟ ପାର୍ଟିର ନେତା ହେଉଛନ୍ତି ପୂର୍ବତନ ମିଲିଟାରୀ ଶାସକ ଜେନେରାଲ ଏରସାଦ। ଦେଶର ମୁଖ୍ୟ ବିରୋଧୀ ଦଳ ବାଂଲାଦେଶ ଜାତୀୟ ଦଳ ଅନ୍ୟାନ୍ୟ ଛୋଟ ଛୋଟ ୧୦ଟି ଦଳ ସହିତ ମିଶି ଜାତୀୟ ମିଳିତ ସାମ୍ମୁଖ୍ୟ ଗଠନ କରି ପ୍ରମୁଖ ବିରୋଧୀ ଭାବରେ ନିର୍ବାଚନରେ ଅବତୀର୍ଣ୍ଣ ହୋଇ..

ଏଇ ଭାରତରେ

ଏଇ ଭାରତରେ

ବିବାହ ଏକ ପବିତ୍ର ବନ୍ଧନ। ଏହା ପୁରୁଷ ଓ ସ୍ତ୍ରୀ ମଧ୍ୟରେ ଦୃଢ଼ ସମ୍ପର୍କ ସ୍ଥାପନ କରେ। କାହିଁ କେଉଁ ଅନାଦି କାଳରୁ ଏହି ପରମ୍ପରା ଚଳିଆସୁଛି। ବିବାହ ପରେ ପୁରୁଷ-ସ୍ତ୍ରୀ ମଧ୍ୟରେ ଦୈହିକ ସମ୍ପର୍କ ପବିତ୍ର। କିନ୍ତୁ ରାଞ୍ଚତ୍ର ଜନଜାତି ସମ୍ପ୍ରଦାୟ ବିବାହ ନ କରି ଦୀର୍ଘବର୍ଷ ଧରି ଏକତ୍ର ରହି ଆସୁଛନ୍ତି। ଏହା ପଛର ଅସଲ କାରଣ ହେଉଛି ବିବାହ ଉତ୍ସବରେ ଖର୍ଚ୍ଚକରିବା ଲାଗି ସେମାନଙ୍କ ପାଖରେ ଟଙ୍କା ନାହଁ। ସେମାନଙ୍କ ଅସୁବିଧା ସମ୍ପର୍କରେ ଅବଗତ ହେବା ପରେ ଏଠାରେ ସାମାଜିକ ସେବା ଜାରି ରଖୁଥିବା ଏକ ସଂଗଠନ ଅଭାବୀ ଲୋକମାନଙ୍କର ବିବାହ କରାଉଛି। କେତେକ ଲୋକ ଏଠାରେ ୪୦ବର୍ଷରୁ ଅଧିକ ହେଲା ଏକାଠି ରହି ଆସୁଛନ୍ତି। ପିଲା..

ଆଜିର ଅର୍ଥନୀତି/ଲେଖାନୁଦାନରେ ସୀମିତ ରୁହ

ଆଜିର ଅର୍ଥନୀତି/ଲେଖାନୁଦାନରେ ସୀମିତ ରୁହ

ସାଧାରଣ ନିର୍ବାଚନ ଆଉ ଅଳ୍ପ କେଇମାସ ବାକି ରହିଲା। ନିର୍ବାଚନ ଆୟୋଗ ପକ୍ଷରୁ ଏ ନେଇ ଯଥାସମୟରେ ବିଜ୍ଞପ୍ତି ଜାରି ହେବ। ତେବେ ଏହି ନିର୍ବାଚନ ପୂର୍ବରୁ ସରକାର ଲେଖାନୁଦାନ ନା ପୂର୍ଣ୍ଣାଙ୍ଗ ବଜେଟ୍‌ ଉପସ୍ଥାପନ କରିବେ, ତାହା ଜଣାପଡ଼ି ନାହିଁ। ବଜେଟ୍‌ ପାଇଁ ଆଉ ମାତ୍ର ପ୍ରାୟ ଦୁଇ ସପ୍ତାହ ବାକି ଥିବାବେଳେ ହଠାତ୍‌ କେନ୍ଦ୍ର ଅର୍ଥମନ୍ତ୍ରୀ ଅରୁଣ ଜେଟ୍‌ଲୀ ଅସୁସ୍ଥ ହୋଇପଡ଼ିବାରୁ ଏ ନେଇ ଅନିଶ୍ଚିତତା ଦେଖାଦେଇଛି। ଆମେ ଆଶା କରୁଛୁ ଓ ପ୍ରାର୍ଥନା କରୁଛୁ ଯେ, ଜେଟ୍‌ଲୀ ଖୁବ୍‌ଶୀଘ୍ର ସୁସ୍ଥ ହୋଇଉଠନ୍ତୁ ଓ ଫେବୃୟାରୀ..

ଜଳବାୟୁ ପରିବର୍ତ୍ତନ ଚୁକ୍ତି: ପ୍ୟାରିସରୁ ପୋଲାଣ୍ଡ

ଜଳବାୟୁ ପରିବର୍ତ୍ତନ ଚୁକ୍ତି: ପ୍ୟାରିସରୁ ପୋଲାଣ୍ଡ

ଡ. ରମେଶ ଚନ୍ଦ୍ର ପରିଡ଼ା

ବିଶ୍ୱ ସମ୍ମୁଖରେ ଏବେ ସବୁଠାରୁ ଜଟିଳ ସମସ୍ୟା ରୂପେ ମୁଣ୍ଡ ଟେକିଥିବା ଜାଗତିକ ଉଷ୍ମତା ବୃଦ୍ଧି ଏବଂ ସେଥିସହିତ ସମ୍ପୃକ୍ତ ଜଳବାୟୁ ପରିବର୍ତ୍ତନକୁ ପ୍ରତିହତ କରା ନ ଗଲେ ତାହା ଯେ ଅଚିରେ ଏକ ପ୍ରଚଣ୍ଡ ଧ୍ୱଂସକାରୀ ଶକ୍ତିରୂପେ ଉଭା ହେବ ଏ କଥା ସ୍ବୀକୃତ ହୋଇସାରିଲାଣି। ତେଣୁ ଏହାର ପଥ ନିର୍ଦ୍ଧାରଣ ଲାଗି ଜାତୀୟ ତଥା ଆନ୍ତର୍ଜାତିକ ସ୍ତରରେ ଚାଲିଛି ବ୍ୟାପକ ଆଲୋଚନା ପର୍ଯ୍ୟାଲୋଚନା ଏବଂ ସମ୍ପାଦିତ ହେବାରେ ଲାଗିଛି ନାନାଦି ଚୁକ୍ତି। ଏଗୁଡିକ ମଧ୍ୟରୁ ସବୁଠାରୁ ଗୁରୁତ୍ୱପୂର୍ଣ୍ଣ ହେଲା ‘ୟୁଏନ୍‌ ଫ୍ରେ..

ଆଧୁନିକ ବେଣ୍ଟ

ଆଧୁନିକ ବେଣ୍ଟ

ଦ୍ୱିତୀ ଚନ୍ଦ୍ର ସାହୁ

ଘର ସାମ୍ନା ଗେଟ୍‌ ଦେଇ ବଜାରକୁ ବାହାରିଲା ବେଳେ ନିକଟରେ ଥିବା କଲେଜକୁ ଯାଉଥିଲେ ପଞ୍ଝାଏ କଲେଜ ପଢୁଆ ପିଲା। ସମସ୍ତଙ୍କ ହାତରେ ମୋବାଇଲ। ମୋବାଇଲକୁ ଖେଳାଇ ଖେଳାଇ ଜଣେ କହିଲା ଆଜି ବେଣ୍ଟ (ଶିକାର) କରିବା। ପଛରୁ ଶୁଣି ଟିକେ ଚକିତ ହେଲି। ତା’ ପରେ ସେମାନଙ୍କ ବାର୍ତ୍ତାଳାପରୁ ଯାହା ଜାଣିଲି ସେମାନେ କଲେଜର ଏକ ନିର୍ଦ୍ଦିଷ୍ଟ ସ୍ଥାନରେ ଦଳଗତ ଭାବେ ଠିଆ ହେବେ। କଲେଜ ଭିତରକୁ ପ୍ରବେଶ କରୁଥିବା ଝିଅମାନଙ୍କୁ ଚାହିଁବେ। ସେମାନଙ୍କୁ ପରଖିବେ। ସେଥିରୁ ସୁନ୍ଦରୀ ଲଳନାଙ୍କୁ ବାଛିବେ..

ଏଇ ଭାରତରେ

ଏଇ ଭାରତରେ

ଯୌତୁକ ନିରୋଧୀ ଆଇନ ୧୯୬୧ର ଧାରା ୩ ଅନୁସାରେ ଯୌତୁକ ନେବା କିମ୍ବା ଦେବା ଉଭୟ ଅପରାଧ। ସମ୍ପ୍ରତି ସମାଜରେ ଯୌତୁକ ଦାବିରେ ବହୁ ଅପରାଧ ଘଟୁଛି।  ଏନେଇ ବହୁ ମାମଲା ମଧ୍ୟ ଅଦାଲତରେ ବିଚାରାଧୀନ ରହିଛି। ବିଶେଷକରି ଯୌତୁକ ଦାବି ବିରୋଧରେ ମହିଳାମାନେ ସ୍ବାମୀ ଓ ଶାଶୁଘର ଲୋକଙ୍କ ବିରୋଧରେ ମାମଲା ରୁଜୁ କରୁଥିବା ଦେଖିବାକୁ ମିଳେ। ଏବେ କିନ୍ତୁ ..

ପ୍ରାଣୀଙ୍କ ଲାଟରାଲିଟି

ପ୍ରାଣୀଙ୍କ ଲାଟରାଲିଟି

ପରିବେଶ ପରିଚିନ୍ତା/ ମାନେକା ଗାନ୍ଧୀ

ଏ ପୃଥିବୀର ଅନ୍ୟ ସମସ୍ତ ପ୍ରାଣୀଙ୍କଠାରୁ ମଣିଷ ନିଜକୁ ଅଲଗା ଭାବେ। କିନ୍ତୁ ସମୟକ୍ରମେ ବୈଜ୍ଞାନିକମାନେ ପ୍ରମାଣ କଲେଣି ଯେ, ଯେଉଁସବୁ ବିଶେଷ ଗୁଣ ଓ ବୁଦ୍ଧିମତ୍ତାକୁ ନେଇ ମଣିଷ ନିଜକୁ ଶ୍ରେଷ୍ଠ ଭାବୁଛି, ସେସବୁ ଗୁଣ ପ୍ରାଣୀମାନଙ୍କଠାରେ ମଧ୍ୟ ଅଛି। ଉଦାହରଣସ୍ବରୂପ କୀଟପତଙ୍ଗ, ମାଛ, କୁଆ ଓ ବଣମଣିଷ ମଧ୍ୟ ବିଭିନ୍ନ ଉପକରଣର ଉପଯୋଗ କରନ୍ତି। ଏଥିମଧ୍ୟରୁ ଗୋଟି..

 ଉଚ୍ଚଶିକ୍ଷାରେ ପ୍ରତାରଣା

ଉଚ୍ଚଶିକ୍ଷାରେ ପ୍ରତାରଣା

ଡ. ସୁବାସ ଚନ୍ଦ୍ର ପାତ୍ର

ଜାତୀୟ ପରିପ୍ରେକ୍ଷୀରେ ଯାହାହେଉ ଆପାତତଃ ଓଡ଼ିଶାରେ ଉଚ୍ଚଶିକ୍ଷାର ସ୍ଥିତି ଦେଖିଲେ ଜଣାଯାଏ, ଏଠାରେ ଶୈକ୍ଷିକ ବ୍ୟବସ୍ଥାର ପରିବର୍ତ୍ତନ ଚିନ୍ତା କେବଳ ଉଚ୍ଚାକାଂକ୍ଷାକୈନ୍ଦ୍ରିକ। ଉଚ୍ଚଶିକ୍ଷାକୁ କିପରି ଜାତୀୟ ଅବା ଅନ୍ତର୍ଜାତୀୟ ସ୍ତରକୁ ନିଆଯାଇଛି ଏବଂ ସେହି କ୍ରମରେ ପ୍ରାରମ୍ଭିକ ପଦକ୍ଷେପ ହିସାବରେ ପାଠ୍ୟକ୍ରମର କିପରି ବୈପ୍ଳବିକ ପରିବର୍ତ୍ତନ କରାଯାଇଛି, ଜନସାଧାରଣଙ୍କ ମନରେ ବିଶ୍ୱାସ ଜନ୍ମେଇବା ପାଇଁ ସେ କଥାର ବହୁଳ ପ୍ରଚାର କରାଯାଏ। କିନ୍ତୁ ତା’ ପଛରେ ଲୁକ୍କାୟିତ ବିଫଳତାର କରୁଣ କାହାଣୀ ..

ଆଧୁନିକ ଶିକ୍ଷା ଓ ସମାଜ

ଆଧୁନିକ ଶିକ୍ଷା ଓ ସମାଜ

ଲଲାଟ କେଶରୀ ନାୟକ

ସ୍ବାମୀ ବିବେକାନନ୍ଦ ତାଙ୍କର ଶିକାଗୋ ଅଭିଭାଷଣରେ କହିଥିଲେ, କୋଟି କୋଟି ଅଦୃଶ୍ୟ ଶିଶିରବିନ୍ଦୁ ଯେମିତି ରାଶି ରାଶି ଗୋଲାପ କଢ଼ିକୁ ପ୍ରସ୍ଫୁଟିତ କରେ, ଠିକ୍‌ ସେହିଭଳି ଜଣେ ବ୍ୟକ୍ତିର ମାନସିକତା ଏକ ସୁସ୍ଥ ଏବଂ ବିକାଶଶୀଳ ରାଷ୍ଟ୍ର ଗଠନର ମୂଳମନ୍ତ୍ର ହୋଇଥାଏ। ଆଇନଶୃଙ୍ଖଳାରେ ଯେତେ ବି ପରିବର୍ତ୍ତନ ହେଉ ନା କାହିଁକି ବା ଶାସନ ଖସଡା ଯେତେ କଠୋର ହେଉ ନା କାହିଁକି, ଯଦି ବ୍ୟକ୍ତିର ମାନସିକତାରେ ପରିବର୍ତ୍ତନ ନ ହୋଇଛି ତେବେ ବିକାଶଶୀଳ ରାଷ୍ଟ୍ର ଗଠନ ଅସମ୍ଭବ। ..

ଏଇ ଭାରତରେ

ଏଇ ଭାରତରେ

ଭାଇ ଭଉଣୀ ମଧ୍ୟରେ ସାଧାରଣତଃ ସ୍ନେହ ମମତା ଅତୁଟ ଥାଏ। ଗୋଟିଏ ମା’ର ସନ୍ତାନ ହୋଇଥିବାରୁ ଦୁହିଁଙ୍କ ମନୋଭାବ ମଧ୍ୟ ପ୍ରାୟତଃ ଏକାପ୍ରକାର ହୋଇଥାଏ। କିନ୍ତୁ ଏକ ଘଟକ୍ରମରେ ଭାଇ ଭଉଣୀ ଗୋଟିଏ ଘରେ ଏକତ୍ର ମୃତ୍ୟୁବରଣ କରିବା ଘଟଣା ସ୍ଥାନୀୟ ଅଞ୍ଚଳ ଲୋକଙ୍କୁ ଚକିତ କରିଛି। ଏପରି ଏକ ଘଟଣା ଘଟିଛି ନାଗପୁରର ତାନ୍ତ୍ୟା ଟୋପେ ନଗର ଅଞ୍ଚଳରେ। ମୋହନ ଓଟଓ୍ବାନି ଏବଂ ..