ବାଣିଜ୍ୟ |

ଶୀଘ୍ର ଆସିବ ନୂଆ ଶିଳ୍ପ ନୀତି; କ୍ୟାବିନେଟ ମଞ୍ଜୁରୀକୁ ଅପେକ୍ଷା

ଶୀଘ୍ର ଆସିବ ନୂଆ ଶିଳ୍ପ ନୀତି; କ୍ୟାବିନେଟ ମଞ୍ଜୁରୀକୁ ଅପେକ୍ଷା

ପଣଜୀ,୧୦-୧୨: ସରକାର ଦେଶରେ ଶୀଘ୍ର ନୂଆ ଶିଳ୍ପ ନୀତି ଲାଗୁ କରିବେ। ଶିଳ୍ପ ନୀତିକୁ ମଞ୍ଜୁରୀ ପ୍ରଦାନ ଲାଗି କେନ୍ଦ୍ର ବାଣିଜ୍ୟ ଏବଂ ଉଦ୍ୟୋଗ ମନ୍ତ୍ରଣାଳୟ ସମସ୍ତ ପ୍ରକ୍ରିୟାକୁ ଚୂଡାନ୍ତ ପର୍ଯ୍ୟାୟକୁ ନେଇଛି। ଏ ସମ୍ପର୍କିତ ଡ୍ରାଫ୍ଟକୁ କେନ୍ଦ୍ର କ୍ୟାବିନେଟକୁ ମଞ୍ଜୁରୀ ଲାଗି ପଠାଯାଇଥିବା ବାଣିଜ୍ୟ ଏବଂ ଉଦ୍ୟୋଗ ମନ୍ତ୍ରୀ ସୁରେଶ ପ୍ରଭୁ ରବିବାର ସୂଚନା ଦେଇଛନ୍ତି।  ଏ ନେଇ ଆକ୍ସନ ପ୍ଲାନ ପ୍ରସ୍ତୁତ ହୋଇଥିବା ପ୍ରଭୁ କହିଛନ୍ତି। ଦେଶର ମାନୁଫାକ୍‌ଚରିଂ କ୍ଷେତ୍ରକୁ ପ୍ରୋତ୍ସାହନ, ବୈଦେଶିକ ଟେକ୍ନୋଲୋଜି ହସ୍ତାନ୍ତର, ଏଫ୍‌ଡିଆଇ ଆକୃଷ୍ଟ କରିବା ନେଇ ଏହି ନୀତିରେ ବିଭିନ୍ନ ପଦକ୍ଷେପ ଗ୍ରହଣ କରାଯାଇଥିବା ପ୍ରଭୁ ସ୍ପଷ୍ଟ କରିଛନ୍ତି। ସେହିଭଳି ଆର୍ଟିଫିସିଆଲ୍‌ ଇଣ୍ଟେଲିଜେନ୍ସ, ଇଣ୍ଟରନେଟ ଅଫ୍‌ ଥିଙ୍ଗସ ଏବଂ ରୋବଟିକ୍ସ ଭଳି ପ୍ରମୁଖ ଟେକ୍ନୋଲୋଜି ବ୍ୟବହାରକୁ ଅଗ୍ରାଧିକାର ମିଳିବ। ଏଥି ଲାଗି ଆର୍ଥତ୍କ ପ୍ରୋତ୍ସାହନ ପ୍ରଦାନର ବ୍ୟବସ୍ଥା ମଧ୍ୟ ରହିବ। 

 ଦେଶର ନୂତନ ଶିଳ୍ପ କ୍ଷେତ୍ର ସମେତ ଅଦ୍ୟାବଧି କାର୍ଯ୍ୟ କରୁଥିବା ଶିଳ୍ପଗୁଡ଼ିକୁ ଧ୍ୟାନରେ ରଖି ବିଭିନ୍ନ ପ୍ରୋତ୍ସାହନ ମୂଳକ କାର୍ଯ୍ୟକ୍ରମ ହାତକୁ ନିଆଯିବ। ଏହା ବାଦ୍‌ ନିୟାମକ ଅସୁବିଧା ଏବଂ ପେପର ଓ୍ବାର୍କ ହ୍ରାସ ଉପରେ ନୀତିରେ ଗୁରୁତ୍ୱାରୋପ କରାଯାଇଛି। ନୀତିକୁ ଠିକ୍‌ ଭାବେ କାର୍ଯ୍ୟକାରୀ କରାଇବା ପାଇଁ ଷ୍ଟିଅରିଂ କମିଟି ସହ ବିଭିନ୍ନ ବ୍ୟବସ୍ଥା ହାତକୁ ନିଆଯିବ। ଖରାପ ସ୍ଥିତି ଦେଇ ଗତି କରୁଥିବା ଅଣୁ କ୍ଷୁଦ୍ର ମଧ୍ୟମ ଉଦ୍ୟୋଗଗୁଡ଼ିକର ଅସୁବିଧା ସମାଧାନକୁ ଧ୍ୟାନରେ ରଖାଯାଇଛି। ଏଥି ଲାଗି ଇଣ୍ଡଷ୍ଟ୍ରିଆଲ୍‌ ହେଲ୍‌ଥ କ୍ଲିନିକ ସ୍ଥାପନ ନେଇ ପ୍ରସ୍ତାବ ରହିଛି। ସେହିଭଳି ଦେଶରେ ନୂଆ ନିଯୁକ୍ତି ସୃଷ୍ଟି, ବିଦେଶୀ ଟେକ୍ନୋଲୋଜି ହସ୍ତାନ୍ତର ଏବଂ ବାର୍ଷିକ ୧୦୦ ବିଲିୟନ ଡଲାର ଏଫ୍‌ଡିଆଇ ଆକୃଷ୍ଟ କରିବା  ନେଇ ଲକ୍ଷ୍ୟ ଧାର୍ଯ୍ୟ ହୋଇଛି। ଶିଳ୍ପ ନୀତି ପ୍ରୋତ୍ସାହନ ବିଭାଗ ଗତ ବର୍ଷ ଅଗଷ୍ଟରେ ଏହି ନୀତି ଡ୍ରାଫ୍ଟ କରିଥିଲା। ଏହା ୧୯୯୧ର ଶିଳ୍ପ ନୀତିକୁ ବାଦ ଦେବ ବୋଲି ଜଣାଯାଇଛି। ବିଶ୍ୱ ବଜାରରେ ଭାରତୀୟ ଶିଳ୍ପକୁ ଆହୁରି ପ୍ରତିଦ୍ୱନ୍ଦ୍ୱୀ କରିବା ପାଇଁ ଏଭଳି ପଦକ୍ଷେପ ଉପରେ ସରକାର କାର୍ଯ୍ୟ କରୁଥିବା ପ୍ରଭୁ ସୂଚନା ଦେଇଛନ୍ତି। ଦେଶର ମୋଟ ଜିଡ଼ିପିକୁ ମାନୁଫାକ୍‌ଚରିଂ ଶିଳ୍ପର ଅବଦାନକୁ ୨୫%କୁ ବଢାଇବାକୁ ପ୍ରୟାସ କରାଯାଉଛି। ଏହା ବର୍ତ୍ତମାନ ୧୬ରୁ ୧୭% ରହିଥିବା ଜଣାଯାଇଛି। 

All Right Reserved By

ବାଣିଜ୍ୟ |

ପ୍ରତ୍ୟର୍ପଣ ଭୟ: ଚୋକ୍‌ସୀ ଭାରତୀୟ ନାଗରିକତ୍ୱ ଛାଡ଼ିଲେ

ପ୍ରତ୍ୟର୍ପଣ ଭୟ: ଚୋକ୍‌ସୀ ଭାରତୀୟ ନାଗରିକତ୍ୱ ଛାଡ଼ିଲେ

ନୂଆଦିଲ୍ଲୀ,୨୨-୧:  ପଞ୍ଜାବ ନ୍ୟାଶନାଲ ବ୍ୟାଙ୍କ(ପିଏନ୍‌ବି) ମହାଦୁର୍ନୀତିର ଅନ୍ୟତମ ମୁଖ୍ୟ ଅଭିଯୁକ୍ତ ତଥା ନୀରବ ମୋଦିଙ୍କ ମାମୁ ମେହୁଲ ଚୋକ୍‌ସୀଙ୍କୁ ଏବେ ପ୍ରତ୍ୟର୍ପଣ ଭୟ ଘାରିଛି। ତାଙ୍କୁ ଆଣ୍ଟିଗୁଆ ସରକାର ଭାରତକୁ ପ୍ରତ୍ୟର୍ପଣ କରିପାରନ୍ତି ବୋଲି ଅନୁଭବ କରି ମେହୁଲ ତାଙ୍କ ଭାରତୀୟ ନାଗରିକତ୍ୱ ଛାଡ଼ିଛନ୍ତି।

ଦେଶର ୯ ଧନୀଙ୍କ ନିକଟରେ ୫୦% ଜନତାଙ୍କ ସମ୍ପତ୍ତି

ଦେଶର ୯ ଧନୀଙ୍କ ନିକଟରେ ୫୦% ଜନତାଙ୍କ ସମ୍ପତ୍ତି

ନୂଆଦିଲ୍ଲୀ,୨୨-୧:  ‘ଧନୀ ଦିନକୁ ଦିନ ଧନୀ ହେଉଛି’ ଏହା ଆଜିକାଲି ଏକ ପ୍ରଚଳିତ ବାକ୍ୟ ହୋଇଛି। କିନ୍ତୁ ରିପୋର୍ଟ କହୁଛି, ଏହା ସମ୍ପୂର୍ଣ୍ଣ ସତ। ଏଥିରେ କୁହାଯାଇଛି ଯେ, ଗତବର୍ଷ ଦେଶରେ ଥିବା କୋଟିପତିଙ୍କ ସମ୍ପତ୍ତିରେ ଦୈନିକ ୨୨୦୦ କୋଟି ଟଙ୍କା ବୃଦ୍ଧି ପାଇଛି। ଦେଶର ୧ ପ୍ରତିଶତ ଲୋକଙ୍କ ସମ୍ପତ୍ତି ଗତବର୍ଷ   ୩୯ ପ୍ରତିଶତ ହିସାବରେ ବଢ଼ିଛି। 

ହାଲ୍‌ଓ୍ବା ସେରିମନି ସହ ବଜେଟ୍‌ ବହି ଛପା ଆରମ୍ଭ

ହାଲ୍‌ଓ୍ବା ସେରିମନି ସହ ବଜେଟ୍‌ ବହି ଛପା ଆରମ୍ଭ

ନୂଆଦିଲ୍ଲୀ,୨୨-୧: କେନ୍ଦ୍ର ସରକାର ଫେବୃୟାରୀ ପହିଲାରେ ତାଙ୍କର ଶେଷ ବଜେଟ୍‌ ଉପସ୍ଥାପନ କରିବାକୁ ଯାଉଛନ୍ତି। ବଜେଟ୍‌ ବହି ଛାପିବା ଲାଗି ଅର୍ଥ ମନ୍ତ୍ରଣାଳୟ ପକ୍ଷରୁ ସୋମବାର ହାଲ୍‌ଓ୍ବା ସେରିମନି ପାଳନ କରାଯାଇଛି। ଅର୍ଥ ମନ୍ତ୍ରୀ ଅରୁଣ ଜେଟ୍‌ଲୀ ଅସୁସ୍ଥତା କାରଣରୁ  ଆମେରିକାରେ ଚିକିତ୍ସାରେ ବ୍ୟସ୍ତ ଥିବା ବେଳେ ତାଙ୍କ ଅନୁପସ୍ଥିତିରେ ଅର୍ଥ ରାଷ୍ଟ୍ରମନ୍ତ୍ରୀ ଶିବ ପ୍ରତାପ ଶୁକ୍ଳା ଏହି ସେରିମନି ପାଳନର ନେତୃତ୍ୱ ନେଇଥିବା ବେଳେ ସଡ଼କ ପରିବହନ ଏବଂ ରାଜପଥ ରାଷ୍ଟ୍ରମନ୍ତ୍ରୀ ପି.ରାଧାକ୍ରିଷ୍ଣନ, ଅର୍ଥ ସଚିବ ସୁଭାଷ ଗର୍ଗଙ୍କ ସମେତ ବହୁ ବରିଷ୍ଠ ଅଧିକାରୀ ଉପସ୍ଥିତ ଥିଲେ। 

ଚଳିତ ବର୍ଷରୁ ଭାରତର ଜିଡିପି ବୃଦ୍ଧି ପାଇବ: ଆଇଏମ୍‌ଏଫ୍‌

ଚଳିତ ବର୍ଷରୁ ଭାରତର ଜିଡିପି ବୃଦ୍ଧି ପାଇବ: ଆଇଏମ୍‌ଏଫ୍‌

ଓ୍ବାଶିଂଟନ,୨୨-୧: ଭାରତୀୟ ଅର୍ଥନୀତି ଅଭିବୃଦ୍ଧି(ଜିଡିପି) ହାର ଚଳିତ ବର୍ଷ ୭.୫% ତଥା ୨୦୨୦ରେ ୭.୭ ପ୍ରତିଶତ ରହିବ ବୋଲି ଅନୁମାନ କରାଯାଉଛି। ଅନ୍ତରାଷ୍ଟ୍ରୀୟ ମୁଦ୍ରା ପାଣ୍ଠି(ଆଇଏମ୍‌ଏଫ୍‌) ସୋମବାର ଏ ସଂକ୍ରାନ୍ତରେ ଏକ ରିପୋର୍ଟ ଜାରି କରିଛି।  

ପଲିସିଧାରୀଙ୍କୁ କିସ୍ତିରେ ମିଳିପାରେ ଦୁର୍ଘଟଣା-ସ୍ବାସ୍ଥ୍ୟ ବୀମା ଦାବି

ପଲିସିଧାରୀଙ୍କୁ କିସ୍ତିରେ ମିଳିପାରେ ଦୁର୍ଘଟଣା-ସ୍ବାସ୍ଥ୍ୟ ବୀମା ଦାବି

ନୂଆଦିଲ୍ଲୀ,୨୨-୧: ଦୁର୍ଘଟଣା ଓ ଲାଭ ଆଧାରିତ ସ୍ବାସ୍ଥ୍ୟ ବୀମାର ଦାବି କରିଥିବା ପଲିସିଧାରୀଙ୍କୁ ସମ୍ପୃକ୍ତ ବୀମା କମ୍ପାନୀ ଏକତ୍ର ବୀମାରାଶି ଦେବା ବଦଳରେ କିସ୍ତିରେ ପ୍ରଦାନ କରିବ। ବୀମା କରିବା ବେଳେ ପଲିସିଧାରୀ ଏ ସମ୍ପର୍କରେ ସେମାନଙ୍କ ଇଚ୍ଛା ଜଣାଇପାରିବେ। 

ବୋକା ବନିଗଲା ଆୟକର ବିଭାଗ;୫୦୦୦ କୋଟିର କ୍ରେଡିଟ ନେଇଗଲେ ଟିକସଦାତା

ବୋକା ବନିଗଲା ଆୟକର ବିଭାଗ;୫୦୦୦ କୋଟିର କ୍ରେଡିଟ ନେଇଗଲେ ଟିକସଦାତା

ନୂଆଦିଲ୍ଲୀ,୨୨-୧: ଆୟକର ବିଭାଗକୁ ସମ୍ପୂର୍ଣ୍ଣ ବୋକା ବନାଇଛନ୍ତି ଟିକସଦାତା। ସେମାନେ ନିଜର ବକେୟା ତ ଦେଲେନି ବରଂ ସେଲ୍‌ଫ ଆସେସ୍‌ମେଣ୍ଟ ଟ୍ୟାକ୍ସ ପ୍ରଦାନ କରିଛନ୍ତି ଦର୍ଶାଇ ୫୦୦୦ କୋଟି ଟଙ୍କାର କ୍ରେଡିଟ ହାସଲ କରିଛନ୍ତି। ଏଭଳି ଟିକସଦାତାଙ୍କ ଉପରେ ଆୟକର ବିଭାଗର ଏବେ ଏହି ଟଙ୍କା ବକେୟା ହେଲାଣି। ଏବେ ସେମାନଙ୍କଠାରୁ ଏତେ ବିଶାଳ ଅର୍ଥ ଆଦାୟ କରିବା ନେଇ ବିଭାଗର ଚିନ୍ତା ବଢ଼ିଯାଇଛି। ବକେୟା ଆଦାୟ ପାଇଁ ବିଭାଗ ସେହିସମସ୍ତ ଟିକସଦାତାଙ୍କ ପିଛା ଛାଡ଼ୁନି। 

ବଜେଟ୍‌ ଉପସ୍ଥାପନ କରିବେ ଜେଟ୍‌ଲୀ;ଶୁକ୍ରବାର ସନ୍ଧ୍ୟାରେ ଫେରୁଛନ୍ତି

ବଜେଟ୍‌ ଉପସ୍ଥାପନ କରିବେ ଜେଟ୍‌ଲୀ;ଶୁକ୍ରବାର ସନ୍ଧ୍ୟାରେ ଫେରୁଛନ୍ତି

ନୂଆଦିଲ୍ଲୀ,୨୨-୧:  କେନ୍ଦ୍ର ଅର୍ଥମନ୍ତ୍ରୀ ଅରୁଣ ଜେଟ୍‌ଲୀ ଫେବୃୟାରୀ ପହିଲାରେ ଅନ୍ତରୀଣ ତଥା ତାଙ୍କର ଶେଷ ବଜେଟ୍‌ ଉପସ୍ଥାପନ କରିବେ। ଆସନ୍ତା ଶୁକ୍ରବାର ସନ୍ଧ୍ୟାରେ ସେ ଆମେରିକାରୁ ଫେରିବେ ବୋଲି ଜଣେ ବରିଷ୍ଠ ସରକାରୀ ଅଧିକାରୀ ସୋମବାର ପ୍ରକାଶ କରିଛନ୍ତି।  

ଜେନାପୁରଠାରେ ରହିବ ଭୁବନେଶ୍ୱର-କେନ୍ଦୁଝରଗଡ଼  ଫାଷ୍ଟ ପାସେଞ୍ଜର

ଜେନାପୁରଠାରେ ରହିବ ଭୁବନେଶ୍ୱର-କେନ୍ଦୁଝରଗଡ଼ ଫାଷ୍ଟ ପାସେଞ୍ଜର

ଭୁବନେଶ୍ୱର,୨୨-୧:ଜେନାପୁର ରେଳଷ୍ଟେଶନ ଉପରେ ନିର୍ଭର କରୁଥିବା ଯାତ୍ରୀଙ୍କ ପାଇଁ ଖୁସି ଖବର। ଯାତ୍ରୀଙ୍କର ଦୀର୍ଘଦୀନର ଦାବୀକୁ ପୂରଣ ହେବାକୁ ଯାଉଛି। ଜାନୁୟାରୀ ୨୬ଠାରୁ ଜେନାପୁର ଷ୍ଟେଶନଠାରେ ଭୁବନେଶ୍ୱର-କେନ୍ଦୁଝରଗଡ-ଭୁବନେଶ୍ୱର ଫାଷ୍ଟ ପାସେଞ୍ଜର ପରୀକ୍ଷାମୂଳକ ଭାବେ ଛଅ ମାସ ପାଇଁ ରହଣି ବ୍ୟବସ୍ଥା କରିବାକୁ ସ୍ଥିର କରାଯାଇଥିବା ପୂର୍ବତଟ ରେଳପଥ ପକ୍ଷରୁ କୁହାଯାଇଛି। 

ସାମସଙ୍ଗ ପକ୍ଷରୁ ଏକ୍ସିନସ୍‌ ୭ ସିରିଜ୍‌ ୭୯୦୪

ସାମସଙ୍ଗ ପକ୍ଷରୁ ଏକ୍ସିନସ୍‌ ୭ ସିରିଜ୍‌ ୭୯୦୪

ଗୁରୁଗ୍ରାମ,୨୨-୧: ସେମିକଣ୍ଡକ୍ଟର ଟେକ୍ନୋଲୋଜି କ୍ଷେତ୍ରରେ ପ୍ରମୁଖ କମ୍ପାନୀ  ସାମସଙ୍ଗ ପକ୍ଷରୁ ଏକ୍ସିନସ୍‌ ୭ ସିରିଜ ୭୯୦୪ ମୋବାଇଲ ପ୍ରୋସେସର ବଜାରକୁ ଆସିଛି । ଏଥିରେ ପରିବର୍ଦ୍ଧିତ ମଲ୍ଟିମିଡିଆ ସପୋର୍ଟ ରହିଛି। 

ବଜାଜର ନୂଆ ବ୍ରାଣ୍ଡ ପରିଚୟ ଉନ୍ମୋଚନ

ବଜାଜର ନୂଆ ବ୍ରାଣ୍ଡ ପରିଚୟ ଉନ୍ମୋଚନ

ନୂଆଦିଲୀ,୨୨-୧:ବଜାଜ ଅଟୋ ଲିମିଟେଡ ପକ୍ଷରୁ ନୂଆ ବ୍ରାଣ୍ଡ ପରିଚୟ ‘ଦି ଓ୍ବାର୍ଲଡ୍‌ସ ଫେଭରାଇଟ ଇଣ୍ଡିଆନ’ ଉନ୍ମୋଚନ କରାଯାଇଛି। ଏକ ସ୍କୁଟର ନିର୍ମାତାରୁ ୧୭ ବର୍ଷ ମଧ୍ୟରେ ବିଶ୍ୱ ସ୍ତରୀୟ ମୋଟର ସାଇକେଲ ମହାଶକ୍ତିରେ ପରିବର୍ତ୍ତିତ ହେବାର ନାଟକୀୟ ପରିବର୍ତ୍ତନକୁ ପ୍ରତିଫଳିତ କରିବାକୁ ଏହା ଆରମ୍ଭ ହୋଇଛି। 

ନେକ୍ସନର ଲେଭଲ୍‌ ନେକ୍ସ ଏସ୍‌ୟୁଭି ଆଣିଲା ଟାଟା

ନେକ୍ସନର ଲେଭଲ୍‌ ନେକ୍ସ ଏସ୍‌ୟୁଭି ଆଣିଲା ଟାଟା

ଭୁବନେଶ୍ୱର,୨୨-୧: ଗ୍ରାହକଙ୍କ ପରିବର୍ତ୍ତିତ ଏସ୍‌ୟୁଭି ଚାହିଦାକୁ ଧ୍ୟାନରେ ରଖି ପ୍ରମୁଖ କାର ନିର୍ମାତା ଟାଟା ମୋଟର୍ସ ପକ୍ଷରୁ  ଏହାର ଅନ୍ୟତମ ଲୋକପ୍ରିୟ ମଡେଲ ନେକ୍ସନର ‘ଲେଭଲ ନେକ୍ସ ଏସ୍‌ୟୁଭି’କୁ ପ୍ରସ୍ତୁତ କରାଯାଇଛି। 

ଆୟକର ରିହାତି: ୫ଟି ବଜେଟ୍‌ରୁ କେତେ ମିଳିଛି

ଆୟକର ରିହାତି: ୫ଟି ବଜେଟ୍‌ରୁ କେତେ ମିଳିଛି

ନୂଆଦିଲ୍ଲୀ,୨୧-୧: ଅନ୍ତରୀଣ ବଜେଟ ୨୦୧୯ ଉପସ୍ଥାପନ ହେବାକୁ ଆଉ କେଇଟା ଦିନ ବାକି ରହିଛି। ଏଭଳି ସ୍ଥିତିରେ ଆୟକର କ୍ଷେତ୍ରରେ ଆଶ୍ୱସ୍ତି ମିଳିବା ନେଇ ସମସ୍ତେ ଆଶାବାଦୀ ରହିଛନ୍ତି। ତେବେ ଗତ ୫ଟି ବଜେଟରେ ଭାଜପା ନେତୃତ୍ୱାଧୀନ କେନ୍ଦ୍ର ସରକାର ଦେଶବାସୀଙ୍କୁ କିଛି ପରିମାଣରେ ଆଶ୍ୱସ୍ତ କରିଛନ୍ତି ସତ ସେସ୍‌ ଓ ସରଚାର୍ଜ ଆଦି କେତେକ ନୂଆ ନିୟମ ମଧ୍ୟ ଲାଗୁ କରିଛନ୍ତି।