ମନୋରଞ୍ଜନ |

ଟ୍ରାଜେଡି ଷ୍ଟାରଙ୍କ ଯାତ୍ରା

ଟ୍ରାଜେଡି ଷ୍ଟାରଙ୍କ ଯାତ୍ରା

ସତ୍ୟ କଳ୍ପନାଠାରୁ ବି ଭୟଙ୍କର! ଜଲିଉଡ୍‌ର ଟ୍ରାଜେଡି ଷ୍ଟାର ସୁବାସ ବେହେରାଙ୍କ କାହାଣୀ ଶୁଣିବା ପରେ ଠିକ୍‌ ଏମିତି ମନେହୁଏ। ବାପା ମାଟି ଖୋଳିଲେ ତାଙ୍କ ଘରେ ଚୁଲି ଜଳେ। ପାଠ ପାଇଁ ପଇସା ନ ଥିଲା। ତଥାପି ସେ ମାଟ୍ରିକ୍‌ ପାସ୍‌ କଲେ। ଭାବିଥିଲେ, ବାପାଙ୍କଠୁ କିଛି ଟଙ୍କା ନେଇ ଗ୍ୟାରେଜଟେ କରିବେ। ମାତ୍ର ବାପା କୋଉଠୁ ଆଣିବେ ଟଙ୍କା? ଅଭିମାନରେ ଘର ଛାଡ଼ିଦେଲେ। ଚାଲିଚାଲି ଭଦ୍ରକ, ପୁଣି ଜାମୁଝାଡ଼ି ଯାଏ ଚାଲିଆସିଲେ। ହେଲେ ଯିବେ କୁଆଡ଼େ? ରାସ୍ତାରେ ଠିଆହୋଇ କାନ୍ଦିଲେ। ପୁଣି ଫେରିଲେ ପଛକୁ। ରାଣିତାଲରେ ଏକ ଯାତ୍ରାପାର୍ଟି ପଡ଼ିଥାଏ। ଭାବିଲେ, ଯାତ୍ରାପାର୍ଟିରେ କାମ କରିବେ। ହେଲେ ଗୋଟେ ମାଟ୍ରିକ ପଢୁଆ ପିଲାକୁ କିଏ ବା ଯାତ୍ରାପାର୍ଟିରେ କି କାମ ଦେବ। ତଥାପି କିଛିଦିନ ସେ ସେଇଠି ରହିଲେ। କିଛି ନ ହେଉ ଖାଇବା ତ ମିଳିଗଲା। ବାପା ଖବର ପାଇ ଆସି ଘରକୁ ଫେରେଇନେଲେ। ଚାନ୍ଦବାଲି କଲେଜରେ ଆଡମିସନ ହେଲା।  କଲେଜର ଛାତ୍ର ରାଜନୀତିରେ ସେ ସମ୍ପୃକ୍ତ ହୋଇପଡ଼ିଲେ। ସେତେବେଳେ ଚାନ୍ଦବାଲି କଲେଜକୁ କମ୍ୟୁନିଷ୍ଟର ଗଡ଼ ବୋଲି ବିବେଚନା କରାଯାଉଥାଏ। ବିବାଦୀୟ ହୋଇ ଉଠିଲେ ସୁବାସ। ସେହିବର୍ଷ ଡିପ୍ଲୋମା ପଢ଼ିବା ପାଇଁ ଲେଟର ଆସିଥାଏ। ସେ ଚାଲିଗଲେ ରାଉରକେଲା। ଡିପ୍ଲୋମା ପଢ଼ିଲେ ଆଉ ରାଉରକେଲା ଷ୍ଟିଲ୍‌ପ୍ଲାଣ୍ଟରେ ଇଲେକ୍‌ଟ୍ରିକାଲ ଇଞ୍ଜିନିୟର ଭାବରେ ଚାକିରି ମଧ୍ୟ କଲେ। ସୁବାସ ଭାବୁଥିଲେ, ଏବେ ଜୀବନ ଠିକ୍‌ଠାକ୍‌ ଚାଲିବ। ମାତ୍ର ନା। ସେ ଷ୍ଟିଲ୍‌ପ୍ଲାଣ୍ଟରେ ଥିବା ବେଳେ ଅନିଚ୍ଛାକୃତ ଭାବରେ ଏକ ଦୁର୍ଘଟଣାରେ ଛନ୍ଦି ହୋଇଗଲେ। ସେ ଦୁର୍ଘଟଣା ତାଙ୍କଠୁ କେବଳ ଚାକିରି ଛଡ଼େଇ ନେଲାନି, ତା’ ସହିତ ବାପାମା’ ବନ୍ଧୁବାନ୍ଧବ ମଧ୍ୟ ଦୂରେଇଗଲେ। ବାପା ତାଙ୍କୁ ଏକପ୍ରକାର ତ୍ୟେଜ୍ୟପୁତ୍ର କରିଦେଲେ। ସୁବାସଙ୍କ ଜୀବନରେ ପୁଣି ବୈଶାଖର ତତଲା ଝାଞ୍ଜି ବହିଲା। ସମ୍ବଳ କହିଲେ, ଗୋଟେ ସିଟ୍‌ ଚିରି ଯାଇଥିବା ସାଇକେଲ। ହଳେ କି ଦୁଇହଳ ଚିରିଯାଇଥିବା ପ୍ୟାଣ୍ଟସାର୍ଟ। ହାତରେ କାଣି କଉଡ଼ିଟାଏ ବି ନାହିଁ। ରାଉରକେଲାରେ ଜଣେ ଗଁା ଲୋକ ରହୁଥାନ୍ତି। ସେ ଦୟା ପାଇ ତାଙ୍କୁ ପ୍ରତିଦିନ ସକାଳେ ମାତ୍ର ଶହେଗ୍ରାମର ଚୁଡ଼ା ଦିଅନ୍ତି। ସେଇଆକୁ ଖାଇ ସକାଳର ଭୋକ ମାରନ୍ତି ସୁବାସ। ଆଉ ଦିନରେ ଯାହା ଯୋଉଠି ମିଳେ! ନ ହେଲେ ଖାଡ଼ା ଉପାସ। 

- ରାଉରକେଲାରେ ଥିବାବେଳେ ସେ ବିଭିନ୍ନ ଜାଗାରେ ଡ୍ରାମା କରୁଥାନ୍ତି। ଖଳନାୟକ ଭୂମିକାରେ ତାଙ୍କର ଅଭିନୟ ଥାଏ ବେଶ୍‌ ବଳିଷ୍ଠ।  ସିନିୟର ଇଞ୍ଜିନିୟର ତଥା ଡ୍ରାମା ନିର୍ଦ୍ଦେଶକ ସଚିନ୍ଦ୍ର ସାହୁ (ଯାହାଙ୍କୁ ଗୁରୁ ବୋଲି ସ୍ବୀକାର କରନ୍ତି ସୁବାସ)ଙ୍କ ସହ ଦୋସ୍ତି ଥାଏ। ସେମାନେ ପ୍ରତିଦିନ ଖଟି କରନ୍ତି। ଚା’ ପିଅନ୍ତି। ସିଗାରେଟ୍‌ ଟାଣନ୍ତି। ସୁବାସ କହନ୍ତି , ମୁଁ ସିଗାରେଟ୍‌ ଟାଣିବିନି। ସେଇ ପଇସାରେ ବିସ୍କୁଟ୍‌ ଖାଇଦେଉଛି (କାରଣ, ଖାଇବା ପାଇଁ ତାଙ୍କ ପାଖରେ ପଇସା ନ ଥାଏ!)। ସେଇଆ ହୁଏ। ସେ ବିସ୍କୁଟ୍‌ ଖାଇଦିଅନ୍ତି। ବିସ୍କୁଟ ଖାଇବା ପରେ ସିଗାରେଟ୍‌ ଦି’ ଢୋକ ପାଇଁ ସଚିବାବୁଙ୍କୁ ହାତ ବଢ଼ାନ୍ତି। ଏମିତି କିଛିଦିନ ଯିବା ପରେ ଦିନେ ସଚିବାବୁ କହନ୍ତି, ତୁ ତ ବଡ଼ ଚାଲାକ ଅଛୁ ବେ। ବିସ୍କୁଟ ଖାଉଛୁ। ପୁଣି ମୋଠୁ ନେଇ ସିଗାରେଟ୍‌ ବି ଟାଣୁଛୁ! ସୁବାସଙ୍କୁ ଏକଥା ବାଧେ। ସେ ଭୋ ଭୋ ହୋଇ କାନ୍ଦନ୍ତି। ସବୁ କଥା କୁହନ୍ତି ସଚିନ୍ଦ୍ରବାବୁଙ୍କୁ। ପାଖରେ ଥାନ୍ତି ସଚିନ୍ଦ୍ରବାବୁଙ୍କର ଜଣେ ସାଙ୍ଗ। ସେ କହନ୍ତି, ”ମଡର୍ନ ଅପେରା’ରେ କଳାକାର ପାଇଁ ବିଜ୍ଞାପନ ବାହାରିଛି। ତମେ ସେଠି ଟ୍ରାଏ କର।“ ଟ୍ରାଏ କରନ୍ତି ସୁବାସ। ଆଉ ପାର୍ଟି ପାଇଁ ସିଲେକ୍ଟ ହୁଅନ୍ତି ମଧ୍ୟ। ଦରମା ବର୍ଷକୁ ୧୧ହଜାର ଟଙ୍କା। କହିବା ନିଷ୍ପ୍ରୟୋଜନ, ଏଇଠୁ ଆରମ୍ଭ ହୁଏ ଆଜିର କିଙ୍ଗ୍‌ ଷ୍ଟାର ସୁବାସ ବେହେରାଙ୍କର ପେସାଦାର ଯାତ୍ରାଜୀବନ। ଏହାର କିଛିବର୍ଷ ପରେ ସେ ଆସିଲେ ତାରିଣୀ ଗଣନାଟ୍ୟକୁ। ଅବଶ୍ୟ ସେତେବେଳକୁ ସେ ଖଳନାୟକରୁ ହିରୋ ଭୂମିକାକୁ ଆସି ସାରିଥାନ୍ତି।

- ଯାତ୍ରାରେ ସିନା ଆଗକୁ ଆଗକୁ ଯାଉଥାନ୍ତି ସୁବାସ। ହେଲେ ଘରକୁ ଫେରିପାରୁ ନ ଥାନ୍ତି। ୟା’ ମଧ୍ୟରେ ତିନିବର୍ଷ ଅତିକ୍ରାନ୍ତ ହୋଇସାରିଥାଏ। ଦିନେ ସେ ଖବର ପାଇଲେ ଘରର ଅବସ୍ଥା ଅତ୍ୟନ୍ତ ସଙ୍ଗିନ। ସାନଭଉଣୀ ପେଟରେ ଟ୍ୟୁମର। ଟଙ୍କା ନାହିଁ ବୋଲି ଅପରେଶନ ହୋଇପାରୁନି। ପୁଣି ବାପା ୨୨ଶହ ଟଙ୍କା ଲୋନ୍‌ କରିଥିଲେ ସୋସାଇଟିରୁ। ଶୁଝିପାରୁ ନ ଥିବା ହେତୁ ଜମିବାଡ଼ି ନିଲାମ କରି ନେବାକୁ ବସିଛି ସୋସାଇଟି। ପାର୍ଟି ପଡ଼ିଥାଏ କାକଟପୁରରେ। ସେଠାକୁ ଇଟା କାମ କରିବାକୁ ଯାଇଥିବା ଗଁାର କେତେଜଣ ଲୋକଙ୍କ ଠାରୁ ଏ ଖବର ପାଇ ପାଗଳପ୍ରାୟ ହୋଇଗଲେ ସେ। ମାଲିକକୁ ଅନୁରୋଧକରି ଘରକୁ ଫେରିଲେ। ପାଖରେ ଥାଏ ୩୫ହଜାର ଟଙ୍କା। ଆସିବା ବାଟରେ ତାଙ୍କର ଆଖିରୁ ସିନା ଲୁହ ବୋହୁ ନ ଥାଏ, ଛାତିର କୋହକୁ ଚାପିରଖି ପାରୁ ନ ଥାନ୍ତି। ଭଦ୍ରକରେ ଆସି ପହଞ୍ଚତ୍ବା ବେଳକୁ ରାତି ୧୧। ଶୂନ୍‌ଶାନ୍‌ ଭଦ୍ରକ ସହର, ସେତେବେଳକୁ ଶୋଇପଡ଼ିଥାଏ ନିଘୋଡ଼ ନିଦରେ। ଭଦ୍ରକରୁ ମତୋ (ଚାନ୍ଦବାଲି) ଆଖି ପାଉ ନ ଥିବା ବାଟ। କେମିତି ଯିବେ ବୋଲି ଭାବୁଥାନ୍ତି। ସେତିକିବେଳେ ପୀରହାଟର କେତେଜଣ ଲୋକ ଚରମ୍ପାରେ ଛେନା ଦେଇ ସେଇ ବାଟେ ଫେରିଲେ। ସେଇମାନଙ୍କ ସାଇକେଲରେ ଆସି ପହଞ୍ଚତ୍ଲେ ଘରେ। ବୋଉ ହାତରେ ଧରେଇଦେଲେ ୩୫ହଜାର ଟଙ୍କା। କହିଲେ, ଚୋରି କରିନି। ଏଥିରେ ଘରର ଅସୁବିଧା ଦୂରେଇଯିବ। ବୋଉ କଂସେ ପଖାଳ ବାଢ଼ିଦେଲା। ତା’ ସାଙ୍ଗକୁ ଚକୁଟିଦେଲା ତେନ୍ତୁଳି ଖଟା। ତିନିବର୍ଷ ପରେ ସେ ଖାଇଲେ ମା’ ହାତର ମହାପ୍ରସାଦ। ବାପା ଉଠିଆସିଲେ। ଜରାଜୀର୍ଣ୍ଣ ଅବସ୍ଥା। ଗାଳି ଦେଇଗଲେ : ଶଃ... ରଖିଥିଲୁ ଆସି ଖାଇଯାଉଛୁ! ସେ କାନ୍ଦୁଥାନ୍ତି। ଲୁହ ପଖାଳ କଂସାରେ ମିଶିଯାଉଥାଏ। ବୋଉକୁ ଥିରିଥିରି କରି କହୁଥାନ୍ତି, ବାପାଙ୍କୁ କହ ସେ କିଛି ନ କୁହନ୍ତୁ। ମୁଁ ପଖାଳ ଦି’ଟା ଖାଇ ପୁଣି ପଳେଇଯିବି। 

ସେଇଆ ହେଲା।  ସେ ସେଦିନ ଘରୁ ଫେରି ଆସିଥିଲେ। ଅବଶ୍ୟ ଏହାପରେ ଘରର ଦାୟିତ୍ୱ ବାପାଙ୍କର ନୁହେଁ; ଏଣିକି ତାଙ୍କର ବୋଲି ନୀରବ ପ୍ରତିଶ୍ରୁତି ଦେଇ ଆସିଥିଲେ।


All Right Reserved By

ମନୋରଞ୍ଜନ |

୧୪ ବର୍ଷ ପରେ ଏତେ ବଦଳି ଯାଇଛନ୍ତି ତନୁଶ୍ରୀ

୧୪ ବର୍ଷ ପରେ ଏତେ ବଦଳି ଯାଇଛନ୍ତି ତନୁଶ୍ରୀ

୨୦୦୫ ମସିହାରେ ଫିଲ୍ମ ‘ଆଶିକ୍‌ ବନାୟା ଅପ୍‌ନେ’ ଯୋଗେ ଇଣ୍ଡଷ୍ଟ୍ରିରେ ଏଣ୍ଟ୍ରି କରିଥିବା ତନୁଶ୍ରୀ ଦତ୍ତ ପ୍ରଥମ ଫିଲ୍ମରେ ଦର୍ଶକଙ୍କ ହୃଦୟକୁ ଜିଣି ନେଇଥିଲେ। ଏହା ପରେ ‘ଚକୋଲେଟ୍‌’, ‘ରକିବ୍‌’ ‘ଢ଼ୋଲ’ ପରି ଫିଲ୍ମରେ ନଜର ଆସିଥିଲେ। ହଠାତ୍‌ ଇଣ୍ଡଷ୍ଟ୍ରିକୁ ଅଲବିଦା କହି ପରଦାରୁ ଗାଏବ ହୋଇଯାଇଥିଲେ। ୧୯୮୪ ମସିହା ମାର୍ଚ୍ଚ ୧୯ ତାରିଖରେ ଜାମସେଦପୁରରେ ଜନ୍ମିତ ତନୁଶ୍ରୀ ମିସ୍‌ ଇଣ୍ଡିଆ ୟୁନିଭର୍ସ ମଧ୍ୟ ହୋଇଛନ୍ତି। ୨୦୧୮ରେ ତନୁଶ୍ରୀ ଭାରତରେ ‘ମି-ଠୁ ଆନ୍ଦୋଳନକୁ ସକ୍ରିୟ କରିଥିଲେ। 

ରାଜ କପୁରଙ୍କ ହୋଲି ଉତ୍ସବରେ କେବେବି ଯୋଗ ଦେଇ ନ ଥିଲେ ଦେବ ଆନନ୍ଦ

ରାଜ କପୁରଙ୍କ ହୋଲି ଉତ୍ସବରେ କେବେବି ଯୋଗ ଦେଇ ନ ଥିଲେ ଦେବ ଆନନ୍ଦ

ମୁମ୍ବାଇ: ବଲିଉଡ୍‌ ଶୋ ମ୍ୟାନ ଭାବେ ପରିଚିତ ରାଜ କପୁର ପ୍ରଥମେ ଆର୍‌କେ ଷ୍ଟୁଡିଓରେ ପାଳନ କରୁଥିଲେ ହୋଲି। ଏହି ଉତ୍ସବକୁ ପ୍ରତିବର୍ଷ ଅପେକ୍ଷା ରଖିଥାଆନ୍ତି ବଲିଉଡ୍‌ର ସମସ୍ତ ସେଲିବ୍ରିଟି।

ଏକ୍ସ ବୟଫ୍ରେଣ୍ଡଙ୍କ ସହ ଦୀପିକା

ଏକ୍ସ ବୟଫ୍ରେଣ୍ଡଙ୍କ ସହ ଦୀପିକା

ରଣବୀର କପୁର-ଦୀପିକା ପାଦୁକୋନଙ୍କ ଲଭ୍‌ ଏବଂ ବ୍ରେକଅପ୍‌ ସମ୍ପର୍କରେ ପ୍ରଶଂସକମାନେ ଭଲ ଭାବେ ଜାଣିଛନ୍ତି। ଏହି ଦୁଇଜଣଙ୍କୁ ମିଶାଇବା ପାଇଁ ବହୁ ଚେଷ୍ଟା କରିଥିଲେ ମଧ୍ୟ ଏଥିରେ ବିଫଳ ହୋଇଥିଲେ ପ୍ରଶଂସକ। ଶେଷରେ ଦୀପିକା ରଣବୀର ସିଂଙ୍କୁ ବିବାହ କରିନେଲେ। କିନ୍ତୁ ବ୍ରେକଅପ୍‌ ପରେ ଦୀପିକା-ରଣବୀର ଦୁଇଜଣଙ୍କ ମଧ୍ୟରେ ଭଲ ବନ୍ଧୁତା ରହିଛି। ଯାହା ଏକ ଇଭେଣ୍ଟରେ ଦେଖିବାକୁ ମିଳିଛି। 

୨୫ ବର୍ଷ ସାନ ହିରୋଇନଙ୍କ ସହ ରୋମାନ୍ସ କରିବେ ସଲମାନ୍‌

୨୫ ବର୍ଷ ସାନ ହିରୋଇନଙ୍କ ସହ ରୋମାନ୍ସ କରିବେ ସଲମାନ୍‌

ସଞ୍ଜୟ ଲୀଲା ଭଂସାଲୀ କିଛିଦିନ ପରେ ‘ଇନ୍‌ସଲାହ’କୁ ନେଇ ଚର୍ଚ୍ଚାରେ। କିଛିଦିନ ପୂର୍ବରୁ ଜାଣିବାକୁ ମିଳିଥିଲା ଭଂସାଲୀ ତାଙ୍କର ଆଗାମୀ ଫିଲ୍ମରେ ସଲମାନ୍‌ଙ୍କୁ ନେବା ପାଇଁ ନିଷ୍ପତ୍ତି ନେଇଛନ୍ତି। ଏବେ ଏହା ସ୍ପଷ୍ଟ ହୋଇଛି। ସଲମାନ୍‌ ଏବଂ ଭଂସାଲୀ ୧୯୯୯ରେ ‘ହମ୍‌ ଦିଲ୍‌ ଦେ ଚୁକେ ସନମ୍‌’ରେ ମିଶି କାମ କରିଥିଲେ। 

ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ବାୟୋପିକ୍‌ର ଦ୍ୱିତୀୟ ପୋଷ୍ଟର ଟୁଇଟ୍‌ କଲେ ବିବେକ

ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ବାୟୋପିକ୍‌ର ଦ୍ୱିତୀୟ ପୋଷ୍ଟର ଟୁଇଟ୍‌ କଲେ ବିବେକ

ମୁମ୍ବାଇ,୧୯।୩: ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ଉପରେ ନିର୍ମାଣ କରାଯାଇଥିବା ବଲିଉଡ୍‌ ବାୟୋପିକ୍‌ ମୁଭି  ‘ପିଏମ୍‌ ନରେନ୍ଦ୍ର ମୋଦି’ର ଦ୍ୱିତୀୟ ପୋଷ୍ଟରକୁ ଏହାର ମୁଖ୍ୟ ଚରିତ୍ରରେ ଅଭିନୟ କରୁଥିବା ଅଭିନେତା ବିବେକ ଓବରଏ ମଙ୍ଗଳବାର ଟୁଇଟ୍‌ କରିଛନ୍ତି। 

ଡ୍ରାଇଭରଙ୍କୁ ଘର ଉପହାର ଦେଲେ ଆଲିଆ

ଡ୍ରାଇଭରଙ୍କୁ ଘର ଉପହାର ଦେଲେ ଆଲିଆ

ଅଭିନେତ୍ରୀ ଆଲିଆ ଭଟ୍ଟଙ୍କ ପର୍ସନାଲ ଓ ପ୍ରଫେଶନାଲ ଲାଇଫ୍‌ ଏବେ ଭଲ ଚାଲିଛି। ଗୋଟିଏ ପରେ ଗୋଟିଏ ସଫଳ ସିନେମା ଦର୍ଶକଙ୍କୁ ଭେଟି ଦେଇଥିବା ଆଲିଆ ଏବେ ବଲିଉଡ୍‌ର ଟପ୍‌ ଅଭିନେତ୍ରୀଙ୍କ ତାଲିକାରେ ସାମିଲ ହୋଇସାରିଛନ୍ତି।

୯୦ ହଜାର ଟଙ୍କାର ଡ୍ରେସ୍‌ ପିନ୍ଧି ଚର୍ଚ୍ଚାରେ ପ୍ରିୟଙ୍କା

୯୦ ହଜାର ଟଙ୍କାର ଡ୍ରେସ୍‌ ପିନ୍ଧି ଚର୍ଚ୍ଚାରେ ପ୍ରିୟଙ୍କା

ମୁମ୍ବାଇ,୧୯।୩: ବଲିଉଡ୍‌ ତଥା ହଲିଉଡ୍‌ ଅଭିନେତ୍ରୀ ପ୍ରିୟଙ୍କା ଚୋପ୍ରାଙ୍କୁ ନେଇ ସବୁବେଳେ ଚର୍ଚ୍ଚା ଜାରି ରହିଛି। ପୂର୍ବରୁ ତାଙ୍କ ବିବାହ ନେଇ ଚର୍ଚ୍ଚା ହେଉଥିବାବେଳେ ଏବେ ତାଙ୍କର ଦାମିକା ଡ୍ରେସ୍‌ ନେଇ ଆରମ୍ଭ ହୋଇଛି ଟୁପ୍‌ଟାପ୍‌।

ଇମରାନ୍‌ ହାସମୀ ଓ ତନୁଶ୍ରୀ ଦତ୍ତଙ୍କ ଲିପ୍‌ଲକ୍‌ ନେଇ ବଲିଉଡ୍‌ରେ ହୋଇଥିଲା ଚର୍ଚ୍ଚା...

ଇମରାନ୍‌ ହାସମୀ ଓ ତନୁଶ୍ରୀ ଦତ୍ତଙ୍କ ଲିପ୍‌ଲକ୍‌ ନେଇ ବଲିଉଡ୍‌ରେ ହୋଇଥିଲା ଚର୍ଚ୍ଚା...

ମୁମ୍ବାଇ,୧୯।୩: ବଲିଉଡ୍‌ ଅଭିନେତ୍ରୀ ତନୁଶ୍ରୀ ଦତ୍ତ ମଙ୍ଗଳବାର ୩୫ ବର୍ଷରେ ପଦାର୍ପଣ କରିଛନ୍ତି। ସେ ୧୯୮୪ ମାର୍ଚ୍ଚ ୧୯ରେ ଜାମ୍‌ସେଦ୍‌ପୁରଠାରେ ଜନ୍ମଗ୍ରହଣ କରିଥିଲେ। 

ଶାହାରୁଖଙ୍କ ସହ ସତରେ କ’ଣ ଏମିତି କରିଥିଲେ ଆକାଶ ଅମ୍ବାନୀ

ଶାହାରୁଖଙ୍କ ସହ ସତରେ କ’ଣ ଏମିତି କରିଥିଲେ ଆକାଶ ଅମ୍ବାନୀ

ଚଳିତମାସ ୯ ତାରିଖରେ ମୁକେଶ ଅମ୍ବାନୀଙ୍କ ପୁଅ ଆକାଶଙ୍କ ବିବାହ ଶ୍ଳୋକା ମେହଟ୍ଟାଙ୍କ ସହ ସମ୍ପନ୍ନ ହୋଇଛି। ଏହି ରାଜକୀୟ ବାହାଘରର ଭିଡିଓ ସୋସିଆଲ ମିଡିଆରେ ବେଶ୍‌ ଭାଇରାଲ ହୋଇଥିଲା। 

ମଲାଇକାଙ୍କ ହଟ୍‌ ଫଟୋରେ କମେଣ୍ଟ କରି ଚର୍ଚ୍ଚାକୁ ଆସିଲେ ଅର୍ଜୁନ

ମଲାଇକାଙ୍କ ହଟ୍‌ ଫଟୋରେ କମେଣ୍ଟ କରି ଚର୍ଚ୍ଚାକୁ ଆସିଲେ ଅର୍ଜୁନ

ମୁମ୍ବାଇ: ମଲାଇକା ଆରୋରା ଓ ଅର୍ଜୁନ କପୁରଙ୍କ ସମ୍ପର୍କକୁ ନେଇ କିଛି ଦିନ ହେବ ଚର୍ଚ୍ଚା ଚାଲିଛି। ହେଲେ ଉଭୟ ଏହାକୁ ଏଡ଼ାଇ ଯାଉଛନ୍ତି। ନିକଟରେ ମଲାଇକା ତାଙ୍କ ଇନଷ୍ଟାଗ୍ରାମରେ ଏକ ଫଟୋ ଶେୟାର କରିବା ପରେ ତାଙ୍କର ଫଲୋୟରର୍ସ ମାନେ ଫଟୋଟିକୁ ବେଶ୍‌ ପସନ୍ଦ କରିଥିଲେ।

ପିଏମ୍‌ ମୋଦିଙ୍କ ବାୟୋପିକ: ମୋଦିଙ୍କ ଚରିତ୍ରରେ ନଜର ଆସିବେ ବିବେକ ଓବରଏ, ଜାରି ହେଲା ୯ଟି ଲୁକ୍ସ୍‌

ପିଏମ୍‌ ମୋଦିଙ୍କ ବାୟୋପିକ: ମୋଦିଙ୍କ ଚରିତ୍ରରେ ନଜର ଆସିବେ ବିବେକ ଓବରଏ, ଜାରି ହେଲା ୯ଟି ଲୁକ୍ସ୍‌

ମୁମ୍ବାଇ: ନିର୍ବାଚନ ସମୟରେ ପ୍ରଧାନମନ୍ତ୍ରୀଙ୍କ ବାୟୋପିକକୁ ନେଇ ଚର୍ଚ୍ଚା ଜୋର ଧରିଛି। ଫିଲ୍ମରେ ମୋଦିଙ୍କ ଚରିତ୍ରରେ ନଜର ଆସିବେ ବଲିଉଡ ଅଭିନେତା ବିବେକ ଓବରଏ। 

ସୋସିଆଲ ମିଡିଆରେ ଫଟୋ ପୋଷ୍ଟକରି ଚର୍ଚ୍ଚାରେ ଅମିଷା

ସୋସିଆଲ ମିଡିଆରେ ଫଟୋ ପୋଷ୍ଟକରି ଚର୍ଚ୍ଚାରେ ଅମିଷା

ଫିଲ୍ମ ଇଣ୍ଡଷ୍ଟ୍ରିରୁ ଅମିଷା ପଟେଲ ଦୀର୍ଘଦିନ ଧରି ଦୂରେଇ ଯାଇଛନ୍ତି। କେବେ କେମିତି ତାଙ୍କୁ ପାର୍ଟିରେ ଦେଖିବାକୁ ମିଳୁଛି।  ଏବେ ସୋସିଆଲ ମିଡିଆରେ ସେ ଏମିତି ଏକ ଫଟୋ ଶେୟାର କରିଛନ୍ତି ଯାହା ଭାଇରାଲ ହେବାରେ ଲାଗିଛି। ଏହି ଭିଡିଓରେ ଅମିଷା ଏକ ବାଥ୍‌ଟବ୍‌ରେ ଶୁଟିଂ କରୁଥିବା ଦେଖିବାକୁ ମିଳିଛି। 


Model This Week

ଚନ୍ଦନ, ସରିତା, ସୁଶିଲ, ସଙ୍ଘମିତ୍ରା