ସମ୍ପାଦକୀୟ |

ଯେବେ ହିସାବ ମାଗିବେ ଈଶ୍ୱର

ଯେବେ ହିସାବ ମାଗିବେ ଈଶ୍ୱର

ପ୍ରକାଶ ତ୍ରିପାଠୀ

ବିଳାସପୂର୍ଣ୍ଣ ସ୍କୋଡା କାରଟିଏ ଗୁରୁଗାଓଁସ୍ଥିତ ଏକ ସ୍ବେଚ୍ଛାସେବୀ ଅନୁଷ୍ଠାନ ‘ଦ ଆର୍ଥ ସାଭିୟର୍ସ ଫାଉଣ୍ଡେଶନ’ ସମ୍ମୁଖରେ ଅଟକିଲା। କାରରୁ ଓହ୍ଲାଇଲେ ଜଣେ ମଧ୍ୟବୟସ୍କ ବ୍ୟକ୍ତି ଓ ତାଙ୍କ ମା’। ମା’ଙ୍କୁ ସେହି ଅନୁଷ୍ଠାନରେ ରଖିବାକୁ ଭଦ୍ରବ୍ୟକ୍ତି ଅନୁରୋଧ କଲେ ଅନୁଷ୍ଠାନର ପ୍ରତିଷ୍ଠାତା ତଥା ମୁଖ୍ୟ କାର୍ଯ୍ୟନିର୍ବାହୀଙ୍କୁ । ମା’ଙ୍କ ବୟସ ପଞ୍ଚାବନ-ଷାଠିଏ ଭିତରେ ହୋଇଥିବ ମାତ୍ର ଦେଖାଯାଉଥାନ୍ତି ଅଶୀ ନବେ ବର୍ଷ ଭଳି। ଜୀର୍ଣ୍ଣଶୀର୍ଣ୍ଣ ଶରୀର, ଓଜନ ଅତି ବେଶି ହେଲେ ବାର କେଜି ହେବ। କଙ୍କାଳ ଉପରେ ସତେ ଯେମିତି ଲୋଳିତ ଚର୍ମର ଏକ ଆବରଣ ମାତ୍ର। ଯେକୌଣସି ସମୟରେ ଜୀବନ ଛାଡିଯିବାର ଆଶଙ୍କା ସୃଷ୍ଟି କରୁଥାଏ। ବିଳାସପୂର୍ଣ୍ଣ ସ୍କୋଡା କାର ଓ ଭଦ୍ରବ୍ୟକ୍ତିଙ୍କ ପରିଧାନରୁ ବାରି ହୋଇପଡୁଥିଲା ତାଙ୍କର ଆଭିଜାତ୍ୟ। ମା’ଙ୍କୁ ଏଭଳି ଅବସ୍ଥାରେ ଅନାଥାଶ୍ରମ ନୁହେଁ, ବରଂ ନିଜ ଘରେ ଆତ୍ମୀୟଙ୍କ ଦ୍ୱାରା ସେବାଯତ୍ନ କରାଯିବା ଆବଶ୍ୟକ। ତେଣୁ ମା’ଙ୍କୁ ଘରକୁ ଫେରାଇନେବାକୁ ଭଦ୍ରବ୍ୟକ୍ତିଙ୍କୁ ଅନୁରୋଧ କରିଥିଲେ ଅନୁଷ୍ଠାନର ମୁଖ୍ୟ। ଫେରିଯିବା ପୂର୍ବରୁ ଭଦ୍ରବ୍ୟକ୍ତିଙ୍କ ଫୋନ୍‌ ନମ୍ବର ଓ ଘର ଠିକଣା ରଖିବାକୁ ଭୁଲି ନ ଥିଲେ ସେ। ସେଦିନ ରାତିରେ ଭଲ ନିଦ ହୋଇ ନ ଥିଲା ଅନୁଷ୍ଠାନର ମୁଖ୍ୟଙ୍କୁ। ପ୍ରତି ମୁହୂର୍ତ୍ତରେ ସେହି ଭଦ୍ରବ୍ୟକ୍ତିଙ୍କ କଙ୍କାଳସାର ମା’ଙ୍କ ଚେହେରା ସାମ୍‌ନାକୁ ଆସିଯାଉଥିଲା। ପରଦିନ ସକାଳେ ଫୋନ କରିଥିଲେ ସେହି ଭଦ୍ରବ୍ୟକ୍ତିଙ୍କୁ ଓ ପଚାରି ବୁଝିଥିଲେ ତାଙ୍କ ମା’ଙ୍କ ସ୍ବାସ୍ଥ୍ୟ ଅବସ୍ଥା। ଉତ୍ତରରେ ସେ ଯାହା ଶୁଣିଲେ, ସେଥିରେ ତାଙ୍କ ପାଦତଳୁ ଭୂମି ଖସିଯିବା ଭଳି ଲାଗିଲା। ଭଦ୍ରବ୍ୟକ୍ତି ଉପହାସ ଢଙ୍ଗରେ ଅନାଥାଶ୍ରମ ମୁଖ୍ୟଙ୍କୁ କହିଥିଲେ- ‘ଆପଣ ତ ମୋ ମା’ଙ୍କୁ ଆଶ୍ରମରେ ରଖିଲେନି। ତେଣୁ ମୁଁ ଆଜି ସକାଳେ ମା’ଙ୍କୁ ହରିଦ୍ୱାର ଯାଉଥିବା ଏକ ଟ୍ରେନ୍‌ରେ ବସାଇଦେଇ ଆସିଛି।’ ଏହାପରେ ଅନାଥାଶ୍ରମର ମୁଖ୍ୟ ନିଜେ ତାଙ୍କ ମା’ଙ୍କୁ ଉଦ୍ଧାର କରି ଆଶ୍ରମକୁ ଆଣିଥିଲେ ଓ ତାଙ୍କୁ ସୁସ୍ଥ କରାଇଥିଲେ। ପରେ ସେ ଜାଣିବାକୁ ପାଇଥିଲେ ଯେ, ଉକ୍ତ ବୃଦ୍ଧାଙ୍କର ଶହେ ଏକର ପାଖାପାଖି ଜମି ରହିଛି ଓ ସବୁ ସମ୍ପତ୍ତି ପୁଅ-ଝିଅଙ୍କ ମଧ୍ୟରେ ନ ବାଣ୍ଟି କେବଳ ପୁଅ ନାମରେ ରେଜିଷ୍ଟ୍ରି କରିଦେବାକୁ ଭଦ୍ରବ୍ୟକ୍ତି ମା’ଙ୍କ ଉପରେ ଚାପ ପକାଉଥିଲେ। ଏଥିରେ ତାଙ୍କ ମା’ ରାଜି ନ ହେବାରୁ ତାଙ୍କୁ ଗୋଟିଏ ଘରେ ଖାଇବାକୁ ପିଇବାକୁ ନ ଦେଇ ଅନେକ ଦିନ ହେବ ତାଲା ପକାଇ ରଖିଥିଲେ।
ଏହିଭଳି ଅନେକ ମର୍ମଭେଦୀ ହୃଦୟବିଦାରକ ଘଟଣାର ମୂକସାକ୍ଷୀ ପାଲଟିଛି ଗୁରୁଗାଓଁସ୍ଥିତ ଦ ଆର୍ଥ ସାଭିୟର୍ସ ଫାଉଣ୍ଡେଶନ ଦାତବ୍ୟ ଅନୁଷ୍ଠାନ ଓ ମଣିଷରୁ ଦେବତା ପାଲଟି ଯାଇଛନ୍ତି ଏହାର ପ୍ରତିଷ୍ଠାତା ତଥା ମୁଖ୍ୟ ସଂଚାଳକ ରବି କାଲ୍‌ରା। ୨୦୦୮ରେ ତାଙ୍କଦ୍ୱାରା ସ୍ଥାପିତ ଏହି ଅନୁଷ୍ଠାନରେ ବର୍ତ୍ତମାନ ପ୍ରାୟ ୫୦୦ ବେସାହାରା, ଅସହାୟ ବୃଦ୍ଧାବୃଦ୍ଧ ଆଶ୍ରୟ ନେଇଛନ୍ତି, ଯେଉଁମାନଙ୍କ ପଛରେ ରହିଛି ଅନେକ ମର୍ମସ୍ପର୍ଶୀ ବେଦନାସିକ୍ତ ତଥା ଅଶ୍ରୁଭିଜା କାହାଣୀ। ରବି କାଲ୍‌ରା ଏହି ଦାତବ୍ୟ ଅନୁଷ୍ଠାନ ଖୋଲିବା ପୂର୍ବରୁ ଜଣେ ଅନ୍ତର୍ଜାତୀୟ ଟାଏକୋଣ୍ଡୋ ତାଲିମଦାତା ଭାବେ ଖୁବ୍‌ ଖ୍ୟାତି ଅର୍ଜନ କରିଥିଲେ। ମାତ୍ର ଗୋଟିଏ ଛୋଟ ଘଟଣା ତାଙ୍କ ଜୀବନପଥକୁ ସମ୍ପୂର୍ଣ୍ଣ ବଦଳାଇ ଦେଇଥିଲା। ଦିଲ୍ଲୀର ଏକ ରାସ୍ତାକଡ଼ରେ ଫିଙ୍ଗାଯାଇଥିବା ଖାଦ୍ୟକୁ ଜଣେ ଆଠଦଶ ବର୍ଷର ବାଳକ ଓ ଏକ କୁକୁର ଏକତ୍ର ଖାଉଥିବା ଦେଖି ତାଙ୍କ ହୃଦୟ ତରଳି ଯାଇଥିଲା। ଏହାପରେ ସେ ସିଧା ଯାଇଥିଲେ ଦିଲ୍ଲୀର ଏକ ଶ୍ମଶାନକୁ ଓ ସେଠାରେ ଜୁଇର ପାଉଁଶ ଦେହରେ ବୋଳି ଶପଥ ନେଇଥିଲେ ଅନାଥ, ବେସାହାରା ଓ ଅସହାୟଙ୍କ ସେବାରେ ନିଜର ଅବଶିଷ୍ଟ ଜୀବନ ବିତାଇବାକୁ। ଏହାପରେ ଜନ୍ମ ନେଲା ତାଙ୍କ ସ୍ବପ୍ନର ଅନୁଷ୍ଠାନ ଦ ଆର୍ଥ ସାଭିୟର୍ସ ଫାଉଣ୍ଡେଶନ। ପ୍ରଥମ ଅତିଥି ଭାବେ ନିଜ ଅନୁଷ୍ଠାନ ପାଇଁ ପାଇଥିଲେ ଜଣେ ବୃଦ୍ଧ ରୋଗୀଙ୍କୁ, ଯିଏ କି ରାସ୍ତାକଡ଼ରେ ପଡି ଚିତ୍କାର କରୁଥିଲେ। ଦେହସାରା ଘା ଓ ଏହା ଉପରେ ଏତେମାତ୍ରାରେ ମାଛି ବସିଥିଲେ ଯେ ଲାଗୁଥିଲା ସତେଯେମିତି ମହୁଫେଣା ଉପରେ ମହୁମାଛି ବସିଛନ୍ତି। ରୋଗଣା ବାପାଙ୍କ ଚିକିତ୍ସା ନ କରି ନିଜ ପରିବାର ଲୋକେ ଉକ୍ତ ବୃଦ୍ଧଙ୍କୁ ଘରୁ ତଡିଦେଇଥିଲେ। ଉକ୍ତ ବୃଦ୍ଧଙ୍କୁ ନିଜ ଆଶ୍ରମକୁ ଆଣି ସେବାଯତ୍ନ ନେବା ପରେ ସେ ସୁସ୍ଥ ହୋଇଥିଲେ। ପ୍ରଥମେ ପ୍ରଥମେ ନିଜ ସଞ୍ଚିତ ଅର୍ଥରେ ଅନାଥାଶ୍ରମର ଖର୍ଚ୍ଚ ତୁଲାଉଥିଲେ। ଆଖପାଖ ଲୋକ ସହଯୋଗ କରିବା ତ ଦୂରର କଥା, ଅପନିନ୍ଦା କରିବାକୁ ପଛାଇ ନ ଥିଲେ। ସେମାନେ ଭାବୁଥିଲେ ଯେ, ରବି କାଲ୍‌ରା ବୋଧହୁଏ କିଡ୍‌ନୀ, ବ୍ଲଡ୍‌ ବିକିବା ଉଦ୍ଦେଶ୍ୟରେ ଅନାଥାଶ୍ରମ ଖୋଲିଛନ୍ତି। ପରେ ଅବଶ୍ୟ ସେମାନଙ୍କ ଆଶଙ୍କା ଦୂରୀଭୂତ ହୋଇଥିଲା ଓ ଆଶ୍ରମକୁ ବିଭିନ୍ନ ବର୍ଗର ଲୋକେ ଏବଂ କିଛି ଅନୁଷ୍ଠାନ ସାହାଯ୍ୟ କରିବାକୁ ଲାଗିଲେ। କାଲ୍‌ରାଙ୍କ ଏପରି କାର୍ଯ୍ୟକୁ ଖୁବ୍‌ ପ୍ରଶଂସା କରନ୍ତି ତାଙ୍କ ମା’ ଓ ବାପା। ନିଜକୁ ସେ ନିୟୋଜିତ କରିଛନ୍ତି ଅସହାୟ ଲୋକଙ୍କ ସେବାଯତ୍ନ ନେବାରେ। ହେଲେ ନିଜ ଧର୍ମପତ୍ନୀ କାଲ୍‌ରାଙ୍କ ଏପରି କାର୍ଯ୍ୟକୁ ନାପସନ୍ଦ କରି ତାଙ୍କଠାରୁ ଅଲଗା ହୋଇ ଯାଇଛନ୍ତି। ନିଜ ଝିଅପୁଅଙ୍କୁ ନେଇ ଏବେ ସେ ବିଦେଶରେ ରହୁଛନ୍ତି।
ଯେତେବେଳେ ସମଗ୍ର ଦିଲ୍ଲୀ ନିଶାର୍ଦ୍ଧରେ ଶୂନ୍‌ଶାନ୍‌ ହୋଇଯାଏ, ସେତେବେଳେ ରବି କାଲ୍‌ରା ଗଳିକନ୍ଦି ବୁଲି ରାସ୍ତାକଡ଼ରେ ଶୋଇଥିବା ଅନାଥ, ଅସହାୟ ମଣିଷମାନଙ୍କୁ ଖୋଜନ୍ତି ଓ ଆଦର ସହକାରେ ନିଜ ଆଶ୍ରମକୁ ପାଛୋଟି ଆଣନ୍ତି। ଏପରି କି ପୋଲିସ ବି ଏଭଳି ଲୋକଟିଏ ପାଇଲେ ଏବେ ରବି କାଲ୍‌ରାଙ୍କ ଆଶ୍ରମରେ ଛାଡିଦେଇ ଆସୁଛନ୍ତି। କେବଳ ଅସହାୟ ଓ ବେସାହାରା ଲୋକ ଗରିବ ବା ସାଧାରଣ ପରିବାରରେ ନାହାନ୍ତି। ଅନେକ ଧନାଢ଼୍ୟ ଓ ସ୍ବଚ୍ଛଳ ପରିବାରରେ ବି ବରିଷ୍ଠ ସଦସ୍ୟମାନେ ଅଛନ୍ତି, ଯେଉଁମାନେ କି ପରିବାର ଦ୍ୱାରା ଅବହେଳିତ ହୋଇ ରାଜରାସ୍ତାକୁ ଆଦରି ନେଉଛନ୍ତି। ଏପରି କି ଅନାଥାଶ୍ରମରେ ଦେହାନ୍ତ ପରେ ଖବର ପଠାଗଲା ପରେ ମଧ୍ୟ ଅନ୍ତିମ ସଂସ୍କାର ପାଇଁ ବି ଆସୁନାହାନ୍ତି। କେବଳ ଅନାଥାଶ୍ରମର ନୁହନ୍ତି, ଯେ କୌଣସି ଅଚିହ୍ନା, ଅଜଣା ଓ ଦାବିଦାର ନ ଥିବା ଶବକୁ ସମ୍ମାନ ଦିଅନ୍ତି ରବି କାଲ୍‌ରା। ବର୍ତ୍ତମାନ ସୁଦ୍ଧା ସେ ଏହିଭଳି ପ୍ରାୟ ପାଞ୍ଚହଜାର ମୃତ ଲୋକଙ୍କ ଶବ ସତ୍କାର କରିବା ସହ ସେମାନଙ୍କ ଅସ୍ଥି ପ୍ରୟାଗଠାରେ ବିସର୍ଜନ କରିସାରିଛନ୍ତି। କାଲ୍‌ରାଙ୍କର ଏପରି ଉତ୍ସର୍ଗୀକୃତ ସେବା ପାଇଁ ତାଙ୍କୁ ସର୍ଦ୍ଦାର ବଲ୍ଲଭଭାଇ ପଟେଲ ଅନ୍ତର୍ଜାତୀୟ ପୁରସ୍କାରରେ ସମ୍ମାନିତ କରାଯାଇଛି। ସମାଜସେବା ଓ ଦୁଃଖୀ ବେସାହାରା ଲୋକଙ୍କ ସେବା ପାଇଁ କୌଣସି ପଦପଦବୀ ବା ରାଜନୀତିର ଆବଶ୍ୟକତା ନାହିଁ। ତାହାର ଜ୍ୱଳନ୍ତ ଉଦାହରଣ ପାଲଟି ଯାଇଛନ୍ତି ରବି କାଲ୍‌ରା। ତାଙ୍କ ସମ୍ପର୍କରେ ଖୁବ୍‌ କମ୍‌ ଲୋକ ଜାଣନ୍ତି କାରଣ ଏଭଳି ମହାନ୍‌ ଲୋକଙ୍କ ମହାନ୍‌ କାମ ସମ୍ପର୍କରେ ଆମ ଗଣମାଧ୍ୟମଗୁଡିକ ବିଶେଷ ସକ୍ରିୟ ନୁହନ୍ତି। ଏମାନେ ଚିତ୍ର ତାରକାଙ୍କ ସମ୍ପର୍କରେ ଯେତିକି ତତ୍ପରତା ପ୍ରକାଶ କରନ୍ତି, ଏହାର କାଣିଚାଏ ସଚ୍ଚା ସମାଜସେବୀଙ୍କ କ୍ଷେତ୍ରରେ ଦେଖାଇ ନ ଥାନ୍ତି। ଗତ ନଭେମ୍ବର ୨୬ ତାରିଖରେ ଏହି ମହାନ୍‌ ସମାଜସେବୀ ଓ ମହାମାନବଙ୍କୁ ସୋନି ଚ୍ୟାନେଲ ପକ୍ଷରୁ କୌନ୍‌ ବନେଗା କରୋଡପତି ଗେମ୍‌ ଶୋ’କୁ ଆମନ୍ତ୍ରଣ କରାଯାଇ ଖେଳ ମାଧ୍ୟମରେ ୨୫ ଲକ୍ଷ ଟଙ୍କା ପୁରସ୍କାର ପ୍ରଦାନ କରାଯାଇଛି। ଏହି କାର୍ଯ୍ୟକ୍ରମ ମାଧ୍ୟମରେ ସେ ଅନେକ ସତ୍ୟ ଘଟଣାର ବେଦନାସିକ୍ତ କାହାଣୀ ପ୍ରକାଶ କରିଥିଲେ, ଯାହାକି ସମଗ୍ର ଭାରତକୁ ସ୍ତବ୍ଧ କରିଦେଇଥିଲା। କଥା ପ୍ରସଙ୍ଗରେ ସେ କହିଥିଲେ ଯେ, ଦିନେନା ଦିନେ ଆମ ସମସ୍ତଙ୍କୁ ଈଶ୍ୱରଙ୍କ ପାଖକୁ ଯିବାକୁ ପଡିବ। ସେତେବେଳେ ଈଶ୍ୱର ଆମକୁ କେବେ ବି ପଚାରିବେନି ଯେ ଆମେ କେତେ ବ୍ୟାଙ୍କ ବାଲାନ୍ସ ରଖିଛୁ, କେତେ ସମ୍ପତ୍ତିବାଡି କରିଛୁ। କିନ୍ତୁ ଏହା ନିଶ୍ଚିତ ପଚାରିବେ ଯେ ଅନ୍ୟମାନଙ୍କ ପାଇଁ, ସମାଜ ପାଇଁ, ଅନାଥ, ଅସହାୟ ଓ ବେସାହାରାମାନଙ୍କ ପାଇଁ କ’ଣ କରିଛୁ। ଆମେ ଏ ଦୁନିଆରୁ ସବୁ କିଛି ପାଇଛେ। ପ୍ରତିବଦଳରେ ଆମକୁ କିଛି କରିବାକୁ ପଡିବ, ନଚେତ୍‌ ଈଶ୍ୱରଙ୍କୁ ଆମେ କି ଉତ୍ତର ଦେବା?
ବର୍ତ୍ତମାନ ଆମ ଦେଶର ମୋଟ ଜନସଂଖ୍ୟା ପ୍ରାୟ ୧୩୦ କୋଟି ଓ ଏଥିରେ ବରିଷ୍ଠ ନାଗରିକଙ୍କ ସଂଖ୍ୟା ଅନ୍ତତଃ ୧୩ କୋଟି। ଯଦି ଏହି ହାର ଅବ୍ୟାହତ ରହେ, ତେବେ ୨୦୫୦ ବେଳକୁ ବରିଷ୍ଠ ନାଗରିକଙ୍କ ସଂଖ୍ୟା ୩୦ କୋଟି ଛୁଇଁବ। ଏକ ସର୍ବେକ୍ଷଣ ଅନୁଯାୟୀ ୭୫ ବର୍ଷରୁ ଊର୍ଦ୍ଧ୍ୱ ବରିଷ୍ଠ ନାଗରିକଙ୍କ ମଧ୍ୟରୁ ପ୍ରାୟ ଅର୍ଦ୍ଧେକ ଜୀବନସାଥୀ ବିନା ଏକଲା ରହିଥାନ୍ତି। ଏମାନଙ୍କ କ୍ଷେତ୍ରରେ ସେବାଯତ୍ନକୁ ନେଇ ସମ୍ପ୍ରତି ଉତ୍କଟ ସମସ୍ୟା ଦେଖାଦେଇଛି। କ୍ରମଶଃ ଯୌଥ ପରିବାର ଦୁର୍ବଳ ଓ ବହୁଳ ଏକକ ପରିବାର ମୁଣ୍ଡଟେକି ଉଠୁଥିବାରୁ ବରିଷ୍ଠ ନାଗରିକମାନେ ଅଧିକ ଅବହେଳାର ଶିକାର ହେଉଛନ୍ତି। ବୟସ୍କ ମାତାପିତା ତଥା ପରିବାରର ବରିଷ୍ଠ ସଦସ୍ୟଙ୍କ ସେବାଯତ୍ନ ଓ ପ୍ରତିପୋଷଣକୁ ସୁନିଶ୍ଚିତ କରିବା ପାଇଁ ଆଇନ ପ୍ରଣୟନ ହୋଇଥିଲେ ମଧ୍ୟ ତାହାର ଆଶାନୁରୂପ ସୁଫଳ ମିଳିପାରୁନାହିଁ। ଆଗାମୀ ଦିନରେ ପୁରୁଷଙ୍କ ହାରାହାରି ପରମାୟୁ ୭୧.୯ ଓ ମହିଳାଙ୍କ ପରମାୟୁ ୭୫.୮ ବର୍ଷକୁ ବୃଦ୍ଧି ପାଇବାର ଆକଳନ କରାଯାଉଥିବାରୁ ଉଭୟ ସରକାରୀ ଓ ବେସରକାରୀ ସ୍ତରରେ ଆଜିଠାରୁ ସୁଚିନ୍ତିତ ଯୋଜନା ଏବଂ ପଦକ୍ଷେପ ନିଆଯିବାର ଆବଶ୍ୟକତା ରହିଛି। କୁହାଯାଏ, ସବୁ ସମୟରେ ଓ ସବୁ ସ୍ଥାନରେ ଈଶ୍ୱର ପହଞ୍ଚି ପାରିବେନି ବୋଲି ମା’ ସୃଷ୍ଟି କରିଥିଲେ। ଏବେ ଲାଗୁଛି ମା’ମାନେ ଅସହାୟ ହୋଇପଡୁଥିବାରୁ ଈଶ୍ୱର ବୋଧହୁଏ ରବି କାଲ୍‌ରାଙ୍କ ଭଳି ଫରିସ୍ତା ସୃଷ୍ଟି କରିଛନ୍ତି।
ମୋ-୯୪୩୭୨୩୨୪୬୩, 
prakas.tripathy09@gmail.com
All Right Reserved By

ସମ୍ପାଦକୀୟ |

ସମ୍ପାଦକୀୟ/ ଚୋକ୍‌ସିଙ୍କ ପଥ

ସମ୍ପାଦକୀୟ/ ଚୋକ୍‌ସିଙ୍କ ପଥ

ପଞ୍ଜାବ ନ୍ୟାଶନାଲ ବ୍ୟାଙ୍କ (ପିଏନ୍‌ବି) ସ୍କାମ୍‌ ପ୍ରାୟ ବର୍ଷେ ପୂରଣ କରିବାକୁ ଯାଉଛି। ଇତିମଧ୍ୟରେ ଏହାର ମୁଖ୍ୟ ଅଭିଯୁକ୍ତ ହୀରା ବ୍ୟବସାୟୀ ନୀରବ ମୋଦି ଓ ତାଙ୍କ ମାମୁ ମେହୁଲ ଚୋକ୍‌ସିଙ୍କୁ ଭାରତ ପ୍ରତ୍ୟର୍ପଣ କରାଯାଇପାରିଲା ନାହିଁ। ଚୋକ୍‌ସି ଆଣ୍ଟିଗୁଆ ନାଗରିକତ୍ୱ ଗ୍ରହଣ କରିସାରିଥିବାରୁ ୨୦୧୯ ଜାନୁୟାରୀ ୨୧ରେ ଭାରତୀୟ ପାସ୍‌ପୋର୍ଟ ସମର୍ପଣ କରିଦେଇଛନ୍ତି। ଭାରତୀୟ ବୈଦେଶିକ ନୀତି ଅନୁଯାୟୀ, ଯେତେବେଳେ ଜଣେ ନାଗରିକ ଅନ୍ୟ ଦେଶର ..

ଆଚାରରେ ସକାରାତ୍ମକତା ପ୍ରକାଶର ସୁଯୋଗ

ଆଚାରରେ ସକାରାତ୍ମକତା ପ୍ରକାଶର ସୁଯୋଗ

ତତ୍ତ୍ୱ ଓ ତର୍କ/ ବିମଳ ପ୍ରସାଦ ପାଣ୍ଡିଆ

୨୦୧୯ ବର୍ଷର ଶେଷ ‘ମନ୍‌ କି ବାତ୍‌’ରେ ପ୍ରଧାନମନ୍ତ୍ରୀ ମୋଦି କହିଥିଲେ ଯେ, ନକାରାତ୍ମକତାର ପ୍ରସାର କରିବା ଅତି ସହଜ କିନ୍ତୁ ଲୋକେ ସକାରାତ୍ମକତାର ପ୍ରସାର ପାଇଁ ଆଗେଇ ଆସିବା ଦରକାର। ପ୍ରଧାନମନ୍ତ୍ରୀଙ୍କ ଭଳି ନେତୃସ୍ଥାନୀୟ ବ୍ୟକ୍ତି ଏଭଳି ସକାରାତ୍ମକତାର ବିଚାର ଦେବା ଅନେକ ଆଶା ଉଦ୍ରେକ କରାଏ। ଏହି ନିର୍ବାଚନୀ ଋତୁରେ ପ୍ରଧାନମନ୍ତ୍ରୀ ‘ମନ୍‌ କି ବାତ୍‌’ରେ ରଖିଥିବା ବିଚାରକୁ ନିଜ ଆଚାରରେ ପରିଣତ କରିପାରିଲେ ତାହା ସକାରାତ୍ମକତାର ଉଦାହରଣ ସୃଷ୍ଟିକରିବ। ନିଜ ବିଚାରକୁ ଆଚାରରେ ପରିଣତ କରି ବିରୋଧୀଙ୍କୁ ଟାହିଟାପରା କରିବାର ପ୍ରବୃତ୍ତିରୁ ନିଜକୁ ଦୂରେଇ ବା ବିରୋ..

ସଶସ୍ତ୍ର ମୁକ୍ତି ସଂଗ୍ରାମର ମହାନାୟକ

ସଶସ୍ତ୍ର ମୁକ୍ତି ସଂଗ୍ରାମର ମହାନାୟକ

ଡ. ପ୍ରଫୁଲ୍ଲ କୁମାର ସାହୁ

ଉଚ୍ଚଶିକ୍ଷିତ ଭାରତୀୟଙ୍କ ପକ୍ଷରେ ଯେତେବେଳେ ଆଇସିଏସ୍‌ ଚାକିରି ଥିଲା ଶ୍ରେଷ୍ଠ ସଫଳତା, ସେତେବେଳେ ସୁଭାଷ ବୋଷ ଥିଲେ ପ୍ରଥମ ଭାରତୀୟ, ଯିଏ ଆଇସିଏସ୍‌ ପରୀକ୍ଷାରେ ସଫଳତା ଅର୍ଜନ କରି ମଧ୍ୟ ତାହାକୁ ପାଦରେ ଏଡ଼େଇ ଦେଇ କେମ୍ବ୍ରିଜ୍‌ରୁ ସ୍ବଦେଶ ଫେରି ଆସିଥିଲେ ଦେଶମାତୃକାକୁ ସ୍ବାଧୀନ କରିବାର ଦୃଢ଼ ସଂକଳ୍ପ ନେଇ। ସିଧାସଳଖ ବମ୍ବେରେ ମହାମତ୍ା ଗାନ୍ଧୀଙ୍କୁ ସାକ୍ଷାତ କରି (୨୦ଜୁଲାଇ ୧୯୨୧) ସେ କଂଗ୍ରେସରେ ଯୋଗଦେଲେ ଏବଂ..

ଏଇ ଭାରତରେ

ଏଇ ଭାରତରେ

ଦେଶର ବିଭିନ୍ନ ରାଜ୍ୟରେ ବିବାହକୁ ନେଇ ରହିଛି ଭିନ୍ନ ଭିନ୍ନ ପରମ୍ପରା। ବିବାହ ବେଳେ କନ୍ୟା ଓ ବର ଅଗ୍ନିକୁ ସାକ୍ଷୀ ରଖି ସାରା ଜୀବନ ଲାଗି ସାଥୀ ହୋଇଥାଆନ୍ତି। ତେବେ ରାଜସ୍ଥାନର ଶ୍ରୀମାଲୀ ସମ୍ପ୍ରଦାୟରେ ଏକ ଭିନ୍ନ ପରମ୍ପରା ଦେଖିବାକୁ ମିଳେ। ବିଭାଘର ବେଳେ ବର କନ୍ୟାକୁ କୋଳରେ ଧରି ଅଗ୍ନି ଚାରିପାଖରେ ସାତଥର ପ୍ରଦକ୍ଷିଣ କରିଥାଆନ୍ତି। ପୁରାଣରେ ଉଲ୍ଲେଖ ରହିଛି ପ୍ରଭୁ ଶ୍ରୀକୃଷ୍ଣ ରୁକ୍ମିଣୀଙ୍କୁ ବିବାହ କରିବା ସମୟରେ ବିଘ୍ନ ..

ସମ୍ପାଦକୀୟ/କୃଷି ଆଗ

ସମ୍ପାଦକୀୟ/କୃଷି ଆଗ

ଆଜିର ସ୍ଥିତି ଦେଖିଲେ ୨୦୧୪ରେ କ୍ଷମତାକୁ ଆସିବା ପରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଦେଶବାସୀଙ୍କୁ ଦେଇଥିବା ପ୍ରତିଶ୍ରୁତି ଆଦୌ ପୂରଣ କରିନାହାନ୍ତି। ଉଚ୍ଚାଙ୍ଗ ସ୍ବରରେ ‘ସମସ୍ତଙ୍କୁ ସାଙ୍ଗରେ ନେଇ ବିକାଶ’ କଥା କହୁଥିଲେ ମଧ୍ୟ ତା’ର ଫଳ ଶୂନ ହୋଇଛି। ବିଶେଷକରି ସାମାଜିକ ଓ ଅର୍ଥନୈତିକ ଦିଗରୁ ତାଙ୍କ ଶାସନ ସମୟରେ ଦେଶର ଅଧିକ କ୍ଷତି ଘଟିଛି। ଅସହିଷ୍ଣୁତା, ମିଛିମିଛିକା ଦେଶପ୍ରେମ ଓ ବିଭାଜନ ରାଜନୀତି ସାମାଜିକ ବାତାବରଣକୁ ଘୋର ପ୍ରଭାବିତ କରିଛି। ଏକ ଉତ୍ତମ ଶାସନ ଜରିଆରେ ଭାରତୀୟ ଅର୍ଥନୀତିକୁ ନୂଆ ଦିଗ ଦେଖାଇଦିଆଯିବ ବୋଲି କୁହାଯାଇଥିଲେ ମଧ୍ୟ ତା’ର ସୁଫଳ ଲୋକେ ପାଇପାରିନାହାନ୍ତି। ଏହା ଜଣାଶୁଣା ଯେ, ମୋଦିଙ୍କ ଶାସନ ସମୟରେ କର୍ପୋରେଟ ପ୍ରୀତି ବଢ଼ିଛି..

କ୍ଷୁଧା ଓ କୁପୁଷ୍ଟି: ସୁଶାସନ ହିଁ ସମାଧାନ

କ୍ଷୁଧା ଓ କୁପୁଷ୍ଟି: ସୁଶାସନ ହିଁ ସମାଧାନ

ସହଦେବ ସାହୁ

ଜାତିସଂଘର ଖାଦ୍ୟ ଓ କୃଷି ସଂସ୍ଥା (ଏଫ୍‌ଏଓ) ସହିତ କାର୍ଯ୍ୟ କରୁଥିବା କ୍ଷୁଧା ଓ କୁପୁଷ୍ଟି ବିରୋଧୀ ଅନ୍ତର୍ଜାତୀୟ ସଂଗୋଷ୍ଠୀ (ଇଣ୍ଟରନ୍ୟାଶନାଲ ଆଲାଏନ୍ସ ଏଗେଁଷ୍ଟ ହଙ୍ଗର ଆଣ୍ଡ ମାଲନ୍ୟୁଟ୍ରିଶନ୍‌) କୃଷି କ୍ଷେତ୍ରରେ ଭାରତର ଅଭୂତପୂର୍ବ ବିକାଶକୁ ପ୍ରଶଂସା କରିଛି। ୧୯୫୦-୫୧ରେ ଭାରତରେ ଖାଦ୍ୟଶସ୍ୟ ଉପତ୍ାଦନ ପରିମାଣ ୫ କୋଟି ଟନ୍‌ ଥିବାବେଳେ ୨୦୧୬-୧୭ରେ ୨୭ କୋଟି ୨୦ ଲକ୍ଷ ଟନ୍‌ ହୋଇଛି, ପ୍ରାୟ ୫ଗୁଣ। ଲୋକସଂଖ୍ୟା ବଢ଼ିଛି ୪ ଗୁଣ। ତେଣୁ ଖାଦ୍ୟ-ଅଭାବୀ ପରିସ୍ଥିତିକୁ ପଛରେ ପକାଇ ଭାରତ ଏକ ଖାଦ୍ୟ ରପ୍ତାନିକାରୀ ରାଷ୍ଟ୍ର ହୋଇଗଲାଣି। ତଥାପି ଭାରତରେ କ୍ଷୁଧା ଓ କୁପୁଷ୍ଟି କାରଣରୁ ଏକଚତୁର୍ଥାଂଶ ଲୋକ କାର୍ଯ୍ୟକ୍ଷମ ହୋଇପାରୁ ନାହା..

ଆଜିର ଶିକ୍ଷା ଓ ପ୍ରାଚୀନ ସଂସ୍କୃତି

ଆଜିର ଶିକ୍ଷା ଓ ପ୍ରାଚୀନ ସଂସ୍କୃତି

ବ୍ରହ୍ମାନନ୍ଦ ପଣ୍ଡା

ଆଜିକାଲି ଭାରତୀୟ ଶିକ୍ଷା ବ୍ୟବସ୍ଥାର ଏଭଳି ଅଧୋଗତି ହୋଇଛି ଯେ, ପ୍ରାୟ ୬୦% ମାଧ୍ୟମିକ ଛାତ୍ରୀଛାତ୍ର ଦରଖାସ୍ତଟିଏ ଲେଖିବାକୁ ବା ସାଧାରଣ ହିସାବଟିଏ କରିବାକୁ ଅସମର୍ଥ। ଭାରତର ୭୫% ଯାନ୍ତ୍ରିକ ଓ କାରିଗରି ଶିକ୍ଷାପ୍ରାପ୍ତ ସ୍ନାତକ ଚାକିରି ପାଇବାକୁ ଅଯୋଗ୍ୟ ବୋଲି ନିକଟ ଅତୀତରେ ପ୍ରକାଶ ପାଇଥିବା ତଥ୍ୟ ସାରା ଭାରତରେ ଆଲୋଡ଼ନ ସୃଷ୍ଟି କରିଥିଲା। ଖାଲି ସେତିକି ନୁହେଁ ଛାତ୍ରସମାଜର ଆଜି ନୈତିକ ସ୍ଖଳନ ଘଟିଛି। ଭାରତୀୟ ସଂସ୍କୃତିର ଅବକ୍ଷୟ ହେଉଛି। ମାନବିକ ମୂଲ୍ୟବୋଧ ଲୋପ ପାଉଛି। ଆଜିର ଶିକ୍ଷା ବ୍ୟୟବହୁଳ ଏବଂ ଚାକିରିସର୍ବସ୍ବ ହୋଇଛି। ଜ୍ଞାନ ଓ ଗବେଷଣା ଅର୍ଥସର୍ବସ୍ବ ହୋଇଛି। ସମାଜସେବା ପ୍ରଚାରସର୍ବସ୍ବ ହୋଇଛି। ଯଦି ସ୍ନାତକ ଓ ସ୍ନାତକୋତ୍ତର ଛାତ୍ରୀଛାତ୍ର ପିଅନ ..

ଏଇ ଭାରତରେ

ଏଇ ଭାରତରେ

କାହିଁ କେଉଁ ଆଦିମ କାଳରୁ କୁକୁର ହେଉଛି ମଣିଷର ସାଥୀ। ଏହି ପ୍ରାଣୀ ମଣିଷର ଅତ୍ୟନ୍ତ ବିଶ୍ୱସ୍ତ ଭୃତ୍ୟ ଭାବରେ କାର୍ଯ୍ୟ କରେ। ଏପରି କି ମାଲିକର ଲୁଣ ଖାଇବାରୁ ତା’ର ଗୁଣ ଗାଏ। ମାଲିକର ଜୀବନ ବଞ୍ଚାଇବାକୁ ଯାଇ ଦରକାର ପଡ଼ିଲେ ନିଜ ଜୀବନ ହାରିଦିଏ। ଏପରି ଏକ ଘଟଣା ଘଟିଛି ଜୟପୁରରେ। ରାଜସ୍ଥାନର ଜୟପୁରରେ ବାସ କରୁଥିବା ପୂର୍ବତନ ରଣଜୀ ଖେଳାଳି ସଞ୍ଜୀବ ଓହଲାନ୍‌ଙ୍କ ବାସଭବନରେ ନିଆଁ ଲାଗିଯାଇଥିଲା। ତଳ ମହଲାରେ ତାଙ୍କ ସ୍ତ୍ରୀ, ପୁଅ ଓ ଚାକରକୁ ଉଦ୍ଧାର କରାଯାଇଥିଲେ ମଧ୍ୟ ନିଆଁ ଲାଗିବା ଯୋଗୁ ସଞ୍ଜୀବ..

ମୋଦି: ସବୁଥିରେ ଆଙ୍ଗୁଠି

ମୋଦି: ସବୁଥିରେ ଆଙ୍ଗୁଠି

ସ।ଧାରଣ ନିର୍ବାଚନ ଯେତେ ନିକଟତର ହେଉଛି, ରାଜନୈତିକ ଉଷ୍ମତା ସେତେ ବଢ଼ିବାରେ ଲାଗିଲାଣି। ଜାନୁୟାରୀ ୧୯ରେ କୋଲକାତାରେ  ବିରୋଧୀଙ୍କ ରାଲିର କଳେବର ଦେଖିଲେ ମହାଗଠବନ୍ଧନ ଶକ୍ତିଶାଳୀ ହେଉଥିବା ମନେହେଉଛି। 

ସବୁଜ ପରିବହନ ବ୍ୟବସ୍ଥା

ସବୁଜ ପରିବହନ ବ୍ୟବସ୍ଥା

 ବିଶ୍ୱ ସ୍ବାସ୍ଥ୍ୟ ସଂସ୍ଥାର ଏକ ରିପୋର୍ଟରୁ ଜଣାଯାଏ ଯେ, ଭାରତରେ ଅଧିକାଂଶ ସହର ବାୟୁ ପ୍ରଦୂଷଣ ଦ୍ୱାରା ଆକ୍ରାନ୍ତ। ଏପରି କି ପୃଥିବୀର ସବୁଠାରୁ ଅଧିକ ପନ୍ଦରଟି ସହର ମଧ୍ୟରେ ଭାରତର ଚଉଦଟି ସହର ଅଛି। ସବୁଠାରୁ ପ୍ରଦୂଷିତ ସହର ହେଉଛି କାନପୁର। 

ବାସିପାଣିରେ ପଚରା

ବାସିପାଣିରେ ପଚରା

ହଇରେ ମୋତେ କ’ଣ ଆଉ ବାସିପାଣିରେ ପଚାରୁନୁ? ଚିହ୍ନା ଲୋକଟିଏ, ଆପଣାର ମଣିଷଟିଏ ଆମକୁ ପୂର୍ବାପେକ୍ଷା ହତାଦର କରିବାର ଅନୁଭବ କଲେ ଆମେ ଏ ରୂଢିଟିର ପ୍ରୟୋଗ କରିଥାଉ! ଏଠାରେ ବାସିପାଣିକୁ ନିକୃଷ୍ଟ ଅର୍ଥରେ ବ୍ୟବହାର କରାଯାଇଛି। ନଚେତ୍‌ ଆମେ କହୁଥାନ୍ତେ- ହଇରେ ମୋତେ କ’ଣ ଆଉ ସଜପାଣିରେ ପଚାରୁନୁ? ନଚେତ୍‌ କହିଥାନ୍ତେ- କିରେ ମୋତେ କ’ଣ ଆଉ ମଦପାଣିରେ ପଚାରୁନୁ? ମାନେ ବାସିପାଣିଟି ପଚାରିବା ବା ବନ୍ଧୁ ଚର୍ଚ୍ଚା କରିବା ଯୋଗ୍ୟ ନୁହେଁ।

ଏଇ ଭାରତରେ

ଏଇ ଭାରତରେ

ଭଲ ପାଇବାର ହୃଦୟଟିଏ ଥିଲେ କେତେକ ପୁରୁଷ ଓ ମହିଳା ଅତିକ୍ରାନ୍ତ ବୟସରେ ବି ଭଲପାଇ ବସନ୍ତି। ତେବେ ଭଲ ପାଇବା ପାଇଁ ଜଣେ ବିବାହିତା ମହିଳା ଏକ ଅଭିନବ ପନ୍ଥା ଆପଣାଇଥିଲେ।