ସମ୍ପାଦକୀୟ |

ନାମ୍ବି: ଆଉ ଜଣେ ଗାଲିଲିଓ

 ନାମ୍ବି: ଆଉ ଜଣେ ଗାଲିଲିଓ

ଡ. ରମେଶ ଚନ୍ଦ୍ର ପରିଡ଼ା 

ବୈଜ୍ଞାନିକମାନେ ହିଁ ଏ ଯୁଗର ଋଷି। ସେମାନଙ୍କ ପାଇଁ ଆମେ ଆଜି ସ୍ବାବଲମ୍ବୀ ହୋଇପାରିଛୁ ଖାଦ୍ୟ ଓ ସ୍ବାସ୍ଥ୍ୟଠାରୁ ଆରମ୍ଭକରି ପ୍ରତିରକ୍ଷା, ମହାକାଶ ବା ପରମାଣୁ ଗବେଷଣା ଅଥବା କୃତ୍ରିମ ମେଧା ପର୍ଯ୍ୟନ୍ତ ପ୍ରାୟ ସବୁ କ୍ଷେତ୍ରରେ। ତେବେ ଏଠାରେ ସେମାନଙ୍କ ପ୍ରତି ଶ୍ରଦ୍ଧା ଓ ସମ୍ମାନ ତାଙ୍କ ଅବଦାନର ଅନୁରୂପ ନୁହେଁ। କାରଣ ସେମାନଙ୍କର ନ ଥାଏ ପ୍ରଶାସନିକ କିମ୍ବା ରାଜନୈତିକ ଶକ୍ତି ଅଥବା ଅର୍ଥବଳ। ସେଥିପାଇଁ ତାଙ୍କୁ ଅନେକ ସମୟରେ ଅବିଚାରର ଶିକାର ହେବାକୁ ପଡ଼େ ଏବଂ ନିଜର ନିର୍ଭୀକତା ଓ ନିରପେକ୍ଷତା ପାଇଁ ମୂଲ୍ୟ ଦେବାକୁ ପଡ଼େ। ଇତିହାସରେ ଗାଲିଲିଓ ଯୁଗରୁ ରହି ଆସିଥିବା ଭୁରି ଭୁରି ଉଦାହରଣ ମଧ୍ୟରୁ ସଦ୍ୟତମ ହେଲେ ନାମ୍ବି ନାରାୟଣନ୍‌। ସେ ମଧ୍ୟ ତାଙ୍କରି ଭଳି ଶାସକଙ୍କ ବିଷ ଦୃଷ୍ଟିରେ ପଡ଼ି ଜୀବନବ୍ୟାପୀ ସହ୍ୟ କରିଛନ୍ତି ଅଶେଷ ଯନ୍ତ୍ରଣା। ଏଣୁ ତାଙ୍କୁ ଆଉ ଜଣେ ଗାଲିଲିଓ କହିଲେ ଚଳିବ।

ନାମ୍ବି ଥିଲେ ଭାରତୀୟ ମହାକାଶ ଗବେଷଣା ସଂସ୍ଥା ବା ଇସ୍ରୋର ଅନ୍ୟତମ ପ୍ରମୁଖ ବୈଜ୍ଞାନିକ। ଭାରତ ପରମାଣୁ ବୋମା ପରୀକ୍ଷା କଲା ପରେ ଆମେରିକା ଚାପରେ ରୁଷିଆ ଅତି ନିମ୍ନତାପରେ କାର୍ଯ୍ୟ କରୁଥିବା ତଥା ମହାକାଶ ଗବେଷଣା ପାଇଁ ଅତ୍ୟାବଶ୍ୟକ ଶକ୍ତିଶାଳୀ କ୍ରାୟୋଜେନିକ୍‌ ଇଞ୍ଜିନ୍‌ ଯୋଗାଇବା ଚୁକ୍ତିରୁ ଓହରିଗଲା। ଏହାପରେ ଆମ ବୈଜ୍ଞାନିକମାନେ ନିଜସ୍ବ ଜ୍ଞାନକୌଶଳରେ ତାହା ନିର୍ମାଣ କରିବାକୁ ଅଣ୍ଟା ଭିଡ଼ିଲେ। ସେଥିପାଇଁ ଇସ୍ରୋରେ ଆରମ୍ଭ ହୋଇଥିବା ପ୍ରକଳ୍ପର ମୁଖ୍ୟ ଥିଲେ ନାମ୍ବି। ତେବେ ୧୯୯୪ ନଭେମ୍ବର ୪ରେ ତାଙ୍କୁ ହଠାତ୍‌ ଗିରଫ କଲା ସ୍ବତନ୍ତ୍ର ଅନୁସନ୍ଧାନକାରୀ ଦଳ ବା ଏସ୍‌ଆଇଟି। ତାଙ୍କ ବିରୋଧରେ ଅଣାଗଲା ଆମ ଦେଶର ମହାକାଶ ବିଜ୍ଞାନ ସମ୍ପର୍କିତ ଗୋପନ ତଥ୍ୟ ସବୁ ବିଦେଶୀ ଶତ୍ରୁ ରାଷ୍ଟ୍ରକୁ ହସ୍ତାନ୍ତର କରିବାର ଅଭିଯୋଗ।

ସେତେବେଳେ ତାଙ୍କ ବୟସ ଥିଲା ମାତ୍ର ୫୦ ବର୍ଷ। ବିକାଶୋନ୍ମୁଖୀ ତଥା ସୁଦୂରପ୍ରସାରୀ ଭବିଷ୍ୟତଯୁକ୍ତ କ୍ରାୟୋଜେନିକ୍ସ ବିଜ୍ଞାନରେ ତାଙ୍କର ବେଶ୍‌ ପାରଦର୍ଶିତା ଥିଲା। ଏହି ଦୁଃଖଦ ଘଟଣାଟି ଘଟି ନ ଥିଲେ ସେ ହୁଏତ ଜଣେ ବିଶ୍ୱସ୍ତରୀୟ ବୈଜ୍ଞାନିକ ରୂପେ ଖ୍ୟାତି ଅର୍ଜନ କରିପାରିଥାନ୍ତେ ଏବଂ ତାଙ୍କ ପ୍ରଚେଷ୍ଟାରେ ଭାରତ ଯଥାଶୀଘ୍ର କ୍ରାୟୋଜେନିକ୍‌ ଇଞ୍ଜିନ୍‌ର ଅଧିକାରୀ ହୋଇପାରିଥାନ୍ତା। ଫଳରେ ଏହାର ମହାକାଶ ବିଜ୍ଞାନ ଖୁବ୍‌ ଶୀଘ୍ର ଏକ ନୂତନ ଉଚ୍ଚତାରେ ପହଞ୍ଚି ପାରିଥାନ୍ତା, ଯାହାକି ବେଶ୍‌ ବିଳମ୍ବିତ ହୋଇଗଲା।

ନାମ୍ବିଙ୍କୁ କାହିଁିକି ହଠାତ୍‌ ଜଣେ ଦେଶଦ୍ରୋହୀ ରୂପେ ଚିତ୍ରିତ କରାଗଲା, ତାହାର ଠିକ୍‌ ଜବାବ ଏବେ କାହାରି ପାଖରେ ନାହିଁ। ଗତ ସେପ୍ଟେମ୍ବର ୨୦୧୮ରେ ତାଙ୍କୁ ଦୋଷମୁକ୍ତ କରିଛନ୍ତି ଉଚ୍ଚତମ ନ୍ୟାୟାଳୟର ତଦାନୀନ୍ତନ ମୁଖ୍ୟ ବିଚାରପତି ଦୀପକ ମିଶ୍ରଙ୍କ ଅଧ୍ୟକ୍ଷତାରେ ଗଠିତ ଏକ ତିନି ଜଣିଆ ଖଣ୍ଡପୀଠ। ଏହି ରାୟରେ ସେମାନେ ଦୁଃଖ ପ୍ରକାଶ କରିବା ସଙ୍ଗେ ସଙ୍ଗେ ସୂଚାଇଛନ୍ତି, କୌଣସି ଖିଆଲ ବା ଅସ୍ପଷ୍ଟ ଧାରଣାର ବଶବର୍ତ୍ତୀ ହୋଇ ତାଙ୍କୁ ଏକ ଆପରାଧିକ ମିଥ୍ୟା ପ୍ରମାଣର ଶିକାର କରାଯାଇଥିଲା।

ଏସ୍‌ଆଇଟି ନାମ୍ବିଙ୍କ ବିରୋଧରେ ଆଣିଥିବା ଅଭିଯୋଗ ଏହି ପ୍ରକାର ଥିଲା- ମାଳଦ୍ୱୀପର ମାରିୟମ ରସିଦା ନାମ୍ନୀ ଜଣେ ସୁନ୍ଦରୀ ଯୁବତୀ ପାକିସ୍ତାନର ଗୁପ୍ତଚର ସଂସ୍ଥା ଆଇଏସ୍‌ଆଇ ପାଇଁ କାମ କରୁଥିଲା। ଆମ ରକେଟ୍‌ ପ୍ରଯୁକ୍ତିବିଦ୍ୟା ଚୋରାଇବା ପାଇଁ ସେ ସମ୍ପର୍କ ସ୍ଥାପନ କରିଥିଲା ଇସ୍ରୋର କିଛି ବୈଜ୍ଞାନିକଙ୍କ ସହିତ। ସେମାନଙ୍କ ମଧ୍ୟରୁ ଅନ୍ୟତମ ଥିଲେ ନାମ୍ବି। ତେବେ ସେହି ଯୁବତୀର ନିର୍ଦ୍ଦିଷ୍ଟ ପରିଚୟ ଏବଂ ତା’ ସହିତ ଆଉ କେଉଁ ବୈଜ୍ଞାନିକଙ୍କର ସମ୍ପର୍କ ଥିଲା କିମ୍ବା କି ତଥ୍ୟ ଚୋରି ହୋଇଥିଲା ସେ ସମ୍ପର୍କରେ ଠିକ୍‌ ସୂଚନା ଦେବାକୁ ଏସ୍‌ଆଇଟି କିମ୍ବା ଏହାପରେ ଏହି ଅନୁସନ୍ଧାନର ଦାୟିତ୍ୱ ନେଇଥିବା ସିବିଆଇ କେହି ସମର୍ଥ ହୋଇପାରିନାହାନ୍ତି। ଅଭିଯୋଗ ଖବର ଗଣମାଧ୍ୟମରେ ପ୍ରକାଶ ପାଇବା ପରେ ଜନସାଧାରଣଙ୍କ କ୍ରୋଧ କେନ୍ଦ୍ରୀଭୂତ ହୋଇଥିଲା ନାମ୍ବିଙ୍କ ଉପରେ। ସେ ଏବେ ଅଶ୍ରୁଳ ନୟନରେ ବର୍ଣ୍ଣନା କରନ୍ତି ସେଦିନର ଅନୁଭୂତି- ତାଙ୍କୁ ଟାଣି ଟାଣି ନେଇ ପୋଲିସ ଗାଡ଼ିରେ ବସାଗଲା ଏବଂ ନିଆଗଲା ଥିରୁଭାନନ୍ତପୁରମ୍‌ ମାଜିଷ୍ଟ୍ରେଟଙ୍କ ବିଚାରାଳୟକୁ। ସେତେବେଳେ ସେଠାରେ ଜମାହୋଇ ସାରିଥାନ୍ତି ଅନେକ ଲୋକ। ଗାଡ଼ିରୁ ଓହ୍ଲାଇବା ମାତ୍ରେ ସେମାନେ ତାଙ୍କୁ ଆରମ୍ଭକରିଦେଲେ ଗାଳି ଓ ଟେକାପଥର ମାଡ଼। ଏଣୁ ପୋଲିସ ତାଙ୍କୁ ଘେର ଭିତରେ ମାଜିଷ୍ଟ୍ରେଟଙ୍କ ନିକଟକୁ ନେଲା। ତାଙ୍କ ମତରେ ଏହା ଥିଲା ତାଙ୍କ ଜୀବନର ସବୁଠାରୁ ଦୁଃଖଦ ଓ ଲଜ୍ଜାଜନକ ଘଟଣା।

ତା’ପରେ ତାଙ୍କୁ ଜେଲରେ ରଖାଗଲା ଏବଂ ଦିଆଗଲା ଶାରୀରିକ ଓ ମାନସିକ ଯନ୍ତ୍ରଣା। କେତେବେଳେ ତାଙ୍କୁ ଘଣ୍ଟା ଘଣ୍ଟା ଧରି ଠିଆକରି ରଖାଯାଉଥିଲା ତ ଆଉ କେତେବେଳେ ଦିନ ଦିନ ଧରି ଅନିଦ୍ରା ରଖାଯାଉଥିଲା, ଏପରିକି ଶୋଷ ହେଲେ ପାଣି ମଧ୍ୟ ଦିଆଯାଉ ନ ଥିଲା। ପୁନଶ୍ଚ ପୋଲିସର କହିବା ମୁତାବକ ଦୋଷ ସ୍ବୀକାର ନ କଲେ ତାଙ୍କ ପରିବାରବର୍ଗ ଓ ସହକର୍ମୀମାନଙ୍କୁ ମଧ୍ୟ ଏଥିରେ ସମ୍ପୃକ୍ତ କରିବାର ଧମକ ଦିଆଯାଉଥିଲା। ବିଜ୍ଞାନାଗାରରେ ଜୀବନ କଟାଇ ଆସିଥିବା ଲୋକଟି ଏହିଭଳି ଯନ୍ତ୍ରଣା ମଧ୍ୟରେ ଜଣେ ବିଚାରାଧୀନ ବନ୍ଦୀ ରୂପେ ଜେଲରେ ବିତାଇଥିଲେ ୫୦ ଦିନ। ତା’ ପରେ ତାଙ୍କ ବିରୋଧରେ ଆସିଥିବା ଅଭିଯୋଗର ପ୍ରମାଣ ଯୋଗାଇବାରେ ପୋଲିସ ବିଫଳ ହେବାରୁ ତାଙ୍କୁ ଜାମିନ ମିଳିଲା।

ଜେଲରୁ ମୁକୁଳିଲା ପରେ ନାମ୍ବି ସାମ୍ବାଦିକ ସମ୍ମିଳନୀଟିଏ ଡାକି ପୋଲିସ, ପ୍ରଶାସନ ଏବଂ ଜନସାଧାରଣଙ୍କ ସମ୍ମୁଖରେ ଉପସ୍ଥାପନ କରିଥିଲେ କିଛି ପ୍ରଶ୍ନ -(୧) ଯେତେବେଳେ (୧୯୯୪ ମସିହାରେ) ଭାରତରେ ଏହି ଟେକ୍ନୋଲୋଜି (କ୍ରାୟୋଜେନିକ୍‌)ର ସ୍ଥିତି ପ୍ରାୟ ନ ଥିଲା, ମୁଁ ତାକୁ ବିକ୍ରୟ କଲି କିପରି ଏବଂ (୨) ଅନ୍ୟ କେତେକ ଦେଶରେ ଏହା ମୁକ୍ତ ଭାବେ ମିଳିପାରୁଥିଲା ବେଳେ କୌଣସି ସଂସ୍ଥା ତାହା ଲାଭ କରିବା ପାଇଁ ମୋତେ ଗୁପ୍ତଚର ଭାବେ ନିଯୁକ୍ତି ଦେବ କାହିଁକି?

ତାଙ୍କ ବିରୋଧରେ ଅଭିଯୋଗ ଆଣିଥିବା କିମ୍ବା ତଦନ୍ତ କରୁଥିବା ସଂସ୍ଥା ପାଖରେ ଏହାର ଜବାବ ନ ଥିଲା। ତଥାପି ଏହାପରେ ମାମଲାଟାକୁ ପୁନର୍ବାର ତଦନ୍ତ କରିବାକୁ ସିବିଆଇକୁ କୁହାଗଲା। କିନ୍ତୁ ଏ ସଂସ୍ଥା ୧୯୯୬ ମସିହାରେ ପ୍ରମାଣ ଅଭାବରୁ ମାମଲାକୁ ବନ୍ଦ କରିଦେଲା ଏବଂ ଏଥିସହିତ ଦେଇଥିବା ରିପୋର୍ଟରେ ପୋଲିସର ନିନ୍ଦନୀୟ ଦୋଷାରୋପ ପ୍ରତି ଦୃଷ୍ଟି ଆକର୍ଷଣ କରିବା ସହିତ ସ୍ଥାନୀୟ ଅନୁସନ୍ଧାନକାରୀମାନେ (ଏସ୍‌ଆଇଟି) ସେମାନଙ୍କ ମନଗଢ଼ା ଅଭିଯୋଗକୁ ସତ୍ୟ ବୋଲି ଉପସ୍ଥାପିତ କରିବା ଲାଗି ଅନୁସରଣ କରିଥିବା ସନ୍ଦେହଜନକ ପଦ୍ଧତିଗୁଡ଼ିକୁ ନେଇ ପ୍ରଶ୍ନ ଉଠାଇଲା।

ଏହା ପରେ ନାମ୍ବି ତାଙ୍କ ହୃତଗୌରବର ପୁନରୁଦ୍ଧାର ଏବଂ ତାଙ୍କୁ ବିନାଦୋଷରେ ଅପରାଧୀ ସଜାଇଥିବା ଅଭିଯୋଗକାରୀଙ୍କ ବିରୋଧରେ ପଦକ୍ଷେପ ଆରମ୍ଭ କଲେ। ଏଥିପାଇଁ କାର୍ଯ୍ୟାନୁଷ୍ଠାନ ଗ୍ରହଣ କରିବାକୁ ପ୍ରଥମେ ସେ କେରଳ ସରକାରଙ୍କୁ ଅନୁରୋଧ କଲେ। କିନ୍ତୁ କେହି ତାଙ୍କ ପ୍ରତି କର୍ଣ୍ଣପାତ କଲେ ନାହିଁ। ବରଂ ସିବିଆଇ ଦ୍ୱାରା ବନ୍ଦ କରିଦିଆଯାଇଥିବା ମାମଲାଟିକୁ ପୁନର୍ବାର ଉନ୍ମୁକ୍ତ କରି ତାଙ୍କ ବିରୋଧରେ ନୂଆ ଅନୁସନ୍ଧାନ ପାଇଁ ଉଦ୍ୟମ ଚାଲିଲା। ଏଣୁ ନାମ୍ବି ବାଧ୍ୟହୋଇ ନ୍ୟାୟାଳୟର ଆଶ୍ରୟ ନେଲେ ଏବଂ ଦେଶର ସର୍ବୋଚ୍ଚ ନ୍ୟାୟାଳୟ ସରକାରଙ୍କୁ ଏଥିରୁ ନିବୃତ୍ତ ରହିବାକୁ ନିର୍ଦ୍ଦେଶ ଦେଲେ।

ଏହାପରେ ମାମଲାଟି ଚାଲିଲା ଏବଂ ଦୀର୍ଘ ୨୪ ବର୍ଷ ପରେ ଏବେ ତାଙ୍କୁ ନ୍ୟାୟ ମିଳିଛି। ଏଥିରେ ତାଙ୍କୁ କେବଳ ଦୋଷମୁକ୍ତ କରାଯାଇନାହିଁ, ଉଚ୍ଚତମ ନ୍ୟାୟାଳୟ ନ୍ୟାୟାଧୀଶ ଡି.କେ. ଜୈନଙ୍କ ଅଧ୍ୟକ୍ଷତାରେ ଏଥିସହିତ ସମ୍ପୃକ୍ତ ଦୋଷୀ କର୍ମଚାରୀମାନଙ୍କୁ କୈଫିୟତଯୋଗ୍ୟ କରିବାକୁ ଉପାୟ ନିର୍ଦ୍ଧାରଣ ଲାଗି ଏକ କମିଟି ଗଠନ କରିଛି। ତତ୍‌ ସଙ୍ଗେ ସଙ୍ଗେ ଏହା ନାମ୍ବିଙ୍କୁ ୫୦ ଲକ୍ଷ ଟଙ୍କା କ୍ଷତି ପୂରଣ ଦେବା ଲାଗି ମଧ୍ୟ ସରକାରଙ୍କୁ ନିର୍ଦ୍ଦେଶ ଦେଇଛନ୍ତି। ତେବେ ତାଙ୍କ ମତରେ ମାମଲାଟିର ଏହିଠାରୁ ସମାପ୍ତି ଘଟିନାହିଁ। ଜୈନ କମିଟି ତାଙ୍କ ଜୀବନ ନଷ୍ଟ କରିବା ସଙ୍ଗେ ସମ୍ମାନକୁ ଧରାଶାୟୀ କରିଥିବା ଏବଂ ଦେଶର ମହାକାଶ ଗବେଷଣାକୁ ଘୋର କ୍ଷତି ପହଞ୍ଚାଇଥିବା ଏହି ଷଡ଼ଯନ୍ତ୍ରର ରହସ୍ୟ ଉଦ୍‌ଘାଟନ କରିବ ବୋଲି ସେ ଆଶା କରନ୍ତି। ତା’ ହେଲେ ଆଗକୁ ଆହୁରି ଅନେକ ନିଷ୍ପାପଙ୍କ ଜୀବନ ଓ ସମ୍ମାନ ତଥା ଦେଶ ପ୍ରତି ତାଙ୍କର ଅବଦାନର ସମ୍ମାନକୁ ନଷ୍ଟ କରିବା ଲାଗି ଷଡ଼ଯନ୍ତ୍ର କରିବା ଆଗରୁ କ୍ଷମତାସୀନମାନେ ଅନ୍ତତଃ ଦୁଇଥର ଚିନ୍ତା କରିବେ।

ଶେଷରେ ନାମ୍ବି ବିଜୟୀ ହେଲେ ଠିକ୍‌ ଗାଲିଲିଓଙ୍କ ଭଳି। ପୁନର୍ବାର ସତ୍ୟର ବିଜୟ ଘଟିଲା। ତେବେ ଫରକ ଏତିକି ଯେ ସେ ଏହା ପ୍ରାପ୍ତ ହେଲେ ତାଙ୍କର ଜୀବନକାଳ ମଧ୍ୟରେ। ଗାଲିଲିଓଙ୍କ ଭାଗ୍ୟରେ ତାହା ଜୁଟି ନ ଥିଲା।

ଖଣ୍ଡଗିରି ବିହାର, ଭୁବନେଶ୍ୱର, ମୋ-୯୯୩୭୯୮୫୭୬୭

All Right Reserved By

ସମ୍ପାଦକୀୟ |

ସଂସ୍କାର ପାଇଁ ତରତର ନାହିଁ

ସଂସ୍କାର ପାଇଁ ତରତର ନାହିଁ

ଦିଲ୍ଲୀକା ବାବୁ/ ଦିଲୀପ ଚେରିଏନ୍‌

ନୀତି ଆୟୋଗର ଷ୍ଟ୍ରାଟେଜି ଡକୁମେଣ୍ଟ ‘Strategy for New India@75’ରେ ଭାରତୀୟ ଅମଲାତନ୍ତ୍ରରେ ସଂସ୍କାର ଆଣିବା ପାଇଁ ବହୁବିଧ ପଦକ୍ଷେପ ନେବା ଲାଗି ସୁପାରିସ କରାଯାଇଛି। ସେଗୁଡ଼ିକ ମଧ୍ୟରେ ରହିଛି ଅପାରଗ ବାବୁମାନଙ୍କୁ ବାଧ୍ୟତାମୂଳକ ଅବସର ଦେବା, ବର୍ତ୍ତମାନ ପ୍ରଚଳିତ ପ୍ରଶାସନିକ ସେବା ସଂଖ୍ୟା କମାଇଦେବା, ପ୍ରଶାସନିକ ସେବା ପରୀକ୍ଷା ଦେବା ଲାଗି ସାଧାରଣ ପ୍ରାର୍ଥୀମାନଙ୍କ ସର୍ବୋଚ୍ଚ ବୟସ ସୀମା ୩୨ରୁ ୨୭ ବର୍ଷକୁ ହ୍ରାସ କରିବା ଇତ୍ୟାଦି। ଉଭୟ ରାଜ୍ୟ ଓ କେନ୍ଦ୍ରୀୟ ପ୍ରଶାସନିକ ସେବା ପାଇଁ ଗୋଟିଏ ସର୍ବଭାରତୀୟ ପରୀକ୍ଷା କରିବା ଲାଗି ମଧ୍ୟ ବିଶେଷଜ୍ଞମଣ୍ଡଳୀ ପ୍ରସ୍ତାବ ଦେଇଛନ୍ତି। ଆମ ରୁଗ୍ଣ ପ୍ରଶାସନିକ ସେବା ବ୍ୟବସ୍ଥାକୁ ସୁଧାରିବା ଲାଗି ଡାକ୍ତରଙ୍କ ବ୍ୟବସ୍ଥାପତ୍ର ଭଳି ବିଶେଷଜ୍ଞମାନେ ସିନା ସଂସ୍କାର-ପ୍ରସ୍ତାବମାନ ଦେଇଦେଲେ, ହେଲେ ମିଳିଥି..

ଆଧ୍ୟାତ୍ମିକତାର ମର୍ମ

ଆଧ୍ୟାତ୍ମିକତାର ମର୍ମ

ଡ. ଛାୟାକାନ୍ତ ଷଡ଼ଙ୍ଗୀ

ସମ୍ପ୍ରତି ଧର୍ମ ଓ ଆଧ୍ୟାତ୍ମିକତା ସମାର୍ଥବାଚକ ଶବ୍ଦ ଭାବରେ ବ୍ୟବହୃତ ହେଉଛି। ମାତ୍ର ସାମାଜିକ ଧର୍ମାନୁଷ୍ଠାନ ସହ ଆଧ୍ୟାତ୍ମିକତାର ବିଶେଷ ସମ୍ପର୍କ ନାହିଁ। ଆଜିକାଲି ଭଗବାନଙ୍କ ଉପରେ ଉପରଠାଉରିଆ ବିଶ୍ୱାସ। ମନ୍ଦିର, ମସ୍‌ଜିଦ ବା ଗୀର୍ଜାରେ ପହଞ୍ଚି ଉପାସନା କରିବାକୁ ଧର୍ମନିଷ୍ଠା କୁହାଯାଉଛି। ଏହା ସହ ଆଧ୍ୟାତ୍ମିକତାର ସିଧାସଳଖ କୌଣସି ସମ୍ପର୍କ ନାହିଁ। ବିଶେଷଣ ପଦ ରୂପେ ଅଧ୍ୟାତ୍ମ ଶବ୍ଦର ଅର୍ଥ ହେଲା ‘ଆତ୍ମ ବିଷୟକ’। ବିଶେଷ୍ୟ ପଦ ଭାବରେ ଏହାର ଅର୍ଥ ହେଲା ପରମାତ୍ମା ବା ବ୍ରହ୍ମ। ଆଧ୍ୟାତ୍ମିକ ମାନେ ‘ବ୍ରହ୍ମ ବା ପରମାତ୍ମା ବିଷୟକ’। ଏହି ବ୍ରହ୍ମ ବିଷୟକ ଭାବ ହେଉଛି ଆଧ୍ୟାତ୍ମିକତା। ଏଣୁ ଆଧ୍ୟାତ୍ମିକତାର ମର୍ମ..

ବାଂଲାଦେଶ ନିର୍ବାଚନ

ବାଂଲାଦେଶ ନିର୍ବାଚନ

ଶରତ ଚନ୍ଦ୍ର ମିଶ୍ର

ଡିସେମ୍ବର ୩୦, ୨୦୧୮ରେ ବାଂଲାଦେଶରେ ଏକାଦଶ ଜାତୀୟ ନିର୍ବାଚନ ଅନୁଷ୍ଠିତ ହୋଇଯାଇଛି। ଏହି ସଦ୍ୟ ସମାପ୍ତ ନିର୍ବାଚନରେ ପ୍ରଧାନମନ୍ତ୍ରୀ ଶେଖ୍‌ ହାସିନାଙ୍କ ଆଓ୍ବାମୀ ଲିଗ୍‌ ୩୦୦ରୁ ୨୬୭ଟି ସ୍ଥାନ ଅଧିକାର କରି ଅଭୂତପୂର୍ବ ସଫଳତା ହାସଲ କରିଛି। ତାଙ୍କର ସହଯୋଗୀ ଦଳ ଜାତୀୟ ପାର୍ଟି ୨୦ଟି ସ୍ଥାନ ପ୍ରାପ୍ତ ହୋଇଛି। ଜାତୀୟ ପାର୍ଟିର ନେତା ହେଉଛନ୍ତି ପୂର୍ବତନ ମିଲିଟାରୀ ଶାସକ ଜେନେରାଲ ଏରସାଦ। ଦେଶର ମୁଖ୍ୟ ବିରୋଧୀ ଦଳ ବାଂଲାଦେଶ ଜାତୀୟ ଦଳ ଅନ୍ୟାନ୍ୟ ଛୋଟ ଛୋଟ ୧୦ଟି ଦଳ ସହିତ ମିଶି ଜାତୀୟ ମିଳିତ ସାମ୍ମୁଖ୍ୟ ଗଠନ କରି ପ୍ରମୁଖ ବିରୋଧୀ ଭାବରେ ନିର୍ବାଚନରେ ଅବତୀର୍ଣ୍ଣ ହୋଇ..

ଏଇ ଭାରତରେ

ଏଇ ଭାରତରେ

ବିବାହ ଏକ ପବିତ୍ର ବନ୍ଧନ। ଏହା ପୁରୁଷ ଓ ସ୍ତ୍ରୀ ମଧ୍ୟରେ ଦୃଢ଼ ସମ୍ପର୍କ ସ୍ଥାପନ କରେ। କାହିଁ କେଉଁ ଅନାଦି କାଳରୁ ଏହି ପରମ୍ପରା ଚଳିଆସୁଛି। ବିବାହ ପରେ ପୁରୁଷ-ସ୍ତ୍ରୀ ମଧ୍ୟରେ ଦୈହିକ ସମ୍ପର୍କ ପବିତ୍ର। କିନ୍ତୁ ରାଞ୍ଚତ୍ର ଜନଜାତି ସମ୍ପ୍ରଦାୟ ବିବାହ ନ କରି ଦୀର୍ଘବର୍ଷ ଧରି ଏକତ୍ର ରହି ଆସୁଛନ୍ତି। ଏହା ପଛର ଅସଲ କାରଣ ହେଉଛି ବିବାହ ଉତ୍ସବରେ ଖର୍ଚ୍ଚକରିବା ଲାଗି ସେମାନଙ୍କ ପାଖରେ ଟଙ୍କା ନାହଁ। ସେମାନଙ୍କ ଅସୁବିଧା ସମ୍ପର୍କରେ ଅବଗତ ହେବା ପରେ ଏଠାରେ ସାମାଜିକ ସେବା ଜାରି ରଖୁଥିବା ଏକ ସଂଗଠନ ଅଭାବୀ ଲୋକମାନଙ୍କର ବିବାହ କରାଉଛି। କେତେକ ଲୋକ ଏଠାରେ ୪୦ବର୍ଷରୁ ଅଧିକ ହେଲା ଏକାଠି ରହି ଆସୁଛନ୍ତି। ପିଲା..

ଆଜିର ଅର୍ଥନୀତି/ଲେଖାନୁଦାନରେ ସୀମିତ ରୁହ

ଆଜିର ଅର୍ଥନୀତି/ଲେଖାନୁଦାନରେ ସୀମିତ ରୁହ

ସାଧାରଣ ନିର୍ବାଚନ ଆଉ ଅଳ୍ପ କେଇମାସ ବାକି ରହିଲା। ନିର୍ବାଚନ ଆୟୋଗ ପକ୍ଷରୁ ଏ ନେଇ ଯଥାସମୟରେ ବିଜ୍ଞପ୍ତି ଜାରି ହେବ। ତେବେ ଏହି ନିର୍ବାଚନ ପୂର୍ବରୁ ସରକାର ଲେଖାନୁଦାନ ନା ପୂର୍ଣ୍ଣାଙ୍ଗ ବଜେଟ୍‌ ଉପସ୍ଥାପନ କରିବେ, ତାହା ଜଣାପଡ଼ି ନାହିଁ। ବଜେଟ୍‌ ପାଇଁ ଆଉ ମାତ୍ର ପ୍ରାୟ ଦୁଇ ସପ୍ତାହ ବାକି ଥିବାବେଳେ ହଠାତ୍‌ କେନ୍ଦ୍ର ଅର୍ଥମନ୍ତ୍ରୀ ଅରୁଣ ଜେଟ୍‌ଲୀ ଅସୁସ୍ଥ ହୋଇପଡ଼ିବାରୁ ଏ ନେଇ ଅନିଶ୍ଚିତତା ଦେଖାଦେଇଛି। ଆମେ ଆଶା କରୁଛୁ ଓ ପ୍ରାର୍ଥନା କରୁଛୁ ଯେ, ଜେଟ୍‌ଲୀ ଖୁବ୍‌ଶୀଘ୍ର ସୁସ୍ଥ ହୋଇଉଠନ୍ତୁ ଓ ଫେବୃୟାରୀ..

ଜଳବାୟୁ ପରିବର୍ତ୍ତନ ଚୁକ୍ତି: ପ୍ୟାରିସରୁ ପୋଲାଣ୍ଡ

ଜଳବାୟୁ ପରିବର୍ତ୍ତନ ଚୁକ୍ତି: ପ୍ୟାରିସରୁ ପୋଲାଣ୍ଡ

ଡ. ରମେଶ ଚନ୍ଦ୍ର ପରିଡ଼ା

ବିଶ୍ୱ ସମ୍ମୁଖରେ ଏବେ ସବୁଠାରୁ ଜଟିଳ ସମସ୍ୟା ରୂପେ ମୁଣ୍ଡ ଟେକିଥିବା ଜାଗତିକ ଉଷ୍ମତା ବୃଦ୍ଧି ଏବଂ ସେଥିସହିତ ସମ୍ପୃକ୍ତ ଜଳବାୟୁ ପରିବର୍ତ୍ତନକୁ ପ୍ରତିହତ କରା ନ ଗଲେ ତାହା ଯେ ଅଚିରେ ଏକ ପ୍ରଚଣ୍ଡ ଧ୍ୱଂସକାରୀ ଶକ୍ତିରୂପେ ଉଭା ହେବ ଏ କଥା ସ୍ବୀକୃତ ହୋଇସାରିଲାଣି। ତେଣୁ ଏହାର ପଥ ନିର୍ଦ୍ଧାରଣ ଲାଗି ଜାତୀୟ ତଥା ଆନ୍ତର୍ଜାତିକ ସ୍ତରରେ ଚାଲିଛି ବ୍ୟାପକ ଆଲୋଚନା ପର୍ଯ୍ୟାଲୋଚନା ଏବଂ ସମ୍ପାଦିତ ହେବାରେ ଲାଗିଛି ନାନାଦି ଚୁକ୍ତି। ଏଗୁଡିକ ମଧ୍ୟରୁ ସବୁଠାରୁ ଗୁରୁତ୍ୱପୂର୍ଣ୍ଣ ହେଲା ‘ୟୁଏନ୍‌ ଫ୍ରେ..

ଆଧୁନିକ ବେଣ୍ଟ

ଆଧୁନିକ ବେଣ୍ଟ

ଦ୍ୱିତୀ ଚନ୍ଦ୍ର ସାହୁ

ଘର ସାମ୍ନା ଗେଟ୍‌ ଦେଇ ବଜାରକୁ ବାହାରିଲା ବେଳେ ନିକଟରେ ଥିବା କଲେଜକୁ ଯାଉଥିଲେ ପଞ୍ଝାଏ କଲେଜ ପଢୁଆ ପିଲା। ସମସ୍ତଙ୍କ ହାତରେ ମୋବାଇଲ। ମୋବାଇଲକୁ ଖେଳାଇ ଖେଳାଇ ଜଣେ କହିଲା ଆଜି ବେଣ୍ଟ (ଶିକାର) କରିବା। ପଛରୁ ଶୁଣି ଟିକେ ଚକିତ ହେଲି। ତା’ ପରେ ସେମାନଙ୍କ ବାର୍ତ୍ତାଳାପରୁ ଯାହା ଜାଣିଲି ସେମାନେ କଲେଜର ଏକ ନିର୍ଦ୍ଦିଷ୍ଟ ସ୍ଥାନରେ ଦଳଗତ ଭାବେ ଠିଆ ହେବେ। କଲେଜ ଭିତରକୁ ପ୍ରବେଶ କରୁଥିବା ଝିଅମାନଙ୍କୁ ଚାହିଁବେ। ସେମାନଙ୍କୁ ପରଖିବେ। ସେଥିରୁ ସୁନ୍ଦରୀ ଲଳନାଙ୍କୁ ବାଛିବେ..

ଏଇ ଭାରତରେ

ଏଇ ଭାରତରେ

ଯୌତୁକ ନିରୋଧୀ ଆଇନ ୧୯୬୧ର ଧାରା ୩ ଅନୁସାରେ ଯୌତୁକ ନେବା କିମ୍ବା ଦେବା ଉଭୟ ଅପରାଧ। ସମ୍ପ୍ରତି ସମାଜରେ ଯୌତୁକ ଦାବିରେ ବହୁ ଅପରାଧ ଘଟୁଛି।  ଏନେଇ ବହୁ ମାମଲା ମଧ୍ୟ ଅଦାଲତରେ ବିଚାରାଧୀନ ରହିଛି। ବିଶେଷକରି ଯୌତୁକ ଦାବି ବିରୋଧରେ ମହିଳାମାନେ ସ୍ବାମୀ ଓ ଶାଶୁଘର ଲୋକଙ୍କ ବିରୋଧରେ ମାମଲା ରୁଜୁ କରୁଥିବା ଦେଖିବାକୁ ମିଳେ। ଏବେ କିନ୍ତୁ ..

ପ୍ରାଣୀଙ୍କ ଲାଟରାଲିଟି

ପ୍ରାଣୀଙ୍କ ଲାଟରାଲିଟି

ପରିବେଶ ପରିଚିନ୍ତା/ ମାନେକା ଗାନ୍ଧୀ

ଏ ପୃଥିବୀର ଅନ୍ୟ ସମସ୍ତ ପ୍ରାଣୀଙ୍କଠାରୁ ମଣିଷ ନିଜକୁ ଅଲଗା ଭାବେ। କିନ୍ତୁ ସମୟକ୍ରମେ ବୈଜ୍ଞାନିକମାନେ ପ୍ରମାଣ କଲେଣି ଯେ, ଯେଉଁସବୁ ବିଶେଷ ଗୁଣ ଓ ବୁଦ୍ଧିମତ୍ତାକୁ ନେଇ ମଣିଷ ନିଜକୁ ଶ୍ରେଷ୍ଠ ଭାବୁଛି, ସେସବୁ ଗୁଣ ପ୍ରାଣୀମାନଙ୍କଠାରେ ମଧ୍ୟ ଅଛି। ଉଦାହରଣସ୍ବରୂପ କୀଟପତଙ୍ଗ, ମାଛ, କୁଆ ଓ ବଣମଣିଷ ମଧ୍ୟ ବିଭିନ୍ନ ଉପକରଣର ଉପଯୋଗ କରନ୍ତି। ଏଥିମଧ୍ୟରୁ ଗୋଟି..

 ଉଚ୍ଚଶିକ୍ଷାରେ ପ୍ରତାରଣା

ଉଚ୍ଚଶିକ୍ଷାରେ ପ୍ରତାରଣା

ଡ. ସୁବାସ ଚନ୍ଦ୍ର ପାତ୍ର

ଜାତୀୟ ପରିପ୍ରେକ୍ଷୀରେ ଯାହାହେଉ ଆପାତତଃ ଓଡ଼ିଶାରେ ଉଚ୍ଚଶିକ୍ଷାର ସ୍ଥିତି ଦେଖିଲେ ଜଣାଯାଏ, ଏଠାରେ ଶୈକ୍ଷିକ ବ୍ୟବସ୍ଥାର ପରିବର୍ତ୍ତନ ଚିନ୍ତା କେବଳ ଉଚ୍ଚାକାଂକ୍ଷାକୈନ୍ଦ୍ରିକ। ଉଚ୍ଚଶିକ୍ଷାକୁ କିପରି ଜାତୀୟ ଅବା ଅନ୍ତର୍ଜାତୀୟ ସ୍ତରକୁ ନିଆଯାଇଛି ଏବଂ ସେହି କ୍ରମରେ ପ୍ରାରମ୍ଭିକ ପଦକ୍ଷେପ ହିସାବରେ ପାଠ୍ୟକ୍ରମର କିପରି ବୈପ୍ଳବିକ ପରିବର୍ତ୍ତନ କରାଯାଇଛି, ଜନସାଧାରଣଙ୍କ ମନରେ ବିଶ୍ୱାସ ଜନ୍ମେଇବା ପାଇଁ ସେ କଥାର ବହୁଳ ପ୍ରଚାର କରାଯାଏ। କିନ୍ତୁ ତା’ ପଛରେ ଲୁକ୍କାୟିତ ବିଫଳତାର କରୁଣ କାହାଣୀ ..

ଆଧୁନିକ ଶିକ୍ଷା ଓ ସମାଜ

ଆଧୁନିକ ଶିକ୍ଷା ଓ ସମାଜ

ଲଲାଟ କେଶରୀ ନାୟକ

ସ୍ବାମୀ ବିବେକାନନ୍ଦ ତାଙ୍କର ଶିକାଗୋ ଅଭିଭାଷଣରେ କହିଥିଲେ, କୋଟି କୋଟି ଅଦୃଶ୍ୟ ଶିଶିରବିନ୍ଦୁ ଯେମିତି ରାଶି ରାଶି ଗୋଲାପ କଢ଼ିକୁ ପ୍ରସ୍ଫୁଟିତ କରେ, ଠିକ୍‌ ସେହିଭଳି ଜଣେ ବ୍ୟକ୍ତିର ମାନସିକତା ଏକ ସୁସ୍ଥ ଏବଂ ବିକାଶଶୀଳ ରାଷ୍ଟ୍ର ଗଠନର ମୂଳମନ୍ତ୍ର ହୋଇଥାଏ। ଆଇନଶୃଙ୍ଖଳାରେ ଯେତେ ବି ପରିବର୍ତ୍ତନ ହେଉ ନା କାହିଁକି ବା ଶାସନ ଖସଡା ଯେତେ କଠୋର ହେଉ ନା କାହିଁକି, ଯଦି ବ୍ୟକ୍ତିର ମାନସିକତାରେ ପରିବର୍ତ୍ତନ ନ ହୋଇଛି ତେବେ ବିକାଶଶୀଳ ରାଷ୍ଟ୍ର ଗଠନ ଅସମ୍ଭବ। ..

ଏଇ ଭାରତରେ

ଏଇ ଭାରତରେ

ଭାଇ ଭଉଣୀ ମଧ୍ୟରେ ସାଧାରଣତଃ ସ୍ନେହ ମମତା ଅତୁଟ ଥାଏ। ଗୋଟିଏ ମା’ର ସନ୍ତାନ ହୋଇଥିବାରୁ ଦୁହିଁଙ୍କ ମନୋଭାବ ମଧ୍ୟ ପ୍ରାୟତଃ ଏକାପ୍ରକାର ହୋଇଥାଏ। କିନ୍ତୁ ଏକ ଘଟକ୍ରମରେ ଭାଇ ଭଉଣୀ ଗୋଟିଏ ଘରେ ଏକତ୍ର ମୃତ୍ୟୁବରଣ କରିବା ଘଟଣା ସ୍ଥାନୀୟ ଅଞ୍ଚଳ ଲୋକଙ୍କୁ ଚକିତ କରିଛି। ଏପରି ଏକ ଘଟଣା ଘଟିଛି ନାଗପୁରର ତାନ୍ତ୍ୟା ଟୋପେ ନଗର ଅଞ୍ଚଳରେ। ମୋହନ ଓଟଓ୍ବାନି ଏବଂ ..