ଖେଳ |

ହକି ବିଶ୍ୱକପ: ସ୍ପେନ-ନ୍ୟୁଜିଲାଣ୍ଡ ମ୍ୟାଚ ଡ୍ର

ହକି ବିଶ୍ୱକପ: ସ୍ପେନ-ନ୍ୟୁଜିଲାଣ୍ଡ ମ୍ୟାଚ ଡ୍ର

ଭୁବନେଶ୍ୱର, ୬।୧୨(କ୍ରୀଡ଼ା ପ୍ରତିନିଧି)-
ଏକଦା ୦-୨ରେ ପଛୁଆ ରହିଥିବା ନ୍ୟୁଜିଲାଣ୍ଡ ସଫଳ ପ୍ରତ୍ୟାବର୍ତ୍ତନ କରି ଶେଷ ୧୦ ମିନିଟରେ ୨ଟି ଗୋଲ ଦେଇ ସ୍ପେନ ବିପକ୍ଷ ମ୍ୟାଚକୁ ଡ୍ର ରଖିଛି।  ଚଳିତ ହକି ବିଶ୍ୱକପର କଳିଙ୍ଗ ଷ୍ଟାଡିୟମରେ ଗୁରୁବାର ଅନୁଷ୍ଠିତ ଏହି ପୁଲ୍‌‘ଏ’ ମ୍ୟାଚ୍‌ଟି ୨-୨ ଗୋଲରେ ଶେଷ ହୋଇଛି। ଫଳରେ ନ୍ୟୁଜିଲାଣ୍ଡ ସହ ସ୍ପେନ ପଏଣ୍ଟ ଭାଗ କରିବାକୁ ବାଧ୍ୟ ହୋଇଛି। ସ୍ପେନ ପକ୍ଷରୁ ଆଲବର୍ଟ ବେଲଟ୍ରାନ ୯ମ ଓ ଏନରିକ୍‌ ଗୋଞ୍ଜାଲେଜ ୨୭ତମ ମିନିଟରେ ଗୋଲ ଦେଇଥିବାବେଳେ ନ୍ୟୁଜିଲାଣ୍ଡ ପକ୍ଷରୁ ଫିଲିପ୍‌ ହେଡେନ ୫୦ ଓ ରସେଲ କେନ୍‌ ୫୬ତମ ମିନିଟରେ ଗୋଟିଏ ଲେଖାଏ ଗୋଲ ସ୍କୋର କରିଥିଲେ। ଖେଳ ପୂର୍ବରୁ ଭାରତର କିମ୍ବଦନ୍ତୀ ମହିଳା ଆଥଲେଟ୍‌ ଅଞ୍ଜୁ ବବି ଜର୍ଜ ଖେଳାଳିଙ୍କ ସହିତ ପରିଚିତ ହୋଇ ମ୍ୟାଚର ଶୁଭାରମ୍ଭ କରିଥିଲେ। ଶେଷରେ ଅର୍ଥମନ୍ତ୍ରୀ ଶଶିଭୂଷଣ ବେହେରା ଅତିଥିଭାବେ ଯୋଗଦେଇ ସ୍ପେନର ରୋମେଉ ଜୋସେପଙ୍କୁ ମ୍ୟାନ୍‌ ଅଫ୍‌ ଦି ମ୍ୟାଚ୍‌ ପୁରସ୍କାର ପ୍ରଦାନ କରିଥିଲେ। କ୍ରୀଡ଼ାମନ୍ତ୍ରୀ ଚନ୍ଦ୍ରସାରଥି ବେହେରା ନ୍ୟୁଜିଲାଣ୍ଡ ଅଧିନାୟକ ବ୍ଲେଆର ଟରାଣ୍ଟ ଓ ସ୍ପେନ ଅଧିନାୟକ କୋର୍ଟେସ କ୍ବିକୋଙ୍କୁ ଫଳକ ଦେଇ ସମ୍ମାନିତ କରିଥିଲେ।
  ଆରମ୍ଭରୁ ବେଶ୍‌ ସଂଘର୍ଷପୂର୍ଣ୍ଣ ହୋଇଥିଲା। ତୁଳନାତ୍ମକଭାବେ ଦେଖିବାକୁ ଗଲେ ସ୍ପେନ ୪୫ ମିନିଟ ପର୍ଯ୍ୟନ୍ତ ପ୍ରଭାବୀ ରହିଥିଲା। ମ୍ୟାଚର ୯ମ ମିନିଟରେ ୨୨ ନମ୍ବର ଖେଳାଳି ଆଲବର୍ଟ ବେଲଟ୍ରାନ ଏକ ଫିଲ୍ଡ ଗୋଲ କରି ଦଳକୁ ଅଗ୍ରଣୀ କରାଇଥିଲେ। ୨୫ତମ ମିନିଟରେ ଦଳକୁ ପେନାଲ୍ଟି କର୍ନର ମିଳିଥିଲେ ହେଁ ଖେଳାଳିମାନେ ତାହାର ସଦୁପଯୋଗ କରିପାରି ନ ଥିଲେ। ୨୭ତମ ମିନିଟରେ ୯ ନମ୍ବର ଇଗ୍ଲେସିଆସ ଆଲଭାରୋ ଆଉ ଏକ ଫିଲ୍ଡ ଗୋଲ ଦେଇ ପ୍ରଥମାର୍ଦ୍ଧ ଶେଷସୁଦ୍ଧା ୨-୦ରେ ଅଗ୍ରଣୀ ରହିଥିଲା। ତୃତୀୟ କ୍ବାର୍ଟରରେ ଗୋଲ ହୋଇ ନ ଥିଲେ ହେଁ ସ୍ପେନର ପ୍ରଭାବ ଜାରି ରହିଥିଲା। ଚାପରେ ରହିବା ସତ୍ତ୍ବେ ନ୍ୟୁଜିଲାଣ୍ଡ ଶେଷକ୍ବାର୍ଟରରେ ନିଜ ଦମ୍‌ ଦେଖାଇଥିଲା। ୧୦ ମିନିଟର ସଂଘର୍ଷପରେ ୫୦ତମ ମିନିଟରେ ଫିଲ୍ଡ ଗୋଲ ମାଧ୍ୟମରେ ଗୋଟିଏ ଗୋଲ ପରିଶୋଧ କରିିଥିଲେ ୩୧ ନମ୍ବର ଜର୍ସି ପରିହିତ ଫିଲିପ୍ସ ହେଡେନ। ଏହାପରେ ନ୍ୟୁଜିଲାଣ୍ଡ ଦଳରେ ଉତ୍ସାହ ଭରି ଯାଇଥିଲା। ଖେଳ ଶେଷ ହେବାକୁ ୮ ମିନିଟ ଥିବାବେଳେ ଗୋଲ ପୋଷ୍ଟ ଛାଡ଼ି ଦେଇ ଉପରେ ଖେଳିଥିଲେ ନ୍ୟୁଜିଲାଣ୍ଡ ଗୋଲକିପର ଜୋୟସ ରିଚାର୍ଡ। ଏହାର ଫାଇଦା ନ୍ୟୁଜିଲାଣ୍ଡକୁ ମିଳିଥିଲା। ଦଳ ଅଧିକ ଆକ୍ରମଣାତ୍ମକ ରଣନୀତି ଅବଲମ୍ବନ କରି ୫୬ତମ ମିିନିଟରେ ପେନାଲ୍ଟି କର୍ନର ସୁଯୋଗ ସୃଷ୍ଟି କରିଥିଲା। ୨୧ ନମ୍ବର ଖେଳଳିି ରସେଲ କେନ୍‌ ଏହାକୁ ଗୋଲରେ ପରିଣତ କରିବାରୁ ମ୍ୟାଚ ୨-୨ ସ୍ଥିତିକୁ ଚାଲି ଆସିଥିଲା। ମ୍ୟାଚ ସମାନ ସ୍ତରକୁ ଆସିବାପରେ ନ୍ୟୁଜିଲାଣ୍ଡ ଗୋଲକିପର ନିଜ ପୋଜିଶନକୁ ପଳାଇ ଆସିଥିଲେ। ଅବଶିଷ୍ଟ ୪ ମିନିଟରେ କେହି ଗୋଲ ଦେଇ ନ ପାରିବାରୁ ମ୍ୟାଚ ଡ୍ର ରହିଥିଲା।
ଗୋଲ ସ୍କୋରର
ସ୍ପେନ-୨
*ଆଲବର୍ଟ ବେଲଟ୍ରାନ: ୯ମ ମିନିଟ
*ଏନରିକ୍‌ ଗୋଞ୍ଜାଲେଜ ୨୭ତମ ମିନିଟ
ନ୍ୟୁଜିଲାଣ୍ଡ-୨
*ଫିଲିପ୍ସ ହେଡେନ ୫୦ତମ ମିନିଟ
*ରସେଲ କେନ୍‌ ୫୬ତମ ମିନିଟ

All Right Reserved By

ଖେଳ |

କ୍ୱିଟୋଭା ଆକ୍ରମଣକାରୀଙ୍କୁ ଜେଲ୍‌

କ୍ୱିଟୋଭା ଆକ୍ରମଣକାରୀଙ୍କୁ ଜେଲ୍‌

ପ୍ରେଗ୍‌, ୨୭ା୩ (ଏଏଫ୍‌ପି)-ଦୁଇଥର ଅଲିମ୍ପିକ ଚାମ୍ପିୟନ ପେଟ୍ରା କ୍ୱିଟୋଭାଙ୍କୁ  ଛୁରିରେ ଆକ୍ରମଣ କରିଥିବା ବ୍ୟକ୍ତିଙ୍କୁ ମଙ୍ଗଳବାର ୮ ବର୍ଷ ଜେଲ ଦଣ୍ଡ ହୋଇଛି। ଚେକ୍‌ ରିପବ୍ଲିକର ଦକ୍ଷିଣାଞ୍ଚଳ ସହର ବିର୍ନୋସ୍ଥିତ ଆଞ୍ଚଳିକ କୋର୍ଟର ମୁଖପାତ୍ର ଇଭା ଆଙ୍ଗ୍ୟାଲୋସି ସୂଚନା ଦେଇଛନ୍ତି। 

ବିଳାସ ରାଉତରାୟ ସ୍ମାରକୀ ଫୁଟବଲ:  ଭୁବନେଶ୍ୱର ଏକାଦଶ ବିଜୟୀ

ବିଳାସ ରାଉତରାୟ ସ୍ମାରକୀ ଫୁଟବଲ: ଭୁବନେଶ୍ୱର ଏକାଦଶ ବିଜୟୀ

ଭୁବନେଶ୍ୱର, ୨୭।୩(କ୍ରୀଡ଼ା ପ୍ରତିନିଧି)- ପୋଖରୀପୁଟ ଖେଳ ପଡ଼ିଆରେ ଚାଲିଥିବା ୪ର୍ଥ ବିଳାସ ରାଉତରାୟ ସ୍ମାରକୀ ଫୁଟବଲ ଟୁର୍ନାମେଣ୍ଟର ମଙ୍ଗଳବାର ଅନୁଷ୍ଠିତ ମ୍ୟାଚରେ ଭୁବନେଶ୍ୱର ଏକାଦଶ ୨-୧ ଗୋଲରେ ଖୋର୍ଦ୍ଧାର ମର୍ନିଂ ଷ୍ଟାରକୁ ପରାସ୍ତ କରିଛି। 

ଏମ୍‌ଆରଏଫ୍‌ ପେସ୍‌ ଫାଉଣ୍ଡେଶନରେ ପ୍ରଶିକ୍ଷଣ ନେବେ ରାଜେଶ

ଏମ୍‌ଆରଏଫ୍‌ ପେସ୍‌ ଫାଉଣ୍ଡେଶନରେ ପ୍ରଶିକ୍ଷଣ ନେବେ ରାଜେଶ

କଟକ ଅଫିସ,୨୭ା୩-  ଚେନ୍ନାଇସ୍ଥିତ ଏମ୍‌ଆରଏଫ୍‌ ପେସ ଫାଉଣ୍ଡେଶନରେ ପ୍ରଶିକ୍ଷଣ ନେବେ ଓଡ଼ିଶାର ଉଦୀୟମାନ ମିଡିୟମ ପେସ ବୋଲର ରାଜେଶ ମହାନ୍ତି । ଫାଉଣ୍ଡେଶନ ପକ୍ଷରୁ ମଙ୍ଗଳବାର ଏ ନେଇ ଏକ ଚିଠି ଆସିଥିବା ଓଡ଼ିଶା କ୍ରିକେଟ ଆସୋସିଏଶନ(ଓସିଏ) ପକ୍ଷରୁ ସୂଚନା ଦିଆଯାଇଛି। 

ସର୍ବଭାରତୀୟ ଆନ୍ତଃ ବିଶ୍ୱବିଦ୍ୟାଳୟ ଆମେରିକାନ୍‌ ଫୁଟବଲ ଆରମ୍ଭ: ଯାଦବପୁର, ଜୟପୁରକୁ ତୃତୀୟ ସ୍ଥାନ

ସର୍ବଭାରତୀୟ ଆନ୍ତଃ ବିଶ୍ୱବିଦ୍ୟାଳୟ ଆମେରିକାନ୍‌ ଫୁଟବଲ ଆରମ୍ଭ: ଯାଦବପୁର, ଜୟପୁରକୁ ତୃତୀୟ ସ୍ଥାନ

ଭୁବନେଶ୍ୱର, ୨୭।୩(କ୍ରୀଡ଼ା ପ୍ରତିନିଧି)-ଆସୋସିଏଶନ ଅଫ୍‌ ଇଣ୍ଡିଆନ ୟୁନିଭର୍ସିଟିଜ୍‌ (ଏଆଇୟୁ) ସହଯୋଗରେ କିଟ୍‌ ବିଶ୍ୱବିଦ୍ୟାଳୟ ଆନୁକୂଲ୍ୟରେ ଚାଲିଥିବା ସର୍ବଭାରତୀୟ ଆନ୍ତଃ ବିଶ୍ୱବିଦ୍ୟାଳୟ ଆମେରିକାନ୍‌ ଫୁଟବଲ (ପୁରୁଷ) ଟୁର୍ନାମେଣ୍ଟର ତୃତୀୟ ଦିବସରେ ସେମିଫାଇନାଲ ଓ ତୃତୀୟ ସ୍ଥାନ ପାଇଁ ମ୍ୟାଚ ଅନୁଷ୍ଠିତ ହୋଇ ଯାଇଛି।

ସୁଲତାନ ଆଜଲାନଶାହ କପ୍‌ ହକି: ମାଲେସିଆକୁ ହରାଇଲା ଭାରତ

ସୁଲତାନ ଆଜଲାନଶାହ କପ୍‌ ହକି: ମାଲେସିଆକୁ ହରାଇଲା ଭାରତ

ଇପୋ (ମାଲେସିଆ), ୨୭।୩- ସୁଲତାନ ଆଜଲାନଶାହ କପ୍‌ ହକି ଟୁର୍ନାମେଣ୍ଟର ମଙ୍ଗଳବାର ଅନୁଷ୍ଠିତ ଲିଗ୍‌ ମ୍ୟାଚରେ ଭାରତ ୪-୨ ଗୋଲରେ ବିପଜ୍ଜନକ ପ୍ରତିଦ୍ୱନ୍ଦ୍ୱୀ ମାଲେସିଆକୁ ପରାସ୍ତ କରିଛି। 

କର୍ନାଟକଠାରୁ ହାରିଲା ଓଡ଼ିଶା

କର୍ନାଟକଠାରୁ ହାରିଲା ଓଡ଼ିଶା

କଟକ ଅଫିସ,୨୭ା୩-ସୁରଟର ସି.ବି. ପଟେଲ ଗ୍ରାଉଣ୍ଡରେ ମଙ୍ଗଳବାର ଖେଳାଯାଇଥିବା ୨୩ ବର୍ଷରୁ କମ୍‌ ମହିଳା ଏକଦିବସୀୟ କ୍ରିକେଟ ଟୁର୍ନାମେଣ୍ଟର ଏକ ମ୍ୟାଚ୍‌ରେ ଓଡ଼ିଶା ୩୩ ରନରେ କର୍ନାଟକ ଠାରୁ ପରାସ୍ତ ହୋଇଛି।

ପିଲାଦିନର କୋଚ୍‌ଙ୍କୁ ଛାଡ଼ିଲେ ମନିକା

ପିଲାଦିନର କୋଚ୍‌ଙ୍କୁ ଛାଡ଼ିଲେ ମନିକା

ନୂଆଦିଲ୍ଲୀ, ୨୭ା୩ (ପି.ଟି.)- ଭାରତର ଅଗ୍ରଣୀ ଟେବୁଲ ଟେନିସ୍‌ ଖେଳାଳି ମନିକା ବାତ୍ରା ତାଙ୍କ ପିଲାଦିନର କୋଚ୍‌ ଦିଲ୍ଲୀର  ସନ୍ଦୀପ ଗୁପ୍ତାଙ୍କ ସହ ସମ୍ପର୍କ ଛିନ୍ନ କରିଛନ୍ତି। ଏଣିକି ସେ ପୁଣେଠାରେ ସନମୟ ପରଞ୍ଜପେଙ୍କ ଅଧୀନରେ ତାଲିମ ନେବେ। 

ଆଇପିଏଲ୍‌-୧୨: ଦ୍ୱିତୀୟ ବିଜୟ ଲକ୍ଷ୍ୟରେ କୋଲକାତା

ଆଇପିଏଲ୍‌-୧୨: ଦ୍ୱିତୀୟ ବିଜୟ ଲକ୍ଷ୍ୟରେ କୋଲକାତା

କୋଲକାତା,୨୭।୩ (ପି.ଟି.)- ଚଳିତ ଇଣ୍ଡିଆନ ପ୍ରିମିୟର ଲିଗ୍‌ (ଆଇପିଏଲ୍‌)ର ଷଷ୍ଠ ମ୍ୟାଚ୍‌ରେ ବୁଧବାର ରବୀଚନ୍ଦ୍ରନ ଆଶ୍ୱିନଙ୍କ ନେତୃତ୍ୱାଧୀନ କିଙ୍ଗ୍ସ ଏକାଦଶ ପଞ୍ଜାବ ଓ ଘରୋଇ କୋଲକାତା ନାଇଟ୍‌ ରାଇଡର୍ସ ପରସ୍ପରକୁ ଭେଟିବେ। 

ଆଇପିଏଲ୍‌ ୧୨: ଚେନ୍ନାଇର କ୍ରମାଗତ ଦ୍ୱିତୀୟ ବିଜୟ

ଆଇପିଏଲ୍‌ ୧୨: ଚେନ୍ନାଇର କ୍ରମାଗତ ଦ୍ୱିତୀୟ ବିଜୟ

ନୂଆଦିଲ୍ଲୀ, ୨୬।୩ (ପି.ଟି.)- ଉଦ୍‌ଘାଟନୀ ମ୍ୟାଚ୍‌ରେ ରୟାଲ ଚ୍ୟାଲେଞ୍ଜର୍ସ ବାଙ୍ଗାଲୋରକୁ ପରାସ୍ତ କରି ଅଭିଯାନ ଆରମ୍ଭ କରିଥିବା ମହେନ୍ଦ୍ର ସିଂ ଧୋନୀଙ୍କ ନେତୃତ୍ୱାଧୀନ ଚେନ୍ନାଇ ସୁପର କିଙ୍ଗ୍ସ ତା’ର ଦ୍ୱିତୀୟ ମ୍ୟାଚ୍‌ରେ ୨ଟି ବଲ ବାକି ଥାଇ ୬ ଉଇକେଟରେ ଦିଲ୍ଲୀ କ୍ୟାପିଟାଲ୍ସକୁ ପରାସ୍ତ କରିଛି। ସ୍ଥାନୀୟ ଫିରୋଜ ଶାହ କୋଟଲା ଗ୍ରାଉଣ୍ଡରେ ମଙ୍ଗଳବାର ଖେଳାଯାଇଥିବା ଚଳିତ ଇଣ୍ଡିଆନ ପ୍ରିମିୟର ଲିଗ୍‌ (ଆଇପିଏଲ)ର  ପଞ୍ଚମ ମ୍ୟାଚ୍‌ରେ ଦିଲ୍ଲୀ ଟସ୍‌ ଜିତି ପ୍ରଥମେ ବ୍ୟାଟିଂ କରି ୬ ଉଇକେଟ ହରାଇ ୧୪୭ ରନ ସଂଗ୍ରହ କରିଥିଲା। ଜବାବରେ ଚେନ୍ନାଇ୧୯.୪ ଓଭରରେ ୧୫୦ ରନ କରି ସହଜରେ ବିଜୟ ହାସଲ କରି ନେଇଥିଲା। ୪୪ ରନର ଦ୍ରୁତ ପାଳି ଖେଳିଥିବା ଚେନ୍ନାଇ ଅଭିଜ୍ଞ ଓପନର ସେନ୍‌ ଓ୍ବାଟସନ ପ୍ଲେୟାର ଅଫ୍‌ ଦି ମ୍ୟାଚ୍‌ ବିବେଚିତ ହୋଇଛନ୍ତି।

 ପ୍ରାରମ୍ଭିକ ପରାଜୟ ଧାରା ରୋକିବା ଅଶ୍ୱିନୀଙ୍କ ଲକ୍ଷ୍ୟ

ପ୍ରାରମ୍ଭିକ ପରାଜୟ ଧାରା ରୋକିବା ଅଶ୍ୱିନୀଙ୍କ ଲକ୍ଷ୍ୟ

ନୂଆଦିଲ୍ଲୀ, ୨୬ା୩ (ପି.ଟି.)-ଭାରତୀୟ  ବ୍ୟାଡମିଣ୍ଟନ ଡବଲ୍ସ ସ୍ପେଶାଲିଷ୍ଟ ଅଶ୍ୱିନୀ ପୋନ୍ନାପା ନୂଆ ଟ୍ରେନିଂ ବ୍ୟବସ୍ଥାର ଉଚ୍ଚ ପ୍ରଶଂସା କରିଛନ୍ତି। 

ଜୁନିୟର ଡେଭିସ୍‌ କପ୍‌ ଦଳରେ ଅଜୟ

ଜୁନିୟର ଡେଭିସ୍‌ କପ୍‌ ଦଳରେ ଅଜୟ

 
ନୂଆଦିଲ୍ଲୀ,୨୬ା୩ (ପି.ଟି.)-ହରିୟାଣା ରାଜ୍ୟ ଅନ୍ତର୍ଗତ ଗୋହାନା ଗ୍ରାମର ଅଜୟ ମଲିକଙ୍କୁ ଭାରତୀୟ ଜୁନିୟର ଡେଭିସ୍‌ କପ୍‌ ଦଳରେ ସ୍ଥାନ ମିଳିଛି।

କ୍ରିକେଟ୍‌ରେ ମଙ୍କଡିଙ୍ଗ୍‌: ଏହି ବିବାଦୀୟ ରନ୍‌ଆଉଟ୍‌କୁ ନେଇ ନିୟମ

କ୍ରିକେଟ୍‌ରେ ମଙ୍କଡିଙ୍ଗ୍‌: ଏହି ବିବାଦୀୟ ରନ୍‌ଆଉଟ୍‌କୁ ନେଇ ନିୟମ

ନୂଆଦିଲ୍ଲୀ, ୨୬।୩- ଆଇପିଏଲ୍‌ର ଚଳିତ ଦ୍ୱାଦଶ ସଂସ୍କରଣରେ ସୋମବାର କିଙ୍ଗ୍ସ ଇଲେଭେନ ପଞ୍ଜାବ ଓ ରାଜସ୍ଥାନ ରୟାଲ୍ସ ମଧ୍ୟରେ ଅନୁଷ୍ଠିତ ମ୍ୟାଚ୍‌ରେ ଏକ ବିବଦୀୟ ଘଟଣା ଦେଖିବାକୁ ମିଳିଥିଲା। ରାଜସ୍ଥାନ ରୟାଲ୍ସର ଓପନର୍‌ ଜୋସ୍‌ ବଟଲର ‘ମଙ୍କଡିଙ୍ଗ୍‌’ ଆଉଟ୍‌ର ଶିକାର ହୋଇଥିଲେ। 


Model This Week

ରଶ୍ମି
Why Dharitri