ସମ୍ପାଦକୀୟ |

ଘରେ ମହାରାଣୀ, ଜିମ୍‌ରେ ମୂଲିଆଣୀ

ଘରେ ମହାରାଣୀ, ଜିମ୍‌ରେ ମୂଲିଆଣୀ
ଡକ୍ଟର ନିଖିଳାନନ୍ଦ ପାଣିଗ୍ରାହୀ ଟୁନି ! ତୁ ଏତେ ବେଳଯାଏ ଘରକୁ ଯାଇନୁ ? ଆଜି ତୋର ଦୁଇଘଣ୍ଟା ଡେରି ହେଲାଣି...“ ସୁଧାଂଶୁ (ଘରର ମାଲିକ) ପଚାରିଲେ। ଟୁନି ହେଉଛି ଘରର ସାମୟିକ ଚାକରାଣୀ। ସେ ମାଲିକ ଘରେ ରହେନାହିଁ। ତା’ର ଘରକାମ ସାରି ଚାଲିଯାଏ ନିଜ ବସାକୁ। ବାବୁ! ଆଜି କାମ ବହୁତ। ଘରର ଚଟାଣ ସର୍ଫ ପାଣି ପକାଇ ପୋଛାପୋଛି କଲି। ଝରକା-କବାଟ, ଆଲମାରି କୋଣ, ଚେୟାର, ଟେବୁଲ ସବୁ ଜିନିଷପତ୍ରରୁ ଧୂଳି ଝାଡିଲି। ଯେତେସବୁ ଅଳନ୍ଧୁ ଥିଲା ଝାଡ଼ିଲି। ଆହୁରି କାମ ସରିନାହିଁ... ରନ୍ଧା ଘରକୁ ଯାଇନାହିଁ। ମାଛ କାଟିବି। ବଟା ସୋରିଷଦିଆ ବେସର, ପିଠଉ-ଭଜା ... ଏମିତି ଛଅଟା ଆଇଟମ୍‌ ପାଇଁ ମା’ ବରାଦ ଦେଇଯାଇଛନ୍ତି...। ମହାରାଣୀ କାହିଁ ଘରେ ଦିଶୁନାହାନ୍ତି? ସୁଧାଂଶୁ ପତ୍ନୀ (ରମ୍ଭା) ଉପରେ ରାଗିଗଲେ ଏମିତି ‘ମହାରାଣୀ’ ବୋଲି ତାଚ୍ଛଲ୍ୟ କରି ସମ୍ବୋଧନ କରନ୍ତି। ସୁଧାଂଶୁ ଭଲଭାବେ ଜାଣନ୍ତି ଯେ, ତାଙ୍କ ପତ୍ନୀ ପ୍ରତିଦିନ ସେତେବେଳକୁ ଘରେ ତାଲା ପକାଇ ଘଣ୍ଟେ ଦୁଇ ଘଣ୍ଟା ଜିମ୍‌କୁ ଯାଆନ୍ତି ନିୟମିତ ଭାବେ ବ୍ୟାୟାମ କରିବାକୁ। ଏଥିପାଇଁ ସୁଧାଂଶୁଙ୍କୁ ମାସିକ ଅନ୍ତତଃ ତିନି ହଜାର ଟଙ୍କା ଫିସ୍‌ ବାବଦରେ ଗଣିବାକୁ ପଡେ। ପୁଣି ଦଳେ ମାଇପି ସେଠାରେ ବସି କେତେ ସମୟ ଗପସପରେ ସମୟ କଟାଇଥାନ୍ତି। ଅବଶ୍ୟ ଡେରିହେଲେ ସ୍ବାମୀଙ୍କ ବିଶେଷ ଅସୁବିଧା ହୋଇ ନ ଥାଏ। ଡୁପ୍ଲିକେଟ୍‌ ଚାବି ପତିଦେବଙ୍କ ପକେଟ୍‌ରେ ରଖିବାକୁ କେବେ ଭୁଲନ୍ତି ନାହିଁ। ବାବୁ ଅଫିସରୁ ବିରତି ସମୟରେ ଘରେ ଯେତେବେଳେ ମଧ୍ୟାହ୍ନରେ ପହଞ୍ଚନ୍ତି, ରୋଷେଇଶାଳରୁ ଭାତ, ଡାଲି, ତରକାରି ଇତ୍ୟାଦି ନିଜେ ବାଢି ଖାଇଥାନ୍ତି। ନିଜ ମର୍ଯ୍ୟାଦାହାନି ହେବ ବୋଲି ଘୃଣାରେ ଘରେ କୁଟାଟିଏ ଦି’ଖଣ୍ଡ କରି ନ ଥାନ୍ତି। କହନ୍ତି ଏହା ଚାକରାଣୀର କାମ। ଖରା ହେଉ, ବର୍ଷା ହେଉ, ଥଣ୍ଡା ପଡୁ କିମ୍ବା ଝାଞ୍ଜି ପବନ ବୋହୁଥାଉ, ରମ୍ଭା ଦୈନିକ ଜିମ୍‌ରେ ହାଜର ହେବାରେ କୌଣସି ବ୍ୟତିକ୍ରମ କରି ନ ଥାନ୍ତି। ସୁଧାଂଶୁ ରାଗରେ ଗରଗର ହୋଇଥାନ୍ତି ପତ୍ନୀଙ୍କ ଉପରେ। ରମ୍ଭା ଘରର କୌଣସି କାମ ନ କରିବାରୁ ଚାକରାଣୀକୁ ତା’ର ଦାବି ମୁତାବକ କେବଳ ଯଥେଷ୍ଟ ପଇସାପତ୍ର ଦେଇ ନ ଥାନ୍ତି, ତାକୁ ଶାଢି, ସ୍ନୋ, ପାଉଡର, ପୁଣି ବେଳେବେଳେ ଯିବାଆସିବା ଯାନବାହନ ଖର୍ଚ୍ଚ ମଧ୍ୟ ଗଣିଥାନ୍ତି। ଏପଟେ ରମ୍ଭାଙ୍କ ଜିମ୍‌ ଦେୟ କେଉଁ ମାସରେ କେତେ ହୁଏ, ତାହା ଜାଣିବା ସହଜ ନୁହେଁ। ନୂଆ ସରଞ୍ଜାମ, ସ୍ବାସ୍ଥ୍ୟ ବର୍ଦ୍ଧକ, ଏକ୍ସରସାଇଜ୍‌ ଶିଖାଇବା ପାଇଁ ସହର ବାହାରୁ ଆଧୁନିକ ପ୍ରଶିକ୍ଷକ ଯୋଗଦାନ କରିଛନ୍ତି ବୋଲି ଦର୍ଶାଇ ଅତିରିକ୍ତ ଅର୍ଥ ପୈଠ କରିବାକୁ ନେଇଥାନ୍ତି। ସେତେବେଳେ ବାବୁଙ୍କ ପିଣ୍ଡରୁ ପ୍ରାଣ ଛାଡିଯିବା ପରି ଲାଗେ। ଏତାଦୃଶ ଖର୍ଚ୍ଚକୁ ସ୍ବାମୀ ଅନାବଶ୍ୟକ ବୋଲି କହନ୍ତି। ଏଥିପାଇଁ ସ୍ବାମୀ-ସ୍ତ୍ରୀ ମଧ୍ୟରେ ପାଟିତୁଣ୍ଡ, କଳିତକରାଳ ବେଳେବେଳେ ସୀମା ଟପିଥାଏ। ମାତ୍ର ରମ୍ଭାଙ୍କର ହିଁ ବିଜୟ ହୁଏ। ଏମିତି ନିଷ୍ଠାପର ଭାବେ ସ୍ବାସ୍ଥ୍ୟବର୍ଦ୍ଧକ ବ୍ୟାୟାମ ନ କଲେ, ସେ କାଳେ ମୋଟି, ଅସୁନ୍ଦରୀ ହୋଇଯିବେ, ତାଙ୍କୁ ରୋଗ ଗ୍ରାସିବ (ପୁଣି ସୁଧାଂଶୁ ମାଇପ ଗୋଟାଇପାରନ୍ତି ସମ୍ଭାବ୍ୟ ରୋଗଣୀ ସ୍ତ୍ରୀଙ୍କୁ ଛାଡି!) ବୋଲି ନାନା ଡାକ୍ତରୀ ମତ ପ୍ରମାଣ ସହ ଉପସ୍ଥାପନ କରିଥାନ୍ତି। ଚିକିତ୍ସା-ବିଶେଷଜ୍ଞଙ୍କ ଚରମ ସତର୍କବାଣୀ ସମ୍ବନ୍ଧରେ ପତିଦେବଙ୍କୁ ଅବହିତ କରି ସେ ଜିମ୍‌ ଅଭ୍ୟାସ ଦୀର୍ଘଦିନ ଧରି ଚାଲୁ ରଖିଛନ୍ତି। ତେବେ ସୁଧାଂଶୁଙ୍କ ମୁଣ୍ଡବ୍ୟଥାର ମୂଳ କାରଣ ହେଉଛି, ଯାହା କିଛି ଘରର ଅସୁବିଧା ହେଉଛି ସେ ସମ୍ଭାଳି ନେବାକୁ ପଛଘୁଞ୍ଚା ଦେବେନାହିଁ, ମାତ୍ର ଦରମା ଆଣିବା ଦିନ ଏହି ବାବଦରେ ପତ୍ନୀ ଓ ଚାକରାଣୀର ଦେୟ ଦେବାବେଳେ ସେ ନିଅଣ୍ଟିଆ ବଜେଟ ପାଇଁ ଭାରି ଛଟପଟ ହୁଅନ୍ତି। ପ୍ରଶ୍ନ ଉଠୁଛି, ସୁଧାଂଶୁ ଅନାବଶ୍ୟକ ଖର୍ଚ୍ଚ ବୋଲି ଯେମିତି ବିରକ୍ତ ହେଉଛନ୍ତି, ତାହା କ’ଣ ଯଥାର୍ଥ? ସୁଠାମ ସୁକୁମାରୀ ରମ୍ଭା ଜିମ୍‌ରେ ଯେମିତି ମୂଲିଆଣୀ ପରି କଷ୍ଟ କରୁଛନ୍ତି, ତାହା କ’ଣ ଆଧୁନିକ ଚିକିତ୍ସାବିଜ୍ଞାନସମ୍ମତ ନୁହେଁ? ପତି-ପତ୍ନୀ ମଧ୍ୟରେ ଏହି ବିଷୟରେ ଯେମିତି ଉଚ୍ଚବାଚ ଓ ବିଶୃଙ୍ଖଳା (ପାରିବାରିକ ହିଂସା) ଦେଖାଦେଉଛି ଏବଂ ଗୋଟିଏ ସୁନାର ପରିବାରର ସୁଖ, ଶାନ୍ତି ଓ ଆର୍ଥିକ ଅବସ୍ଥା ବିଗିଡିଯାଉଛି, ତାହାର ଭିତ୍ତିଭୂମି ଓ ହେତୁ କେତେଦୂର ଦୃଢ, ଅତ୍ୟାଧୁନିକ ଗବେଷଣାସମ୍ମତ ଏବଂ ସର୍ବୋପରି ଗ୍ରହଣୀୟ? ସେପ୍ଟେମ୍ବର ୨୦୧୭ରେ ପ୍ରସିଦ୍ଧ ମେଡିକାଲ ଜର୍ନାଲ ଲାନ୍‌ସେଟ୍‌ରେ ସେଣ୍ଟ ପଲ୍‌ ହସ୍ପିଟାଲରେ କାର୍ଯ୍ୟରତ ଡାକ୍ତର ସ୍କଟ୍‌ ଲିଅରଙ୍କ ଗୋଟିଏ ଗବେଷଣାସମ୍ଭୂତ ନିବନ୍ଧ ପ୍ରସ୍ପେକ୍‌ଟିଭ ଅର୍ବାନ ରୁରାଲ ଏପିଡେମିଓଲୋଜି (ପ୍ୟୁର) ଶୀର୍ଷକରେ ପ୍ରକାଶିତ ହୋଇଛି। ବିଶ୍ୱର ୧୭ଟି ଭିନ୍ନ ଦେଶ (ତନ୍ମଧ୍ୟରେ ଭାରତର ଚାରୋଟି ରାଜ୍ୟ ମଧ୍ୟ ଅନ୍ତର୍ଭୁକ୍ତ)ର ଲକ୍ଷେ ତିରିଶ ହଜାର ବ୍ୟକ୍ତିଙ୍କ ଉପରେ ଅନୁଧ୍ୟାନ କରାଯାଇଥିଲା। ସେଥିରେ ଦର୍ଶାଯାଇଛି ଯେ, ଜିମ୍‌ର ସଦସ୍ୟତା କିମ୍ବା ଜୁମ୍ବା କ୍ଲାସ୍‌ରେ ଭାଗ ନେବା ଅନାବଶ୍ୟକ। କଲମ୍ବିଆର ନର୍ତ୍ତକ ଓ କୋରିଓଗ୍ରାଫର ଆଲବେର୍ଟୋ ବିଟୋ ପେରେଜ୍‌ ୧୯୯୦ ଦଶକରେ ଏହି ଜୁମ୍ବା କ୍ଲାସ୍‌ ଆରମ୍ଭ କରିଥିଲେ, ଯାହାକି ଭାରତ ସମେତ ଅନେକ ଦେଶର ବଡ ସହରଗୁଡ଼ିକରେ ପ୍ରସିଦ୍ଧି ପାଇଛି। ସେଥିରେ ନୃତ୍ୟ ସହ ଏରୋବିକ୍‌ ଏକ୍ସରସାଇଜ୍‌ (ଅଧିକ ଅମ୍ଳଜାନ ପାଇବାକୁ ବ୍ୟାୟାମ) ଯୋଗ କରାଯାଇଛି। କିନ୍ତୁ ଏମିତି ବ୍ୟୟବହୁଳ କାର୍ଯ୍ୟକ୍ରମକୁ ଏଡାଇ ଏହା ବଦଳରେ ଯଦି ଜଣେ ଘରକାମ ଉତ୍ତମ ଭାବେ କରେ ସେ ସମପରିମାଣରେ ଲାଭବାନ ହେବ। ଯଥା- ଲୁଗା ସଫା କରିବା, ବଗିଚାରୁ ଅନାବନା ଘାସ ଇତ୍ୟାଦି ଉପାଡିବା, ଅଫିସ ବା ଦୋକାନ ବଜାରକୁ ଚାଲି ଚାଲି ଯିବା, ଶିଡି ଚଢିବା ଏବଂ ବିବିଧ କାର୍ଯ୍ୟ ଦୈନିକ ତିରିଶ ମିନିଟ୍‌ କଲେ ମରଣ-ବିପଦ ଶତକଡା ୨୮ ଭାଗ କମିଯିବ, ହୃଦ୍‌ରୋଗ ବିଶେଷ ଭାବେ ଶତକଡା ୨୦ ଭାଗ ହ୍ରାସ ପାଇବ। ମାଡ୍ରାସର ବହୁମୂତ୍ର ରୋଗ ବିଶେଷଜ୍ଞ ଡାକ୍ତର ଆର୍‌.ଏମ୍‌. ଅଞ୍ଜନ ମୁକ୍ତକଣ୍ଠରେ ସ୍ବୀକାର କରିଛନ୍ତି ଯେ, ଆମ ଦେଶରେ ସ୍ବାସ୍ଥ୍ୟରକ୍ଷା ପାଇଁ ଜିମ୍‌କୁ ଉପାଦେୟ ବୋଲି ପରାମର୍ଶ ଦେଇଆସୁଥିଲୁ। ମାତ୍ର ଲାନସେଟ୍‌ର ଏହି ତଥ୍ୟ ଆମ ଭୁଲ୍‌ ଧାରଣା ଦୂର କରିଛି। ପ୍ରକାଶ ଥାଉ କି, ଡାକ୍ତର ଲିଅରଙ୍କ ଦଳ ପୂର୍ବରୁ ମଧ୍ୟ ଏକ ଚାଞ୍ଚଲ୍ୟକର ତଥ୍ୟ ପରିବେଷଣ କରିଥିଲେ। ଅଗଷ୍ଟ ମାସରେ ସେ ଉଲ୍ଲେଖ କରିଥିଲେ ଯେ, କାର୍ବୋହାଇଡ୍ରେଟ୍‌ ଯଦି ସମତୁଲ ଭାବେ ଚର୍ବି ଜାତୀୟ ଖାଦ୍ୟ ସହ ଖିଆଯାଏ ତେବେ ଉଭୟ ସ୍ବାସ୍ଥ୍ୟ ପାଇଁ ଉତ୍ତମ। କୁହାଯାଏ ଯେ, ପାଚିଲା ଫଳ, ସଜ ପରିବା, ଶିମ୍ବ ଜାତୀୟ ଛୁଇଁ ପ୍ରତିଦିନ ଅଳ୍ପ କରି ଛଅରୁ ଆଠଥର ଖାଇବା ହିତକର। କିନ୍ତୁ ଡାକ୍ତର ଲିଅର ଏହି ମତକୁ ଖଣ୍ଡନ କରି ସୂଚାଇଥିଲେ ଯେ ଫ୍ୟାଟ୍‌ ଓ ଶ୍ୱେତସାର ଖାଦ୍ୟ ଠିକ୍‌ ପରିମାଣରେ ଦିନକୁ ଖୁବ୍‌ ବେଶିରେ ତିନିରୁ ଚାରିଥର ଖାଇ ବାରମ୍ବାର ଖାଇବା ଜଞ୍ଜାଳରୁ ଜଣେ ମୁକ୍ତ ହୋଇପାରିବ। ସେ ଯାହାହେଉ, ଜିମ୍‌କୁ ନ ଯାଇ ଧର୍ମପତ୍ନୀ ନିଜେ ଘର କାମ ପୂର୍ବର ମରହଟିଆ ଘରଣୀ ପରି କଲେ ସମ ପରିମାଣରେ ଉତ୍ତମ ସ୍ବାସ୍ଥ୍ୟଲାଭ କରିବା ନେଇ ଡାକ୍ତର ଲିଅରଙ୍କ ମତ ଅବଶ୍ୟ ସୁଧାଂଶୁ ଓ ରମ୍ଭାଙ୍କ ଦାମ୍ପତ୍ୟ ଜୀବନକୁ ସରସ ସୁନ୍ଦର କରିପାରିବ ବୋଲି ଆମେ ଆଶା କରିବା। ଜିମ୍‌ରେ ଅର୍ଥଶ୍ରାଦ୍ଧ କରି ଦୈହିକ ପରିଶ୍ରମ ଯୋଗୁ ଯେତିକି ସ୍ବାସ୍ଥ୍ୟ ଲାଭ ହୋଇଥାଏ, ଘରେ ନିତିଦିନିଆ କାମଦାମ କଲେ ଅନ୍ତତଃ ସେଇ ପରିମାଣରେ ଶାରୀରିକ ସୁସ୍ଥତା ସହ ପରିବାରର ଆର୍ଥିକ ସ୍ଥିତି ମଧ୍ୟ ଉଜ୍ଜ୍ୱଳ ହୋଇଥାଏ। ମୋ:୯୪୩୭୦୨୬୬୫୧
All Right Reserved By

ସମ୍ପାଦକୀୟ |

ସମ୍ପାଦକୀୟ/ ଚୋକ୍‌ସିଙ୍କ ପଥ

ସମ୍ପାଦକୀୟ/ ଚୋକ୍‌ସିଙ୍କ ପଥ

ପଞ୍ଜାବ ନ୍ୟାଶନାଲ ବ୍ୟାଙ୍କ (ପିଏନ୍‌ବି) ସ୍କାମ୍‌ ପ୍ରାୟ ବର୍ଷେ ପୂରଣ କରିବାକୁ ଯାଉଛି। ଇତିମଧ୍ୟରେ ଏହାର ମୁଖ୍ୟ ଅଭିଯୁକ୍ତ ହୀରା ବ୍ୟବସାୟୀ ନୀରବ ମୋଦି ଓ ତାଙ୍କ ମାମୁ ମେହୁଲ ଚୋକ୍‌ସିଙ୍କୁ ଭାରତ ପ୍ରତ୍ୟର୍ପଣ କରାଯାଇପାରିଲା ନାହିଁ। ଚୋକ୍‌ସି ଆଣ୍ଟିଗୁଆ ନାଗରିକତ୍ୱ ଗ୍ରହଣ କରିସାରିଥିବାରୁ ୨୦୧୯ ଜାନୁୟାରୀ ୨୧ରେ ଭାରତୀୟ ପାସ୍‌ପୋର୍ଟ ସମର୍ପଣ କରିଦେଇଛନ୍ତି। ଭାରତୀୟ ବୈଦେଶିକ ନୀତି ଅନୁଯାୟୀ, ଯେତେବେଳେ ଜଣେ ନାଗରିକ ଅନ୍ୟ ଦେଶର ..

ଆଚାରରେ ସକାରାତ୍ମକତା ପ୍ରକାଶର ସୁଯୋଗ

ଆଚାରରେ ସକାରାତ୍ମକତା ପ୍ରକାଶର ସୁଯୋଗ

ତତ୍ତ୍ୱ ଓ ତର୍କ/ ବିମଳ ପ୍ରସାଦ ପାଣ୍ଡିଆ

୨୦୧୯ ବର୍ଷର ଶେଷ ‘ମନ୍‌ କି ବାତ୍‌’ରେ ପ୍ରଧାନମନ୍ତ୍ରୀ ମୋଦି କହିଥିଲେ ଯେ, ନକାରାତ୍ମକତାର ପ୍ରସାର କରିବା ଅତି ସହଜ କିନ୍ତୁ ଲୋକେ ସକାରାତ୍ମକତାର ପ୍ରସାର ପାଇଁ ଆଗେଇ ଆସିବା ଦରକାର। ପ୍ରଧାନମନ୍ତ୍ରୀଙ୍କ ଭଳି ନେତୃସ୍ଥାନୀୟ ବ୍ୟକ୍ତି ଏଭଳି ସକାରାତ୍ମକତାର ବିଚାର ଦେବା ଅନେକ ଆଶା ଉଦ୍ରେକ କରାଏ। ଏହି ନିର୍ବାଚନୀ ଋତୁରେ ପ୍ରଧାନମନ୍ତ୍ରୀ ‘ମନ୍‌ କି ବାତ୍‌’ରେ ରଖିଥିବା ବିଚାରକୁ ନିଜ ଆଚାରରେ ପରିଣତ କରିପାରିଲେ ତାହା ସକାରାତ୍ମକତାର ଉଦାହରଣ ସୃଷ୍ଟିକରିବ। ନିଜ ବିଚାରକୁ ଆଚାରରେ ପରିଣତ କରି ବିରୋଧୀଙ୍କୁ ଟାହିଟାପରା କରିବାର ପ୍ରବୃତ୍ତିରୁ ନିଜକୁ ଦୂରେଇ ବା ବିରୋ..

ସଶସ୍ତ୍ର ମୁକ୍ତି ସଂଗ୍ରାମର ମହାନାୟକ

ସଶସ୍ତ୍ର ମୁକ୍ତି ସଂଗ୍ରାମର ମହାନାୟକ

ଡ. ପ୍ରଫୁଲ୍ଲ କୁମାର ସାହୁ

ଉଚ୍ଚଶିକ୍ଷିତ ଭାରତୀୟଙ୍କ ପକ୍ଷରେ ଯେତେବେଳେ ଆଇସିଏସ୍‌ ଚାକିରି ଥିଲା ଶ୍ରେଷ୍ଠ ସଫଳତା, ସେତେବେଳେ ସୁଭାଷ ବୋଷ ଥିଲେ ପ୍ରଥମ ଭାରତୀୟ, ଯିଏ ଆଇସିଏସ୍‌ ପରୀକ୍ଷାରେ ସଫଳତା ଅର୍ଜନ କରି ମଧ୍ୟ ତାହାକୁ ପାଦରେ ଏଡ଼େଇ ଦେଇ କେମ୍ବ୍ରିଜ୍‌ରୁ ସ୍ବଦେଶ ଫେରି ଆସିଥିଲେ ଦେଶମାତୃକାକୁ ସ୍ବାଧୀନ କରିବାର ଦୃଢ଼ ସଂକଳ୍ପ ନେଇ। ସିଧାସଳଖ ବମ୍ବେରେ ମହାମତ୍ା ଗାନ୍ଧୀଙ୍କୁ ସାକ୍ଷାତ କରି (୨୦ଜୁଲାଇ ୧୯୨୧) ସେ କଂଗ୍ରେସରେ ଯୋଗଦେଲେ ଏବଂ..

ଏଇ ଭାରତରେ

ଏଇ ଭାରତରେ

ଦେଶର ବିଭିନ୍ନ ରାଜ୍ୟରେ ବିବାହକୁ ନେଇ ରହିଛି ଭିନ୍ନ ଭିନ୍ନ ପରମ୍ପରା। ବିବାହ ବେଳେ କନ୍ୟା ଓ ବର ଅଗ୍ନିକୁ ସାକ୍ଷୀ ରଖି ସାରା ଜୀବନ ଲାଗି ସାଥୀ ହୋଇଥାଆନ୍ତି। ତେବେ ରାଜସ୍ଥାନର ଶ୍ରୀମାଲୀ ସମ୍ପ୍ରଦାୟରେ ଏକ ଭିନ୍ନ ପରମ୍ପରା ଦେଖିବାକୁ ମିଳେ। ବିଭାଘର ବେଳେ ବର କନ୍ୟାକୁ କୋଳରେ ଧରି ଅଗ୍ନି ଚାରିପାଖରେ ସାତଥର ପ୍ରଦକ୍ଷିଣ କରିଥାଆନ୍ତି। ପୁରାଣରେ ଉଲ୍ଲେଖ ରହିଛି ପ୍ରଭୁ ଶ୍ରୀକୃଷ୍ଣ ରୁକ୍ମିଣୀଙ୍କୁ ବିବାହ କରିବା ସମୟରେ ବିଘ୍ନ ..

ସମ୍ପାଦକୀୟ/କୃଷି ଆଗ

ସମ୍ପାଦକୀୟ/କୃଷି ଆଗ

ଆଜିର ସ୍ଥିତି ଦେଖିଲେ ୨୦୧୪ରେ କ୍ଷମତାକୁ ଆସିବା ପରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଦେଶବାସୀଙ୍କୁ ଦେଇଥିବା ପ୍ରତିଶ୍ରୁତି ଆଦୌ ପୂରଣ କରିନାହାନ୍ତି। ଉଚ୍ଚାଙ୍ଗ ସ୍ବରରେ ‘ସମସ୍ତଙ୍କୁ ସାଙ୍ଗରେ ନେଇ ବିକାଶ’ କଥା କହୁଥିଲେ ମଧ୍ୟ ତା’ର ଫଳ ଶୂନ ହୋଇଛି। ବିଶେଷକରି ସାମାଜିକ ଓ ଅର୍ଥନୈତିକ ଦିଗରୁ ତାଙ୍କ ଶାସନ ସମୟରେ ଦେଶର ଅଧିକ କ୍ଷତି ଘଟିଛି। ଅସହିଷ୍ଣୁତା, ମିଛିମିଛିକା ଦେଶପ୍ରେମ ଓ ବିଭାଜନ ରାଜନୀତି ସାମାଜିକ ବାତାବରଣକୁ ଘୋର ପ୍ରଭାବିତ କରିଛି। ଏକ ଉତ୍ତମ ଶାସନ ଜରିଆରେ ଭାରତୀୟ ଅର୍ଥନୀତିକୁ ନୂଆ ଦିଗ ଦେଖାଇଦିଆଯିବ ବୋଲି କୁହାଯାଇଥିଲେ ମଧ୍ୟ ତା’ର ସୁଫଳ ଲୋକେ ପାଇପାରିନାହାନ୍ତି। ଏହା ଜଣାଶୁଣା ଯେ, ମୋଦିଙ୍କ ଶାସନ ସମୟରେ କର୍ପୋରେଟ ପ୍ରୀତି ବଢ଼ିଛି..

କ୍ଷୁଧା ଓ କୁପୁଷ୍ଟି: ସୁଶାସନ ହିଁ ସମାଧାନ

କ୍ଷୁଧା ଓ କୁପୁଷ୍ଟି: ସୁଶାସନ ହିଁ ସମାଧାନ

ସହଦେବ ସାହୁ

ଜାତିସଂଘର ଖାଦ୍ୟ ଓ କୃଷି ସଂସ୍ଥା (ଏଫ୍‌ଏଓ) ସହିତ କାର୍ଯ୍ୟ କରୁଥିବା କ୍ଷୁଧା ଓ କୁପୁଷ୍ଟି ବିରୋଧୀ ଅନ୍ତର୍ଜାତୀୟ ସଂଗୋଷ୍ଠୀ (ଇଣ୍ଟରନ୍ୟାଶନାଲ ଆଲାଏନ୍ସ ଏଗେଁଷ୍ଟ ହଙ୍ଗର ଆଣ୍ଡ ମାଲନ୍ୟୁଟ୍ରିଶନ୍‌) କୃଷି କ୍ଷେତ୍ରରେ ଭାରତର ଅଭୂତପୂର୍ବ ବିକାଶକୁ ପ୍ରଶଂସା କରିଛି। ୧୯୫୦-୫୧ରେ ଭାରତରେ ଖାଦ୍ୟଶସ୍ୟ ଉପତ୍ାଦନ ପରିମାଣ ୫ କୋଟି ଟନ୍‌ ଥିବାବେଳେ ୨୦୧୬-୧୭ରେ ୨୭ କୋଟି ୨୦ ଲକ୍ଷ ଟନ୍‌ ହୋଇଛି, ପ୍ରାୟ ୫ଗୁଣ। ଲୋକସଂଖ୍ୟା ବଢ଼ିଛି ୪ ଗୁଣ। ତେଣୁ ଖାଦ୍ୟ-ଅଭାବୀ ପରିସ୍ଥିତିକୁ ପଛରେ ପକାଇ ଭାରତ ଏକ ଖାଦ୍ୟ ରପ୍ତାନିକାରୀ ରାଷ୍ଟ୍ର ହୋଇଗଲାଣି। ତଥାପି ଭାରତରେ କ୍ଷୁଧା ଓ କୁପୁଷ୍ଟି କାରଣରୁ ଏକଚତୁର୍ଥାଂଶ ଲୋକ କାର୍ଯ୍ୟକ୍ଷମ ହୋଇପାରୁ ନାହା..

ଆଜିର ଶିକ୍ଷା ଓ ପ୍ରାଚୀନ ସଂସ୍କୃତି

ଆଜିର ଶିକ୍ଷା ଓ ପ୍ରାଚୀନ ସଂସ୍କୃତି

ବ୍ରହ୍ମାନନ୍ଦ ପଣ୍ଡା

ଆଜିକାଲି ଭାରତୀୟ ଶିକ୍ଷା ବ୍ୟବସ୍ଥାର ଏଭଳି ଅଧୋଗତି ହୋଇଛି ଯେ, ପ୍ରାୟ ୬୦% ମାଧ୍ୟମିକ ଛାତ୍ରୀଛାତ୍ର ଦରଖାସ୍ତଟିଏ ଲେଖିବାକୁ ବା ସାଧାରଣ ହିସାବଟିଏ କରିବାକୁ ଅସମର୍ଥ। ଭାରତର ୭୫% ଯାନ୍ତ୍ରିକ ଓ କାରିଗରି ଶିକ୍ଷାପ୍ରାପ୍ତ ସ୍ନାତକ ଚାକିରି ପାଇବାକୁ ଅଯୋଗ୍ୟ ବୋଲି ନିକଟ ଅତୀତରେ ପ୍ରକାଶ ପାଇଥିବା ତଥ୍ୟ ସାରା ଭାରତରେ ଆଲୋଡ଼ନ ସୃଷ୍ଟି କରିଥିଲା। ଖାଲି ସେତିକି ନୁହେଁ ଛାତ୍ରସମାଜର ଆଜି ନୈତିକ ସ୍ଖଳନ ଘଟିଛି। ଭାରତୀୟ ସଂସ୍କୃତିର ଅବକ୍ଷୟ ହେଉଛି। ମାନବିକ ମୂଲ୍ୟବୋଧ ଲୋପ ପାଉଛି। ଆଜିର ଶିକ୍ଷା ବ୍ୟୟବହୁଳ ଏବଂ ଚାକିରିସର୍ବସ୍ବ ହୋଇଛି। ଜ୍ଞାନ ଓ ଗବେଷଣା ଅର୍ଥସର୍ବସ୍ବ ହୋଇଛି। ସମାଜସେବା ପ୍ରଚାରସର୍ବସ୍ବ ହୋଇଛି। ଯଦି ସ୍ନାତକ ଓ ସ୍ନାତକୋତ୍ତର ଛାତ୍ରୀଛାତ୍ର ପିଅନ ..

ଏଇ ଭାରତରେ

ଏଇ ଭାରତରେ

କାହିଁ କେଉଁ ଆଦିମ କାଳରୁ କୁକୁର ହେଉଛି ମଣିଷର ସାଥୀ। ଏହି ପ୍ରାଣୀ ମଣିଷର ଅତ୍ୟନ୍ତ ବିଶ୍ୱସ୍ତ ଭୃତ୍ୟ ଭାବରେ କାର୍ଯ୍ୟ କରେ। ଏପରି କି ମାଲିକର ଲୁଣ ଖାଇବାରୁ ତା’ର ଗୁଣ ଗାଏ। ମାଲିକର ଜୀବନ ବଞ୍ଚାଇବାକୁ ଯାଇ ଦରକାର ପଡ଼ିଲେ ନିଜ ଜୀବନ ହାରିଦିଏ। ଏପରି ଏକ ଘଟଣା ଘଟିଛି ଜୟପୁରରେ। ରାଜସ୍ଥାନର ଜୟପୁରରେ ବାସ କରୁଥିବା ପୂର୍ବତନ ରଣଜୀ ଖେଳାଳି ସଞ୍ଜୀବ ଓହଲାନ୍‌ଙ୍କ ବାସଭବନରେ ନିଆଁ ଲାଗିଯାଇଥିଲା। ତଳ ମହଲାରେ ତାଙ୍କ ସ୍ତ୍ରୀ, ପୁଅ ଓ ଚାକରକୁ ଉଦ୍ଧାର କରାଯାଇଥିଲେ ମଧ୍ୟ ନିଆଁ ଲାଗିବା ଯୋଗୁ ସଞ୍ଜୀବ..

ମୋଦି: ସବୁଥିରେ ଆଙ୍ଗୁଠି

ମୋଦି: ସବୁଥିରେ ଆଙ୍ଗୁଠି

ସ।ଧାରଣ ନିର୍ବାଚନ ଯେତେ ନିକଟତର ହେଉଛି, ରାଜନୈତିକ ଉଷ୍ମତା ସେତେ ବଢ଼ିବାରେ ଲାଗିଲାଣି। ଜାନୁୟାରୀ ୧୯ରେ କୋଲକାତାରେ  ବିରୋଧୀଙ୍କ ରାଲିର କଳେବର ଦେଖିଲେ ମହାଗଠବନ୍ଧନ ଶକ୍ତିଶାଳୀ ହେଉଥିବା ମନେହେଉଛି। 

ସବୁଜ ପରିବହନ ବ୍ୟବସ୍ଥା

ସବୁଜ ପରିବହନ ବ୍ୟବସ୍ଥା

 ବିଶ୍ୱ ସ୍ବାସ୍ଥ୍ୟ ସଂସ୍ଥାର ଏକ ରିପୋର୍ଟରୁ ଜଣାଯାଏ ଯେ, ଭାରତରେ ଅଧିକାଂଶ ସହର ବାୟୁ ପ୍ରଦୂଷଣ ଦ୍ୱାରା ଆକ୍ରାନ୍ତ। ଏପରି କି ପୃଥିବୀର ସବୁଠାରୁ ଅଧିକ ପନ୍ଦରଟି ସହର ମଧ୍ୟରେ ଭାରତର ଚଉଦଟି ସହର ଅଛି। ସବୁଠାରୁ ପ୍ରଦୂଷିତ ସହର ହେଉଛି କାନପୁର। 

ବାସିପାଣିରେ ପଚରା

ବାସିପାଣିରେ ପଚରା

ହଇରେ ମୋତେ କ’ଣ ଆଉ ବାସିପାଣିରେ ପଚାରୁନୁ? ଚିହ୍ନା ଲୋକଟିଏ, ଆପଣାର ମଣିଷଟିଏ ଆମକୁ ପୂର୍ବାପେକ୍ଷା ହତାଦର କରିବାର ଅନୁଭବ କଲେ ଆମେ ଏ ରୂଢିଟିର ପ୍ରୟୋଗ କରିଥାଉ! ଏଠାରେ ବାସିପାଣିକୁ ନିକୃଷ୍ଟ ଅର୍ଥରେ ବ୍ୟବହାର କରାଯାଇଛି। ନଚେତ୍‌ ଆମେ କହୁଥାନ୍ତେ- ହଇରେ ମୋତେ କ’ଣ ଆଉ ସଜପାଣିରେ ପଚାରୁନୁ? ନଚେତ୍‌ କହିଥାନ୍ତେ- କିରେ ମୋତେ କ’ଣ ଆଉ ମଦପାଣିରେ ପଚାରୁନୁ? ମାନେ ବାସିପାଣିଟି ପଚାରିବା ବା ବନ୍ଧୁ ଚର୍ଚ୍ଚା କରିବା ଯୋଗ୍ୟ ନୁହେଁ।

ଏଇ ଭାରତରେ

ଏଇ ଭାରତରେ

ଭଲ ପାଇବାର ହୃଦୟଟିଏ ଥିଲେ କେତେକ ପୁରୁଷ ଓ ମହିଳା ଅତିକ୍ରାନ୍ତ ବୟସରେ ବି ଭଲପାଇ ବସନ୍ତି। ତେବେ ଭଲ ପାଇବା ପାଇଁ ଜଣେ ବିବାହିତା ମହିଳା ଏକ ଅଭିନବ ପନ୍ଥା ଆପଣାଇଥିଲେ।