ଜୀବନଚର୍ଯ୍ୟା |

ମାଇକ୍ରୋପ୍ଲାଷ୍ଟିକ

ମାଇକ୍ରୋପ୍ଲାଷ୍ଟିକ

ମଣିଷ ମାଛରୁ ମୂଲ୍ୟବାନ ପ୍ରୋଟିନ୍‌ ପାଏ । ସମୁଦ୍ର ଓ ନଦୀ ପାଣି ମାଇକ୍ରୋପ୍ଲାଷ୍ଟିକରେ ପ୍ରଦୂଷିତ ହେବା ଫଳରେ ମାଛ ଦେହରେ ଜମିଥିବା ପ୍ଲାଷ୍ଟିକ ବିଷ ମଣିଷ ଶରୀରକୁ ଯାଇ ବିଭିନ୍ନ ରୋଗ ସୃଷ୍ଟି କରେ। ଜୀବକୋଷ ଭିତରେ ଥିବା ଡିଏନ୍‌ଏକୁ ନଷ୍ଟ କରିଦିଏ। କ୍ୟାନସର ହୁଏ। ଗର୍ଭବତୀ ମହିଳାଙ୍କଠାରୁ ବିକଳାଙ୍ଗ ଶିଶୁ ଜନ୍ମ ହୁଏ। ମାଇକ୍ରୋପ୍ଲାଷ୍ଟିକ ମଇଳା ପାଣି ସଫା କରିବା ଯନ୍ତ୍ରରୁ ରୋଗ ଜୀବାଣୁକୁ ନେଇ ରକ୍ତ ମାଧ୍ୟମରେ ବିଭିନ୍ନ ଅଙ୍ଗରେ ରୋଗ ସୃଷ୍ଟି କରେ।

ମାଇକ୍ରୋପ୍ଲାଷ୍ଟିକ ହେଉଛି ସୁକ୍ଷ୍ମ ପ୍ଲାଷ୍ଟିକ ଗୁଣ୍ଡ, ଯାହା ଆଖିକୁ ଦେଖାଯାଏ ନାହିଁ। ପରିବେଶକୁ ପ୍ରଦୂଷିତ କରେ। ଏହାର ଆକାର ୫ ମିଲିମିଟରରୁ କମ୍‌। ଏହାଦ୍ୱାରା ସାମୁଦ୍ରିକ ଜୀବ ଓ ଜୈବ ପରିବେଶର ଅପୂରଣୀୟ କ୍ଷତି ହେଉଛି। ସମଗ୍ର ବିଶ୍ୱ ନିର୍ମଳ ସାଗର ଅଭିଜାନ ୨୦୨୨ ବର୍ଷ ସୁଦ୍ଧା କାର୍ଯ୍ୟକାରୀ କରିବା ପାଇଁ ସମ୍ମତ ହୋଇଛନ୍ତି। ପ୍ଲାଷ୍ଟିକ ବର୍ଜନ ସଚେତନତା ସୃଷ୍ଟି ହୋଇଛି; କିନ୍ତୁ ମାଇକ୍ରୋପ୍ଲାଷ୍ଟିକ ବିଷୟରେ ଜନସାଧାରଣ ଅନଭିଜ୍ଞ। ବିଶ୍ୱରେ ପ୍ରତିବର୍ଷ ୪୦୦ ମେଟ୍ରିକ ଟନ୍‌ ପ୍ଲାଷ୍ଟିକ ତିଆରି ହେଉଛି। ଏହି ବର୍ଷ ଶେଷ ସୁଦ୍ଧା ଯେତିକି ପରିମାଣର ବ୍ଲିଷ୍ଟର ପ୍ଲାଷ୍ଟିକ ତିଆରି ହେବ ତାହା ପୃଥିବୀର ବିଷୁବରେଖାକୁ ୧୦ ଥର ଗୁଡାଇଦେବ। ଏହା ଜିନିଷ ପରିବହନ ପାଇଁ ପ୍ୟାକିଙ୍ଗରେ ବ୍ୟବହାର ହୁଏ। ଏହି ପଦାର୍ଥ ନଷ୍ଟ ହେବା ପାଇଁ ଏକ ହଜାର ବର୍ଷ ଲାଗିବ। ଏକ ଲକ୍ଷ କୋଟିର ମାଇକ୍ରୋପ୍ଲାଷ୍ଟିକ ସମୁଦ୍ର ମାଛ, ଟ୍ୟାପ ପାଣି ଓ ଖାଇବା ଲୁଣରେ ଥିବାର ପ୍ରମାଣିତ ହୋଇଛି। ଆମେରିକାର ୯୪ ପ୍ରତିଶତ ଟ୍ୟାପ ପାଣିରେ ମାଇକ୍ରୋପ୍ଲାଷ୍ଟିକ ଥିବାର ସନ୍ଧାନ ମିଳିଛି। ବିଶ୍ୱରେ ୨୦୫୦ ସୁଦ୍ଧା ପ୍ଲାଷ୍ଟିକ ତିଆରି ୩ଗୁଣ ବୃଦ୍ଧି ହେବ।

ମାଇକ୍ରୋପ୍ଲାଷ୍ଟିକ ଦ୍ୱାରା ପରିବେଶ ପ୍ରଦୂଷିତ ହେଉଛି। ଏହାର ଉସତ୍ ହେଉଛି ସାର, ନର୍ଦ୍ଦମାର ଆବର୍ଜନା, ଦେହ ଓ ମୁହଁରେ ବ୍ୟବହୃତ କସମେଟିକ, ପଲିଷ୍ଟର-ନାଇଲନ ଏକ୍ରିଲିକର ପୋଷାକ, ଘର ଚଟାଣରେ ବ୍ୟବହୃତ କୃତ୍ରିମ ଗାଲିଚା, ହକି ଓ ଫୁଟବଲ ଖେଳ ପଡିଆରେ ଆବୃତ ଟାୟାର ଗୁଣ୍ଡ, କାର ଓ ଟ୍ରକର ଚକ ଘଷି ହୋଇ ବାହାରୁଥିବା ରବର ମିଶା ଗୁଣ୍ଡ, ପୁରୁଣା ପାଣି ଓ ସୋଢା ବୋତଲ, ପ୍ଲାଷ୍ଟିକ ବାକ୍ସ ଓ ବ୍ୟାଗ, ମାଛ ଧରା ଜାଲ, ଓ କଳ କାରଖାନାର ବର୍ଜ୍ୟବସ୍ତୁ ଇତ୍ୟାଦି। ପ୍ଲାଷ୍ଟିକକୁ ସମୁଦ୍ରରେ ପକାଇବା ଫଳରେ ସାମୁଦ୍ରିକ ଜୀବ ଓ ଶୈବାଳ ନଷ୍ଟ ହୋଇଯାଉଛି। ପ୍ରଶାନ୍ତ ମହାସାଗରରେ ଆବର୍ଜନା ଜମି ପ୍ଲାଷ୍ଟିକ ପାହାଡ଼ ହେଲାଣି। ୧୯୭୦ ମସିହାରେ ବ୍ୟବସାୟିକ ଜାହାଜ ୨୩ ହଜାର ଟନ୍‌ ପ୍ଲାଷ୍ଟିକ ସମୁଦ୍ରରେ ପକାଇଥିଲେ। ଚୀନ୍‌ର କମ୍ପାନୀ ସିନୋପେକ ପାହାଡ ଉଚ୍ଚର ପ୍ଲାଷ୍ଟିକ ସମୁଦ୍ର କୂଳରେ ଜମା କରିଛି।

ପାଣିକୁ ଫିଲଟର କଲେ ଏଥିରେ ଥିବା ମାଇକ୍ରୋପ୍ଲାଷ୍ଟିକ ଅଲଗା ହେବ ନାହିଁ। ଅନେକ ଦେଶରେ ପ୍ଲାଷ୍ଟିକ ମିଶା ନର୍ଦ୍ଦମା ମଳକୁ ମାଟିରେ ସାର କରାଯାଉଛି। ଏଥିରେ ଥିବା ସୂକ୍ଷ୍ମ ପ୍ଲାଷ୍ଟିକ ଖରାରେ ଶୁଖି ବାୟୁରେ ମିଶୁଛି। ଦେହରେ ଲଗାଯାଉ ଥିବା କସମେଟିକର ଶୁଖିଲା ଗୁଣ୍ଡ ମାଇକ୍ରୋପ୍ଲାଷ୍ଟିକ ଆକାରରେ ୬୦୮ ଟ୍ରିଲିୟନ ପ୍ରତିଦିନ ବାୟୁମଣ୍ଡଳରେ ପ୍ରବେଶ କରୁଛି। ଲୁଗା ସଫା ଯନ୍ତ୍ରର ଗୋଟିଏ ଲୋଡରୁ ୧୯୦୦ ସୂକ୍ଷ୍ମ ପ୍ଲାଷ୍ଟିକ ନିଷ୍କାସିତ ପାଣିରେ ନିର୍ଗତ ହେଉଛି। ପ୍ଲାଷ୍ଟିକ ଶିଳ୍ପରେ ପଲିମର ପ୍ରକ୍ରିୟାରେ ଲାଖ ବ୍ୟବହାର ହୁଏ। ଏହାର ରସାୟନ ପାଣିରେ ମିଶେ। ପାଣି ପିଇବା ପ୍ରତି ପ୍ଲାଷ୍ଟିକ ବୋତଲରେ ୩୨୫ ସୂକ୍ଷ୍ମ ପ୍ଲାଷ୍ଟିକ ଅଣୁ ରହିଥାଏ। ଟ୍ୟାପ ପାଣି ତୁଳନାରେ ଏହା ଦୁଇଗୁଣ।

ମଣିଷ ମାଛରୁ ମୂଲ୍ୟବାନ ପ୍ରୋଟିନ୍‌ ପାଏ। ସମୁଦ୍ର ଓ ନଦୀ ପାଣି ମାଇକ୍ରୋପ୍ଲାଷ୍ଟିକରେ ପ୍ରଦୂଷିତ ହେବା ଫଳରେ ମାଛ ଦେହରେ ଜମିଥିବା ପ୍ଲାଷ୍ଟିକ ବିଷ ମଣିଷ ଶରୀରକୁ ଯାଇ ବିଭିନ୍ନ ରୋଗ ସୃଷ୍ଟି କରେ। ଜୀବକୋଷ ଭିତରେ ଥିବା ଡିଏନ୍‌ଏକୁ ନଷ୍ଟ କରିଦିଏ। କ୍ୟାନସର ହୁଏ। ଗର୍ଭବତୀ ମହିଳାଙ୍କଠାରୁ ବିକଳାଙ୍ଗ ଶିଶୁ ଜନ୍ମ ହୁଏ। ମାଇକ୍ରୋପ୍ଲାଷ୍ଟିକ ମଇଳା ପାଣି ସଫା କରିବା ଯନ୍ତ୍ରରୁ ରୋଗ ଜୀବାଣୁକୁ ନେଇ ରକ୍ତ ମାଧ୍ୟମରେ ବିଭିନ୍ନ ଅଙ୍ଗରେ ରୋଗ ସୃଷ୍ଟି କରେ।

ମାଇକ୍ରୋପ୍ଲାଷ୍ଟିକ ମଣିଷ, ପଶୁ ଓ ପକ୍ଷୀ ଦେହରେ ଖାଇବା, ପିଇବା ଓ ନିଃଶ୍ୱାସ ଦ୍ୱାରା ପ୍ରବେଶ କରେ। ଜୀବମାନଙ୍କର ତନ୍ତୁରେ ମିଶି ଯାଏ। ପ୍ଲାଷ୍ଟିକକୁ କଠିନ କରିବା ପାଇଁ ବିପିିଏ ବ୍ୟବହାର ହୁଏ। ଏହାଦ୍ୱାରା ହାର୍ଟ ଆଟାକ, ଡାଇବେଟିସ ଓ ଯକୃତ ରୋଗର ସମ୍ଭାବନା ବୃଦ୍ଧି ହୁଏ। ଆଉ ଗୋଟିଏ ବିଷାକ୍ତ ରସାୟନ ଟି.ବି.ବି.ପି.ଏ. ପ୍ଲାଷ୍ଟିକ ନଜଳିବା ପାଇଁ ବ୍ୟବହାର ହୁଏ। ଏହା ମାଇକ୍ରୋସାରକିଟର ଉପାଦାନ। ଏହା ଶରୀରର ଥାଇରଏଡ  ଓ ପିଟୁଟାରି ହରମୋନକୁ ଅସନ୍ତୁଳନ କରେ। ବନ୍ଧ୍ୟା ଦୋଷ ସୃଷ୍ଟି କରେ। ଖାଇବା ଲୁଣରେ ମାଇକ୍ରୋପ୍ଲାଷ୍ଟିକ ରହିଛି। ସମୁଦ୍ର ଲୁଣରେ ବେଶି। ଚିଙ୍ଗୁଡି, କଙ୍କଡା ଓ ଗେଣ୍ଡାରେ ବହୁତ ମାଇକ୍ରୋପ୍ଲାଷ୍ଟିକ ରହିଥିବାର ପ୍ରମାଣିତ ହୋଇଛି। ଏହି ଖାଦ୍ୟ ନିୟମିତ ଖାଇଲେ ୧୧ହଜାର ପରିମାଣ ସୂକ୍ଷ୍ମ ପ୍ଲାଷ୍ଟିକ ପେଟକୁ ଯିବ। ଖୋଳପା ଥିବା ମାଛ ସେମାନଙ୍କର ଗାଲିସି ଦ୍ୱାରା ବହୁ ପରିମାଣର ପାଣି ଛାଣି ପୁଷ୍ଟିକର ଖାଦ୍ୟ ସଂଗ୍ରହ କରନ୍ତି। ତେଣୁ ପାଣିରେ ଥିବା ମାଇକ୍ରୋପ୍ଲାଷ୍ଟିକ ସେମାନଙ୍କର ତନ୍ତୁରେ ମିଶି ଯାଏ।

ମାଇକ୍ରୋପ୍ଲାଷ୍ଟିକର ବ୍ୟବହାର ପ୍ରତିରୋଧ କରିବା ପାଇଁ କେତେକ ପ୍ରତିଷେଧକ ବ୍ୟବସ୍ଥା ଆବଶ୍ୟକ। ଆମ ଦେଶ ପରି ଗ୍ରୀଷ୍ମମଣ୍ଡଳୀୟ ଦେଶରେ ଦେହରେ ସାବୁନ ଲଗାଇବା ଉଚିତ ନୁହେଁ। ଏଥିରେ ବିଶୋଧକ ସୋଡିୟମ ଲରିଲ ସଲ୍‌ଫେଟ ଥାଏ। ଚର୍ମକୁ ଶୁଖିଲା କରିଦିଏ ଓ କୁଣ୍ଡାଇ ହୁଏ। ବାସ୍ନା ପାଇଁ ପେଟ୍ରୋଲ ଜାତୀୟ ଗାସୋଲିନ ମିଶିଥାଏ। ଏଥିରେ ୪୦୦ ପ୍ରକାର ବିଷାକ୍ତ ରସାୟନ ରହିଛି। ଜୀବାଣୁନାଶକ ପଦାର୍ଥ ଟ୍ରାଇକ୍ଲୋଶାନ ଅନେକ ସାବୁନରେ ଥାଏ। ଏହା ଗୋଟିଏ ପୋକମରା ଔଷଧ। ଆମେରିକାର ଖାଦ୍ୟ ଏବଂ ଔଷଧ ନିୟନ୍ତ୍ରଣ ସଂସ୍ଥା ଏହାର ବ୍ୟବହାର ବାରଣ କରିଛନ୍ତିି। ଚର୍ମରେ ଥିବା ଲୋମକୂପ ଦେଇ ଝାଳ ନିର୍ଗତ ହୁଏ। ଫଳରେ ଚମରୁ ମଇଳା ଧୋଇହୋଇ ଯାଏ ଓ ଆର୍ଦ୍ରତା ବଜାୟ ରହେ। ସାବୁନ ଓ କ୍ରିମ ବ୍ୟବହାର ଫଳରେ ରନ୍ଧ୍ର ବନ୍ଦ ହୋଇଯାଏ। ତେଣୁ କୃତ୍ରିମ ପୋଷାକ ବ୍ୟବହାର ଅନୁଚିତ। ମେଶିନରେ ସଫା କଲେ ଅନେକ ମାଇକ୍ରୋପ୍ଲାଷ୍ଟିକରୁ ବାହାରି ଘର ଭିତର ବାୟୁକୁ ନଷ୍ଟ କରିଦିଏ। ତେଣୁ କପାସୂତା ପୋଷାକ ହାତରେ ଧୋଇ ପିନ୍ଧିବା ଉଚିତ। ମାଟି କ୍ୟାଣ୍ଡଲ ଯୁକ୍ତ ଫିଲଟର ବ୍ୟବହାର କରି ପାଣି ପିଇବା ଆବଶ୍ୟକ। ଏହାର ସରୁ କଣା ବାଟେ ସୂକ୍ଷ୍ମ ପ୍ଲାଷ୍ଟିକ ପ୍ରବେଶ କରିବ ନାହିଁ। ବହୁ ଗଭୀର ନଳକୂପ ପାଣି ନିରାପଦ। ସମୁଦ୍ର ଲୁଣ ପ୍ରତିବଦଳରେ ଖଣିଜ ଲୁଣ ବ୍ୟବହାର କରିବା ଉଚିତ। ସବୁ ପ୍ରକାର କସମେଟିକରେ କ୍ଷତିକାରକ ରସାୟନ ରହିଛି। ତେଣୁ ସେ ସବୁ ବ୍ୟବହାର ଅନୁଚିତ। ପ୍ଲାଷ୍ଟିକ ପାତ୍ରରେ ଗରମ ଖାଦ୍ୟ ରଖିବା ଉଚିତ ନୁହେଁ। ମାଇକ୍ରୋପ୍ଲାଷ୍ଟିକ ସହଜରେ ଖାଦ୍ୟରେ ମିଶେ ଓ ଖାଦ୍ୟକୁ ବିଷାକ୍ତ କରିଦିଏ। 

ପ୍ଲାଷ୍ଟିକ ଓ ମାଇକ୍ରୋପ୍ଲାଷ୍ଟିକ ନିତ୍ୟ ବ୍ୟବହୃତ ସାମଗ୍ରୀରେ ଥିବାର ପ୍ରମାଣ ପାଇଁ ସହଜ ପରୀକ୍ଷା ଅଛି। ଗୋଟିଏ କାଚ ଟେଷ୍ଟଟ୍ୟୁବରେ ପ୍ଲାଷ୍ଟିକ ଗୁଣ୍ଡ ନେଇ ଏସିଟିକ, ଆନହାଇଡ୍ରାଇଡ ଦ୍ରବଣରେ ଦ୍ରବୀଭୂତ କରି ସେଥିରେ ୩-୪ ଟୋପା ସଲଫ୍ୟୁରିକ ଏସିଡରେ ମିଶେଇଲେ ରଙ୍ଗ ନୀଳ କିମ୍ବା ହଳଦିଆ ହୋଇଯାଏ।

ମାଇକ୍ରୋପ୍ଲାଷ୍ଟିକ ନଷ୍ଟ ହେବା ପାଇଁ ଦଶ ହଜାର ବର୍ଷ ଲାଗିବ। ଏକ ଲକ୍ଷ କୋଟିର ମାଇକ୍ରୋପ୍ଲାଷ୍ଟିକ ସମୁଦ୍ର ମାଛ, ଟ୍ୟାପ ପାଣି ଓ ଖାଇବା ଲୁଣରେ ଥିବାର ପ୍ରମାଣ ମିଳୁଛି। ଇଟାଲୀ, ଜାପାନ, ଫିନ୍‌ଲ୍ୟାଣ୍ଡ ଓ ହଲାଣ୍ଡର କେତେକ ବ୍ୟକ୍ତିଙ୍କର ଝାଡ଼ା ପରୀକ୍ଷାରୁ  ମାଇକ୍ରୋପ୍ଲାଷ୍ଟିକର ସନ୍ଧାନ ମିଳୁଛି। ଭିଏନା ମେଡିକାଲ ବିଶ୍ୱବିଦ୍ୟାଳୟର ପେଟ ରୋଗ ବିଶେଷଜ୍ଞ ଫିଲିପ ସ୍ବାବିଙ୍କର ଏହା ହେଉଛି ମତ। ସବୁ ଦେଶ ପ୍ଲାଷ୍ଟିକ ବନ୍ଦ କରିବା ପାଇଁ ପ୍ରତିଶ୍ରୁତିବଦ୍ଧ। କିନ୍ତୁ ମାଇକ୍ରୋପ୍ଲାଷ୍ଟିକ ବିଷୟରେ ଅନେକେ ଅଜଣା। ଏହାର ପ୍ରତିରୋଧ କ’ଣ ସମ୍ଭବ? ଅଦୃଶ୍ୟ ଶତ୍ରୁ ବିପଜ୍ଜନକ। ଅଦୃଶ୍ୟ ସୂକ୍ଷ୍ମ ପ୍ଲାଷ୍ଟିକ ମାରାମତ୍କ। ଆମେ ରାକ୍ଷସ ଏବଂ ଗଭୀର ସମୁଦ୍ର ମଧ୍ୟରୁ କାହାକୁ ଗ୍ରହଣ କରିବା? 

ଡା. ଦ୍ୱିଜେଶ କୁମାର ପଣ୍ଡା

-ବରିଷ୍ଠ ବୈଜ୍ଞାନିକ,

୧୨ ଆଚାର୍ଯ୍ୟ ବିହାର,ଭୁବନେଶ୍ୱର 

ମୋ : ୯୪୩୮୪୭୦୭୭୭

All Right Reserved By

ଜୀବନଚର୍ଯ୍ୟା |

ତ୍ୱଚା ପାଇଁ କଫି

ତ୍ୱଚା ପାଇଁ କଫି

ଉତ୍ତମ ସ୍କ୍ରବ୍‌ର କାମ କରିବା ସହ ସୌନ୍ଦର୍ଯ୍ୟ ବୃଦ୍ଧି କରିଥାଏ କଫି। ଜାଣନ୍ତୁ ସେ ସମ୍ପର୍କରେ କିଛି ଟିପ୍ସ...

ଗର୍ଭାବସ୍ଥାରେ  ଲୁପସ୍‌

ଗର୍ଭାବସ୍ଥାରେ ଲୁପସ୍‌

ଏସ୍‌ଏଲ୍‌ଇ ବା ସିଷ୍ଟମିକ୍‌ ଲୁପସ୍‌ ଏରିଦମେଟୋସସ୍‌ ଏକ ଗୁରୁତର ଅଟୋଇମ୍ୟୁନ୍‌ ରୋଗ, ଯାହାର ଅର୍ଥ ହେଉଛି ଶରୀରରେ ସ୍ବାଭାବିକ ଭାବେ ଥିବା ପଦାର୍ଥର ବିନାଶକ ପ୍ରତିପିଣ୍ଡ ଦ୍ୱାରା ସୃଷ୍ଟରୋଗ। ଏଥିସହ ତା’ ସାଙ୍ଗରେ ଅଟୋ ଆଣ୍ଟିବଡି ମଧ୍ୟ ଥାଏ, ଯାହା ଶରୀରରେ ପ୍ରବେଶ  କରିଥିବା ବିଷଦ୍ରବ୍ୟକୁ  ଧ୍ୱଂସ କରିବା ପାଇଁ  ରକ୍ତରେ ଗଢ଼ିଉଠିଥିବା ବିଷନାଶକ ପୁଷ୍ଟିସାର ହୋଇଥାଏ । 

ସ୍ତନକର୍କଟରୁ ଦୂରେଇ ରହିବା ପାଇଁ ସପ୍ତାହରେ ୨ଥର ଆପଣାନ୍ତୁ ଏହି ସହଜ ଉପାୟ...

ସ୍ତନକର୍କଟରୁ ଦୂରେଇ ରହିବା ପାଇଁ ସପ୍ତାହରେ ୨ଥର ଆପଣାନ୍ତୁ ଏହି ସହଜ ଉପାୟ...

ଏକ ନୂତନ ଅଧ୍ୟୟନରୁ ଜଣାପଡ଼ିଛି ଯେ ମାଛ ସ୍ତନ କର୍କଟ ସମସ୍ୟାର ଦୂର କରିଥାଏ।

ବହୁ ରୋଗରୁ ଦୂରେଇ ରହିବା ପାଇଁ ସକାଳେ ଏଥିରୁ ଖାଆନ୍ତୁ ମୁଠାଏ...

ବହୁ ରୋଗରୁ ଦୂରେଇ ରହିବା ପାଇଁ ସକାଳେ ଏଥିରୁ ଖାଆନ୍ତୁ ମୁଠାଏ...

ଶରୀରରେ ପ୍ରୋଟିନର ଅଭାବ ଦେଖାଦେଲେ ସାମାନ୍ୟ ପରିଶ୍ରମରେ ବି କ୍ଲାନ୍ତି ଲାଗିଥାଏ । ଏପରି କ୍ଷେତ୍ରରେ ସପ୍ଲିମେଣ୍ଟ ଭାବେ ଅନେକ ମେଡିସିନ୍‌ ମାଧ୍ୟମରେ ପ୍ରୋଟିନ୍‌ ନେବା ଆରମ୍ଭ କରିଥାନ୍ତି । 

ଔଷଧ ବ୍ୟବହାର

ଔଷଧ ବ୍ୟବହାର

ଔଷଧ ଖାଇବା ଭୁଲି ହୋଇଗଲେ ପରବର୍ତ୍ତୀ ମାତ୍ରାକୁ ଦୁଇଗୁଣ ବଢ଼େଇ ଦେଇ ବ୍ୟବହାର କରିବେନି। ଔଷଧର ନଁା ଲେଖା ନ ଥିବା ବୋତଲରେ ଔଷଧ ରଖିବେନି। ଡାକ୍ତରଙ୍କୁ ନ ପଚାରି କୌଣସି ବଟିକା ଔଷଧକୁ ଫାଳ କରି କି ଗୁଣ୍ଡକରି ଖାଇବେନି। କାରଣ କେତେକ ବଟିକାକୁ ପୂରା ସେହିପରି ଭାବରେ ଗିଳିପକେଇଲେ ତା’ର ସକ୍ରିୟତା ଅକ୍ଷୂର୍ଣ୍ଣ ରହିଥାଏ। କିନ୍ତୁ ତାକୁ ଫାଳ କରିଦେଲେ କି ଗୁଣ୍ଡ କରିଦେଲେ ଔଷଧର କାର୍ଯ୍ୟକାରିତା ହ୍ରାସ ପାଇଯାଏ।

ଆଖି କ୍ୟାନ୍‌ସରର ସହଜ ଚିକିତ୍ସା

ଆଖି କ୍ୟାନ୍‌ସରର ସହଜ ଚିକିତ୍ସା

ଆଖି କ୍ୟାନ୍‌ସର ରୋଗୀଙ୍କ ପାଇଁ ଖୁସି ଖବର।

ମାଇକ୍ରୋସର୍ଜିକାଲ  ସ୍ପର୍ମ ଆସ୍ପିରେସନ

ମାଇକ୍ରୋସର୍ଜିକାଲ ସ୍ପର୍ମ ଆସ୍ପିରେସନ

ମାଇକ୍ରୋସର୍ଜିକାଲ ସ୍ପର୍ମ ଆସ୍ପିରେଶନ (ଏମ୍‌ଇଏସ୍‌ଏ) ଏକ ସର୍ଜିକାଲ ସ୍ପର୍ମ ନିଃସାରଣ କୌଶଳ, ଯାହାଦ୍ୱାରା ପୁରୁଷମାନଙ୍କ ମଧ୍ୟରେ ଭାସାଲ କିମ୍ବା ଏପିଡିଡିମଲ ପ୍ରତିରୋଧ ସହିତ ଏପିଡାଇଡାମିସରୁ ତରଳୁଥିବା ସ୍ପର୍ମକୁ ପୁନରୁଦ୍ଧାର କରାଯାଇଥାଏ ା 

ଡାଇବେଟିସ୍‌ ଜନିତ ଚକ୍ଷୁରୋଗରୁ ଦୂରେଇ ରହିବା ପାଇଁ ଆପଣାନ୍ତୁ ଏହି ସହଜ ଉପାୟ...

ଡାଇବେଟିସ୍‌ ଜନିତ ଚକ୍ଷୁରୋଗରୁ ଦୂରେଇ ରହିବା ପାଇଁ ଆପଣାନ୍ତୁ ଏହି ସହଜ ଉପାୟ...

ସକାଳୁ ଖାଲି ପେଟରେ ଆମ୍ବପତ୍ର ପାଣି ପିିଇଲେ ଅନେକ ସୁଫଳ ମିଳିଥାଏ। ଏହାଦ୍ୱାରା ରକ୍ତରେ ଶର୍କରା ପରିମାଣ ହ୍ରାସ ପାଏ। 

ୟୁରିନାରୀ ଟ୍ରାକ୍ଟ ସଂକ୍ରମଣରୁ ଦୂରେଇ ରହିବାକୁ ଚାହୁଁଛନ୍ତି; ଆପଣାନ୍ତୁ ଏହି ଉପାୟ...

ୟୁରିନାରୀ ଟ୍ରାକ୍ଟ ସଂକ୍ରମଣରୁ ଦୂରେଇ ରହିବାକୁ ଚାହୁଁଛନ୍ତି; ଆପଣାନ୍ତୁ ଏହି ଉପାୟ...

ୟୁରିନାରୀ ଟ୍ରାକ୍ଟ ଇନଫେକ୍ସନ ବା ୟୁଟିଆଇ ମହିଳାଙ୍କ କ୍ଷେତ୍ରରେ ଦେଖାଦେଉଥିବା ଏକ ସାଧାରଣ ସମସ୍ୟା। ଏଥିରେ ବ୍ୟାକ୍ଟେରିଆ ପରିସ୍ରା ନଳୀ ଦେଇ ବ୍ଲାଡର ପର୍ଯ୍ୟନ୍ତ ପହଞ୍ଚତ୍ ସଂକ୍ରମଣ କରିଥାଏ। 

ମହିଳାମାନେ ଅଧିକ ଚାପଗସ୍ତ ହୋଇଥାନ୍ତି କାହିଁକି...

ମହିଳାମାନେ ଅଧିକ ଚାପଗସ୍ତ ହୋଇଥାନ୍ତି କାହିଁକି...

ମହିଳାମାନେ ପୁରୁଷଙ୍କ ତୁଳନାରେ ଅଧିକ ଚାପଗ୍ରସ୍ତ ହୋଇଥାନ୍ତି ବୋଲି ଟରଣ୍ଟୋ ବିଶ୍ୱବିଦ୍ୟାଳୟରେ ହୋଇଥିବା ଗବେଷଣାରୁ ଜାଣିବାକୁ ମିଳିଛି। 

ତେଲରେ ଭାଜିବା ପରେ ଅଣ୍ଡାର କ’ଣ ହୁଏ...

ତେଲରେ ଭାଜିବା ପରେ ଅଣ୍ଡାର କ’ଣ ହୁଏ...

ଅଣ୍ଡାରେ ରହିଛି ବିଭିନ୍ନ ପୋଷକ ତତ୍ତ୍ୱ। ଏହାକୁ କେହି କେହି ଏହାକୁ ସିଝାଇ ଅବା ଅନ୍ୟ କେହି ଭାଜି ଖାଇବାକୁ ପସନ୍ଦ କରିଥାନ୍ତି। ଅଣ୍ଡାର ବିଭିନ୍ନ ସୁସ୍ବାଦୁ ତରକାରୀ ମଧ୍ୟ ପ୍ରସ୍ତୁତ ହୋଇଥାଏ।

ଚେହେରାରେ ଚମକ ଆଣିବା ପାଇଁ ସପ୍ତାହରେ ଥରେ ଆପଣାନ୍ତୁ ଏହି ସହଜ ଉପାୟ...

ଚେହେରାରେ ଚମକ ଆଣିବା ପାଇଁ ସପ୍ତାହରେ ଥରେ ଆପଣାନ୍ତୁ ଏହି ସହଜ ଉପାୟ...

ମୁଖର ସୌନ୍ଦର୍ଯ୍ୟ ବୃଦ୍ଧି ପାଇଁ ବେସନର ଉପଯୋଗ କଲେ ମିଳିଥାଏ ଅନେକ ସୁଫଳ। ଶୁଷ୍କ ହେଉ କିମ୍ବା ତୈଳାକ୍ତ ସବୁ ତ୍ୱଚା ପାଇଁ ବେସନ ଉପକାରୀ ସାବ୍ୟସ୍ତ ହୋଇଥାଏ ।