ରାଜ୍ୟ | ରାୟଗଡା

ତାଜୁଙ୍ଗିଆ ପଞ୍ଚାୟତବାସୀଙ୍କ ୧୧ ଘଣ୍ଟା ରାସ୍ତାରୋକ

ତାଜୁଙ୍ଗିଆ ପଞ୍ଚାୟତବାସୀଙ୍କ ୧୧ ଘଣ୍ଟା ରାସ୍ତାରୋକ

ଦାରିଙ୍ଗବାଡ଼ି/ବ୍ରାହ୍ମଣୀଗାଁ,୮।୧୧(ଡି.ଏନ.ଏ)- କନ୍ଧମାଳ ଜିଲ୍ଲା ଦାରିଙ୍ଗବାଡ଼ି ବ୍ଳକ ତାଜୁଙ୍ଗିଆ ପଞ୍ଚାୟତବାସୀ ବିଭିନ୍ନ ଦାବି ନେଇ  ପୂର୍ତ୍ତ ବିଭାଗ ରାସ୍ତାର ମହାଗୁଡ଼ିଠାରେ ରାସ୍ତାରୋକ କରିଥିଲେ। ପଞ୍ଚାୟତବାସୀ ଦାରିଙ୍ଗବାଡ଼ି ଭାୟା ବ୍ରାହ୍ମଣୀଗାଁ ଦେଇ ବ୍ରହ୍ମପୁରକୁ ଲମ୍ବିଥିବା ରାସ୍ତାକୁ  ସକାଳ ୫ରୁ ଅପରାହ୍ନ ସାଢ଼େ ୩ ପର୍ଯ୍ୟନ୍ତ ଅବରୋଧ କରିଥିଲେ। ତେବେ ସାଢେ ତିନିଟା ପରେ ରାସ୍ତାରୁ ପଞ୍ଚାୟତବାସୀ ହଟିଥିଲେ ସୁଦ୍ଧା ପୁଣି ଶୁକ୍ରବାର ଭୋର ୫ରୁ ଉକ୍ତ ରାସ୍ତା ଅବରୋଧ କରିବାକୁ ଚେତାବନୀ ଦେଇଛନ୍ତି। ଶୁକ୍ରବାର ଦାରିଙ୍ଗବାଡ଼ିଠାରେ ରାସ୍ତା ଅବରୋଧ ଲାଗି ପ୍ରାୟ ୫ ହଜାର ଲୋକ ଯୋଗଦେବା କାର୍ଯ୍ୟକ୍ରମ ରହିଥିବାରୁ ପ୍ରଶାସନର ଏନେଇ ମୁଣ୍ଡବ୍ୟଥା ବଢି ଯାଇଛି। 

ବନ୍ଦ ହେବା ଖବର ପାଇ  ବ୍ରାହ୍ମଣୀଗାଁ ଥାନା ଅଧିକାରୀ ଜୟଚନ୍ଦ୍ର ମଲ୍ଲିକ,ଦାରିଙ୍ଗବାଡ଼ି ପଞ୍ଚାୟତ ସମିତିର ସହକାରୀ ନିର୍ବାହୀ ଯନ୍ତ୍ରୀ ଅନୁପମା ଗାନିକ, ଆକାଉଣ୍ଟସ ଅଫିସର କ୍ଷେତ୍ରୀବର ଜାନୀ, କନିଷ୍ଠ ଯନ୍ତ୍ରୀ ଅଶୋକ ପଣ୍ଡା ପ୍ରମୁଖ ଘଟଣା ସ୍ଥଳରେ ପହଞ୍ଚି ବିକ୍ଷୋଭକାରୀଙ୍କୁ ବୁଝାସୁଝା କରିଥିଲେ ସୁଦ୍ଧା ପଞ୍ଚାୟତବାସୀ  ଆନ୍ଦୋଳନରୁ ହଟିନଥିଲେ।  ପ୍ରଶାସନର ପ୍ରତିଶ୍ରୁତି ଲିଖିତ ଭାବେ ପୋଲିସ ପକ୍ଷରୁ ଦିଆଯିବ ବୋଲି କହିଥିଲେ ସୁଦ୍ଧା  ତାଜୁଙ୍ଗିଆ ପଞ୍ଚାୟତବାସୀ ପ୍ରଶାସନ ଉପରୁ ଭରସା ତୁଟି ଯାଇଛି ବୋଲି କହିବା ସହ ଏହି ଆନ୍ଦୋଳନ ଅନିର୍ଦ୍ଦିଷ୍ଟ କାଳ ପର୍ଯ୍ୟନ୍ତ ଚାଲିବ ବୋଲି କହିଥିଲେ। ଫଳରେ ବ୍ଳକ କାର୍ଯ୍ୟାଳୟରୁ ଯାଇଥିବା ସହକାରୀ ନିର୍ବାହୀ ଯନ୍ତ୍ରୀଙ୍କ ସମେତ ଅନ୍ୟମାନେ ନିରାଶ ହୋଇ ଫେରିଥିଲେ। 

ପୂର୍ତ୍ତ ବିଭାଗ ରାସ୍ତାର ମହାଗୁଡ଼ିଠାରୁ ତାଜୁଙ୍ଗିଆର କଲିଙ୍ଗି ଦେଇ କିଲିମେରା ପର୍ଯ୍ୟନ୍ତ ପ୍ରାୟ ୧୦ କି.ମି. ରାସ୍ତାକୁ ପ୍ରଧାନ ମନ୍ତ୍ରୀ ଗ୍ରାମ୍ୟ ସଡ଼କ ଯୋଜନାରେ ସବୁଦିନିଆ ପକ୍କା ରାସ୍ତା କରାଯିବା ସହ ଏହା ପଞ୍ଚାୟତ ସମିତି ଅଧିନରେ ରହିଥିବାରୁ ଏହାକୁ ଗ୍ରାମ୍ୟ ଉନ୍ନୟନ ବିଭାଗକୁ ସ୍ଥାନାନ୍ତର କରାଯିବା ଦାବି ନେଇ ପଞ୍ଚାୟତବାସୀ ଅଡି ବସିଥିଲେ। ସେହିପରି ସୋନପୁର ପଞ୍ଚାୟତର ମୁଚୁଡ଼ିପଙ୍କା ଦେଇ ତାଜୁଙ୍ଗିଆ ପର୍ଯ୍ୟନ୍ତ ଗ୍ରାମ୍ୟ ଉନ୍ନୟନ ବିଭାଗ ଦ୍ୱାରା ପ୍ରଧାନ ମନ୍ତ୍ରୀ ଗ୍ରାମ୍ୟ ସଡ଼କ ଯୋଜନାରେ ରାସ୍ତା ନିର୍ମାଣ ଦାବି ରହିଛି। ରାସନ ସାମଗ୍ରୀ ଉକ୍ତ ପଞ୍ଚାୟତର ମହାଗୁଡ଼ିରେ ଦିଆ ନଯାଇ  ପଞ୍ଚାୟତ ହେଡ କ୍ୱାଟରରେ ହିତାଧିକାରୀଙ୍କୁ ପ୍ରଦାନ କରାଯିବା ସହ ଅଞ୍ଚଳରେ ଲାଗି ରହିଥିବା ପାନୀୟ ଜଳ ସମସ୍ୟାକୁ ଦୂର କରିବା ଆଦି ଦାବି ପଞ୍ଚାୟତବାସୀ କରିଛନ୍ତି। ଏହାଛଡା ପଞ୍ଚାୟତକୁ ସବୁଦିନିଆ ସ୍ବାସ୍ଥ୍ୟସେବା ଯୋଗାଇଦେବା ସହ ଅଞ୍ଚଳର ବିକାଶ ପାଇଁ ପଦକ୍ଷେପ ନେବାକୁ ପ୍ରଶାସନ ପ୍ରାଥମିକତା ପ୍ରଦାନ କରିବାକୁ ଦାବି କରିଛନ୍ତି। ଗତ ୭ ବର୍ଷ ତଳୁ ଅନୁଦାନ ଆସିଥିଲେ ସୁଦ୍ଧା ପ୍ରଶାସନ ତାଜୁଙ୍ଗିଆକୁ ଏହି ରାସ୍ତା ନିର୍ମାଣ କରିବାରେ କାହିଁକି ଟାଳଟୁଳ ନୀତି ଅବଲମ୍ବନ କରୁଛି ବୋଲି ଗ୍ରାମବାସୀ ପ୍ରଶ୍ନ କରିଥିଲେ। ଏବେ ଆନ୍ଦୋଳନ କଥା ଶୁଣି ପ୍ରଶାସନ ରାତି ଅଧିଆ ରାସ୍ତା ସଂପ୍ରସାରଣ କରୁଥିବା ବିକ୍ଷୋଭକାରୀମାନେ ଅଭିଯୋଗ କରିଥିଲେ। ତରବରିଆ କରାଯାଉଥିବା କାମ ବି ନିମ୍ନମାନର ବୋଲି ବିକ୍ଷୋଭକରୀ କହିଥିଲେ। ରାସ୍ତାରେ କେବଳ ମାଟି ପକାଇ ନିମ୍ନ ମାନର କାର୍ଯ୍ୟ କରାଯାଉଥିବା ବିକ୍ଷୋଭକାରୀମାନେ ଅଭିଯୋଗ କରିଥିଲେ।

ଶତାଧିକ ଲୋକ ଭୋର ୪ଟାରୁ ତାଜୁଙ୍ଗିଆରୁ ପ୍ରାୟ  ୫ କି.ମି. ଦୂର ଜଙ୍ଗଲ ଘାଟି ରାସ୍ତାରେ ଚାଲି ପୂର୍ତ୍ତବିଭାଗର ମହାଗୁଡ଼ିଠାରେ ପହଞ୍ଚି ଅବରୋଧ କରିଥିବା ତାଜୁଙ୍ଗିଆ ଗ୍ରାମ୍ୟ ଉନ୍ନୟନ ପରିଷଦର ଉପସଭାପତି ଲିଓ ନାୟକ କହିଛନ୍ତି। ଆନ୍ଦୋଳନକାରୀମାନେ ବିକ୍ଷୋଭ ବେଳେ କହିଥିଲେ ଯେ  ଦୀର୍ଘ ୩୪ ବର୍ଷ ହେଲା ପଞ୍ଚାୟତ କାର୍ଯ୍ୟାଳୟ ଗଠନ ହେଲାଣି। ମାତ୍ର ଆଜି ପର୍ଯ୍ୟନ୍ତ ପଞ୍ଚାୟତ ହେଡ କ୍ୱାଟରକୁ ସବୁଦିନିଆ ରାସ୍ତାଟିଏ ନାହିଁ। ପ୍ରାୟ ୪ କି.ମି. ଦୂର ଘାଟି ଚଢ଼ି ପଞ୍ଚାୟତବାସୀଙ୍କୁ ଯିବା ଆସିବା କରିବାକୁ ପଡ଼ୁଛି। ସାଧାରଣ ବଣ୍ଟନ ସାମଗ୍ରୀ ନିଜ ପଞ୍ଚାୟତ ହେଡକ୍ୱାଟରରେ ବଣ୍ଟନ ହେବା ପରିବର୍ତ୍ତେ ଉକ୍ତ ପଞ୍ଚାୟତର ମହାଗୁଡ଼ିଠାରେ ବଣ୍ଟନ କରାଯାଉଛି। ଏସବୁର ମୂଳ କାରଣ ପଞ୍ଚାୟତକୁ ସବୁଦିନିଆ ରାସ୍ତା ନାହିଁ। ସେହିପରି ପକ୍କା ରାସ୍ତା ନଥିବାରୁ ତାଜୁଙ୍ଗିଆଠାରେ ସ୍ବାସ୍ଥ୍ୟକେନ୍ଦ୍ର ନିର୍ମାଣ କରାଯିବା ବଦଳରେ ଉକ୍ତ ପଞ୍ଚାୟତର ସିକରମାହାଠାରେ ଏହା କରାଯାଇଛି। ଏନେଇ ବାରମ୍ବାର ଅଭିଯୋଗ କଲେ ମଧ୍ୟ ରାସ୍ତା ସଂପ୍ରସାରଣ କରାଯାଉନଥିବା ଗ୍ରାମବାସୀ ଅଭିଯୋଗ କରିବା ସହ ରାଜରାସ୍ତାକୁ ଓହ୍ଲାଇଛନ୍ତି। ଏହି ଦାବି ପୂରଣ ନହେବା ଯାଏ ଅନିର୍ଦ୍ଦିଷ୍ଟ କାଳ ପର୍ଯ୍ୟନ୍ତ ଆନ୍ଦୋଳନ ଜାରି ରହିବ ବୋଲି ଉନ୍ନୟନ ପରିଷଦର ସଭାପତି ଦିପ୍ତି ଚନ୍ଦ୍ର ନାୟକ, ଉପସଭାପତି ଲିଓ ନାୟକ ପ୍ରମୁଖ କହିଛନ୍ତି। ତେବେ ବ୍ଳକ ପ୍ରଶାସନ ପକ୍ଷରୁ ଏବେ ରାସ୍ତା ସଂପ୍ରସାରଣ କାର୍ଯ୍ୟ ଆରମ୍ଭ କରାଯାଇଥିବାବେଳେ ଆନ୍ଦୋଳନର ଆବଶ୍ୟକତା ନାହିଁ ବୋଲି ଦାରିଙ୍ଗବାଡ଼ି ବିଡିଓ ତ୍ରିଲୋଚନ ପାତ୍ର କହିଛନ୍ତିି। ଏନେଇ ତାଜୁଙ୍ଗିଆ ଉନ୍ନୟନ ପରିଷଦର ସମ୍ପାଦକ ଚନ୍ଦ୍ର ଶେଖର ନାୟକ, କୋଷାଧ୍ୟକ୍ଷ ସୁଦାମ ହାୱଡ଼ା କହିଛନ୍ତି ଯେ ଏହି ଆନ୍ଦୋଳନକୁ ଦୁର୍ବଳ କରିବାକୁ ପ୍ରଶାସନ  ଅପଚେଷ୍ଟା କରୁଛି ା ଦୀର୍ଘ ଦିନର ଦାବିକୁ ଅଗ୍ରାହ୍ୟ କରି ପ୍ରଶାସନ କାହିଁକି ନିରବ ରହିଥିଲା ? ଏବେ ଅଞ୍ଚଳବାସୀ ଆନ୍ଦୋଳନକୁ ଓହ୍ଲାଇବାରୁ ପ୍ରଶାସନ ତପତ୍ରତା ଦେଖାଉଛି ବୋଲି ସେମାନେ ଅଭିଯୋଗ କରିଛନ୍ତି। ଏହି ଆନ୍ଦୋଳନରେ ଅନ୍ୟମାନଙ୍କ ମଧ୍ୟରେ କାଟିଙ୍ଗିଆ ସମିତିସଭ୍ୟ କରମ ସିଂ ନାୟକ, ତାଜୁଙ୍ଗିଆ ସମିତିସଭ୍ୟା ରୁଦ୍ରା ମଲ୍ଲିକ, ୧୧ ନଂ ଜୋନ ଜିଲ୍ଲା ପରିଷଦ ସଭ୍ୟା ଦୀପିକା ମାଝୀ  ପ୍ରମୁଖ ଯୋଗଦେଇଥିଲେ।

All Right Reserved By

ରାଜ୍ୟ | ରାୟଗଡା

ଶହୀଦ ଯବାନଙ୍କ ଉଦ୍ଦେଶ୍ୟରେ ଦୀପଦାନ

ଶହୀଦ ଯବାନଙ୍କ ଉଦ୍ଦେଶ୍ୟରେ ଦୀପଦାନ

ଭୁବନେଶ୍ୱର,୨୦।୨(ବ୍ୟୁରୋ): ଜମ୍ମୁ-କଶ୍ମୀର ପୁଲଓ୍ବାମାରେ ହୋଇଥିବା   ଆତଙ୍କବାଦୀ ଆକ୍ରମଣରେ ଶହୀଦ ଯବାନଙ୍କ ଅମର ଆତ୍ମାର ସଦ୍‌ଗତି କାମନା ଉଦ୍ଦେଶ୍ୟରେ  ଭୁବନେଶ୍ୱରସ୍ଥିତ ଚାଣକ୍ୟ ପବ୍ଲିକ ସ୍କୁଲ (କ୍ୟାମ୍ପସ୍‌-୧)ଠାରେ ବୁଧବାର ଦୀପଦାନ କାର୍ଯ୍ୟକ୍ରମ ଅନୁଷ୍ଠିତ ହୋଇଯାଇଛି। 

ବିରଞ୍ଜି ନାରାୟଣ ପୀଠରେ ଗୁଣ୍ଡୁଣି ମେଳା

ବିରଞ୍ଜି ନାରାୟଣ ପୀଠରେ ଗୁଣ୍ଡୁଣି ମେଳା

ତିହିଡି,୨୦।୨(ଡି.ଏନ୍‌.ଏ.): ଭଦ୍ରକ ଜିଲା ତିହଡ଼ି ବ୍ଲକ ପାଳିଆବିନ୍ଧା ପଞାୟତ ଅଧୀନ ପାଳିଆ ଗ୍ରାମର ବିରଞ୍ଚି ନାରାୟଣଙ୍କ ପୀଠରେ ବୁଧବାରଠାରୁ ଗୁଣ୍ତୁଣି ମେଳା ଆରମ୍ଭ  ହୋଇଛି। ବିଭିନ୍ନ ଅଞ୍ଚଳରୁ ଶ୍ରଦ୍ଧାଳୁମାନେ ଆସି ଠାକୁରଙ୍କ ଦର୍ଶନ କରିଥିଲେ।

ଘରୋଇ କଳହରୁ ଦେହରେ ନିଆଁ ଲଗାଇଦେଲେ ମହିଳା: ବଞ୍ଚାଇବାକୁ ଯାଇ ସ୍ବାମୀ, ଝିଅ-ପୁଅ ଗୁରୁତର

ଘରୋଇ କଳହରୁ ଦେହରେ ନିଆଁ ଲଗାଇଦେଲେ ମହିଳା: ବଞ୍ଚାଇବାକୁ ଯାଇ ସ୍ବାମୀ, ଝିଅ-ପୁଅ ଗୁରୁତର

ବଲାଙ୍ଗୀର ଅଫିସ, ୨୦।୨- ସୋନପୁର ଜିଲା ତରଭା ନୂଆପଡାଠାରେ ବୁଧବାର ସକାଳେ ଏକ ଅଘଟଣ ଘଟିଛି। ଘରୋଇ କଳହକୁ ନେଇ ଦେହରେ କିରୋସିନି ଲଗାଇ ଦେବାରୁ ଜଣେ ମହିଳା ଗୁରୁତର ହୋଇଛନ୍ତି। ସେ ହେଲେ କୌଶଲ୍ୟା ସେଲ୍‌ମା(୨୫)। ତାଙ୍କ ଶରୀରର ୮୦ଭାଗ ପୋଡ଼ିଯାଇଛି। 

ମାସ ମାସ ଧରି ମଣ୍ଡିରେ ପଡ଼ିରହୁଛି ଧାନ: ପ୍ରତିବାଦରେ ବାଘମାରୀ-କଣ୍ଟିଲୋ ୪୭ ନଂ ରାଜପଥ ଅବରୋଧ

ମାସ ମାସ ଧରି ମଣ୍ଡିରେ ପଡ଼ିରହୁଛି ଧାନ: ପ୍ରତିବାଦରେ ବାଘମାରୀ-କଣ୍ଟିଲୋ ୪୭ ନଂ ରାଜପଥ ଅବରୋଧ

ଖୋର୍ଦ୍ଧା ଅଫିସ,୨୦।୨:  ରାଜ୍ୟ ସରକାରଙ୍କ ପକ୍ଷରୁ ଧାନ ଅଭାବୀ ବିକ୍ରି ବନ୍ଦ କରିବା ନେଇ ମଣ୍ଡି ବ୍ୟବସ୍ଥା କରାଯାଇଛି।  ହେଲେ ଏହି ମଣ୍ଡି ଅବ୍ୟବସ୍ଥା ଚାଷୀଙ୍କ ମୁଣ୍ଡବିନ୍ଧା କାରଣ ପାଲଟିଛି।

ଶହୀଦଙ୍କୁ ଶ୍ରଦ୍ଧାଞ୍ଜଳି, ସଚେତନତା ପାଇଁ ଭଦ୍ରକରୁ କନ୍ୟାକୁମାରୀ ସାଇକେଲ ଯାତ୍ରା  କରିବେ ଯୁବକ

ଶହୀଦଙ୍କୁ ଶ୍ରଦ୍ଧାଞ୍ଜଳି, ସଚେତନତା ପାଇଁ ଭଦ୍ରକରୁ କନ୍ୟାକୁମାରୀ ସାଇକେଲ ଯାତ୍ରା କରିବେ ଯୁବକ

ଭଦ୍ରକ ଅଫିସ,୨୦।୨:   ଶହୀଦଙ୍କୁ ଶ୍ରଦ୍ଧାଞ୍ଜଳି, ତମାଖୁ ବର୍ଜନ, ତୈଳ  ଅପବ୍ୟୟ ରୋକିବା ଓ ବୃକ୍ଷ ରୋପଣ  ଭଳି ସଚେତନତା ସୃଷ୍ଟି ପାଇଁ ବୁଧବାର ସାଇକେଲ ଯୋଗେ କନ୍ୟାକୁମାରୀ ଯାତ୍ରା ଆରମ୍ଭ କରିଛନ୍ତି  ବିଭୂତି ଭୂଷଣ  ପଣ୍ଡା।

ନିମ୍ନମାନର ଖାଦ୍ୟ ଓ ଏଲ୍‌ଇଡି ବଲ୍‌ବ ପ୍ରଦାନର ପ୍ରତିବାଦ: ବଡ଼ସାହି ବ୍ଲକ କାର୍ଯ୍ୟାଳୟ ଘେରାଉ କଲେ ଶତାଧିକ ମହିଳା

ନିମ୍ନମାନର ଖାଦ୍ୟ ଓ ଏଲ୍‌ଇଡି ବଲ୍‌ବ ପ୍ରଦାନର ପ୍ରତିବାଦ: ବଡ଼ସାହି ବ୍ଲକ କାର୍ଯ୍ୟାଳୟ ଘେରାଉ କଲେ ଶତାଧିକ ମହିଳା

ବଡ଼ସାହି,୨୦।୨(ସ୍ବ.ପ୍ର.): ବଡ଼ସାହି ବ୍ଲକ ଅଧୀନ ଶିଆଳୀଘାଟି ପଞ୍ଚାୟତରେ ଅନୁଷ୍ଠିତ ହୋଇଥିବା ପିଠା କାର୍ଯ୍ୟକ୍ରମରେ ନିମ୍ନମାନର ଖାଦ୍ୟ ପରିବେଷଣ ସହିତ ଏଲ୍‌ଇଡି ବଲବ ପ୍ରଦାନରେ ଅନିୟମିତତାକୁ ନେଇ ଶତାଧିକ ମହିଳା ବୁଧବାର ବ୍ଲକ ସମ୍ମୁଖରେ ବିକ୍ଷୋଭ କରିଛନ୍ତି।

ଚୋରା କୋଇଲା ବୋଝେଇ ୪ ଟ୍ରକ୍‌କୁ ଧରିଲା ପୋଲିସ: ୫୫ଟନ୍‌ରୁ ଊର୍ଦ୍ଧ୍ୱ କୋଇଲା ଜବତ, ୪ ଗିରଫ

ଚୋରା କୋଇଲା ବୋଝେଇ ୪ ଟ୍ରକ୍‌କୁ ଧରିଲା ପୋଲିସ: ୫୫ଟନ୍‌ରୁ ଊର୍ଦ୍ଧ୍ୱ କୋଇଲା ଜବତ, ୪ ଗିରଫ

ଛେଣ୍ଡିପଦା,୨୦।୨(ସ୍ବ.ପ୍ର): ଅନୁଗୁଳ ଜିଲା ଛେଣ୍ଡିପଦା ଥାନା ପୋଲିସ ବୁଧବାର ଭୋର ୪ଟାରେ  ସନ୍ତାରାବନ୍ଧରୁ କୋଶଳା- ଜରପଡା ରାସ୍ତା ଦେଇ ଜାତୀୟ ରାଜପଥରେ ବାହାରକୁ ଚାଲାଣ ହେଉଥିବା ୩ ଚୋରା କୋଇଲା ବୋଝେଇ ଟ୍ରକ୍‌କୁ ଜବତ କରିଛି। ଘଟଣାରେ ୨ଜଣଙ୍କୁ ଗିରଫ କରାଯାଇଛି। 

ଅଜଣା ଗାଡ଼ି ଧକ୍କାରେ ଯୁବକଙ୍କ ମୃତ୍ୟୁ, ଉତ୍ତେଜନା

ଅଜଣା ଗାଡ଼ି ଧକ୍କାରେ ଯୁବକଙ୍କ ମୃତ୍ୟୁ, ଉତ୍ତେଜନା

ବଡ଼ସାହି,୨୦।୨(ସ୍ବ.ପ୍ର.): ବଡ଼ସାହି ଥାନା ଅଧୀନ ବାରିପଦା-ଉଦଳା ରାସ୍ତାର ବାଲିଯୋଡ଼ାଠାରେ ଅଜଣା ଗାଡ଼ି ଧକ୍କାରେ ଜଣେ ଯୁବକଙ୍କ ମୃତ୍ୟୁ ଘଟିଛି। ସେ ହେଲେ ତାଳନ୍ଦ ଗ୍ରାମର ସତ୍ୟବାନ ନାୟକ। 

ଘନ କୁହୁଡ଼ି ଯୋଗୁ ଘର ଉପରେ ମାଡ଼ିଗଲା ଟ୍ରକ: ଡ୍ରାଇଭର, ହେଲ୍‌ପର ଗୁରୁତର

ଘନ କୁହୁଡ଼ି ଯୋଗୁ ଘର ଉପରେ ମାଡ଼ିଗଲା ଟ୍ରକ: ଡ୍ରାଇଭର, ହେଲ୍‌ପର ଗୁରୁତର

ନିଶ୍ଚିନ୍ତକୋଇଲି,୨୦।୨(ସ୍ବ.ପ୍ର.): ଘନ କୁହୁଡ଼ି ଯୋଗୁ ପି.ପି. କଲେଜ ଛକରେ ବୁଧବାର ସକାଳେ ଏକ ଦୁର୍ଘଟଣା ଘଟିଛି। କେନ୍ଦ୍ରାପଡ଼ାରୁ କଟକ ଅଭିମୁଖେ ଦ୍ରୁତ ଗତିରେ ଆସୁଥିବା ଏକ ହାଇଓ୍ବା ଟ୍ରକ୍‌ ଭାରସାମ୍ୟ ହରାଇ ଉକ୍ତ ଛକରେ ଥିବା ଡମ୍ବରୁଧର ସାହୁଙ୍କ ଘର ଉପରକୁ ମାଡ଼ି ଯାଇଥିଲା। 

କାବୁ ହେଲା କଲରାପତରିଆ ବାଘ, କୁକୁଡ଼ା ଖାଇବାକୁ ଆସି ଯନ୍ତାରେ ଫଶିଲା

କାବୁ ହେଲା କଲରାପତରିଆ ବାଘ, କୁକୁଡ଼ା ଖାଇବାକୁ ଆସି ଯନ୍ତାରେ ଫଶିଲା

ଭୁବନେଶ୍ୱର,୨୦।୨(ବ୍ୟୁରୋ): ଦୁଇ ଦିନ ଧରି ଭୁବନେଶ୍ୱରରେ ଆତଙ୍କ ଖେଳାଇଥିବା କଲରାପତରିଆ ବାଘ ଶେଷରେ ଧରାପଡ଼ିଛି। ମଙ୍ଗଳବାର ରାତି ପ୍ରାୟ୨.୩୦ମିନିଟ୍‌ରେ ବାଘଟିକୁ ବିମାନବନ୍ଦର କାର୍ଗୋ ଗେଟ୍‌ ପାଖରୁ ଧରାଯାଇଥିବା ଜଣାପଡ଼ିଛି। ପ୍ରଥମେ ତାକୁ ନନ୍ଦନକାନନ ନିଆଯାଇ ପ୍ରାଥମିକ ଚିକିତ୍ସା କରାଯାଇଥିଲା। ପରେ ତାକୁ ଚନ୍ଦକା ଗୋଡ଼ିବାରି ଜଙ୍ଗଲରେ ଛାଡ଼ି ଦିଆଯାଇଛି।

ବଢ଼ିଲା ତାତି, ମାଲକାନଗିରିରେ ୩୭ ଡିଗ୍ରୀ

ବଢ଼ିଲା ତାତି, ମାଲକାନଗିରିରେ ୩୭ ଡିଗ୍ରୀ

ଭୁବନେଶ୍ୱର, ୨୦।୨(ବ୍ୟୁରୋ)-ରାଜ୍ୟରେ ତାତି ବୃଦ୍ଧି ପାଇଛି। ମଙ୍ଗଳବାର ମାଲକାନଗିରିରେ ସର୍ବୋଚ୍ଚ ତାପମାତ୍ରା ୩୭ ଡିଗ୍ରୀ ସେଲସିୟସ ରେକର୍ଡ କରାଯାଇଛି। ସେହିପରି ୯ଟି ସ୍ଥାନରେ ପାରଦ ୩୩ ଡିଗ୍ରୀ ଉପରେ ରହିଛି। 

କାଳିଆ ସ୍କଲାରଶିପ୍‌ ଓ୍ବେବ୍‌ ପୋର୍ଟାଲ ଉନ୍ମୋଚିତ: ସରକାରୀ ବୈଷୟିକ ଅନୁଷ୍ଠାନରେ ପଢ଼ୁଥିବା ପିଲାଙ୍କ ସମସ୍ତ ଖର୍ଚ୍ଚ ବହନ କରିବେ ସରକାର

କାଳିଆ ସ୍କଲାରଶିପ୍‌ ଓ୍ବେବ୍‌ ପୋର୍ଟାଲ ଉନ୍ମୋଚିତ: ସରକାରୀ ବୈଷୟିକ ଅନୁଷ୍ଠାନରେ ପଢ଼ୁଥିବା ପିଲାଙ୍କ ସମସ୍ତ ଖର୍ଚ୍ଚ ବହନ କରିବେ ସରକାର

ଭୁବନେଶ୍ୱର, ୨୦।୨(ବ୍ୟୁରୋ)- ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ମଙ୍ଗଳବାର ସଚିବାଳୟଠାରେ କାଳିଆ ସ୍କଲାରଶିପ ଯୋଜନାର ଓ୍ବେବ୍‌ ପୋର୍ଟାଲ ଓ ଲୋଗୋ ଉନ୍ମୋଚନ କରିଛନ୍ତି। ଏହି ଅବସରରେ ମୁଖ୍ୟମନ୍ତ୍ରୀ କହିଛନ୍ତି ଯେ ଏହି ଯୋଜନା ଦ୍ୱାରା ଚାଷୀ ପରିବାରର ପିଲମାନେ ଡାକ୍ତର, ଇଞ୍ଜିନିୟର, କୃଷି ବୈଜ୍ଞାନିକ ଏବଂ ବିଭିନ୍ନ ବୈଷୟିକ ଓ ବୃତ୍ତିଗତ ଶିକ୍ଷା ଲାଭ କରିପାରିବେ।