ବାଣିଜ୍ୟ |

ଉର୍ଜିତଙ୍କ ଇସ୍ତଫାକୁ କେନ୍ଦ୍ରର ଭୟ ନାହିଁ

ଉର୍ଜିତଙ୍କ ଇସ୍ତଫାକୁ କେନ୍ଦ୍ରର ଭୟ ନାହିଁ

ନୂଆଦିଲ୍ଲୀ,୭-୧୧: ଭାରତୀୟ ରିଜର୍ଭ ବ୍ୟାଙ୍କ(ଆର୍‌ବିଆଇ) ବୈଠକକୁ ଅସ୍ତ୍ର କରି କେନ୍ଦ୍ର ସରକାର ଗଭର୍ନର ଉର୍ଜିତ ପଟେଲଙ୍କ ଉପରେ ଚାପ ପକାଇବାକୁ ସମସ୍ତ ପ୍ରକାର  ଯୋଜନା ପ୍ରସ୍ତୁତ କରିଛନ୍ତି। ଋଣ ପ୍ରଦାନ ସର୍ତ୍ତକୁ କୋହଳ ସହିତ ବଳକା ଅର୍ଥ ପ୍ରଦାନ କରିବାକୁ ନେଇ କେନ୍ଦ୍ର ସରକାର ନିଜ ଜିଦ୍‌ରେ ଅଟଳ ରହିଛନ୍ତି। ଫଳରେ ରିଜର୍ଭ ବ୍ୟାଙ୍କ ପକ୍ଷରୁ ଆସନ୍ତା ୧୯ ତାରିଖରେ ଆହୂତ ବୋର୍ଡ ବୈଠକ ଶକ୍ତି ପ୍ରଦର୍ଶନର ଏକ କ୍ଷେତ୍ର ହେବାକୁ ଯାଉଛି। ଅର୍ଥ ମନ୍ତ୍ରଣାଳୟର ଜଣେ ବରିଷ୍ଠ ଅଧିକାରୀ ନିଜ ନାମ ଗୋପନ ରଖିବା ସର୍ତ୍ତରେ କହିଛନ୍ତି ଯେ, ସରକାର ତାଙ୍କ ଜିଦ୍‌ ପୂରଣ କରିବାକୁ ବଦ୍ଦ ପରିକର। ରିଜର୍ଭ ବ୍ୟାଙ୍କ ଗଭର୍ନର ଉର୍ଜିତ ପଟେଲ ଏଥିରେ ରାଜି ନ ହେଲେ ସେ ଇସ୍ତଫା ଦେଇପାରନ୍ତି। ସରକାରଙ୍କୁ ଏହାର ଭୟ ନାହିଁ। ଉଲ୍ଲେଖଥାଉ କି, ଆର୍‌ବିଆଇର ସ୍ବାୟତ୍ତତାକୁ କେନ୍ଦ୍ର ସରକାର ସମ୍ମାନ ଦିଅନ୍ତି ବୋଲି ଗତ ସପ୍ତାହରେ ଏକ ବିବୃତି ଜାରି କେନ୍ଦ୍ର ଅର୍ଥ ମନ୍ତ୍ରଣାଳୟ ସାଲିସ୍‌ ପାଇଁ ବାଟ ଦେଖାଇଥିଲେ। କିନ୍ତୁ ଏପର୍ଯ୍ୟନ୍ତ କେନ୍ଦ୍ରୀୟ ବ୍ୟାଙ୍କ ପକ୍ଷରୁ ସରକାରଙ୍କ ଦାବି ପୂରଣ ଲାଗି ସେଭଳି କୌଣସି ପଦକ୍ଷେପ ଘୋଷଣା କରାଯାଇନି। ଫଳରେ ସରକାର ଏବେ ଅସହିଷ୍ଣୁ ହୋଇପଡିଛନ୍ତି। ଆସନ୍ତା ବୋର୍ଡ ବୈଠକରେ ସରକାର ପରୋକ୍ଷରେ ଗଭର୍ନରଙ୍କ ଉପରେ ଚାପ ପକାଇବେ। ଅନ୍ୟ ଜଣେ ଅଧିକାରୀ କହିଛନ୍ତି ଯେ, ବୋର୍ଡର ଅଧିକାଂଶ ନିର୍ଦ୍ଦେଶକ ସରକାରଙ୍କ ପଦକ୍ଷେପକୁ ସମର୍ଥନ କରୁଛନ୍ତି। 

ସେ କହିଛନ୍ତି ଯେ, ଗଭର୍ନର ସରକାରଙ୍କ ପ୍ରାଥମିକତାକୁ ସମ୍ମାନ ଦିଅନ୍ତୁ ଏବଂ ବୋର୍ଡରେ ଏହା ଉପରେ ଆଲୋଚନା କରନ୍ତୁ। ତଦନୁଯାୟୀ କେନ୍ଦ୍ରୀୟ ବ୍ୟାଙ୍କ ନିଷ୍ପତ୍ତି ନିଅନ୍ତୁ। ତେବେ ନିବେଶକ ଏବଂ ବ୍ୟବସାୟୀ ଗୋଷ୍ଠୀ ବିବାଦକୁ ନେଇ ସରକାରଙ୍କୁ ଚେତାଇଛନ୍ତି। ଦେଶର ଏକ ବୃହତ ଆର୍ଥିକ ସହାୟତା ପ୍ରଦାନ କରୁଥିବା କମ୍ପାନୀ ସୁଧ ପରିଶୋଧ କରିପାରୁ ନ ଥିବା ବେଳେ ପଟେଲଙ୍କ ଇସ୍ତଫା ଦୁର୍ବଳ ହୋଇପଡିଥିବା ଅର୍ଥନୀତିକୁ ଅନିଶ୍ଚିତତା  ମଧ୍ୟକୁ ଠେଲି ଦେବ ବୋଲି ସେମାନେ ସତର୍କ କରିଛନ୍ତି। ସରକାରଙ୍କ ଦାବିକୁ ପଟେଲ ଓ ତାଙ୍କ ସହଯୋଗୀମାନେ କ୍ରମାଗତ ଅଣଦେଖା କରିବାକୁ ନେଇ ସରକାର ବିତସ୍ପୃହ ହୋଇପଡିଛନ୍ତି ବୋଲି ଅଧିକାରୀ ଜଣକ ପ୍ରକାଶ କରିଛନ୍ତି। ଅନ୍ୟପକ୍ଷରେ ବୋର୍ଡର ଜଣେ ସଦସ୍ୟ କହିଛନ୍ତି ଯେ, ଦେଶର ଅର୍ଥନୀତିକୁ ରକ୍ଷା କରିବା ଲାଗି ଆବଶ୍ୟକ ପଦକ୍ଷେପ ନିଆଯିବ। ଉର୍ଜିତ ଓ ତାଙ୍କ ଟିମ୍‌ ନିଜର ନିଷ୍ପତ୍ତି ସମ୍ପର୍କରେ ବୋର୍ଡକୁ ବୁଝାଇବା ସହ ଏହାର କାରଣ ଓ ଆବଶ୍ୟକତା ଜଣାଇବାକୁ ବାଧ୍ୟ ହେବେ। ସେମାନଙ୍କୁ ଏଥିପାଇଁ ବାଧ୍ୟ କରାଯିବ ବୋଲି ସେ କହିଛନ୍ତି। 

ତେବେ ଆଇନ ଦୃଷ୍ଟିରୁ ବୋର୍ଡର ମତାମତ ଶୁଣିବାକୁ ଗଭର୍ନର ବାଧ୍ୟ ନୁହନ୍ତି। ପଦକ୍ଷେପ ନେବା ଓ ନୀତି ନିର୍ଦ୍ଧାରଣ କରିବା ପାଇଁ ବୋର୍ଡ ସ୍ବାଧୀନ। ତେବେ କେନ୍ଦ୍ର ସରକାର ଧାରା ୭କୁ ସମ୍ପୂର୍ଣ୍ଣ ରୂପେ ଲାଗୁ କଲେ ପରିସ୍ଥିତି ବଦଳିଯିବ। ଏହି ବୈଠକରେ ଯଦି ସରକାର ନିଜ ଜିଦ୍‌ରେ ଅଟଳ ରହିବେ ତେବେ ସଙ୍କଟ ସୃଷ୍ଟି ହେବାର ଯଥେଷ୍ଟ ସମ୍ଭାବନା ରହିଛି। ସୂଚନାଥାଉ କି, ଏମ୍‌ଏସ୍‌ଏମ୍‌ଇ ସେକ୍ଟରକୁ ଅଧିକ ନଗଦ ଯୋଗାଇ ଦେବାକୁ ନେଇ ଆର୍‌ବିଆଇ ଓ ସରକାର ପୂର୍ବର ବୋର୍ଡ ବୈଠକରେ ମୁହାଁମୁହିଁ ହୋଇଥିଲେ। ଇତିମଧ୍ୟରେ ପ୍ରଧାନମନ୍ତ୍ରୀ ଏମ୍‌ଏସ୍‌ଏମ୍‌ଇଙ୍କ ପାଇଁ ଋଣ ବ୍ୟବସ୍ଥା ଘୋଷଣା କରି କେନ୍ଦ୍ରୀୟ ବ୍ୟାଙ୍କକୁ କୋଣଠେସା କରିସାରିଲେଣି। ଏହାଛଡା ଏନ୍‌ବିଏଫ୍‌ସିଙ୍କ ନଗଦ ସଙ୍କଟ ଦୂର କରିବା ଲାଗି ରିଜର୍ଭ ବ୍ୟାଙ୍କ ଏକ ସ୍ବତନ୍ତ୍ର ପାଣ୍ଠି ଗଠନ କରୁ ବୋଲି ସରକାର ଚାହୁଁଛନ୍ତି। କିନ୍ତୁ କେନ୍ଦ୍ରୀୟ ବ୍ୟାଙ୍କ  ଏଥିରେ ଅମଙ୍ଗ। ଏହାବାଦ୍‌ ରାଷ୍ଟ୍ରାୟତ୍ତ ବ୍ୟାଙ୍କଗୁଡିକ ପାଇଁ ପ୍ରମ୍ପଟ କରେକ୍ସନ ଆକ୍ସନ(ପିସିଏ)କୁ କୋହଳ କରିବା ଲାଗି ସରକାର ଚାହୁଁଛନ୍ତି। ତେବେ ରାଷ୍ଟ୍ରାୟତ୍ତ ବ୍ୟାଙ୍କଗୁଡିକର ଅନାଦାୟ ଋଣ ବ୍ୟବସ୍ଥାରେ ଥିବା ତ୍ରୁଟିକୁ ସଜାଡିବା ଲାଗି ଆର୍‌ବିଆଇ ଅଧିକ କ୍ଷମତା ମାଗି କେନ୍ଦ୍ର ସରକାରଙ୍କୁ ଅସନ୍ତୁଷ୍ଟ କରିଛି। ବିଭିନ୍ନ ସେକ୍ଟରଠାରୁ ଆର୍‌ବିଆଇ ଦୂରେଇ ଯାଇଥିବାରୁ ଅର୍ଥନୀତିର ବାସ୍ତବିକତା କେନ୍ଦ୍ରୀୟ ବ୍ୟାଙ୍କ ଜାଣିପାରୁନି ବୋଲି ସରକାର ଅଭିଯୋଗ କରିଛନ୍ତି। ଏହି କାରଣରୁ ସରକାରଙ୍କୁ ସେକ୍ଟର ଭିତ୍ତିରେ ନିଷ୍ପତ୍ତି ନେବାକୁ ପଡୁଛି। ଯାହା ଆର୍‌ବିଆଇ କରିବା କଥା। ଏହାଛଡା କେନ୍ଦ୍ରର ନିର୍ଦ୍ଦେଶକୁ ଉର୍ଜିତ କ୍ରମାଗତ ଅଣଦେଖା କରୁଥିବାରୁ ସରକାରଙ୍କୁ ଏହା ଉତ୍‌କ୍ଷିପ୍ତ କରିଛି।

All Right Reserved By

ବାଣିଜ୍ୟ |

ସାମ୍‌ସଙ୍ଗର ନୂଆ ଏସ୍‌ଏସ୍‌ଡି ବଜାରରେ

ସାମ୍‌ସଙ୍ଗର ନୂଆ ଏସ୍‌ଏସ୍‌ଡି ବଜାରରେ

ଭୁବନେଶ୍ୱର,୧୯-୧୧: ସାମ୍‌ସଙ୍ଗ ପକ୍ଷରୁ ନୂଆ ସାମ୍‌ସଙ୍ଗ ଡାଟା ସେଣ୍ଟର ସଲିଡ୍‌ ଡ୍ରାଇଭ୍‌ (ଏସ୍‌ଏସ୍‌ଡି) ବଜାରକୁ ଆସିଛି। କ୍ଷୁଦ୍ର ତଥା ମଧ୍ୟମ ଉଦ୍ୟୋଗଗୁଡିକ ଲାଗି ଏହା ବିଶେଷ ଭାବେ ସହାୟକ ହେବ। ଉଚ୍ଚ କ୍ଷମତା ସମ୍ପର୍ନ କମ୍ପ୍ୟୁଟିଂ ସଂରକ୍ଷଣ ନିମନ୍ତେ ଏହା ସକ୍ଷମ ହେବ। ଏହା ତ୍ୱରିତ ତଥା ଉନ୍ନତ ପରଫରମାନ୍ସ ପ୍ରଦାନ କରିବ ବୋଲି କମ୍ପାନି ପକ୍ଷରୁ ସୂଚନା ରହିଛି। 

ଟାଟା କଳିଙ୍ଗ ନଗର ୟୁନିଟର ସମ୍ପ୍ରସାରଣ ଆରମ୍ଭ

ଟାଟା କଳିଙ୍ଗ ନଗର ୟୁନିଟର ସମ୍ପ୍ରସାରଣ ଆରମ୍ଭ

ଭୁବନେଶ୍ୱର,୧୯-୧୧: ଟାଟା ଷ୍ଟିଲ ଯାଜପୁରସ୍ଥିତ କଳିଙ୍ଗ ନଗରରେ ଥିବା ଏହାର ୟୁନିଟ କ୍ଷମତାକୁ ବାର୍ଷିକ ୮ ନିୟୁତ ଟନ କରିବାକୁ ଯୋଜନା ରଖିଛି। ମେକ୍‌ ଇନ୍‌ ଓଡିଶା ୨୦୧୮ ଅବସରରେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ଏହାର ଭିତ୍ତିପ୍ରସ୍ତର ସ୍ଥାପନ କରିଛନ୍ତି। 

ସେବି ନିର୍ଦ୍ଦେଶ ବିରୋଧରେ ପ୍ରତିକ୍ରିୟା ରଖିଲା ସାହାରା

ସେବି ନିର୍ଦ୍ଦେଶ ବିରୋଧରେ ପ୍ରତିକ୍ରିୟା ରଖିଲା ସାହାରା

ନୂଆଦିଲୀ,୧୯-୧୧:  ନିକଟରେ ଭାରତୀୟ ପ୍ରତିଭୂତି ଏବଂ ବିନିମୟ ବୋର୍ଡ (ସେବି) ସାହାରାକୁ ନିବେଶକଙ୍କ ୧୪,୦୦୦ କୋଟି ଟଙ୍କା ୧୫% ସୁଧ ସହ ପ୍ରଦାନ କରିବାକୁ ନିର୍ଦ୍ଦେଶ ଦେଇଥିବା ବେଳେ ଏହାକୁ ନେଇ ଗ୍ରୁପ ପକ୍ଷରୁ ପ୍ରତିକ୍ରିୟା ପ୍ରକାଶ ପାଇଛି। ସେବି ପକ୍ଷରୁ ଦିଆଯାଇଥିବା ନିର୍ଦ୍ଦେଶ ପ୍ରାକୃତିକ ଆଇନ ବିରୋଧି ବୋଲି ଗ୍ରୁପ ପ୍ରକାଶ କରିଛି। ନିଷ୍ପତ୍ତି ନେବା ବେଳେ ସେବି ମାତ୍ର କିଛି ସ୍ଥିତିକୁ ବିଚାର କରି ଏଭଳି ନିର୍ଦ୍ଦେଶ ଦେଇଛି। 

ଶୀତ ଅଧିବେଶନରେ ଆସିବ ଜିଏସ୍‌ଟିର ସିଏଜି ଅଡିଟ୍‌

ଶୀତ ଅଧିବେଶନରେ ଆସିବ ଜିଏସ୍‌ଟିର ସିଏଜି ଅଡିଟ୍‌

ନୂଆଦିଲ୍ଲୀ,୧୯-୧୧: ଆସନ୍ତା ଶୀତ ଅଧିବେଶରେ ସିଏଜିଙ୍କ ଦ୍ୱାରା ହୋଇଥିବା ଜିଏସ୍‌ଟିର ପ୍ରଦର୍ଶନ ଅଡିଟ୍‌ ରିପୋର୍ଟକୁ ସଂସଦରେ ଉପସ୍ଥାପନ କରାଯିବ ବୋଲି ଜଣାପଡିଛି। ଗତବର୍ଷ ଜୁଲାଇ ପହିଲାରେ ଲାଗୁ ହୋଇଥିବା ଜିଏସ୍‌ଟିର ପ୍ରଦର୍ଶନ ସମ୍ପର୍କରେ କମ୍ପଟ୍ରୋଲର ଆଣ୍ଡ ଅଡିଟର ଜେନେରାଲ(ସିଏଜି) ଅଡିଟ୍‌ ଆରମ୍ଭ କରିଛନ୍ତି।

ଫେରିବ ଫ୍ଲେକ୍ସି ଫେୟାର ବ୍ୟବସ୍ଥା;ଆସନ୍ତାବର୍ଷ ମାର୍ଚ୍ଚ ୧୫ରୁ ହେବ ଲାଗୁ

ଫେରିବ ଫ୍ଲେକ୍ସି ଫେୟାର ବ୍ୟବସ୍ଥା;ଆସନ୍ତାବର୍ଷ ମାର୍ଚ୍ଚ ୧୫ରୁ ହେବ ଲାଗୁ

ନୂଆଦିଲ୍ଲୀ,୧୯-୧୧: ଭାରତୀୟ ରେଲଓ୍ବେ ପକ୍ଷରୁ ପ୍ରିମିୟମ ଟ୍ରେନଗୁଡିକ ପାଇଁ ଆସନ୍ତା ବର୍ଷ ମାର୍ଚ୍ଚ ୧୫ରୁ ପୁନର୍ବାର ଫ୍ଲେକ୍ସି ଫେୟାର ବ୍ୟବସ୍ଥା ଲାଗୁ କରାଯିବ। ଏ ସଂକ୍ରାନ୍ତରେ ଅଗ୍ରୀମ ଟିକେଟ ବୁକିଂ ଆରମ୍ଭ ହୋଇଯାଇଛି। ଏଥିପାଇଁ ସଫ୍ଟଓ୍ବେର କାର୍ଯ୍ୟକାରୀ କରାଯାଇଛି। 

ଆର୍‌ବିଆଇର ୯ ଲକ୍ଷ କୋଟି କବ୍ଜା କରିବାକୁ ହେଉଛି ଉଦ୍ୟମ : ଚିଦାମ୍ବରମ

ଆର୍‌ବିଆଇର ୯ ଲକ୍ଷ କୋଟି କବ୍ଜା କରିବାକୁ ହେଉଛି ଉଦ୍ୟମ : ଚିଦାମ୍ବରମ

ନୂଆଦିଲ୍ଲୀ,୧୯-୧୧: ଭାରତୀୟ ରିଜର୍ଭ ବ୍ୟାଙ୍କ (ଆର୍‌ବିଆଇ) ବୋର୍ଡର ଗୁରୁତ୍ୱପୂର୍ଣ୍ଣ ବୈଠକ ପୂର୍ବରୁ ପୂର୍ବତନ ଅର୍ଥ ମନ୍ତ୍ରୀ ପି.ଚିଦାମ୍ବରମ କେନ୍ଦ୍ର ସରକାରଙ୍କ ଉପରେ ବର୍ଷିଛନ୍ତି। ସରକାର କେନ୍ଦ୍ରୀୟ ବ୍ୟାଙ୍କରେ ଗଚ୍ଛିତ ୯ ଲକ୍ଷ କୋଟି ଟଙ୍କାକୁ କବ୍ଜା କରିବାକୁ ଚାହୁଁଛନ୍ତି ବୋଲି ସେ ଅଭିଯୋଗ କରିଛନ୍ତି। 

ବିତ୍ତୀୟ ନିଅଣ୍ଟ ଲକ୍ଷ୍ୟ ଅପରିବର୍ତ୍ତିତ ରଖିବାକୁ ପାନଗାରିୟାଙ୍କ ପରାମର୍ଶ

ବିତ୍ତୀୟ ନିଅଣ୍ଟ ଲକ୍ଷ୍ୟ ଅପରିବର୍ତ୍ତିତ ରଖିବାକୁ ପାନଗାରିୟାଙ୍କ ପରାମର୍ଶ

ନୂଆଦିଲ୍ଲୀ,୧୯-୧୧: କେନ୍ଦ୍ର ସରକାର ୨୦୧୮-୧୯ ଆର୍ଥିକ ବର୍ଷ ଲାଗି ଧାର୍ଯ୍ୟ କରିଥିବା ବିତ୍ତୀୟ ନିଅଣ୍ଟ ଲକ୍ଷ୍ୟକୁ ଅପରିବର୍ତ୍ତିତ ରଖିବା ଉଚିତ ବୋଲି ନୀତି ଆୟୋଗର ପୂର୍ବତନ ଉପାଧ୍ୟକ୍ଷ ଅରବିନ୍ଦ ପାନଗାରିୟା ପରାମର୍ଶ ଦେଇଛନ୍ତି। ସରକାର ଧାର୍ଯ୍ୟ କରିଥିବା ଲକ୍ଷ୍ୟରେ କାଏମ ରହିବା ଆବଶ୍ୟକ ବୋଲି ସେ କହିଛନ୍ତି।

ଆର୍‌ବିଆଇ ବୋର୍ଡ ବୈଠକ ଆଜି; ସରକାର ସମର୍ଥୀତ ସଦସ୍ୟଙ୍କ ଉପରେ ନଜର

ଆର୍‌ବିଆଇ ବୋର୍ଡ ବୈଠକ ଆଜି; ସରକାର ସମର୍ଥୀତ ସଦସ୍ୟଙ୍କ ଉପରେ ନଜର

ନୂଆଦିଲ୍ଲୀ,୧୯-୧୧: କେନ୍ଦ୍ର ସରକାରଙ୍କ ସହ ମତଭେଦ ପଦାକୁ ଆସିବା ପରେ ସୋମବାର ରିଜର୍ଭ ବ୍ୟାଙ୍କର ବହୁଚର୍ଚ୍ଚିତ ବୋର୍ଡ ବୈଠକ ପ୍ରଥମଥର ବସିବାକୁ ଯାଉଛି। ରାଷ୍ଟ୍ରାୟତ୍ତ ବ୍ୟାଙ୍କଗୁଡିକ ପାଇଁ ପ୍ରମ୍ଟ କରେକ୍ଟିଭ ଆକ୍ସନ(ପିସିଏ) ବା ତ୍ୱରିତ୍‌ ସୁଧାର ପଦକ୍ଷେପ, ସୁକ୍ଷ୍ମ,ଲଘୁ ଓ ମଧ୍ୟମ ଉଦ୍ୟୋଗ(ଏମ୍‌ଏସ୍‌ଏମ୍‌ଇ)ଙ୍କୁ ଋଣ ପ୍ରଦାନ ସର୍ତ୍ତକୁ କୋହଳ କରିବା ତଥା ଅଣ ବ୍ୟାଙ୍କିଙ୍ଗ ଆର୍ଥିକ ସଂସ୍ଥା(ଏନ୍‌ବିଏଫ୍‌ସି)ଙ୍କ ନଗଦ ସଙ୍କଟ ଦୂର କରିବା ନେଇ ସରକାର ଓ କେନ୍ଦ୍ରୀୟ ବ୍ୟାଙ୍କ ମଧ୍ୟରେ ମତଭେଦ ସୃଷ୍ଟି ହୋଇଛି।

ପିଏସ୍‌ୟୁରେ ଡାଇରେକ୍ଟର ନିଯୁକ୍ତି; ପିଇଏସ୍‌ବିର ଭୂମିକା ହ୍ରାସ ପାଇଲା

ନୂଆଦିଲ୍ଲୀ,୧୯-୧୧: କେନ୍ଦ୍ର ସରକାର ବିଭିନ୍ନ ମନ୍ତ୍ରଣାଳୟ ଏବଂ ବିଭାଗ ଅଧୀନସ୍ଥ ରାଷ୍ଟ୍ରାୟତ୍ତ ଉଦ୍ୟୋଗ ଗୁଡିକ ନିଜେ ପୂର୍ଣ୍ଣକାଳୀନ ନିର୍ଦ୍ଦେଶକ ଚୟନ କରିପାରିବେ। ଏଥିପାଇଁ ସେମାନଙ୍କୁ କେନ୍ଦ୍ର ସରକାର ସ୍ବାଧୀନତା ଦେଇଛନ୍ତି। 

ସେଣ୍ଟ୍ରାଲ ବ୍ୟାଙ୍କ ଅଫିସର୍ସ ସଂଘର ଦ୍ୱିବାର୍ଷିକ ସମ୍ମିଳନୀ;ବିକାଶରେ ସହଭାଗୀ ହୁଅନ୍ତୁ ବ୍ୟାଙ୍କ

ଭୁବନେଶ୍ୱର,୧୯। ୧୧:ରାଷ୍ଟ୍ରାୟତ୍ତ ବ୍ୟାଙ୍କଗୁଡିକ ରାଜ୍ୟର ବିକାଶରେ ସହଭାଗୀ ହେବାକୁ ଅର୍ଥମନ୍ତ୍ରୀ ଶଶୀ ଭୂଷଣ ବେହେରା ବ୍ୟାଙ୍କଗୁଡିକୁ ଆହ୍ବାନ ଦେଇଛନ୍ତି। ସେଣ୍ଟ୍ରାଲ ବ୍ୟାଙ୍କ ଅଫ୍‌ ଇଣ୍ଡିଆ ଓଡିଶା ଅଫିସର୍ସ ସଂଘ (ସିବିଓଏ) ଦ୍ୱିବାର୍ଷିକ ସମ୍ମିଳନୀରେ ଯୋଗ ଦେଇ ବେହେରା ବ୍ୟାଙ୍କଗୁଡିକୁ ଏଭଳି ଆହ୍ବାନ ଦେଇଛନ୍ତି।

ପୂର୍ବତଟ ରେଳପଥ କେନ୍ଦ୍ରୀୟ ଚିକିତ୍ସାଳୟରରେ ନୂତନ ବ୍ଲକ ଉଦଘାଟିତ

ଭୁବନେଶ୍ୱର,୧୯।୧୧: ପୂର୍ବତଟ ରେଳପଥ କେନ୍ଦ୍ରୀୟ ଚିକିତ୍ସାଳୟରେ ନୂତନ ବ୍ଲକ ଉଦ୍‌ଘାଟିତ ହୋଇ ଯାଇଛି। ପୂର୍ବତଟ ରେଳପଥର ମହାପ୍ରବନ୍ଧକ ଉମେଶ ସିଂ, ଅତିରିକ୍ତ ମହାପ୍ରବନ୍ଧକ ରାଜିବ ଶର୍ମା, ପ୍ରମୁଖ ଚିକିତ୍ସା ନିର୍ଦ୍ଦେଶକ ଡ.ଶୁକାନ୍ତ କୁମାର ମହାନ୍ତି, ଖୋର୍ଦ୍ଧା ରୋଡ ମଣ୍ଡଳର ପ୍ରବନ୍ଧକ ବ୍ରିଜ ମୋହନ ଅଗ୍ରଓ୍ବାଲ ପ୍ରମୁଖ ଉପସ୍ଥିତ ରହି ଏହି ବ୍ଲକକୁ ଉଦଘାଟନ କରିଛନ୍ତି। 

ଡୁଆଲ୍‌ କ୍ୟାମେରା ଫୋନ୍‌ ବଢୁଛି ଚାହିଦା

ଡୁଆଲ୍‌ କ୍ୟାମେରା ଫୋନ୍‌ ବଢୁଛି ଚାହିଦା

ଦିନକୁ ଦିନ ସ୍ମାର୍ଟଫୋନ୍‌ଗୁଡିକରେ ଆସୁଛି ବିଭିନ୍ନ ଲାଟେଷ୍ଟ ଫିଚର୍‌। ଯାହା ମଧ୍ୟରେ ବର୍ତ୍ତମାନ ଡୁଆଲ୍‌ ବ୍ୟାକ୍‌ କ୍ୟାମେରାର ଚାହିଦା ବଢୁଥିବା ଦେଖିବାକୁ ମିଳୁଛି। ବିଶେଷ କରି ଫଟୋଗ୍ରାଫିରେ ରୁଚି ରଖୁଥିବା ହେଉ ଅବା ବିଭିନ୍ନ ଫଟୋ ସୋସିଆଲ୍‌ ମିଡିଆରେ ପୋଷ୍ଟ କରିବା ନିଶା ଥିବା  ଯୁବପିଢିଙ୍କ ଲାଗି  ଏହା ପାଲଟିଛି ପ୍ରଥମ ପସନ୍ଦ...