ରାୟଗଡା

ତଳମୁଣ୍ଡ ଧାନଜମିକୁ ପହଞ୍ଚୁନି କେନାଲ ପାଣି: ଫସଲ ନଷ୍ଟ ହେବା ଆଶଙ୍କାରେ ଚାଷୀ

ଜୟପୁର,୨୭।୧୦(ଡି.ଏନ୍‌.ଏ.)ଧାନଚାଷ ପାଇଁ ଆବଶ୍ୟକ ବର୍ଷା ନଥିବା ଯୋଗଁୁ ଚାଷୀମାନେ କେନାଲ ପାଣି ଉପରେ ନିର୍ଭର କରନ୍ତି। ବିଡ଼ମ୍ବନା ହେଉଛି, କେନାଲରେ ପାଣି ଆସୁଛି, କିନ୍ତୁ ତଳମୁଣ୍ଡକୁ ପହଞ୍ଚୁନାହିଁ। ଫଳରେ ଚାଷୀଙ୍କ ଫସଲ ଉଜୁଡ଼ିଯିବା ଆଶଙ୍କା ସୃଷ୍ଟି ହୋଇଛି। ଏନେଇ ଚାଷୀମାନେ ଜଳସେଚନ ବିଭାଗ ଏବଂ ଜିଲା ପ୍ରଶାସନ ନିକଟରେ ଅଭିଯୋଗ କରିଥିଲେ ସୁଦ୍ଧା କୌଣସି ପଦକ୍ଷେପ ନିଆଯାଇ ନାହିଁ।
କୋଲାବ ବହୁମୁଖୀ ଜଳବିଦ୍ୟୁତ ପ୍ରକଳ୍ପ ମୁଖ୍ୟ ନିର୍ମାଣ ଯନ୍ତ୍ରୀ ପଦବୀ ୪ ମାସ ହେଲାଣି ଖାଲି ପଡିଥିବା ବେଳେ କ୍ଷୁଦ୍ର ଜଳସେଚନ ବିଭାଗର ଅଧୀକ୍ଷଣ ଯନ୍ତ୍ରୀ ଏହି ଦାୟିତ୍ୱରେ ରହିଛନ୍ତି ା ତେଣୁ ଚାଷୀଙ୍କ ଅଭିଯୋଗ ପ୍ରତି ତୁରନ୍ତ କାର୍ଯ୍ୟାନୁଷ୍ଠାନ କିମ୍ବା ନିଷ୍ପତ୍ତି ନେବାରେ ବିଳମ୍ବ ହେଉଛି ବୋଲି ଧନପୁର ପାଣି ପଞ୍ଚାୟତ ସଭାପତି ଅକ୍ଷୟ ମିଶ୍ର ଅଭିଯୋଗ କରିଛନ୍ତି ା ଜୟପୁର ମୁଖ୍ୟ କୋଲାବ ଇରିଗେସନ କେନାଲର ଚାଷ କାର୍ଯ୍ୟ ପାଇଁ ତଳମୁଣ୍ଡରେ ପାଣି ପହଞ୍ଚୁନାହିଁ ା ଧାନ ଫସଲ ପାଚିବା ଅବସ୍ଥାରେ ଥିବାବେଳେ ପାଣି ଅଭାବ ଯୋଗଁୁ ଫସଲ ନଷ୍ଟ ହେବା ନେଇ ଚାଷୀ ଆତଙ୍କିତ ହୋଇପଡ଼ିଛନ୍ତି ା ଅନ୍ୟପକ୍ଷରେ ଅଧିକାଂଶ କେନାଲ ହୁଡା ଦୁର୍ବଳ ହୋଇଯାଇଛି ା ଏହା ଭାଙ୍ଗିଯାଇ ରାସ୍ତାରେ ପାଣି ମାଡୁଛି। କିନ୍ତୁ ତଳମୁଣ୍ଡରେ ଆବଶ୍ୟକ ଥିବା ଧାନଜମିରେ ପହଞ୍ଚତ୍ ପାରୁନାହିଁ ା କୋଲାବ ଇରିଗେସନ ବିଭାଗର କେନାଲ ପାଣି ଉପରେ ଜୟପୁର, ବୋରିଗୁମ୍ମା, କୋଟପାଡ଼ ଏବଂ କୁନ୍ଦୁରା ବ୍ଲକର ପ୍ରାୟ ୩୦ ହଜାରରୁ ଊର୍ଦ୍ଧ୍ୱ ଏକର ଚାଷଜମିର ଚାଷୀ ନିର୍ଭର କରୁଛନ୍ତି ା ଅଥଚ ଜଳ ଭଣ୍ଡାର ପାଣି ରହିଛି, କେନାଲରେ ଯାଉଛି; କିନ୍ତୁ ଏହି ବ୍ଲକର ତଳମୁଣ୍ଡ କୋଟପାଡ଼ ବ୍ଲକ ଗିର୍ଲା, କୁସୁମି, ଢାମଣା ହାଣ୍ଡି, ଆସନା, ବୋରିଗୁମ୍ମା ବ୍ଲକର କାମରା, କୁନ୍ଦୁରାର ଖଟଲାପଦର ଏବଂ ଜୟପୁର ବ୍ଲକର ଘାଟବାଗରା, ସଲପା, ବଡକାଉଡି, ଧନପୁର ପ୍ରଭୃତି ଅଞ୍ଚଳର ପ୍ରାୟ ୧୦ ହଜାର ଏକର ଜମିକୁ ପାଣି ପହଞ୍ଚତ୍ ପାରୁନାହିଁ ା ଫଳରେ ଅନେକ ଅଞ୍ଚଳର ଫସଲ ପାଚିବା ଅବସ୍ଥା ଓ ଅନ୍ୟ କେତେକ ଅଞ୍ଚଳରେ ଫୁଲରୁ ଧାନ ହେବା ଅବସ୍ଥାରେ ଥିବାବେଳେ ତାହା ନଷ୍ଟ ହେବା ଆଶଙ୍କା ରହିଛି। 
All Right Reserved By

ରାୟଗଡା

ଗୁଣପୁର କୋର୍ଟରେ ହାଜର ହେଲେ ସବ୍ୟସାଚୀ

ଗୁଣପୁର କୋର୍ଟରେ ହାଜର ହେଲେ ସବ୍ୟସାଚୀ

ଗୁଣପୁର,୧୮।୧(ଡି.ଏନ.ଏ)-ରାୟଗଡା ଜିଲା ଗୁଣପୁର କୋର୍ଟରେ କଡ଼ା ସୁରକ୍ଷା  ମଧ୍ୟରେ ମାଓବାଦୀ ନେତା ସବ୍ୟସାଚୀ ପଣ୍ଡାଙ୍କୁ ଶୁକ୍ରବାର ହାଜର କରାଯାଇଥିଲା । ଗୁଣପୁର ସହକାରୀ ଦୌରା ଜଜ୍‌ଙ୍କ କୋର୍ଟରେ ତାଙ୍କ ନାମରେ ରହିଥିବା ମାମଲାଗୁଡ଼ିକର ସାକ୍ଷ୍ୟ ଗ୍ରହଣ କରାଯାଇଥିଲା ।

ଯୁବକଙ୍କ ଝୁଲନ୍ତା ମୃତଦେହ ଉଦ୍ଧାର

ଯୁବକଙ୍କ ଝୁଲନ୍ତା ମୃତଦେହ ଉଦ୍ଧାର

ବୈପାରୀଗୁଡ଼ା,୧୮।୧ (ଡି.ଏନ୍‌.ଏ)-ଶୁକ୍ରବାର ବୈପାରୀଗୁଡ଼ା ଗୌଡ଼ସାହି ନିକଟସ୍ଥ ଏକ ଶ୍ମଶାନ ନିକଟରେ ଜଣେ ଯୁବକଙ୍କ ମୃତଦେହ ଏକ ଗଛ ଡାଳରେ ଝୁଲୁଥିବା ଅବସ୍ଥାରେ ଉଦ୍ଧାର କରାଯାଇଛି। 

ବଣ୍ଡା ଜନଜାତି ଲୋକଙ୍କୁ ଭେଟିଲେ ପ୍ରଧାନ ମୁଖ୍ୟ ବନ ସଂରକ୍ଷକ

ବଣ୍ଡା ଜନଜାତି ଲୋକଙ୍କୁ ଭେଟିଲେ ପ୍ରଧାନ ମୁଖ୍ୟ ବନ ସଂରକ୍ଷକ

ଖଇରପୁଟ,୧୮। ୧(ଡି.ଏନ.ଏ.)- ପ୍ରଧାନ ମୁଖ୍ୟ ବନ ସଂରକ୍ଷକ ଦେବବ୍ରତ୍ତ ସ୍ବାଇଁ ମାଲକାନଗିରି ଜିଲାର ଦୁର୍ଗମ ଅଞ୍ଚଳ ବଣ୍ଡାଘାଟି ଗସ୍ତ  କରିଥିଲେ। ସେ ମୁଦୁଲିପଡ଼ା ପଞ୍ଚାୟତ ଯାଇ ମୁଦୁଲିପଡା ଗ୍ରାମ ନିକଟରେ ଥିବା ସୀତା କୁଣ୍ଡ ଦର୍ଶନ କରିଥିଲେ।

ନକଲି ମସଲା  କାରଖାନା ଠାବ ଘଟଣା: ଜଣେ ଗିରଫ, ମାନ ପରୀକ୍ଷା ପାଇଁ ଲାବୋରେଟୋରୀ ପଠାଗଲା ମସଲା

ନକଲି ମସଲା କାରଖାନା ଠାବ ଘଟଣା: ଜଣେ ଗିରଫ, ମାନ ପରୀକ୍ଷା ପାଇଁ ଲାବୋରେଟୋରୀ ପଠାଗଲା ମସଲା

ଜୟପୁର, ୧୮।୧(ନି.ପ୍ର.)-ନକଲି ମସଲା କାରଖାନାରେ ଗୁରୁବାର ଜୟପୁର ଟାଉନ ପୋଲିସ ଚଢ଼ାଉ କରି ବିଭିନ୍ନ ବ୍ରାଣ୍ଡର ଜରି ପ୍ୟାକେଟ ଏବଂ ମସଲା ଜବତ କରିଥିବାବେଳେ ଶୁକ୍ରବାର ଏଥିରେ ସମ୍ପୃକ୍ତି ଥିବା ଅଭିଯୋଗରେ ବ୍ରହ୍ମପୁରର ହରିହର ପାତ୍ରଙ୍କୁ ଗିରଫ କରିଛି। 

ବଂଶଧାରା ଆଁରେ ଲୀନ ହେବ ପାଲସିଂ ଗାଁ

ବଂଶଧାରା ଆଁରେ ଲୀନ ହେବ ପାଲସିଂ ଗାଁ

କାଶୀନଗର, ୧୮ା୧(ଡି.ଏନ.ଏ): ଗାଁକୁ ଲାଗିରହିଛି ବଂଶଧାରା ନଦୀ। ପ୍ରତିବର୍ଷ ବନ୍ୟାରେ ନଦୀ କୂଳ ଖାଇଚାଲିଛି। ଫଳରେ ଦିନେ ନଦୀ ଗର୍ଭରେ ଗ୍ରାମଟି ଲୀନ ହୋଇଯିବାର ଆଶଙ୍କା ସୃଷ୍ଟି ହେଲାଣି। ସେହିପରି କିଛିବର୍ଷ ହେଲା ଆନ୍ଧ୍ରର କାଟ୍ରାଗଡ ପ୍ରକଳ୍ପ ଚିନ୍ତା ବି ଘାରିଛି। ଏ ନେଇ ପ୍ରଶାସନ ଚୁପ୍‌ ବସିଥିବାରୁ ଗ୍ରାମବାସୀ ଆନ୍ଦୋଳନକୁ ଓହ୍ଲାଇବା ପାଇଁ ସଜବାଜ ହେଉଛନ୍ତି। ଏହାସତ୍ତ୍ୱେ ସରକାର ନ ଶୁଣିଲେ ସେମାନେ ଆନ୍ଧ୍ରରେ ମିଶିଯିବେ ବୋଲି ଚେତାବନୀ ଦେଇଛନ୍ତି ଗଜପତି ଜିଲା କାଶୀନଗର ବ୍ଲକର ପାଲସିଂ ଗ୍ରାମବାସୀ।

ଦୁଡୁକାବାହାଲ ଚେକ୍‌ଡ୍ୟାମକୁ ବିରୋଧ

ଦୁଡୁକାବାହାଲ ଚେକ୍‌ଡ୍ୟାମକୁ ବିରୋଧ

ଟିକିରି,୧୮।୧(ଡ଼ି.ଏନ.ଏ): କାଶୀପୁର ବ୍ଲକ ଦୁଡୁକାବାହାଲ ପଞ୍ଚାୟତ ଠାରୁ କିଛି ଦୂରରେ ନିର୍ମାଣାଧୀନ ଚେକ୍‌ଡ୍ୟାମକୁ ଚାଷୀମାନେ ବିରୋଧ କରିଛନ୍ତି ।  ଜିଲା ଖଣିଜ ପାଣ୍ଠିରୁ ଦଶଲକ୍ଷ ଟଙ୍କା ବ୍ୟୟରେ ଏହା ନିର୍ମାଣ ଚାଲିଛି।  ଏହି ଡ୍ୟାମଟି ଯେଉଁ ସ୍ଥାନରେ ନିର୍ମାଣ କରାଯାଉଛି ତାହାଦ୍ୱାରା ଅନ୍ୟ ଜମିକୁ ପାଣି ମାଡିବ ନାହିଁ । ଏହି ଚେକ୍‌ଡ୍ୟାମଟି ଉପରମୁଣ୍ଡରେ ନିର୍ମାଣ କରାଯିବା କଥା, କିନ୍ତୁ ଠିକାଦାର ଓ ଜେଇ ନିଜ ଇଚ୍ଛାରେ ତଳମୁଣ୍ଡରେ ଏହା ନିର୍ମାଣ କରୁଛନ୍ତି।  କିଛିବର୍ଷ ତଳେ ଏହାର ପ୍ରାୟ ପଚାଶ ମିଟର ଉପରେ ଏକ ଚେକ୍‌ଡ୍ୟାମ ନିର୍ମାଣ କରାଯାଇଥିଲା। ତାହା  କାର୍ଯ୍ୟକାରୀ ହେଉ ନ ଥିବାବେଳେ ବର୍ତ୍ତମାନ ପୁଣି ଏକ ଚେକ୍‌ଡ୍ୟାମ କାହା ସ୍ବାର୍ଥରେ ବୋଲି  ଡୁଡୁକାବାହାଲ ଗ୍ରାମର ଅଟାରି ନାଏକ, ଶଙ୍କର ନାଏକ, ଚାଟି ନାଏକ, ନରସିଂହ ପାଢି, ବିଜୟ ନାଏକ, ରାମେଶ୍ୱର ପ୍ରଧାନି, ହର ପ୍ରଧାନି, ପୀତବାସୀ ପ୍ରଧାନୀ ପ୍ରମୁଖ ଗ୍ରାମବାସୀ ପ୍ରଶ୍ନ କରିଛନ୍ତି ।

ଜୟପୁର ଉପକାରାଗାରରେ ଅବ୍ୟବସ୍ଥା: ୨ଗୁଣରୁ ଊର୍ଦ୍ଧ୍ୱ ବିଚାରାଧୀନ କଏଦୀ

ଜୟପୁର ଉପକାରାଗାରରେ ଅବ୍ୟବସ୍ଥା: ୨ଗୁଣରୁ ଊର୍ଦ୍ଧ୍ୱ ବିଚାରାଧୀନ କଏଦୀ

ଜୟପୁର,୧୮।୧(ଡି.ଏନ୍‌.ଏ.): କୋରାପୁଟ ଜିଲା ଜୟପୁର ଉପଖଣ୍ଡ କାରାଗାର ଉପରେ ୮ଟି ଥାନା ବିଭିନ୍ନ ମାମଲାରେ ନିର୍ଭର କରୁଛି। ଜୟପୁର ଉପକାରାଗାର ୧୯୫୮ରେ ସ୍ଥାପନ ହୋଇ ମାନ୍ୟତା ପାଇଛି। କିନ୍ତୁ ଅଧିକ ଥାନା, ସମସ୍ତ ଜିଲାଜଜ୍‌ ଓ ଅନ୍ୟ କୋର୍ଟ ଏଠାରେ ଥିବା ଯୋଗଁୁ  ଆବଶ୍ୟକଠାରୁ ଅଧିକ ବିଚାରାଧୀନ କଏଦୀ ରହୁଛନ୍ତି । କିନ୍ତୁ ଏହାକୁ ଉନ୍ନୀତ କରାଯାଇ ସ୍ବତନ୍ତ୍ର ଜେଲ କିମ୍ବା ଜିଲା ଜେଲ ଭାବେ ମାନ୍ୟତା ଦେବା ପାଇଁ ପଦକ୍ଷେପ ନିଆଯାଉ ନାହିଁ। ଏହାକୁ ଉନ୍ନୀତ କରାଗଲେ ୪୦୦ ଜଣ କଏଦୀ ରହିବାର ବ୍ୟବସ୍ଥା କରାଯିବ ଏବଂ  ଆବଶ୍ୟକ ଅନୁଯାୟୀ ସୁରକ୍ଷା କର୍ମଚାରୀ ଓ ଅନ୍ୟ ବ୍ୟବସ୍ଥା କରାଯିବ । ସେହିପରି ସୁରକ୍ଷା ଏବଂ ଅନ୍ୟ ସମସ୍ୟାକୁ ଆଖିଆଗରେ ରଖାଯାଇ ଏଠାରୁ ୧୦୦ ଜଣ ବିଚାରାଧୀନ କଏଦୀଙ୍କୁ କୋରାପୁଟ ସର୍କଲ ଜେଲକୁ ସ୍ଥାନାନ୍ତର ପାଇଁ ଉପକାରାଗାର କର୍ତ୍ତୃପକ୍ଷ ଉଚ୍ଚ ଅଧିକାରୀଙ୍କୁ ଅନୁରୋଧ କରିଛନ୍ତି ।

ଛାତ୍ରୀଛାତ୍ରଙ୍କ ମିଥ୍ୟା ଉପସ୍ଥାନ ଦେଖାଇ ଫସିଲେ ଶିକ୍ଷକ: ବିଇଓ ଜାରି କଲେ କାରଣ ଦର୍ଶାଅ ନୋଟିସ୍‌

ଛାତ୍ରୀଛାତ୍ରଙ୍କ ମିଥ୍ୟା ଉପସ୍ଥାନ ଦେଖାଇ ଫସିଲେ ଶିକ୍ଷକ: ବିଇଓ ଜାରି କଲେ କାରଣ ଦର୍ଶାଅ ନୋଟିସ୍‌

ମାଲକାନଗିରି, ୧୮।୧ (ଡି.ଏନ୍‌.ଏ.) ଛାତ୍ରୀଛାତ୍ରଙ୍କ ମିଥ୍ୟା ଉପସ୍ଥାନ ଦେଖାଇ ଜଣେ ଶିକ୍ଷକ ଏବେ ହରଡ଼ଘଣାରେ। ଏହା ଜଣାପଡିବା ପରେ ସମ୍ପୃକ୍ତ  ଶିକ୍ଷକଙ୍କୁ  ବ୍ଲକ  ଶିକ୍ଷାଧିକାରୀ(ବିଇଓ) କାରଣ ଦର୍ଶାଅ ନୋଟିସ୍‌ ଜାରି କରିଛନ୍ତି। ଏପରି ଘଟଣା ଘଟିଛି ମାଲକାନଗିରି ସଦର ବ୍ଲକ ଝରାପାଲ୍ଲୀ  ପଞ୍ଚାୟତ ସଦର ମହକୁମା ପ୍ରକଳ୍ପ ଉଚ୍ଚ ବିଦ୍ୟାଳୟରେ।

ଶଙ୍କରଡ଼ା ପଞ୍ଚାୟତ:  ପାଣି ପାଇଁ ଲୋକେ ଡ଼ହଳବିକଳ

ଶଙ୍କରଡ଼ା ପଞ୍ଚାୟତ: ପାଣି ପାଇଁ ଲୋକେ ଡ଼ହଳବିକଳ

ଟିକିରି, ୧୮ା୧ (ଡି.ଏନ୍‌.ଏ.)- ରାୟଗଡ଼ା ଜିଲା କାଶିପୁର ବ୍ଳକ ଶଙ୍କରଡା ପଞ୍ଚାୟତର ଅଧିକାଂଶ ଗ୍ରାମରେ ରାସ୍ତାଘାଟ ଓ ପାନୀୟ ଜଳ ସମସ୍ୟା ଲାଗି ରହିଛି। ଫଳରେ ଗ୍ରାମବାସୀ ନାହିଁ ନ ଥିବା ଅସୁବିଧାର ସମ୍ମୁଖୀନ ହେଉଛନ୍ତି। ଏନେଇ ବାରମ୍ବାର ଅଭିଯୋଗ କଲେ ମଧ୍ୟ କେହି ଶୁଣୁ ନାହାନ୍ତି। 

ଓଡ଼ିଆ ଅଭିନେତ୍ରୀରୁ ମାତା ମାହେଶ୍ୱରୀ

ଓଡ଼ିଆ ଅଭିନେତ୍ରୀରୁ ମାତା ମାହେଶ୍ୱରୀ

ଜୟପୁର,୧୭ା୧(ଡି.ଏନ୍‌.ଏ./ନି.ପ୍ର.): ଓଡ଼ିଆ ଚଳଚ୍ଚିତ୍ର ଓ ଆଲବମ୍‌ ଜଗତରେ ନିଜ ରୂପ ଓ ଅଭିନୟ ଦ୍ୱାରା ଏକଦା ଦର୍ଶକଙ୍କ ହୃଦୟ ଜିଣିଥିବା ଅଭିନେତ୍ରୀ ଶ୍ୱେତା ମଲ୍ଲିକ ଏବେ ସେଲିବ୍ରିଟିରୁ ଆତ୍ମଘୋଷିତ ‘ମାତା ମାହେଶ୍ୱରୀ’ ପାଲଟି ଯାଇଛନ୍ତି। ପରଦାରୁ ବହୁଦିନ ହେଲା ଉଭାନ୍‌ ଥିବା ଏହି ଅଭିନେତ୍ରୀ ଜଣକ ଏବେ ଆକସ୍ମିକ ଭାବେ ସନ୍ନ୍ୟାସିନୀ ରୂପରେ କୋରାପୁଟ ଜିଲା ଜୟପୁରରେ ଆବିର୍ଭାବ ହେବା ପରେ ତାଙ୍କୁ ନେଇ ଜୟପୁର ସହର ସମେତ ରାଜ୍ୟବ୍ୟାପୀ ଚର୍ଚ୍ଚା ଜୋର୍‌ ଧରିଛି। ତାଙ୍କ ବ୍ୟତୀତ ସମ୍ରାଟ କ୍ୟାସେଟ୍‌ କମ୍ପାନିର ମାଲିକ ବିଶ୍ୱମ୍ଭର ସାବତ ମଧ୍ୟ ଆଧ୍ୟାତ୍ମିକ ପରିବର୍ତ୍ତନ କ୍ରମରେ ନିଜକୁ ବାବା ଅନନ୍ତ କେଶରୀ ସମ୍ରାଟ ବିଶ୍ୱମ୍ଭର ମହାରାଜ ରୂପେ ପରିଚୟ ଦେଉଛନ୍ତି। ଉଭୟ ନିଜକୁ ଦିବ୍ୟମହିଳା ଓ ପୁରୁଷ ଭାବେ ଆତ୍ମଘୋଷଣା କରିବା ସହ ଈଶ୍ୱରଙ୍କ ସହ ସେମାନେ ପ୍ରତ୍ୟକ୍ଷ ସମ୍ପର୍କରେ ଥିବା କହୁଛନ୍ତି।

କମେଣ୍ଟ ମରାକୁ କେନ୍ଦ୍ର କରି ଗୋଷ୍ଠୀ ସଂଘର୍ଷ:  ୪ ଆହତ, ବ୍ୟାପକ ଭଙ୍ଗାରୁଜା

କମେଣ୍ଟ ମରାକୁ କେନ୍ଦ୍ର କରି ଗୋଷ୍ଠୀ ସଂଘର୍ଷ: ୪ ଆହତ, ବ୍ୟାପକ ଭଙ୍ଗାରୁଜା

ରାୟଗଡା ଅଫିସ୍‌, ୧୭ା୧-କମେଣ୍ଟ ମରାକୁ କେନ୍ଦ୍ରକରି ଗୁରୁବାର ରାୟଗଡା ଜିଲା ଜେକେପୁରରେ ଗୋଷ୍ଠୀ ସଂଘର୍ଷ ହୋଇଛ। ଫଳରେ ୪ ଜଣ ଆହତ ହୋଇଛନ୍ତି। ଆହତମାନେ ହେଲେ ବସନ୍ତ ତାଣ୍ଡି, ଭବାନୀ ତାଣ୍ଡି, ହରିରାମ ତାଣ୍ଡି ଓ ଚିତ୍ର ବାଗ । ଘଟଣାସ୍ଥଳରେ ଉତ୍ତେଜନା ଦେଖାଦେବାରୁ ବ୍ୟାପକ ପୋଲିସ ମୁତୟନ କରାଯାଇଛି। 

ପରକୀୟା ପ୍ରୀତିରୁ ଯୁବକଙ୍କୁ ହତ୍ୟା

ପରକୀୟା ପ୍ରୀତିରୁ ଯୁବକଙ୍କୁ ହତ୍ୟା

କାଲିମେଳା,୧୭।୧(ଡି.ଏନ୍‌.ଏ.)-ମାଲକାନଗିରି ଜିଲା କାଲିମେଳା ଥାନା ଅଧୀନ ଏମ୍‌ଭି-୩୮ ଗ୍ରାମରେ ବୁଧବାର ବିଳମ୍ବିତ ରାତିରେ ପରକୀୟା ପ୍ରୀତି ପାଇଁ ଏକ ହତ୍ୟାକାଣ୍ଡ ଘଟିଛି। ଶିଖାପାଲୀ ପଞ୍ଚାୟତ ଏମ୍‌ଭି-୪ ଗ୍ରାମର ନିରଞ୍ଜନ ସମଜଦାର(୨୮)ଙ୍କୁ ଏମ୍‌ଭି-୪୧ ଗ୍ରାମର ସମିରନ ବୈରାଗୀ ହତ୍ୟା କରିଥିବା ଅଭିଯୋଗ ହୋଇଛି। ମୃତକଙ୍କ ସ୍ତ୍ରୀ ରିନା କାଲିମେଳା ଥାନାରେ ଏ ନେଇ ଏତଲା ଦେବା ପରେ  ପୋଲିସ ଅଭିଯୁକ୍ତ ସମିରନଙ୍କୁ ଗିରଫ କରିଛି। ମୋ ସ୍ତ୍ରୀ ସହ ନିରଞ୍ଜନଙ୍କ ଖରାପ ସମ୍ପର୍କ ଥିବାରୁ ତାଙ୍କୁ ମାରିଦେଲି ବୋଲି ଅଭିଯୁକ୍ତ ପୋଲିସ ଆଗରେ ସ୍ବୀକାର କରିଛନ୍ତି।