ସ୍କିନ୍ର ରଙ୍ଗ ବି ଭାଗ୍ୟ ବଦଳାଇ ଦେଇପାରେ ବୋଲି ବାସ୍ତୁରେ ଉଲ୍ଲେଖ ରହିଛି। ଘରର ଇନଡୋର ଡିଜାଇନ୍ରେ ସୌନ୍ଦର୍ଯ୍ୟ ଓ ବାସ୍ତୁ ନିୟମକୁ ଧ୍ୟାନରେ ରଖିଲେ ଘର ସଦସ୍ୟଙ୍କ ଭାଗ୍ୟୋଦୟ ହୋଇଥାଏ । ବାସ୍ତୁ ଅନୁସାରେ ଅଲଗା ଅଲଗା ରୁମ୍ ପାଇଁ ଭିନ୍ନ ଭିନ୍ନ ରଙ୍ଗର ସ୍କ୍ରିନ୍ ଚୟନ କଲେ ଘରେ ସୁଖ ଶାନ୍ତି ଆସିଥାଏ। ପିଲାଙ୍କ ରୁମ୍ରେ ହାଲ୍କା ନୀଳ ରଙ୍ଗ, ସବୁଜ ରଙ୍ଗ କିମ୍ବା ଗୋଲାପୀ ରଙ୍ଗର ସ୍କ୍ରିନ୍ ଲଗାଇବା ଆବଶ୍ୟକ । ସବୁଜ ଓ ନୀଳ ରଙ୍ଗ ଶାନ୍ତି ଓ ସୁସ୍ଥତାର ପ୍ରତୀକ ବୋଲି ବାସ୍ତୁରେ ଉଲ୍ଲେଖ ରହିଛି । ଏହି ରଙ୍ଗର ପର୍ଦ୍ଦା ଲଗାଇବା ଦ୍ୱାରା ପିଲାଙ୍କ ସ୍ବାସ୍ଥ୍ୟ ଭଲ ରହିବା ସହ ପଢାରେ ମନ ଲାଗିଥାଏ । ନବଦମ୍ପତିଙ୍କ ରୁମ୍ରେ ଲାଲ୍, ବାଇଗଣୀ କିମ୍ବା ଗୋଲାପୀ ରଙ୍ଗର ସ୍କ୍ରିନ୍ ଲଗାଇବା ଭଲ। ଲାଲ୍ ରଙ୍ଗ ରୋମାନ୍ସ ସହିତ ପ୍ରଜନନ କ୍ଷମତାକୁ ବୃଦ୍ଧି କରେ । ଏହାଦ୍ୱାରା ନବଦମ୍ପତିଙ୍କୁ ଖୁବ୍ ଶୀଘ୍ର ସନ୍ତାନସୁଖ ପ୍ରାପ୍ତି ହୋଇଥାଏ । ଘରର ବରିଷ୍ଠ ସଦସ୍ୟଙ୍କ ରୁମ୍ରେ ନୀଳ ରଙ୍ଗ, ନାରଙ୍ଗୀ କିମ୍ବା ଧୂସର ରଙ୍ଗର ସ୍କ୍ରିନ୍ ଲଗାଇବା ବାସ୍ତୁ ଅନୁଯାୟୀ ଶୁଭ ହୋଇଥାଏ । ନୀଳ ରଙ୍ଗ ଘର ମାଲିକଙ୍କ ଆର୍ଥିକ ଉନ୍ନତିରେ ସହାୟକ ହୋଇଥାଏ । ସେହିପରି ଘରର ଡାଇନିଂ ସ୍ପେସ୍ରେ ହାଲ୍କା ରଙ୍ଗ କିମ୍ବା ଧୂସର ରଙ୍ଗର ସ୍କ୍ରିନ୍ ଲଗାଇବା ଆବଶ୍ୟକ। ଘରର ଆଗ୍ନେୟ କୋଣ ପାଇଁ ଏପରି ରଙ୍ଗ ସବୁଠାରୁ ଶୁଭ ହୋଇଥାଏ । ଗେଷ୍ଟ ରୁମ୍ରେ ଅତିଥିମାନଙ୍କ ପାଇଁ ହାଲ୍କା ବାଦାମୀ କିମ୍ବା କ୍ରିମ୍ କଲରର ସ୍କ୍ରିନ୍ ଲଗାଇବା ଦ୍ୱାରା ସୌନ୍ଦର୍ଯ୍ୟ ବୃଦ୍ଧି ସହ ଶୁଭଫଳ ମିଳେ । ଏପରି କରିବା ଦ୍ୱାରା ଘରେ ସର୍ବଦା ଶାନ୍ତି ବଜାୟ ରୁହେ । ପୂଜାଘରେ ହାଲ୍କା ହଳଦି ରଙ୍ଗ କିମ୍ବା ହାଲ୍କା ନାରଙ୍ଗୀ ରଙ୍ଗର ସ୍କ୍ରିନ୍ ଲଗାଇଲେ ଭଲ। ଏହି ଦୁଇ ରଙ୍ଗକୁ ଶୁଦ୍ଧତାର ପ୍ରତୀକ ଭାବେ ଗ୍ରହଣ କରାଯାଇଥାଏ।
