ସମ୍ବଲପୁର

୨୦ ହଜାର ହେକ୍ଟର ଜମିରେ ମରୁଡ଼ି

୨୦ ହଜାର ହେକ୍ଟର ଜମିରେ ମରୁଡ଼ି
ଝାରସୁଗୁଡ଼ା ଅଫିସ,୧୬।୧୦: ଜିଲାରେ ମରୁଡ଼ି ସ୍ଥିତି ଗମ୍ଭୀର। ଢିପ ଜମିରେ ହୋଇଥିବା ଧାନ ଫସଲ ମରୁଡ଼ି ସମ୍ମୁଖୀନ ହୋଇଥିବା ବେଳେ ବର୍ତ୍ତମାନ ଖାଲୁଆ ଜମି ମଧ୍ୟ ମରୁଡ଼ି ଆଶଙ୍କା ଦେଖାଦେଲାଣି। କୃଷି ବିଭାଗର ପ୍ରାଥମିକ ଆକଳନ ମୁତାବକ ଜିଲାର ପ୍ରାୟ ୨୦ହଜାର ହେକ୍ଟରରୁ ଅଧିକ ଧାନଚାଷ କ୍ଷତିଗ୍ରସ୍ତ ହୋଇସାରିଥିବା ସୋମବାର ମରୁଡ଼ି ସ୍ଥିତି ଜନିତ ଜରୁରୀ ବୈଠକରୁ ସ୍ପଷ୍ଟ ହୋଇଛି। ସୋମବାର ସର୍କିଟ ହାଉସରେ କୃଷି ଓ ରାଜସ୍ବ ଅଧିକାରୀଙ୍କ ଉପସ୍ଥିତିରେ ମରୁଡି ସ୍ଥିତିକୁ ନେଇ ଏକ ଗୁରୁତ୍ୱପୂର୍ଣ୍ଣ ବୈଠକ ହୋଇଥିଲା। ଉଭୟ କୃଷି ଏବଂ ରାଜସ୍ବ ଅଧିକାରୀଙ୍କ ଯୁଗ୍ମ ରିପୋର୍ଟ ୭ ଦିନ ଭିତରେ ଦାଖଲ କରିବାକୁ ଅତିରିକ୍ତ ଜିଲାପାଳ ତ୍ରିଲୋଚନ ମାଝି ନିର୍ଦ୍ଦେଶ ଦେଇଛନ୍ତି। ସେ କହିଲେ, ଗତ ସେପ୍ଟେମ୍ବର ମାସରେ ସ୍ବାଭାବିକ ଠାରୁ କମ୍‌ ବର୍ଷା ହେବାଦ୍ୱାରା ଧାନ ଫସଲ କ୍ଷୟକ୍ଷତି ହୋଇଛି। ଏହାକୁ ଦୃଷ୍ଟିରେ ରଖି କୃଷି ବିଭାଗ ପ୍ରାରମ୍ଭିକ ଆକଳନ କରିସାରିଛି। ଯେଉଁଥିରେ ଜିଲାର ୩୦%ରୁ ଅଧିକ ଜମି ମରୁଡି କବଳିତ ହୋଇସାରିଛି। ହେଲେ ଏହାର ପ୍ରକୃତ ରିପୋର୍ଟ ସଂଗ୍ରହ କରିବା ପାଇଁ ଉଭୟ କୃଷି ଏବଂ ରାଜସ୍ବ ବିଭାଗର ମିଳିତ ଯାଞ୍ଚ ଜରୁରୀ। ଏହି ଯାଞ୍ଚ କରି ସାତ ଦିନ ଭିତରେ ରିପୋର୍ଟ ଦାଖଲ କଲେ ଏହି ରିପୋର୍ଟ ଆଧାରରେ ଚାଷୀଙ୍କୁ କ୍ଷତିପୂରଣ ପ୍ରଦାନ ପାଇଁ ରାଜ୍ୟ ସରକାରଙ୍କୁ ଅନୁରୋଧ କରାଯିବ। ଏହି ବୈଠକରେ ଝରସୁଗୁଡ଼ା ବିଧାୟକ ନବ କିଶୋର ଦାସ ମଧ୍ୟ ଉପସ୍ଥିତ ରହି ମରୁଡି ସ୍ଥିତି ସମୀକ୍ଷା କରିବା ସହ ସରକାରଙ୍କ ଦୃଷ୍ଟି ଆକର୍ଷଣ କରିବେ ବୋଲି ପ୍ରତିଶ୍ରୁତି ଦେଇଛନ୍ତି। ଜିଲା କୃଷି ଅଧିକାରୀ ସେବାଷ୍ଟିଆନ କେର୍କେଟା, ଏସ୍‌.କେର୍କେଟା, ସମସ୍ତ ତହସିଲଦାର, ସହକାରୀ କୃଷି ଅଧିକାରୀ ଉପସ୍ଥିତ ଥିଲେ।  
ଅନ୍ୟପକ୍ଷେ ବର୍ତ୍ତମାନ ବର୍ଷାର ସମ୍ଭାବନା ନ ଥିବାରୁ ଜିଲାରେ ଚାଷ ହୋଇଥିବା ଖାଲୁଆ ଜମି ମଧ୍ୟ ପ୍ରଭାବିତ ହେବାକୁ ଯାଉଛି। ଜିଲାରେ ୫୦ ହଜାର୪୦୦ ହେକ୍ଟର ଜମିରେ ଚାଷ ହୋଇଥିବା ବେଳେ ସେଥିରୁ ୨୦ ହଜାରରୁ ଅଧକ ଜମି କ୍ଷତିଗ୍ରସ୍ତ ହୋଇସାରିଲାଣି। ଆହୁରି ପ୍ରଭାବିତ ହେବା ଅନୁମାନ କରାଯାଉଛି। ତେଣୁ ରାଜସ୍ବ ଅଧିକାରୀ ଏବଂ ସହକାରୀ କୃଷି ଅଧିକାରୀଙ୍କ ମିଳିତ ଯାଞ୍ଚ ରିପୋର୍ଟ ଆସିଲେ ପ୍ରକୃତ କ୍ଷତି ପରିମାଣ ଜଣାଯିବ ବୋଲି କୃଷି ଉପନିର୍ଦ୍ଦେଶକ ପୁଷ୍ପେଶ ପୂଜାରୀ କହିଛନ୍ତି। ଜିଲାରେ ମରୁଡ଼ି ସ୍ଥିତି ନେଇ ଜିଲା ବିଜେଡି କୃଷକ ସେଲ୍‌ ସୋମବାର ଦିନ ମୁଖ୍ୟମନ୍ତ୍ରୀଙ୍କ ଉଦ୍ଦେଶ୍ୟରେ ଅତିରିକ୍ତ ଜିଲାପାଳଙ୍କୁ ଦାବିପତ୍ର ପ୍ରଦାନ କରିଛନ୍ତି। ସ୍ବଳ୍ପବୃଷ୍ଟି ଜନିତ ଧାନ ଫସଲ କ୍ଷତି ହୋଇଥିବାରୁ ପ୍ରଶାସନ ଜରିଆରେ ଏହାର ଆକଳନ କରି ଚାଷୀଙ୍କୁ ଶୀଘ୍ର କ୍ଷତିପୂରଣ ପ୍ରଦାନ କରିବା ଦିଗରେ ଦାବି କରିଛନ୍ତି। ଜିଲା ବିଜେଡି କୃଷକ ସେଲର ସଭାପତି ମିତ୍ରଭାନୁ ସାହୁ, ତ୍ରିନାଥ ଗୁଆଲ, ପ୍ରଦୀପ ବିଶ୍ୱାଳ, ସଞ୍ଜିତ ପ୍ରଧାନ, ପ୍ରଭାତ ପଟେଲ, ପ୍ରମୋଦ ସାହୁ ଏବଂ ଅନ୍ୟ କୃଷକମାନେ ଦାବିପତ୍ର ପ୍ରଦାନ କରିଛନ୍ତି। 
All Right Reserved By

ସମ୍ବଲପୁର

ସୁବର୍ଣ୍ଣପୁରରେ ଗଡିଲା ମିଶନ ଶକ୍ତି ରଥ

ସୁବର୍ଣ୍ଣପୁରରେ ଗଡିଲା ମିଶନ ଶକ୍ତି ରଥ

ସୋନପୁର,୨୧।୧(ନି.ପ୍ର.): ସୁବର୍ଣ୍ଣପୁର ଜିଲାର ମହିଳାମାନଙ୍କୁ ସଚେତନ କରିବା ପାଇଁ ସୋମବାର ଦୁଇଟି ମିଶନ ଶକ୍ତି ରଥର ଶୁଭାରମ୍ଭ ହୋଇଛି। ଜିଲାପାଳ ମଧୁସୂଦନ ମିଶ୍ର ସବୁଜ ପତାକା ଦେଖାଇ ଏହି ରଥର ଶୁଭାରମ୍ଭ କରିଛନ୍ତି। ଏହି ରଥ ୬୦ଦିନ ପର୍ଯ୍ୟନ୍ତ ଜିଲାର ୬ଟି ବ୍ଲକ ଓ ସହରର ସମସ୍ତ ୱାର୍ଡ ପରିକ୍ରମା କରିବ। ମିଶନ ଶକ୍ତି ସମ୍ପର୍କରେ ଓ ସରକାରୀ ଯୋଜନା ବିଷୟରେ ସଚେତନ କରାଯିବ। 

ସୁବର୍ଣ୍ଣପୁର : ପ୍ରକାଶ ପାଇଲା ଚୂଡାନ୍ତ ଭୋଟର ତାଲିକା, ଅଛନ୍ତି ମୋଟ ୪ ଲକ୍ଷ ୫୦ ହଜାର ୭୯୫ ଭୋଟର

ସୁବର୍ଣ୍ଣପୁର : ପ୍ରକାଶ ପାଇଲା ଚୂଡାନ୍ତ ଭୋଟର ତାଲିକା, ଅଛନ୍ତି ମୋଟ ୪ ଲକ୍ଷ ୫୦ ହଜାର ୭୯୫ ଭୋଟର

 ସୋନପୁର,୨୧।୧(ନି.ପ୍ର.):ଭାରତର ନିର୍ବାଚନ କମିଶନଙ୍କ ନିର୍ଦ୍ଦେଶକ୍ରମେ ସୋମବାର ପ୍ରକାଶ ପାଇଛି ଚୂଡାନ୍ତ ଭୋଟର ତାଲିକା। ଏହିକ୍ରମରେ ସୁବର୍ଣ୍ଣପୁର ଜିଲାରେ ମଧ୍ୟ ତାଲିକା ପ୍ରକାଶ ପାଇଛି। ଏଥିରେ ସୁବର୍ଣ୍ଣପୁର ଜିଲାରେ ମୋଟ ୪ ଲକ୍ଷ ୫୦ ହଜାର ୭୯୫ ଭୋଟର ଅଛନ୍ତି। ୬୫-ସୋନପୁର ବିଧାନସଭା ନିର୍ବାଚନ ମଣ୍ଡଳୀରେ ୨ଲକ୍ଷ ୪୬ ହଜାର ୧୧ ଭୋଟର ଓ ୬୪-ବୀରମହାରାଜପୁର ବିଧାନସଭା ନିର୍ବାଚନ ମଣ୍ଡଳୀରେ ୨ଲକ୍ଷ ୪ ହଜାର ୭୮୪ ଜଣ ଭୋଟର ରହିଛନ୍ତି। 

ଚରିତ୍ର ଗଠନରେ ଶିକ୍ଷକଙ୍କ ଭୂମିକା ଗୁରୁତ୍ୱପୂର୍ଣ୍ଣ

ଚରିତ୍ର ଗଠନରେ ଶିକ୍ଷକଙ୍କ ଭୂମିକା ଗୁରୁତ୍ୱପୂର୍ଣ୍ଣ

ତରଭା, ୨୧ା୧(ଡି.ଏନ.ଏ.): ସୁବର୍ଣ୍ଣପୁର ଜିଲା ତରଭା ସରକାରୀ ବାଳକ ହାଇସ୍କୁଲ ଖେଳ ପଡିଆରେ ତରଭା ବ୍ଲକ ପ୍ରାଥମିକ ଶିକ୍ଷକ ସଂଘ ତରଫରୁ ତୃତୀୟ ଶିକ୍ଷକ ମହୋସତ୍ବ-୧୯ ଓ ବିଦାୟକାଳୀନ ସମ୍ବର୍ଦ୍ଧନା ସଭା ଅନୁଷ୍ଠିତ ହୋଇଯାଇଛି। ଏହି ଉପଲକ୍ଷେ ବସନ୍ତ କୁମାର ମଲ୍ଲିକଙ୍କ ସଭାପତିତ୍ୱରେ ଅନୁଷ୍ଠିତ ସଭାରେ ମୁଖ୍ୟ ଅତିଥିଭାବେ ପଦ୍ମଶ୍ରୀ ଡ. ହଳଧର ନାଗ ଯୋଗ ଦେଇଥିଲେ।

କଂଗ୍ରେସ ଛାଡ଼ିଲେ ପ୍ରଣୟ ସାହୁ

କଂଗ୍ରେସ ଛାଡ଼ିଲେ ପ୍ରଣୟ ସାହୁ

ମଥୁରାନଗରୀ,୨୧।୧: ବରଗଡ଼ ଜିଲାର ବରିଷ୍ଠ କଂଗ୍ରେସ ନେତା ତଥା ଗତ ବିଜେପୁର ଉପନିର୍ବାଚନରେ ଦଳୀୟ ପ୍ରାର୍ଥି ରହିଥିବା ପ୍ରଣୟ କୁମାର ସାହୁ ସୋମବାର ଦଳ ଛାଡ଼ିଛନ୍ତି। ଏ ନେଇ ସେ ତାଙ୍କ ଇସ୍ତଫାପତ୍ର ପ୍ରଦେଶ କଂଗ୍ରେସ ଓ ଜିଲା କଂଗ୍ରେସ କମିଟି ସଭାପତିଙ୍କ ନିକଟକୁ ପଠାଇ ଦେଇଛନ୍ତି। ତେବେ କେଉଁ ଦଳରେ ସେ ଯୋଗଦେବେ ସେ ନେଇ ଏପର୍ଯ୍ୟନ୍ତ ନିଷ୍ପତ୍ତି ନେଇ ନାହାନ୍ତି ।

ରାଜଧାନୀ ଏକ୍ସପ୍ରେସ୍‌ରେ ନିଆଁ

ରାଜଧାନୀ ଏକ୍ସପ୍ରେସ୍‌ରେ ନିଆଁ

ରାଉରକେଲା, ୨୧।୧:  ନୂଆଦିଲ୍ଲୀ-ଭୁବନେଶ୍ୱର ରାଜଧାନୀ ଏକ୍ସପ୍ରେସ୍‌ରେ ସୋମବାର ନିଆଁ ଲାଗିଯାଇଛି। ରାଉରକେଲା ଷ୍ଟେଶନ ପୂର୍ବରୁ ତିଲ୍‌କା ନଗର ନିକଟରେ ଟ୍ରେନ୍‌ରେ ନିଆଁ ଲାଗିଯାଇଥିଲା। ତେବେ ଏଥିରେ କେହି ମୃତାହତ ହୋଇ ନ ଥିବା ଜଣାପଡ଼ିଛି। ସମସ୍ତ ଯାତ୍ରୀ ସୁରକ୍ଷିତ ଅଛନ୍ତି। ଟ୍ରେନ୍‌ଟି ନୂଆଦିଲ୍ଲୀରୁ ଭୁବନେଶ୍ୱର ଅଭିମୁଖେ ଯାତ୍ରା କରୁଥିଲା। 

କ୍ଷମତାର ବିକେନ୍ଦ୍ରୀକରଣ ନ ହେଲେ ଗଣତନ୍ତ୍ରର କିଛି ମୂଲ୍ୟ ନାହିଁ

କ୍ଷମତାର ବିକେନ୍ଦ୍ରୀକରଣ ନ ହେଲେ ଗଣତନ୍ତ୍ରର କିଛି ମୂଲ୍ୟ ନାହିଁ

ସୋନପୁର,୨୧।୨(ନି.ପ୍ର.)ଭାରତର ବିଶେଷତା ହେଉଛି ଭିନ୍ନତା ମଧ୍ୟରେ ଏକତା। ଭିଭିନ୍ନ ଜାତି, ଧର୍ମ, ବର୍ଣ୍ଣ ଓ ସମ୍ପ୍ରଦାୟର ଲୋକ ଏଠାରେ ବସବାସ କରନ୍ତି। ଏହି ବିରାଟ ଭୂଖଣ୍ଡର ଅଧିବାସୀଙ୍କ ଭାଷା, ଚାଲିଚଳନ ମଧ୍ୟରେ ସମାନତା ନାହିଁ। ଆଞ୍ଚଳିକତା ବାଦ ମଧ୍ୟ ଭରି ରହିଛି। ତେଣୁ ଭାରତୀୟ ସଂଘୀୟ ବ୍ୟବସ୍ଥାରେ ଆଞ୍ଚଳିକ ଦଳମାନଙ୍କ ଦ୍ୱାରା ବିବିଧତା ବଜାୟ ରହିବା ସହ ଗଣତନ୍ତ୍ରର ସୁରକ୍ଷା ସମ୍ଭବ ବୋଲି ସୁବର୍ଣ୍ଣପୁର ପୁସ୍ତକ ଓ ସାହିତ୍ୟ ମେଳା ଇଙ୍କ୍‌ଫେଷ୍ଟର ଚତୁର୍ଥ ସନ୍ଧ୍ୟାରେ ବିଶିଷ୍ଟ ବ୍ୟକ୍ତିମାନେ ମତପ୍ରକାଶ କରିଛନ୍ତି।

ରୁଣ ପାଏବାରୁ ବଁଚିତ ୧୪ ବୁଣାକାର ପରିବାର

ରୁଣ ପାଏବାରୁ ବଁଚିତ ୧୪ ବୁଣାକାର ପରିବାର

ଲାଠୋର, ୨୧ା୧(ଡି.ଏନ.ଏ): ସରକାର ବୁଣାକାର ପରିବାରମାନକୁ ଭିନେ ଭିନେ ପରକାର ସାହାଯ୍‌ ଯୁଗେଇ ଦେଉଛନ୍‌। ହେଲେ ବଭାଗୀୟ ଅବହେଲା କାରନ୍‌ରୁ ଅନେକ ପରିବାର ଇ ସୁବିଧା ସୁଯୋଗ ପାଏବାରୁ ବଁଚିତ ହେଉଛନ୍‌। 

ଠକାଭଁଡାରେ ଚାଲିଛେ ବିଶାଲପାଲିର ବିକାଶ କାଯ୍‌

ଠକାଭଁଡାରେ ଚାଲିଛେ ବିଶାଲପାଲିର ବିକାଶ କାଯ୍‌

ଲୋଇସିଂହା,୨୧।୧(ଡି.ଏନ.ଏ): ବଲାଙ୍ଗୀର ଜିଲା ଲୋଇସିଂହା ବ୍ଲକ ବିଶାଲପାଲି ଗଁାରେ ବିକାଶ ମୂଲକ କାମରେ ଠକାଭଁଡା ହେଇଥିବାର ଗଁାବାସୀ ଅଭିଯୋଗ କରିଛନ୍‌। ଆଦର୍ଶ ଗୁହାଲ ଯୋଜ୍‌ନାରେ କେତେ ହିତାଧିକାରୀ ଗୋଚର ଜମି ଆର ସରକାରୀ ଜମିରେ ଗୁହାଲ ତିଆର କରିଥିବାର ଲେଖେଁ ଗୁରୁତର ଅଭିଯୋଗ ହେଇଛେ। ସେନ୍‌ତା ପଁଚେତ୍‌ ତାର କ୍ଷମତାର ଅପବେଭାର କରି ଇରିଗେସନ ଅଧିନରେ ଥିବାର ରାସ୍‌ତାରେ ଏମଜିଏନଆରଇଜିଏସ ଟଁକା ପକେଇ ଉନ୍‌ନତିକରନ କରୁଥିବାର ଅଭିଯୋଗ ହେଇଛେ। 

ସ୍ବାସ୍ଥ୍ୟ ପରୀକ୍ଷା ଶିବିର : ୧୦୬୮ ଜଣଙ୍କୁ ଔଷଧ ବଣ୍ଟନ

ସ୍ବାସ୍ଥ୍ୟ ପରୀକ୍ଷା ଶିବିର : ୧୦୬୮ ଜଣଙ୍କୁ ଔଷଧ ବଣ୍ଟନ

ଲେଫ୍ରିପଡା, ୨୦।୧(ଡି.ଏନ.ଏ)- ଲେଫ୍ରିପଡା ବ୍ଲକ୍‌ ଅନ୍ତର୍ଗତ ସୁରୁଗୁଡା ସିପିଜିପି ଉଚ୍ଚ ବିଦ୍ୟାଳୟରେ ସୁନ୍ଦରଗଡ ରୋଟାରୀ କ୍ଲବ୍‌ ପକ୍ଷରୁ ମାଗଣା ସ୍ବାସ୍ଥ୍ୟ ପରୀକ୍ଷା ଶିବିର ରବିବାର ଅନୁଷ୍ଠିତ ହୋଇଯାଇଛି। 

୬୫ଦିନରେ କଣ୍ଟାବାଞ୍ଜି ଜିଲା ଦାବି ଧାରଣା

୬୫ଦିନରେ କଣ୍ଟାବାଞ୍ଜି ଜିଲା ଦାବି ଧାରଣା

କଣ୍ଟାବାଞ୍ଜି, ୨୦ା୧(ଡି.ଏନ.ଏ.): କଣ୍ଟାବାଞ୍ଜି ଜିଲା ଦାବି ଧାରଣା ରବିବାର ୬୫ଦିନରେ ପହଞ୍ଚିଛି। 

ନାଟ ମେଳା ପାଇଁ ଜିଲାସ୍ତରୀୟ ପ୍ରତିଯୋଗିତା

ନାଟ ମେଳା ପାଇଁ ଜିଲାସ୍ତରୀୟ ପ୍ରତିଯୋଗିତା

  ସୋନପୁର,୨୦।୧(ନି.ପ୍ର.):ରାଷ୍ଟ୍ରୀୟ ନାଟ୍‌ ମେଳା-୧୯ ପାଇଁ ନାଟ୍‌ ଅନୁଷ୍ଠାନ ତରଫରୁ ନାନାବିଧ ପ୍ରତିଯୋଗିତା ଅନୁଷ୍ଠିତ ହୋଇଯାଇଛି। ସ୍ଥାନୀୟ ପ୍ରଜ୍ଞାଭାରତୀ ଆବାସିକ ଉଚ୍ଚ ବିଦ୍ୟାଳୟ ପରିସରରେ ବିଭିନ୍ନ ଉଚ୍ଚ ବିଦ୍ୟାଳୟର ପ୍ରାୟ ୫୦ ଜଣ ପ୍ରତିଯୋଗୀଙ୍କୁ ନେଇ ଏକକ ଅଭିନୟ ଏବଂ ବକ୍ତୃତା ପ୍ରତିଯୋଗିତା ଅନୁଷ୍ଠିତ ହୋଇଥିଲା।

ଦୃଢ଼ ଇଚ୍ଛାଶକ୍ତି ଅସମ୍ଭବକୁ ସମ୍ଭବ କରେ

ଦୃଢ଼ ଇଚ୍ଛାଶକ୍ତି ଅସମ୍ଭବକୁ ସମ୍ଭବ କରେ

ଦେଓଗାଁ,୨୦ା୧(ଡି.ଏନ.ଏ.):ବଲାଙ୍ଗୀର ଜିଲା ଦେଓଗାଁ ବ୍ଲକ ଅର୍ଜୁନପୁର ଉଚ୍ଚବିଦ୍ୟାଳୟର ରଜତ ଜୟନ୍ତୀ ସମାରୋହ ରବିବାର ଉଦ୍‌ଯାପିତ ହୋଇଯାଇଛି ।