ଖେଳ |

ହକି ବିଶ୍ୱକପ୍‌ରେ ୫ ଦେଶର ପ୍ରଭାବ ବିସ୍ତାର

ହକି ବିଶ୍ୱକପ୍‌ରେ ୫ ଦେଶର ପ୍ରଭାବ ବିସ୍ତାର
ଫୁଟବଲ ଭଳି ହକି ମଧ୍ୟ ସାରା ବିଶ୍ୱରେ ଆଦୃତ ହୋଇପାରିଛି। ବିଶେଷ କରି ପୁରୁଷ ହକି ଏବେ ଲୋପପ୍ରିୟତାର ଶୀର୍ଷକୁ ଛୁଇଁଛି। ହକିର ସର୍ବୋଚ୍ଚ ମହାକୁମ୍ଭ କୁହାଯାଉଥିବା  ପୁରୁଷ ହକି ବିଶ୍ୱକପ୍‌ ୧୯୭୧ ମସିହାରେ ଆରମ୍ଭ ହୋଇଥିଲା। ଆନ୍ତର୍ଜାତିକ ହକି ଫେଡେରେଶନ (ଏଫ୍‌ଆଇଏଚ୍‌) ଆନୁକୂଲ୍ୟରେ ହକି ବିଶ୍ୱକପ୍‌ ଆୟୋଜନ ହୋଇଆସୁଛି। ଫୁଟବଲ ବିଶ୍ୱକପ୍‌ ଭଳି ଏହି ମେଗା ଇଭେଣ୍ଟ ପ୍ରତି ୪ ବର୍ଷରେ ଥରେ ଆୟୋଜିତ ହୋଇଥାଏ। ପୁରୁଷ ଭଳି ମହିଳା ହକି ବିଶ୍ୱକପ୍‌ ମଧ୍ୟ ୧୯୭୪ ମସିହାରୁ ଆରମ୍ଭ ହୋଇଥିଲା। ସେତେବେଳେ ଏହାକୁ ଇଣ୍ଟରନ୍ୟାଶନାଲ ଫେଡେରେଶନ ଅଫ୍‌ ଓମେନ୍ସ ହକି ଆସୋସିଏଶନ୍ସ (ଆଏଫ୍‌ଡବ୍ଲ୍ୟୁଏଚ୍‌ଏ) ୧୯୮୧ ପର୍ଯ୍ୟନ୍ତ ଆୟୋଜନ କରୁଥିଲା। ତେବେ ୧୯୮୨ରେ ଏହା ଆନ୍ତର୍ଜାତିକ ହକି ଫେଡେରେଶନ ସହିତ ମିଶିଗଲା। 
ପୁରୁଷ ହକି ବିଶ୍ୱକପ୍‌ରେ ୫ଟି ଦେଶ ପ୍ରଭାବ ବିସ୍ତାର କରିଛନ୍ତି। ପାକିସ୍ତାନ ସବୁଠାରୁ ସଫଳ ଦଳ ସାବ୍ୟସ୍ତ ହୋଇଛି। ପାକିସ୍ତାନ ୪ଥର ବିଶ୍ୱକପ୍‌ ଚାମ୍ପିୟନ ହେବାର ଗୌରବ ଅର୍ଜନ କରିଛି। ଅନ୍ୟପଟେ ନେଦରଲାଣ୍ଡ ଓ ଅଷ୍ଟ୍ରେଲିଆ ୩ଥର ଲେଖାଏ ବିଶ୍ୱକପ୍‌ ଟାଇଟଲ ହାସଲ କରିଛନ୍ତି। ସେହିପରି ଜର୍ମାନୀ ଦୁଇଇର ଓ ଭାରତ ଥରେ ବିଶ୍ୱକପ୍‌ ଚାମ୍ପିୟନ ହେବାର ସୌଭାଗ୍ୟ ହାସଲ କରିଛି। 
୧୯୭୧ ମସିହାରେ ଅନୁଷ୍ଠିତ ବିଶ୍ୱକପ୍‌ର ପ୍ରଥମ ସଂସ୍କରଣରେ ମୋଟ ଉପରେ ୧୨ଟି ଦଳ ଅଂଶଗ୍ରହଣ କରିଥିଲେ। ବିଶ୍ୱକପ୍‌ର ଗତ ସଂସ୍କରଣ ୨୦୧୪ରେ ନେଦରଲାଣ୍ଡ୍ସର ହଗ୍‌ରେ ଖେଳାଯାଇଥିଲା। ଏହା ଜୁନ୍‌ ୨ରୁ ୧୪ ତାରିଖ ମଧ୍ୟରେ ଅନୁଷ୍ଠିତ ହୋଇଥିଲା ଓ ଏଥିରେ ଅଷ୍ଟ୍ରେଲିଆ ଚାମ୍ପିୟନ ହୋଇଥିଲା। ଫାଇନାଲ ମୁକାବିଲାରେ ଅଷ୍ଟ୍ରେଲିଆ ୬-୧ ଗୋଲରେ ଆୟୋଜକ ନେଦରଲାଣ୍ଡ୍ସ ହରାଇ ତୃତୀୟଥର ପାଇଁ ଟାଇଟଲ ହାସଲ କରିଥିଲା। ୨୦୧୮ ସଂସ୍କରଣ ଏବେ ଭୁବନେଶ୍ୱରରେ ଆୟୋଜନ ହେବାକୁ ଯାଉଛି। ଏହା ନଭେମ୍ବର ୨୮ରୁ ଆରମ୍ଭ ହୋଇ ଡିସେମ୍ବର ୧୬ ତାରିଖରେ ଶେଷ ହେବ। ଏଥର ବିଶ୍ୱକପ୍‌ ଦଳ ସଂଖ୍ୟା ୧୬କୁ ବୃଦ୍ଧି କରାଯାଇଛି। ୨୦୨୨ ସଂସ୍କରଣରେ ଦଳ ସଂଖ୍ୟା ୨୨କୁ ବୃଦ୍ଧି କରିବାକୁ ଏଫ୍‌ଆଇଏଚ୍‌ ଯୋଜନା କରୁଛି। 
ପାକିସ୍ତାନର ଏୟାର ମାର୍ଶାଲ ନୁର ଖାଁ ପ୍ରଥମେ ହକି ବିଶ୍ୱକପ୍‌ର ଯୋଜନା ମନକୁ ଆଣିଥିଲେ। ସେ ଓ୍ବାଲର୍‌ଡ ହକି ମ୍ୟାଗାଜିନର ପ୍ରଥମ ସମ୍ପାଦକ ପାଟ୍ରିକ ରୋଲିଙ୍କୁ ଏ ନେଇ ପ୍ରସ୍ତାବ ଦେଇଥିଲେ। ୧୯୬୯ ଅକ୍ଟୋବର ୨୬ରେ ଏହା ଗୃହିତ ହୋଇଥିଲା ଓ ୧୯୭୦ ଏପ୍ରିଲ ୨ ତାରିଖରେ ବ୍ରସେଲ୍ସରେ ଅନୁଷ୍ଠିତ ଏଫ୍‌ଆଇଏଚ୍‌ କାଉନସିଲ ବୈଠକରେ ଏହାକୁ ଗ୍ରହଣ କରାଯିବା ସହ ମାନ୍ୟତା ପ୍ରଦାନ କରାଯାଇଥିଲା। ଏହାପରେ ଏଫ୍‌ଆଇଏଚ୍‌ ୧୯୭୧ରେ ପ୍ରଥମ ହକି ବିଶ୍ୱକପ୍‌ ପାକିସ୍ତାନରେ ଆୟୋଜନ କରିବାକୁ ନିଷ୍ପତ୍ତି ନେଇଥିଲା। ତେବେ ଯୁଦ୍ଧ ତଥା ରାଜନୈତିକ ଅସ୍ଥିରତା କାରଣରୁ ଏହା ପାକିସ୍ତାନରୁ ସ୍ପେନ୍‌ର ବାର୍ସିଲୋନାରେ ଖେଳାଯାଇଥିଲା। ପ୍ରଥମ ସଂସ୍କରଣରେ ୧୦ଟି ଦେଶ ଅଂଶଗ୍ରହଣ କରିଥିଲେ। ପ୍ରଥମ ୩ଟି ଟୁର୍ନାମେଣ୍ଟ ପ୍ରତି ଦୁଇବର୍ଷରେ ଖେଳାଯାଇଥିଲା। 
ବିଶ୍ୱକପ୍‌ ଟ୍ରଫିକୁ ବସିର ମୁଜିଦ୍‌ ଡିଜାଇନ୍‌ କରିଥିଲେ ଓ ଏହାକୁ ପାକିସ୍ତାନ ସେନାବାହିନୀ ତିଆରି କରିଥିଲା। ୧୯୭୧ ମାର୍ଚ୍ଚ ୨୭ ତାରିଖରେ ଏହି ଟ୍ରଫିକୁ ବ୍ରସେଲ୍ସରେ ଏଫ୍‌ଆଇଏଚ୍‌କୁ ହସ୍ତାନ୍ତର କରାଯାଇଥିଲା। 
ହକି ବିଶ୍ୱକପ୍‌ ଦୁଇଟି ପର୍ଯ୍ୟାୟରେ ସମ୍ପନ୍ନ ହୋଇଥାଏ। ଯୋଗ୍ୟତା ପର୍ଯ୍ୟାୟ ପରେ ଫାଇନାଲ ପର୍ଯ୍ୟାୟରେ ବିଶ୍ୱକପ୍‌ର ମ୍ୟାଚ୍‌ଗୁଡିକ କେଳାଯାଇଥାଏ। ୧୯୭୭ରୁ ଯୋଗ୍ୟତା ପର୍ଯ୍ୟାୟ ଖେଳାଯାଇଆସୁଅଛି। 
ସଫଳତା ଦୃଷ୍ଟିକୋଣରୁ ବିଚାର କଲେ ଏପର୍ଯ୍ୟନ୍ତ ବିଶ୍ୱକପ୍‌ ଖେଳିବାକୁ ୨୪ଟି ଦଳ ଯୋଗ୍ୟତା ହାସଲ କରିଛନ୍ତି। ଏମାନଙ୍କ ମଧ୍ୟରୁ ୧୧ଟି ଦଳ ସେମିଫାଇନାଲରେ ପ୍ରବେଶ କରିଛନ୍ତି। ୭ଟି ଦଳ ଫାଇନାଲରେ ପ୍ରବେଶ କରିଛନ୍ତି। ପାକିସ୍ତାନ ସଫଳତମ ଦେଶ ସାବ୍ୟସ୍ତ ହୋଇଛି। ୬ଥର ଫାଇନାଲ ଖେଳି ପାକିସ୍ତାନ ୪ଥର ଟାଇଟଲ ହାସଲ କରିଛି। ସେହିପରି ନେଦରଲାଣ୍ଡ୍ସ ୬ଥର ଫାଇନାଲ ଖେଳି ୩ଥର ଚାମ୍ପିୟନ ହୋଇଛି। ତେବେ ଗତ କେତେବର୍ଷ ମଧ୍ୟରେ ଅଷ୍ଟ୍ରେଲିଆ ସଫଳତମ ଦେଶ ସାବସ୍ତ ହୋଇଛି। ୫ଥର ଫାଇନାଲ ଖେଳି ଅଷ୍ଟ୍ରେଲିଆ ୩ଥର ଚାମ୍ପିୟନ ହୋଇଛି। ଭାରତ ୧୯୭୫ରେ ଥରେ ମାତ୍ର ବିଶ୍ୱକପ୍‌ ଜିତିବାକୁ ସକ୍ଷମ ହୋଇଥିଲା। 
ଏପର୍ଯ୍ୟନ୍ତ ୯ଟି ଦେଶ ବିଶ୍ୱକପ୍‌ ଆୟୋଜନ କରିଛନ୍ତି। ଆୟୋଜକ ଭାବେ  ନେଦରଲାଣ୍ଡ୍ସ ୧୯୭୩ ଓ ୧୯୯୮ରେ, ଜର୍ମାନୀ ୨୦୦୬ରେ ଚାମ୍ପିୟନ ହୋଇଥିଲେ। ଆୟୋଜକ ଭାବେ ସ୍ପେନ, ଇଂଲଣ୍ଡ ଓ ପାକିସ୍ତାନ ୧୯୭୧, ୧୯୮୬ ଓ ୧୯୯୦ରେ ରନର୍ସଅପ ହୋଇଥିଲେ। ଆୟୋଜକ ଭାବେ ଅଷ୍ଟ୍ରେଲିଆ ୧୯୯୪ରେ ତୃତୀୟ ସ୍ଥାନରେ ରହିଥିଲା। ଏସିଆ ଓ ୟୁରୋପ ମହାଦେଶର ଦଳଗୁଡିକ ୫ଥର ଲେଖାଏ ଟାଇଟଲ ଜିତିଛନ୍ତି। ଓସେନିଆ ତରଫରୁ ଅଷ୍ଟ୍ରେଲିଆ ଚାମ୍ପିୟନ ହୋଇଛି। ଉତ୍ତର ଓ ଦକ୍ଷିଣ ଆମେରିକା ଏବଂ ଆଫ୍ରିକାର କୌଣସି ଦେଶ ବିଶ୍ୱକପ୍‌ ଟାଇଟଲ ହାସଲ କରିପାରି ନାହାନ୍ତି। 
All Right Reserved By

ଖେଳ |

ବନମାଳୀପୁର ଟି ୨୦: ସାରୁଅ ଚାମ୍ପିୟନ

ବନମାଳୀପୁର ଟି ୨୦: ସାରୁଅ ଚାମ୍ପିୟନ

ଭାପୁର,୨୨ା୧୦(ଡି.ଏନ୍‌.ଏ.)- ଖଣ୍ଡପଡ଼ା ବ୍ଲକ ବନମାଳୀପୁର ଆଞ୍ଚଳିକ ସ୍ପୋର୍ଟସ ଆସୋସିଏଶନ ଆନୁକୂଲ୍ୟରେ ଚାଲିଥିବା ୩୧ତମ ଟି ୨୦ କ୍ରିକେଟ ଟୁର୍ନାମେଣ୍ଟ ରବିବାର ଉଦ୍‌ଯାପିତ ହୋଇଯାଇଛି। ଫାଇନାଲ ଖେଳରେ କଣ୍ଟିଲୋର ବରୁଣେଇ କ୍ରିକେଟ୍‌ କ୍ଲବକୁ ୩୩ ରନରେ ହରାଇ ଖୋର୍ଦ୍ଧା ସାରୁଅର ଇଲେଭେନ ଷ୍ଟାର ସ୍ପୋର୍ଟସ କ୍ଲବ ଚାମ୍ପିୟନ ଆଖ୍ୟା ଅର୍ଜନ କରିଛି।

ଓଡ଼ିଶା ଟେନିସ୍‌ ବଲ୍‌ କ୍ରିକେଟ ଟିମ୍‌ରେ ଗଞ୍ଜାମରୁ ୬ ଖେଳାଳି

ଓଡ଼ିଶା ଟେନିସ୍‌ ବଲ୍‌ କ୍ରିକେଟ ଟିମ୍‌ରେ ଗଞ୍ଜାମରୁ ୬ ଖେଳାଳି

ବ୍ରହ୍ମପୁର ଅଫିସ,୨୨ା୧୦: ଆସନ୍ତା ୨୮ରୁ ୨ ତାରିଖ ପର୍ଯ୍ୟନ୍ତ ମହାରାଷ୍ଟ୍ରର ନାଗପୁର ଠାରେ ୨୩ତମ ସବ୍‌ଜୁନିୟର୍‌ ଟେନିସ୍‌ ବଲ୍‌ କ୍ରିକେଟ ଚାମ୍ପିୟନଶିପ୍‌ ଅନୁଷ୍ଠିତ ହେବ। ଏହି ଟୁର୍ନାମେଣ୍ଟରେ ଓଡ଼ିଶା ଟିମ ଭାଗନେବ । ଓଡ଼ିଶା ଟିମରେ ଗଞ୍ଜାମ ଜିଲାର ୬ଜଣ ଖେଳାଳି ଅଛନ୍ତି । ସେମାନେ ହେଲେ ଆସିକାର ଏମ୍‌.ସନ୍ତୋଷ କୁମାର ରାଓ ଏବଂ କୁମାର ହଂସରାଜ୍‌, ବ୍ରହ୍ମପୁରର ସତ୍ୟଶୁଭମ୍‌ ସାହୁ, ଏମ୍‌.ରାଧେଶ୍ୟାମ ପାତ୍ର ଏବଂ ଆହ୍ବାନ ପଟ୍ଟନାୟକ ଓ ସୋରଡ଼ାର ଦୀପକ ଦାସ। ଏହି ଖେଳାଳିମାନେ ଗଞ୍ଜାମ ଜିଲା ଟେନିସବଲ୍‌ କ୍ରିକେଟ ସଂଘ ଅଧିନରେ ତାଲିମ୍‌ ନେଉଥିଲେ। ଖେଳାଳିଙ୍କୁ ସଂଘର ସଭାପତି ଡା. ସମରେନ୍ଦ୍ର ସାହୁ, ଉପସଭାପତି ଦୁଷ୍ମନ୍ତ ପାଢ଼ୀ, ସାଧାରଣ ସମ୍ପାଦକ ସଞ୍ଜୟ ବିଷୋୟୀ, ଅଧ୍ୟକ୍ଷ ରବି ମିଶ୍ର ଏବଂ ପ୍ରଶାନ୍ତ ମୁନି ପ୍ରମୁଖ ଶୁଭେଚ୍ଛା ଜଣାଇଛନ୍ତି ।

କୋହଲି, ରୋହିତଙ୍କ ଶତକ: ଭାରତ ବିଜୟୀ

କୋହଲି, ରୋହିତଙ୍କ ଶତକ: ଭାରତ ବିଜୟୀ

ଗୁଆହାଟୀ, ୨୧।୧୦-
ଗୁଆହାଟୀର ବର୍ଷାପରା କ୍ରିକେଟ ଷ୍ଟାଡିୟମରେ ରବିବାର ବିରାଟ କୋହଲି ଓ ରୋହିତ ଶର୍ମାଙ୍କ ରାଜ୍‌ ଦେଖିବାକୁ ମିଳିଛି। ବିରାଟ ଓ ରୋହିତଙ୍କ ଶତକୀୟ ଇନିଂସ ଏବଂ ଦ୍ୱିତୀୟ ଉଇକେଟରେ ୨୪୬ ରନର ଭାଗୀଦାରି ବଳରେ ଭାରତ ପ୍ରଥମ ଦିନିକିଆ କ୍ରିକେଟ ମ୍ୟାଚରେ ଓ୍ବେଷ୍ଟଇଣ୍ଡିଜକୁ ୮ ଉଇକେଟରେ ପରାସ୍ତ କରିଛି। 

ଭାରତ- ଓ୍ବେଷ୍ଟଇଣ୍ଡିଜ ପ୍ରଥମ ଦିନିକିଆ: କୋହଲୀଙ୍କ ଉଇକେଟ ପତନ, ଶତକ ପୂରଣ କରି ପଡ଼ିଆରେ ରୋହିତ

ଭାରତ- ଓ୍ବେଷ୍ଟଇଣ୍ଡିଜ ପ୍ରଥମ ଦିନିକିଆ: କୋହଲୀଙ୍କ ଉଇକେଟ ପତନ, ଶତକ ପୂରଣ କରି ପଡ଼ିଆରେ ରୋହିତ

ଗୁଆହାଟୀ,୨୧।୧୦(ପି.ଟି.): ଭାରତ-ଓ୍ବେଷ୍ଟଇଣ୍ଡିଜ୍‌ ପ୍ରଥମ ଦିନିକିଆରେ ଭାରତୀୟ ଦଳ ଦମ୍‌ଦାର ବ୍ୟାଟିଂ ଜାରି ରଖିଛି। ଭ୍ରମଣକାରୀ ଓ୍ବେଷ୍ଟଇଣ୍ଡିଜ ଦଳର ୩୨୨ ରନ୍‌କୁ ପିଛା କରି ଭାରତୀୟ ଦଳ ୩୩ ଓଭରରେ ୨ ଉଇକେଟ ହରାଇ ୨୫୬ ରନ୍‌ କରିଛି। ଅଧିନାୟକ ବିରାଟ କୋହଲୀ ରନ୍‌ ଆଉଟ୍‌ ହେବା ପରେ ରୋହିତ ଶର୍ମା ୧୦୭ ରନ୍‌ କରି ଅବନ୍ତି ରାଇଡୁଙ୍କ ସହ ପଡ଼ିଆରେ ଅଛନ୍ତି। ତେବେ ଆଉଟ୍‌ ହେବା ପୂର୍ବରୁ କୋହଲୀ ନିଜର ୩୬ତମ ଶତକ ପୂରଣ କରିଛନ୍ତି। ସେହିଭଳି ରୋହିତ ଶର୍ମା ମଧ୍ୟ ନିଜର ୨୦ତମ ଶତକ ହାସଲ କରିବାରେ ସଫଳ ହୋଇଛନ୍ତି। ଭାରତକୁ ଏହି ମ୍ୟାଚ୍‌ ଜିତିବା ପାଇଁ ଆହୁରୀ ୯୯ବଲ୍‌ରେ ୬୬ରନ୍‌ର ଆବଶ୍ୟକତା ରହିଛି। 

କୋହଲୀ-ରୋହିତଙ୍କ ଧୁଆଁଧାର୍‌ ବ୍ୟାଟିଂ: ଭାରତ ୨୧୭/୧, ୧୨୧ ରନ୍‌ରେ କୋହଲୀ

କୋହଲୀ-ରୋହିତଙ୍କ ଧୁଆଁଧାର୍‌ ବ୍ୟାଟିଂ: ଭାରତ ୨୧୭/୧, ୧୨୧ ରନ୍‌ରେ କୋହଲୀ

ଗୁଆହାଟୀ,୨୧।୧୦(ପି.ଟି.): ପାଞ୍ଚ ମ୍ୟାଚ୍‌ ବିଶିଷ୍ଟ ଏକଦିବସୀୟ ଶୃଙ୍ଖଳାର ପ୍ରଥମ ମ୍ୟାଚ୍‌ ରବିବାର ଗୁଆହାଟୀରେ ଖେଳାଯାଉଛି। ଏଥିରେ ଭ୍ରମଣକାରୀ ଓ୍ବେଷ୍ଟଇଣ୍ଡିଜ୍‌ ଦଳ ଦମ୍‌ଦାର ପ୍ରଦର୍ଶନ କରି ୫୦ ଓଭରରେ ୮ ଉଇକେଟ ହରାଇ ୩୨୨ ରନ୍‌ ସଂଗ୍ରହ କରିଥିଲା। ଏହାର ଜବାବ ଦେବାକୁ ଯାଇ ଅଧିନାୟକ ବିରାଟ କୋହଲୀ ଧୁଆଁଧାର ବ୍ୟାଟିଂ ଜାରି ରଖିଛନ୍ତି। ଇତିମଧ୍ୟରେ ଭାରତୀୟ ଦଳ ୨୯ ଓଭରରେ ୧ ଉଇକେଟ ହରାଇ ୨୧୭ ରନ୍‌ କରିଛି। ରୋହିତ ଶର୍ମା ୮୭ ରନ୍‌ କରି ପଡ଼ିଆରେ ଥିବା ବେଳେ କୋହଲୀ ୯୪ ବଲ୍‌ରେ ୧୨୧ ରନ୍‌ କରିଛନ୍ତି। 

ଫାଇନାଲରେ ହାରିଲେ ପ୍ରାଜନେଶ

ଫାଇନାଲରେ ହାରିଲେ ପ୍ରାଜନେଶ

ନୂଆଦିଲ୍ଲୀ, ୨୧।୧୦(ପି.ଟି.)- ଉଦୀୟମାନ ଭାରତୀୟ ଟେନିସ ଖେଳାଳି ପ୍ରାଜନେଶ ଗୁଣେଶ୍ୱରନ ଚାଇନାରେ ଅନୁଷ୍ଠିତ ନିଙ୍ଗବୋ ଚ୍ୟାଲେଞ୍ଜର ପ୍ରତିଯୋଗିତାରେ ରନର୍ସଅପ୍‌ ହୋଇଛନ୍ତି। ରବିବାର ଅନୁଷ୍ଠିତ ପୁରୁଷ ସିଙ୍ଗଲ୍ସ ଫାଇନାଲରେ ପ୍ରାଜନେଶ ୬-୭ (୪), ୬-୪, ୩-୬ ସେଟ୍‌ରେ ଇଟାଲୀର ଥୋମାସ ଫାବିଆନୋଙ୍କ ନିକଟରୁ ହାରିଯାଇଥିଲେ।

ଡେନମାର୍କ ଓପନ୍‌: ସାଇନା ରନର୍ସଅପ୍‌

ଡେନମାର୍କ ଓପନ୍‌: ସାଇନା ରନର୍ସଅପ୍‌

ଓଡେନସେ (ଡେନମାର୍କ), ୨୧।୧୦(ପି.ଟି.)- ତାରକା ଭାରତୀୟ ମହିଳା ସଟ୍‌ଲର ସାଇନା ନେହ୍ବାଲ ଏଠାରେ ଅନୁଷ୍ଠିତ ଡେନମାର୍କ ଓପନ୍‌ ବ୍ୟାଡ୍‌ମିଣ୍ଟନ ପ୍ରତିଯୋଗିତାରେ ରନର୍ସଅପ୍‌ରେ ସନ୍ତୁଷ୍ଟ ହୋଇଛନ୍ତି। 

ଭାରତ-ଓ୍ବେଷ୍ଟଇଣ୍ଡିଜ୍‌ ପ୍ରଥମ ଦିନିକିଆ: ଭାରତ ୧୦୪/୧, ଅର୍ଦ୍ଧଶତକ କରି ପଡ଼ିଆରେ କୋହଲି

ଭାରତ-ଓ୍ବେଷ୍ଟଇଣ୍ଡିଜ୍‌ ପ୍ରଥମ ଦିନିକିଆ: ଭାରତ ୧୦୪/୧, ଅର୍ଦ୍ଧଶତକ କରି ପଡ଼ିଆରେ କୋହଲି

ଗୁଆହାଟୀ,୨୧।୧୦(ପି.ଟି.): ଭାରତ ବିପକ୍ଷ ପ୍ରଥମ ଦିନିକିଆ ମ୍ୟାଚ୍‌ରେ ଭ୍ରମଣକାରୀ ଓ୍ବେଷ୍ଟଇଣ୍ଡିଜ୍‌ ଦଳ ଦମ୍‌ଦାର ପ୍ରଦର୍ଶନ କରି ୫୦ ଓଭରରେ ୮ ଉଇକେଟ ହରାଇ ୩୨୨ ରନ୍‌ ସଂଗ୍ରହ କରିଛି। ଏହାର ଜବାବ ଦେବାକୁ ଯାଇ ଭାରତୀୟ ଦଳ ୧୭ ଓଭରରେ ୧ ଉଇକେଟ ହରାଇ ୧୦୪ ରନ୍‌ ସଂଗ୍ରହ କରିଛି। ଅଧିନାୟକ ବିରାଟ କୋହଲୀ ୫୬ ବଲ୍‌ରେ ୬୫ ରନ୍‌ କରିଥିବା ବେଳେ ରୋହିତ୍‌ ଶର୍ମା ୩୬ ବଲ୍‌ରେ ୩୧ରନ୍‌ କରି କ୍ରିଜ୍‌ରେ ଅଛନ୍ତି। 

ହେଟମେୟରଙ୍କ ଶତକ: ଭାରତର ଟାର୍ଗେଟ ୩୨୩

ହେଟମେୟରଙ୍କ ଶତକ: ଭାରତର ଟାର୍ଗେଟ ୩୨୩

ଗୁଆହାଟୀ,୨୧।୧୦(ପି.ଟି.)- ଭାରତ ବିପକ୍ଷ ପ୍ରଥମ ଦିନିକିଆ ମ୍ୟାଚ୍‌ରେ ଭ୍ରମଣକାରୀ ଓ୍ବେଷ୍ଟଇଣ୍ଡିଜ୍‌ ଦମ୍‌ଦାର ବ୍ୟାଟିଂ ପ୍ରଦର୍ଶନ କରିଛି। ମିଡଲ ଅର୍ଡର ବ୍ୟାଟ୍ସମ୍ୟାନ ଶିମରନ ହେଟମେୟରଙ୍କ ୧୦୬ ରନର ଶତକୀୟ ପାଳି ବଳରେ ଓ୍ବେଷ୍ଟଇଣ୍ଡିଜ ନିର୍ଦ୍ଧାରିତ ୫୦ ଓଭରରେ ୮ ଉଇକେଟ ହରାଇ ୩୨୨ ରନ ସଂଗ୍ରହ କରିଛି। ଟସ୍‌ ହାରି ଭାରତ ଫିଲ୍ଡିଂ କରିବାକୁ ନିଷ୍ପତ୍ତି ନେଇଥିଲା।

ୟୁଥ୍‌ ଅଲିମ୍ପିକ୍ସ ଗେମ୍ସ ପଦକ ବିଜେତାଙ୍କୁ ଭେଟିଲେ ପ୍ରଧାନମନ୍ତ୍ରୀ

ୟୁଥ୍‌ ଅଲିମ୍ପିକ୍ସ ଗେମ୍ସ ପଦକ ବିଜେତାଙ୍କୁ ଭେଟିଲେ ପ୍ରଧାନମନ୍ତ୍ରୀ

ନୂଆଦିଲ୍ଲୀ,୨୧।୧୦(ପି.ଟି.)- ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ରବିବାର ୟୁଥ୍‌ ଅଲିମ୍ପିକ୍ସ ପଦକ ବିଜେତାଙ୍କୁ ଭେଟି ବିଚାର ବିମର୍ଶ କରିଛନ୍ତି। ଏହି ମେଗା ଇଭେଣ୍ଟରେ ଭାରତୀୟ ଖେଳାଳିମାନେ ମୋଟ ୧୩ଟି ପଦକ ହାସଲ କରି ସର୍ବକାଳୀନ ଶ୍ରେଷ୍ଠ ପ୍ରଦର୍ଶନ କରିଥିଲେ। ଏ ସଂକ୍ରାନ୍ତରେ ମୋଦି ବିଭିନ୍ନ ଫଟୋ ଟୁଇଟ୍‌ କରିଛନ୍ତି। 

ଆଇସିସି ଟେଷ୍ଟ ର଼୍ୟାଙ୍କିଙ୍ଗ୍‌: ତୃତୀୟ ସ୍ଥାନରେ ଆବାସ

ଆଇସିସି ଟେଷ୍ଟ ର଼୍ୟାଙ୍କିଙ୍ଗ୍‌: ତୃତୀୟ ସ୍ଥାନରେ ଆବାସ

ଦୁବାଇ,୨୧।୧୦(ଏଏଫପି)- ସଦ୍ୟସମାପ୍ତ ଅଷ୍ଟ୍ରେଲିଆ ବିପକ୍ଷ ଟେଷ୍ଟ ସିରିଜରେ ଦମ୍‌ଦାର ପ୍ରଦର୍ଶନ କରିଥିବା ପାକିସ୍ତାନ ଦ୍ରୁତ ବୋଲର ମହମ୍ମଦ ଆବାସ ଆନ୍ତର୍ଜାତିକ କ୍ରିକେଟ କାଉନସିଲ (ଆଇସିସି) ଟେଷ୍ଟ ର଼୍ୟାଙ୍କିଙ୍ଗ୍‌ରେ ଉନ୍ନତି କରିଛନ୍ତି। ୧୪ତମ ସ୍ଥାନରୁ ଉପରକୁ ଉଠି ସେ ବୋଲିଂ ତାଲିକାର ତୃତୀୟ ସ୍ଥାନ ଅକ୍ତିଆର କରିଛନ୍ତି।

କାନେରିଆଙ୍କ ସ୍ପଟ୍‌ ଫିକ୍ସିଂ ସ୍ବୀକାରୋକ୍ତି: ପିସିବି ନୂଆ ତଦନ୍ତ ଆରମ୍ଭ କରିବ

କାନେରିଆଙ୍କ ସ୍ପଟ୍‌ ଫିକ୍ସିଂ ସ୍ବୀକାରୋକ୍ତି: ପିସିବି ନୂଆ ତଦନ୍ତ ଆରମ୍ଭ କରିବ

କରାଚି,୨୧।୧୦(ପି.ଟି.)- ଦୀର୍ଘ ୬ ବର୍ଷ ଧରି ମନା କରିଆସୁଥିଲେ ମଧ୍ୟ ପାକିସ୍ତାନ ପୂର୍ବତନ ସ୍ପିନର ଡାନିସ୍‌ କାନେରିଆ ଶେଷରେ ସ୍ପଟ୍‌ ଫିକ୍ସିଂ କରିଥିବା ନେଇ ସ୍ବୀକାର କରିଛନ୍ତି। ଫଳରେ ପାକିସ୍ତାନ କ୍ରିକେଟ ବୋର୍ଡ (ପିସିବି) ଏବେ ତାଙ୍କ ବିରୋଧରେ ନୂଆ ତଦନ୍ତ ପ୍ରକ୍ରିୟା ଆରମ୍ଭ କରିପାରେ ବୋଲି କୁହାଯାଇଛି।