ଖେଳ |

ଏସିଆନ୍‌ ପାରା ଗେମ୍ସ: ଦୀପା ମଲିକଙ୍କୁ ବ୍ରୋଞ୍ଜ

ଏସିଆନ୍‌ ପାରା ଗେମ୍ସ: ଦୀପା ମଲିକଙ୍କୁ ବ୍ରୋଞ୍ଜ
ଜାକର୍ତ୍ତା,୧୨।୧୦(ପି.ଟି.)- ରିଓ ପାରାଅଲିମ୍ପିକ୍ସ ପଦକଧାରୀ ଦୀପା ମଲିକ ଏଠାରେ ଚାଲିଥିବା ଏସିଆନ୍‌ ପାରା ଗେମ୍ସରେ ଡବଲ ପଦକ ଜିତିଛନ୍ତି। ଜାଭେଲିନ ଥ୍ରୋ ଇଭେଣ୍ଟରେ ବ୍ରୋଞ୍ଜ ପଦକ ଜିତିବା ପରେ ଡିସକସ ଥ୍ରୋ ଇଭେଣ୍ଟରେ ମଧ୍ୟ ସମାନ ସଫଳତା ପାଇଛନ୍ତି। ମହିଳା ବିଭାଗର ଏଫ୍‌୫୧/୫୨/୫୩ଏସ୍‌ କାଟେଗୋରୀର ଡିସକସ୍‌ ଥ୍ରୋରେ ଦୀପା ୯.୬୭ ମିଟର ଦୂରତା ହାସଲ କରିଥିଲେ। ସେ ୪ର୍ଥ ଉଦ୍ୟମରେ ଶ୍ରେଷ୍ଠ ପ୍ରଦର୍ଶନ କରିଥିଲେ। ଇରାନର  ଇଲନାଜ ଡାରାବିଆନ ୧୦.୭୧ ମି. ଦୂରତା ପର୍ଯ୍ୟନ୍ତ ଡିସ୍‌କସ୍‌ ଫିଙ୍ଗି ନୂଆ ଏସିଆ ରେକର୍ଡ ସୃଷ୍ଟି କରିବା ସ୍ବର୍ଣ୍ଣ ପଦକ ଜିତିଛନ୍ତି।  ଏହି ଇଭେଣ୍ଟରେ ବାହାରିନ ଫତେମା ନେଧାମ (୯.୮୭ ମି.)ରୌପ୍ୟ ପଦକ ପାଇଛନ୍ତି। ମହିଳା କ୍ଲବ ଥ୍ରୋ ଇଭେଣ୍ଟରେ ସ୍ବର୍ଣ୍ଣ ପଦକ ଜିତିଥିବା ଇକ୍ତା ଭୟାନ ୪ର୍ଥ ସ୍ଥାନ ଅଧିକାର କରିଥିଲେ।
All Right Reserved By

ଖେଳ |

ଦର୍ଶକଙ୍କ କୋଳାହଳ ମୋ ଖେଳିବା ଦିନକୁ ମନେ ପକାଇ ଦେଇଛି: ସଚିନ

ଦର୍ଶକଙ୍କ କୋଳାହଳ ମୋ ଖେଳିବା ଦିନକୁ ମନେ ପକାଇ ଦେଇଛି: ସଚିନ

ଭୁବନେଶ୍ୱର, ୧୭।୧୨(କ୍ରୀଡ଼ା ପ୍ରତିନିଧି)- କଳିଙ୍ଗ ଷ୍ଟାଡିୟମରେ ଅନୁଷ୍ଠିତ ହକି ବିଶ୍ୱକପ୍‌ର ରବିବାର ଫାଇନାଲର ମଧ୍ୟାନ୍ତରରେ ପଡ଼ିଆକୁ ଆସିଥିଲେ ମାଷ୍ଟର ବ୍ୟାଟ୍ସମ୍ୟାନ ସଚିନ ତେନ୍ଦୁଲକର। ଏହି ସମୟରେ ୧୫,୦୦୦ ଦର୍ଶକରେ ଭରା ଷ୍ଟାଡିୟମ ସଚିନ ସଚିନ ଶବ୍ଦରେ କମ୍ପି ଉଠିଥିଲା।

ଶେଷଦିନରେ ଫ୍ୟାନ ଭିଲେଜର ମଜା ନେଲେ ଦର୍ଶକ

ଶେଷଦିନରେ ଫ୍ୟାନ ଭିଲେଜର ମଜା ନେଲେ ଦର୍ଶକ

ଭୁବନେଶ୍ୱର, ୧୭।୧୨(କ୍ରୀଡ଼ା ପ୍ରତିନିଧି)- କଳିଙ୍ଗ ଷ୍ଟାଡିୟମରେ ଅନୁଷ୍ଠିତ ହକି ବିଶ୍ୱକପର ରବିବାର ଥିଲା ଶେଷ ଦିବସ। ଏହି ଦିନ ବ୍ରୋଞ୍ଜ ପଦକ ପାଇଁ ଏବଂ ଫାଇନାଲ ମ୍ୟାଚ ଥିବାରୁ ଦର୍ଶକଙ୍କ ମଧ୍ୟରେ ନାହିଁ ନ ଥିବା ଉତ୍ସାହ ପରିଲକ୍ଷିତ ହୋଇଥିଲା। 

ହରେନ୍ଦ୍ରଙ୍କୁ ଏଫ୍‌ଆଇଏଚ୍‌ର ଭର୍ତ୍ସନା

ହରେନ୍ଦ୍ରଙ୍କୁ ଏଫ୍‌ଆଇଏଚ୍‌ର ଭର୍ତ୍ସନା

ଭୁବନେଶ୍ୱର, ୧୭।୧୨(କ୍ରୀଡ଼ା ପ୍ରତିନିଧି)-ଚଳିତ ହକି ବିଶ୍ୱକପର କ୍ବାର୍ଟର ଫାଇନାଲରେ ନେଦରଲାଣ୍ଡ୍ସଠାରୁ ଭାରତର ପରାଜୟ ପରେ ଖବରଦାତା ସମ୍ମିଳନୀରେ ଖରାପ ଅମ୍ପାୟରିଂ ଆଡ଼କୁ ଅଙ୍ଗୁଳି ଦେଖାଇଥିଲେ ଭାରତୀୟ କୋଚ୍‌ ହରେନ୍ଦ୍ର ସିଂ। 

କୋହଲିଙ୍କ ରେକର୍ଡ

କୋହଲିଙ୍କ ରେକର୍ଡ

ପର୍ଥ,୧୭।୧୨(ପି.ଟି.)- ଏଠାରେ ଚାଲିଥିବା ଦ୍ୱିତୀୟ ଟେଷ୍ଟ ମ୍ୟାଚ୍‌ରେ ଭାରତୀୟ ଅଧିନାୟକ ବିରାଟ କୋହଲି ଶତକ ହାସଲ କରି ଏକାଧିକ କୀର୍ତ୍ତିମାନ ସ୍ଥାପନ କରିଛନ୍ତି। ୨୫୭ଟି ବଲର ସମ୍ମୁଖୀନ ହୋଇ ୧୩ ଚୌକା ଓ ୧ ଛକା ସହ ଏହି ଶତକ ହାସଲ ୧୨୩ ରନର ଶତକୀୟ ପାଳି ଖେଳି କ୍ୟାରିୟରର ୨୫ତମ ଟେଷ୍ଟ ଶତକ ହାସଲ କରିଛିନ୍ତି।

ବୃଥା ହେଲା ସୂର୍ଯ୍ୟଙ୍କ ସାହସିକ ଇନିଂସ: ରାଜସ୍ଥାନ ବିଜୟରେ ଅନିକେତ୍‌ ହିରୋ

ବୃଥା ହେଲା ସୂର୍ଯ୍ୟଙ୍କ ସାହସିକ ଇନିଂସ: ରାଜସ୍ଥାନ ବିଜୟରେ ଅନିକେତ୍‌ ହିରୋ

ଭୁବନେଶ୍ୱର, ୧୭।୧୨(ସ୍ପୋଟର୍‌ସ ବ୍ୟୁରୋ)- ଡେରାଶସ୍ଥିତ ବିକାଶ କ୍ରିକେଟ ଗ୍ରାଉଣ୍ଡରେ ଘରୋଇ ଓଡ଼ିଶା ଓ ରାଜସ୍ଥାନ ମଧ୍ୟରେ ଅନୁଷ୍ଠିତ ରଣଜୀ ଟ୍ରଫି ମ୍ୟାଚ୍‌ ଅଢ଼େଇ ଦିନରେ ଶେଷ ହୋଇଯାଇଛି। ମ୍ୟାଚ୍‌ରେ ଭ୍ରମଣକାରୀ ରାଜସ୍ଥାନ ୩୫ ରନରେ ଓଡ଼ିଶାକୁ ପରାସ୍ତ କରିଛି। 

ହକିି ବିଶ୍ୱକପ୍‌:  ବେଲଜିୟମ ବିଶ୍ୱ ବିଜୟୀ

ହକିି ବିଶ୍ୱକପ୍‌: ବେଲଜିୟମ ବିଶ୍ୱ ବିଜୟୀ

ଭୁବନେଶ୍ୱର, ୧୬।୧୨(କ୍ରୀଡ଼ା ପ୍ରତିନିଧି)-
ହକି ବିଶ୍ୱକପର ୪୭ ବର୍ଷର ଇତିହାସରେ ବେଲଜିୟମ ହୋଇଛି ନୂଆ ଚାମ୍ପିୟନ।
ପ୍ରତିଯୋଗିତାର ୧୬ସଂସ୍କରଣ ପରେ ରେଡ୍‌ ଲାୟନ ପନ୍ଧିଛି ବିଜୟ ମୁକୁଟ। ରବିବାର ଅନୁଷ୍ଠିତ ତୀବ୍ର ସଂଘର୍ଷପୂର୍ଣ୍ଣ ଫାଇନାଲରେ ବେଲଜିୟମ ଶୁଟ୍‌ଆଉଟ୍‌/ସଡନ୍‌ ଡେଥ୍‌ ୩-୨ ଗୋଲରେ ପୂର୍ବତନ ଚାମ୍ପିୟନ ନେଦରଲାଣ୍ଡ୍ସକୁ ହରାଇ ପ୍ରଥମଥର ପାଇଁ ବିଶ୍ୱକପ୍‌ ବିଜୟୀ ହୋଇଛି।
 ନିର୍ଦ୍ଧାରିତ ସମୟ ଖେଳ ଗୋଲଶୂନ୍ୟ ଭାବେ ଡ୍ର ରହିଥିଲା। ଫଳରେ ଶୁଟ୍‌ଆଉଟର ସହାୟତା ନିଆଯାଇଥିଲା। ଏଥିରେ ସ୍ଥିତି ୨-୨ରେ ରହିବାରୁ ଫଳାଫଳ ନିର୍ଣ୍ଣୟ ପାଇଁ ସଡନ୍‌ଡେଥ୍‌ ପଦ୍ଧତି ଅବଲମ୍ବନ କରାଯାଇଥିଲା। ଏଥିରେ ବେଲଜିୟମର ୮ନମ୍ବର ଖେଳାଳି ଫ୍ଲୋରେଣ୍ଟ ଭାନ ଆଉବେଲ ଗୋଲ ଦେଇଥିବାବେଳେ ନେଦରଲାଣ୍ଡ୍ସର ଜେରନ ହର୍ଜବର୍ଗର ମାରିଥିବା ଶଟ୍‌ ଗୋଲପୋଷ୍ଟ ଉପରେ ଚାଲି ଯାଇଥିଲା। ଶନିବାର ଅଷ୍ଟ୍ରେଲିଆ ବିପକ୍ଷ ସେମିଫାଇନାଲର ସଡନ୍‌ ଡେଥ୍‌ ପର୍ଯ୍ୟାୟରେ ହର୍ଜବର୍ଗର ଗୋଲ ଦେଇ ହିରୋ ବନିଥିଲେ। ମାତ୍ର ଫାଇନାଲରେ ହର୍ଜବର୍ଗର ଫେଲ୍‌ ମାରିବାପରେ ଆରମ୍ଭ ହୋଇଥିବା ବେଲଜିୟମ ଦଳର ବିଜୟ ଉତ୍ସବ।

ଦ୍ୱିତୀୟ ଟେଷ୍ଟ: କୋହଲିଙ୍କ ଶତକ ସତ୍ତ୍ୱେ ଅଷ୍ଟ୍ରେଲିଆ ଅଗ୍ରଣୀ

ଦ୍ୱିତୀୟ ଟେଷ୍ଟ: କୋହଲିଙ୍କ ଶତକ ସତ୍ତ୍ୱେ ଅଷ୍ଟ୍ରେଲିଆ ଅଗ୍ରଣୀ

ପର୍ଥ,୧୬।୨(ପି.ଟି.)- ଅଧିନାୟକ ବିରାଟ କୋହଲିଙ୍କ ଲଢୁଆ ଶତକ ସତ୍ତ୍ୱେ ଘରୋଇ ଅଷ୍ଟ୍ରେଲିଆ ଭାରତ ବିପକ୍ଷ ଦ୍ୱିତୀୟ ଟେଷ୍ଟ ମ୍ୟାଚ୍‌ରେ ପ୍ରଥମ ଇନିଂସ ଅଗ୍ରଣୀ ହାସଲ କରିଛି। ସ୍ଥାନୀୟ ପର୍ଥ ଗ୍ରାଉଣ୍ଡରେ ଟସ୍‌ ଜିତି ଅଷ୍ଟ୍ରେଲିଆ ପ୍ରଥମ ଇନିଂସରେ ୧୦୮.୩ ଓଭରରେ ୩୨୬ ରନ କରି ଅଲଆଟ ହୋଇଥିଲା। ଜବାବରେ ଭାରତ ଦ୍ୱିତୀୟ ଇନିଂସ ଆରମ୍ଭ କରି ୧୦୫.୫ ଓଭରରେ ୨୮୩ ରନ କରି ଅଲଆଉଟ ହୋଇଥିଲା। ଫଳରେ ଅଷ୍ଟ୍ରେଲିଆ ପ୍ରଥମ ଇନିଂସରେ ୪୩ ରନର ଅଗ୍ରଣୀ ହାସଲ କରିଛି। ଏହା ପରେ ଅଷ୍ଟ୍ରେଲିଆ ଦ୍ୱିତୀୟ ଇନିଂସ ଆରମ୍ଭ କରି ତୃତୀୟ ଦିବସ ଖେଳ ଶେଷ ସୁଦ୍ଧା ୪୮ ଓଭରରେ ୪ ଉଇକେଟ ହରାଇ ୧୩୨ ରନ ସଂଗ୍ରହ କରିଛି। ଫଳରେ ୬ ଉଇକେଟ ହାତରେ ରଖି ମୋଟ ଉପରେ ୧୭୫ ରନର ମହତ୍ତ୍ୱପୂର୍ଣ୍ଣ ଅଗ୍ରଣୀ ହାସଲ କରି ସ୍ଥିତି ଦୃଢ କରିବା ଲକ୍ଷ୍ୟରେ ରହିଛି। ଷ୍ଟମ୍ପ ଅପସାରଣ ବେଳକୁ ଉସ୍‌ମାନ ଖ୍ବାଜା ୪୧ ଓ ଅଧିନାୟକ ତଥା ଉଇକେଟକିପର ଟିମ୍‌ ପେନ ୮ ରନ କରି ଅପରାଜିତ ରହିଛନ୍ତି।

ହକିି ବିଶ୍ୱକପ୍‌: ଅଷ୍ଟ୍ରେଲିଆକୁ ବ୍ରୋଞ୍ଜ ପଦକ

ହକିି ବିଶ୍ୱକପ୍‌: ଅଷ୍ଟ୍ରେଲିଆକୁ ବ୍ରୋଞ୍ଜ ପଦକ

ଭୁବନେଶ୍ୱର, ୧୬।୧୨(କ୍ରୀଡ଼ା ପ୍ରତିନିଧି)-
ଟମ୍‌ କ୍ରେଗ୍‌ଙ୍କ ହ୍ୟାଟ୍ରିକ ଏବଂ ଜେରେମି ହେୱାର୍ଡଙ୍କ ଡବଲ ଗୋଲ ବଳରେ ଅଷ୍ଟ୍ରେଲିଆ ଚଳିତ ହକି ବିଶ୍ୱକପରେ ବ୍ରୋଞ୍ଜ ପଦକ ହାସଲ କରିଛି। କଳିଙ୍ଗ ଷ୍ଟାଡିୟମରେ ରବିବାର ଅନୁଷ୍ଠିତ ତୃତୀୟ ସ୍ଥାନ ପାଇଁ ମ୍ୟାଚରେ ଅଷ୍ଟ୍ରେଲିଆ ବୃହତ୍‌ ବ୍ୟବଧାନ ୮-୧ ଗୋଲରେ ଇଂଲଣ୍ଡକୁ ପରାସ୍ତ କରିଛି। ତୃତୀୟ ସ୍ଥାନ ପାଇଁ ଅନୁଷ୍ଠିତ ମ୍ୟାଚରେ ଏତେ ଗୋଲ ହେବା ଏକ ରେକର୍ଡ। 

ହକି ବିଶ୍ୱକପ୍‌: ବେଲଜିୟମ ନୂଆ ଚାମ୍ପିୟନ

ହକି ବିଶ୍ୱକପ୍‌: ବେଲଜିୟମ ନୂଆ ଚାମ୍ପିୟନ

ଭୁବନେଶ୍ୱର,୧୬।୧୨(ସ୍ପୋଟ୍ସ ବ୍ୟୁରୋ)- ୟୁରୋପୀୟ ଦେଶ ବେଲଜିୟମ ହକି ବିଶ୍ୱକପ୍‌ର ନୂଆ ଚାମ୍ପିୟନ ଭାବେ ଉଭା ହୋଇଛି। ସ୍ଥାନୀୟ କଳିଙ୍ଗ ଷ୍ଟାଡିୟମରେ ରବିବାର ଖେଳାଯାଇଥିବା ଫାଇନାଲ ମ୍ୟାଚ୍‌ରେ ବେଲଜିୟମ ପଡୋଶୀ ତଥା ଶକ୍ତିଶାଳୀ ନେଦରଲାଣ୍ଡ୍ସକୁ ପେନାଲ୍ଟି ଜରିଆରେ ୩-୨ ଗୋଲରେ ପରାସ୍ତ କରି ଟାଇଟଲ ହାସଲ କରିବା ସହ ଇତିହାସ ସୃଷ୍ଟି କରିଛି। 

ରାଜ୍ୟସ୍ତରୀୟ ରଗ୍‌ବୀ ଫୁଟବଲ ପ୍ରତିଯୋଗିତା: ମୟୂରଭଞ୍ଜରୁ ୨୪ ଖେଳାଳୀ

ରାଜ୍ୟସ୍ତରୀୟ ରଗ୍‌ବୀ ଫୁଟବଲ ପ୍ରତିଯୋଗିତା: ମୟୂରଭଞ୍ଜରୁ ୨୪ ଖେଳାଳୀ

ବାରିପଦା ଅଫିସ,୧୬।୧୨- ରାଜ୍ୟସ୍ତରୀୟ ୧୭ବର୍ଷରୁ କମ ବାଳକ ବାଳିକା ରଗବୀ ଫୁଟବଲ ପ୍ରତିଯୋଗିତା ଚଳିତ ମାସ୧୭ତାରିଖରେ ଭୁବନେଶ୍ୱର ସ୍ଥିତ କ୍ୟାପିଟାଲ ହାଇସ୍କୁଲ ପରିସରରେ ଅନୁଷ୍ଠିତ ହେବ। ଏହି ପ୍ରତିଯୋଗିତାରେ ଭାଗନେବା ପାଇଁ ମୟୂରଭଞ୍ଜରୁ ୨୪ଜଣ ଖେଳାଳୀ ମନୋନିତ ହୋଇଛନ୍ତି। ଏନେଇ ଜିଲା ଶିକ୍ଷା ଅଧିକାରୀ ଧ୍ରୁବଚରଣ ବେହେରା ଓ ଜିଲା ଶାରୀରିକ ଶିକ୍ଷା ପରିଦର୍ଶକ ଭାଗିରଥି ମଲ୍ଲିକଙ୍କ ତତ୍ତ୍ୱାବଧାନରେ ଟିମ ମ୍ୟାନେଜର ଚୟନ କରାଯାଇଛି। 

ବ୍ୟାଟିଂ ନ କରିପାରନ୍ତି ଫିଞ୍ଚ

ବ୍ୟାଟିଂ ନ କରିପାରନ୍ତି ଫିଞ୍ଚ

ପର୍ଥ,୧୬।୧୨- ଅଷ୍ଟ୍ରେଲିଆର ଓପନର ଆରୋନ ଫିଞ୍ଚ ଏଠାରେ ଭାରତ ବିପକ୍ଷରେ ଖେଳାଯାଉଥିବା ଟେଷ୍ଟ ମ୍ୟାଚ୍‌ରେ ଆହତ ହୋଇଛନ୍ତି। 

ନ୍ୟୁଜିଲାଣ୍ଡ ନିୟନ୍ତ୍ରଣରେ ଓ୍ବେଲିଂଟନ ଟେଷ୍ଟ

ନ୍ୟୁଜିଲାଣ୍ଡ ନିୟନ୍ତ୍ରଣରେ ଓ୍ବେଲିଂଟନ ଟେଷ୍ଟ

ଓ୍ବେଲିଂଟନ,୧୬।୧୨- ଏଠାରେ ଶ୍ରୀଲଙ୍କା ବିପକ୍ଷରେ ଖେଳାଯାଉଥିବା ପ୍ରଥମ କ୍ରିକେଟ ଟେଷ୍ଟ ମ୍ୟାଚ୍‌କୁ ନ୍ୟୁଜିଲାଣ୍ଡ ଦଳ ନିୟନ୍ତ୍ରଣରେ ରଖିଛି। ଶ୍ରୀଲଙ୍କା ଦଳର ପ୍ରଥମ ଇନିଂସ ୨୮୨  ରନ୍‌ରେ ସୀମିତ ରହିବା ପରେ ନ୍ୟୁଜିଲାଣ୍ଡ ଦଳ ଦ୍ୱିତୀୟ ଦିବସ ଶେଷ ପର୍ଯ୍ୟନ୍ତ ୨ ଉଇକେଟ ହରାଇ ୩୧୧ ରନ୍‌ କରିଛି।