ସାଧାରଣତଃ ମଧୁମେହ ରୋଗୀଙ୍କ ପାଇଁ ଖାଦ୍ୟପେୟକୁ ନେଇ ଅନେକ କଟକଣା ରହିଥାଏ। ଏହି ରୋଗୀମାନଙ୍କୁ ଆଳୁ, ମିଠା ଆଦି ଅନେକ ଜିନିଷ ଖାଇବାକୁ ଡାକ୍ତର ମନା କରିଥାନ୍ତି। ଏହା ସହ ଚିନି ଖାଇବାକୁ ସମ୍ପୂର୍ଣ୍ଣ ରୂପେ ବାରଣ କରାଯାଇଥାଏ। ଅଧିକାଂଶ ଲୋକ ଚିନିର ବିକଳ୍ପ ଭାବେ ଗୁଡ଼କୁ ଗ୍ରହଣ କରିଥାନ୍ତି। ତେବେ ଜାଣନ୍ତୁ ଗୁଡ଼ ଖାଇବା ଦେହପାଇଁ କେତେଦୂର ଠିକ୍ ହୋଇଥାଏ।
ଏହି ରୋଗରେ ଯେଉଁ ଜିନିଷ ଖାଇବା ଦ୍ୱାରା ଇନ୍ସୁଲିନ ବଢିଥାଏ ତାହା ଶରୀର ପାଇଁ କ୍ଷତିକାରକ ହୋଇଥାଏ ତାହା ଚିନି ହେଉ ଅବା ଗୁଡ଼। ମାତ୍ର ଚିନିଠାରୁ ଗୁଡ଼ ଏତେଟା କ୍ଷତିକାରକ ହୋଇନଥାଏ। ଗୁଡ଼ରେ ଆଇରନ ଓ ମାଙ୍ଗାନିଜ ପରି ମୌଳିକ ବସ୍ତୁ ରହିଥାଏ। ଯାହା ମଣିଷ ଶରୀରରେ ଖରାପ ପ୍ରଭାବ ପକାଇ ନ ଥାଏ। ତେବେ ଜାଣନ୍ତୁ ଗୁଡ଼ ମଧୁମେହ ରୋଗୀଙ୍କ ପାଇଁ କାହିଁକି ଖରାପ ହୋଇଥାଏ।
ଗୁଡ଼ରେ ପୋଷକତତ୍ତ୍ୱ ରହିଥାଏ। ଏହା ସହ ୬୫ ରୁ ୮୫ ପ୍ରତିଶତ ସୁଗାର ରହିଥାଏ, ସେଥିପାଇଁ ମଧୁମେହ ରୋଗୀ ଗୁଡ଼ ଖାଇବା ଉଚିତ ନୁହେଁ।
ଗୁଡ଼ ଖାଇବା ଦ୍ୟାରା ବ୍ଲଡ ସୁଗାର ସ୍ତର ବଢିଥାଏ।
ଅଧିକାଂଶ ମଧୁମେହ ରୋଗୀ ଏହି କଥା ଭାବିଥାନ୍ତି ଯେ ଚିନି ଖାଇବାଠାରୁ ଗୁଡ଼ ଖାଇବା ସୁରକ୍ଷିତ ହୋଇଥାଏ। ମାତ୍ର ଗୁଡ଼ ସେହି ମାନଙ୍କ ପାଇଁ ବିକଳ୍ପ ହୋଇଥାଏ ଯେଉଁମାନଙ୍କୁ ମଧୁମେହ ରୋଗ ହୋଇ ନ ଥାଏ। ତେବେ ସେହିମାନେ ମଧୁମେହଠାରୁ ସଚେତନ ହେବା ପାଇଁ ଗୁଡ଼କୁ ଖାଦ୍ୟରେ ସାମିଲ କରିପାରିବେ
