ଜଳନ୍ଧର,୧୧।୧୦: ପଞ୍ଜାବ ଓ ଜମ୍ମୁ-କଶ୍ମୀର ପୋଲିସ ମିଳିତ ଚଢ଼ାଉ କରି ୩ ସ୍ଲିପର ସେଲ୍ ଆତଙ୍କବାଦୀଙ୍କୁ ଗିରଫ କରିଛନ୍ତି। ଜଳନ୍ଧର ଶାହାପୁରଠାରେ ଥିବା ସିଟି ଇନଷ୍ଟିଚ୍ୟୁଟ୍ ଅଫ୍ ଇଞ୍ଜିନିୟରିଂ ଆଣ୍ଡ ଟେକ୍ନୋଲୋଜି କଲେଜ ହଷ୍ଟେଲରେ ରହି ସେମାନେ ସ୍ଲିପର ସେଲ୍ କାର୍ଯ୍ୟ ଜାରି ରଖିଥିଲେ। ସେମାନେ ହେଉଛନ୍ତି ଜାହିଦ୍ ଗୁଲଜାର୍, ମହମ୍ମଦ ଇଦରିଶ୍ ଶାହ ଏବଂ ୟୁସୁଫ୍ ରଫିକ୍। ସେମାନେ ଆତଙ୍କବାଦୀ ସଂଗଠନ ଅସାଂର ଗଜବତ୍-ଉଲ୍-ହିନ୍ଦ୍ର ସଦସ୍ୟ। ଏହି ସଂଗଠନ ଅଲକାଇଦା ସହ ଜଡ଼ିତ ବୋଲି ପୋଲିସ ସୂଚନା ଦେଇଛି। ସେମାନଙ୍କଠାରୁ ଗୋଟିଏ ଇଟାଲିଆନ୍ ପିସ୍ତଲ, ୨ ମ୍ୟାଗାଜିନ୍, ଗୋଟିଏ ଏକେ-୪୭ ସହିତ ପ୍ରାୟ ଏକ କିଲୋଗ୍ରାମ୍ ଆରଡିଏକ୍ସ ଜବତ ହୋଇଛି। ଜମ୍ମୁ-କଶ୍ମୀର ପୋଲିସର ସ୍ପେଶାଲ ଅପରେଶନ୍ ଗ୍ରୁପ୍ ସେମାନଙ୍କୁ ୧୫ ଦିନ ରିମାଣ୍ଡରେ ନେବାକୁ ଆବେଦନ କରିଥିବାବେଳେ ଅଦାଲତ ୧୦ ଦିନର ରିମାଣ୍ଡ ମଞ୍ଜୁର କରିଛନ୍ତି ବୋଲି ପଞ୍ଜାବ ପୋଲିସ ଡିଜିପି ସୁରେଶ ଆରୋର ସୂଚନା ଦେଇଛନ୍ତି।
