ଫୁରସତ |

ମୁମ୍ବାଇ ଗଲେ ଅମିତାଭ ବଚ୍ଚନଙ୍କ ଘର ଆଗରେ ମୁଣ୍ଡିଆ ମାରେ

ମୁମ୍ବାଇ ଗଲେ ଅମିତାଭ ବଚ୍ଚନଙ୍କ ଘର ଆଗରେ ମୁଣ୍ଡିଆ ମାରେ
‘ରକତେ ଲେଖିଛି ନଁା’ ଚଳଚ୍ଚିତ୍ର ଜରିଆରେ ଶିଶୁ କଳାକାର ଭାବେ ଓଡ଼ିଆ ଚଳଚ୍ଚିତ୍ର ଜଗତରେ ପାଦ ଥାପିଥିଲେ ସ୍ବରାଜ ବାରିକ। ଏହାପରେ ସେ ‘ସମୟ ହାତରେ ଡୋରି’, ‘ଛାତି ଚିରିଦେଲେ ତୁ’,  ‘ଆକାଶେ କି ରଙ୍ଗ ରାଗିଲା’ ଭଳି  ଚଳଚ୍ଚିତ୍ରରେ ଶିଶୁ କଳାକର ଭାବେ ଅଭିନୟ କରି ଦର୍ଶକଙ୍କ ହୃଦୟରେ ଏକ ସ୍ବତନ୍ତ୍ର ସ୍ଥାନ ସୃଷ୍ଟି କରିପାରିଛନ୍ତି। ପରଦାରେ ନାୟକ ଭାବେ ପ୍ରଥମ ଫିଲ୍ମରୁ ହିଁ ଅଭୂତପୂର୍ବ ଭଲପାଇବା ସାଉଁଟିଛନ୍ତି। ଏଯାବତ୍‌ ସେ ୨ଟି ନାଟକ, ୬ ଧାରାବାହିକ, ୨୧ ଚଳଚ୍ଚିତ୍ର(୧୯ଟିରେ ଶିଶୁ କଳାକାର ଓ ୨ଟିରେ ମୁଖ୍ୟ ନାୟକ ଭାବେ)ରେ ଅଭିନୟ କରିଛନ୍ତି। ସ୍ବରାଜଙ୍କ ସହ ‘ଧରିତ୍ରୀ’ ପକ୍ଷରୁ ଆଳାପ।

ପ୍ରଥମ ଫିଲ୍ମ ଅଫର କିପରି ପାଇଥିଲେ ?
ଏକ ରାଜ୍ୟସ୍ତରୀୟ ନୃତ୍ୟ ପ୍ରତିଯୋଗିତା ହୋଇଥିଲା। ସେଥିରେ ମୁଁ ଦ୍ୱିତୀୟ ହୋଇଥିଲି। ସେହି ପ୍ରତିଯୋଗିତାରେ ପ୍ରଥମ ୭ଜଣଙ୍କୁ ହର ପଟ୍ଟନାୟକ ସାର ତାଙ୍କ ଆସନ୍ତା ଫିଲ୍ମ ‘ପାଗଳ ପ୍ରେମୀ’ରେ ଅଭିନୟ କରିବା ପାଇଁ କହିଥିଲେ। ‘ପାଗଳ ପ୍ରେମୀ’ ପାଇଁ ମୁଁ ଅଡିଶନ୍‌ ଦେଇଥିଲି। କିନ୍ତୁ ସେହି ଫିଲ୍ମ ଶୁଟିଂ ସମୟରେ ‘ରକତେ ଲେଖିଛି ନଁା’ ପାଇଁ ଅଫର ମିଳିଲା ଓ ଏହି ଫିଲ୍ମଟି ମୋର ପ୍ରଥମେ ରିଲିଜ୍‌ ହୋଇଥିଲା।
‘ସମୟ ହାତରେ ଡୋରି’ ଚଳଚ୍ଚିତ୍ର ପାଇଁ ରାଜ୍ୟସ୍ତରୀୟ ଶିଶୁ କଳାକାର ପୁରସ୍କାରରେ ସମ୍ମାନିତ ହୋଇଥିଲେ। ତାହାର କ’ଣ ଅନୁଭୂତି ରହିଛି?
ତାହା ମୋ କ୍ୟାରିୟରର ଏକ ଟର୍ନିଂ ପଏଣ୍ଟ ଥିଲା। ବହୁତ ଖୁସି ଲାଗିଥିଲା। କୌଣସି ପୁରସ୍କାର ଯେତିକି ଖୁସି ଦିଏନି ଦର୍ଶକଙ୍କ ତାଳି ତା’ଠାରୁ ଅଧିକ ଖୁସି ଦେଇଥାଏ। ତେଣୁ ପୁରସ୍କାର ପାଇବା ସମୟରେ ଓ ସେହି ମଞ୍ଚରେ କିଛି କହିବା ସମୟରେ ଦର୍ଶକ ଯେଉଁ ତାଳି ମାରିଥିଲେ, ତାହା ମୋତେ ଅଧିକ ଖୁସି ଦେଇଥିଲା।
ଶିଶୁ କଳାକାରରୁ ମୁଖ୍ୟ ଅଭିନେତାର ଯାତ୍ରା କିପରି ହେଲା?
ସ୍ବପ୍ନ ଥିଲା ମୁଁ ଫିଲ୍ମରେ ହିରୋ ହେବି। କିନ୍ତୁ କେବେ ଜାଣି ନ ଥିଲି ଯେ ହିରୋ ହୋଇପାରିବି। କାରଣ ଶିଶୁ କଳାକାର ସମୟରେ ଯେତେବେଳେ ମୁଁ ଧୀରେ ଧୀରେ ବଢ଼ିଲି ମୋର ଫିଗର ବହୁତ ଅଡ୍‌ ଦିଶୁଥିଲା। ତେଣୁ ମନରେ ଦ୍ୱନ୍ଦ୍ୱ ଥିଲା ଯେ ମୋତେ ଅଫର ମିଳିବ କି ନାହିଁ। କିନ୍ତୁ ଭଗବାନଙ୍କ ଆଶୀର୍ବାଦ ଓ ଦର୍ଶକଙ୍କ ଭଲପାଇବା ମୋତେ ସୁଯୋଗ ଦେଇଥିଲା।
ମୁଖ୍ୟ ନାୟକ ଭାବେ ପ୍ରଥମ ଫିଲ୍ମ ପାଇଁ ସୁଯୋଗ କିପରି ପାଇଥିଲେ?
ଯଦିଓ ମୋର ପ୍ରଥମ ଫିଲ୍ମ ‘ତୁ ମୋ ଲଭ୍‌ ଷ୍ଟୋରି’ ପରଦାକୁ ଆସିଥିଲା, କିନ୍ତୁ ସୁଶାନ୍ତ ମଣିଙ୍କ ଫିଲ୍ମ ‘ଲୈଲା ଓ ଲୈଲା’ରେ ମୋତେ ପ୍ରଥମେ ଅଫର ମିଳିଥିଲା। କିନ୍ତୁ ଫିଲ୍ମଟି ନିର୍ମାଣ ହେବାରେ ବିଳମ୍ବ ହୋଇଥିଲା। ସେହି ସମୟ ଭିତରେ ‘ତୁ ମୋ ଲଭ୍‌ ଷ୍ଟୋରି’ର ସୁଯୋଗ ମିଳିଥିଲା ଓ ତା’ର ଆଗ ଶୁଟିଂ ଶେଷ ହୋଇଥିଲା। ତେବେ ଛୋଟ ବେଳୁ ତାପସ ସରଗରିଆ ସବୁବେଳେ ମୋତେ ଗାଇଡାନ୍ସ କରୁଥିଲେ। କ’ଣ କଲେ ମୁଁ ଅଭିନେତା ହୋଇପାରିବି ସେ ଦିଗରେ ଟିପ୍ସ ଦେଉଥିଲେ। ସୁଶାନ୍ତ ମଣି ସାର ‘ଲୈଲା ଓ ଲୈଲା’ର ଲୁକ୍‌ ଟେଷ୍ଟିଂ ପାଇଁ ମୋତେ ଡାକିଥିଲେ। ସେହି ଫିଲ୍ମର କାହାଣୀ ଅନୁଯାୟୀ ଜଣେ ଟିନ୍‌ ଏଜ୍‌ର ଲୁକ୍‌ ଯେପରି ହେବା କଥା ମୋର ସେଭଳି ଥିଲା। ତେଣୁ ସେ ମୋତେ ବାଛିଥିଲେ।
ଶିଶୁ କଳାକାର ସ୍ବରାଜ ଓ ମୁଖ୍ୟ ଅଭିନେତା ସ୍ବରାଜ ଭିତରେ କ’ଣ ଫରକ ଅଛି ?
ଛୋଟବେଳେ ବି ମୁଁ ଫିଲ୍ମର କାହାଣୀ ଦେଖି ଅଭିନୟ କରୁଥିଲି ଓ ଏବେ ମଧ୍ୟ ତାହା କରୁଛି। ସେତେବେଳେ ଅଭିନୟ ପ୍ରତି ଗୁରୁତ୍ୱ ଦେଉଥିଲି, ଏବେବି ଦେଉଛି। ଖାଲି ଏତିକି ଫରକ ଯେ, ବୟସ ଓ ଉଚ୍ଚତା ବଢ଼ିଯାଇଛି।
‘ଲୈଲା ଓ ଲୈଲା’ ସିନେମାର ‘ଶୁକୁଟି ସାହୁ’ ଗୀତଟି ଆପଣଙ୍କୁ ଅଧିକ ଲୋକପ୍ରିୟ କରିଥିଲା। ଏନେଇ କ’ଣ କହିବେ?
ସେ ଗୀତଟି ମାର୍କେଟ୍‌କୁ ନେଇ ହୋଇଥିଲା। ଗୀତଟି ପ୍ରଥମେ ଫିଲ୍ମରେ ନ ଥିଲା। କିନ୍ତୁ ୟୁଟ୍ୟୁବ୍‌ରେ ଦର୍ଶକଙ୍କ ଭଲପାଇବା ଯେତେବେଳେ ମିଳିଲା ତା’ପରେ ତାକୁ ଫିଲ୍ମରେ ରଖାଯାଇଥିଲା। ଆଜି ପର୍ଯ୍ୟନ୍ତ ଯେଉଁଠି ବି ମୁଁ ଷ୍ଟେଜ୍‌ ଶୋ’ କରିଛି ସବୁଠି ଏହି ଗୀତର ଡିମାଣ୍ଡ ଥାଏ। ଏହି ଗୀତ ପାଇଁ ବହୁତ ଭଲପାଇବା ମିଳିଛି। ଅଭିନେତା ହିସାବରେ ନିଜକୁ ଲକି ଫିଲ୍‌ କରୁଛି ଯେ ଏଭଳି ଏକ ଗୀତରେ ମୁଁ କାମ କରିଛି।
କେଉଁ ଅଭିନେତାଙ୍କ ଅଭିନୟ  ପ୍ରେରଣା ଯୋଗାଇଛି?
ସେମିତି କେହି ଜଣେ ନାହାନ୍ତି। ଭିନ୍ନ ଭିନ୍ନ କଳାକାରଙ୍କଠାରୁ ମୁଁ ଭିନ୍ନ ଭିନ୍ନ କଥା ଶିଖିଥାଏ। ବଲିଉଡ୍‌ରେ ଅମିତାଭ ବଚ୍ଚନ, ଶାହରୁଖ ଖାନ୍‌, ଗୋବିନ୍ଦା, ଅମିର ଖାନ୍‌, ଓଡ଼ିଆ ଚଳଚ୍ଚିତ୍ର ଜଗତରେ ସିଦ୍ଧାନ୍ତ ମହାପାତ୍ର, ଅନୁଭବ ମହାନ୍ତି, ବାବୁସାନ ମୋର ପସନ୍ଦ। ତେବେ ଏକ ଅପ୍ରିୟ ସତ ହେଉଛି, ଯେବେ ବି ମୁଁ ବମ୍ବେ ଯାଏ ଅମିତାଭ ବଚ୍ଚନ ଓ ଶାହରୁଖ ଖାନଙ୍କ ଘର ସାମ୍ନାରେ ମୁଣ୍ଡିଆ ମାରିକି ଆସେ। କାରଣ ଏହି ଦୁହିଁଙ୍କୁ ମୁଁ ଗୁରୁ ବୋଲି ମାନିଥାଏ। ତାଙ୍କଠାରୁ ବହୁତ କିଛି ଶିଖିଛି।
ପୁରୁଣା ଫିଲ୍ମରେ ଯେଉଁଭଳି କାହାଣୀ ରହୁଥିଲା, ତାହା ଏବେକାର ଫିଲ୍ମରେ ଦେଖିବାକୁ ମିଳୁ ନ ଥିବା କୁହାଯାଉଛି। ଏନେଇ କ’ଣ କହିବେ?
ମୋ ମତରେ ଏଥିରେ ଦର୍ଶକ କିମ୍ବା ସିନେମା ଇଣ୍ଡଷ୍ଟ୍ରି କାହାର ବି ଭୁଲ ନୁହେଁ। ସମୟ ସହିତ ତାଳ ଦେଇ ଯିବା ଦରକାର। ଗୋଟେ ସମୟ ଥିଲା, ବାହାରୁ ବହୁତ ପ୍ରଯୋଜକ ଆସି ଯାହା ଚାହିଁଲେ ଫିଲ୍ମ କଲେ। ଯେଉଁଥିପାଇଁ ଆମ ସିନେମା ଜଗତ ଯେଉଁ ସ୍ତରରେ ଥିଲା ତାହା ରହିଲା ନାହିଁ। କିନ୍ତୁ ୨୦ ସିନେମା ଖରାପ ହେଉଥିଲେ ନିଶ୍ଚିତ ଭାବେ ୧୫ ଭଲ ସିନେମା ବାହାରୁଛି। ତେଣୁ ମୁଁ କହିବି ଯେ, ସମସ୍ତେ ଓଡ଼ିଆ ଫିଲ୍ମ ଦେଖନ୍ତୁ, ଭଲପାଆନ୍ତୁ ଓ ସର୍ପୋଟ କରନ୍ତୁ। ଦିନେ ନା ଦିନେ ଓଡ଼ିଆ ଫିଲ୍ମ ମଧ୍ୟ ବହୁତ ଆଗକୁ ଯିବ।
ଭବିଷ୍ୟତରେ କେଉଁ ଅଭିନେତ୍ରୀଙ୍କ ସହ କାମ କରିବା ପାଇଁ ଇଚ୍ଛା ରଖିଛନ୍ତି ?
ନିକିତାଙ୍କ ସହିତ କାମ କରିବାକୁ ଚାହିଁବି। ଯଦି ସେଭଳି କିଛି ଷ୍ଟୋରି ମିଳେ ତେବେ ଅର୍ଚ୍ଚିତା ଦିଦିଙ୍କ ସହିତ କାମ କରିବି।
କେଉଁଭଳି ଚରିତ୍ରରେ ଅଭିନୟ କରିବାକୁ ପସନ୍ଦ କରିବେ?
ଅଳ୍ପ ପଛେ ହେଉ ଯେଉଁ ବି ଫିଲ୍ମ କରିବି ଭଲରେ କରିବାକୁ ଚାହିଁବି। ଭିନ୍ନ ଭିନ୍ନ ଚରିତ୍ରରେ ମୁଁ ଅଭିନୟ କରିବା ପାଇଁ ଚେଷ୍ଟା କରିବି। ଗୋଟିଏ ଚରିତ୍ରରେ ଅଭିନୟ କଲେ ଆଗକୁ ବଢ଼ିପାରିବି ନାହିଁ।
ଶୁଟିଂ ସେଟ୍‌ର କିଛି ଅନୁଭୂତି?
ଶୁଟିଂ ସେଟ୍‌ରେ ସେଭଳି କିଛି ଅନୁଭୂତି ନାହିଁ। କିନ୍ତୁ ନିକଟରେ ଏକ ଶୋ’ରେ ମୁଁ ଶିବାନୀଙ୍କ ସହିତ ନାଚୁଥିଲାବେଳେ ଆଣ୍ଠୁରୁ ଚକି ଖସି ଯାଇଥିଲା। ବହୁତ କଷ୍ଟ ହୋଇଥିଲା। କିନ୍ତୁ ମୁଁ ନାଚିଥିଲି।  ମୁଁ ଅଢ଼େଇମାସ ପାଇଁ ଚିକିତ୍ସାଧୀନ ଅବସ୍ଥାରେ ରହିଲି।
ଅପ୍‌କମିଙ୍ଗ ପ୍ରୋଜେକ୍ଟ କ’ଣ ରହିଛି?
ସନ୍‌ମିରାଙ୍କ ସହିତ ନଭେମ୍ବର ୨୩ରେ ମୋର ‘ଲଭ୍‌ ଏକ୍ସପ୍ରେସ୍‌’ ଫିଲ୍ମ ରିଲିଜ୍‌ ହେଉଛି। ଯାହାର ଟ୍ରେଲର ଓ ଗୀତ ଦଶହରାରେ ଛଡ଼ାଯିବ। ନୂଆବର୍ଷରେ ଶିବାନୀଙ୍କ ସହ ‘ଦିଲ୍‌ ମୋର ମାନେନା’ ଚଳଚ୍ଚିତ୍ର ଆସିବ। 
କ୍ୟାରିୟରକୁ ନେଇ ଅନ୍ୟ କିଛି ଇଚ୍ଛା ଅଛି?
ଭବିଷ୍ୟତରେ ଲ’ କରି ଭଲ ପଦବୀରେ ଚାକିରି କରିବାର ଇଚ୍ଛା ଅଛି। ତେବେ ଅଭିନୟ କେବେ ଛାଡ଼ିବି ନାହିଁ।
ସମୟ ମିଳିଲେ କ’ଣ କରିବାକୁ ପସନ୍ଦ କରନ୍ତି ?
ଶିରିଡ଼ି ଯାଇ ଚୁଟି କାଟିବା ପାଇଁ ଅଧିକ ପସନ୍ଦ କରେ।
କ’ଣ ଖାଇବାକୁ ପସନ୍ଦ କରନ୍ତି?
ଦହି ମୋତେ ବହୁତ ପସନ୍ଦ। ତେଣୁ ଦହିର ସବୁକିଛି ଆଇଟମ୍‌ ମୋତେ ଖାଇବାକୁ ଭଲଲାଗେ।
All Right Reserved By

ଫୁରସତ |

ମାନସିକ ଚାପରୁ ବି ଦୂରେଇ ରଖେ ଯୋଗ

ମାନସିକ ଚାପରୁ ବି ଦୂରେଇ ରଖେ ଯୋଗ

ଯୋଗ ଶରୀର ପାଇଁ ବେଶ୍‌ ଉପଯୋଗୀ। ଯୋଗ ମାଧ୍ୟମରେ ବିଭିନ୍ନ ରୋଗରୁ ସହଜରେ ମୁକ୍ତି ମିଳିଥାଏ ବୋଲି ଆୟୁର୍ବେଦରେ ଉଲ୍ଲେଖ ରହିଛି। 

ଯେଉଁଠି ୫ ଡଲାରରେ ମିଳେ ଢେର୍‌ ଖୁସି...

ଯେଉଁଠି ୫ ଡଲାରରେ ମିଳେ ଢେର୍‌ ଖୁସି...

କୁହାଯାଏ, ଖୁସିକୁ କେହି ଟଙ୍କା ଦେଇ କିଣିପାରନ୍ତି ନାହିଁ। ମାତ୍ର ଚାଇନାବାସୀ ଏହାକୁ ସତ କରି ଦେଖାଇଛନ୍ତି। ଏଠି ୫ ଡଲାରରେ ମିଳେ ଢେର୍‌ ଖୁସି।

ଯେଉଁଠି ଋଣ ପାଇଁ ନିଆଯାଏ ନିର୍ବସ୍ତ୍ର ସେଲଫି...

ଯେଉଁଠି ଋଣ ପାଇଁ ନିଆଯାଏ ନିର୍ବସ୍ତ୍ର ସେଲଫି...

ଚାଇନାରେ ବ୍ୟାଙ୍କ ତଥା ଅନ୍ୟାନ୍ୟ ସଂସ୍ଥାରୁ ଋଣ କରୁଥିବା ବ୍ୟକ୍ତିଙ୍କ ପାଇଁ ରହିଛି ଏକ ନୂଆ ନିୟମ। ଋଣ ଧାରକଙ୍କୁ ଏଠାରେ ଅନ୍ୟ ଆବଶ୍ୟକ ଡକୁମେଣ୍ଟ ସହିତ ତାଙ୍କର ନିର୍ବସ୍ତ୍ର ସେଲଫି ଦାଖଲ କରିବାକୁ ପଡ଼ିଥାଏ। 

ପ୍ରେମ ଓ ସୌଭାଗ୍ୟର ସୂଚନା ଦିଏ ଓଠର ତିଳ ଚିହ୍ନ

ପ୍ରେମ ଓ ସୌଭାଗ୍ୟର ସୂଚନା ଦିଏ ଓଠର ତିଳ ଚିହ୍ନ

ମଣିଷ ଶରୀରରେ ତିଳ ଚିହ୍ନର ମହତ୍ତ୍ୱ ରହିଥାଏ ବୋଲି ଜ୍ୟୋତିଷ ଶାସ୍ତ୍ରରେ ବର୍ଣ୍ଣନା କରାଯାଇଛି। ଓଠରେ ତିଳ ଚିହ୍ନ ଥିଲେ ଏହା ପ୍ରେମ ବିବାହ କରାଇବାରେ ସହାୟକ ହୋଇଥାଏ ବୋଲି ଅନେକ ଜ୍ୟୋତିଷ ସୂଚିତ କରିଥାନ୍ତି। 

ଝିଅକୁ ଶିଖାନ୍ତୁ  ସମ୍ପର୍କ ଯୋଡ଼ି ରଖିବାର କଳା

ଝିଅକୁ ଶିଖାନ୍ତୁ ସମ୍ପର୍କ ଯୋଡ଼ି ରଖିବାର କଳା

ଝିଅଟିଏ ବୋହୂ ହୋଇ ଶାଶୁଘରକୁ ଗଲେ ତାହାର ଦାୟିତ୍ୱ ବଢ଼ିଯାଏ। ଶାଶୁଘର ସଦସ୍ୟଙ୍କ ସହ ମନ ମିଳାଇ ତାକୁ ଚାଲିବାକୁ ପଡ଼େ। ତେବେ ସେଠାରେ ସେ କିପରି ସୁସମ୍ପର୍କ ରଖିପାରିବ, ସେନେଇ ତାକୁ ବିବାହ ପୂର୍ବରୁ କିଛି ଶିଖିବାକୁ ପଡିଥାଏ। ସେ ସମ୍ପର୍କରେ...

ପୁରୁଷ ବି ବ୍ୟବହାର କରିପାରିବେ ଗର୍ଭନିରୋଧକ ଟ୍ୟାବଲେଟ୍‌...

ପୁରୁଷ ବି ବ୍ୟବହାର କରିପାରିବେ ଗର୍ଭନିରୋଧକ ଟ୍ୟାବଲେଟ୍‌...

ବଜାରରେ ମହିଳାଙ୍କ ଉପଯୋଗୀ ଗର୍ଭନିରୋଧକ ଟ୍ୟାବଲେଟ୍‌ ଉପଲବ୍ଧ ହୋଇଥାଏ। ଏହାର ବ୍ୟବହାର କରିବା  ଦ୍ୱାରା ମହିଳାଙ୍କ ସେକ୍ସ୍‌ ହରମୋନ୍‌ ଉପରେ ପ୍ରଭାବ ପଡିଥାଏ।

ଜୀବନରେ ସରସତା ଭରିବା ପାଇଁ କରନ୍ତୁ ଏପରି...

ଜୀବନରେ ସରସତା ଭରିବା ପାଇଁ କରନ୍ତୁ ଏପରି...

ପାଟିରୁ ବାହାରୁଥିବା ଶବ୍ଦ କେତେବେଳେ ମଣିଷକୁ ଖୁସି କରାଏ ତ କେତେବେଳେ କରାଇଥାଏ ଦୁଃଖୀ ।

ନାନାବାୟା ଗୀତ ଶୁଣିଲେ କାହିଁକି ଶୋଇଯାଆନ୍ତି ଶିଶୁ...

ନାନାବାୟା ଗୀତ ଶୁଣିଲେ କାହିଁକି ଶୋଇଯାଆନ୍ତି ଶିଶୁ...

ଛୋଟ ଅଝଟ ଶିଶୁଙ୍କୁ ଶୁଆଇବା ପାଇଁ ମା’ମାନେ ନାନାବାୟା ଗୀତର ସାହାରା ନେଇଥାନ୍ତି। ପୃଥିବୀର ସମସ୍ତ ସଂସ୍କୃତି ତଥା ପରମ୍ପରାରେ ଏଭଳି ନାନାବାୟା ଗୀତକୁ ଲୋକଗୀତ ବୋଲି କୁହାଯାଇଥାଏ। ତେବେ ଏହା ଛୋଟ ଶିଶୁ ଉପରେ ସକାରାତ୍ମକ ପ୍ରଭାବ ପକାଇଥାଏ ବୋଲି ଲଣ୍ଡନର ଗ୍ରେଟ୍‌ ଔରମଣ୍ଡ  ଷ୍ଟ୍ରିଟ୍‌ ହସ୍ପିଟାଲରେ ହୋଇଥିବା ଏକ ଗବେଷଣା ରିପୋର୍ଟରେ ଉଲ୍ଲେଖ କରାଯାଇଛି। 

 ବିବାହ  ପୂର୍ବରୁ ରକ୍ତ ପାନ କରେ ବର

ବିବାହ ପୂର୍ବରୁ ରକ୍ତ ପାନ କରେ ବର

ଭାରତର ବିଭିନ୍ନ ପ୍ରାନ୍ତରେ ବିବାହର ଭିନ୍ନ ଭିନ୍ନ ପରମ୍ପରା ରହିଛି। ମଧ୍ୟପ୍ରଦେଶ ଓ ଛତିଶଗଡ଼ରେ ବାସ କରୁଥିବା ଗୋଣ୍ଡ ଜନଜାତିରେ ଅଛି ଏକ ଅଜବ ପରମ୍ପରା। ଏହି ଜନଜାତିଙ୍କ ବିବାହରେ ବରକୁ ଘୁଷୁରି ମାରିବାକୁ ପଡିଥାଏ।

ଏହି ଲେଡି ପୋଲିସଙ୍କ ହାତରେ ଗିରଫ ହେବାକୁ ଭୂଲ୍‌ କରୁଛନ୍ତି ଲୋକେ

ଏହି ଲେଡି ପୋଲିସଙ୍କ ହାତରେ ଗିରଫ ହେବାକୁ ଭୂଲ୍‌ କରୁଛନ୍ତି ଲୋକେ

ଜର୍ମାନୀର ପୋଲିସ ଅଫିସର ଏଡ୍ରିଏନ୍‌ ମୋଲେସଜର ଏବେ ଦେଖେଣାହାରୀଙ୍କ ମୁଣ୍ଡ ବିଗାଡିଛନ୍ତି। ଏମିତିକି ତାଙ୍କ ହାତରେ ଗିରଫ ହେବା ପାଇଁ ଏବେ ଅନେକ ଲୋକ କିଛି ନା କିଛି ଭୂଲ୍‌ କରିବସୁଛନ୍ତି। 

କୃତ୍ରିମ ଚନ୍ଦ୍ର

କୃତ୍ରିମ ଚନ୍ଦ୍ର

ଅତୀତରେ ଯାହା ଦିନେ ଥିଲା କବିର କଳ୍ପନା, ତାହା ଏବେ ବାସ୍ତବତାରେ ପରିଣତ ହେବାକୁ ଯାଉଛି। ଚାଇନାର ବୈଜ୍ଞାନିକମାନେ ୨୦୨୦ ମସିହା ସୁଦ୍ଧା ଆକାଶରେ ଏକ କୃତ୍ରିମ ଚନ୍ଦ୍ର ସ୍ଥାପନ କରିବାକୁ ଅଣ୍ଟା ଭିଡ଼ିଛନ୍ତି। ଏହି କୃତ୍ରିମ ଚନ୍ଦ୍ରକୁ ସିଚୁଆନ୍‌ ପ୍ରଦେଶର ରାଜଧାନୀ ଚେଙ୍ଗଡୁ  ସହର ଉପରେ ଅବସ୍ଥାପିତ କରାଯିବ...

ଦରଦାମ ବୃଦ୍ଧିର ଇଏ ବି ଏକ କାରଣ...

ଦରଦାମ ବୃଦ୍ଧିର ଇଏ ବି ଏକ କାରଣ...

ଦରଦାମ ବୃଦ୍ଧିର ଅନେକ କାରଣ ରହିଛି। ସେଥିମଧ୍ୟରେ ମୁଖ୍ୟ କାରଣ ହେଉଛି ମହିଳାଙ୍କ ଶପିଂ ଅଭ୍ୟାସ।