ଖେଳ |

ହକିର ବିଜୟ : ଧନ୍‌ ଏକାଦଶକୁ ହରାଇଲା ଦିଲ୍‌ ଏକାଦଶ

ହକିର ବିଜୟ : ଧନ୍‌ ଏକାଦଶକୁ ହରାଇଲା ଦିଲ୍‌ ଏକାଦଶ
ଭୁବନେଶ୍ୱର, ୧୧।୧୦(କ୍ରୀଡ଼ା ପ୍ରତିନିଧି)-
ନୂଆ ରୂପ ନେଇଥିବା ହକି ଷ୍ଟାଡିୟମର ଉଦ୍‌ଘାଟନୀ ଉତ୍ସବ ଅବସରରେ ଏକ ପ୍ରଦର୍ଶନ ମ୍ୟାଚ ଅନୁଷ୍ଠିତ ହୋଇଥିଲା। ଏଥିରେ ଦିଲୀପ ତିର୍କୀଙ୍କ ନେତୃତ୍ୱାଧୀନ ଦିଲ୍‌ ଏକାଦଶ ୨-୧ ଗୋଲରେ ଧନରାଜ ପିଲେଙ୍କ ଧନ୍‌ ଏକାଦଶକୁ ପରାସ୍ତ କରିଛି। ଦିଲୀପଙ୍କ ଟିମ୍‌ ପକ୍ଷରୁ ଦୀପକ ଠାକୁର ୨ଟିଯାକ ଗୋଲ ଦେଇଥିବାବେଳେ ଧନରାଜଙ୍କ ଦଳର ଗୁରଜାନ୍ତ ସିଂ ଗୋଟିଏ ଗୋଲ ପରିଶୋଧ କରିଥିଲେ। ଉଭୟ ଦଳରେ ଅନେକ ହକି କିମ୍ବଦନ୍ତୀଙ୍କ ସହ ବର୍ତ୍ତମାନର ସିନିୟର ଓ ଜୁନିୟର ଖେଳାଳିଙ୍କ ସମ୍ମିଶ୍ରଣ ହୋଇଥିଲା। ଗୋଟିଏ ମ୍ୟାଚରେ ଧନରାଜ, ଦିଲୀପ, ବୀରେନ ରସ୍କିନା, ସର୍ଦ୍ଦାର ସିଂ, ଜୁଗରାଜ ସିଂ, ଦୀପକ ଠାକୁର ଆଦି ଖେଳାଳିଙ୍କୁ ଦେଖିବା ଉପସ୍ଥିତ ଦର୍ଶକଙ୍କ ପାଇଁ ଭିନ୍ନ ଅନୁଭବ ଆଣିଥିଲା। ମ୍ୟାଚର ଫଳାଫଳ ଯାହା ହେଉନା କାହିଁକି ଏଠାରେ ହକିର ବିଜୟ ହୋଇଛି ବୋଲି ଉଭୟ ଦିଲୀପ ଓ ଧନରାଜ ପ୍ରକାଶ କରିଥିଲେ। ମ୍ୟାଚ ପରେ ଉଭୟ ଦଳର ସମସ୍ତ ସଦସ୍ୟଙ୍କୁ ଟ୍ରଫି ଦିଆଯାଇ ସମ୍ମାନିତ କରାଯାଇଥିଲା। 
୧୪ ବର୍ଷ ପରେ ୯ ନମ୍ବର ଜର୍ସି
ମୁଁ ଦୀର୍ଘ ୧୪ ବର୍ଷ ପରେ ପ୍ରିୟ ୯ ନମ୍ବର ଜର୍ସି ପିନ୍ଧିବାର ସୌଭାଗ୍ୟ ପାଇଛି। ଶେଷଥରପାଇଁ ମୁଁ ୨୦୦୪ରେ ଭାରତ ପକ୍ଷରୁ ଖେଳିବାବେଳେ ଏହି ନମ୍ବର ଜର୍ସି ପରିଧାନ କରିଥିଲି। ଏବେ ହକିର ପରିଭାଷା ବଦଳି ଯାଇଛି। ଆମ ସମୟର ହକି ତୁଳନାରେ ବର୍ତ୍ତମାନର ହକି ଗେମ୍‌ ଅଧିକ ଫାଷ୍ଟ ହୋଇଛି। ଦୀର୍ଘଦିନପରେ ଖେଳିଥିବାରୁ ମୁଁ ଅତ୍ୟନ୍ତ ଆନନ୍ଦିତ। ସମସ୍ତ ଖେଳାଳି ବହୁତ ଭଲ ଖେଳିଲେ। ଏଠାରେ ଏକ ବିଶ୍ୱସ୍ତରୀୟ ଷ୍ଟାଡିୟମ ନିର୍ମାଣ କରିଥିବାରୁ ଓଡ଼ିଶା ସରକାରଙ୍କୁ ଧନ୍ୟବାଦ। ଏହି ସର୍ଫେସରେ ଆସନ୍ତା ବିଶ୍ୱକପ ନିଶ୍ଚିତ ରୋମାଞ୍ଚକ ହେବ“ ବୋଲି ଧନରାଜ ପ୍ରକାଶ କରିଛନ୍ତି। 
୨ ନମ୍ବର ଜର୍ସିରେ ଦିଲୀପ
ପ୍ରଦର୍ଶନୀ ହକି ମ୍ୟାଚରେ ପଦ୍ମଶ୍ରୀ ଦିଲୀପ ତିର୍କୀଙ୍କୁ ନିଜର ପ୍ରିୟ ୨ ନମ୍ବର ଜର୍ସିରେ ଦେଖିବାକୁ ମିଳିଥିଲା। ”ମ୍ୟାଚ ବହୁତ ଭଲ ହେଲା। ବର୍ଷା ଜନିତ ପ୍ରତିକୂଳ ପାଗ ସତ୍ତ୍ୱେ ଉଭୟ ଦଳର ଖେଳାଳିମାନେ ବହୁତ ଖେଳିଲେ। ନିଜେ ଧନରାଜ ମଧ୍ୟ ବଢ଼ିଆ ପ୍ରଦର୍ଶନ କଲେ। ସମସ୍ତଙ୍କୁ ମୁଁ ଅଭିନନ୍ଦନ ଜଣାଉଛି। ମୁଁ ୨୦୦୯ ପରେ ପ୍ରଥମଥରପାଇଁ ପଡ଼ିଆକୁ ଓହ୍ଲାଇଲି। ତେଣୁ ଏହା ମୋ ପାଇଁ ମଧ୍ୟ ଏକ ଭିନ୍ନ ଅନୁଭୂତି ଆଣିଛି। କେବଳ ଓଡ଼ିଶା କିମ୍ବା ଭାରତ ନୁହେଁ ସମଗ୍ର ବିଶ୍ୱକୁ ଏପରି ଏକ ଷ୍ଟାଡିୟମ ଭେଟି ଦେଇଥିବାରୁ ମୁଁ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କୁ ଧନ୍ୟବାଦ ଜଣାଇବାକୁ ଚାହିଁବି। ଏଠାରେ ବିଶ୍ୱକପ ହେବାକୁ ଯାଉଥିବାରୁ ସମସ୍ତ କ୍ରୀଡ଼ାପ୍ରେମୀଙ୍କ ନଜର ଏବେ ଭୁବନେଶ୍ୱର ଉପରେ ରହିଛି। ପ୍ରଦର୍ଶନୀ ମ୍ୟାଚ ନିଶ୍ଚିତଭାବେ ଆମ ସମସ୍ତଙ୍କ ପାଇଁ ସ୍ମରଣୀୟ ହୋଇ ରହିବ“ ବୋଲି ନିଜ ପ୍ରତିକ୍ରୀୟାରେ କହିଛନ୍ତି ଦିଲୀପ। 
All Right Reserved By

ଖେଳ |

ସି.କେ ନାଇଡୁ ଟ୍ରଫ:ଇନିଂସ ଅଗ୍ରଣୀ ଲକ୍ଷ୍ୟରେ ଛତିଶଗଡ଼

ସି.କେ ନାଇଡୁ ଟ୍ରଫ:ଇନିଂସ ଅଗ୍ରଣୀ ଲକ୍ଷ୍ୟରେ ଛତିଶଗଡ଼

କଟକ ଅଫିସ,୧୯ା୧୨- ଭିଲାଇର ବିଏସ୍‌ପି କ୍ରିକେଟ ଷ୍ଟାଡିୟମରେ ଚାଲିଥିବା ସି.କେ ନାଇଡୁ ଟ୍ରଫି ଓଡ଼ିଶା-ଛତିଶଗଡ଼ ମ୍ୟାଚ୍‌ର ୩ୟ ଦିବସ ଖେଳ ଶେଷ ହୋଇଛି । ବର୍ଷା ଯୋଗୁ ଏହି ମ୍ୟାଚ୍‌ ବାଧାପ୍ରାପ୍ତ ହୋଇଥିବା ବେଳେ ୩ଦିନ ମଧ୍ୟରେ ମାତ୍ର ଗୋଟିଏ ଇନିଂସ୍‌ ସମାପ୍ତ ହୋଇଛି ।

ଜୟପୁରରେ ପ୍ରଥମଥର ରାଜ୍ୟ ସିନିୟର କରାଟେ

ଜୟପୁରରେ ପ୍ରଥମଥର ରାଜ୍ୟ ସିନିୟର କରାଟେ

ଭୁବନେଶ୍ୱର, ୧୯।୧୨(କ୍ରୀଡ଼ା ପ୍ରତିନିଧି)-ରାଜ୍ୟ କରାଟେ ଚାମ୍ପିୟନଶିପ୍‌ର ୩୦ତମ ସଂସ୍କରଣ ପ୍ରଥମଥର ପାଇଁ କୋରାପୁଟ୍‌ର ଜୟପୁର ଇନ୍‌ଡୋର ଷ୍ଟାଡିୟମରେ ଅନୁଷ୍ଠିତ ହେବ। 

ନ୍ୟାଶନାଲ ସ୍କୁଲ ଗେମ୍ସ ସନ୍ତରଣ: ୧୦୦ ମିଟର ବ୍ୟାକ୍‌ଷ୍ଟ୍ରୋକ୍‌ରେ ପ୍ରତ୍ୟାଶାଙ୍କୁ ସ୍ବର୍ଣ୍ଣ ପଦକ

ନ୍ୟାଶନାଲ ସ୍କୁଲ ଗେମ୍ସ ସନ୍ତରଣ: ୧୦୦ ମିଟର ବ୍ୟାକ୍‌ଷ୍ଟ୍ରୋକ୍‌ରେ ପ୍ରତ୍ୟାଶାଙ୍କୁ ସ୍ବର୍ଣ୍ଣ ପଦକ

ଭୁବନେଶ୍ୱର, ୧୯।୧୨(କ୍ରୀଡ଼ା ପ୍ରତିନିଧି): ଓଡ଼ିଶାର ପ୍ରତିଭା ସମ୍ପନ୍ନ ସନ୍ତରରକାରୀ ପ୍ରତ୍ୟାଶା ରାୟ ବର୍ଷ ଶେଷରେ ଚମକପ୍ରଦ ପ୍ରଦର୍ଶନ କରିଛନ୍ତି। ଦିଲ୍ଲୀର ତାଲକୋଟ୍ରା ଷ୍ଟାଡିୟମରେ ଚାଲିଥିବା ୬୪ତମ ନ୍ୟାଶନାଲ ସ୍କୁଲ ଗେମ୍ସ ସନ୍ତରଣ ଚାମ୍ପିୟନଶିପ୍‌ର ମଙ୍ଗଳବାର ଅନୁଷ୍ଠିତ ୧୭ ବର୍ଷରୁ କମ୍‌ ବାଳିକା ୧୦୦ ମିଟର ବ୍ୟାକ୍‌ଷ୍ଟ୍ରୋକ୍‌ରେ ସେ ସ୍ବର୍ଣ୍ଣ ପଦକ(୧:୧୦.୫୭ ସେକେଣ୍ଡ୍‌) ହାସଲ କରିଛନ୍ତି। 

ଚାମ୍ପିୟନ ଓଡ଼ିଶା ଫୁଟବଲ ଦଳର ପ୍ରତ୍ୟାବର୍ତ୍ତନ

ଚାମ୍ପିୟନ ଓଡ଼ିଶା ଫୁଟବଲ ଦଳର ପ୍ରତ୍ୟାବର୍ତ୍ତନ

କଟକ ଅଫିସ,୧୯ା୧୨- ଅରୁଣାଚଳ ପ୍ରଦେଶରେ ଅନୁଷ୍ଠିତ ସବ୍‌ଜୁନିୟର ବାଳକ ଫୁଟବଲ ଚାମ୍ପିୟନଶିପ୍‌ର ଟାଇଟଲ ବିଜୟୀ ଓଡ଼ିଶା ଦଳ ମଙ୍ଗଳବାର ପୂର୍ବାହ୍ନରେ ଓଡ଼ିଶା ଫେରିଛନ୍ତି । କଟକ ରେଳଷ୍ଟେସନରେ ବିଜୟୀ ଦଳର ଖେଳାଳିମାନଙ୍କୁ ଭବ୍ୟ ସ୍ବାଗତ ସମ୍ବର୍ଦ୍ଧନା ଦିଆଯିବା ସହ ଶୋଭାଯାତ୍ରାରେ ନିଆଯାଇଥିଲା । 

ଏସିଆନ କଣ୍ଟିନେଣ୍ଟାଲ ଚେସ୍‌: ପଦ୍ମିନୀଙ୍କୁ ସ୍ବର୍ଣ୍ଣ ପଦକ

ଏସିଆନ କଣ୍ଟିନେଣ୍ଟାଲ ଚେସ୍‌: ପଦ୍ମିନୀଙ୍କୁ ସ୍ବର୍ଣ୍ଣ ପଦକ

ଭୁବନେଶ୍ୱର, ୧୯।୧୨(କ୍ରୀଡ଼ା ପ୍ରତିନିଧି)- ଫିଲିପାଇନ୍ସର ମାକାତିଠାରେ ମଙ୍ଗଳବାର ଉଦ୍‌ଯାପିତ ଏସିଆନ କଣ୍ଟିନେଣ୍ଟାଲ ଚେସ୍‌ର ମହିଳା ବିଭାଗରେ ଓଡ଼ିଶା ଅନ୍ତର୍ଜାତୀୟ ମାଷ୍ଟର(ଆଇଏମ୍‌) ପଦ୍ମିନୀ ରାଉତ ସ୍ବର୍ଣ୍ଣ ପଦକ ହାସଲ କରିଛନ୍ତି। 

ମେସିଙ୍କୁ ରେକର୍ଡ ୫ମ ଗୋଲ୍‌ଡେନ ଶୁ’ ପୁରସ୍କାର

ମେସିଙ୍କୁ ରେକର୍ଡ ୫ମ ଗୋଲ୍‌ଡେନ ଶୁ’ ପୁରସ୍କାର

ବାର୍ସିଲୋନା, ୧୯ା୧୨ (ପି.ଟି.)- ଲିଓନେଲ ମେସି ମଙ୍ଗଳବାର ରେକର୍ଡ ୫ମ ଥର ପାଇଁ ଗୋଲଡେନ୍‌ ଶୁ’ ପୁରସ୍କାର ହାସଲ କରିଛନ୍ତି। ଗତ ସିଜନରେ ସେ ୟୁରୋପର ଟପ୍‌ ଗୋଲ ସ୍କୋରର ଥିଲେ।

ଆଇପିଏଲ ଖେଳାଳି ନିଲାମ: ବରୁଣ ଚକ୍ରବର୍ତ୍ତୀ କିଏ?

ଆଇପିଏଲ ଖେଳାଳି ନିଲାମ: ବରୁଣ ଚକ୍ରବର୍ତ୍ତୀ କିଏ?

ଜୟପୁର, ୧୯।୧୨(ପି.ଟି.)- ବରୁଣ ଚକ୍ରବର୍ତ୍ତୀ ହେଉଛନ୍ତି ତାମିଲନାଡୁର ବିସ୍ମୟ ସ୍ପିନର। ୧୩ ବର୍ଷ ବୟସରୁ ସେ ଜଣେ ଉଇକେଟ କିପର ବ୍ୟାଟ୍ସମ୍ୟାନ ଭାବେ କ୍ରିକେଟ ଖେଳିବା ଆରମ୍ଭ କରିଥିଲେ। ସ୍କୁଲ ତରଫରୁ ମଧ୍ୟ ସେ କ୍ରିକେଟ ଖେଳିଥିଲେ। 

  ମୋରିନୋ ବହିଷ୍କୃତ

ମୋରିନୋ ବହିଷ୍କୃତ

ମାଞ୍ଚେଷ୍ଟର, ୧୮ା୧୨ (ଏଏଫ୍‌ପି)- ସିଜନରେ ଦଳର ଖରାପ ଆରମ୍ଭ ପାଇଁ ମାଞ୍ଚେଷ୍ଟର ୟୁନାଇଟେଡ ଏହାର ମ୍ୟାନେଜର ଜୋସ୍‌ ମୋରିନୋଙ୍କୁ ତାଙ୍କ ପଦବୀରୁ ବହିଷ୍କୃତ କରିଛି। ଦଳ ୩୦ ବର୍ଷ ମଧ୍ୟରେ ଏଭଳି ଖରାପ ପ୍ରଦର୍ଶନ କରି ନ ଥିଲା। ୫୫ ବର୍ଷୀୟ ପର୍ତ୍ତୁଗାଲର ମୋରିନୋ ମାଞ୍ଚେଷ୍ଟର ୟୁନାଇଟେଡ ସହିତ ୩ ବର୍ଷିଆ ଚୁକ୍ତି କରିଥିଲେ। ମାତ୍ର ତାଙ୍କୁ ଅଢେଇବର୍ଷ ପରେ ବିଦା ହେବାକୁପଡ଼ିଛି।

ଆଇପିଏଲ୍‌ ନିଲାମୀରେ ଅଲୋଡ଼ା ରହିଲେ ଯୁବରାଜ

ଆଇପିଏଲ୍‌ ନିଲାମୀରେ ଅଲୋଡ଼ା ରହିଲେ ଯୁବରାଜ

ଜୟପୁର, ୧୮।୧୨(ପି.ଟି.)- ଇଣ୍ଡିଆନ୍‌ ପ୍ରିମିୟର ଲିଗ୍‌ (ଆଇପିଏଲ୍‌)ର ଆଗାମୀ ଦ୍ୱାଦଶ ସଂସ୍କରଣ ଲାଗି ମଙ୍ଗଳବାର ଖେଳାଳି ନିଲାମୀ ପ୍ରକ୍ରିୟା ପିଙ୍କ୍‌ ସିଟି ଜୟପୁରରେ ଅନୁଷ୍ଠିତ ହୋଇଯାଇଛି। ନିଲାମୀ ପ୍ରକିୟାରେ ଭାରତର ଷ୍ଟାର ଖେଳାଳି ଯୁବରାଜ ସିଂଙ୍କୁ କୌଣସି ଫ୍ରାଞ୍ଚାଇଜ କ୍ରୟ କରି ନ ଥିଲେ।

ଆଇପିଏଲ୍‌ରେ ଜାହିରଙ୍କୁ ନୂଆ ଦାୟିତ୍ୱ

ଆଇପିଏଲ୍‌ରେ ଜାହିରଙ୍କୁ ନୂଆ ଦାୟିତ୍ୱ

ମୁମ୍ବାଇ, ୧୮।୧୨(ପି.ଟି.)- ତିନିଥର ଆଇପିଏଲ୍‌ ଚାମ୍ପିୟନ ମୁମ୍ବାଇ ଇଣ୍ଡିଆନ୍ସ ମଙ୍ଗଳବାର ପ୍ରାକ୍ତନ ଦ୍ରୁତ ବୋଲର ଜାହିର ଖାଁଙ୍କୁ ଦଳର ନିର୍ଦ୍ଦେଶକ (କ୍ରିକେଟ ଅପରେଶନ) ଭାବେ ନିଯୁକ୍ତ କରିଛି।

ଇଶାନ୍ତ-ଜାଡେଜା କଥା କଟାକଟି

ଇଶାନ୍ତ-ଜାଡେଜା କଥା କଟାକଟି

ପର୍ଥ, ୧୮।୧୨- ବିରାଟ କୋହଲିଙ୍କ ନେତୃତ୍ୱାଧୀନ ଭାରତୀୟ ଦଳ ଘରୋଇ ଅଷ୍ଟ୍ରେଲିଆ ବିପକ୍ଷରେ ପର୍ଥରେ ଅନୁଷ୍ଠିତ ୨ୟ ଟେଷ୍ଟ ମ୍ୟାଚ୍‌କୁ ୧୪୬ ରନର ବୃହତ ବ୍ୟବଧାନରେ ହାରିଯାଇଛି। ତେବେ ଏହି ମ୍ୟାଚ୍‌ ଅବସରରେ ଭାରତର ଦୁଇ ବରିଷ୍ଠ ଖେଳାଳି ଇଶାନ୍ତ ଶର୍ମା ଓ ରବୀନ୍ଦ୍ର ଜାଡେଜାଙ୍କ ମଧ୍ୟରେ କଥା କଟାକଟି ହୋଇଥିବାର ଏକ ଭିଡିଓ ଏବେ ସୋସିଆଲ ମିଡିଆରେ ଘୂରି ବୁଲୁଛି। 

ଓ୍ବେଲିଂଟନ ଟେଷ୍ଟ: ସଂପୂର୍ଣ୍ଣ ଦିନ ବ୍ୟାଟିଂ କଲେ ମେଣ୍ଡିସ, ମାଥ୍ୟୁସ

ଓ୍ବେଲିଂଟନ ଟେଷ୍ଟ: ସଂପୂର୍ଣ୍ଣ ଦିନ ବ୍ୟାଟିଂ କଲେ ମେଣ୍ଡିସ, ମାଥ୍ୟୁସ

ଓ୍ବେଲିଂଟନ, ୧୮।୧୨ (ପି.ଟି.)- ନ୍ୟୁଜିଲାଣ୍ଡ ବିପକ୍ଷରେ ସ୍ଥାନୀୟ ବେସିନ ରିଜର୍ଭ ଗ୍ରାଉଣ୍ଡରେ ଚାଲିଥିବା ପ୍ରଥମ ଟେଷ୍ଟରେ ଭ୍ରମଣକାରୀ ଶ୍ରୀଲଙ୍କା ଦମ୍‌ଦାର ପ୍ରତ୍ୟାବର୍ତ୍ତନ କରିଛି। କୁଶଳ ମେଣ୍ଡିସ ଓ ଆଞ୍ଜେଲୋ ମାଥ୍ୟୁସ ଅପରାଜିତ ଶତକ ହାସଲ କରି ସଂପୂର୍ଣ୍ଣ ଦିବସ ବ୍ୟାଟିଂ କରିବାରୁ ମଙ୍ଗଳବାର ଷ୍ଟମ୍ପ୍ସ ଅପସାଣ ସୁଦ୍ଧା ଶ୍ରୀଲଙ୍କା ୨ୟ ଇନିଂସରେ ୩ ଉଇକେଟ୍‌ ହରାଇ ୨୫୯ ରନ ସଂଗ୍ରହ କରିଛି।