ଅନଗୁଳ-ଢେଙ୍କାନାଳ

ନିଆରା ବ୍ୟକ୍ତିତ୍ୱ ପ୍ରଫୁଲ୍ଲ: ଅନ୍ୟ ପାଇଁ ଏତଲା ଲେଖନ୍ତି

ନିଆରା ବ୍ୟକ୍ତିତ୍ୱ ପ୍ରଫୁଲ୍ଲ:  ଅନ୍ୟ ପାଇଁ ଏତଲା ଲେଖନ୍ତି
ବଅଁରପାଳ,୧୮।୮(ଡି.ଏନ.ଏ.)-ଥାନା, କୋର୍ଟ କଚେରି ନଁା ଶୁଣିଲେ ଲୋକଙ୍କ ଭିତରେ ଭୟ ଜାତ ହୁଏ। ଅତି ପରିଚିତ ନ ହେଲେ ଏପରି ସ୍ଥାନରେ କେହି କାହାକୁ ସହାୟତା କରିବାକୁ ସାଧାରଣତଃ ଆଗଭର ହୁଅନ୍ତି ନାହିଁ। ହେଲେ ଅନୁଗୋଳ ଜିଲା ବଅଁରପାଳ ଥାନା ବଗଚର ଗ୍ରାମର ପ୍ରଫୁଲ୍ଲ ନାୟକ ଏ କ୍ଷେତ୍ରରେ ଜଣେ ନିଆରା ବ୍ୟକ୍ତିତ୍ୱ। ଚିହ୍ନା, ପରିଚୟ ନ ଥିଲେ ବି କେହି ଥାନାକୁ ଅଭିଯୋଗ କରିବାକୁ ଆସିଲେ ଆପେ ଆପେ ପହଞ୍ଚି ଯାଅନ୍ତି ସେ। ସମ୍ପୃକ୍ତ ଅଭିଯୋଗକାରୀଙ୍କ ପାଇଁ ଏତଲା ଲେଖିଦେବାକୁ ସେ ପ୍ରସ୍ତାବ ଦିଅନ୍ତି। କେହି ତାଙ୍କର ସହଯୋଗ ଲୋଡ଼ିଲେ ସେ ସୁନ୍ଦର ଅକ୍ଷରରେ ଅଭିଯୋଗପତ୍ର ଲେଖି ବଢ଼ାଇ ଦିଅନ୍ତି। ଏଥିପାଇଁ ସେ କୌଣସି ପାରିଶ୍ରମିକ ଦାବି କରନ୍ତି ନାହିଁ। କିଏ ୫୦ ଦେଉ କି ୧୦୦, ତାହାକୁ ଖୁସିର ସହ ଗ୍ରହଣ କରି ପୁଣି ଲାଗିଯାଆନ୍ତି ଅନ୍ୟ କୌଣସି ଅଭିଯୋଗକାରୀଙ୍କ ସହାୟତାରେ। ଯାଚିଲେ ମଧ୍ୟ ଗରିବ ଗୁରୁବାଙ୍କଠାରୁ ସେ ଆଦୌ ଅର୍ଥ ଗ୍ରହଣ କରନ୍ତି ନାହିଁ। ଦୀର୍ଘ ୨୫ ବର୍ଷ ହେଲା ସେ ଏପରି କାର୍ଯ୍ୟ କରି ଆସୁଛନ୍ତି। ପ୍ରଫୁଲ୍ଲଙ୍କ ବୟସ ପାଖାପାଖି ୬୩। ସ୍ତ୍ରୀ, ଝିଅପୁଅଙ୍କୁ ନେଇ ତାଙ୍କ ପରିବାର। ୨ ଝିଅଙ୍କୁ ବିବାହ ଦେଇ ସାରିଥିବା ବେଳେ ପୁଅ ଏବେ ବେକାର ହୋଇ ଘରେ ବସିଛି। ଘର ଖଣ୍ଡିଏକୁ ଛାଡ଼ିଦେଲେ ଜମିବାଡ଼ି ବୋଲି ସେପରି କିଛି ନାହିଁ। ଗରିବ ପରିବାରରେ ଜନ୍ମ ହୋଇଥିବାରୁ ଅଧିକ ପାଠ ମଧ୍ୟ ପଢ଼ି ନାହାନ୍ତି। ବହୁ ଦୁଃଖକଷ୍ଟରେ ୭ମ ଶ୍ରେଣୀ ଯାଏ ପଢ଼ିଛନ୍ତି। ସକାଳ ହେଲେ ସେ ଚାଲିଆସନ୍ତି ବଅଁରପାଳ ଥାନାକୁ। ସେଠାରେ ସନ୍ଧ୍ୟାଯାଏ ବସିରହି ଲୋକମାନଙ୍କୁ ଏତଲା ଲେଖିବାରେ ସହାୟତା କରିଥାନ୍ତି। ଥାନାକୁ ଆସୁଥିବା ଲୋକଙ୍କ ନିକଟରେ ସେ ଅତି ପରିଚିତ। ତେଣୁ ଅଭିଯୋଗ କରିବାକୁ କିଏ ଆସିଲେ, ପ୍ରଥମେ ପ୍ରଫୁଲ୍ଲଙ୍କୁ ଖୋଜା ପଡ଼େ। ଘଟଣା ସମ୍ପର୍କରେ ଟିକିଏ କହିଦେଲେ ସୁନ୍ଦର ଅକ୍ଷରରେ ଏତଲାଟିଏ ପ୍ରସ୍ତୁତ କରିଦିଅନ୍ତି ପ୍ରଫୁଲ୍ଲ। ଯୌତୁକ ନିର୍ଯାତନାଠାରୁ ଆରମ୍ଭ କରି ଚୋରି, ଗଣ୍ଡଗୋଳ ସମେତ ବିଭିନ୍ନ ଅଭିଯୋଗ ସମ୍ପର୍କିତ ଏତଲା ସେ ଲଖନ୍ତି। ଏଥିସହ ଛୋଟକାଟିଆ ମାମଲା, ପାରିବାରିକ, ଦାମ୍ପତ୍ୟ କଳହ ଆଦି ଅଭିଯୋଗ ପାଇଁ ଥାନାକୁ ଆସୁଥିବା ଲୋକଙ୍କୁ ସେ ବୁଝାଶୁଝା କରି ସମସ୍ୟାର ସମାଧାନ ନିମନ୍ତେ ପରାମର୍ଶ ଦେଇଥାନ୍ତି। ଅନେକେ ମଧ୍ୟ ତାଙ୍କ କଥା ମାନି ଥାନା, କୋର୍ଟକୁ ନ ଯାଇ ଆପୋଷ ବୁଝାମଣାରେ ସମସ୍ୟା ସମାଧାନ କରିଥାନ୍ତି ବୋଲି ପ୍ରଫୁଲ୍ଲ କହିଛନ୍ତି। ଏହା ତାଙ୍କର ପେଶା ନୁହେଁ। ଲୋକମାନଙ୍କୁ ସାହଯ୍ୟ କରିବାକୁ ସେ ଏପରି କରିଥାନ୍ତି। ଅସହାୟ, ଗରିବ ଲୋକମାନଙ୍କ ପାଇଁ ଦରଖାସ୍ତ ଖଣ୍ଡିଏ ଲେଖିଦେଲେ ତାଙ୍କୁ ବହୁ ଆନନ୍ଦ ମିଳେ ବୋଲି ପ୍ରଫୁଲ ପ୍ରକାଶ କରିଛନ୍ତି।
All Right Reserved By

ଅନଗୁଳ-ଢେଙ୍କାନାଳ

ଏମସିଏଲ ଖଣିରେ ଦୁର୍ଘଟଣା: ଦୁଇ ଆହତ

ଏମସିଏଲ ଖଣିରେ ଦୁର୍ଘଟଣା: ଦୁଇ ଆହତ

ତାଳଚେର, ୧୮।୧୦ (ନି.ପ୍ର.): ଏମସିଏଲର ଲିଙ୍ଗରାଜ କୋଇଲା ଖଣି ଭିତରେ  ଦୁର୍ଘଟଣା। ଗୁରୁବାର ସକାଳ ପ୍ରାୟ ୫ଟା ବେଳେ ଏକ ଡ୍ରମ୍ଫର୍‌ ସମ୍ମୁଖ ପଟୁ ଆସୁଥିବା ଏକ ବାଲେରୋ ଗାଡିକୁ ଧକ୍କା ଦେଇଥିଲା।

କାର ଦୁର୍ଘଟଣାରେ ପଞ୍ଚାୟତ ପିଅନ ମୃତ୍ୟୁ

କାର ଦୁର୍ଘଟଣାରେ ପଞ୍ଚାୟତ ପିଅନ ମୃତ୍ୟୁ

ବନ୍ତଳା, ୧୮।୧୦(ଡି.ଏନ.ଏ.): ଅନଗୁଳ ଜିଲା ବନ୍ତଳା ଥାନା ସଙ୍ଖପୁର ଧାନ କଳ ନିକଟରେ ଗୁରୁବାର ସକାଳେ ଏକ କାର (ନଂ-ଓଆର୧୯ଏଲ୫୨୫୩)  ଦୁର୍ଘଟଣାରେ ପୋକତୁଙ୍ଗା ଗ୍ରାମର ପଞ୍ଚାୟତ ପିଅନ ଦୁଷ୍ମନ୍ତ ଦେହୁରୀ(୪୦)ଙ୍କର ଘଟଣାସ୍ଥଳରେ ମୃତ୍ୟୁ ହୋଇଛି।

‘ବଳଦ’ ଯୋଡୁଛନ୍ତି ସମ୍ପର୍କ

‘ବଳଦ’ ଯୋଡୁଛନ୍ତି ସମ୍ପର୍କ

ଭୁବନ, ୧୮।୧୦: ଭାରତୀୟ ସଂସ୍କୃତି ଏବଂ ଅର୍ଥନୀତିରେ ଭାରବାହୀ ପ୍ରାଣୀଙ୍କ ଅବଦାନ ଅନନ୍ୟ। ଆଉ କଥା ଯେବେ ଗ୍ରାମାଞ୍ଚଳର କୃଷିକୁ ନେଇ ଉଠେ, ସେତେବେଳେ ବଳଦଙ୍କ ଭୂମିକାକୁ ଅଣଦେଖା କରାଯାଇ ନ ପାରେ। ଏହି ପରିପ୍ରେକ୍ଷୀରେ ମନୁଷ୍ୟ ଏବଂ ଗୃହପାଳିତ ପ୍ରାଣୀଙ୍କ ମଧ୍ୟରେ ଥିବା ମଧୁର ସମ୍ପର୍କକୁ ଜନମାନସରେ ପରିଚିତ କରାଇବାକୁ ଅବସର ଆଣିଦିଏ ବଳଦଯାତ୍ରା। 

ବିନା ସଂଯୋଗରେ ବିଦ୍ୟୁତ୍‌ ବିଲ୍‌:କାର୍ଯ୍ୟାଳୟରେ ପ୍ରତିବାଦ କଲେ ଉପଭୋକ୍ତା

ବିନା ସଂଯୋଗରେ ବିଦ୍ୟୁତ୍‌ ବିଲ୍‌:କାର୍ଯ୍ୟାଳୟରେ ପ୍ରତିବାଦ କଲେ ଉପଭୋକ୍ତା

ପରଜଙ୍ଗ, ୧୭।୧୦(ଡି.ଏନ.ଏ.):ଘରକୁ ବିଦ୍ୟୁତ୍‌ ସଂଯୋଗ ଦିଆଯାଇନି। ଅଥଚ ଆସିଛି ବିଲ୍‌। ଏହାର ପ୍ରତିବାଦ କରିଛନ୍ତି ପରଜଙ୍ଗ ବ୍ଲକ ଜୟପୁରାକାଟେଣୀ ପଞ୍ଚାୟତ ଅଧୀନ ଶୁଣ୍ଢିକାଟେଣୀ ଗ୍ରାମରେ ୩୦ରୁ ଊର୍ଦ୍ଧ୍ୱ ଉପଭୋକ୍ତା। ତୁରନ୍ତ ବିଦ୍ୟୁତ୍‌ ସଂଯୋଗ ପ୍ରଦାନ ଏବଂ ବିଲ୍‌ ସଂଶୋଧନ କରିବାକୁ ଦାବି କରି ସେମାନେ  ମଙ୍ଗଳବାର ବିଭାଗୀୟ କାର୍ଯ୍ୟାଳୟ ଆଗରେ ପ୍ରତିବାଦ କରିଥିଲେ।

ବଳଦଯାତ୍ରାକୁ ଆଉ ଦୁଇଦିନ:ଝଲସୁଛି ଭୁବନ, ସୁରକ୍ଷା କଡ଼ାକଡ଼ି

ବଳଦଯାତ୍ରାକୁ ଆଉ ଦୁଇଦିନ:ଝଲସୁଛି ଭୁବନ, ସୁରକ୍ଷା କଡ଼ାକଡ଼ି

ଭୁବନ, ୧୭।୧୦(ଡି.ଏନ.ଏ.):ଐତିହାସିକ ବଳଦଯାତ୍ରାକୁ ଆଉ ଦୁଇଦିନ।  ବାଣିଜ୍ୟ ପରମ୍ପରାକୁ ନେଇ ସମୃଦ୍ଧ ଏହି ଯାତ୍ରା ପାଇଁ ଉତ୍ସବମୁଖର ହୋଇଉଠିଛି ଭୁବନ। ଉଜ୍ଜ୍ୱଳ ଆଲୋକମାଳା, ସୁଉଚ୍ଚ ତୋରଣରେ ନୂଆବୋହୂ ପରି ଅଞ୍ଚଳ ସଜେଇ ହେଉଥିବାବେଳେ  ଘରେ ଘରେ ଆରମ୍ଭ ହେଲାଣି ବନ୍ଧୁବାନ୍ଧବଙ୍କ ଭିଡ଼। ଚଳିତବର୍ଷ ଭୁବନରେ ୧୧ଟି ମଣ୍ଡପରେ ମା’ ଦୁର୍ଗତିନାଶିନୀଙ୍କ ଦୁର୍ଗାଙ୍କ ଆବାହନ କରାଯାଉଛି। ଅନ୍ୟପଟେ ମଙ୍ଗଳବାର ଆନନ୍ଦଉଲ୍ଲାସର ସହ ଶେଷହୋଇଛି ମା’ଙ୍କ ସପ୍ତମୀ ପୂଜା । ଏଥର ଯାତ୍ରାର ଶୋଭାବର୍ଦ୍ଧନ କରିବେ ୩୧ ବଳଦ। ସେମାନଙ୍କୁ ବାଜାବାଣ ସହ ଅଭ୍ୟସ୍ତ କରିବାକୁ ମାସେ ପୂର୍ବରୁ ଆରମ୍ଭ ହୋଇଥିବା ଅଭ୍ୟାସ ଯାତ୍ରା ଶେଷହୋଇଛି।

କୋଇଲା ମନ୍ତ୍ରୀଙ୍କୁ ଦାବିପତ୍ର ପ୍ରଦାନ

କୋଇଲା ମନ୍ତ୍ରୀଙ୍କୁ ଦାବିପତ୍ର ପ୍ରଦାନ

ତାଳଚେର,୧୭ା୧୦(ନି.ପ୍ର.):ତାଳଚେର ଗ୍ରସ୍ତରେ ଆସିଥିବା କୋଇଲା ମନ୍ତ୍ରୀ ପୀୟୂସ ଗୋଏଲଙ୍କୁ ତାଳଚେର ବାର ଆସୋସିଏଶନ ପକ୍ଷରୁ ଏକ ଦାବିପତ୍ର ପ୍ରଦାନ କରାଯାଇଛି। ଏମ୍‌ସିଏଲ ଅଧୀନରେ ଥିବା ତାଳଚେର କୋଲ୍‌ ଫିଲଡ୍ସରେ କୋଇଲା ଉପତ୍ାଦନ ବୃଦ୍ଧି ପାଇବାରେ ଲାଗିଛି। ତେଣୁ ତାଳଚେରବାସୀଙ୍କ ସମୂହ ସ୍ବାର୍ଥ ଓ କ୍ଷତିଗ୍ରସ୍ତଙ୍କୁ ନ୍ୟାୟ ପ୍ରଦାନ ନିମନ୍ତେ ତାଳଚେର ଠାରେ ବ୍ରାହ୍ମଣୀ କୋଲ୍‌ଫିଲ୍ଡସ ନାମକ ନୂତନ କୋଇଲା କମ୍ପାନୀ ପ୍ରତିଷ୍ଠା  କରାଯିବାକୁ ଦାବି କରାଯାଇଛି। ଏହାବ୍ୟତୀତ ତାଳଚେର ଷ୍ଟେଶନରୁ ଅନୁଗୋଳ ଷ୍ଟେଶନ ପର୍ଯ୍ୟନ୍ତ ରୁଫ୍‌ଲାଇନ୍‌ ନିର୍ମାଣ, ପ୍ରଦୂଷଣ ମୁକ୍ତ କୋଲ କରିଡର ରାସ୍ତା ନିର୍ମାଣ ପାଇଁ ଦାବି କରାଯାଇଛି। ଆସୋସିଏଶନ ସଭାପତି ଦୟାସାଗର ମିଶ୍ର ଓ ଏକ୍‌ଜିକ୍ୟୁଟିଭ୍‌ ବଡି ପକ୍ଷରୁ ୩ ଦଫା ସମ୍ବଳିତ ଏହି ଦାବିପତ୍ର ପ୍ରଦାନ କରାଯାଇଛି।

ସାତକୋଶିଆରେ ୮ ହଜାର ଗୋରୁ, ଛେଳି ରୋଗାକ୍ରାନ୍ତ:ବିଶ୍ୱାସ ଅନୁଯାୟୀ ଫାଟୁଆ ବାଟେଇଲେ ବନବାସୀ

ସାତକୋଶିଆରେ ୮ ହଜାର ଗୋରୁ, ଛେଳି ରୋଗାକ୍ରାନ୍ତ:ବିଶ୍ୱାସ ଅନୁଯାୟୀ ଫାଟୁଆ ବାଟେଇଲେ ବନବାସୀ

ବନ୍ତଳା, ୧୭।୧୦ (ଡି.ଏନ.ଏ.):ଫାଟୁଆ ରୋଗରେ ଗୋରୁ ଓ ଛେଳି ଆକ୍ରାନ୍ତ ହେଲେ ଗଁାକୁ ଶନି ଆସିଥିବା ଅନୁଗୋଳ ଜିଲା ସାତକୋଶିଆ ଅଭୟାରଣ୍ୟବାସୀଙ୍କ ବିଶ୍ୱାସ ରହିଛି। ତେଣୁ ଶନିଙ୍କ କୋପ ସହ ରୋଗ ଦୂର କରିବାକୁ ସେମାନେ ପରମ୍ପରା ଅନୁଯାୟୀ ବିଭିନ୍ନ ଠାକୁରାଣୀଙ୍କ ନିକଟରେ ପଣାପାଣି ଲଗାଇ ରୋଗାକ୍ରାନ୍ତ ଗୋରୁ ଓ ଛେଳିଙ୍କୁ ମନ୍ଦିର ବେଡ଼ା ଚାରିପଟେ ବୁଲାଇଥାନ୍ତି। ଏହାଦ୍ୱାରା ଫାଟୁଆ ରୋଗ ଗଁାରୁ ଦୂର ହୋଇଯାଇଥାଏ ବୋଲି ସେମାନଙ୍କ ଧାରଣା ରହିଆସିଛି। ଏପରି ବିଶ୍ୱାସର ପୂଜା ମଙ୍ଗଳବାର ଅଭୟାରଣ୍ୟ ଅଞ୍ଚଳରେ ଦେଖିବାକୁ ମିଳିଛି।   

ତଳଗଡ, ବଲାସିଂହା କ୍ଷତିଗ୍ରସ୍ତଙ୍କୁ ଭେଟିଲେ ଏମ୍‌ପିଙ୍କ ପ୍ରତିନିଧି ଦଳ

ତଳଗଡ, ବଲାସିଂହା କ୍ଷତିଗ୍ରସ୍ତଙ୍କୁ ଭେଟିଲେ ଏମ୍‌ପିଙ୍କ ପ୍ରତିନିଧି ଦଳ

ଅନୁଗୋଳ ଅଫିସ,୧୭ା୧୦:ଅନୁଗୋଳ ବ୍ଲକ ତଳଗଡ ଓ ବଲାସିଂହା ପଞ୍ଚାୟତର ତିତ୍‌ଲି କ୍ଷତିଗ୍ରସ୍ତଙ୍କୁ ମଙ୍ଗଳବାର ଢେଙ୍କାନାଳ-ଅନୁଗୋଳ ଏମ୍‌ପି ତଥାଗତ ସତପଥୀଙ୍କ ଏକ ପ୍ରତିନିଧି ଦଳ ଭେଟି ଆଲୋଚନା କରିଛନ୍ତି। ବର୍ଷା ଜନିତ କ୍ଷୟକ୍ଷତି ସମ୍ପର୍କରେ ସେମାନେ ପଚାରି ବୁଝିବା ସହ ତୁରନ୍ତ ସରକାରୀ ସହାୟତା କିପରି ମିଳିପାରିବ ସେ ନେଇ ଜିଲା ସହଯୋଗ କରିବେ ବୋଲି ପ୍ରତିଶ୍ରୁତି ଦେଇଛନ୍ତି। ଏଥିସହ ତଳଗଡ ଗାଁର କ୍ଷତିଗ୍ରସ୍ତ ମୁଖ୍ୟ ରାସ୍ତା ମରାମତି କାର୍ଯ୍ୟର ତଦାରଖ କରିଥିଲେ। ବିଦ୍ୟୁତ୍‌ ସଂଯୋଗ, ପାନୀୟ ଜଳ, ଓ କ୍ଷତିଗ୍ରସ୍ତଙ୍କୁ ପଲିଥିନ ଯୋଗାଣ ସମ୍ପର୍କରେ ବିଭାଗୀୟ ଅଧିକାରୀଙ୍କ ସହ ଆଲୋଚନା କରାଯିବ ବୋଲି ପ୍ରତିନିଧି ଦଳର ସଦସ୍ୟମାନେ କହିଥିଲେ। ସେହିପରି ତଳଗଡରେ ନିର୍ମାଣ ହେବାକୁ ଥିବା ବିଭିନ୍ନ ପ୍ରକଳ୍ପ ସମ୍ପର୍କରେ ତଦାରଖ କରି ଏହି ପ୍ରତିନିଧି ଦଳ ଫେରିଥିଲେ। 

ବିଭିନ୍ନ ସ୍ଥାନରେ ଦୁର୍ଗାପୂଜା, ଗ୍ରାମାଞ୍ଚଳ ଚଳଚଞ୍ଚଳ

ବିଭିନ୍ନ ସ୍ଥାନରେ ଦୁର୍ଗାପୂଜା, ଗ୍ରାମାଞ୍ଚଳ ଚଳଚଞ୍ଚଳ


ବଇଣ୍ଡା,୧୬।୧୦(ଡି.ଏନ.ଏ.)- କିଶୋରନଗର ବ୍ଲକ ବଇଣ୍ଡା, ଡେବେରାପାଲି, ବାମୁର ଆଦି ଗ୍ରାମ ଗୁଡ଼ିକରେ ଦୁର୍ଗାପୂଜା ଆରମ୍ଭ ହୋଇଛି। ପ୍ରଥମେ କଳସରୁ ପାଣି ଆଣିବା ପରେ ଯଥାରୀତିରେ ପୂଜାର୍ଚ୍ଚନା କରାଯାଇଥିଲା। 

ଭୁଲ ଇନ୍‌ଜେକ୍ସନରୁ  ରୋଗୀ ମୃତ୍ୟୁ ଅଭିଯୋଗ:  ଘଟଣାସ୍ଥଳରେ  ଉତ୍ତେଜନା

ଭୁଲ ଇନ୍‌ଜେକ୍ସନରୁ ରୋଗୀ ମୃତ୍ୟୁ ଅଭିଯୋଗ: ଘଟଣାସ୍ଥଳରେ ଉତ୍ତେଜନା


ଅନୁଗୋଳ ଅଫିସ, ୧୬।୧୦- ଅନୁଗୋଳ ହୁଲୁରିସିହାଂ ଅଞ୍ଚଳରେ ଥିବା ଏକ ଘରୋଇ ନର୍ସିଂହୋମରେ ମଙ୍ଗଳବାର ଜଣେ ରୋଗୀଙ୍କ ମୃତ୍ୟୁକୁ ନେଇ ଉତ୍ତେଜନା ଦେଖାଦେଇଛି।

ଭାଙ୍ଗିଲା ରେଙ୍ଗାଳି ଶାଖା କେନାଲ: ଗ୍ରାମ ଭିତରକୁ ପଶିଲା ପାଣି

ଭାଙ୍ଗିଲା ରେଙ୍ଗାଳି ଶାଖା କେନାଲ: ଗ୍ରାମ ଭିତରକୁ ପଶିଲା ପାଣି


କାମାକ୍ଷାନଗର,୧୬।୧୦(ଡି.ଏନ.ଏ.)- ଢେଙ୍କାନାଳ ଜିଲା  କାମାକ୍ଷାନଗର ସୋଗର ପଞ୍ଚାୟତ ବାଇସିଙ୍ଘା ଗ୍ରାମରେ ମଙ୍ଗଳବାର ପାଣି ପଶିଯାଇଛି। 

ବେଆଇନ ପଥର ଖାଦାନ ଉପରେ ଚଢାଉ

ବେଆଇନ ପଥର ଖାଦାନ ଉପରେ ଚଢାଉ


ଢେଙ୍କାନାଳ ଅଫିସ,୧୬।୧୦- ଢେଙ୍କାନାଳ ସଦର ଥାନା ପାରିଖେଦା ଅଞ୍ଚଳରେ ଥିବା ବେଆଇନ ପଥର ଖାଦାନ ଉପରେ ମଙ୍ଗଳବାର ଚଢାଉ କରାଯାଇଛି।