ରିଷିଡା,୨୪।୯(ଡି.ଏନ.ଏ)
କଳାହାଣ୍ଡି ଜିଲା କର୍ଲାମୁଣ୍ଡା ବ୍ଲକ ରିଷିଡାରେ ରବିବାର ରାତିରେ ନୂଆଁଖାଇ ଭେଟଘାଟ ଅନୁଷ୍ଠିତ ହୋଇଯାଇଛି। ଜ୍ୟୋତି ବିକାଶ ଯୁବକ ସଂଘ ତରଫରୁ ଆୟୋଜିତ ଏହି ଉତ୍ସବରେ ମ.ରାମପୁର ଜିଲା ପରିଷଦ ସଭ୍ୟ ପୁଷ୍ପେନ୍ଦ୍ର ସିଂଦେଓ, ନାଟ୍ୟଭୂଷଣ ଜଗଦାନନ୍ଦ ଛୁରିଆ ମୁଖ୍ୟଅତିଥି, ରସରାଜ ଅଚ୍ୟୁତ ପୁରୋହିତ ମୁଖ୍ୟବକ୍ତା, ପଦ୍ମଲୋଚନ ମିଶ୍ର ସମ୍ମାନିତ ବକ୍ତା ଏବଂ ସମ୍ମାନିତ ଅତିଥି ଭାବେ ବ୍ଲକ ଶିକ୍ଷକ ସଂଘର ସଭାପତି ଅଶୋକ କୁମାର ତ୍ରିପାଠୀ, ଯୁବନେତା ଶରତ କୁମାର ସାହୁ ମଞ୍ଚାସୀନ ଥିଲେ। ସଂଘର ସଭାପତି ଫକୀର ଚରଣ ସାହୁଙ୍କ ଅଧ୍ୟକ୍ଷତାରେ ଉତ୍ସବ କାର୍ଯ୍ୟକ୍ରମ ହୋଇଥିଲା। ସମ୍ପାଦକ ନରୋତ୍ତମ ସେଲମା ସଂଯୋଜନା କରିଥିଲେ। ଆୟୋଜିତ ମାରାଥନ ଦୌଡ଼ରେ ରାହୁଲ ଡୁଙ୍ଗୁରୀ ପ୍ରଥମ, ଓମ୍ ପ୍ରକାଶ ଭୋଇ ଦ୍ୱିତୀୟ, ମୁକେଶ ରଣା ତୃତୀୟ ପୁରସ୍କାର ପାଇଥିଲେ। ହଳିଆ ଗୀତ ପ୍ରତିଯୋଗିତାରେ ଅମରସିଂ ରଣା, ଚନ୍ଦ୍ର ରଣା, ନକୁଳ ଭୋଇ ଯଥାକ୍ରମେ ପ୍ରଥମ, ଦ୍ୱିତୀୟ ଓ ତୃତୀୟ ହୋଇଥିଲେ। ରାଧେଶ୍ୟାମ ରଣା ଶାନ୍ତ୍ୱନାମୂଳକ ପୁରସ୍କାର ପାଇଥିଲେ। ସେହିପରି ବାଡିଘିଚା ପ୍ରତିଯୋଗିତାରେ ବ୍ରଜକିଶୋର ସାହୁ ପ୍ରଥମ ଓ ଲିଙ୍ଗ ରଣା ଦ୍ୱିତୀୟ ସ୍ଥାନ ଅଧିକାର କରି ପୁରସ୍କୃତ ହୋଇଥିଲେ। କାର୍ଯ୍ୟକ୍ରମରେ ପୁଚି ଖେଳ, ଚୌକି ବସା, ବସ୍ତା ଦୌଡ, ହୁଳହୁଳି ଓ ଡ୍ୟାନ୍ସ ଧମାକା ହୋଇଥିଲା। ପୀତବାସ ରଣା, ପୀତବାସ ସାହୁ, ସୁଶାନ୍ତ କୁମାର ପାତ୍ର, କୈଳାଶ ସାହୁ ପ୍ରମୁଖ କାର୍ଯ୍ୟକ୍ରମ ଆୟୋଜନରେ ସହାୟତା କରିଥିଲେ । ଖେଳ ଗୁଡିକୁ ପିଇଟି ଲଲିତ ଗୌଡ ଓ ସୁଧିର କୁମାର ପାତ୍ର ପରିଚାଳନା କରିଥିଲେ ।
