ସମ୍ବଲପୁର

ଆମେରିକାରେ ପାଳିତ ହେଲା ନୂଆଁଖାଇ

ଆମେରିକାରେ ପାଳିତ ହେଲା ନୂଆଁଖାଇ
ସୁନ୍ଦରଗଡ଼, ୨୦।୯ (ଡି.ଏନ୍‌.ଏ) -ପଶ୍ଚିମ ଓଡ଼ିଶାର ଗଣପର୍ବ ନୂଆଁଖାଇ ସୁଦୂର ଆମେରିକାର ସିଆଟେଲଠାରେ ରହୁଥିବା ଓଡ଼ିଆମାନଙ୍କ ଦ୍ୱାରା ଧୁମଧାମ୍‌ରେ ପାଳିତ ହୋଇଯାଇଛି। ସେଦିନ ସିଆଟେଲଠାରେ ବସବାସ କରୁଥିବା ୬୦ରୁ ଊର୍ଦ୍ଧ୍ୱ  ପ୍ରବାସୀ ଓଡ଼ିଆ ପରିବାର ଏକାଠି ହୋଇଥିଲେ। ସର୍ବପ୍ରଥମେ ମା’ ସମଲେଇଙ୍କୁ ସ୍ମରଣ କରି ନବାନ୍ନ ଭକ୍ଷଣ କରିଥିଲେ। ପରେ ପରସ୍ପରକୁ ନୂଆଁଖାଇ ଜୁହାରଭେଟ୍‌ ଆଦାନ ପ୍ରଦାନ ଜରିଆରେ ସବୁ ପରିବାର ପରସ୍ପର ମଧ୍ୟରେ ପରିଚିତ ହୋଇଥିଲେ। ସିଆଟେଲଠାରେ ଥିବା ବିଭିନ୍ନ ଆଇଟି କମ୍ପାନୀରେ କାର୍ଯ୍ୟରତ ଏହି ଓଡିଆ ପରିବାର ପ୍ରାୟ ୧୫ବର୍ଷ ହେବ ସେଠାରେ ବସବାସ କରି ଆସୁଛନ୍ତି। ନିଜର ଦୈନନ୍ଦିନ ବ୍ୟସ୍ତତା ମଧ୍ୟରେ ନୂଆଖାଇ ପରି ଏକ ସାମାଜିକ ପାରମ୍ପାରିକ ଗଣପର୍ବରେ ଭାଗ ନେଇ ସମସ୍ତେ ସମସ୍ତଙ୍କ ସହିତ ସମୟ ଅତିବାହିତ କରିବାର ସୁଯୋଗ ପାଇଥିବାରୁ ଆନନ୍ଦରେ ଉଲ୍ଲସିତ ହୋଇଉଠିଥିଲେ। ନିଜ ଭିଟାମାଟିଠାରୁ ଅନେକ ଦୂରରେ ଥାଇ ନିଜ ପରିବାରଜନଙ୍କ ସହ ନୂଆଁଖାଇ ପାଳନ କରିବାର ଅବଶୋଷ ଯଦିଓ ସମସ୍ତଙ୍କ ମନରେ ଥିଲା, ଏପରି ସମାଗମର ଆୟୋଜନ ଏହି ଅବଶୋଷ ମେଣ୍ଟାଇବାରେ ନିଶ୍ଚିତ ଭାବେ ସହାୟକ ହୋଇଥିଲା। ପଶ୍ଚିମ ଓଡ଼ିଶାର ଏହି ଗଣପର୍ବ ନୂଆଁଖାଇକୁ ସେଠାରେ ବସବାସ କରୁଥିବା ଓଡ଼ିଶାର ବିଭିନ୍ନ ପ୍ରାନ୍ତର ଓଡିଆ ପରିବାର ଗତ ୬ବର୍ଷ ହେବ ଏକାଠି ହୋଇ ପାଳନ କରିଆସୁଛନ୍ତି। ଏହି ଅବସରରେ ବିଭିନ୍ନ ସାଂସ୍କୃତିକ କାର୍ଯ୍ୟକ୍ରମ ପରିବେଷଣ କରି ସମସ୍ତେ ସମ୍ବଲପୁରୀ, ଓଡ଼ିଆ ଗୀତର ତାଳେ ତାଳେ ନାଚି ନୂଆଖାଇର ପରିବେଶକୁ ଆହୁରି ରଙ୍ଗୀନ କରିଥିଲେ। ମହିଳାମାନେ ପାରମ୍ପରିକ ସମ୍ବଲପୁରୀ ଶାଢୀ ଓ ପୋଷାକ, ଆଉ ପୁରୁଷମାନେ ସମ୍ବଲପୁରୀ ସାର୍ଟ, କୁର୍ତ୍ତା ପରିଧାନ କରି ନିଜ ପରମ୍ପରା ଓ ସଂସ୍କୃତିର ପ୍ରଦର୍ଶନ କରି ନିଜକୁ ଗୌରବାନ୍ବିତ କରିଥିଲେ।  ବିପ୍ଳବ ମେହେରଙ୍କ ସମ୍ବଲପୁରୀ ନୃତ୍ୟ ସାଙ୍ଗକୁ କୁନିକୁନି ପିଲାଙ୍କର ନୃତ୍ୟ ପରିବେଷଣ ସମସ୍ତଙ୍କୁ ମତୁଆଲା କରିଥିଲା। ନଭି ଦାଶ, ଆହାନା ବେହେରା, ସାନଭି ପାତ୍ର, ଦିଆ କୋରଡା, ଇଭାନା ମହାପାତ୍ରଙ୍କ ଡାଲଖାଇ ନୃତ୍ୟଗୀତର ତାଳେତାଳେ ଦର୍ଶକ ମଧ୍ୟ ଝୁମି ଉଠିଥିଲେ। ଓଡ଼ିଶାରୁ ସ୍ବନାମଧନ୍ୟ ବିଶିଷ୍ଟ ଲେଖକ ପଦ୍ମଶ୍ରୀ ମନୋଜ ଦାସ, ଭାରତୀୟ ହକି ଦଳର ପୂର୍ବତନ ଅଧିନାୟକ ପଦ୍ମଶ୍ରୀ  ଦିଲ୍ଲୀପ ତିର୍କୀ, ରାଜ୍ୟସଭା ସଦସ୍ୟ ତଥା ପୂର୍ବତନ ମନ୍ତ୍ରୀ ପ୍ରସନ୍ନ ଆଚାର୍ଯ୍ୟ, ବିଧାୟକ ଏବଂ ପୂର୍ବତନମନ୍ତ୍ରୀ ମଙ୍ଗଳା କିଷାନ ପ୍ରମୁଖ ନିଜେ ଇମେଲ ଜରିଆରେ ସୁଦୂର ଆମେରିକାରେ ଏଭଳି ପାରମ୍ପରିକ ଗଣପର୍ବର ଆୟୋଜନ କରି ପଶ୍ଚିମ ଓଡ଼ିଶାର ମହାନ ସାଂସ୍କୃତିକ ପରମ୍ପରାର ପ୍ରସାର ପ୍ରଚାର କରୁଥିବାରୁ କାର୍ଯ୍ୟକର୍ତ୍ତାମାନଙ୍କୁ ଅଭିନନ୍ଦନ ଜଣାଇଥିଲେ। ଏହି କାର୍ଯ୍ୟକ୍ରମରେ ଆଲୋକ ମହାପାତ୍ର, ବିକାଶ ବେହେରା, ଲକ୍ଷ୍ମୀ କୋରଡା, ସୁଜିତ୍‌ ପାତ୍ର, ସନ୍ତୋଷ ଦାଶ, ସୁଧାଂଶୁ ବେହେରା, ବିଶ୍ୱରଞ୍ଜନ ବେହେରା, ସୁମିତ୍ରା ପଟେଲ, ସ୍ବରାଜ ପଟେଲ, ତନ୍ମୟ ପଟେଲ, ବବି ପଟେଲ, ଅଞ୍ଜନ ଦାସ, ବିପ୍ଳବ ମେହେର, ପ୍ରବୀର ପଣ୍ଡା, ବିଶ୍ୱକତି ଠାକୁରଙ୍କ ପରିବାର ସମସ୍ତ ଓଡ଼ିଆ ବ୍ୟଞ୍ଜନ ପ୍ରସ୍ତୁତ କରି କାର୍ଯ୍ୟକ୍ରମକୁ ସଫଳ କରିବାର ଗୁରୁ ଦାୟିତ୍ୱ ବହନ କରିଥିଲେ। ନୂଆଖାଇ ପାଳନର ମହକରେ ଆମେରିକାର କିରକଲାଣ୍ଡଏଭରେଷ୍ଟ ପାର୍କସେଇଦିନ ସତେ ଯେମିତି ଏକ ଛୋଟ ଓଡ଼ିଶା ପାଲଟି ଯାଇଥିଲା।
All Right Reserved By

ସମ୍ବଲପୁର

ଗୋଡ଼ା, ମାଳ, ବେର୍ଣ୍ଣା ଜମିର ଚାଷ ନଷ୍ଟ

ଗୋଡ଼ା, ମାଳ, ବେର୍ଣ୍ଣା ଜମିର ଚାଷ ନଷ୍ଟ

ବଡ଼ଗାଁ, ୨୪।୧୦ (ଡି.ଏନ.ଏ)- ସୁନ୍ଦରଗଡ଼ ଜିଲା ବଡ଼ଗାଁ ବ୍ଲକ ଆଦିବାସୀ ଅଧ୍ୟୁଷିତ ଅଞ୍ଚଳ। ୧୫ଟି ପଞ୍ଚାୟତ ଥିବା ଏହି ବ୍ଲକରେ ୪ କିସମର ଜମି ରହିଛି। ସେଗୁଡ଼ିକ ହେଲା ଗୋଡା, ମାଳ, ବେର୍ଣ୍ଣା ଓ ବାହାଲ ଜମି। ଏଥିମଧ୍ୟରୁ ଗୋଡା (ଉଚ୍ଚ ଜମି) ୨୨୩୦ ହେକ୍ଟର, ମାଳ (ମଧ୍ୟମ ଉଚ୍ଚ) ୩୨୯୩ ଓ ବାହାଲ ଜମି ୨୩୨୨ ହେକ୍ଟରରେ ଧାନ ଚାଷ ହୋଇଛି।

ଚିକିତ୍ସା ଲାଗି ଟଁକା ବାଧକ୍‌ : ମୁର୍‌ତୁ ସଂଗେ ଯୁଝୁଛନ୍‌ ଶିଶୁ ଶ୍ରମିକ୍‌

ଚିକିତ୍ସା ଲାଗି ଟଁକା ବାଧକ୍‌ : ମୁର୍‌ତୁ ସଂଗେ ଯୁଝୁଛନ୍‌ ଶିଶୁ ଶ୍ରମିକ୍‌

ଅତାବିରା, ୨୪ା୧୦ (ଡି.ଏନ.ଏ)-  ଆଏଜ୍‌କେ ୭ ମାସ୍‌ ତଲେ ବୁର୍ଲା ଥାନା ଗୋଶାଳା ଫାଣ୍ଡି ଅଧିନ୍‌ ଜାତୀୟ ରାଜପଥ ୫୩ରେ ଗୁଟେ ସଡକ ଦୁର୍‌ଘଟନା ହେଇଥିଲା। ଇ ଦୁର୍‌ଘଟନାରେ ଅତାବିରା ଥାନା ଗୁଡ଼ଭଗା ଫାଣ୍ଡି ଅଧିନର ଝନେ ଶିଶୁ ଶ୍ରମିକ ଗୁରୁତର ହିସାବେ ଖଁଡିଆଦଁଡିଆ ହେଇଥିଲେ। 

ହାରମାନିଛେ ବଏସ୍‌: ଜାଲ୍‌ ତିଆରି ରୁଜ୍‌ଗାର କରୁଛନ୍‌ ବୁରୁଧ୍‌

ହାରମାନିଛେ ବଏସ୍‌: ଜାଲ୍‌ ତିଆରି ରୁଜ୍‌ଗାର କରୁଛନ୍‌ ବୁରୁଧ୍‌

ଅତାବିରା, ୨୪ା୧୦ (ଡି.ଏନ.ଏ)-  ଦିନୁଦିନ୍‌କେ ବଏସ୍‌ ଗଡି ଯାଉଛେ। ଯେନ୍‌ ବଏସେ ଘରେ ବସି ପୁଓ ବହର ସେବା ପାଏବାର କଥା, ନାତି ନାତେନ୍‌କର ସଂଗେ ଖେଲ୍‌ବାର କଥା, ସେ ବଏସେ ସେ ରୁୁଜ୍‌ଗାର କରୁଛନ୍‌। ସତେ ଯେନ୍‌ତା ବଏସ୍‌ ତାକରନେ ହାର ମାନିଛେ। 

ଭାଜପା ଯୁବମୋର୍ଚ୍ଚା ପକ୍ଷରୁ ବେରୋଜଗାର ପ୍ରତିବାଦ: ମୁଖ୍ୟମନ୍ତ୍ରୀଙ୍କ ଉଦ୍ଦେଶ୍ୟରେ ତହସିଲଦାରଙ୍କୁ ଦାବିପତ୍ର

ଭାଜପା ଯୁବମୋର୍ଚ୍ଚା ପକ୍ଷରୁ ବେରୋଜଗାର ପ୍ରତିବାଦ: ମୁଖ୍ୟମନ୍ତ୍ରୀଙ୍କ ଉଦ୍ଦେଶ୍ୟରେ ତହସିଲଦାରଙ୍କୁ ଦାବିପତ୍ର

ଜୁନାଗଡ,୨୩।୧୦(ଡି.ଏନ.ଏ.): କଳାହାଣ୍ଡି ଜିଲା ଜୁନାଗଡ ବ୍ଲକରେ ମଙ୍ଗଳବାର ଭାଜପା ଯୁବମୋର୍ଚ୍ଚା ପକ୍ଷରୁ ବେରୋଜଗାର ପ୍ରତିବାଦରେ ମୁଖ୍ୟମନ୍ତ୍ରୀଙ୍କ ଉଦ୍ଦେଶ୍ୟରେ ସ୍ଥାନୀୟ ତହସିଲଦାର ଉପେନ୍ଦ୍ର ଲୁହାଙ୍କୁ ଏକ ଦାବିପତ୍ର ପ୍ରଦାନ କରାଯାଇଛି। 

କ୍ଷତିଗ୍ରସ୍ତ ଚାଷୀଙ୍କୁ ମାଗଣା କୁକୁଡା ଛୁଆ ବଣ୍ଟନ

କ୍ଷତିଗ୍ରସ୍ତ ଚାଷୀଙ୍କୁ ମାଗଣା କୁକୁଡା ଛୁଆ ବଣ୍ଟନ

ରିଷିଡା,୨୩।୧୦(ଡି.ଏନ.ଏ.): କଳାହାଣ୍ଡି ଜିଲା କର୍ଲାମୁଣ୍ଡା ବ୍ଲକ ରିଷିଡା ପ୍ରାଣୀ ଚିକିତ୍ସା କେନ୍ଦ୍ର ପରିସରରେ ପ୍ରାଣୀ ଚିକିତ୍ସା ବିଭାଗ ପକ୍ଷରୁ ମରୁଡି ଏବଂ ଚକଡା ପୋକ ଦ୍ୱାରା କ୍ଷତିଗ୍ରସ୍ତ ଚାଷୀଙ୍କୁ ମଙ୍ଗଳବାର ମାଗଣା କୁକୁଡା ଛୁଆ ବଣ୍ଟନ କରାଯାଇଛି ।

ଭୂମିହୀନଙ୍କୁ ଜମି ପ୍ରଦାନ ଦାବି : ଆମ୍ବେଡ଼କ ରାଇଟ୍‌ ଅଫ୍‌ ଇଣ୍ଡିଆ ପକ୍ଷରୁ ଜନ ଆନ୍ଦୋଳନ

ଭୂମିହୀନଙ୍କୁ ଜମି ପ୍ରଦାନ ଦାବି : ଆମ୍ବେଡ଼କ ରାଇଟ୍‌ ଅଫ୍‌ ଇଣ୍ଡିଆ ପକ୍ଷରୁ ଜନ ଆନ୍ଦୋଳନ

କର୍ଲାମୁଣ୍ଡା,୨୩।୧୦(ଡି.ଏନ.ଏ.): କଳାହାଣ୍ଡି ବିଭିନ୍ନ ଗରିବ, ଦଳିତ ଶ୍ରେଣୀର ଭୂମିହୀନ ଲୋକଙ୍କୁ ରହିବା ପାଇଁ ଡିହ ଓ ଚାଷ କରି ବଞ୍ଚତ୍ବା ପାଇଁ ଜମି ଯୋଗାଇ ଦେବା ଦାବି ନେଇ କର୍ଲାମୁଣ୍ଡା ତହସିଲ ସମ୍ମୁଖରେ ଆମ୍ବେଡ଼କ ରାଇଟ୍‌ ପାର୍ଟି ଅଫ୍‌ ଇଣ୍ଡିଆ କଳାହାଣ୍ଡି ଶାଖା ପକ୍ଷରୁ ଏକ ଜନଆନ୍ଦୋଳନ କରାଯାଇଛି। 

ନୂଆଁଖାଇ ଭେଟ୍‌ଘାଟ: ୧୩ ବିଶିଷ୍ଟ ପ୍ରତିଭା ସମ୍ବର୍ଦ୍ଧିତ

ନୂଆଁଖାଇ ଭେଟ୍‌ଘାଟ: ୧୩ ବିଶିଷ୍ଟ ପ୍ରତିଭା ସମ୍ବର୍ଦ୍ଧିତ

ମୁରିବାହାଲ, ୨୩।୧୦(ଡି.ଏନ.ଏ.): ବଲାଙ୍ଗୀର ଜିଲା ମୁରିବାହାଲ ବ୍ଲକ ଗଁରେଇ ମଣ୍ଡଳ ଭାଜପା ପକ୍ଷରୁ  ସୋମବାର  ଗଁରେଇଠାରେ ନୂଆଁଖାଇ ଭେଟଘାଟ କାର୍ଯ୍ୟକ୍ରମ ଅନୁଷ୍ଠିତ ହୋଇଯାଇଛି। 

ପୋଲିସ କବ୍‌ଜାରେ ୩ ଆନ୍ତଃ ଜିଲା ଡକାୟତ

ପୋଲିସ କବ୍‌ଜାରେ ୩ ଆନ୍ତଃ ଜିଲା ଡକାୟତ

ମୁରିବାହାଲ, ୨୩।୧୦(ଡି.ଏନ.ଏ.) ବଲାଙ୍ଗୀର ଜିଲା ମୁରିବାହାଲ ଥାନା ଅନ୍ତର୍ଗତ ଧାତୁକଯୁରୀ-କୁର୍ଲୁବାହାଲ ରାସ୍ତାରେ ରିଲାଏନ୍ସ ଫାଇନାନ୍ସର ଜଣେ କର୍ମଚାରୀଙ୍କୁ ଆକ୍ରମଣ କରି ଟଙ୍କା ଲୁଟ୍‌ ଘଟଣାରେ ସ୍ଥାନୀୟ ପୋଲିସ ୩ ଆନ୍ତଃ ଜିଲା ଡକାୟତଙ୍କୁ ପୋଲିସ ଗିରଫ କରିଛି।

ସମ୍ବଲପୁର ଅଇଁଠାପାଲି ଥାନା ଘେରାଉ

ସମ୍ବଲପୁର ଅଇଁଠାପାଲି ଥାନା ଘେରାଉ

ସମ୍ବଲପୁର,୨୩।୧୦(ବ୍ୟୁରୋ)- ସମ୍ବଲପୁର ସହରର ଅଇଁଠାପାଲି ଥାନା ବୁଢାରଜା ମନ୍ଦିର ରାସ୍ତା ନିକଟରେ ସୋମବାର ସନ୍ଧ୍ୟାରେ କରମଟୁଲି ଗ୍ରାମର ବିଶାଲ ଖଡିଆଙ୍କ ତଣ୍ଟି କାଟି ହତ୍ୟା କରାଯାଇଥିଲା ।

ଶକ୍ତି ସଂକଟ: କାମରେ ଆସୁନି ପାର୍ବତୀ ଗିରୀ ସେଚ ପ୍ରକଳ୍ପ

ଶକ୍ତି ସଂକଟ: କାମରେ ଆସୁନି ପାର୍ବତୀ ଗିରୀ ସେଚ ପ୍ରକଳ୍ପ

ଅମ୍ବାଭୋନା, ୨୩।୧୦ (ଡି.ଏନ.ଏ.)- ବରଗଡ ଜିଲା ଅମ୍ବାଭୋନା ବ୍ଲକର ଚିଖିଲି, ଜାମପାଲି (ଅନ୍ତରାଡି), ତାମଦେଇଠାରେ ଜଳ ସଂପଦ ବିଭାଗ ଦ୍ୱାରା ହୋଇଥିବା ବୃହତ ଉଠାଜଳସେଚନ ପ୍ରକଳ୍ପ ବିଜୁଳି ଶକ୍ତିର ନିଅଣ୍ଟ ଯୋଗୁଁ ଫେଲ ମାରିଛି । ପାର୍ବତୀଗିରୀ ସେଚ ପ୍ରକଳ୍ପ ମାଧ୍ୟମରେ ଅମ୍ବାଭୋନା ବ୍ଲକର ୪୧ଟି ଗ୍ରାମର ୪୭୨୦ ହେକ୍ଟର ଚାଷ ଜମିକୁ ପାଣି ଯୋଗାଇ ଦେବା ଲକ୍ଷ୍ୟ ନେଇ ୯୯.୬୯ କୋଟି ଟଙ୍କା ବ୍ୟୟରେ ନିର୍ମିତ ହୋଇଛି ପାଣି ଟାଙ୍କି, ପମ୍ପହାଉସ ଏବଂ ଗ୍ରୀଡା ସବଷ୍ଟେସନ । ଚାଷୀଙ୍କୁ ମହାନଦୀରୁ ଉଠା ଜଳସେଚନ ପ୍ରକଳ୍ପ ଜରିଆରେ ପର୍ଯ୍ୟାପ୍ତ ପାଣି ଯୋଗାଇଦେବାକୁ ଓଡିଶା ସରକାର ନିର୍ଭର ପ୍ରତିଶ୍ରୁତି ଦେଇ ଗତ ସେପ୍ଟେମ୍ବର ୯ ତାରିଖ ଦିନ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ଭିଡିଓ କନଫରନସିଂ ଜରିଆରେ ଏହାର ଉଦ୍‌ଘାଟନ କରିଥିଲେ । 

 ବସ୍‌ ଉପରେ ବଜ୍ରପାତ: ଚକା ଲିକ୍‌, ହେଲପରଙ୍କ ଜୀବନ ଗଲା

ବସ୍‌ ଉପରେ ବଜ୍ରପାତ: ଚକା ଲିକ୍‌, ହେଲପରଙ୍କ ଜୀବନ ଗଲା

ବରଗଡ଼ ଅଫିସ୍‌,୨୩।୧୦-
ବରଗଡ଼ ସହର ଜିରା ନଦୀ ପୋଲ ଉପରେ ଏକ ଯାତ୍ରୀବାହୀ ବସ୍‌ ଉପରେ ମଙ୍ଗଳବାର ମଧ୍ୟାହ୍ନ ସାଢେ ୩ଟାରେ ବଜ୍ରପାତ ଘଟିଛି। ଏହା ଯୋଗୁ ହେଲପରଙ୍କ ମୃତ୍ୟୁ ଘଟିଛି।

ଦୁର୍ଘଟଣା ନେଲା ୨ ଜଣଙ୍କ ଜୀବନ

ଦୁର୍ଘଟଣା ନେଲା ୨ ଜଣଙ୍କ ଜୀବନ

ବରଗଡ଼ ଅଫିସ୍‌/ସୋହେଲା,୨୩।୧୦-
ବରଗଡ଼ ଜିଲା ସୋହେଲା ହାଇସ୍କୁଲ ନିକଟରେ ମଙ୍ଗଳବାର ଅପରାହ୍ନରେ ଏକ ସଡ଼କ ଦୁର୍ଘଟଣା ଘଟିଛି । ଦୁର୍ଘଟଣାରେ ୨ବାଇକ୍‌ ଆରୋହୀଙ୍କ ମୃତ୍ୟୁ ହୋଇଛି  । ମୃତକମାନେ ହେଲେ, ପେଟୁପାଲି ଗ୍ରାମର ଆକାଶ ମେହେର ଏବଂ ଖେରୁପାଲି ଗ୍ରାମର ସୁରେନ୍ଦ୍ର ମେହେର ।