ରାଜ୍ୟ | ଉପକୂଳ ଓଡିଶା

ଜାତୀୟ ରାଜପଥ ଉପରେ ବଢୁଛି ଦୁର୍ଘଟଣା: ସ୍ପିଡ୍‌ ବ୍ରେକର ପାଇଁ ସରପଞ୍ଚଙ୍କ ଦାବି

ଜାତୀୟ ରାଜପଥ ଉପରେ ବଢୁଛି ଦୁର୍ଘଟଣା: ସ୍ପିଡ୍‌ ବ୍ରେକର ପାଇଁ ସରପଞ୍ଚଙ୍କ ଦାବି
ଦଶପଲ୍ଲା,୧୪।୯(ଡି.ଏନ.ଏ.)-ଖୋର୍ଦ୍ଧା-ବଲାଙ୍ଗୀର ୫୭ ନମ୍ବର ଜାତୀୟ ରାଜପଥରେ ଦିନକୁ ଦିନ ଦୁର୍ଘଟଣା ବଢିଚାଲିଛି । ବିଶେଷତଃ ଟାକେରା ଏବଂ ବୁଗୁଡା ଅଞ୍ଚଳଟି ଜାତୀୟ ରାଜପଥ ପାର୍ଶ୍ୱରେ ଥିବାବେଳେ ଏହି ରାସ୍ତା ପାର୍ଶ୍ୱରେ ଦୁର୍ଘଟଣା ଘଟୁଛି।  ଚଳିତ ବର୍ଷ ଏହି ଅଞ୍ଚଳରେ ଦୁର୍ଘଟଣା ଘଟି ୭ରୁ ଊର୍ଦ୍ଧ୍ୱ ବ୍ୟକ୍ତିଙ୍କ ମୃତ୍ୟୁ ଘଟିଥିବା ଜଣାପଡିଛି। ଏହାକୁ ଦୃଷ୍ଟିରେ ରଖି ପ୍ରଶାସନ ତୁରନ୍ତ ଟାକେରା ଠାରେ ୨ଟି ସ୍ପିଡ୍‌ ବ୍ରେକର ସ୍ଥାପନ କରିବା ପାଇଁ ଟାକେରା ସରପଞ୍ଚ ସଞ୍ଜୁକ୍ତା ନାୟକ ଜିଲାପାଳଙ୍କୁ ଚିଠି ଲେଖିଛନ୍ତି। 

 ଜାନୁଆରୀ ମାସ ୧୬ ତାରିଖରେ ଟାକେରା ଠାରେ ଟ୍ରକ ଦୁର୍ଘଟଣାରେ ସ୍ଥାନୀୟ ଅଞ୍ଚଳର ବାଇକ୍‌ ଆରୋହୀ ପ୍ରତାପ ଚନ୍ଦ୍ର ସାହୁଙ୍କ ମୃତ୍ୟୁ ଘଟିଥିବା ବେଳେ ୩୦ ତାରିଖରେ  ତିଳାବାଡି ଗ୍ରାମର ସୁମିତ୍ରା ନାୟକ ଏବଂ ମାର୍ଚ୍ଚ ମାସ ୧୨ ତାରିଖରେ  ଦଶପଲ୍ଲା ଅଞ୍ଚଳର  ନିଳମଣୀ ଦାଶଙ୍କ ସଡକ ଦୁର୍ଘଟଣାରେ ମୃତ୍ୟୁ ଘଟିଥିଲା। ସେହିପରି ଗତ ଅଗଷ୍ଟ ମାସ ୨୦ ତାରିଖରେ  ଟାକେରା ବିଦ୍ୟାଳୟ ସମ୍ମୁଖରେ ବାଇକ ଦୁର୍ଘଟଣାରେ ବୌଦ୍ଧ ଅଞ୍ଚଳର ୨ଜଣ ବାଇକ ଆରୋହୀଙ୍କ ମୃତ୍ୟୁ ହୋଇଥିବା ବେଳେ ଗତ ବୁଧବାର ରାତିରେ ଏକ ଟ୍ରକ ଦୁର୍ଘଟଣାରେ ଟାକେରା ଗ୍ରାମର ସୁରସେନ ସାହୁଙ୍କ ମୃତ୍ୟୁ ହୋଇଛି। ଏଥିସହିତ ଟାକେରା ଠାରୁ ବୁଗୁଡା ମଧ୍ୟରେ  ଦୈନିକ ଅନେକ ଛୋଟବଡ ଦୁର୍ଘଟଣା ଘଟିଚାଲିଛି। ଯାହାକୁ ନେଇ ସ୍ଥାନୀୟ ଜନସାଧାରଣ ଭୟଭୀତ ହୋଇ ପଡିବା ସହ ନିକଟରେ ଥିବା ଆବାସିକ ବିଦ୍ୟାଳୟର ଛାତ୍ରୀଛାତ୍ର ବିଦ୍ୟାଳୟକୁ ଅସୁରକ୍ଷିତ ଭାବେ ଯାତାୟତ କରୁଥିବା ସରପଞ୍ଚ  ନାୟକ ଅଭିଯୋଗ କରିଛନ୍ତି। 

ଅନ୍ୟପକ୍ଷେ ଜାତୀୟ ରାଜପଥ ଉପରୁ ସରକାର ବନବିଭାଗର ସମସ୍ତ ତନଖି ଫାଟକକୁ ଉଚ୍ଛେଦ କରିଦେଇଥିବା ବେଳେ ଟାକେରା ଏବଂ ବାଣିଗୋଛା ଠାରେ ରହିଥିବା ତନଖି ଫାଟକ ଗୁଡିକ ମୁକୁଳା ପଡିଛି। ଫଳରେ ଦୁର୍ଘଟଣା ଘଟିବା ପରେ ଦୁର୍ଘଟଣା ଘଟାଇ ଥିବା ଗାଡି ଗୁଡିକ ଖସି ପଳାଇବାରେ ସକ୍ଷମ ହେଉଛନ୍ତି। ଏହାକୁ ଦୃଷ୍ଟିରେ ରଖିବା ସହ ସ୍ଥାନୀୟ ଅଞ୍ଚଳବାସୀଙ୍କ ସୁରକ୍ଷା ଦୃଷ୍ଟିରୁ ଟାକେରା ବୃତ୍ତଙ୍ଗ ସେତୁ ଏବଂ ସ୍ବାସ୍ଥ୍ୟକେନ୍ଦ୍ର ନିକଟରେ ୨ଟି ସ୍ପିଡ ବ୍ରେକର ସ୍ଥାପନ ପାଇଁ ନାୟକ ଜିଲାପାଳଙ୍କ ସମେତ ପୂର୍ତ୍ତ ବିଭାଗ ଅଧିକାରୀ, ବିଡିଓ, ତହସିଲଦାର ଏବଂ ଜିଲା ଆରକ୍ଷୀ ଅଧିକ୍ଷକଙ୍କୁ ଚିଠି ଲେଖିଛନ୍ତି। 

All Right Reserved By

ରାଜ୍ୟ | ଉପକୂଳ ଓଡିଶା

ଜିଲା ପ୍ଲାନିଂ କମିଟି ବୈଠକ: ଜିଜିଓ୍ବାଇରେ ୧୫ କୋଟିର ପ୍ରକଳ୍ପକୁ ଅନୁମୋଦନ

ଜିଲା ପ୍ଲାନିଂ କମିଟି ବୈଠକ: ଜିଜିଓ୍ବାଇରେ ୧୫ କୋଟିର ପ୍ରକଳ୍ପକୁ ଅନୁମୋଦନ

ପୁରୀ ଅଫିସ,୨୨।୯: ଜିଲା ଯୋଜନା କମିଟିର ବୈଠକ ସ୍ଥାନୀୟ ଗ୍ରାମ୍ୟ ଉନ୍ନୟନ ସଂସ୍ଥା ସମ୍ମିଳନୀ କକ୍ଷରେ ଶନିବାର ପୂର୍ବାହ୍ନରେ ଅନୁଷ୍ଠିତ ହୋଇଯାଇଛି। 

ସେମିଷ୍ଟର ପରୀକ୍ଷା ଫଳରେ ତୃଟି ଅଭିଯୋଗ: ୯୦ ପ୍ରତିଶତ ଛାତ୍ରୀଛାତ୍ର ଫେଲ

ସେମିଷ୍ଟର ପରୀକ୍ଷା ଫଳରେ ତୃଟି ଅଭିଯୋଗ: ୯୦ ପ୍ରତିଶତ ଛାତ୍ରୀଛାତ୍ର ଫେଲ

ବ୍ରହ୍ମପୁର ଅଫିସ,୨୨।୯: ଯୁକ୍ତ ତିନି ତୃତୀୟ ସେମିଷ୍ଟର ପରୀକ୍ଷା ଫଳରେ ବ୍ୟାପକ ତ୍ରୁଟି ଥିବା ବିନାୟକ ଆଚାର୍ଯ୍ୟ ମହାବିଦ୍ୟାଳୟର ଛାତ୍ରୀଛାତ୍ରମାନେ ଅଭିଯୋଗ କରିଛନ୍ତି। ଶନିବାର ଏ ନେଇ ସେମାନେ ଖଲ୍ଲିକୋଟ କ୍ଲଷ୍ଟର ବିଶ୍ୱବିଦ୍ୟାଳୟର କୁଳପତିଙ୍କ ନିକଟରେ ଅଭିଯୋଗ କରିଛନ୍ତି। 

ଜେଏମ୍‌ଏମ୍‌ ପକ୍ଷରୁ ୧୨ଘଣ୍ଟିଆ ମୋରଡ଼ା ବନ୍ଦ

ଜେଏମ୍‌ଏମ୍‌ ପକ୍ଷରୁ ୧୨ଘଣ୍ଟିଆ ମୋରଡ଼ା ବନ୍ଦ

ମୋରଡ଼ା, ୨୨।୯(ଡି.ଏନ୍‌.ଏ.):  ୭ ଦଫା ଦାବିନେଇ ଜେଏମ୍‌ଏମ୍‌ ପକ୍ଷରୁ ଶନିବାର ୧୨ ଘଣ୍ଟିଆ ମୟୂରଭଞ୍ଜ ଜିଲା ମୋରଡ଼ା ବନ୍ଦ ପାଳନ କରାଯାଇଛି। ସକାଳ ୬ଟାରୁ  ବନ୍ଦ ପାଳନ ହୋଇଛି। ମୋରଡା ବ୍ଲକ ଅଞ୍ଚଳରେ ଦୋକାନବଜାର ସହିତ ସରକାରୀ, ବେସରକାରୀ କାର୍ଯ୍ୟାଳୟଗୁଡିକ ବନ୍ଦ ରହିଛି। 

ତାଳଚେର ସାର କାରଖାନାର ଶିଳାନ୍ୟାସ କଲେ ପ୍ରଧାନମନ୍ତ୍ରୀ

ତାଳଚେର ସାର କାରଖାନାର ଶିଳାନ୍ୟାସ କଲେ ପ୍ରଧାନମନ୍ତ୍ରୀ

ତାଳଚେର, ୨୨।୯(ନି.ପ୍ର.): ଦିନିକିଆ ଓଡ଼ିଶା ଗସ୍ତରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି। ଶନିବାର ଭୁବନେଶ୍ୱର ବିମାନବନ୍ଦରରେ ପହଞ୍ଚିବା ପରେ ସେ ତାଳଚେର ଗସ୍ତ କରିଛନ୍ତି। ସେଠାରେ ସେ ତାଳଚେର ଫର୍ଟିଲାଇଜର୍ସ ଲିମିଟେଡ୍‌(ସାର କାରଖାନା)ର ଶିଳାନ୍ୟାସ କରିଛନ୍ତି। 

ଗାଧୋଇବାକୁ ଯାଇ ଋଷିକୂଲ୍ୟା ନଦୀରେ ଭାସିଗଲେ ଯୁବକ

ଗାଧୋଇବାକୁ ଯାଇ ଋଷିକୂଲ୍ୟା ନଦୀରେ ଭାସିଗଲେ ଯୁବକ

ହିଞ୍ଜିଳିକାଟୁ, ୨୨।୯(ଡି.ଏନ୍‌.ଏ.): ଗଞ୍ଜାମ ଜିଲା ହିଞ୍ଜିଳି ଥାନା ଅନ୍ତରୀଗାଁ ଋଷିକୂଲ୍ୟା ନଦୀରେ ବୁଡ଼ି ଜଣେ ଯୁବକ ଶନିବାର ସକାଳେ ନିଖୋଜ ହୋଇଯାଇଛନ୍ତି। ସେ ହେଲେ ଅନ୍ତରୀଗାଁର ବାବୁଲା ବେହେରା(୨୬)। 

ଓଡ଼ିଆ ଫିଲ୍ମ ପ୍ରଯୋଜକ ସୁବାସ ରାଉତଙ୍କ ପରଲୋକ

ଓଡ଼ିଆ ଫିଲ୍ମ ପ୍ରଯୋଜକ ସୁବାସ ରାଉତଙ୍କ ପରଲୋକ

କଟକ ଅଫିସ, ୨୨।୯: ଓଡ଼ିଆ ଚଳଚ୍ଚିତ୍ର ଜଗତର ପ୍ରଯୋଜକ ସୁବାସ ରାଉତଙ୍କର ଶୁକ୍ରବାର ବିଳମ୍ବିତ ରାତିରେ ହୃଦ୍‌ଘାତରେ ପରଲୋକ ଘଟିଛି। କଟକ ଛତ୍ରବଜାରସ୍ଥିତ ନିଜ ବାସଭବନରେ ସେ ଶେଷ ନିଶ୍ୱାସ ତ୍ୟାଗ କରିଛନ୍ତି।

ଗଜପତିଙ୍କ ସହ ଆଲୋଚନା କଲେ ଆମିକସ୍‌ କ୍ୟୁରି

ଗଜପତିଙ୍କ ସହ ଆଲୋଚନା କଲେ ଆମିକସ୍‌ କ୍ୟୁରି

ପୁରୀ ଅଫିସ,୨୨।୯: ଶ୍ରୀମନ୍ଦିର ସଂସ୍କାର ମାମଲା ନେଇ ସୁପ୍ରିମକୋର୍ଟଙ୍କ ଦ୍ୱାରା ନିଯୁକ୍ତ ଆମିକସ୍‌ କ୍ୟୁରି ଗୋପାଳ ସୁବ୍ରମଣ୍ୟମ ଶନିବାର ଗଜପତି ମହାରାଜା ଦିବ୍ୟସିଂହ ଦେବଙ୍କ ସହ ଆଲୋଚନା କରିଛନ୍ତି। ସକାଳ ୯.୪୦ରେ ଆମିକସ୍‌ କ୍ୟୁରି ରାଜନଗରରେ ପହଞ୍ଚିଥିଲେ। ଗଜପତି ମହାରାଜା ମହାପ୍ରଭୁଙ୍କ ଲାଗି ଖଣ୍ଡୁଆ ପ୍ରଦାନ କରି ତାଙ୍କୁ ସ୍ବାଗତ କରିଥିଲେ। 

ବୁଡିଯାଉଥିବା ଡଙ୍ଗା ଉଦ୍ଧାର :ବର୍ତ୍ତିଲେ ୫ ମତ୍ସ୍ୟଜୀବୀ

ବୁଡିଯାଉଥିବା ଡଙ୍ଗା ଉଦ୍ଧାର :ବର୍ତ୍ତିଲେ ୫ ମତ୍ସ୍ୟଜୀବୀ

ମହାକାଳପଡା, ୨୨ା୯(ଡି.ଏନ୍‌.ଏ.)
ବଙ୍ଗୋପସାଗରରେ ସୃଷ୍ଟି ଲଘୁଚାପ ପ୍ରଭାବରେ ଉପକୂଳ ଅଞ୍ଚଳରେ ସମୁଦ୍ର ଓ ନଦୀଗୁଡିକ ଅଶାନ୍ତ ରହିଛି । 

 ବିପଦସଙ୍କୁଳ ଅବସ୍ଥାରେ ବାଉଁଶ ଚାର

ବିପଦସଙ୍କୁଳ ଅବସ୍ଥାରେ ବାଉଁଶ ଚାର

ମହାକାଳପଡା, ୨୨।୯ (ଡି.ଏନ.ଏ.)
ମହାକାଳପଡା ବ୍ଲକର କଂସାର ବଡ ଦାଣ୍ଡୁଆ ଓ ସୁନିତି ପଞ୍ଚାୟତ ସୀମା ସଂଲଗ୍ନ ମିଲନମୋଡ ନିକଟ ଗୋବରୀ ଶାଖା ନାଳରେ ଯାତାୟାତ ପାଇଁ ବାଉଁଶ ଚାର ନିର୍ମାଣ ହୋଇଛି। ତେବେ ଲଗାଣ ବର୍ଷା ଯୋଗୁ ଏହି ବାଟଦେଇ ଯାତାୟାତ ବିପଦସଙ୍କୁଳ  ହୋଇପଡିଛି।

ମା’ ଦୁର୍ଗାଙ୍କ ମୂର୍ତ୍ତି ନିର୍ମାଣ ପାଇଁ ନଦୀରୁ ମାଟି ଉଠିଲା

ମା’ ଦୁର୍ଗାଙ୍କ ମୂର୍ତ୍ତି ନିର୍ମାଣ ପାଇଁ ନଦୀରୁ ମାଟି ଉଠିଲା

ରାଜନଗର,,୨୨ା୯(ଡି.ଏନ୍‌.ଏ.) 
ଆରମ୍ଭ ହୋଇଯାଇଛି ପାର୍ବଣ ଋତୁ। ମା’ ଦୁର୍ଗାଙ୍କ ଆଗମନ ପାଇଁ ରାଜନଗର ଏବେ ଚଳଚଞ୍ଚଳ ହୋଇଉଠିଛି। 

ମଦ ବେପାରକୁ ନେଇ ବିବାଦ, ୫ ଅଟକ :ହାତଗୋଡ଼ ବନ୍ଧା ଅବସ୍ଥାରେ ଯୁବକ ଉଦ୍ଧାର

ମଦ ବେପାରକୁ ନେଇ ବିବାଦ, ୫ ଅଟକ :ହାତଗୋଡ଼ ବନ୍ଧା ଅବସ୍ଥାରେ ଯୁବକ ଉଦ୍ଧାର

କୋରେଇ,୨୨ା୯(ସ୍ବ.ପ୍ର.)- ପାଣିକୋଇଲି ଥାନା ଅନ୍ତର୍ଗତ ମାଳଆନନ୍ଦପୁର ପଞ୍ଚାୟତରେ ଶୁକ୍ରବାର ଏକ ଅଭାବନୀୟ ଘଟଣା ଘଟିଛି ା ପୂର୍ବ ଶତ୍ରୁତାକୁ କେନ୍ଦ୍ରକରି ଜଣେ ଯୁବକଙ୍କ ହାତଗୋଡ ବାନ୍ଧି ରାସ୍ତାରେ ପକାଇ ଦେଇଥିବାବେଳେ ପୋଲିସ ତାଙ୍କୁ ଉଦ୍ଧାର କରିଛି। ଏ ନେଇ ପୋଲିସ ଉଭୟ ପକ୍ଷର ଅଭିଯୋଗକୁ ଭିତ୍ତିକରି ୨ଟି ମାମଲା(୧୪୩/୧୮ ଓ ୧୪୪/୧୮) ରୁଜୁ କରିବା ସହ ୫ ଜଣଙ୍କୁ ଅଟକ ରଖି ପଚରାଉଚୁରା କରୁଛି ା  

ରାସ୍ତା ନିର୍ମାଣକୁ ନେଇ ମାରପିଟ୍‌ ଘଟଣା

ରାସ୍ତା ନିର୍ମାଣକୁ ନେଇ ମାରପିଟ୍‌ ଘଟଣା

କୋରେଇ,୨୨ା୯(ସ୍ବ.ପ୍ର.)- ରାସ୍ତା ନିର୍ମାଣକୁ ନେଇ ମାରପିଟ୍‌ ଘଟଣାରେ ଶାଶୂ, ବୋହୂ ଶୁକ୍ରବାର ଏସ୍‌ପିଙ୍କୁ ଭେଟି ଅଭିଯୁକ୍ତଙ୍କୁ ଗିରଫ କରିବା ପାଇଁ ଦାବି କରିଛନ୍ତି। ଅଭିଯୋଗ ପରେ କୁଆଖିଆ ପୋଲିସ ଏକ ମାମଲା(୧୫୫/୧୮) ରୁଜୁ କରିଛି।