ଖେଳ |

ଆଇଏସ୍‌ଏସଏଫ୍‌ ଚାମ୍ପିୟନଶିପ୍‌: ବିଜୟବୀରଙ୍କୁ ସ୍ବର୍ଣ୍ଣ, ଗୁରପ୍ରୀତଙ୍କୁ ରୌପ୍ୟ

ଆଇଏସ୍‌ଏସଏଫ୍‌ ଚାମ୍ପିୟନଶିପ୍‌:  ବିଜୟବୀରଙ୍କୁ ସ୍ବର୍ଣ୍ଣ, ଗୁରପ୍ରୀତଙ୍କୁ ରୌପ୍ୟ
ଚାଙ୍ଗଓ୍ବାନ(କୋରିଆ),୧୪।୯(ପି.ଟି.)- ଚଳିତ ଅନ୍ତର୍ଜାତୀୟ ଶୁଟିଂ ସ୍ପୋଟର୍‌ସ ଫେଡେରେଶନ (ଆଇଏସ୍‌ଏସ୍‌ଏଫ୍‌) ବିଶ୍ୱକପ୍‌ରେ ଭାରତୀୟ ଶୁଟରମାନଙ୍କର ଚମତ୍କାର ପ୍ରଦର୍ଶନ ଜାରି ରହିଛି। ସିନିୟର ଅପେକ୍ଷା ଜୁନିୟର ଶୁଟରମାନେ ଅଧିକ ସଫଳତା ଆଣିଛନ୍ତି। ବିଜୟବୀର ସିଦ୍ଧୁ ୨୫ ମି. ଷ୍ଟାଣ୍ଡାର୍ଡ ପିସ୍ତଲ ଇଭେଣ୍ଟରେ ସ୍ବର୍ଣ୍ଣ ପଦକ ଜିତିଛନ୍ତି। ଏଥିସହ ଦଳଗତ ଇଭେଣ୍ଟରେ ମଧ୍ୟ ଭାରତ ଶୀର୍ଷ ସଫଳତା ପାଇଛି। ଏହାବାଦ୍‌ ସିନିୟର ବିଭାଗରେ ଗୁରପ୍ରୀତ ସିଂ ଷ୍ଟାଣ୍ଡାର୍ଡ ପିସ୍ତଲ ଇଭେଣ୍ଟରେ ରୌପ୍ୟ ପଦକ ଜିତିଛନ୍ତି। ଶୁଟରଙ୍କ ଚମତ୍କାର ପ୍ରଦର୍ଶନ ଯୋଗୁ ପଦକ ତାଲିକାରେ ଭାରତ ୧୧ ସ୍ବର୍ଣ୍ଣ ସହ ୩ୟ ସ୍ଥାନରେ ରହିଛି। ଭାରତ ଏ ପର୍ଯ୍ୟନ୍ତ ମୋଟ ୨୭ ପଦକ ଜିତିଛି। ଏହା ଟୁର୍ନାମେଣ୍ଟ ଇତିହାସରେ ଭାରତୀୟ ଶୁଟରଙ୍କ ସଫଳତମ ପ୍ରଦର୍ଶନ। 
ଜୁନିୟର ୨୫ ମି. ଷ୍ଟାଣ୍ଡାର୍ଡ ଯୋଗ୍ୟତା ପର୍ଯ୍ୟାୟରେ ସିଦ୍ଧୁ ୪ର୍ଥ ସ୍ଥାନ ହାସଲ କରି ପଦକ ରାଉଣ୍ଡରେ ପ୍ରବେଶ କରିଥିଲେ। ଶୁକ୍ରବାର ଅନୁଷ୍ଠିତ ଫାଇନାଲରେ ସେ ସର୍ବାଧିକ ୫୭୨ ସ୍କୋର କରି ସ୍ବର୍ଣ୍ଣ ପଦକ ଜିତିଛନ୍ତି। ତାଙ୍କ ପଛକୁ କୋରିଆନ ଲି ଗୁନହେୟୋକ (୫୭୦) ଓ ଚାଇନର ହାଓଜିଏ ଝୁ (୫୬୫) ଯଥାକ୍ରମେ ରୌପ୍ୟ ଓ ବ୍ରୋଞ୍ଜ ପଦକ ପାଇଛନ୍ତି। ଅନ୍ୟ ଭାରତୀୟ ଶୁଟର ଆଦର୍ଶ ସିଂ ୪ର୍ଥ ସ୍ଥାନରେ ରହି ଅଳ୍ପକେ ପଦକରୁ ବଞ୍ଚତ୍ତ ରହିଛନ୍ତି। ଦଳଗତ ଇଭେଣ୍ଟରେ ସିଦ୍ଧୁ, ରାଜକାନ୍ବର ସିଂ ସାନ୍ଧୁ ଓ ଆଦର୍ଶ ସିଂଙ୍କୁ ନେଇ ଗଠିତ ଭାରତୀୟ ଦଳ ପୋଡିୟମ୍‌ରେ ଶୀର୍ଷରେ ସ୍ଥାନ ଅଧିକାର କରିଛି। ତିନି ଭାରତୀୟ ଶୁଟର ମିଳିତ ୧୬୯୫ସ୍କୋର କରିଥିବାବେଳେ କୋରିଆ (୧୬୯୩) ଓ ଚେକ ଗଣତନ୍ତ୍ର (୧୬୭୪) ଯଥାକ୍ରମେ ୨ୟ ଓ ୩ୟ ସ୍ଥାନରେ ରହିଥିଲେ। ସିନିୟର ପ୍ରତିଯୋଗିତାରେ ରାଜ୍ୟଗୋଷ୍ଠୀ କ୍ରୀଡ଼ା ଚାମ୍ପିୟନ ଗୁରପ୍ରୀତ ଷ୍ଟାଣ୍ଡାର୍ଡ ପିସ୍ତଲ ଇଭେଣ୍ଟରେ ୫୭୯ ସ୍କୋର କରି ରୌପ୍ୟ ପଦକ ନିଶ୍ଚିତ କରିଛନ୍ତି। ସେ ୟୁକ୍ରେନ ପାଭଲୋ କୋରୋସ୍ତିଲୋ(୫୮୧)ଙ୍କ ପଛକୁ ରହିଛନ୍ତି। ଇଭେଣ୍ଟରେ ବ୍ରୋଞ୍ଜ ପଦକ ପାଇଥିବ କୋରିଆ ଶୁଟର କିମ ଜୁହୋଙ୍ଗ ଭାରତୀୟ ଶୁଟରଙ୍କ ଭଳି ୫୭୯ ସ୍କୋର କରିଥିଲେ, ମାତ୍ର ଖୁବ କମ୍‌ ଥର ସମ୍ପୂର୍ଣ୍ଣ ୧୦ ସ୍କୋର କରିବାକୁ ସକ୍ଷମ ହୋଇଥିଲେ। ଅନ୍ୟପକ୍ଷରେ ସିନିୟର ଦଳଗଥ ଇଭେଣ୍ଟରେ ଭାରତ ୪ର୍ଥ ସ୍ଥାନରେ ରହିଛି। 
All Right Reserved By

ଖେଳ |

ଓାସାକା ଫାଇନାଲରେ

ଓାସାକା ଫାଇନାଲରେ

ଟୋକିଓ, ୨୨ା୯ (ଏଏଫ୍‌ପି)- ଜାପାନର ନାଓମି ଓସାକା ପ୍ୟାନ ପ୍ୟାସିଫିକ୍‌  ଓପନ ଡବଲ୍‌ୟୁଟିଏ ଟୁର୍ନାମେଣ୍ଟର ଫାଇନାଲରେ ପ୍ରବେଶ କରିଛନ୍ତି।

ଭାରତୀୟ ରେସଲିଂରେ ପ୍ରଥମଥର ଲାଗି ବିଦେଶୀ କୋଚ୍‌

ଭାରତୀୟ ରେସଲିଂରେ ପ୍ରଥମଥର ଲାଗି ବିଦେଶୀ କୋଚ୍‌

ନୂଆଦିଲ୍ଲୀ, ୨୨।୯(ପି.ଟି.)- ରେସଲିଂ ଫେଡେରେଶନ ଅଫ୍‌ ଇଣ୍ଡିଆ (ଡବ୍ଲ୍ୟୁଏଫ୍‌ଆଇ) ପ୍ରଥମଥର ଲାଗି ବିଦେଶୀ କୋଚ୍‌ଙ୍କୁ ନିଯୁକ୍ତି କରିବାକୁ ନିଷ୍ପତ୍ତି ନେଇଛି। 

ଜେମିମାଙ୍କ ବିସ୍ଫୋରକ ଅର୍ଦ୍ଧଶତକ:  ଜିତିଲା ଭାରତୀୟ ମହିଳା ଦଳ

ଜେମିମାଙ୍କ ବିସ୍ଫୋରକ ଅର୍ଦ୍ଧଶତକ: ଜିତିଲା ଭାରତୀୟ ମହିଳା ଦଳ

କଲମ୍ବୋ,୨୨।୯- ଯୁବ ବ୍ୟାଟ୍ସଓ୍ବିମେନ ଜେମିମା ରୋଡ୍ରିଗୁଏଜଙ୍କ ବିସ୍ଫୋରକ ଅର୍ଦ୍ଧାତକୀୟ ଇନିଂସ୍‌ ଯୋଗୁ ଶ୍ରୀଲଙ୍କା ବିପକ୍ଷ ୩ୟ ଟି୨୦ ମ୍ୟାଚ୍‌ରେ ଭାରତ ସହଜ ବିଜୟ ହାସଲ କରିଛି। ଶ୍ରୀଲଙ୍କା ପକ୍ଷରୁ ଧାର୍ଯ୍ୟ ୧୩୨ ରନ୍‌ର ବିଜୟ ଲକ୍ଷ୍ୟକୁ ୧୮.୨ ଓଭରରେ ଭାରତ ହାସଲ କରିନେଇଥିଲା।

ହାରିଲା ଫେଡେରର-ଜୋକୋଭଚ୍‌ଙ୍କ ଯୋଡ଼ି

ହାରିଲା ଫେଡେରର-ଜୋକୋଭଚ୍‌ଙ୍କ ଯୋଡ଼ି

ଶିକାଗୋ,୨୨।୯- ଦୁଇ ପୂର୍ବତନ ଶୀର୍ଷ ର଼୍ୟାଙ୍କଧାରୀ ପୁରୁଷ ସିଙ୍ଗଲ୍ସ ଟେନିସ୍‌ ଖେଳାଳି ରୋଜର ଫେଡେରର ଓ ନୋଭାକ ଜୋକୋଭିଚ୍‌ ଚଳିତ ଲାଭର କପ୍‌ ଟୁର୍ନାମେଣ୍ଟର ଡବଲ୍ସ ମୁକାବିଲାରେ ପରାସ୍ତ ହୋଇଛନ୍ତି। ଏହାସତ୍ତ୍ୱେ ୟୁରୋପ ଦଳ ୩-୧ ବ୍ୟବଧାନରେ ଓ୍ବାଲ୍ଡ ଟିମ୍‌କୁ ପରାସ୍ତ କରିବାରେ ସକ୍ଷମ ହୋଇଛି । 

ପାଞ୍ଚ ବର୍ଷ କ୍ରିକେଟ ପ୍ରସାରଣ କରିବ ଜିଓ ଟିଭି

ପାଞ୍ଚ ବର୍ଷ କ୍ରିକେଟ ପ୍ରସାରଣ କରିବ ଜିଓ ଟିଭି

ନୂଆଦିଲ୍ଲୀ,୨୨।୯- ଆଗାମୀ ପାଞ୍ଚ ବର୍ଷ ପର୍ଯ୍ୟନ୍ତ ଜିଓ ଟିଭି କ୍ରିକେଟ ମ୍ୟାଚ୍‌ର ସିଧାପ୍ରସାରଣ କରିବ। ଏଥିନେଇ ସ୍ପୋଟର୍‌ସ ଭିତ୍ତିକ ଚ୍ୟାନେଲ ଷ୍ଟାର ଇଣ୍ଡିଆ ସହ ରିଲେଆନ୍ସ ଜିଓ ଇନ୍‌ଫୋକୋମ୍ମ ଲିମିଟେଡ୍‌ ଚୁକ୍ତି କରିଥିବା ଶୁକ୍ରବାର ଘୋଷଣା କରିଛି। 

ହାସନ, ଅସଗର, ରସିଦ ଦଣ୍ଡିତ

ହାସନ, ଅସଗର, ରସିଦ ଦଣ୍ଡିତ

ଦୁବାଇ,୨୨।୯- ଚଳିତ ଏସିଆ କପ୍‌ର ସୁପର ୪’ ପର୍ଯ୍ୟାୟରେ ପାକିସ୍ତାନ ଓ ଆଫଗାନିସ୍ତାନ ମଧ୍ୟରେ ଖେଳାଯାଇଥିବା ମ୍ୟାଚ୍‌ରେ ୩ଜଣ ଖେଳାଳିଙ୍କୁ ଭିନ୍ନ ଭିନ୍ନ କାରଣ ପାଇଁ ଦଣ୍ଡିତ କରାଯାଇଛି। ପାକିସ୍ତାନ ପେସର ହାସନ ଅଲି ଓ ଆଫଗାନିସ୍ତାନର ଅସଗର ଆଫଗାନ ଏବଂ ରସିଦ ଖାଁଙ୍କ ମ୍ୟାଚ୍‌ର ୧୫ ପ୍ରତିଶତ କାଟ କରାଯାଇଛି। 

ବଜରଙ୍ଗଙ୍କୁ ଯୋଗେଶ୍ୱରଙ୍କ ପରାମର୍ଶ

ବଜରଙ୍ଗଙ୍କୁ ଯୋଗେଶ୍ୱରଙ୍କ ପରାମର୍ଶ

ନୂଆଦିଲ୍ଲୀ,୨୨।୯- କ୍ରୀଡ଼ା ମନ୍ତ୍ରଣାଳୟ ନିଷ୍ପତ୍ତିକୁ କୋର୍ଟରେ ଚ୍ୟାଲେଞ୍ଜ ନ କରିି ପାରନ୍ତି ଷ୍ଟାର କୁସ୍ତିଯୋଦ୍ଧା ବଜରଙ୍ଗ ପୁନିଆ। ତାଙ୍କୁ ମେଣ୍ଟର ତଥା ଅଲିମ୍ପିକ୍‌ ପଦକଧାରୀ ଯୋଗେଶ୍ୱର ଦତ୍ତ ପରାମର୍ଶ ଦେଇଛନ୍ତି, କ୍ରୀଡ଼ା ମନ୍ତ୍ରଣାଳୟ ନିଷ୍ପତ୍ତିକୁ ଚ୍ୟାଲେଞ୍ଜ କରିବା ପରିବର୍ତ୍ତେ ଆଗାମୀ ମାସରେ ହେବାକୁ ଥିବା ବିଶ୍ୱ ଚାମ୍ପିୟନଶିପ୍‌ ଲାଗି ପ୍ରସ୍ତୁତ ହେବା ଉଚିତ।

ସ୍ମିଥ୍‌ଙ୍କ ଅର୍ଦ୍ଧଶତକ

ସ୍ମିଥ୍‌ଙ୍କ ଅର୍ଦ୍ଧଶତକ

ସିଡ୍‌ନୀ,୨୨।୯- ଅଷ୍ଟ୍ରେଲିଆ କ୍ରିକେଟ ଦଳର ପୂର୍ବତନ ଅଧିନାୟକ ଷ୍ଟିଭ ସ୍ମିଥ କ୍ଲବ କ୍ରିକେଟକୁ ଫେରିଛନ୍ତି। ପ୍ରତ୍ୟାବର୍ତ୍ତନ ମ୍ୟାଚ୍‌ରେ ୮୫ ରନ୍‌ର ଦମ୍‌ଦାର ଅର୍ଦ୍ଧାଶତକୀୟ ଇନିଂସ୍‌ ଖେଳିଛନ୍ତି।

ତୀରନ୍ଦାଜ କୋଚ୍‌ଙ୍କ ଇସ୍ତଫା

ତୀରନ୍ଦାଜ କୋଚ୍‌ଙ୍କ ଇସ୍ତଫା

ଚଣ୍ଡିଗଡ଼,୨୨।୯- ଜାତୀୟ କମ୍ପାଉଣ୍ଡ ତୀରନ୍ଦାଜ ଦଳର କୋଚ୍‌ ଜୀବନଜୋତ ସିଂ ତେଜା ଶୁକ୍ରବାର ଇସ୍ତଫା ଦେଇଛନ୍ତି। ଦ୍ରୋଣାଚାର୍ଯ୍ୟ ସମ୍ମାନରୁ ବଞ୍ଚତ୍ତ ହେବରୁ ସେ ଏଭଳି ନିଷ୍ପତ୍ତି ନେଇଛନ୍ତି। 

ପାକିସ୍ତାନକୁ ହରାଇ ଏସିଆନ୍‌ ସ୍ନୁକର ଫାଇନାଲରେ ଭାରତ

ପାକିସ୍ତାନକୁ ହରାଇ ଏସିଆନ୍‌ ସ୍ନୁକର ଫାଇନାଲରେ ଭାରତ

ଦୋହା,୨୧।୯- ଏଠାରେ ଚାଲିଥିବା ଏସିଆନ ସ୍ନୁକର ଚାମ୍ପିୟନଶିପ୍‌ରେ ଚିରପ୍ରତିଦ୍ୱନ୍ଦ୍ୱି ପାକିସ୍ତାନକୁ ପରାସ୍ତ କରି ଭାରତ ଫାଇନାଲରେ ପ୍ରବେଶ କରିଛି। ଭାରତୀୟ ଦଳ ଲାଗି ମାଲକିତ ସିଂ ଗୁରୁତ୍ୱପୂର୍ଣ୍ଣ ଭୂମିକା ଗ୍ରହଣ କରିଛନ୍ତି। 

୧୬ବର୍ଷରୁ ବାଳିକା ଫୁଟ୍‌ବଲ : ଭାରତୀୟ ଦଳର ପରାଜୟ

୧୬ବର୍ଷରୁ ବାଳିକା ଫୁଟ୍‌ବଲ : ଭାରତୀୟ ଦଳର ପରାଜୟ

ଉଲାନ ବତାର, ୨୨ା୯ (ପି.ଟି.)-ଏଠାରେ ଚାଲିଥିବା ଏଏଫ୍‌ସି ୧୬ବର୍ଷରୁ କମ୍‌ ମହିଳା ଚାମ୍ପିୟନଶିପ୍‌ କ୍ୱାଲିଫାୟର୍ସରେ ଭାରତୀୟ  ଦଳ ୧-୨ ଗୋଲରେ ମଙ୍ଗୋଲିଆଠାରୁ ହାରିଯାଇଛି। ଏହି ପରାଜୟ ଦ୍ୱାରା ଭାରତ ଗ୍ରୁପ୍‌ ବି’ ପଏଣ୍ଟ ଟେବୁଲର ପ୍ରଥମ ସ୍ଥାନ ହରାଇ ଲାଓସ ପଛକୁ ଦ୍ୱିତୀୟକୁ ଖସି ଆସିଛି।  

ଓଡ଼ିଶା ବଡିବିଲ୍ଡିଂ ଆସୋସିଏଶନ ନିର୍ବାଚନ ସୁମିତ୍ରା ସଭାପତି, ପ୍ରସନ୍ନ ସମ୍ପାଦକ

ଓଡ଼ିଶା ବଡିବିଲ୍ଡିଂ ଆସୋସିଏଶନ ନିର୍ବାଚନ ସୁମିତ୍ରା ସଭାପତି, ପ୍ରସନ୍ନ ସମ୍ପାଦକ

ଭୁବନେଶ୍ୱର, ୨୨।୯(କ୍ରୀଡ଼ା ପ୍ରତିନିଧି)-
ଓଡ଼ିଶା ବଡିବିଲ୍ଡିଂ ଆସୋସିଏଶନର ସାଧାରଣ ନିର୍ବାଚନ ଶୁକ୍ରବାର ପାନ୍ଥନିବାସଠାରେ ଅନୁଷ୍ଠିତ ହୋଇ ଯାଇଛି।