ବାଣିଜ୍ୟ |

ଜାତୀୟ ରାଜନୀତିରେ ମାଲ୍ୟା ଝଡ଼

ଜାତୀୟ ରାଜନୀତିରେ ମାଲ୍ୟା ଝଡ଼
ନୂଆଦିଲ୍ଲୀ,୧୪-୯:ପଳାତକ ମଦ ବ୍ୟବସାୟୀ ବିଜୟ ମାଲ୍ୟାଙ୍କୁ ନେଇ ଏବେ ଜାତୀୟ ରାଜନୀତିରେ ଝଡ ସୃଷ୍ଟି ହୋଇଛି। ଲଣ୍ଡନରେ ପ୍ରତ୍ୟର୍ପଣ ମାମଲାର ସାମ୍ନା କରୁଥିବା ମାଲ୍ୟା ବୁଧବାର ଅଦାଲତ ଯିବା ବେଳେ କେନ୍ଦ୍ର ଅର୍ଥମନ୍ତ୍ରୀ ଅରୁଣ ଜେଟ୍‌ଲୀଙ୍କ ସମ୍ପର୍କରେ ଏକ ବିସ୍ଫୋରକ ବୟାନ ଦେଇଥିଲେ। ଦେଶ ଛାଡିବା ପୂର୍ବରୁ ଅର୍ଥମନ୍ତ୍ରୀଙ୍କୁ ସେ ଭେଟିଥିଲେ ଏବଂ ଦେଶ ଛାଡୁଥିବା କହିଥିଲେ ବୋଲି ମାଲ୍ୟା ଉଲ୍ଲେଖ କରିଥିଲେ। ଖାଲି ସେତିକି ନୁହେଁ ଋଣ ବିବାଦର ସମାଧାନ ଲାଗି ଅର୍ଥମନ୍ତ୍ରୀ ହସ୍ତକ୍ଷେପ କରିବାକୁ ଅନୁରୋଧ କରିଥିବା ସେ ସ୍ପଷ୍ଟ କରିଥିଲେ। ତାଙ୍କର ଏହି ବୟାନ ପରେ ଦେଶର ରାଜନୀତିରେ ଝଡ ସୃଷ୍ଟି ହୋଇଛି। ଲଣ୍ଡନ ପଳାଇବା ଲାଗି ମାଲ୍ୟାଙ୍କ ସହ ଜେଟ୍‌ଲୀ ଗୋପନ ବୁଝାମଣା କରିଥିଲେ ବୋଲି କଂଗ୍ରେସ ଅଧ୍ୟକ୍ଷ ରାହୁଲ ଗାନ୍ଧୀ  ଅଭିଯୋଗ କରିଥିବା ବେଳେ ଭାଜପା ମଧ୍ୟ ଏହାର ଦୃଢ଼ ଜବାବ ଦେଇଛି।ରାଜନୈତିକ ଫାଇଦା ମିଳିବା ଆଶାରେ ଗୁରୁବାର କଂଗ୍ରେସ ଅଧ୍ୟକ୍ଷ ରାହୁଲ ଗାନ୍ଧୀ ଏହି ବିବାଦରେ ନିଜକୁ ସାମିଲ କରିଛନ୍ତି। ଆୟୋଜିତ ଏକ ଖବରଦାତା ସମ୍ମିଳନୀରେ ଜେଟ୍‌ଲୀଙ୍କ ବିରୋଧରେ ସେ ଗୁରୁତର ଅଭିଯୋଗ ଆଣିଛନ୍ତି। କେନ୍ଦ୍ର ଅର୍ଥମନ୍ତ୍ରୀ ମିଛ କହୁଛନ୍ତି ବୋଲି ଉଲ୍ଲେଖ କରି କଂଗ୍ରେସ ଅଧ୍ୟକ୍ଷ କହିଛନ୍ତି ଯେ, ଜେଟଲୀ ପଳାତକ ମଦ ବ୍ୟବସାୟୀଙ୍କୁ ସଂସଦର ବାରଣ୍ଡାରେ ନୁହେଁ ବରଂ ସେଣ୍ଟ୍ରାଲ ହଲ୍‌ରେ ଭେଟିଥିଲେ। ସେ ଲଣ୍ଡନ ପଳାଉଛନ୍ତି ବୋଲି ମାଲ୍ୟା ସେତେବେଳେ ତାଙ୍କୁ ଜଣାଇଥିଲେ। କେନ୍ଦ୍ର ଅର୍ଥମନ୍ତ୍ରୀ ଏ ସମ୍ପର୍କରେ ତଦନ୍ତକାରୀ ଏଜେନ୍ସିକୁ ଜଣାଇବା ପରିବର୍ତ୍ତେ ଜଣେ ଆର୍ଥିକ ଅପରାଧୀଙ୍କୁ ପଳାଇବାକୁ ସୁଯୋଗ ଦେଲେ। ଜେଟ୍‌ଲୀ ସୋସିଆଲ ମିଡିଆରେ ବଡ଼ ବଡ଼ ଗପ ଲେଖନ୍ତି। କିନ୍ତୁ ମାଲ୍ୟାଙ୍କ ସମ୍ପର୍କରେ ଆଜି ଯାଏ କିଛି ଉଲ୍ଲେଖ କଲେ ନାହିଁ କାହିଁକି ବୋଲି ସେ ପ୍ରଶ୍ନ କରିଛନ୍ତି।  ମାଲ୍ୟାଙ୍କ ସହ ଜେଟ୍‌ଲୀଙ୍କ ଗୋପନ ବୁଝାମଣା ହୋଇଥିଲା ବୋଲି କଂଗ୍ରେସ ଅଧ୍ୟକ୍ଷ ଅଭିଯୋଗ କରିଛନ୍ତି। ଏହି କାରଣରୁ ସେ ଇସ୍ତଫା ଦିଅନ୍ତୁ ବୋଲି ରାହୁଲ ଦାବି କରିଛନ୍ତି। ଅନ୍ୟପକ୍ଷରେ ଭାଜପା ମଧ୍ୟ ରାହୁଲଙ୍କୁ ପାଲଟା ଜବାବ ଦେଇଛି। ଦଳର ମୁଖପାତ୍ର ସମ୍ବିତ୍‌ ପାତ୍ର କହିଛନ୍ତି ଯେ, ମାଲ୍ୟାଙ୍କ ବନ୍ଦ ହୋଇଯାଇଥିବା କିଙ୍ଗଫିଶର ଏୟାର ଲାଇନ୍ସରେ ଗାନ୍ଧୀ  ପରିବାରର ଅଂଶଧନ ରହିଥିବା ନେଇ ରାହୁଲ ସ୍ପଷ୍ଟ କରନ୍ତୁ। କାରଣ ରାହୁଲ ଓ ସୋନିଆ ଗାନ୍ଧୀଙ୍କୁ ଏହି ଏୟାର ଲାଇନ୍ସରେ ମାଗଣାରେ ଯିବା ଆସିବା କରିବାକୁ ସୁଯୋଗ ଦିଆଯାଉଥିଲା। ଅନ୍ୟପକ୍ଷରେ ଋଣରେ ବୁଡିଥିବା କିଙ୍ଗଫିଶରକୁ ସୁରକ୍ଷା ଦେବା ପାଇଁ ପୂର୍ବତନ ପ୍ରଧାନମନ୍ତ୍ରୀ ଡ.ମନମୋହନ ସିଂହ ସେତେବେଳେ ଏକ ଖବରଦାତା ସମ୍ମିଳନୀରେ କହିଥିଲେ। ଏହି ଅବସରରେ ସେ ରିଜର୍ଭ ବ୍ୟାଙ୍କ ଅଫ୍‌ ଇଣ୍ଡିଆ ଏବଂ ଏସ୍‌ବିଆଇ ମଧ୍ୟରେ ହୋଇଥିବା ଚିଠିର ଆଦାନପ୍ରଦାନ କପି ଦେଖାଇଥିଲେ। କିଙ୍ଗ୍‌ଫିଶରକୁ ଋଣ ପ୍ରଦାନ ବେଳେ କିଭଳି ନିୟମ ଉଲ୍ଲଂଘନ ହୋଇଥିଲା ଚିିଠିରୁ ତାହା ପ୍ରମାଣିତ ବୋଲି ପାତ୍ର ଦର୍ଶାଇଛନ୍ତି। ଉଲ୍ଲେଖଥାଉ କି, ଲଣ୍ଡନ ଯିବା ପୂର୍ବରୁ ସେ ଜେଟ୍‌ଲୀଙ୍କୁ  ଭେଟିଥିଲେ ବୋଲି ମାଲ୍ୟା ବୁଧବାର କହିବା ପରେ କେନ୍ଦ୍ର ଅର୍ଥମନ୍ତ୍ରୀ ଏହାକୁ ଖଣ୍ଡନ କରିଥିଲେ। କିଙ୍ଗ୍‌ଫିଶର ଏୟାରଲାଇନ୍ସ ମୁଖ୍ୟଙ୍କ ସହ ତାଙ୍କର କୌଣସି ସାକ୍ଷାତ ହୋଇନାହିଁ ବୋଲି ଜେଟ୍‌ଲୀ ସ୍ପଷ୍ଟ କରିଥିଲେ। ମାଲ୍ୟାଙ୍କୁ ସାକ୍ଷାତ ପାଇଁ ସେ ସମୟ ଦେଇ ନଥିଲେ ବୋଲି ଅର୍ଥମନ୍ତ୍ରୀ ତାଙ୍କ ସଫେଇରେ କହିଥିଲେ। 
All Right Reserved By

ବାଣିଜ୍ୟ |

ଚୋକ୍‌ସି, ପରିବାରଠାରୁ ୪୦୫ କୋଟି ଆଦାୟ କରିବ ଏସ୍‌ବିଆଇ

ଚୋକ୍‌ସି, ପରିବାରଠାରୁ ୪୦୫ କୋଟି ଆଦାୟ କରିବ ଏସ୍‌ବିଆଇ

ନୂଆଦିଲ୍ଲୀ,୨୪-୧: ପଞ୍ଜାବ ନ୍ୟାଶନାଲ ବ୍ୟାଙ୍କ ମହାଦୁର୍ନୀତିରେ ସମ୍ପୃକ୍ତ ଥିବା ମେହୁଲ ଚୋକ୍‌ସି, ତାଙ୍କ ପରିବାର ଏବଂ କମ୍ପାନୀଙ୍କଠାରୁ ପ୍ରାୟ ୪୦୫ କୋଟି ଟଙ୍କାର ଋଣ ଆଦାୟ ଲାଗି ଭାରତୀୟ ଷ୍ଟେଟ୍‌ ବ୍ୟାଙ୍କ(ଏସ୍‌ବିଆଇ) ଏବେ ଅଣ୍ଟା ଭିଡ଼ିଛି। ଚୋକ୍‌ସି ମାମଲାରେ ଏସ୍‌ବିଆଇ ପ୍ରଥମଥର ପର୍ଦ୍ଦାଫାଶ କରିଛି।

ସବୁଠୁ ଦ୍ରୁତଗତିରେ ବିକାଶ କରିବ ଭାରତ: ଜାତିସଂଘ

ସବୁଠୁ ଦ୍ରୁତଗତିରେ ବିକାଶ କରିବ ଭାରତ: ଜାତିସଂଘ

ନୂଆଦିଲ୍ଲୀ,୨୪-୧: ଅନ୍ତର୍ଜାତୀୟ ମୁଦ୍ରା ପାଣ୍ଠି(ଆଇଏମ୍‌ଏଫ୍‌) ପରେ ଏବେ ଜାତିସଂଘ ମଧ୍ୟ ଭାରତୀୟ ଅର୍ଥନୀତିର ବିକାଶ ଦ୍ରୁତଗତିରେ ହେଉଥିବା ସ୍ବୀକାର କରିଛି। ୨୦୧୯ ଓ ୨୦୨୦ରେ ଭାରତର ଅର୍ଥନୀତିର ଗତି ସର୍ବାଧିକ ରହିବ। 

ସେଣ୍ଟ୍ରାଲାଇଜ୍‌ଡ ଜିଏସ୍‌ଟି ଆପିଲେଟ ଅଥରିଟି ଗଠନକୁ କ୍ୟାବିନେଟ୍‌ ମଞ୍ଜୁରୀ

ସେଣ୍ଟ୍ରାଲାଇଜ୍‌ଡ ଜିଏସ୍‌ଟି ଆପିଲେଟ ଅଥରିଟି ଗଠନକୁ କ୍ୟାବିନେଟ୍‌ ମଞ୍ଜୁରୀ

ନୂଆଦିଲ୍ଲୀ,୨୪-୧: ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ଅଧ୍ୟକ୍ଷତାରେ ଗଠିତ ଆର୍ଥିକ ବ୍ୟାପାର କେନ୍ଦ୍ର କ୍ୟାବିନେଟ ବୁଧବାର ସାମଗ୍ରୀ ଏବଂ ସେବା ଟିକସ(ଜିଏସ୍‌ଟି) ମାମଲାର ଅଗ୍ରିମ ନିଷ୍ପତ୍ତି ଲାଗି ଏକ ସେଣ୍ଟ୍ରାଲାଇଜ୍ଡ ଆପେଲାଟ ଅଥରିଟି ଗଠନକୁ ମଞ୍ଜୁରୀ ପ୍ରଦାନ କରିଛନ୍ତି।

ମୁହଁ ଖୋଲିଲେ ଗୀତା ଗୋପୀନାଥ;ଭାରତରେ ଋଣଛାଡ଼ ବଦଳରେ ଚାଷୀଙ୍କ ଆକାଉଣ୍ଟରେ ଟଙ୍କା ଦେବା ଉଚିତ୍‌

ମୁହଁ ଖୋଲିଲେ ଗୀତା ଗୋପୀନାଥ;ଭାରତରେ ଋଣଛାଡ଼ ବଦଳରେ ଚାଷୀଙ୍କ ଆକାଉଣ୍ଟରେ ଟଙ୍କା ଦେବା ଉଚିତ୍‌

ଡାଭୋସ୍‌,୨୪-୧: ଭୋଟ୍‌ ହାତେଇବାକୁ ହେଲେ ଚାଷୀଙ୍କ ଋଣଛାଡ଼ ଏକ ବଡ଼ ବିକଳ୍ପ ବୋଲି ଭାରତରେ ରାଜନୈତିକ ଦଳଗୁଡିକ ବିଚାର କରୁଛନ୍ତି। ଏହି କାରଣରୁ ନିର୍ବାଚନ ବେଳେ ଚାଷୀଙ୍କ ଋଣଛାଡ଼ କରାଯିବ ବୋଲି ଘୋଷଣା କରାଯାଉଛି। ତେବେ ଅନ୍ତରାଷ୍ଟ୍ରୀୟ ମୁଦ୍ରା ପାଣ୍ଠିର ମୁଖ୍ୟ ଅର୍ଥନୀତିବିଦ୍‌ ଗୀତା ଗୋପିନାଥ କହିଛନ୍ତି ଯେ, ଭାରତରେ ଚାଷୀଙ୍କ ଋଣଛାଡ଼ ଲାଗି ରାଜ୍ୟ ସରକାରଗୁଡିକ ନେଇଥିବା ପଦକ୍ଷେପ ଠିକ୍‌ ନୁହେଁ।

ଭାରତର ବିକାଶ ଗତି ଧିମା: ଆଇଏମ୍‌ଏଫ୍‌ ମୁଖ୍ୟ

ଭାରତର ବିକାଶ ଗତି ଧିମା: ଆଇଏମ୍‌ଏଫ୍‌ ମୁଖ୍ୟ

ଡାଭୋସ୍‌,୨୪-୧: ଭାରତର ବିକାଶର ଗତି ଅତ୍ୟନ୍ତ ଧିମା। ଆବଶ୍ୟକ ଗତିରେ ଏହା ଦୌଡୁ ନାହିଁ ବୋଲି ଅନ୍ତର୍ଜାତୀୟ ମୁଦ୍ରା ପାଣ୍ଠି(ଆଇଏମ୍‌ଏଫ୍‌)ର ମ୍ୟାନେଜିଂ ଡାଇରେକ୍ଟର(ଏମ୍‌ଡି) କ୍ରିଷ୍ଟିନ ଲାଗାର୍ଡ ମତପ୍ରକାଶ କରିଛନ୍ତି। 

ଏନ୍‌ପିଏ ସମସ୍ୟାକୁ ଉତ୍କଟ କରିବ ଜଳ ସଙ୍କଟ

ଏନ୍‌ପିଏ ସମସ୍ୟାକୁ ଉତ୍କଟ କରିବ ଜଳ ସଙ୍କଟ

ନୂଆଦିଲ୍ଲୀ,୨୪-୧: ବିଭିନ୍ନ କାରଣରୁ ରାଷ୍ଟ୍ରାୟତ୍ତ ବ୍ୟାଙ୍କଗୁଡ଼ିକର ଅନାଦାୟ ଋଣ(ଏନ୍‌ପିଏ) ସମସ୍ୟା ଗୁରୁତର ହୋଇଛି। ତେବେ ଦେଶରେ ଜଳ ସଙ୍କଟ ଦେଖାଦେଲେ ବ୍ୟାଙ୍କଗୁଡିକର ଏନ୍‌ପିଏ ସମସ୍ୟା ଆହୁରି ଉତ୍କଟ ହେବ ବୋଲି ଏକ ରିପୋର୍ଟ ପ୍ରକାଶ ପାଇଛି। ଅଧିକାଂଶ ଋଣପ୍ରଦାନକାରୀ ଏଭଳି କେତେକ କ୍ଷେତ୍ରକୁ ଋଣ ଦେଇଛନ୍ତି, ଯେଉଁଠି ଜଳ ଯୋଗାଣ ସହ ଏହାର ସିଧାସଳଖ ସମ୍ପର୍କ ରହିଛି। 

ରାଜ୍ୟରେ ଉଜ୍ଜ୍ୱଳାରେ ୩୬ ଲକ୍ଷରୁ ଉର୍ଦ୍ଧ୍ୱ ସଂଯୋଗ

ରାଜ୍ୟରେ ଉଜ୍ଜ୍ୱଳାରେ ୩୬ ଲକ୍ଷରୁ ଉର୍ଦ୍ଧ୍ୱ ସଂଯୋଗ

ଭୁବନେଶ୍ୱର,୨୪-୧: ପ୍ରଧାନମନ୍ତ୍ରୀ ଉଜ୍ଜ୍ୱଳା ଯୋଜନା(ପିଏମ୍‌ୟୁଓ୍ବାଇ)ରେ ସାରା ଦେଶରେ ବର୍ତ୍ତମାନ ସୁଦ୍ଧା ୬ କୋଟିରୁ ଉର୍ଦ୍ଧ୍ୱ ପରିବାରକୁ ଗ୍ୟାସ୍‌ ସିଲିଣ୍ଡର ସଂଯୋଗ ପ୍ରଦାନ କରାଯାଇଛି।  ୨୦୧୪ରେ ସାରା ଦେଶରେ ଗ୍ୟାସ ପେନିଟ୍ରେଶନ ୫୬% ଥିବା ବେଳେ ଏହା ବର୍ତ୍ତମାନ ୯୦%କୁ ବଢିଛି। 

ମାରୁତି ସୁଜୁକିର ନୂଆ ଓ୍ବାଗନର ବଜାରରେ

ମାରୁତି ସୁଜୁକିର ନୂଆ ଓ୍ବାଗନର ବଜାରରେ

ନୂଆଦିଲ୍ଲୀ,୨୪-୧: ପ୍ରମୁଖ କମ୍ପାନୀ ମାରୁତି ସୁଜୁକି ଇଣ୍ଡିଆ ଲିମିଟେଡ ପକ୍ଷରୁ ନୂଆ ଓ୍ବାଗନର ୨୦୧୯ର ବଜାରକୁ ଆସିଛି। ଏହା ଏଲ୍‌ଏକ୍ସଆଇ, ଭିଏକ୍ସଆଇ ଏବଂ ଜେଡଏକ୍ସଆଇ ଭଳି ୩ ଭାରିଆଣ୍ଟରେ ଉପଲବ୍ଧ। ମଡେଲଟିର ଏକ୍ସ ଶୋ’ରୁମ ଆରମ୍ଭ ମୂଲ୍ୟ ୪.୧୯ ଲକ୍ଷ ଟଙ୍କା ରହିଥିବା କମ୍ପାନୀ ପକ୍ଷରୁ ସୂଚନା ରହିଛି।

ନାଇନ ସାନିଟାରି ନାପକିନ ପକ୍ଷରୁ ପିରିୟଡ୍‌ ଟ୍ରାକର ଆପ୍ଲିକେଶନ ଉନ୍ମୋଚନ

ନାଇନ ସାନିଟାରି ନାପକିନ ପକ୍ଷରୁ ପିରିୟଡ୍‌ ଟ୍ରାକର ଆପ୍ଲିକେଶନ ଉନ୍ମୋଚନ

ମୁମ୍ବାଇ,୨୪-୧: ନାଇନ ସାନିଟାରି ନାପକିନ ପକ୍ଷରୁ ନୂଆ ପିରିୟଡ ଟ୍ରାକର ଆପ୍ଲିକେଶନ ଉନ୍ମୋଚନ କରାଯାଇଛି। ନାଇନର ସହପ୍ରତିଷ୍ଠାତା ଶରତ ଖେମକା, ସିଇଓ ରିଚା ସିଂ ଏବଂ କ୍ରିଏଟିଭ୍‌ ନିର୍ଦ୍ଦେଶକ ଅଙ୍କିତା ଗୁପ୍ତା ଏହାକୁ ଶୁଭାରମ୍ଭ କରିଥିଲେ। ଏଭଳି ଆପ୍‌ ଆଣିବାରେ ନାଇନ ଦେଶର ପ୍ରଥମ କମ୍ପାନୀ ।

ଆଜି ପାଳନ ହେଉଛି ଉଜ୍ଜ୍ୱଳା ସ୍ବାଭିମାନ ଦିବସ

ଆଜି ପାଳନ ହେଉଛି ଉଜ୍ଜ୍ୱଳା ସ୍ବାଭିମାନ ଦିବସ

ରାଜ୍ୟର ୩୦ ସ୍ଥାନରେ ରାଷ୍ଟ୍ରାୟତ୍ତ ତୈଳ କମ୍ପାନୀଗୁଡ଼ିକ ପକ୍ଷରୁ ଗୁରୁବାର ଉଜ୍ଜ୍ୱଳା ସ୍ବାଭିମାନ ଦିବସ ପାଳନ କରାଯାଉଛି। କେନ୍ଦ୍ର ପେଟ୍ରୋଲିୟମ ମନ୍ତ୍ରୀ ଧର୍ମେନ୍ଦ୍ର ପ୍ରଧାନ ନୂଆଦିଲୀରୁ ଭିଡ଼ିଓ କନଫରେନ୍ସି ଯୋଗେ ଏହି କାର୍ଯ୍ୟକ୍ରମକୁ ଉଦଘାଟନ କରିବେ। 

କ୍ୟାନସର ରୋଗୀଙ୍କ ପାଇଁ ଖୁସି ଖବର: ଶସ୍ତା ହେବ ଔଷଧ

କ୍ୟାନସର ରୋଗୀଙ୍କ ପାଇଁ ଖୁସି ଖବର: ଶସ୍ତା ହେବ ଔଷଧ

ନୂଆଦିଲ୍ଲୀ, ୨୩।୧: ମାରାତ୍ମକ କ୍ୟାନସର ରୋଗ ସମେତ ୫୦ଟି ଜୀବନରକ୍ଷାରୀ ଔଷଧ ଶସ୍ତା ହେବ। ଖାଉଟି ଓ ପାଇକାରି ବ୍ୟବସାୟୀ ଅଳ୍ପ ଲାଭରେ ଏହି ସବୁ ଔଷଧ ବିକ୍ରି କରିବେ ବୋଲି ପ୍ରଧାନମନ୍ତ୍ରୀଙ୍କ କାର୍ଯ୍ୟାଳୟରେ ଅନୁଷ୍ଠିତ ଏକ ଉଚ୍ଚସ୍ତରୀୟ ବୈଠକରେ ନିଷ୍ପତ୍ତି ନିଆଯାଇଛି।

ଆୟକର ରିଟର୍ନ ;୨୧ ଦିନ ମିଲିଲା ଦାଖଲ ସମୟ

ଆୟକର ରିଟର୍ନ ;୨୧ ଦିନ ମିଲିଲା ଦାଖଲ ସମୟ

ନୂଆଦିଲ୍ଲୀ,୨୩-୧: ଉଚ୍ଚ ମୂଲ୍ୟର ନେଣଦେଣ କରିଛନ୍ତି, ଅଥଚ ୨୦୧୮-୧୯ ଲାଗି ଆୟକର ରିଟର୍ନ ଦାଖଲ କରି ନଥିଲେ କେନ୍ଦ୍ରୀୟ ପ୍ରତ୍ୟକ୍ଷ କର ବୋର୍ଡ(ସିବିଡିଟି) ଏହା ଦାଖଲ ଲାଗି ଆହୁରି ୨୧ ଦିନ ସମୟ ଦେଇଛି।