ମେଟ୍ରୋ |

ଫାଷ୍ଟଫୁଡ୍‌ ଦୋକାନୀଙ୍କୁ ଗୁଳିମାଡ଼: ବିଭିନ୍ନ ସ୍ଥାନରେ ପୋଲିସର ଚଢ଼ାଉ

ଫାଷ୍ଟଫୁଡ୍‌ ଦୋକାନୀଙ୍କୁ ଗୁଳିମାଡ଼: ବିଭିନ୍ନ ସ୍ଥାନରେ ପୋଲିସର ଚଢ଼ାଉ
ଭୁବନେଶ୍ୱର(ବ୍ୟୁରୋ)/ପାତ୍ରପଡା(ଡି.ଏନ୍‌.ଏ.), ୧୪।୯-ଶହୀଦନଗର ବାସୁଆଘାଇ ଓଭରବ୍ରିଜ୍‌ ଉପରେ ଜଣେ ହୋମଗାର୍ଡଙ୍କ ପୁଅ ସୁଶାନ୍ତ ଭୋଇଙ୍କୁ ଗୁଳିମାଡ ଘଟଣା ଲୋକଙ୍କ ମନରୁ ନ ଲିଭୁଣୁ ରାଜଧାନୀରେ ପୁଣି ଗୁଳି ଫୁଟିଛି। ଖଣ୍ଡଗିରି ଥାନା ଭରତପୁର ତାଳବସ୍ତି ଛକରେ ଥିବା ଏକ ଫାଷ୍ଟଫୁଡ୍‌ ଦୋକାନୀଙ୍କୁ ଗୁରୁବାର ରାତିରେ ଗୁଳିମାଡ଼ କରାଯାଇଛି। ଚିକେନ ପକୋଡା କିଣାକୁ କେନ୍ଦ୍ରକରି ଏହି ଘଟଣା ଘଟିଛି। ଏଥିରେ ଫାଷ୍ଟଫୁଡ୍‌ ଦୋକାନୀ ସ୍ମୃତି ରଞ୍ଜନ ଧଳ ଓରଫ ନିଲୁ ଆହତ ହୋଇଛନ୍ତି। ନିଲୁଙ୍କ ଡାହାଣ ହାତ କହୁଣିରେ ଗୁଳି ବାଜିଛି। ତାଙ୍କୁ ରକ୍ତ ଜୁଡୁବୁଡୁ ଅବସ୍ଥାରେ କଳିଙ୍ଗ ଷ୍ଟୁଡିଓ ଛକ ଅଞ୍ଚଳରେ ଥିବା ଏକ ଘରୋଇ ହସ୍ପିଟାଲରେ ଭର୍ତ୍ତି କରାଯାଇଛି। ଖବରପାଇ ପୋଲିସ ଘଟଣାସ୍ଥଳରେ ପହଞ୍ଚତ୍ ଦୁଇଟି ଖୋକା ଜବତ କରି ତଦନ୍ତ ଚଳାଇଛି।
ସ୍ଥାନୀୟ ଲୋକଙ୍କ ସୂଚନା ଅନୁଯାୟୀ, ଗୁରୁବାର ରାତି ପ୍ରାୟ ୯ଟା ହେବ। ତାଳବସ୍ତି ଛକ ନିକଟରେ ଥିବା ନିଲୁଙ୍କ ଫାଷ୍ଟଫୁଡ୍‌ ଦୋକାନରେ ଭିଡ ଲାଗିଥିଲା। ଲୋକମାନେ ନିକଟ ଏକ ମଦ ଦୋକାନରୁ ମଦ କିଣିବା ପରେ ତାଙ୍କ ଦୋକାନକୁ ଯାଇ ଫାଷ୍ଟଫୁଡ୍‌ ନେଉଥାନ୍ତି। ଏହି ସମୟରେ ଦୁଇଜଣ ଯୁବକ ମଦ ଦୋକାନରୁ ମଦ କିଣିଥିଲେ। ପରେ ନିଲୁଙ୍କ ଦୋକାନକୁ ଯାଇ ଚିକେନ ପକୋଡା କିଣିଥିଲେ। କିନ୍ତୁ ପକୋଡାର ମାନକୁ ନେଇ ସେମାନେ ଉତ୍ତେଜିତ ହୋଇପଡ଼ିଥିଲେ। ସଙ୍ଗେ ସଙ୍ଗେ ସେଠାରେ ଯୁବକଦ୍ୱୟ ଭଙ୍ଗାରୁଜା କରିଥିଲେ। ଏହାକୁ ନେଇ ନିଲୁ ଏବଂ ସମ୍ପୃକ୍ତ ଦୁଇ ଯୁବକଙ୍କ ମଧ୍ୟରେ ହାତାହାତି ପର୍ଯ୍ୟନ୍ତ କଥା ଯାଇଥିଲା। ଶେଷରେ ଜଣେ ଯୁବକ ଅଣ୍ଟାରୁ ବନ୍ଧୁକ ବାହାର କରି ନିଲୁଙ୍କ ଉପରକୁ ଦୁଇ ରାଉଣ୍ଡ ଗୁଳି ଚଳାଇଥିଲେ। ଗୋଟିଏ ଗୁଳି ତାଙ୍କ ଦେହରେ ବାଜି ନ ଥିବା ବେଳେ ଆଉ ଗୋଟିଏ ଗୁଳି ଡାହାଣ ହାତ କହୁଣିରେ ବାଜିଥିଲା। ଘଟଣା ପରେ ଦୁଇ ଯୁବକ ସେଠାରୁ ଫେରାର ହୋଇଯାଇଥିଲେ। ପୋଲିସ ସେଠାରେ ତୁରନ୍ତ ପହଞ୍ଚିଥିଲେ ମଧ୍ୟ ଅଭିଯୁକ୍ତଙ୍କ ଟେର ପାଇ ନ ଥିଲା। ଅଭିଯୁକ୍ତଦ୍ୱୟ ସ୍ଥାନୀୟ ଅଞ୍ଚଳର ହୋଇଥିବା କୁହାଯାଉଛି। ଖଣ୍ଡଗିରି ଥାନା ଅଧିକାରୀ ହିମାଂଶୁ ଭୂଷଣ ସ୍ବାଇଁ କହିଛନ୍ତି, ପକୋଡା କିଣାକୁ ନେଇ ଫାଷ୍ଟଫୁଡ ଦୋକାନୀଙ୍କୁ ୨ଯୁବକ ଗୁଳି ମାଡ କରିଛନ୍ତି। ସେମାନଙ୍କୁ ଧରିବା ପାଇଁ ଆମେ ଚଢାଉ ଜାରି ରଖିଛୁ। ଖୁବ୍‌ଶୀଘ୍ର ସେମାନଙ୍କୁ ଗିରଫ କରାଯିବ।
ସୂଚନାଯୋଗ୍ୟ, ଗତ ଦୁଇ ତାରିଖ ଅପରାହ୍ନରେ ଶହୀଦନଗର ଥାନା  ଅନ୍ତର୍ଗତ ବାଙ୍କୁଆଳ ଗ୍ରାମ ନିକଟ ବାସୁଆଘାଇ ଓଭରବ୍ରିଜ୍‌ ଉପରେ ହୋମଗାର୍ଡ ପର୍ଶୁରାମ ଭୋଇଙ୍କ ପୁଅ ସୁଶାନ୍ତଙ୍କୁ ଗୁଳି ମାଡ ହୋଇଥିଲା। ଏହି ଘଟଣାରେ ପୋଲିସ ୩ଜଣଙ୍କୁ ଗିରଫ କରିଥିବା ବେଳେ ଅନ୍ୟମାନେ ଫେରାର ହୋଇଯାଇଥିଲେ। ବିହାର, ଝାଡ଼ଖଣ୍ଡ ଭଳି ରାଜ୍ୟରୁ ଭୁବନେଶ୍ୱରକୁ ଚୋରା ବନ୍ଧୁକ ଚାଲାଣ ହେଉଛି। ଫଳରେ ସହଜରେ ଅପରାଧୀମାନେ ଏହାକୁ ବ୍ୟବହାର କରିପାରୁଛନ୍ତି। ରାଜଧାନୀରେ ଚୋରା ବନ୍ଧୁକ କାରବାର ବୃଦ୍ଧି ପାଉଥିବାରୁ ବାରମ୍ବାର ଗୁଳିମାଡ଼ ଘଟଣା ଘଟୁଥିବା ସାଧାରଣରେ ମତପ୍ରକାଶ ପାଉଛି।
All Right Reserved By

ମେଟ୍ରୋ |

ବସ୍‌କୁ ପଛରୁ ଧକ୍କା ଦେଲା ଟ୍ରକ: ୯ ଗୁରୁତର

ବସ୍‌କୁ ପଛରୁ ଧକ୍କା ଦେଲା ଟ୍ରକ: ୯ ଗୁରୁତର

ଭୁବନେଶ୍ୱର,୨୨।୯(ବ୍ୟୁରୋ): ମଞ୍ଚେଶ୍ୱର ଥାନା ଅଧୀନ ପଳାଶୁଣି ଛକରେ ଶନିବାର ଅପରାହ୍ନରେ ବସ୍‌ ଓ ଟ୍ରକ୍‌ ମଧ୍ୟରେ ଦୁର୍ଘଟଣା ଘଟିଛି। ଏଥିରେ ୯ଜଣ ଗୁରୁତର ହୋଇଛନ୍ତି। 

୨୪ ରୁ ଚିଲିକା ମତ୍ସ୍ୟଜୀବୀ ମହାସଙ୍ଘ ପକ୍ଷୁରୁ ଆନ୍ଦୋଳନ

ଖୋର୍ଦ୍ଧା ଅଫିସ,୨୨।୯: ୭ଦଫା ଦାବି ପୂରଣ ନ ହେବାରୁ ଚିଲିକା ମତ୍ସ୍ୟଜୀବୀ ମହାସଂଘ ପକ୍ଷରୁ ଆଇନ ଅମାନ୍ୟ ଆନ୍ଦୋଳନ କରାଯିବ। ଏନେଇ ଆସନ୍ତା ୨୪ ଓ ୨୫  ତାରିଖ ଦୁଇଦିନ ଧରି ତହସିଲ ଓ ବ୍ଳକ କାର୍ଯ୍ୟାଳୟ ଘେରାଉ କରାଯିବ ।

ଆଇନଜୀବୀଙ୍କୁ ପୋଲିସର ମାଡ଼ ଘଟଣା: ଆଇନଜୀବୀଙ୍କ ଶୋଭାଯାତ୍ରା

ଆଇନଜୀବୀଙ୍କୁ ପୋଲିସର ମାଡ଼ ଘଟଣା: ଆଇନଜୀବୀଙ୍କ ଶୋଭାଯାତ୍ରା

କଟକ ଅଫିସ, ୨୨।୯: ଆଇନଜୀବୀଙ୍କ ଉପରେ ପୋଲିସର ଆକ୍ରମଣ ଘଟଣା ପ୍ରତିବାଦରେ ଶନିବାର ଆଇନଜୀବୀମାନେ ଶାନ୍ତିପୂର୍ଣ୍ଣ ପ୍ରତିବାଦ କରିଛନ୍ତି। ଶତାଧିକ ଆଇନଜୀବୀ ହାଇକୋର୍ଟ ପରିସରରେ ଥିବା ବାରିଷ୍ଟର ରଣଜୀତ ମହାନ୍ତି ପ୍ରତିମୂର୍ତ୍ତିଠାରୁ ବାହାରି ଚାନ୍ଦିନୀଚୌକ ଛକ ପର୍ଯ୍ୟନ୍ତ ଯାଇଥିଲେ। 

ଜିଲା ପ୍ଲାନିଂ କମିଟି ବୈଠକ: ଜିଜିଓ୍ବାଇରେ ୧୫ କୋଟିର ପ୍ରକଳ୍ପକୁ ଅନୁମୋଦନ

ଜିଲା ପ୍ଲାନିଂ କମିଟି ବୈଠକ: ଜିଜିଓ୍ବାଇରେ ୧୫ କୋଟିର ପ୍ରକଳ୍ପକୁ ଅନୁମୋଦନ

ପୁରୀ ଅଫିସ,୨୨।୯: ଜିଲା ଯୋଜନା କମିଟିର ବୈଠକ ସ୍ଥାନୀୟ ଗ୍ରାମ୍ୟ ଉନ୍ନୟନ ସଂସ୍ଥା ସମ୍ମିଳନୀ କକ୍ଷରେ ଶନିବାର ପୂର୍ବାହ୍ନରେ ଅନୁଷ୍ଠିତ ହୋଇଯାଇଛି। 

ବେଳାଭୂମି ମାର୍ଗ ସଫେଇ ଆରମ୍ଭ

ବେଳାଭୂମି ମାର୍ଗ ସଫେଇ ଆରମ୍ଭ

ପୁରୀ ଅଫିସ, ୨୨।୯: ବାତ୍ୟା ଯୋଗୁ ପୁରୀ ସହରରେ ଅତି ଜୋରରେ ପବନ ବହିଥିଲା। ଗୁରୁବାର ରାତିରୁ ଶୁକ୍ରବାର ଦିନତମାମ ପବନ ଜାରି ରହିଥିଲା। ବେଳାଭୂମିରେ ଘୂର୍ଣ୍ଣିଝଡ଼ ଯୋଗୁ ଦିଗବାରିଣୀ ଛକ ଲାଇଟ୍‌ଠାରୁ ବେଳାଭୂମି ମାର୍ଗରେ ପ୍ରବଳ ବାଲି ଜମିଯାଇଥିଲା। 

ଓଡ଼ିଆ ଫିଲ୍ମ ପ୍ରଯୋଜକ ସୁବାସ ରାଉତଙ୍କ ପରଲୋକ

ଓଡ଼ିଆ ଫିଲ୍ମ ପ୍ରଯୋଜକ ସୁବାସ ରାଉତଙ୍କ ପରଲୋକ

କଟକ ଅଫିସ, ୨୨।୯: ଓଡ଼ିଆ ଚଳଚ୍ଚିତ୍ର ଜଗତର ପ୍ରଯୋଜକ ସୁବାସ ରାଉତଙ୍କର ଶୁକ୍ରବାର ବିଳମ୍ବିତ ରାତିରେ ହୃଦ୍‌ଘାତରେ ପରଲୋକ ଘଟିଛି। କଟକ ଛତ୍ରବଜାରସ୍ଥିତ ନିଜ ବାସଭବନରେ ସେ ଶେଷ ନିଶ୍ୱାସ ତ୍ୟାଗ କରିଛନ୍ତି।

ଗଜପତିଙ୍କ ସହ ଆଲୋଚନା କଲେ ଆମିକସ୍‌ କ୍ୟୁରି

ଗଜପତିଙ୍କ ସହ ଆଲୋଚନା କଲେ ଆମିକସ୍‌ କ୍ୟୁରି

ପୁରୀ ଅଫିସ,୨୨।୯: ଶ୍ରୀମନ୍ଦିର ସଂସ୍କାର ମାମଲା ନେଇ ସୁପ୍ରିମକୋର୍ଟଙ୍କ ଦ୍ୱାରା ନିଯୁକ୍ତ ଆମିକସ୍‌ କ୍ୟୁରି ଗୋପାଳ ସୁବ୍ରମଣ୍ୟମ ଶନିବାର ଗଜପତି ମହାରାଜା ଦିବ୍ୟସିଂହ ଦେବଙ୍କ ସହ ଆଲୋଚନା କରିଛନ୍ତି। ସକାଳ ୯.୪୦ରେ ଆମିକସ୍‌ କ୍ୟୁରି ରାଜନଗରରେ ପହଞ୍ଚିଥିଲେ। ଗଜପତି ମହାରାଜା ମହାପ୍ରଭୁଙ୍କ ଲାଗି ଖଣ୍ଡୁଆ ପ୍ରଦାନ କରି ତାଙ୍କୁ ସ୍ବାଗତ କରିଥିଲେ। 

ଶ୍ରୀମନ୍ଦିର, କୋଣାର୍କ ଉପରେ ଅଭିଜିତ ନାୟରଙ୍କ ଆପତ୍ତିଜନକ ମନ୍ତବ୍ୟ ପ୍ରସଙ୍ଗ: ଆଜି ବସିବ ବିଧାନସଭା ଗୃହ କମିଟି

ଶ୍ରୀମନ୍ଦିର, କୋଣାର୍କ ଉପରେ ଅଭିଜିତ ନାୟରଙ୍କ ଆପତ୍ତିଜନକ ମନ୍ତବ୍ୟ ପ୍ରସଙ୍ଗ: ଆଜି ବସିବ ବିଧାନସଭା ଗୃହ କମିଟି

ଭୁବନେଶ୍ୱର, ୨୨।୯(ବ୍ୟୁରୋ)-ଅଭିଜିତ ଆୟର ମିତ୍ରଙ୍କ ଆପତ୍ତିଜନକ ମନ୍ତବ୍ୟକୁ ଯାଞ୍ଚ  କରିବାକୁ ଶନିବାର ଅପରାହ୍ନ ୪ଟାରେ ବିଧାନସଭା ଗୃହ କମିଟି ବୈଠକ ଅନୁଷ୍ଠିତ ହେବ। ବିରୋଧୀ ଦଳ ନେତା ନରସିଂହ ମିଶ୍ରଙ୍କ ଅଧ୍ୟକ୍ଷତାରେ ଗଠିତ ଏହି କମିଟି ଆୟରଙ୍କ ଟୁଇଟର ଯାଞ୍ଚ କରିବା ସହ ସ୍ବାଧିକାର ଭଙ୍ଗ ନେଇ ଆଇନଗତ ଦିଗଗୁଡିକର ତର୍ଜମା କରିବ। ପରବର୍ତ୍ତୀ ପଦକ୍ଷେପ କ’ଣ ନିଆଯାଇ ପାରିବ  ସେ ନେଇ ପୁଙ୍ଖାନୁପୁଙ୍ଖ ଆଲୋଚନା ହେବ। 

ଓଡ଼ିଶାରେ ପହଞ୍ଚିଲେ ମୋଦି:  ଲୋକାର୍ପଣ କରିବେ ଝାରସୁଗୁଡ଼ା ବିମାନବନ୍ଦର

ଓଡ଼ିଶାରେ ପହଞ୍ଚିଲେ ମୋଦି: ଲୋକାର୍ପଣ କରିବେ ଝାରସୁଗୁଡ଼ା ବିମାନବନ୍ଦର

ଭୁବନେଶ୍ୱର,୨୨।୯(ବ୍ୟୁରୋ): ଭାରତୀୟ ବାୟୁସେନାର ସ୍ବତନ୍ତ୍ର ବିମାନ ରାଜକମଲ ଯୋଗେ ଭୁବନେଶ୍ୱରରେ ଶନିବାର ପହଞ୍ଚିଛନ୍ତି ପ୍ରଧାନମନ୍ତ୍ରୀ ନରେନ୍ଦ୍ର ମୋଦି। ନିର୍ଦ୍ଧାରିତ ସମୟ ଅନୁଯାୟୀ ସେ ଭୁବନେଶ୍ୱରରେ ପହଞ୍ଚି ରାଜଭବନ ଅଭିମୁଖେ ବାହାରିଛନ୍ତି। ପ୍ରଧାନମନ୍ତ୍ରୀଙ୍କ ସ୍ବାଗତ ପାଇଁ ରାଜ୍ୟପାଳ ଗଣେଷୀ ଲାଲ, କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର ପ୍ରଧାନ, ମୁଖ୍ୟ ଶାସନ ସଚିବ, ଅର୍ଥମନ୍ତ୍ରୀ ଶଶିଭୂଷଣ ବେହେରା, ଡିଜିପି ଏବଂ ଦଳର ବହୁ ନେତା ଉପସ୍ଥିତ ରହିଥିଲେ।

କୋଣାର୍କ, ଶ୍ରୀମନ୍ଦିର ପ୍ରତି ଅରୁଚିକର ମନ୍ତବ୍ୟ: ଆୟରଙ୍କ ନାମରେ ପୁଣି ସିଂହଦ୍ୱାର ଥାନାରେ ଏତଲା

କୋଣାର୍କ, ଶ୍ରୀମନ୍ଦିର ପ୍ରତି ଅରୁଚିକର ମନ୍ତବ୍ୟ: ଆୟରଙ୍କ ନାମରେ ପୁଣି ସିଂହଦ୍ୱାର ଥାନାରେ ଏତଲା

ପୁରୀ ଅଫିସ, ୨୨ା୯: ଅଭିଜିତ୍‌ ଆୟର ମିତ୍ର ଓଡ଼ିଶା, ଓଡ଼ିଆ ଜାତି, ଓଡ଼ିଶାର ଐତିହ୍ୟକୁ ନେଇ ସୋସିଆଲ ମିଡିଆରେ ବିଭିନ୍ନ ପ୍ରକାର ଅରୁଚିକର ମନ୍ତବ୍ୟ ରଖୁଛନ୍ତି। ଶ୍ରୀଜଗନ୍ନାଥ ଓ କୋଣାର୍କ ସୂର୍ଯ୍ୟମନ୍ଦିର ବିରୋଧରେ କଦର୍ଥ ମନ୍ତବ୍ୟ ରଖିଛନ୍ତି। ଏହା ଓଡ଼ିଶା ଏବଂ ଓଡ଼ିଆ ଜାତିର ସ୍ବାଭିମାନ ଏବଂ ଭାବାବେଗକୁ କଠୋର ଆଘାତ ଦେଇଛି। 

୫୦ କିମି ବେଗରେ ବହିଲା ପବନ: ଭାଙ୍ଗିଲା ୩୩ ଘର, ବେଳାଭୂମି ମାର୍ଗରେ ଧୂଳିଝଡ଼

୫୦ କିମି ବେଗରେ ବହିଲା ପବନ: ଭାଙ୍ଗିଲା ୩୩ ଘର, ବେଳାଭୂମି ମାର୍ଗରେ ଧୂଳିଝଡ଼

ପୁରୀ ଅଫିସ, ୨୨ା୯: ବାତ୍ୟା ଆଶଙ୍କା ଟଳିଥିଲେ ବି ଶୁକ୍ରବାର ଦିନତମାମ ପୁରୀରେ ପାଗ ମେଘୁଆ ରହିବା ସାଙ୍ଗକୁ ପବନ ଜାରି ରହିଛି। ଲଘୁଚାପ ପ୍ରଭାବରେ ସମୁଦ୍ର ବି ଅଶାନ୍ତ ରହିଛି। ପ୍ରତି ୬ ସେକେଣ୍ଡରେ ୫ଫୁଟ ଉଚ୍ଚରେ ଜୁଆର ଆସୁଛି। ସମୁଦ୍ର ସ୍ନାନ କରିବା ଲାଗି ପର୍ଯ୍ୟଟକ ସୁରକ୍ଷିତ ମଣୁନାହାନ୍ତି।

ଶ୍ରୀମନ୍ଦିର ସଂସ୍କାର ମାମଲା: ଆମିକସ୍‌କ୍ୟୁରି ବୁଝିଲେ ଶ୍ରୀମନ୍ଦିର ସେବା, ପରମ୍ପରା, ଆଜି ଗଜପତିଙ୍କ ସହ ଆଲୋଚନା

ଶ୍ରୀମନ୍ଦିର ସଂସ୍କାର ମାମଲା: ଆମିକସ୍‌କ୍ୟୁରି ବୁଝିଲେ ଶ୍ରୀମନ୍ଦିର ସେବା, ପରମ୍ପରା, ଆଜି ଗଜପତିଙ୍କ ସହ ଆଲୋଚନା

ପୁରୀ ଅଫିସ, ୨୨ା୯: ଶ୍ରୀମନ୍ଦିର ସଂସ୍କାର ମାମଲାରେ ସୁପ୍ରିମ୍‌କୋର୍ଟଙ୍କ ଦ୍ୱାରା ନିଯୁକ୍ତ ଆମିକସ୍‌କ୍ୟୁରି ଗୋପାଳ ସୁବ୍ରମଣ୍ୟମ୍‌ ଶୁକ୍ରବାର ବିଭିନ୍ନ ପକ୍ଷଙ୍କ ସହ ଆଲୋଚନା କରିଛନ୍ତି। ମହାପ୍ରଭୁଙ୍କ ମଙ୍ଗଳ ଆଳତି ଦର୍ଶନରୁ ହିଁ ସେ ଆରମ୍ଭ କରିଛନ୍ତି ତାଙ୍କର ଏହି ଦୁଇଦିନିଆ ମାରାଥନ ଆଲୋଚନା।