ଅପରାଧ | ବାଲେଶ୍ୱର

ଦୁର୍ବୃତ୍ତଙ୍କ ଗୁଳିରେ ଯୁବ ବ୍ୟବସାୟୀ ମୃତ ଘଟଣା, ଜଣେ ଗିରଫ

ଦୁର୍ବୃତ୍ତଙ୍କ ଗୁଳିରେ ଯୁବ ବ୍ୟବସାୟୀ ମୃତ ଘଟଣା, ଜଣେ ଗିରଫ
ବାଲେଶ୍ୱର ଅଫିସ, ୧୩।୯-ଗତ ୨ତାରିଖ ରାତିରେ ଦୁର୍ବୃତ୍ତଙ୍କ ଗୁଳିମାଡରେ ବାଲେଶ୍ୱର ସହଦେବଖୁଣ୍ଟା ଥାନା ଅଧୀନ ଫିରିଙ୍ଗିପାଟଣା ଅଞ୍ଚଳର ଯୁବ ବ୍ୟବସାୟୀ ମାନସ ଦାସ (୪୦)ଙ୍କ ମୃତ୍ୟୁ ହୋଇଥିଲା। ଏହି ଘଟଣାର ମୁଖ୍ୟ ଆସାମୀ କୁହାଯାଉଥିବା ବାଲିଆ ଅଞ୍ଚଳର ପ୍ରଶାନ୍ତ ବେହେରା (୨୮)ଙ୍କୁ ସହଦେବଖୁଣ୍ଟା ଥାନା ପୋଲିସ ଗୁରୁବାର ଗିରଫ କରି କୋର୍ଟଚାଲାଣ କରିଛି। ମାନସ ସହଦେବଖୁଣ୍ଟାରେ ଥିବା ନିଜ ଦୋକାନ ବନ୍ଦ କରି ଘରକୁ ଫେରିଥିଲେ। ରାତି ପ୍ରାୟ ୧୧ଟା ବେଳେ ଫିରିଙ୍ଗିପାଟଣାସ୍ଥିତ ଘର ଗେଟ୍‌ ଖୋଲୁଥିବା ବେଳେ ଅତି ନିକଟରୁ ତାଙ୍କୁ ଦୁର୍ବୃତ୍ତମାନେ ଗୁଳି ଚଳାଇଥିଲେ। ଫଳରେ ଘଟଣାସ୍ଥଳରେ ମାନସଙ୍କ ମୃତ୍ୟୁ ହୋଇଥିଲା। ପଡ଼ୋଶୀ ଏବଂ ସମ୍ପର୍କୀୟମାନେ ଘଟଣା ଜାଣିପାରି ପହଞ୍ଚତ୍ ମାନସ ରକ୍ତ ଜୁଡୁବୁଡୁ ଅବସ୍ଥାରେ ତଳେ ପଡ଼ିଥିବା ଦେଖି ପୋଲିସକୁ ଖବର ଦେଇଥିଲେ। ପୋଲିସ ପହଞ୍ଚତ୍ ମାନସଙ୍କୁ ଜିଲା ମୁଖ୍ୟଚିକିତ୍ସାଳୟକୁ ନେଇଥିଲେ। ସେଠାରେ ଡାକ୍ତର ତାଙ୍କୁ ମୃତ ଘୋଷଣା କରିଥିଲେ। ଗତ ୩ ତାରିଖରେ ସହଦେବଖୁଣ୍ଟା ଥାନାରେ ମାନସଙ୍କ ସ୍ତ୍ରୀ ଏଲୋରା ଦାସଙ୍କ ଲିଖିତ ଅଭିଯୋଗ ଅନୁଯାୟୀ ମାମଲା (ନଂ. ୨୫୭/୧୮) ରୁଜୁ କରାଯାଇ ତଦନ୍ତ ଜାରି ରହିଥିଲା। ଆଇଆଇସି ଜୟନ୍ତ କୁମାର ବେହେରା ମୁଖ୍ୟ ଆସାମୀଙ୍କୁ ଗିରଫ କରିବା ସହ ତାଙ୍କଠାରୁ ଦୁଇଟି ଦାମୀ କାର୍‌ ଜବତ କରାଯାଇ ତଦନ୍ତ ଜାରି ରହିଛି। 
All Right Reserved By

ଅପରାଧ | ବାଲେଶ୍ୱର

ମାଛ ଫ୍ରାଏ ନ କରିବାରୁ ସ୍ତ୍ରୀଙ୍କୁ ଆକ୍ରମଣ ଘଟଣା: ସ୍ବାମୀଙ୍କୁ ଦଣ୍ଡାଦେଶ

ମାଛ ଫ୍ରାଏ ନ କରିବାରୁ ସ୍ତ୍ରୀଙ୍କୁ ଆକ୍ରମଣ ଘଟଣା: ସ୍ବାମୀଙ୍କୁ ଦଣ୍ଡାଦେଶ

ଛତ୍ରପୁର,୨୧।୧୧(ଡି.ଏନ୍‌.ଏ): ଗଞ୍ଜାମ ଥାନା କରପଡା ଗାଁର ଗୋବର୍ଦ୍ଧନ ଚୌଧୁରୀ ୨୦୧୩ ଡିସେମ୍ବର ୧୮ ତାରିଖ ରାତିରେ ସ୍ତ୍ରୀ ମାଛ ଫ୍ରାଏ ନ କରିବାରୁ ତାଙ୍କୁ ଆକ୍ରମଣ କରିଥିଲେ। ଏହି ଘଟଣାରେ ମଙ୍ଗଳବାର ଛତ୍ରପୁର ଏସ୍‌ଡିଜେଏମ୍‌ ଜୟପ୍ରକାଶ ନାୟକ ଅଭିଯୁକ୍ତ ଗୋବର୍ଦ୍ଧନଙ୍କୁ ୪୯୮ କ’ ରେ ୧ ବର୍ଷ ଜେଲଦଣ୍ଡ, ୫ ହଜାର ଟଙ୍କା ଜରିମାନା ଏବଂ ଦଫା ୩୨୩ରେ ୬ ମାସ ଜେଲ୍‌ ଦଣ୍ଡାଦେଶ ହୋଇଛି।

ଜେଲରେ ଥାଇ କଏଦୀ କାଟିଲେ ଯୌନାଙ୍ଗ

ଜେଲରେ ଥାଇ କଏଦୀ କାଟିଲେ ଯୌନାଙ୍ଗ

କୋଚି, ୨୧।୧୧: କେରଳର କୋଚିରେ ଏକ ଅଭାବନୀୟ ଘଟଣା ଘଟିଛି। ଇଦୁକିର ପିରାମିଡ୍‌ ସବଜେଲରେ ଜଣେ କଏଦୀ ବ୍ଲେଡରେ ତାଙ୍କ ଯୌନାଙ୍ଗ କାଟିଦେଇଛନ୍ତି।

ବ୍ରାଉନ୍‌ସୁଗାର ଜବତ, ୨ ଗିରଫ

ବ୍ରାଉନ୍‌ସୁଗାର ଜବତ, ୨ ଗିରଫ

କଟକରୋଡ଼,୨୧।୧୧(ଡି.ଏନ୍‌.ଏ.): ଭୁବନେଶ୍ୱର ଅବକାରୀ ବିଭାଗ ଓ କଟକ ଫ୍ଲାଇଙ୍ଗ ସ୍କ୍ବାର୍ଡ ପକ୍ଷରୁ ବୁଧବାର ନୟାପଲ୍ଲୀ ଥାନା ଅଧୀନ ସାଲିଆସାହି ମହାବୀର ନଗର ଓ ଖଣ୍ଡଗିରି ଥାନା ଅନ୍ତର୍ଗତ ବରମୁଣ୍ଡା ବସ୍‌ଷ୍ଟାଣ୍ଡରେ ଚଢ଼ାଉ କରାଯାଇ ୨ ବ୍ରାଉନ୍‌ସୁଗାର ବ୍ୟବସାୟୀଙ୍କୁ ଗିରଫ କରାଯାଇଛି। 

ଗଣବଳାତ୍କାର ମାମଲା: ୩ ଗିରଫ

ଗଣବଳାତ୍କାର ମାମଲା: ୩ ଗିରଫ

ଛତ୍ରପୁର,୨୧।୧୧(ଡି.ଏନ୍‌.ଏ): ଗଞ୍ଜାମ ଜିଲା କବିସୂର୍ଯ୍ୟନଗର ଥାନା ଅଞ୍ଚଳରେ ଅକ୍ଟୋବର ୩୧ ତାରିଖରେ ଜନୈକା ନାବାଳିକାଙ୍କୁ ଗଣବଳାତ୍କାର କରିବା ସହ  ଦୁର୍ବୃତ୍ତ ମାନେ ଘରୁ ଟଙ୍କା, ସୁନା ଅଳଙ୍କାର ଚୋରି କରି ନେଇଥିଲେ । ଏହି ମାମଲାରେ ସମ୍ପୃକ୍ତ ୩ ଜଣଙ୍କୁ ମଙ୍ଗଳବାର ପୋଲିସ ଗିରଫ କରିଛି । 

ଅବକାରୀ ବିଭାଗର ମିଳିତ ଚଢ଼ାଉ:  ୪୦୦ ଲିଟର ମଦ ଜବତ

ଅବକାରୀ ବିଭାଗର ମିଳିତ ଚଢ଼ାଉ: ୪୦୦ ଲିଟର ମଦ ଜବତ

ପାଟଣା,୨୧।୧୧(ସ୍ବ.ପ୍ର.): କେନ୍ଦୁଝର ଜିଲା ପାଟଣା ଅବକାରୀ ବିଭାଗ ପକ୍ଷରୁ  ପାଟଣା ଥାନା  ସାହାରପଡ଼ା ବ୍ଲକ ଭାଳିଆଡ଼ିହି   ଗ୍ରାମରେ ବୁଧବାର ଅବକାରୀ ବିଭାଗ ତରଫରୁ ଚଢ଼ାଉ ହୋଇଛି। ଚଢ଼ାଉ ବେଳେ ୪୦୦ ଲିଟର ମହୁଲୀ ମଦ ଜବତ କରାଯାଇଥିବା ବେଳେ ୬୦୦୦ ଲିଟର ପୋଚ ନଷ୍ଟ କରାଯାଇଛି।

୩୦ ଲିଟର ମଦ ଜବତ

୩୦ ଲିଟର ମଦ ଜବତ

ଛେଣ୍ଡିପଦା,୨୦ା୧୧(ସ୍ବ.ପ୍ର.)- ଅନୁଗୋଳ ଜିଲା ନିଶା ଶିଳ୍ପାଞ୍ଚଳ ଥାନା ଜାମୁଣ୍ଡା ଗ୍ରାମ ରାସ୍ତାରେ ସେହି ଗ୍ରାମର ବିନୟ ବେହେରାଙ୍କଠାରୁ ପୋଲିସ ମଙ୍ଗଳବାର ୩୦ ଲିଟର ଦେଶୀମଦ ଜବତ କରିଛି। ଏଥିସହ ତାଙ୍କୁ ଗିରଫ କରି କୋର୍ଟଚାଲାଣ କରିଛି। ଏ ନେଇ ନଂ. ୨୦୮/୧୮ରେ ଏକ ମାମଲା ରୁଜୁ ହୋଇଛି।


ମଦ ପିଇବାକୁ ଟଙ୍କା ମାଗି ବିଫଳ ହେବାରୁ ଆକ୍ରମଣ,  ଯୁବକ ଗିରଫ

ମଦ ପିଇବାକୁ ଟଙ୍କା ମାଗି ବିଫଳ ହେବାରୁ ଆକ୍ରମଣ, ଯୁବକ ଗିରଫ

ନୀଳଗିରି,୨୦ା୧୮(ଡି.ଏନ.ଏ)-ନୀଳଗିରି ବ୍ଲକ ବରହମପୁର ଥାନା ଅଧୀନ ମାଟିଆଳି ଗାଁର ଶ୍ୟାମସୁନ୍ଦର ସିଂ ନାମକ ବ୍ୟକ୍ତି ସେହି ଗ୍ରାମର ଜଣେ ମହିଳାଙ୍କୁ ମଦ ପିଇବାକୁ ଟଙ୍କା ମାଗି ବିଫଳ ହେବାରୁ ତାଙ୍କୁ ମରଣାନ୍ତକ ଆକ୍ରମଣ କରିଥିବା ଅଭିଯୋଗ ହୋଇଛି।

ଦୁଇ ପରିବାର ମଧ୍ୟରେ ଗଣ୍ଡଗୋଳ, ଜଣେ ଗିରଫ

ଦୁଇ ପରିବାର ମଧ୍ୟରେ ଗଣ୍ଡଗୋଳ, ଜଣେ ଗିରଫ

ରୂପ୍‌ସା, ୨୦।୧୧(ଡି.ଏନ.ଏ.)-ବାଲେଶ୍ୱର ଜିଲା ରୂପ୍‌ସା ଥାନା ଅନ୍ତର୍ଗତ ଲଛମନଖୁଣ୍ଟା ଗ୍ରାମରେ ଦୁଇ ପରିବାର ମଧ୍ୟରେ ଗଣ୍ଡଗୋଳ ଘଟିଛି। ଏହି ଘଟଣାରେ ପୋଲିସ କାର୍ତ୍ତିକ ମହାନ୍ତି ନାମକ ଯୁବକଙ୍କୁ ମଙ୍ଗଳବାର ଗିରଫ କରି କୋର୍ଟଚାଲାଣ କରିଛି। କାର୍ତ୍ତିକ ପଡ଼ୋଶୀ ରାଧାଗୋବିନ୍ଦ ଦାସଙ୍କ ଘରର ଆଜବେଷ୍ଟସ୍‌ ଭଙ୍ଗାରୁଜା କରିବା ସହ ଗାଳିଗୁଲଜ କରି ହତ୍ୟା ଧମକ ନେଇ ଏକ ମାମଲା (ନଂ. ୮୭/୧୮) ରୁଜୁ ହୋଇଥିଲା। ଅପରପକ୍ଷରେ କାର୍ତ୍ତିକଙ୍କ ପନତ୍ୀ ଶାନ୍ତିଲତାଙ୍କୁ ରାଧାଗୋବିନ୍ଦ ଅସଦାଚରଣ କରିବା ସହ ହତ୍ୟା ଧମକ ଦେଇଥିବା ଅଭିଯୋଗ ହୋଇଥିଲା। 

କଟକ ପୋଲିସର ଚଢ଼ାଉ: ୭ ଚୋରା ବାଇକ୍‌ ଉଦ୍ଧାର

କଟକ ପୋଲିସର ଚଢ଼ାଉ: ୭ ଚୋରା ବାଇକ୍‌ ଉଦ୍ଧାର

ବାଲୁଗଁ।,୨୦।୧୧(ଡି.ଏନ.ଏ.)- ଏକ ଚୋରା ବାଇକ୍‌ ଗ୍ୟାଙ୍ଗକୁ ଠାବ କରିବାରେ କଟକ ପୋଲିସ ସଫଳ ହୋଇଛି। ଅଭିଯୁକ୍ତଙ୍କ ବୟାନକ୍ରମେ ବାଲୁଗଁା ଓ ବାଣପୁରର ବିଭିନ୍ନ ସ୍ଥାନରୁ ୭ଗୋଟି ଚୋରା ବାଇକ୍‌ ଉଦ୍ଧାର କରାଯାଇଛି ।

ଚାକିରୀ ପ୍ରଲୋଭନ ଦେଖାଇ ବଳାତ୍କାର: ଅଭିଯୁକ୍ତ ଗିରଫ

ଚାକିରୀ ପ୍ରଲୋଭନ ଦେଖାଇ ବଳାତ୍କାର: ଅଭିଯୁକ୍ତ ଗିରଫ

ଦାରିଙ୍ଗବାଡ଼ି, ୨୦।୧୧ (ଡି.ଏନ.ଏ.)- ଜଣେ  ୨୩ ବର୍ଷ ଯୁବତୀଙ୍କୁ ବିଭିନ୍ନ ପ୍ରଲୋଭନ ଦେଖାଇବା ସହ ଚାକିରୀ କରାଇଦେବା ଏବଂ ରୋଜଗାର ବୃଦ୍ଧିର ଲୋଭ ଦେଖାଇ ବାରମ୍ବାର ବଳାତ୍କାର କରାଯାଇଥିବା ବ୍ରାହ୍ମଣୀଗାଁ ଥାନାରେ ଅଭିଯୋଗ ହୋଇଛିା 

ମୋବାଇଲ ଦୋକାନରୁ ଚୋରି ଘଟଣା: ୮  କୋର୍ଟ ଚାଲାଣ

ମୋବାଇଲ ଦୋକାନରୁ ଚୋରି ଘଟଣା: ୮ କୋର୍ଟ ଚାଲାଣ

ଠାକୁରମୁଣ୍ଡା:୨୦।୧୧(ଡି.ଏନ୍‌.ଏ.): ମୟୂରଭଞ୍ଜ ଜିଲା ଠାକୁରମୁଣ୍ଡା ବଜାରରେ ଥିବା ମୋବାଇଲ ଦେକାନରୁ ଗତ ଅକ୍ଟୋବର ମାସ ୨୮ ତାରିଖ ବିଳମ୍ବିତ ରାତିରେ ଦୋକାନ ଭାଙ୍ଗି ଲକ୍ଷାଧିକ ଟଙ୍କାର ମୋବାଇଲ ସହ ନଗଦ ଟଙ୍କା ଚୋରି ହୋଇଥିଲା। ଏହି ଘଟଣାରେ ସଂପୃକ୍ତ ୮ ଜଣଙ୍କୁ ଠାକୁରମୁଣ୍ଡା ଥାନା ପୋଲିସ  ମଙ୍ଗଳବାର କୋର୍ଟ ଚାଲାଣ କରିଛି।

ବେଆଇନ କାଠ ଚାଲାଣ: ଲକ୍ଷାଧିକ ଟଙ୍କାର କାଠ ଜବତ

ବେଆଇନ କାଠ ଚାଲାଣ: ଲକ୍ଷାଧିକ ଟଙ୍କାର କାଠ ଜବତ

ଭଣ୍ଡାରିପୋଖରୀ,୨୦।୧୧(ଡି.ଏନ୍‌.ଏ.): ଭଦ୍ରକ ଜିଲା ଭଣ୍ଡାରିପୋଖରୀ ରେଞ୍ଜ ଅଧୀନ ବନ୍ତ ବ୍ଲକର ପ୍ରଧାନପଡ଼ା ରାସ୍ତାରୁ ବେଆଇନ ଚାଲାଣ କାଠଗଣ୍ଡି ମିନିଟ୍ରକକୁ ବନ ବିଭାଗ ପକ୍ଷରୁ ସୋମବାର ରାତିରେ ଜବତ କରାଯାଇଛି।