ବାଣିଜ୍ୟ |

ବାଙ୍ଗାଲୋର୍‌ରେ ଅପେରା ହାଉସ୍‌ ଉଦ୍‌ଘାଟନ କଲା ସାମ୍‌ସଙ୍ଗ

ବାଙ୍ଗାଲୋର୍‌ରେ ଅପେରା ହାଉସ୍‌ ଉଦ୍‌ଘାଟନ କଲା ସାମ୍‌ସଙ୍ଗ
ଭୁବନେଶ୍ୱର, ୧୨-୯: ପ୍ରମୁଖ ଇଲେକ୍‌ଟ୍ରୋନିକ୍ସ ବ୍ରାଣ୍ଡ୍‌ ସାମ୍‌ସଙ୍ଗ ପକ୍ଷରୁ ବାଙ୍ଗାଲୋର ସ୍ଥିତ ବ୍ରିଗେଡ୍‌ ରୋଡ୍‌ଠାରେ ଏହାର ସର୍ବବୃହତ  ମୋବାଇଲ୍‌ ଏକ୍ସପେରିଏନ୍ସ ସେଣ୍ଟର  ‘ଅପେରା ହାଉସ୍‌’କୁ ମଙ୍ଗଳବାର ଉଦ୍‌ଘାଟନ କରାଯାଇଛି। ମୋବାଇଲ୍‌ ଫୋନ, ଟାବ୍‌ଲେଟ୍‌, କ୍ୱୁଏଲ୍‌ଇଡି ଟିଭି, ସ୍ମାର୍ଟ ଟିଭି, ରେଫ୍ରିଜିରେଟର ଠାରୁ ଆରମ୍ଭ କରି କମ୍ପାନୀର ବିଭିନ୍ନ ଅତ୍ୟାଧୁନିକ ଗ୍ୟାଜେଟ୍‌ ସବୁ ଏଠାରେ ପ୍ରଦର୍ଶିତ ହେବ। ସେହିପରି ଏଠାରେ ଥିବା ହୋମ୍‌ ଥିଏଟର ଜୋନ୍‌ରେ ପ୍ରି-ବୁକ୍‌ ମାଧ୍ୟମରେ ମାଗଣା ମୁଭି ଦେଖିବାର ସୁଯୋଗ ମଧ୍ୟ ମିଳିବ ବୋଲି ସାମସଙ୍ଗ ପକ୍ଷରୁ ପ୍ରକାଶ। ଏ ସମ୍ପର୍କରେ ସାମ୍‌ସାଙ୍ଗ ଇଣ୍ଡିଆର ମୋବାଇଲ୍‌ ବିଜ୍‌ନେସ୍‌ ବରିଷ୍ଠ ଉପସଭାପତି ମୋହନ୍‌ ଦୀପ୍‌ ସିଂ କହିଛନ୍ତି, ବାଙ୍ଗାଲୋର ପରେ ଆମେ ଆଉ ୭ରୁ ୮ ଟି ଏହିଭଳି ଏକ୍ସପେରିଏନ୍ସ ସେଣ୍ଟର ଉନ୍ମୋଚନ କରିବା ପାଇଁ ଯୋଜନା ରଖିଛୁ। ଅନ୍‌ଲାଇନ୍‌ ଗ୍ରାହକଙ୍କ ସଂଖ୍ୟା ବଢୁଥିଲେ ମଧ୍ୟ ଲକ୍ଷ ଲକ୍ଷ ଗ୍ରାହକ ଟଚ୍‌ ଆଣ୍ଡ ଫିଲ୍‌ର ଏକ୍ସପେରିଏନ୍ସ ପାଇଁ ଅଫ୍‌ଲାଇନ୍‌ ଷ୍ଟୋରକୁ ପସନ୍ଦ କରୁଥିବାରୁ ଏଭଳି ଏକ୍ସପେରିଏନ୍ସ ସେଣ୍ଟର ବ୍ୟବସ୍ଥା କରାଯାଇଛି। ସେହିପରି  ସାମ୍‌ସଙ୍ଗର ଦକ୍ଷିଣ ପଶ୍ଚିମ ଏସିଆର ସଭାପତି ତଥା ସିଇଓ ଏଚ୍‌.ସି. ହଙ୍ଗ୍‌ କହିଛନ୍ତି, ବର୍ତ୍ତମାନର ଯୁବପିଢି ସବୁ କ୍ଷେତ୍ରରେ ସ୍ବତନ୍ତ୍ର ଅନୁଭୂତି ଆଶା କରୁଛନ୍ତି। ସାମ୍‌ସଙ୍ଗର ସମସ୍ତ ଇଲେକ୍‌ଟ୍ରୋନିକ୍‌ ଉତ୍ପାଦରେ ସେମାନଙ୍କୁ ଏହି ସ୍ବତନ୍ତ୍ରତା ପ୍ରଦାନ କରିବା ପାଇଁ ଅପେରା ହାଉସ୍‌କୁ ବିକଶିତ କରାଯାଇଛି। 
All Right Reserved By

ବାଣିଜ୍ୟ |

ବିଦେଶରୁ ଜବତ ହେବ ନୀରବଙ୍କ ସ୍ତାବର ସମ୍ପତ୍ତି

ବିଦେଶରୁ ଜବତ ହେବ ନୀରବଙ୍କ ସ୍ତାବର ସମ୍ପତ୍ତି

ନୂଆଦିଲ୍ଲୀ,୧୯-୯(ପିଟି): ନୀରବ ମୋଦିଙ୍କର ବିଦେଶରେ ଥିବା ୪୦୦୦ କୋଟି ଟଙ୍କା ମୂଲ୍ୟର ସମ୍ପତ୍ତିକୁ ପ୍ରବର୍ତ୍ତନ ନିର୍ଦ୍ଦେଶାଳୟ(ଇଡି) ଜବତ କରିବ। ବେଆଇନ ଅର୍ଥକାରାବର ନିରୋଧ ଆଇନ୍‌ ଅନ୍ତର୍ଗତ କାର୍ଯ୍ୟାନୁଷ୍ଠାନକୁ ଅଧିକ ବଳବତ୍ତର କରିବା ପାଇଁ ଇଡି ପ୍ରକ୍ରିୟା ଚଲାଇଛି। ଇଡିର ଜଣେ ବରିଷ୍ଠ ଅଧିକାରୀ ଏହି ସୂଚନା ଦେଇ କହିଛନ୍ତି,  ଆମେରିକା, ଲଣ୍ଡନ, ସ୍ବିଜରଲାଣ୍ଡ, ହଂକଂ, ଏବଂ ସିଙ୍ଗାପୋରରେ ନୀରବ  ଓ ତାଙ୍କ ପରିବାରର ଥିବା ସମସ୍ତ ସ୍ଥାବର ସମ୍ପତ୍ତି ଜବତ ପାଇଁ ପ୍ରକ୍ରିୟା ଚାଲିଛି।

ସାମ୍‌ସଙ୍ଗ୍‌ ଆଣିଲା ଆକ୍ଟିଭ୍‌ ଏଲ୍‌ଇଡି

ସାମ୍‌ସଙ୍ଗ୍‌ ଆଣିଲା ଆକ୍ଟିଭ୍‌ ଏଲ୍‌ଇଡି

ନୂଆଦିଲ୍ଲୀ,୧୯-୯: ଘରେ ମନୋରଞ୍ଜନକୁ ଆଉଟିକେ ମଜାଦାର କରିବା ପାଇଁ ସାମ୍‌ସଙ୍ଗ୍‌ ଆକର୍ଷଣୀୟ ଏଲ୍‌ଇଡି ଟିଭି ବଜାରକୁ ଆଣିଛି। ୧୧୦ ଇଞ୍ଚ ଓ ୧୩୦ ଇଞ୍ଚ ବିଶିଷ୍ଟ ଫୁଲ୍‌ ହାଇ ଡେଫିନେଶନ(ଏଫ୍‌ଏଚ୍‌ଡି) ଏବଂ  ୨୨୦ ଇଞ୍ଚ ଓ ୨୬୦ ଇଞ୍ଚ ବିଶିଷ୍ଟ ଅଲ୍ଟା ହାଇ ଡେଫିନେଶନ(ୟୁଏଚ୍‌ଡି) ସ୍କ୍ରିନ୍‌ରେ ଆସିଥିବା ଏହି ଏଲ୍‌ଇଡିର ଦାମ ୧ କୋଟି ଟଙ୍କାରୁ ୩.୫ କୋଟି ଟଙ୍କା ପର୍ଯ୍ୟନ୍ତ ରହିଛି। କମ୍ପାନୀ ଏହି ସିରିଜର ନାମ ‘ଏଲ୍‌ଇଡି ଫର୍‌ ହୋମ୍‌’ ରଖିଛି। ସେହିପରି ଓ୍ବାର୍କିଂ ପ୍ରଫେସନାଲଙ୍କୁ ଦୃଷ୍ଟିରେ ରଖି ଏହାକୁ ବିକଶିତ କରିଥିବାରୁ ଆକ୍ଟିଭ୍‌ ଏଲ୍‌ଇଡି ନାମ ମଧ୍ୟ ଦେଇଛି। ବଜାର ପ୍ରବେଶ ଅବସରରେ ସାମସଙ୍ଗ ଇଣ୍ଡିଆର କଞ୍ଜ୍ୟୁମର ଇଲେକ୍‌ଟ୍ରୋନିକ୍ସ ଏଣ୍ଟରପ୍ରାଇଜ୍‌ ବିଜ୍‌ନେସ୍‌ର ଉପସଭାପତି ପୁନିତ୍‌ ସେଟ୍ଟି କହିଛନ୍ତି, ଗ୍ରାହକଙ୍କ ନୂତନ ଆଗ୍ରହ ଓ ଚାହିଦାକୁ ପୂରଣ କରିବା ପାଇଁ ଆମେ ଏହି ନୂଆ ରେଞ୍ଜର ଉତ୍ପାଦ ବଜାରକୁ ଆଣିଛୁ। 

ଆସସ୍‌ ଭିଭୋ ବୁକ୍‌ ୧୫ଏକ୍ସ ୫୧୦ ଲାପଟପ୍‌

ଆସସ୍‌ ଭିଭୋ ବୁକ୍‌ ୧୫ଏକ୍ସ ୫୧୦ ଲାପଟପ୍‌

ନୂଆଦିଲ୍ଲୀ,୧୯-୯:ବଜାରକୁ ଆସିଛି ଆସସ୍‌ ଭିଭୋ ବୁକ୍‌ ଏକ୍ସ ୧୫୦ ଲାପଟପ୍‌ । ଏଥିରେ ରହିଛି ଅତ୍ୟାଧୁନିକ ଇଣ୍ଟେଲ ଅପ୍ଟେନ ମେମୋରୀ । ଆସସ୍‌ର ସମସ୍ତ ଅଫ୍‌ଲାଇନ ଷ୍ଟୋର ଓ ରିଟେଲ ଷ୍ଟୋରଗୁଡିକରେ ଏହା ଉପଲବ୍ଧ। ଏହାର ବଜାର ଦର ୪୫, ୯୯୦ ଟଙ୍କା ରହିଛି। ଏଥିରେ ଇଣ୍ଟେଲାକୋର ଆଇ୫ ପ୍ରୋସେସର,୪ଜିବି ରାମ୍‌, ମୋଟ ୨୦ ଜିବିର ସିଷ୍ଟମ ମେମୋରି, ଓ୍ବାନଟପ୍‌ ଫିଙ୍ଗର ପ୍ରିଣ୍ଟ ସେନସର ଭଳି ଅନ୍ୟାନ୍ୟ ଅତ୍ୟାଧୁନିକ ସୁବିଧା ରହିଛି। 

ମୋଟୋ ଜି୬ ପ୍ଲସ

ମୋଟୋ ଜି୬ ପ୍ଲସ

ନୂଆଦିଲ୍ଲୀ,୧୯-୯: ମୋଟୋରୋଲା ପକ୍ଷରୁ ବଜାରକୁ ଆସିଛି ନୂଆ ମୋଟୋ ଜି୬ ପ୍ଲସ। ଏହା ବଜାର ଦର ୨୨,୪୯୯ ଟଙ୍କା ରହିଛି। ଗ୍ରାହକମାନେ ଏଥିରେ ଅତ୍ୟାଧୁନିକ କ୍ୟାମେରା ଏବଂ ତୀବ୍ର ଚାର୍ଜିଂ ସୁବିଧା ପାଇ ପାରିବେ। ସମନ୍ବିତ ଗୁଗୁଲ ଲେନ୍ସ କାର୍ଯ୍ୟକଳାପ, କ୍ୱାଲକମ୍‌ ସ୍ନାପଡ୍ରାଗନ୍‌ ୨.୨ ଗିଗାହର୍ଜ ଅକ୍ଟାକୋର ପ୍ରୋସେସର, ୬ ଜିବି ରାମ୍‌, ୫.୯ ଇଞ୍ଚ ବିଶିଷ୍ଟ ସମ୍ପୂର୍ଣ୍ଣ ଏଚ୍‌ଡି ପ୍ଲସ ମାକ୍ସ ଭିଜନ ଡିସ୍ପଲେ, ୩୨୦୦ ଏମ୍‌ଏଏଚ୍‌ ବ୍ୟାଟେରୀ ଭଳି ବ୍ୟାଟେରୀ କ୍ଷମତା ଗ୍ରାହକମାନେ ଏହି ମଡେଲରେ ପାଇପାରିବେ। 

ଟଙ୍କାର ଆଉ ଏକ ରେକର୍ଡ, ନିବେଶକଙ୍କ ୨.୭୨ ଲକ୍ଷ କୋଟି ବୁଡ଼ିଲା

ଟଙ୍କାର ଆଉ ଏକ ରେକର୍ଡ, ନିବେଶକଙ୍କ ୨.୭୨ ଲକ୍ଷ କୋଟି ବୁଡ଼ିଲା

ନୂଆଦିଲ୍ଲୀ/ମୁମ୍ବାଇ,୧୯-୯: ଡଲାର ତୁଳନାରେ ଟଙ୍କାର ବିନିମୟ ମୂଲ୍ୟ ସୁଧାରିବା ଲାଗି କେନ୍ଦ୍ର ସରକାରଙ୍କ ପକ୍ଷରୁ ଘୋଷିତ ପଦକ୍ଷେପର ପ୍ରଭାବ ପଡୁଥିବା ମନେହେଉନି। ମଙ୍ଗଳବାର ଟଙ୍କା ମୂଲ୍ୟ ୪୬ ପଇସା ହ୍ରାସ ପାଇ ୭୨.୯୭ରେ ବନ୍ଦ ହୋଇ ଆଉ ଏକ ନୂଆ ରେକର୍ଡ କରିଛି । ଅନ୍ୟପକ୍ଷରେ ଷ୍ଟକ ମାର୍କେଟ ହ୍ରାସ ପାଇବା କାରଣରୁ ନିବେଶକଙ୍କ ପ୍ରାୟ ୨.୭୨ ଲକ୍ଷ କୋଟି ଟଙ୍କା ବୁଡିଯାଇଛି। ଗତ ୧୨ରେ ଟଙ୍କାର ମୂଲ୍ୟ ୭୨.୯୧ ଥିଲା। ଡିଲରଙ୍କ କହିବାନୁଯାୟୀ ଗତ ସପ୍ତାହରେ ରିଜର୍ଭ ବ୍ୟାଙ୍କ ଭାରି ମାତ୍ରାରେ ଡଲାର ବିକ୍ରି କରିବା ସତ୍ତ୍ୱେ ଟଙ୍କାର ମୂଲ୍ୟକୁ ସ୍ଥିର କରାଯାଇ ପାରି ନ ଥିଲା। ମଙ୍ଗଳବାର ସକାଳେ ରପ୍ତାନିକାରୀ ଓ ବ୍ୟାଙ୍କଗୁଡିକ ପକ୍ଷରୁ ଭାରି ମାତ୍ରାରେ ଡଲାର ବିକ୍ରି କରାଯିବାରୁ ଟଙ୍କା ମୂଲ୍ୟରେ ୧୦ ପଇସା ଉନ୍ନତି ଦେଖାଯାଇଥିଲା ଓ ଏହା ୭୨.୪୧ରେ ପହଞ୍ଚତ୍ୟାଇଥିଲା।

ଜିଏସ୍‌ଟି କମିଶନରଙ୍କ ବିରୋଧରେ କାର୍ଯ୍ୟାନୁଷ୍ଠାନ ଲାଗି ସିଭିସିଙ୍କ ସୁପାରିସ୍‌

ଜିଏସ୍‌ଟି କମିଶନରଙ୍କ ବିରୋଧରେ କାର୍ଯ୍ୟାନୁଷ୍ଠାନ ଲାଗି ସିଭିସିଙ୍କ ସୁପାରିସ୍‌

ନୂଆଦିଲ୍ଲୀ,୧୯-୯: ଲାଞ୍ଚ ନେଇ ଧରାପଡିଥିବା କାନପୁର ରେଞ୍ଜର ଜିଏସ୍‌ଟି କମିଶନର ସଂସାରଚାନ୍ଦଙ୍କ ବିରୋଧରେ କାର୍ଯ୍ୟାନୁଷ୍ଠାନ ଗ୍ରହଣ କରିବା ଲାଗି ସେଣ୍ଟ୍ରାଲ ଭିଜିଲାନ୍ସ କମିଶନର(ସିଭିସି) କେନ୍ଦ୍ର ସରକାରଙ୍କୁ ସୁପାରିସ କରିଛନ୍ତି। ୧୯୮୬ ବ୍ୟାଚ୍‌ର ଏହି ଆଇଆର୍‌ଏସ୍‌ଙ୍କୁ ସିବିଆଇ ଚଳିତ ବର୍ଷ ଫେବୃୟାରୀରେ ଲାଞ୍ଚ ନେବା ବେଳେ ଧରିଥିଲା। ଚାନ୍ଦ କାନପୁରରେ ଜିଏସ୍‌ଟି କମିଶନର ଭାବେ ଅବସ୍ଥାପିତ ରହିଥିବାବେଳେ  ରିମଝିମ ଇସ୍ପାତ ଲିମିଟେଡ, ସାର୍‌ ପାନ ମସଲା, ସୁଗନ୍ଧି ପ୍ରାଇଭେଟ ଲିମିଟେଡ ଆଦିଙ୍କଠାରୁ ବହୁ କୋଟି ଟଙ୍କା ଲାଞ୍ଚ ନେଇଥିଲେ ବୋଲି ଅଭିଯୋଗ ହୋଇଥିଲା।

ନୀରବଙ୍କୁ ପ୍ରତ୍ୟର୍ପଣ ଲାଗି ବ୍ରିଟେନ ଅମଙ୍ଗ

ନୀରବଙ୍କୁ ପ୍ରତ୍ୟର୍ପଣ ଲାଗି ବ୍ରିଟେନ ଅମଙ୍ଗ

ନୂଆଦିଲ୍ଲୀ,୧୯-୯: ହୀରା ବ୍ୟବସାୟୀ ନୀରବ ମୋଦି ପଞ୍ଜାବ ନ୍ୟାଶନାଲ ବ୍ୟାଙ୍କ(ପିଏନ୍‌ବି)ରୁ ପ୍ରାୟ ସାଢ଼େ ୧୩ ହଜାର କୋଟି ଟଙ୍କାର ଋଣ ଦୁର୍ନୀତି କରି ଏବେ ବ୍ରିଟେନରେ ଲୁଚିଛନ୍ତି। ଅନ୍ୟପକ୍ଷରେ ବ୍ରିଟେନ ସରକାର ନିଜ ଦେଶର ଆଇନର ଦ୍ୱାହି ଦେଇ ଏବେ ତାଙ୍କୁ ସୁରକ୍ଷା ଦେବାକୁ ଉଦ୍ୟମ ଆରମ୍ଭ କରିଦେଇଛି। ନୀରବଙ୍କୁ ପ୍ରତ୍ୟର୍ପଣ ଲାଗି ଭାରତ ଅନୁରୋଧ କରିସାରିଥିଲେ ହେଁ ଏଥିପ୍ରତି ଇଂଲଣ୍ଡ ଆଗ୍ରହୀ ଥିବା ମନେ ହେଉ ନାହିଁ। କୋର୍ଟରେ ପ୍ରତ୍ୟର୍ପଣ ମାମଲା ଆସିବା ପୂର୍ବରୁ ଭାରତ ପଠାଇଥିବା ଯାଞ୍ଚ ରିପୋର୍ଟ(ଯେଉଁଥିରେ ପିଏନ୍‌ବି ଯାଞ୍ଚର ସମସ୍ତ କାଗଜପତ୍ର ଯୋଡାଯାଇଛି)କୁ ନୀରବଙ୍କୁ  ଦେଖାଇବାକୁ ବ୍ରିଟେନ ସରକାର ଇଚ୍ଛୁକ। ସେଠା ସରକାରଙ୍କ ଏଭଳି ଉଦ୍ୟମରେ ଭାରତ ହତବାକ୍‌।

ଚନ୍ଦା କୋଚର ମାମଲା;ରଫାଦଫା କରିବାକୁ ସେବିକୁ ଚିଠି ଲେଖିଲା ଆଇସିଆଇସିଆଇ ବ୍ୟାଙ୍କ

ଚନ୍ଦା କୋଚର ମାମଲା;ରଫାଦଫା କରିବାକୁ ସେବିକୁ ଚିଠି ଲେଖିଲା ଆଇସିଆଇସିଆଇ ବ୍ୟାଙ୍କ

ମୁମ୍ବାଇ,୧୯-୯: ଭିଡିଓକନ ଗ୍ରୁପ୍‌କୁ ଋଣ ପ୍ରଦାନ ନେଇ ବିବାଦ ଘେରକୁ ଆସିଥିବା ସିଇଓ ଚନ୍ଦା କୋଚରଙ୍କ ମାମଲାକୁ ରଫାଦଫା କରିବା ଲାଗି ଆଇସିଆଇସିଆଇ ବ୍ୟାଙ୍କ ପକ୍ଷରୁ ଷ୍ଟକ୍‌ ମାର୍କେଟ ନିୟନ୍ତ୍ରକ ସେବିକୁ ପତ୍ର ଲେଖାଯାଇଛି। ପରିଚାଳନାଗତ ତ୍ରୁଟି ହୋଇଥିବା ସ୍ବୀକାର କରି ବିବାଦର ଫଇସଲା ଲାଗି ବ୍ୟାଙ୍କ ପକ୍ଷରୁ କୁହାଯାଇଛି। ଏ ସମ୍ପର୍କରେ ସୂଚନା ଦେଇ ସେବି ଅଧ୍ୟକ୍ଷ ଅଜୟ ତ୍ୟାଗୀ କହିଛନ୍ତି ଯେ, ଆଇସିଆଇସିଆଇ ବ୍ୟାଙ୍କକୁ ମାର୍କେଟ ନିୟନ୍ତ୍ରକଙ୍କ ପକ୍ଷରୁ ପଠାଯାଇଥିବା ନୋଟିସର ଜବାବ ମିଳିଛି। ଚନ୍ଦା କୋଚରଙ୍କ ମାମଲାରେ ଅସନ୍ତୁଷ୍ଟ ଥିବା ଶେୟାରଧାରକ ମାନେ କମ୍ପାନୀଜ ଆଇନ ଅନୁଯାୟୀ ପରବର୍ତ୍ତୀ ପଦକ୍ଷେପ ନେଇପାରିବେ। ଗତ ସପ୍ତାହରେ ବ୍ୟାଙ୍କର ବାର୍ଷିକ ସାଧାରଣ ବୈଠକରେ ଚନ୍ଦା କୋଚର ମାମଲା ଛାଇ ଯାଇଥିଲା। ଭିଡିଓକନ ଋଣ ପ୍ରଦାନ ମାମଲାରେ ଚନ୍ଦାଙ୍କ ଭୂମିକା ବିଷୟରେ ଶେୟାରଧାରକମାନେ ପଚାରି  ବୁଝିଥିଲେ। ଅନ୍ୟପକ୍ଷରେ ଆଇସିଆଇସିଆଇ ବ୍ୟାଙ୍କ ସେବି ଅଧ୍ୟକ୍ଷଙ୍କ ଦାବିକୁ ଖଣ୍ଡନ କରିଛି।

ମାମଲା ହାରିଲା ଇନଫୋସିସ୍‌;ପୂର୍ବତନ ସିଏଫଓଙ୍କୁ ଦେବ ୧୨.୧୭ କୋଟି

ମାମଲା ହାରିଲା ଇନଫୋସିସ୍‌;ପୂର୍ବତନ ସିଏଫଓଙ୍କୁ ଦେବ ୧୨.୧୭ କୋଟି

ନୂଆଦିଲ୍ଲୀ,୧୯-୯: ଆଇଟି ସେକ୍ଟରରେ ଅନ୍ୟତମ ଅଗ୍ରଣୀ କମ୍ପାନୀ ଇନଫୋସିସ୍‌ ଏହାର ପୂର୍ବତନ ମୁଖ୍ୟ ଆର୍ଥିକ ଅଧିକାରୀ(ସିଏଫଓ) ରାଜୀବ ବନସଲଙ୍କୁ ଆର୍ଥିକ ପ୍ୟାକେଜ ବାବଦରେ ବକେୟା ୧୨.୧୭ କୋଟି ଟଙ୍କା ଦେବ। ଏଥିସହ କମ୍ପାନୀ ସୁଧ ମଧ୍ୟ ପ୍ରଦାନ କରିବ।  ଆର୍‌ବିଟ୍ରେସନ ଟ୍ରିବ୍ୟୁନାଲରେ ବନସଲଙ୍କ ପକ୍ଷରୁ ଆଗତ ମାମଲାରେ ଇନଫୋସିସ୍‌ ହାରିଯାଇଛି। ଇନଫୋସିସ୍‌ ତାଙ୍କୁ ୧୭.୩୮ କୋଟି ଟଙ୍କାର ବିଚ୍ଛେଦ  ପ୍ୟାକେଜ ଦେଇ ନାହିଁ ବୋଲି ବନସଲ ଟ୍ରିବ୍ୟୁନାଲରେ ଅଭିଯୋଗ କରିଥିଲେ। କମ୍ପାନୀ ଛାଡ଼ିବା ପରେ ଇନଫୋସିସ୍‌ ବନସଲଙ୍କୁ ୫.୨ କୋଟି ଟଙ୍କା ପ୍ରଦାନ କରିଥିଲା। 

ବୁଲେଟ ଟ୍ରେନକୁ ୧ହଜାର ଚାଷୀଙ୍କ ବିରୋଧ

ବୁଲେଟ ଟ୍ରେନକୁ ୧ହଜାର ଚାଷୀଙ୍କ ବିରୋଧ

ଅହମ୍ମଦାବାଦ,୧୯-୯: ମୁମ୍ବାଇ-ଅହମ୍ମଦାବାଦ ମଧ୍ୟରେ ଚାଲିବାକୁ ଥିବା ବୁଲେଟ ଟ୍ରେନ ପ୍ରକଳ୍ପକୁ ଗୁଜରାଟର ୧ ହଜାର ଚାଷୀ ବିରୋଧ କରିଛନ୍ତି। ସେମାନେ ମଙ୍ଗଳବାର ଗୁଜରାଟ ହାଇକୋର୍ଟରେ ଏ ସଂକ୍ରାନ୍ତରେ ସତ୍ୟପାଠ ଦାଖଲ କରିଛନ୍ତି। ମୁଖ୍ୟ ବିଚାରପତି ଆର୍‌. ସୁଭାଷ ରେଡ୍ଡୀ ଏବଂ ବିଚାରପତି ଭି.ଏମ୍‌ ପାଞ୍ଚୋଲିଙ୍କୁ ନେଇ ଗଠିତ ଖଣ୍ଡପୀଠ ପୂର୍ବରୁ ହାଇସ୍ପିଡ ରେଳ ପ୍ରକଳ୍ପକୁ ବିରୋଧ କରି ଆଗତ ୫ ମାମଲାର ଶୁଣାଣି କରୁଛନ୍ତି। କେନ୍ଦ୍ର ସରକାରଙ୍କ ବହୁ ଆକାଂକ୍ଷିତ ୧.୧୦ ଲକ୍ଷ କୋଟି ଟଙ୍କାର ପ୍ରକଳ୍ପ ଯୋଗୁ ଚାଷୀମାନେ କ୍ଷତିଗ୍ରସ୍ତ ହେବାକୁ ଯାଉଛନ୍ତି ବୋଲି ୧ ହଜାର ଚାଷୀ ନିଜର ସତ୍ୟପାଠରେ ଦର୍ଶାଇଛନ୍ତି। ବୁଲେଟ ଟ୍ରେନ ଯିବାକୁ ଥିବା ଜିଲ୍ଲାର ଚାଷୀ ମାନେ ସତ୍ୟପାଠ ଦାଖଲ କରି ପ୍ରକଳ୍ପ ପାଇଁ ସେମାନେ ନିଜର ଜମି ଦେବାକୁ ଚାହାନ୍ତି ନାହିଁ ବୋଲି କହିଛନ୍ତି।

ଇଚ୍ଛାକୃତ ଋଣଖିଲାପୀ,ପଳାତକଙ୍କୁ ସେବି ଛାଟ

ଇଚ୍ଛାକୃତ ଋଣଖିଲାପୀ,ପଳାତକଙ୍କୁ ସେବି ଛାଟ

ମୁମ୍ବାଇ,୧୯-୯: ଷ୍ଟକ ମାର୍କେଟର ସମାଧାନ ବ୍ୟବସ୍ଥାରୁ ଇଚ୍ଛାକୃତ ଋଣଖିଲାପୀ, ପଳାତକ ଆର୍ଥିକ ଅପରାଧି ଏବଂ ଖିଲାପ ଲାଗି ଦାୟୀ ବ୍ୟକ୍ତିବିଶେଷଙ୍କୁ ବାଦ ଦିଆଯିବ। ଷ୍ଟକ୍‌ ମାର୍କେଟ ନିୟନ୍ତ୍ରକ ସେବି ପକ୍ଷରୁ ମଙ୍ଗଳବାର ଏ ସମ୍ପର୍କରେ ବିଜ୍ଞପ୍ତି ପ୍ରକାଶ କରାଯାଇଛି। ଖିଲାପୀ ମାମଲାରେ ପୂର୍ବରୁ ଅଗ୍ରାହ୍ୟ ହୋଇଥିବା ଆବେଦନକୁ ପୁନର୍ବାର ବିଚାରକୁ ନିଆଯିବ ନାହିଁ। ମଙ୍ଗଳବାର ସେବି ବୋର୍ଡ ବୈଠକରେ ଏପ୍ରକାର ଅନେକ ସଂଶୋଧନକୁ ଅନୁମୋଦନ କରାଯାଇଛି।  ବୋର୍ଡ ସେବିର ବର୍ତ୍ତମାନ ସମାଧାନ ବ୍ୟବସ୍ଥାର ସମୀକ୍ଷା କରିଥିଲେ। ସେବି(ସମାଧାନ କାର୍ଯ୍ୟପ୍ରଣାଳୀ) ନିୟମ, ୨୦୧୮ର ନିର୍ଦ୍ଦେଶ ଜରିଆରେ ସମାଧାନ  ପଦକ୍ଷେପ ନିଆଯାଇପାରିବ। 

ଷ୍ଟକ୍‌ ମାର୍କେଟ ଧରାଶାୟୀ

ଷ୍ଟକ୍‌ ମାର୍କେଟ ଧରାଶାୟୀ

ମୁମ୍ବାଇ,୧୮।୯: ଆମେରିକା ଓ ଚାଇନା ମଧ୍ୟରେ ଟ୍ରେଡ୍‌ ଓ୍ବାର୍‌ ଆହୁରି ଘନେଇଥିବା ବେଳେ ଟଙ୍କାର ମୂଲ୍ୟ ପୁଣି ୭୨ ପାର୍‌ କରିଯାଇଛି। ଫଳରେ ସୋମବାର ଏହାର ପ୍ରଭାବ ଷ୍ଟକ୍‌ ବଜାରରେ ଦେଖିବାକୁ ମିଳିଥିଲା।