ରାୟଗଡା

ମେଦନା- ପୂଜାରୀଗୁଡା ଆର୍‌ଡି ରାସ୍ତା ପାଲଟିଛି ମରଣଯନ୍ତା

ମେଦନା- ପୂଜାରୀଗୁଡା ଆର୍‌ଡି ରାସ୍ତା ପାଲଟିଛି ମରଣଯନ୍ତା
ଡାବୁଗାଁ,୧୨।୯(ଡି.ଏନ.ଏ.): ନବରଙ୍ଗପୁର ଜିଲା ଡାବୁଗାଁ ବ୍ଲକ ମେଦନା ପଞ୍ଚାୟତ ଅଧୀନ ମେଦନା-ପୂଜାରୀଗୁଡା ଆରଡି ରାସ୍ତା ଶୋଚନୀୟ ହୋଇପଡିଛି। ଏହି ରାସ୍ତାରେ ଅଧିକାଂଶ ସ୍ଥାନରେ ୨/୩ ଫୁଟର ଖାଲରେ ପରିପୂର୍ଣ୍ଣ ହୋଇଛି । ମେଦନାରୁ ପୂଜାରୀଗୁଡା ଗ୍ରାମ ଦେଇ କେଲିଆ ଶୈବପୀଠକୁ ଏହି ରାସ୍ତା ସଂଯୋଗ କରୁଛି। ବହୁ ଦିନ ହେଲା ଏହି ରାସ୍ତା ମରାମତି ହୋଇନାହିଁ। ପ୍ରାୟ  ୧୦/୧୫ ଖଣ୍ଡ ଗ୍ରାମର ଲୋକେ ଏହି ରାସ୍ତାଦେଇ ଯାତାୟାତ କରିଥାନ୍ତି। ପ୍ରତିଦିନ ୨ ଚକିଆ ଓ ୪ ଚକିଆ ଗାଡି ଯାତାୟାତ କରୁଛି। ବର୍ତ୍ତମାନ ବର୍ଷା ହେଉଥିବାରୁ ରାସ୍ତାରେ ଥିବା ଖାଲରେ ପାଣି ରହିବା ସହ ରାସ୍ତା ମେଟାଲ ଉଠି ପଡିବାରୁ ରାସ୍ତାର ଅବସ୍ଥା ଶୋଚନୀୟ ହୋଇପଡିଛି। ଫଳରେ ପ୍ରତିଦିନ ଛୋଟ ଛୋଟ ଦୁର୍ଘଟଣା ଘଟୁଛି। ଏହି ରାସ୍ତାକୁ ମରାମତି କରାଯିବାକୁ ଅଞ୍ଚଳବାସୀ ଦାବି କରିଛନ୍ତି।
All Right Reserved By

ରାୟଗଡା

କାଶିପୁରରେ ଆଦିବାସୀଙ୍କ ଜନାସରଣୀ ପୂଜା

କାଶିପୁରରେ ଆଦିବାସୀଙ୍କ ଜନାସରଣୀ ପୂଜା

ଟିକିରି,୧୯।୯(ଡି.ଏନ୍‌.ଏ.): ରାୟଗଡ଼ା ଜିଲା କାଶିପୁର ବ୍ଲକ ମକାପଦର, ସେମିଳିଗୁଡ଼ା, ଜାମୁଗୁଡା, ସର୍ଗୀଗୁଡା, ଟିକିରି ଆଦି ସ୍ଥାନରେ ଆଦିବାସୀଙ୍କ ଜନସରଣୀ ମକା ପୂଜା  ଅନୁଷ୍ଠିତ ହୋଇଯାଇଛି। ଗ୍ରାମର ବେଜଣିମାନେ ନଡିଆ, କୁକୁଡା ବଳିଦେଇ ମାଟିରେ ତିଆରି କରିଥିବା ରାକ୍ଷସ ପ୍ରତିମୂର୍ତ୍ତିକୁ ପୂଜା କରିଥିଲେ। ଗ୍ରାମର ପ୍ରତ୍ୟେକ ପରିବାର ଜମିରେ ଉତ୍ପାଦିତ ମକା ନେଇ ରାକ୍ଷସଠାରେ ସମର୍ପଣ କରିଥିଲେ। 

ବିଷମକଟକରେ ବ୍ଲକସ୍ତରୀୟ ଜନଶୁଣାଣି କାର୍ଯ୍ୟକ୍ରମ

ବିଷମକଟକରେ ବ୍ଲକସ୍ତରୀୟ ଜନଶୁଣାଣି କାର୍ଯ୍ୟକ୍ରମ

ବିଷମକଟକ, ୧୯।୯(ଡି.ଏନ୍‌.ଏ.): ବିଷମକଟକ ପଞ୍ଚାୟତ ସମିତି ପରିସରରେ ମହାତ୍ମା ଗାନ୍ଧୀ ନିଶ୍ଚିତ କର୍ମନିଯୁକ୍ତି ଯୋଜନାର ବ୍ଲକସ୍ତରୀୟ ଜନଶୁଣାଣି କାର୍ଯ୍ୟକ୍ରମ ଅନୁଷ୍ଠିତ ହୋଇଯାଇଛି। ଏଥିରେ ଗୁଣପୁର ପ୍ରକଳ୍ପ ପ୍ରଶାସକ ଅଧିକାରୀ ଗୋରାଚାନ୍ଦ ଗମାଙ୍ଗ ମୁଖ୍ୟ ଅତିଥି ଭାବେ ଯୋଗଦେଇ କାର୍ଯ୍ୟକ୍ରମକୁ ଶୁଭାରମ୍ଭ କରିଥିଲେ।

ଦିବ୍ୟାଙ୍ଗଙ୍କୁ ମିଳିଲା କାମ

ଦିବ୍ୟାଙ୍ଗଙ୍କୁ ମିଳିଲା କାମ

ରାୟଗଡା ଅଫିସ୍‌, ୧୯।୯: କର୍ମକ୍ଷେତ୍ରରେ ନିଯୁକ୍ତି ଦେବା ପାଇଁ ଜିଲାପାଳଙ୍କ ଅଭିଯୋଗ ଶୁଣାଣି ପ୍ରକୋଷ୍ଠରେ ଗୁହାରି କରିଥିବା ଜଣେ ଦିବ୍ୟାଙ୍ଗଙ୍କୁ ରାୟଗଡା ଜିଲାପାଳ ଗୁହାପୁନମ ତାପସ କୁମାର ରାମନାଗୁଡା ବ୍ଲକ କାର୍ଯ୍ୟାଳୟରେ ପୋଗ୍ରାମ ଆସିଷ୍ଟାଣ୍ଟ ଭାବେ ନିଯୁକ୍ତି ଦେଇଛନ୍ତି। 

ସମୂହ ଛୁଟିରେ ଡିପ୍ଲୋମା ଇଞ୍ଜିନିୟର

ସମୂହ ଛୁଟିରେ ଡିପ୍ଲୋମା ଇଞ୍ଜିନିୟର

ରାୟଗଡା ଅଫିସ୍‌,୧୯।୯: ରାୟଗଡା ଜିଲା ଡିପ୍ଲୋମା ଇଞ୍ଜିନିୟର ସଂଘର ସଭାପତି ପଦ୍ମଚରଣ ସାହୁଙ୍କ ନେତୃତ୍ୱରେ ସ୍ଥାନୀୟ ପୂର୍ତ୍ତ ବିଭାଗ ଡାକବଙ୍ଗଳାଠାରେ ଏକ ବୈଠକର ଆୟୋଜନ କରାଯାଇଛି। ଏଥିରେ ସଂଘ  ଜିଲା ସମ୍ପାଦକ ଏ.ସନମୁଖ ପାତ୍ରଙ୍କ ସମେତ  ୨୦୦ରୁ ଊର୍ଦ୍ଧ୍ୱ ସଦସ୍ୟ ଯୋଗ ଦେଇଥିଲେ। ଡିପ୍ଲୋମା ଇଞ୍ଜିନିୟରଙ୍କ ପ୍ରତି ରାଜ୍ୟ ସରକାରଙ୍କ ଚରମ ଅବହେଳାକୁ ଦୃଢ଼ ନିନ୍ଦା କରିବା ସହ ଏହାର ପ୍ରତିବାଦରେ ରାଜ୍ୟ ସଂଘ ମଙ୍ଗଳବାରଠାରୁ ଅକ୍ଟୋବର ୩୧ ପର୍ଯ୍ୟନ୍ତ ସଂଘ ଛୁଟି ଘୋଷଣା କରିଛି। 

ମା’ ମଙ୍ଗଳା ମନ୍ଦିର ନିର୍ମାଣ ନିମନ୍ତେ ବୈଠକ

ମା’ ମଙ୍ଗଳା ମନ୍ଦିର ନିର୍ମାଣ ନିମନ୍ତେ ବୈଠକ

ଉମରକୋଟ,୧୯।୯(ଡି.ଏନ.ଏ): ନବରଙ୍ଗପୁର ଜିଲା ଉମରକୋଟ ଠାରେ ମା’ ମଙ୍ଗଳା ମନ୍ଦିର ପ୍ରାଙ୍ଗନରେ ମା’ଙ୍କ ନୂତନ ମନ୍ଦିର ନିର୍ମାଣ ସକାଶେ ଏକ ବୈଠକ ଅନୁଷ୍ଠିତ ହୋଇଛି। ମା’ଙ୍କ  ମନ୍ଦିର ବହୁ ପୁରାତନ ହୋଇଥିବା ବେଳେ କିଛି ଅଂଶ ଭାଙ୍ଗିରୁଜି ଯାଇଛି। ସେଥିପାଇଁ ଏକ ନୂତନ ମନ୍ଦିର ନିର୍ମାଣ ପାଇଁ ଉମରକୋଟ ଏବଂ ଆଖପାଖ ୧୨ ଗ୍ରାମର ଗାଉଁଟିଆ  ବହୁ ବୁଦ୍ଧିଜୀବୀ ଯୋଗ ଦେଇଥିଲେ। ମନ୍ଦିର ପୂଜକ ଭୁବନେଶ୍ୱର ପୂଜାରୀଙ୍କ ଆବାହନ କ୍ରମେ ଏହି ବୈଠକ ଅନୁଷ୍ଠିତ ହୋଇଥିଲା। 

ଦ୍ୱିତୀୟ ଶ୍ରେଣୀ ବିଚାର ବିଭାଗୀୟ ଦଣ୍ଡାଧିକାରୀଙ୍କ ନୂତନ କୋର୍ଟ ଉଦ୍‌ଘାଟିତ

ଦ୍ୱିତୀୟ ଶ୍ରେଣୀ ବିଚାର ବିଭାଗୀୟ ଦଣ୍ଡାଧିକାରୀଙ୍କ ନୂତନ କୋର୍ଟ ଉଦ୍‌ଘାଟିତ

ନବରଙ୍ଗପୁର,୧୯।୯(ଡି.ଏନ୍‌.ଏ.): ନବରଙ୍ଗପୁରସ୍ଥିତ ଜିଲା କୋର୍ଟ ପରିସରରେ ଦ୍ୱିତୀୟ ଶ୍ରେଣୀ ବିଚାରବିଭାଗୀୟ ଦଣ୍ଡାଧିକାରୀଙ୍କ କୋର୍ଟ ଉଦ୍‌ଘାଟିତ ହୋଇଯାଇଛି। ମୁଖ୍ୟ ଅତିଥି ଭାବେ ଜିଲା ଜଜ ରାଜେନ୍ଦ୍ର ପାଣିଗ୍ରାହୀ ଯୋଗଦେଇ ଏହାକୁ ଉଦ୍‌ଘାଟନ କରିଥିଲେ। 

ଆଇନ ସେବା ପ୍ରାଧିକରଣ ପକ୍ଷରୁ ସଚେତନତା ଶିବିର

ଆଇନ ସେବା ପ୍ରାଧିକରଣ ପକ୍ଷରୁ ସଚେତନତା ଶିବିର

ନବରଙ୍ଗପୁର,୧୯।୯(ଡି.ଏନ୍‌.ଏ.): ନବରଙ୍ଗପୁର ଜିଲା ଆଇନ ସେବା ପ୍ରାଧୀକରଣ ପକ୍ଷରୁ ବିଦ୍ୟାର୍ଥୀ ବିଜ୍ଞାନ କଲେଜଠାରେ ଏକ ସଚେତନତା ଶିବିର ଆୟୋଜିତ ହୋଇଯାଇଛି। ଜିଲା ଆଇନ ସେବା ପ୍ରାଧୀକରଣ କ’ଣ ଓ ତାର କର୍ତ୍ତବ୍ୟ ବିଷୟରେ ପ୍ରସନ୍ନ କୁମାର ବେହେରା ପିଲାମାନଙ୍କୁ କହିଥିଲେ।  ବାଲ୍ୟ ବିବାହ ଆଇନ, ଶିଶୁ ସୁରକ୍ଷା ଆଇନ ଓ ପିଏନ୍‌ଡିଟି ଆକ୍ଟ ବିଷୟରେ ମନୋରମା ମାଝି ସଚେତନତା କରିଥିଲେ। ସଚେତନତା ଶିବିରରେ ସାଧାରଣ ଜ୍ଞାନର ବିକାଶ ହୋଇଥାଏ ବୋଲି କହି ଛାତ୍ରୀଛାତ୍ରଙ୍କୁ ଏହି ସାଧାରଣ ଜ୍ଞାନ ଅନ୍ୟମାନଙ୍କୁ ବିତରଣ କରିବାକୁ ଉପଦେଶ ଦେଇଥିଲେ।

ବିଶେଷଜ୍ଞ ଅଭାବ, ୮ ପ୍ରକାର ପ୍ରମାଣପତ୍ର ପାଇବାରୁ ଦିବ୍ୟାଙ୍ଗ ବଞ୍ଚିତ

ବିଶେଷଜ୍ଞ ଅଭାବ, ୮ ପ୍ରକାର ପ୍ରମାଣପତ୍ର ପାଇବାରୁ ଦିବ୍ୟାଙ୍ଗ ବଞ୍ଚିତ

ନବରଙ୍ଗପୁର ଜିଲାରେ ୧୩ ପ୍ରକାର ଦିବ୍ୟାଙ୍ଗଙ୍କୁ ପ୍ରମାଣ ପତ୍ର ମିଳିପାରୁଛିା ମାଂସପେଶୀ ଜନୀତ ଦୁର୍ବଳତା, ଉତ୍କଟ ସ୍ନାୟୁବିକ ଅସୁସ୍ଥ ଅବସ୍ଥା, ନିର୍ଦ୍ଧିଷ୍ଟ ଜ୍ଞାନ ଲାଭର ଅସମର୍ଥତା, ଏକାଧିକ ସ୍କରସିସ୍‌, ଥାଲାସେମିଆ, ହେମୋଫିଲିଆ, ସିକଲସେଲ ବ୍ୟାଧି, ପାର୍କିନସନ ବ୍ୟାଧି ଗୁଡିକ ଦିବ୍ୟାଙ୍ଗ ତାଲିକା ଭୁକ୍ତ ହେଲେ ମଧ୍ୟ ଏହି ପିଲା ଓ ବ୍ୟକ୍ତି ବିଶେଷମାନଙ୍କୁ ଦିବ୍ୟାଙ୍ଗ ପ୍ରମାଣ ପତ୍ର ପ୍ରଦାନ କରିବାରେ ଜିଲା ମେଡିକାଲ ବୋର୍ଡ ଅକ୍ଷମତା ପ୍ରକାଶ କରିଛି। 

ସେମିଳିଗୁଡ଼ାରେ ବିଜୁ ଯୁବ ବାହିନୀର ଶୁଭାରମ୍ଭ

ସେମିଳିଗୁଡ଼ାରେ ବିଜୁ ଯୁବ ବାହିନୀର ଶୁଭାରମ୍ଭ

ସେମିଳିଗୁଡ଼ା,୧୯।୯(ସ୍ବ.ପ୍ର.): କୋରାପୁଟ ଜିଲା ସେମିଳିଗୁଡ଼ା ବ୍ଲକରେ ବିଜୁ ଯୁବ ବାହିନୀର ଶୁଭାରମ୍ଭ ହୋଇଛି। ଅବସରପ୍ରାପ୍ତ ଆଇପିଏସ୍‌ ଅଧିକାରୀ ତଥା ବିଜୁ ଯୁବ ବାହିନୀ ମୁଖ୍ୟ ଅରୂପ ପଟ୍ଟନାୟକ ମୁଖ୍ୟ ଅତିଥି ଭାବେ ଯୋଗଦେଇ ସେମିଳିଗୁଡ଼ା ବିଜୁ ଯୁବ ବାହିନୀର ଶୁଭାରମ୍ଭ କରିଥିଲେ। 

କୋଟିଆର ସାମଗ୍ରିକ ବିକାଶ ପାଇଁ ବୈଠକ

କୋଟିଆର ସାମଗ୍ରିକ ବିକାଶ ପାଇଁ ବୈଠକ

କୋରାପୁଟ,୧୯।୯(ସ୍ବ.ପ୍ର.): କୋରାପୁଟ ଜିଲା ସୀମାନ୍ତରେ ଥିବା ପଟ୍ଟାଙ୍ଗି ବ୍ଲକ କୋଟିଆ ପଞ୍ଚାୟତର ସାମଗ୍ରିକ ବିକାଶ ଲକ୍ଷ୍ୟ ନେଇ ସ୍ଥାନୀୟ ଜିଲାପାଳଙ୍କ କାର୍ଯ୍ୟାଳୟ ସମ୍ମିଳନୀ କକ୍ଷରେ ଏକ ଜରୁରୀ ବୈଠକ ଅନୁଷ୍ଠିତ ହୋଇଛି ।କୋଟିଆ ପଞ୍ଚାୟତର ସର୍ବାଙ୍ଗିନ ଉନ୍ନତି ପାଇଁ କାର୍ଯ୍ୟ କରିବାକୁ ଜିଲାପାଳ ବୈଠକରେ ଗୁରୁତ୍ୱାରୋପ କରିଛନ୍ତି। ରାସ୍ତାଘାଟ, ଶିକ୍ଷା, ବିଦ୍ୟୁତ, ସ୍ବାସ୍ଥ୍ୟ, ଯୋଗ୍ୟ ହିତାଧିକାରୀଙ୍କୁ ପଡିକାର୍ଡ ଦେବା ଆଦି ୧୫ଟି ଉନ୍ନୟନ ବିଷୟରେ ଆଲୋଚନା କରାଯାଇଛି। 

ଚାଷୀଙ୍କୁ ସଚେତନତା ପାଇଁ ଗଡ଼ିଲା ରଥ

ଚାଷୀଙ୍କୁ ସଚେତନତା ପାଇଁ ଗଡ଼ିଲା ରଥ

କୋରାପୁଟ, ୧୯।୯(ସ୍ବ.ପ୍ର.) : ଚଳିତ ଖରିଫ ଋତୁରେ ଚାଷୀଙ୍କୁ ଉପତ୍ାଦିତ ଧାନର ଉଚିତ ମୂଲ୍ୟ ପ୍ରଦାନ ପାଇଁ କୋରାପୁଟ ନିୟନ୍ତ୍ରିତ ବଜାର କମିଟି ପକ୍ଷରୁ ଏକ ସଚେତନତା ରଥ କୋରାପୁଟ ଉପଖଣ୍ଡର ୯ଟି ବ୍ଲକ ଅଞ୍ଚଳ ପରିକ୍ରମା କରିଥିବା ଜଣାଯାଇଛି। ଏହି ରଥ ଜରିଆରେ ଚାଷୀ ଓ ଭାଗ ଚାଷୀମାନଙ୍କୁ ଲ୍ୟାମ୍ପ ଜରିଆରେ ନିଜ ନିଜ ଜମିର ପ୍ରମାଣପତ୍ର, ଜମିର ପଟ୍ଟା, ବ୍ୟାଙ୍କ ପାସବୁକ, ଆଧାର କାର୍ଡ ଆଦି ନେଇ ସ୍ଥାନୀୟ ଲ୍ୟାମ୍ପରେ ନାମ ପଞ୍ଜିକରଣ କରିବାକୁ ପରାମର୍ଶ ଦିଆଯାଇଥିଲା।

ଶ୍ରମିକମାନେ ଶିଳ୍ପ ସଂସ୍ଥାର ମେରୁଦଣ୍ଡ

ଶ୍ରମିକମାନେ ଶିଳ୍ପ ସଂସ୍ଥାର ମେରୁଦଣ୍ଡ

ଦାମନଯୋଡ଼ି,୧୯।୯(ଡି.ଏନ୍‌.ଏ.): ଭାରତୀୟ ମଜଦୁର ସଂଘ ପକ୍ଷରୁ ରାଷ୍ଟ୍ରୀୟ ଶ୍ରମିକ ଦିବସ ପାଳିତ ହୋଇଛି। ନାଲ୍‌କୋ ମଜଦୁର ସଂଘ, ନାଲ୍‌କୋ ମାଇନ୍‌ସ ମଜଦୁର ସଂଘ, ନାଲ୍‌କୋ ଠିକାଦାର କର୍ମଚାରୀ ସଂଘ ଏହାକୁ ମିଳିତ ଭାବେ ନାଲ୍‌କୋ କମ୍ୟୁନିଟି ସେଣ୍ଟରରେ ପାଳନ କରିଛନ୍ତି। ନାଲକୋ କାର୍ଯ୍ୟନିର୍ବାହୀ ନିର୍ଦ୍ଦେଶକ ଦିଲୀପ ମହାନ୍ତି ମୁଖ୍ୟ ଅତିଥି ଭାବେ ଯୋଗଦେଇ ଶ୍ରମିକମାନେ ଶିଳ୍ପ ସଂସ୍ଥାର ମେରୁଦଣ୍ଡ ବୋଲି କହିଥିଲେ।