ରାୟଗଡା

ମୂର୍ତ୍ତି ନିର୍ମାଣ ଦିବ୍ୟାଙ୍ଗଙ୍କୁ ଦେଇଛି ପରିଚୟ

ମୂର୍ତ୍ତି ନିର୍ମାଣ ଦିବ୍ୟାଙ୍ଗଙ୍କୁ ଦେଇଛି ପରିଚୟ
ଧୋଡ୍ରା,୧୨।୯(ଡି.ଏନ.ଏ.): ଦିବ୍ୟାଙ୍ଗ ଦୂରବ ସିଲ। ଦିବ୍ୟାଙ୍ଗ ହୋଇ ମଧ୍ୟ ଜୀବନର ଚଳାପଥରେ ହାରି ନାହାନ୍ତି। ମୂର୍ତ୍ତି ନିର୍ମାଣ କରି ଅନେକଙ୍କ ହୃଦୟ ଜିଣିବା ସହ ମୂର୍ତ୍ତି କାରିଗର ଭାବେ ଏକ ସ୍ବତନ୍ତ୍ର ପରିଚୟ ସୃଷ୍ଟି କରି ପାରିଛନ୍ତି। ପାର୍ବଣ ଆସିଲେ ମୂର୍ତ୍ତି ନିର୍ମାଣ ପାଇଁ ତାଙ୍କୁ ଖୋଜା ପଡିଥାଏ। ଦିବ୍ୟାଙ୍ଗ ହୋଇ ମଧ୍ୟ ଅନ୍ୟ ଉପରେ ନିର୍ଭର ନ କରି ଅନ୍ୟମାନଙ୍କ ପାଇଁ ସେ ଉଦାହରଣ ସାଜିଛନ୍ତି। ଜିଲା  ଝରିଗାଁ ବ୍ଲକ ଅନ୍ତର୍ଗତ  ଧୋଡ୍ରା ପଞ୍ଚାୟତ ଚାଟିଗୁଡା ୟୁଭି ୧୯ରେ ସ୍ତ୍ରୀ ସୀମା ସିଲ୍‌ ଓ ଝିଅପୁଅ ସହ ଦୂରବ ରହୁଛନ୍ତି। ପ୍ରଥମେ ସେ ନିଜ ଚାଷ ଜମିରେ କାମ କରୁଥିଲେ। କିନ୍ତୁ ଥରେ ତାଙ୍କୁ ଜ୍ୱର ହୋଇଥିଲା। ଏହା ପରେ ସେ ବେଶୀ ଚଲାବୁଲା କରି ପାରି ନଥିଲେ। ସେ ଦିବ୍ୟାଙ୍ଗ ପାଲଟି ଯାଇଥିଲେ । ଜମିକୁ ଯାଇ ଚାଷ କାମ ଆଉ କରିପାରି ନଥିଲେ । ପରିବାର ବୋଝ କିନ୍ତୁ ତାଙ୍କ ମୁଣ୍ଡ ଉପରେ ରହିଥିଲା । ଗାଁ ପୂଜା ମଣ୍ଡପଠାରେ ମୂର୍ତ୍ତି ନିର୍ମାଣ କାର୍ଯ୍ୟ ଆଗରୁ ଦେଖିଥିଲେ ଏବଂ ସେହି କାରିଗରଙ୍କଠାରୁ ନିର୍ମାଣ କାର୍ଯ୍ୟ ପ୍ରଣାଳୀ ଶିଖିଥିଲେ । ତେବେ ସେହି ପ୍ରଣାଳୀକୁ ଅବଲମ୍ବନ କରି ସେ ମୂର୍ତ୍ତି ଗଢିବା ଆରମ୍ଭ କରିଥିଲେ ।  ଭାବିଥିଲେ ଏହାଦ୍ୱାରା ପରିବାର ଚଳଣୀରେ ଅଳ୍ପ କେତେ ଦିନ ସହାୟତା ହେବ । କିନ୍ତୁ ବର୍ତ୍ତମାନ ଏହା ବର୍ଷସାରା ପରିବାର ଚଳଣିରେ ସହାୟତା କରୁଥିବା ଦୂରବ  କହିଛନ୍ତି ।  ଘରେ ମୂର୍ତ୍ତି ନିର୍ମାଣ କଲେ ତାଙ୍କୁ ସହାୟତା କରିଥାନ୍ତି ସ୍ତ୍ରୀ ସୀମା। ମୂର୍ତ୍ତିରେ ମାଟି ଲେପନ, ରଙ୍ଗଦେବାରେ ସେ ସାହାଯ୍ୟ କରିଥାନ୍ତି । ଗଣେଶ ପୂଜା ସହର, ଗାଁ, ସାହି ଏବଂ ବିଦ୍ୟାଳୟମାନଙ୍କରେ ହୋଇଥାଏ । ତେଣୁ ଏହି ସମୟରେ ବ୍ୟସ୍ତ ରହି ସେ ମୂର୍ତ୍ତି ଗଢି  କିଛି ଅର୍ଥ ଉପାର୍ଜନ କରିଥାନ୍ତି। ଛୋଟରୁ ବଡ ବିଭିନ୍ନ ଆକୃତ୍ତିର ମୂର୍ତ୍ତି ନିର୍ମାଣ ସେ କରିଥାନ୍ତି।   ଏହା ବ୍ୟତୀତ ବିଶ୍ୱକର୍ମା ପୂଜା, ଦୁର୍ଗାପୂଜା, ସରସ୍ବତୀ ପୂଜା, କାଳୀ ପୂଜା, ଲକ୍ଷ୍ମୀ ପୂଜା ପାଇଁ ବିଭିନ୍ନ ଜାଗାକୁୁ ଯାଇ ସେ  ମୂର୍ତ୍ତି ନିର୍ମାଣ କରିଥାନ୍ତି । ଗଣେଶ ପୂଜା ପାଇଁ ଏକ ମାସ ପୂର୍ବରୁ ହିଁ ସେ ମୂର୍ତ୍ତି ନିର୍ମାଣ କାର୍ଯ୍ୟ ଆରମ୍ଭ କରିଥାନ୍ତି । କିନ୍ତୁ ବର୍ତ୍ତମାନ ରଙ୍ଗର ଚାହିଦା ବଢିଯିବା ଏବଂ ପ୍ଲାଷ୍ଟିକ ମୂର୍ତ୍ତି ବଜାରକୁ ଆସିବା ଯୋଗୁ ସେତେଟା ଲାଭ କମିଯାଇଛି ବୋଲି ଦୂରବ କହିଛନ୍ତି । ଦିବ୍ୟାଙ୍ଗ ହୋଇ ମଧ୍ୟ ଅନ୍ୟ ଉପରେ ସେ ନିର୍ଭର କରି ନାହାନ୍ତି।  ଇଚ୍ଛା ଥିରେ ଉପାୟ ଆପେ ଆସିଥାଏ । ଏହି ଅଳ୍ପବିଦ୍ୟା ତାଙ୍କୁ ଏବେ ଲୋକଲୋଚନକୁ ଆଣିଛି ଏବଂ ଏହାକୁ ନେଇ ସେ ଅତ୍ୟନ୍ତ ଖୁସି ବୋଲି  ଦୂରବ କହିଛନ୍ତି। 
All Right Reserved By

ରାୟଗଡା

ଅର୍ନିଦ୍ଦିଷ୍ଟ କାଳ ପର୍ଯ୍ୟନ୍ତ ଅଗ୍ନିଶମ କର୍ମଚାରୀଙ୍କ ଧାରଣା

ଅର୍ନିଦ୍ଦିଷ୍ଟ କାଳ ପର୍ଯ୍ୟନ୍ତ ଅଗ୍ନିଶମ କର୍ମଚାରୀଙ୍କ ଧାରଣା

ମାଥିଲି, ୨୪।୯ (ଡି.ଏନ.ଏ) : ବିଭିନ୍ନ ଦାବି ନେଇ ସୋମବାର ମାଲକାନଗିରି ଜିଲା ମାଥିଲି ପୁରୁଣା ବ୍ଲକ ପରିସରରେ ଥିବା ଅଗ୍ନିଶମ କାର୍ଯ୍ୟାଳୟ ସମ୍ମୁଖରେ ଅଗ୍ନିଶମ କର୍ମଚାରୀମାନେ ଅର୍ନିଦ୍ଦିଷ୍ଟ କାଳ ପର୍ଯ୍ୟନ୍ତ ଧାରଣା ଦେଇଛନ୍ତି।

ବିଦ୍ୟାଳୟ ଜୀବନ ବଖାଣିଲେ ପୁରାତନ ଛାତ୍ରୀଛାତ୍ର

ବିଦ୍ୟାଳୟ ଜୀବନ ବଖାଣିଲେ ପୁରାତନ ଛାତ୍ରୀଛାତ୍ର

ଜେକେପୁର,୨୩।୯(ଡି.ଏନ.ଏ): ରାୟଗଡା ଜିଲା ଚାନ୍ଦିଲି ପଞ୍ଚାୟତର ଜେକେପୁରସ୍ଥିତ ଲକ୍ଷ୍ମୀପତ ସିଂଘାଣିଆ ହାଇସ୍କୁଲର ୧୯୯୦ ମସିହା ବ୍ୟାଚର ବନ୍ଧୁମିଳନ ଅନୁଷ୍ଠିତ ହୋଇଯାଇଛି। ବିଦ୍ୟାଳୟ ପରିସରରେ ଶିକ୍ଷକ ପ୍ରଦୀପ କୁମାର ନାୟକଙ୍କ ଆବାହକତ୍ୱରେ ଆୟୋଜିତ ଏହି କାର୍ଯ୍ୟକ୍ରମରେ ଅତିଥି ଭାବେ ପ୍ରଧାନ ଶିକ୍ଷକ ବିଜୟ କୁମାର ମହାପାତ୍ର ଓ ଅବସରପ୍ରାପ୍ତ ପ୍ରଧାନ ଶିକ୍ଷୟିତ୍ରୀ ସରସ୍ବତୀ ଶର୍ମା ଯୋଗ ଦେଇଥିଲେ। 

କଲେଜର ସମସ୍ୟା ଜଣାଇଲେ ଛାତ୍ରୀ

କଲେଜର ସମସ୍ୟା ଜଣାଇଲେ ଛାତ୍ରୀ

ରାୟଗଡା ଅଫିସ୍‌, ୨୩।୯: ରାୟଗଡା ମହିଳା ମହାବିଦ୍ୟାଳୟରେ ଅଭିଭାବକ, ଅଧ୍ୟାପକ ଏବଂ ଛାତ୍ରୀମାନଙ୍କର ଏକ ସଭା ଅନୁଷ୍ଠିତ ହୋଇଯାଇଛି। ଏଥିରେ ଅଧ୍ୟକ୍ଷା ସୁଷମା ଦାସ ପୌରୋହିତ୍ୟ କରିଥିଲେ। ଶିକ୍ଷାବିତ୍‌ ଡା. ଦୁଷ୍ମନ୍ତ କୁମାର ମହାନ୍ତି ଓ ମଞ୍ଜୁଶ୍ରୀ ମୁଖାର୍ଜୀ ଯୋଗ ଦେଇ ଦିଗ୍‌ଦର୍ଶନ କରିଥିଲେ। ଛାତ୍ରୀମାନଙ୍କୁ ଉଚ୍ଚଶିକ୍ଷା କ୍ଷେତ୍ରରେ ପ୍ରେରଣା ଦେବାପାଇଁ ଅଭିଭାବକମାନଙ୍କୁ ଆହ୍ବାନ ଦେଇଥିଲେ। 

ଏନ୍‌ଏସି ବୈଠକରେ ନିଷ୍ପତ୍ତି: ଜିଲାପାଳଙ୍କ ଦୃଷ୍ଟିକୁ ଅଣାଯିବ ଅନିୟମିତତା

ଏନ୍‌ଏସି ବୈଠକରେ ନିଷ୍ପତ୍ତି: ଜିଲାପାଳଙ୍କ ଦୃଷ୍ଟିକୁ ଅଣାଯିବ ଅନିୟମିତତା

କାଶୀନଗର,୨୩।୯(ଡି.ଏନ.ଏ.): ଗଜପତି ଜିଲା କାଶୀନଗର ଏନ୍‌ଏସି କାର୍ଯ୍ୟାଳୟ ସଭାଗୃହରେ କାଉନସିଲ ବୈଠକ ଅନୁଷ୍ଠିତ ହୋଇଛି। ଏଥିରେ ଏନ୍‌ଏସି ଅଧ୍ୟକ୍ଷା ଏମ୍‌.ସୁଧାରାଣୀ ଅଧ୍ୟକ୍ଷତା କରିଥିଲେ। ଖାଦ୍ୟ ସୁରକ୍ଷା ଯୋଜନାରେ ରାଶନକାର୍ଡ ହିତାଧିକାରୀ ଚୟନରେ ଅନିୟମିତତା ହୋଇଥିବା ଅଭିଯୋଗ ନେଇ ଆଲୋଚନା କରାଯାଇଥିଲା। କାଶୀନଗରରେ ୫୮୨ ଜଣ ହିତାଧିକାରୀଙ୍କୁ ରାଶନକାର୍ଡ ବଣ୍ଟାଯିବା ପାଇଁ ସରକାରଙ୍କ ଦ୍ୱାରା ସ୍ଥିର ହୋଇଥିବା ବେଳେ ବହୁ ଦରଖାସ୍ତ ଆବେଦନ କରାଯାଇଛି।

ସିୱାଇଏସ୍‌ ପକ୍ଷରୁ ପଞ୍ଚାୟତସ୍ତରୀୟ ତାଲିମ କାର୍ଯ୍ୟକ୍ରମ

ସିୱାଇଏସ୍‌ ପକ୍ଷରୁ ପଞ୍ଚାୟତସ୍ତରୀୟ ତାଲିମ କାର୍ଯ୍ୟକ୍ରମ

ଚିତ୍ରକୋଣ୍ଡା,୨୩।୯: ମାଲକାନଗିରି- କୋରୁକୋଣ୍ଡା ପଞ୍ଚାୟତ ସମିତି ଅଧୀନ ପରକନମାଳା  ପଞ୍ଚାୟତ  ସଭାଗୃହରେ ସିୱାଇଏସ ପକ୍ଷରୁ ପଞ୍ଚାୟତସ୍ତରୀୟ କୃଷି ସମ୍ପର୍କିତ ତାଲିମ କାର୍ଯ୍ୟକ୍ରମ ଅନୁଷ୍ଠିତ ହୋଇଯାଇଛି। ପରକନମାଳା, ସୋମନାଥପୁର ଓ କୁଡୁମୁଲୁଗୁମା ପଞ୍ଚାୟତର ୩୦ ଜଣ ମହିଳା ଚାଷୀ ଏଥିରେ ସାମିଲ ହୋଇଥିଲେ। କାର୍ଯ୍ୟକ୍ରମକୁ ପରକନମାଳା ସରପଞ୍ଚ ଉଦ୍‌ଘାଟନ କରିଥିବା ବେଳେ ସଂଯୋଜକ ସଙ୍ଘମିତ୍ରା ସିଂହ ଆଭିମୁଖ୍ୟ ଉପରେ ଆଲୋକପାତ କରିଥିଲେ। 

ବନ୍ୟାରେ ଶତାଧିକ ଏକର ଧାନ ଚାଷ ନଷ୍ଟ

ବନ୍ୟାରେ ଶତାଧିକ ଏକର ଧାନ ଚାଷ ନଷ୍ଟ

ମାଲକାନଗିରି,୨୩।୯(ଡି.ଏନ୍‌.ଏ.): ମାଲକାନଗିରି ଜିଲାରେ ସବୁ ଅଞ୍ଚଳରେ ବନ୍ୟା ପରସ୍ଥିତି ଯୋଗୁ ଜିଲାବାସୀ ନାହିଁ ନ ଥିବା ଅସୁବିଧାର ସମ୍ମୁଖୀନ ହୋଇଛନ୍ତି। ଅନେକ ଧନ ସମ୍ପତ୍ତି ନଷ୍ଟ ହୋଇଛି। ଅନେକ ଅଞ୍ଚଳରେ କଚାଘର ଭାଙ୍ଗି ନଷ୍ଟ ହୋଇଛି। ଏହି ବନ୍ୟାରେ ବିଶେଷ କ୍ଷତିଗ୍ରସ୍ତ ହୋଇଛନ୍ତି ଚାଷୀ। ଜିଲାର କାଲିମେଲା ବ୍ଲକ ଚିତ୍ରାଙ୍ଗପାଲି ପଞ୍ଚାୟତର ମୁଦାଖାଲ, ଦୋରାଗୁଡା, ଉସ୍କାପାଲି, ଦୁରୁମାଗୁଡା ଗ୍ରାମର ପ୍ରାୟ ୨୦୦ରୁ ଊର୍ଦ୍ଧ୍ୱ ଚାଷୀଙ୍କ ଧାନ ଫସଲ ସମ୍ପୂର୍ଣ୍ଣ ନଷ୍ଟ ହୋଇଛି। 

ବିଭିନ୍ନ ପ୍ରକଳ୍ପର ଭିତ୍ତିପ୍ରସ୍ତର ସ୍ଥାପନ କଲେ ଏମ୍‌ପି

ବିଭିନ୍ନ ପ୍ରକଳ୍ପର ଭିତ୍ତିପ୍ରସ୍ତର ସ୍ଥାପନ କଲେ ଏମ୍‌ପି

କୋଟପାଡ଼, ୨୩।୯(ଡି.ଏନ୍‌.ଏ): କୋରାପୁଟ ଜିଲା କୋଟପାଡ଼ ଅଞ୍ଚଳକୁ ନବରଙ୍ଗପୁର ଏମ୍‌ପି ବଳଭଦ୍ର ମାଝି ଦିନିକିଆ ଗସ୍ତକରି ବିଭିନ୍ନ ଅଞ୍ଚଳରେ ଭିନ୍ନଭିନ୍ନ ପ୍ରକଳ୍ପ ନିମନ୍ତେ ଭିତ୍ତିପ୍ରସ୍ତର ସ୍ଥାପନ କରିଛନ୍ତି। ଏମ୍‌ପିଙ୍କ ସହିତ ସ୍ଥାନୀୟ ବିଧାୟକ ଚନ୍ଦ୍ରଶେଖର ମାଝି, ବ୍ଲକ୍‌ ଅଧ୍ୟକ୍ଷ ବୈଦ୍ୟନାଥ ପୂଜାରୀ, ପୂର୍ବତନ ବିଧାୟକ ସଦନ ନାୟକ, ପଦ୍ମିନୀ ହିଆଳ, ବ୍ଲକ୍‌ ଏଇ ଡି. ନାରାୟଣ ରାଓ, ମନୋହର ବିଷୋଇ ପ୍ରମୁଖ ଗସ୍ତ କରିଥିଲେ।

ବିଲ୍ଟ ପେପର ମିଲରେ ତୁଟୁନି ଅଚଳାବସ୍ଥା, ଆଶଙ୍କାରେ ଶ୍ରମିକଙ୍କ ଜୀବିକା

ବିଲ୍ଟ ପେପର ମିଲରେ ତୁଟୁନି ଅଚଳାବସ୍ଥା, ଆଶଙ୍କାରେ ଶ୍ରମିକଙ୍କ ଜୀବିକା

ଜୟପୁର୨୩।୯(ନି.ପ୍ର./ଡି.ଏନ୍‌.ଏ.): ଜୟପୁର ସ୍ଥିତ ବିଲ୍ଟ ପେପର ମିଲରେ ଅଚଳାବସ୍ଥା ତୁଟିପାରୁନାହିଁ। ୩ଟି ୟୁନିୟନ  ମିଲର ସମସ୍ତ ସର୍ତ୍ତ ମାନିବାକୁ ରାଜି ଥିବାବେଳେ ବିଏମ୍‌ଏସ୍‌ ସଂଘ ଏଥିରେ ଅରାଜି ହେବା ହଜାର ହଜାର ଶ୍ରମିକଙ୍କ ଜୀବିକାକୁ ଆଶଙ୍କା ଭିତରକୁ ଠେଲିଦେଇଛି। ୩ ମାସ ହେବ କାମ ଓ ଦରମା ନ ପାଇ ଶ୍ରମିକଙ୍କ ପରିବାର ଏବେ ହନ୍ତସନ୍ତ ହେଉଛନ୍ତି। ପେପରମିଲରେ କାର୍ଯ୍ୟରତ ୩ଟି ୟୁନିୟନର ମିଳିତ କାର୍ଯ୍ୟକାରୀ କମିଟି ଖବରଦାତା ସମ୍ମିଳନୀ ଦ୍ୱାରା ଜୟପୁରର ଏକମାତ୍ର ବୃହତ ଶିଳ୍ପର ଅଚଳାବସ୍ଥା ସମ୍ପର୍କରେ ସୂଚନା ଦେଇଛନ୍ତି। ଜୁଲାଇରୁ ୩ ମାସ ହେଲା କାରଖାନା ବନ୍ଦ ରହିଛି। 

‘ପରବ-୨୦୧୮’: କୋଟିଆର ସ୍ବର୍ଣ୍ଣ ପାହାଡ଼ରୁ ପଡ଼ିବ ଶୁଭ

‘ପରବ-୨୦୧୮’: କୋଟିଆର ସ୍ବର୍ଣ୍ଣ ପାହାଡ଼ରୁ ପଡ଼ିବ ଶୁଭ

କୋରାପୁଟ,୨୩।୯(ସ୍ବ.ପ୍ର.): କୋଟିଆର ସ୍ବର୍ଣ୍ଣ ପାହାଡ଼ରୁ ଲୋକ ମହୋତ୍ସବ ‘ପରବ-୨୦୧୮’ର ଶୁଭାରମ୍ଭ ହେବ। ସ୍ଥାନୀୟ ସଦ୍‌ଭାବନା ସଭାଗୃହରେ ଆୟୋଜିତ ପରବ ପ୍ରସ୍ତୁତି ବୈଠକରେ ଏହି ନିଷ୍ପତ୍ତି ହୋଇଛି। ପରବର ମୁଖ୍ୟ ମହୋତ୍ସବ ପାଇଁ ନଭେମ୍ବର ୧୬, ୧୭ ଓ ୧୮ ତାରିଖ ନିର୍ଘଣ୍ଟ ହୋଇଛି। କିନ୍ତୁ ଏହାର ଶୁଭାରମ୍ଭ ତାରିଖ ଏବଂ ମୁଖ୍ୟ ମହୋତ୍ସବ କେଉଁଠାରେ ହେବ, ସେ ନେଇ ନିଷ୍ପତ୍ତି ହୋଇନାହିଁ।

ନିମ୍ନମାନର କାମ ଯୋଗୁ ଭୁଷୁଡୁଛି ଚେକ୍‌ ଡ୍ୟାମ

ନିମ୍ନମାନର କାମ ଯୋଗୁ ଭୁଷୁଡୁଛି ଚେକ୍‌ ଡ୍ୟାମ

ନବରଙ୍ଗପୁର,୨୩।୯(ବି.ପ୍ର.)- ଚାଷୀଙ୍କ ହିତ ପାଇଁ ନିର୍ମାଣ ହେଉଛି ଚେକ୍‌ ଡ୍ୟାମ। କିନ୍ତୁ ନିର୍ମାଣ ନିମ୍ନମାନର ହେଉଥିବା ଯୋଗୁ ବିଭିନ୍ନ ସମୟରେ ଏହା ଭୁଷୁଡି ପଡିବାର ନଜିର ରହିଛି।  ନବରଙ୍ଗପୁର ଜିଲା ତେନ୍ତୁଳିଖୁଣ୍ଟି ବ୍ଲକ  କାମତା  ସଙ୍ଗଜଡି ନାଳରେ  ୫ ଳକ୍ଷ ଟଙ୍କା 

ପିଲାଙ୍କ ଶିକ୍ଷା ପାଇଁ ଅଣ୍ଟା ଭିଡ଼ିଛନ୍ତି ପୂର୍ଣ୍ଣ ଟାକ୍ରୀ

ପିଲାଙ୍କ ଶିକ୍ଷା ପାଇଁ ଅଣ୍ଟା ଭିଡ଼ିଛନ୍ତି ପୂର୍ଣ୍ଣ ଟାକ୍ରୀ

ଦଶମନ୍ତପୁର,୨୩।୯(ଡି.ଏନ୍‌.ଏ.)- ନିଆରା ମଣିଷ ପୂର୍ଣ୍ଣ ଟାକ୍ରୀ। ପିଲାଙ୍କ ଶିକ୍ଷା ପାଇଁ ଦୀର୍ଘ ବର୍ଷ ସେ ଅଣ୍ଟା ଭିଡ଼ିଛନ୍ତି। ବିଦ୍ୟାଳୟ ଯିବା ପୂର୍ବରୁ ଏବଂ ପର ସମୟରେ ପିଲାଙ୍କୁ ଶିକ୍ଷାଦାନ କରନ୍ତି ପୂର୍ଣ୍ଣ। ଏଥିପାଇଁ କୋରାପୁଟ ଜିଲା ଦଶମନ୍ତପୁର ବ୍ଲକ ଅନ୍ତର୍ଗତ ନନ୍ଦିଗାଁ 

ପଞ୍ଚାୟତସ୍ତରୀୟ କର୍ମଶାଳା

ପଞ୍ଚାୟତସ୍ତରୀୟ କର୍ମଶାଳା

ସେମିଳିଗୁଡ଼ା,୨୨ା୯(ସ୍ବ.ପ୍ର)-କୋରାପୁଟ ଜିଲା ସେମିଳିଗୁଡ଼ା ବ୍ଲକ୍‌ ପୌର ପରିଷଦ ଦକ୍ଷତା ବୃଦ୍ଧି କେନ୍ଦ୍ରରେ ପଞ୍ଚାୟତସ୍ତରୀୟ କର୍ମଶାଳା ଆରମ୍ଭ ହୋଇଛି। ଏଥିରେ ମୁଖ୍ୟ ଅତିଥିଭାବେ ଓଡ଼ିଶା ଖଦି ଓ ଗ୍ରାମ୍ୟଦ୍ୟୋଗ ବୋର୍ଡ ସଭାପତି ତେଜେଶ୍ୱର ପରିଡ଼ା ଯୋଗଦେଇଥିବା ବେଳେ ସମ୍ମାନୀତ ଅତିଥିଭାବେ  ଈଶ୍ୱର ପାଣିଗ୍ରାହୀ, ପ୍ରଫୁଲ୍ଲ ପାଙ୍ଗି,  ପୂର୍ବତନ ବିଧାୟକ ରଘୁରାମ ପୋଡାଲ, ଅମିତ ଅଗ୍ରଓ୍ବାଲ,  ଯୁବ ବିଜେଡି ସଭାପତି ଜୋନ-୧ ଜେଡ଼ିପି ସାମ ହନ୍ତାଳ ଏବଂ ସେମିଳିଗୁଡ଼ା ବ୍ଲକ୍‌ର ୧୭ ଟି ଗ୍ରାମ ପଞ୍ଚାୟତର ଓ୍ବାର୍ଡ ମେମ୍ବର , ସମିତି ସଭ୍ୟ ଯୋଗଦେଇଥିଲେ।  ଆଗାମୀ ନିର୍ବାଚନ ପାଇଁ ବିଭିନ୍ନ  ଦିଗ ଉପରେ ଏଠାରେ ଆଲୋଚନା ହୋଇଛି।