ସମ୍ବଲପୁର

ବେଆଇନ ବ୍ଲାଷ୍ଟିଂ, ଲୋକେ ଆତଙ୍କିତ

ବେଆଇନ ବ୍ଲାଷ୍ଟିଂ, ଲୋକେ ଆତଙ୍କିତ
ଲୋଇସିଂହା,୧୨।୯(ଡି.ଏନ୍‌.ଏ.)-ବଲାଙ୍ଗୀର ଜିଲା ଲୋଇସିଂହା ତହସିଲ ଅଧୀନ କୁଶମେଲ ଗ୍ରାମର ଲୋୟର ସୁକତେଲ ସହକାରୀ ଯନ୍ତ୍ରୀଙ୍କ କାର୍ଯ୍ୟାଳୟକୁ ଲାଗିଥିବା ଏକ ଛୋଟ ପାହାଡରୁ ବେଆଇନ ଭାବେ ପଥର ବ୍ଲାଷ୍ଟିଂ କରାଯାଉଛି। ଡିନାମାଇଟ ବିସ୍ଫୋରଣରେ ଅଞ୍ଚଳର କୁଶମେଲ, ଫଟାବାହଲ ଗ୍ରାମ ଥରି ଉଠୁଛି। ଲୋୟର ସୁକତେଲ କାର୍ଯ୍ୟାଳୟରେ କାର୍ଯ୍ୟରତ ୧୩ଜଣ କର୍ମଚାରୀ ଜୀବନକୁ ପାଣି ଛଡାଇ ରହୁଥିବା ଅଭିଯୋଗ ହୋଇଛି। ଅଭିଯୋଗ ପାଇ ମଙ୍ଗଳବାର ଲୋଇସିଂହା ତହସିଲଦାର କର୍ଣ୍ଣ ମଲ୍ଲିକ ଘଟଣାସ୍ଥଳ ପରିଦର୍ଶନ କରିଥିଲେ। ବେଆଇନ ପଥର ଉତ୍ତୋଳନକାରୀଙ୍କ ବିରୋଧରେ ଦୃଢ କାର୍ଯ୍ୟନୁଷ୍ଠାନ ଗ୍ରହଣ କରାଯିବ ବୋଲି ପ୍ରକାଶ କରିଛନ୍ତି। 
ଅଭିଯୋଗ ମୁତାବକ, ଲୋଇସିଂହା ତହସିଲ ଅଧୀନ କୁଶମେଲ ଗ୍ରାମରେ ଲୋୟର ସୁକତେଲ ସହକାରୀ ଯନ୍ତ୍ରୀ ବିଭାଗ ୩ଙ୍କ କାର୍ଯ୍ୟାଳୟ ରହିଛି। କାର୍ଯ୍ୟାଳୟ ପାଚେରିକୁ ଲାଗି କୁଶମେଲ ମୌଜାର ଫଟାବାହଲ ଗ୍ରାମର ଭୀମସେନ ମହାପାତ୍ରଙ୍କ ଖାତା ନଂ ୩୫୧/୩୯୯ରେ ବ୍ୟକ୍ତିଗତ ଜମି ରହିଛି। ଏହି ଖତିୟାନର ୬୯୨ ଆଟମାମୁଲି ଜମିରେ ଏକ ଛୋଡ ପାହାଡ ଓ ପଥର ବାରୀ ରହିଛି। ଏହି କ୍ୱାରୀ ଉପରେ ଏବେ ମାଫିଆଙ୍କ ଲୋଲୁପ ଦୃଷ୍ଟି ପଡିଛି। ଜମି ମାଲିକଙ୍କ ବିନା ଅଗୋଚରରେ ୪ମାସ ତଳେ ବେଆଇନଭାବେ ପଥର ଉତ୍ତୋଳନ କରାଯାଇଥିଲା। ସେତେବେଳେ ଫଟାବାହଲ ଓ କୁଶମେଲ ଗ୍ରାମବାସୀ ଜିଲା ପ୍ରଶାନର ଦ୍ୱାରସ୍ଥ ହେବାରୁ ପଥର ଉତ୍ତୋଳନ ବନ୍ଦ ରହିଥିଲା। କିଛି ଦିନର ନୀରବତା ପରେ ବେଆଇନ ଉତ୍ତୋଳନକାରୀ ସକ୍ରିୟ ହୋଇ ପଡିଛନ୍ତି। ଗତ ଶୁକ୍ରବାର ଅପରାହ୍ନରେ ୧୮ଫୁଟ ଗଭୀର ଗାତ ଖୋଳି ପ୍ରାୟ ୫୦ ଡିନାମାଇନ ବିସ୍ଫୋରଣ ଘଟାଇଥିଲେ। ବିସ୍ଫୋରଣରେ ଫଟାବାହଲ ଓ କୁଶମେଲ ଗ୍ରାମ ଥରି ଉଠିଥିଲା। ବିସ୍ଫୋରଣ ଫଳରେ କ୍ୱାରୀ ସଂଲଗ୍ନ ଲୋୟର ସୁକତେଲ କାର୍ଯ୍ୟାଳୟ ପରିସରରେ ପଥର ଛିଟିକି ଶୌଚାଳୟ ପାଣି ଟାଙ୍କି ଓ ପାଇପଗୁଡିକ ଫାଟି ଯାଇଥିଲା। ଏଥିରେ କର୍ମଚାରୀମାନେ ଅଳ୍ପକେ ବର୍ତ୍ତି ଯାଇଥିଲେ। ଏ ସଂକ୍ରାନ୍ତରେ ଜମି ମାଲିକ  ଏବଂ ତାଙ୍କ ଜ୍ୱାଇଁ ମାଗୁରବେଡା ଫାଣ୍ଡି ଓ ବଲାଙ୍ଗୀର ସଦର ଥାନାରେ ଅଭିଯୋଗ କରିଥିଲେ।
All Right Reserved By

ସମ୍ବଲପୁର

 ଭୀମଭୋଇଙ୍କ ସିଦ୍ଧି ଦିବସ: ଭିତ୍ତିଭୂମି ବିକାଶ, ଇକୋ ଟୁରିଜମ୍‌ ଉପରେ ଗୁରୁତ୍ୱ

ଭୀମଭୋଇଙ୍କ ସିଦ୍ଧି ଦିବସ: ଭିତ୍ତିଭୂମି ବିକାଶ, ଇକୋ ଟୁରିଜମ୍‌ ଉପରେ ଗୁରୁତ୍ୱ

 ସୋନପୁର,୧୮।୧୧(ନି.ପ୍ର.): ସନ୍ଥକବି ଭୀମଭୋଇଙ୍କର ପବିତ୍ର ସିଦ୍ଧି ଦିବସ ସୁବର୍ଣ୍ଣପୁର ଜିଲା ଖଲିଆପାଲିସ୍ଥିତ କବିଙ୍କ ସାଧନା, ସିଦ୍ଧି ଓ ସମାଧି ପୀଠରେ ରବିବାର ପାଳିତ ହୋଇଯାଇଛି । ଭୀମଭୋଇ ସମାଧି ପୀଠ ଟ୍ରଷ୍ଟ ଓ ଜିଲା ସଂସ୍କୃତି ପରିଷଦର ମିଳିତ ଆନୁକୁଲ୍ୟରେ ଅନୁଷ୍ଠିତ ଏହି ଉତ୍ସବରେ ଜିଲାପାଳ ତଥା ଟ୍ରଷ୍ଟର ଅଧ୍ୟକ୍ଷ ମଧୁସୂଦନ ମିଶ୍ର ମୁଖ୍ୟ ଅତିଥିଭାବେ ଯୋଗ ଦେଇଥିଲେ। 

ସୁରେନ୍ଦ୍ର ମେମୋରିଆଲ ଫୁଟବଲ : ମହିନ୍ଦ୍ରା ଆଣ୍ଡ ମହିନ୍ଦ୍ରା ଚାମ୍ପିୟନ

ସୁରେନ୍ଦ୍ର ମେମୋରିଆଲ ଫୁଟବଲ : ମହିନ୍ଦ୍ରା ଆଣ୍ଡ ମହିନ୍ଦ୍ରା ଚାମ୍ପିୟନ

ଦେଓଗାଁ,୧୮ା୧୧(ଡି.ଏନ.ଏ.):ବଲାଙ୍ଗୀର ଜିଲା ଦେଓଗାଁ ବ୍ଲକ ଅନ୍ତର୍ଗତ ଜରାସିଂହା ମିନିଷ୍ଟାଡିୟମରେ ଚାଲିଥିବା ୪ର୍ଥ ସୁରେନ୍ଦ୍ର ମେହେର ମୋମୋରିଆଲ ଅଲ୍‌ ଓଡିଶା ଫୁଟବଲ ଟୁର୍ନାମେଣ୍ଟ ରବିବାର  ଉଦଯାପିତ ହୋଇଯାଇଛି। ଉଦ୍‌ଯାପନୀ ଦିବସରେ ଜରାସିଂହା ବିଏନଏଏ ଓ ନୂଆଁପଡା ମହିନ୍ଦ୍ରା ଆଣ୍ଡ ମହିନ୍ଦ୍ରା କ୍ଲବ ମଧ୍ୟରେ ଫାଇନାଲ ଖେଳ ଅନୁଷ୍ଠିତ ହୋଇଥିଲା।  

ଜାମୁଡିହିଠାରେ ପ୍ରଧାନ ଶିକ୍ଷକ ସମ୍ମିଳନୀ :ବିଦ୍ୟାଳୟରୁ ଶୃଙ୍ଖଳା, ସଂସ୍କାର ଆରମ୍ଭ ହୋଇପାରିବ

ଜାମୁଡିହିଠାରେ ପ୍ରଧାନ ଶିକ୍ଷକ ସମ୍ମିଳନୀ :ବିଦ୍ୟାଳୟରୁ ଶୃଙ୍ଖଳା, ସଂସ୍କାର ଆରମ୍ଭ ହୋଇପାରିବ

ଲହୁଣୀପଡା, ୧୮।୧୧ (ଡି.ଏନ.ଏ)-ସୁନ୍ଦରଗଡ ଜିଲା କେ.ବଲାଙ୍ଗ ଥାନା ଅନ୍ତର୍ଗତ ଜାମୁଡିହି ଉଚ୍ଚ ବିଦ୍ୟାଳୟ ପରିସରରେ ଶୁକ୍ରବାର କୋଇଡା ବ୍ଲକ ପ୍ରଧାନଶିକ୍ଷକ ସମ୍ମିଳନୀ ଅନୁଷ୍ଠିତ ହୋଇଥିଲା। ଏଥିରେ ଜିଲା ଶିକ୍ଷା ଅଧିକାରୀ ରଞ୍ଜନ କୁମାର ଗିରି ମୁଖ୍ୟଅତିଥି ଭାବେ ଯୋଗଦେଇ ଉଦ୍‌ବୋଧନ ଦେଇଥିଲେ। ମୁଖ୍ୟବକ୍ତା ଭାବେ ଡିପିସି ଅମୂଲ୍ୟ କୁମାର ପ୍ରଧାନ, ସମ୍ମାନିତ ଅତିଥି ଭାବେ ଅତିରିକ୍ତ ଜିଲା ଶିକ୍ଷାଧିକାରୀ ରାଜଶ୍ରୀ ପଟ୍ଟନାୟକ, ବଡ଼ଗାଁ ବ୍ଲକ ଶିକ୍ଷାଧିକାରୀ ସାରଙ୍ଗଧର ବରିହା, ଲହୁଣୀପଡା ବ୍ଲକ ଶିକ୍ଷାଧିକାରୀ ଆହ୍ଲାଦିନି ନାଏକ, ସବ୍‌ଡେଗା ବ୍ଲକ 

ଜିଲାସ୍ତରୀୟ କ୍ରିକେଟ: ବିଦ୍ୟାଳୟ କ୍ରୀଡାପାଇଁ ଉପଯୁକ୍ତ ସୁଯୋଗ ଦେଇଥାଏ

ଜିଲାସ୍ତରୀୟ କ୍ରିକେଟ: ବିଦ୍ୟାଳୟ କ୍ରୀଡାପାଇଁ ଉପଯୁକ୍ତ ସୁଯୋଗ ଦେଇଥାଏ

ନୂଆପଡା ଅଫିସ,୧୮।୧୧- 

କ୍ରୀଡା ପ୍ରତ୍ୟେକ ଛାତ୍ରୀଛାତ୍ରଙ୍କ ପାଇଁ ଅଭିନ୍ନ ଅଙ୍ଗ। କ୍ରୀଡା ଦ୍ୱାରା ଶାରିରୀକ ଏବଂ ମାନସିକ ବିକାଶ ସମ୍ଭବ ହୋଇଥାଏ। ବିଦ୍ୟାଳୟ ହିଁ ଉପଯୁକ୍ତ କ୍ରୀଡାବିତ ସୃଷ୍ଟି କରିଥାଏ। ବିଦ୍ୟାଳୟ କ୍ରୀଡା ସକାଶେ ଉପଯୁକ୍ତ ବାତାବରଣ ଏବଂ ସୁଯୋଗ ଦେଇଥାଏ ବୋଲି ମତ ପ୍ରକାଶ ପାଇଛି। ସ୍ଥାନୀୟ ମିନିଷ୍ଟାଡିୟମରେ ଆୟୋଜିତ ୭ମ ଜିଲାସ୍ତରୀୟ କ୍ରିକେଟ ଓ ବ୍ୟାଡମିଣ୍ଟନ ପ୍ରତିଯୋଗିତାରେ ଯୋଗଦେଇ ବକ୍ତାମାନେ ଏହି ମତ ରଖିଥିଲେ। 

ହକି ବିଶ୍ୱକପ୍‌ ପାଇଁ  ବିଜୁ ଯୁବ ବାହିନୀ ଦ୍ୱାରା ବିଭିନ୍ନ କାର୍ଯ୍ୟକ୍ରମ ପାଇଁ ବୈଠକ :ସ୍ବତନ୍ତ୍ର ଏଲଇଡି ସ୍କ୍ରିନ୍‌ ଦ୍ୱାରା ସିଧାପ୍ରସାରଣ

ହକି ବିଶ୍ୱକପ୍‌ ପାଇଁ ବିଜୁ ଯୁବ ବାହିନୀ ଦ୍ୱାରା ବିଭିନ୍ନ କାର୍ଯ୍ୟକ୍ରମ ପାଇଁ ବୈଠକ :ସ୍ବତନ୍ତ୍ର ଏଲଇଡି ସ୍କ୍ରିନ୍‌ ଦ୍ୱାରା ସିଧାପ୍ରସାରଣ

ସୁନ୍ଦରଗଡ଼,୧୮।୧୧ (ଡି.ଏନ୍‌.ଏ) -ପୁରୁଷ ହକି ବିଶ୍ୱକପ୍‌ ନଭେମ୍ବର ୨୭ରୁ ଡିସେମ୍ବର ୧୬ ପର୍ଯ୍ୟନ୍ତ ଅନୁଷ୍ଠିତ ହେବ। ଏଥି ନିମନ୍ତେ ଯୁବ କ୍ରୀଡାବିତ୍‌ମାନଙ୍କ ମଧ୍ୟରେ ସଚେତନତା ସୃଷ୍ଟି ନିମନ୍ତେ ରାଜ୍ୟ ସରକାର ବିଜୁ ଯୁବ ବାହିନୀ ଦ୍ୱାରା ରାଜ୍ୟର ୩୦ଟି ଜିଲାରେ ବିଭିନ୍ନ ସଚେତନତା କାର୍ଯ୍ୟକ୍ରମ ସକାଶେ ସ୍ଥିର କରିଛନ୍ତି। ନଭେମ୍ବର ୨୫ ରୁ ଡିସେମ୍ବର ୧୬ ପର୍ଯ୍ୟନ୍ତ ପୁରୁଷ ହକି ବିଶ୍ୱ କପ୍‌ ପାଇଁ ସୁନ୍ଦରଗଡ ଜିଲା ନିମନ୍ତେ ବିଭିନ୍ନ କାର୍ଯ୍ୟକ୍ରମ ସକାଶେ ଜିଲାପାଳ ସୁରେନ୍ଦ୍ର କୁମାର ମୀନାଙ୍କ ଅଧ୍ୟକ୍ଷତାରେ ପ୍ରଗତି ମଣ୍ଡପଠାରେ ଏକ ବୈଠକ ଅନୁଷ୍ଠିତ ହୋଇଥିଲା। ବୈଠକରେ ବିଭିନ୍ନ 

ଅସହାୟ ମହିଳାଙ୍କ ଶୁଦ୍ଧିକ୍ରିୟା କଲେ ବଜରଙ୍ଗ ଦଳ କର୍ମୀ

ଅସହାୟ ମହିଳାଙ୍କ ଶୁଦ୍ଧିକ୍ରିୟା କଲେ ବଜରଙ୍ଗ ଦଳ କର୍ମୀ

ବଡ଼ଗାଁ, ୧୮।୧୧ (ଡି.ଏନ.ଏ)- ସୁନ୍ଦରଗଡ ଜିଲା ବଡଗାଁରେ ଦୀର୍ଘ ୪୦ ବର୍ଷ ହେଲା ବିହାର ରାଜ୍ୟରୁ ଆସି ଏଠାରେ ରହି ଆସୁଥିବା ନିଃସନ୍ତାନ ଦମ୍ପତ୍ତିଙ୍କ ମଧ୍ୟରୁ ବୃଦ୍ଧା ଜିରାଦେବୀଙ୍କ ଗତମାସ ୫ ତାରିଖ ମୃତ୍ୟୁ ହୋଇଥିଲା । ବଡଗାଁ ଗୌଡପଡାର ଯୁବକ ଓ ସ୍ଥାନୀୟ ମା’ ତାରିଣୀ କ୍ଲବ ସଦସ୍ୟମାନେ ତାଙ୍କ ଶବ ସତ୍କାର କରିଥିଲେ । ଶନିବାର ଦ୍ୱାଦଶ ଦିବସରେ ଶୁଦ୍ଧିକ୍ରିୟା କର୍ମ ବଡଗାଁ ମଣ୍ଡଳ ବଜରଙ୍ଗ ଦଳ କର୍ମୀମାନଙ୍କ ଦ୍ୱାରା କରାଯାଇଛି। ବଡଗାଁ ମଣ୍ଡଳ ସଭାପତି ରାଜେଶ ଦାସ, ସମ୍ପାଦକ ତାପସ ବିଶି, ସାହାଜବାହାଲ ପଞ୍ଚାୟତ ସଭାପତି ଯୋଗିନ୍ଦ୍ର ଲେହେରୀ, ବଜରଙ୍ଗ କର୍ମୀ 

ଶ୍ରୀକାନ୍ତ ମେମୋରିଆଲ କ୍ରିକେଟ ଟୁର୍ନାମେଣ୍ଟ ଉଦ୍‌ଯାପିତ: ଛତିଶଗଡର କୁନକୁରୀ ଚାମ୍ପିୟନ

ଶ୍ରୀକାନ୍ତ ମେମୋରିଆଲ କ୍ରିକେଟ ଟୁର୍ନାମେଣ୍ଟ ଉଦ୍‌ଯାପିତ: ଛତିଶଗଡର କୁନକୁରୀ ଚାମ୍ପିୟନ

ବାଲିଶଙ୍କରା, ୧୮।୧୧ (ଡି.ଏନ.ଏ)-ସୁନ୍ଦରଗଡ଼ ଜିଲା ବାଲିଶଙ୍କରା ରାଜାବଙ୍ଗଳା ଖେଳ ପଡିଆରେ ୧୨ରୁ ୧୭ ତାରିଖ ପର୍ଯ୍ୟନ୍ତ ଚାଲିଥିବା ୪ତମ ଶ୍ରୀକାନ୍ତ ମେମୋରିଆଲ କ୍ରିକେଟ ଟୁର୍ନାମେଣ୍ଟ ଉଦ୍‌ଯାପିତ ହୋଇଯାଇଛି। ଏହି ଅବସରରେ ମୁଖ୍ୟଅତିଥି ରୂପେ ପାଣି ପଞ୍ଚାୟତ ଅଧ୍ୟକ୍ଷ ତଳସରା ଅନୀଲ ବେହେରା ଯୋଗଦେଇ କଠିନ ପରିଶ୍ରମ ଧୈର୍ଯ୍ୟ ଧରି ଏକାଗ୍ରତା ଶାନ୍ତିବଜାୟ ରଖି ପାରିଲେ ଉଚ୍ଚକୋଟିର ଖେଳାଳି ହୋଇ ପାରିବେ ବୋଲି ମତବ୍ୟକ୍ତ କରିଥିଲେ। ସମ୍ମାନିତ ଅତିଥି ଭାବେ  କଲ୍ୟାଣୀ ଏସଏଚଜି ଗ୍ରୁପ ସଭାପତି ଜୟନ୍ତୀ ଏକ୍କା, ସରପଞ୍ଚ ଦୀନବନ୍ଧୁ ସାଏ, 

ବଢୁଛି ଅପରାଧ, ପୋଲିସ ଚୁପ୍‌

ବଢୁଛି ଅପରାଧ, ପୋଲିସ ଚୁପ୍‌

ବଲାଙ୍ଗୀର ଅଫିସ,୧୮ା୧୧ବଲାଙ୍ଗୀର ସହରରେ ଏବେ ଡ୍ରଗ୍ସ କାରବାର, ଲୁଟ୍‌ପାଟ୍‌ ଘଟଣା ବଢ଼ିବାରେ ଲାଗିଛି ା ବିଭିନ୍ନ ଛକ ଓ ରାସ୍ତାରେ ରୋଡ ରୋମିଓଙ୍କ ସଂଖ୍ୟା ବୃଦ୍ଧି ଯୋଗୁଁ ବିଶେଷକରି ଛାତ୍ରୀ ଓ ଯୁବତୀମାନେ  ହଇରାଣ ହରକତ ହେଉଛନ୍ତି । 

ନେକ୍ସଜେନ୍‌ କପ୍‌ କ୍ରିକେଟ ଟୁର୍ନାମେଣ୍ଟ: ସୁନ୍ଦରଗଡ଼ ପବ୍ଲିକ ସ୍କୁଲ, କେନ୍ଦ୍ରୀୟ ବିଦ୍ୟାଳୟ ବିଜୟୀ

ନେକ୍ସଜେନ୍‌ କପ୍‌ କ୍ରିକେଟ ଟୁର୍ନାମେଣ୍ଟ: ସୁନ୍ଦରଗଡ଼ ପବ୍ଲିକ ସ୍କୁଲ, କେନ୍ଦ୍ରୀୟ ବିଦ୍ୟାଳୟ ବିଜୟୀ

ସୁନ୍ଦରଗଡ଼, ୧୭।୧୧ (ଡି.ଏନ.ଏ)- ସୁନ୍ଦରଗଡ଼ ଜିଲା କ୍ରୀଡା ସଂସଦ ଏବଂ ନବଜୀବନ କ୍ଲବର ମିଳିତ ସହଯୋଗରେ ଆୟୋଜିତ ନେକ୍ସଜେନ କପର ତୃତୀୟ ଦିବସରେ ପ୍ରଥମ ମ୍ୟାଚରେ ସୁନ୍ଦରଗଡ ପବ୍ଲିକ ସ୍କୁଲ, ରାଜଗାଙ୍ଗପୁର ନିର୍ମଳା ଇଂରାଜୀ ମିଡିୟମ ସ୍କୁଲକୁ ଭେଟିଥିଲା। ସୁନ୍ଦରଗଡ଼ ପବ୍ଲିକ ସ୍କୁଲ ଟସ୍‌ ଜିଣି ପ୍ରଥମେ ବ୍ୟାଟିଂ କରିବାକୁ ନିଷ୍ପତ୍ତି ନେଇଥିଲା। ଅନୀଲ ସିଂଙ୍କ ୪୫ରନ ଏବଂ ସୋନି ସାହୁଙ୍କ ୩୬ ରନ ସହାୟତାରେ ଦଳ ନିର୍ଦ୍ଧାରିତ ୨୦ ଓଭରରେ ୬ ଉଇକେଟ ହରାଇ ୧୩୬ ରନ କରିଥିଲା। ଏହାର ଜବାବରେ ନିର୍ମଳା ଇଂରାଜୀ ମିଡିୟମ ସ୍କୁଲ 

ଖରିଫ ଧାନ ବିକ୍ରି ପାଇଁ ୧୩,୧୩୬ ଚାଷୀ ପଞ୍ଜୀକୃତ

ଖରିଫ ଧାନ ବିକ୍ରି ପାଇଁ ୧୩,୧୩୬ ଚାଷୀ ପଞ୍ଜୀକୃତ

ଝାରସୁଗୁଡ଼ା ଅଫିସ,୧୭।୧୧- ଚଳିତବର୍ଷ ଖରିଫ ଧାନକିଣା ଡିସେମ୍ବର ୩ରୁ ଆରମ୍ଭ ହେବ। ଏହି ପ୍ରକ୍ରିୟାକୁ ଶୃଙ୍ଖଳିତ କରିବା ପାଇଁ ଜିଲାସ୍ତରୀୟ ଧାନ ସଂଗ୍ରହ କମିଟି ବୈଠକରେ ସ୍ଥିର ହୋଇଛି। ଧାନ ସଂଗ୍ରହ ପୂର୍ବରୁ ଚାଷୀ ପଞ୍ଜୀକରଣ ଜରୁରୀ ହୋଇଥିବା ବେଳେ ଏହା ଶେଷ ପର୍ଯ୍ୟାୟରେ ପହଞ୍ଚିଛି। ବର୍ତ୍ତମାନ ସୁଦ୍ଧା ଝାରସୁଗୁଡ଼ା ଜିଲାରେ ୧୩,୧୩୬ ଜଣ ଚାଷୀ ପଞ୍ଜୀକୃତ ହୋଇଥିବା ଜଣାଯାଇଛି। ଖରିଫ ଧାନ ବିକ୍ରି ପାଇଁ ଜୁଲାଇ ମାସରୁ ଚାଷୀ ପଞ୍ଜୀକରଣ ଆରମ୍ଭ ହୋଇଥିଲା। ଏଥିରେ ନିୟମିତ ବିକ୍ରି କରୁଥିବା ୧୨୨୪ ଜଣ ଚାଷୀ ନବୀକରଣ କରିଥିବା ବେଳେ ଚଳିତ ବର୍ଷ ୯୧୧୨ଜଣ ନୂତନ ଭାବେ ପଞ୍ଜୀକରଣ କରିଛନ୍ତି। 

ନାକଟିଦେଉଳରେ ହାତୀ ଖାଇଲେ ଧାନ

ନାକଟିଦେଉଳରେ ହାତୀ ଖାଇଲେ ଧାନ

ନାକଟିଦେଉଳ,୧୭।୧୧(ଡି.ଏନ.ଏ.)- ସମ୍ବଲପୁର ଜିଲା ନାକଟିଦେଉଳ ବ୍ଲକ ସଦର ଗ୍ରାମ ତଥା ଆଖପାଖ ଅଞ୍ଚଳରେ ହାତୀ ଉପଦ୍ରବ ବଢ଼ିବାରେ ଲାଗିଛି। ହାତୀପଲ ଶୁକ୍ରବାର ରାତିରେ ଧାନ କ୍ଷେତରେ ପଶି ପାଚିଲା ଧାନ ଖାଇବା ସହ ଦଳିଚକଟି ନଷ୍ଟ କରି ଦେଇଥିବା ଅଭିଯୋଗ ହୋଇଛି। ଗତ କିଛି ଦିନ ହେବ ହାତୀପଲ ସାହେବୀ, ପୋଡ଼ାମାଳ, ମାନକୁଣ୍ଡା ଏବଂ ଧଣ୍ଡମୁଣ୍ଡା ଗ୍ରାମରେ ପଶି ପ୍ରାୟ ୫୦ ଏକରରୁ ଊର୍ଦ୍ଧ୍ୱ ଧାନ ଫସଲ ନଷ୍ଟ କରିଦେଇଥିଲେ। ହାତୀପଲ ଶୁକ୍ରବାର ରାତ୍ରିରେ ମୁଷାକାନ, ପଣସଢିପ, ଜଗନ୍ନାଥ ପ୍ରସାଦ, ନାକଟିଦେଉଳ, ଖମଣମୁଣ୍ଡା ଏବଂ ପେଣ୍ଠବାହାଲ ଗ୍ରାମରେ ପଶି ବ୍ୟାପକ କ୍ଷୟକ୍ଷତି ଘଟାଇଛନ୍ତି ।

ବିଶ୍ୱ ଶୌଚାଳୟ ଦିବସ ଅବସରରେ ମିନି ମାରାଥନ

ବିଶ୍ୱ ଶୌଚାଳୟ ଦିବସ ଅବସରରେ ମିନି ମାରାଥନ

ନାକଟିଦେଉଳ,୧୭।୧୧(ଡି.ଏନ୍‌.ଏ.)- ସମ୍ବଲପୁର ଜିଲା ନାକଟିଦେଉଳ ବ୍ଲକରେ ଶନିବାର ବ୍ଲକ ପ୍ରଶାସନ ଏବଂ ଜଳ ଓ ପରିମଳ ବିଭାଗର ମିଳିତ ଆନୁକୂଲ୍ୟରେ ବିଶ୍ୱ ଶୌଚାଳୟ ଦିବସ ଅବସରରେ ଏକ ମିନି ମାରାଥନ ଅନୁଷ୍ଠିତ ହୋଇଯାଇଛି। ଶନିବାର ସକାଳ ସାଢ଼େ ୭ଟାରେ ସ୍ଥାନୀୟ ଗୋଧୁଢ଼ିପ ଛକଠାରୁ ମାରାଥନ ବାହାରି ବ୍ଲକ କାର୍ଯ୍ୟାଳୟ ପର୍ଯ୍ୟନ୍ତ ଯାଇଥିଲା । ଏଥିରେ ସାମିଲ ହୋଇଥିବା ବ୍ୟକ୍ତି ଏବଂ ଛାତ୍ରୀଛାତ୍ରମାନେ ବ୍ୟାନର ଓ ପ୍ଲାକାର୍ଡ ଧରି ଶୌଚାଳୟ ବ୍ୟବହାର ସମ୍ପର୍କରେ ସଚେତନତା ବାର୍ତ୍ତା ଦେଇଥିଲେ।