ରାଜ୍ୟ | ବ୍ରହ୍ମପୁର

ଦାରିଙ୍ଗବାଡ଼ିରେ ମୋମୋ ଆତଙ୍କ: ବାରମ୍ବାର ଫୋନକଲ୍‌କୁ ନେଇ ଭୟରେ ସହକାରୀ ଶିକ୍ଷକ, ଥାନାରେ ଫେରାଦ

ଦାରିଙ୍ଗବାଡ଼ିରେ ମୋମୋ ଆତଙ୍କ: ବାରମ୍ବାର ଫୋନକଲ୍‌କୁ ନେଇ ଭୟରେ ସହକାରୀ ଶିକ୍ଷକ, ଥାନାରେ ଫେରାଦ
ଦାରିଙ୍ଗବାଡ଼ି,୧୨।୯(ଡି.ଏନ୍‌.ଏ.): ବ୍ଳୁ ହ୍ବେଲ ଗେମ୍‌ ପରେ ଏବେ ସାରା ଦେଶରେ ଅନଲାଇନ ଗେମ୍‌ ମୋମୋକୁ ନେଇ ସମସ୍ତେ ଚିନ୍ତାରେ ପଡ଼ିଯାଇଛନ୍ତି। ଏବେ ଏହି ମୋମୋ ଅନଲାଇନ ଗେମ୍‌ କନ୍ଧମାଳ ଜିଲା ଦାରିଙ୍ଗବାଡ଼ି ବ୍ଳକ ଅଞ୍ଚଳରେ ଆତଙ୍କ ଖେଳାଇଛି। ଉକ୍ତ ଥାନା ଅଞ୍ଚଳ କିରିକୁଟି ପଞ୍ଚାୟତ ଅଞ୍ଚଳରେ ଜନୈକ ସହକାରୀ ଶିକ୍ଷକଙ୍କ ଫୋନକୁ ମଙ୍ଗଳବାରଠାରୁ ଏହି କଲ୍‌ ବାରମ୍ବାର ଆସୁଥିବା ଜଣାପଡ଼ିଛି। ସେ ଏ ନେଇ ଦାରିଙ୍ଗବାଡ଼ି ଆଇଆଇସି ଅଲେଖ ଗରଡ଼ିଆଙ୍କୁ ଫୋନ୍‌ରେ ଜଣାଇଥିଲେ। ସେ ଭୟଭୀତ ଥିବାରୁ ଉକ୍ତ ଫୋନ୍‌ ସୁଇଚ୍‌ ଅଫ୍‌ ରଖିବାକୁ ପ୍ରାଥମିକ ଭାବେ ଆଇଆଇସି ଗରଡ଼ିଆ ପରାମର୍ଶ ଦେଇଥିଲେ। ପରେ ବୁଧବାର ସକାଳୁ ଉକ୍ତ ଶିକ୍ଷକ ଜଣକ ଦାରିଙ୍ଗବାଡ଼ି ଥାନାରେ ପହଞ୍ଚି ଆଇଆଇସି ଗରଡ଼ିଆଙ୍କୁ ତାଙ୍କ ଫୋନକୁ ଆସିଥିବା ଉକ୍ତ ନମ୍ବର ଦେଖାଇଥିଲେ। ତେବେ ଆଇଆଇସି ଏଥିରୁ କିଭଳି ନିବୃତ ରହିବ ସେନେଇ ଉକ୍ତ ଶିକ୍ଷକଙ୍କୁ ପରାମର୍ଶ ଦେଇଥିଲେ। ଏବେ ଅଞ୍ଚଳରେ ଅନ୍ୟ କାହା ପାଖକୁ ଉକ୍ତ କଲ୍‌ ଆସିଥିବା ଏବଂ ଏହି ଗେମ୍‌ରେ କେହି ଜଡ଼ିତ ଥିବା ନେଇ ପୋଲିସ ଆଶଙ୍କା କରିଛି । 

ଏ ନେଇ ଆଇଆଇସି ଗରଡ଼ିଆ କହିଛନ୍ତି, ଯଦି ସେଭଳି କିଛି ଅଜଣା ଫୋନ କିମ୍ବା ମୋମୋ ଚିତ୍ର ଥାଇ କଲ୍‌ ଆସେ ତେବେ ତାକୁ ରିସିଭ୍‌ ନ କରି ଉକ୍ତ ନମ୍ବରଟିକୁ ବ୍ଳକ କରିଦେବାକୁ ସେ ସମସ୍ତଙ୍କୁ ପରାମର୍ଶ ଦେଇଛନ୍ତି । ଜିଲା ପୋଲିସର ନିର୍ଦ୍ଦେଶ ମିଳିଲେ ଏହାକୁ ନେଇ ଏକ ସଚେତନତା କାର୍ଯ୍ୟକ୍ରମ କରାଯିବ ବୋଲି ସେ କହିଛନ୍ତିା 

ସୂଚନାଯୋଗ୍ୟ, ଗତ ୨୦୧୭ ମସିହାରେ ଉକ୍ତ ଥାନା ଅନ୍ତର୍ଗତ ସିମନବାଡ଼ି ଅଞ୍ଚଳର ଜଣେ ଶିଶୁ ବ୍ଳୁୁ ହ୍ବେଲ ଗେମ୍‌ରେ ଫସିଥିଲେ । ସେ ଅଧିକାଂଶ ସମୟ ବନ୍ଧ ପାଣି ଭିତରେ ପହଁରିବାକୁ ଇଚ୍ଛା ପ୍ରକାଶ କରୁଥିବା ନଜିର ରହିଛି ା ପରେ ପରିବାର ଲୋକ ତାଙ୍କକୁ ଉକ୍ତ ଗେମ୍‌ରୁ  ବହୁ କଷ୍ଟରେ ମୁକୁଳାଇଥିଲେ ା


All Right Reserved By

ରାଜ୍ୟ | ବ୍ରହ୍ମପୁର

ତିତ୍‌ଲି କ୍ଷତିଗ୍ରସ୍ତ ପରିବାରକୁ ମିଳିବ ବିଜୁ ପକ୍କା ଘର

ତିତ୍‌ଲି କ୍ଷତିଗ୍ରସ୍ତ ପରିବାରକୁ ମିଳିବ ବିଜୁ ପକ୍କା ଘର

ଭୁବନେଶ୍ୱର, ୧୯।୧୧: ସାମୁଦ୍ରିକ ଝଡ ତିତ୍‌ଲି କ୍ଷତିଗ୍ରସ୍ତଙ୍କୁ ବିଜୁ ପକ୍କାଘର ଯୋଗାଇ ଦିଆଯିବ ବୋଲି ସୋମବାର ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ଘୋଷଣା କରିଛନ୍ତି। 

ସାକ୍ଷୀଗୋପାଳ ଠାକୁରଙ୍କ ଫଟୋ ଭାଇରାଲ

ସାକ୍ଷୀଗୋପାଳ ଠାକୁରଙ୍କ ଫଟୋ ଭାଇରାଲ

ସାକ୍ଷୀଗୋପାଳ, ୧୯।୧୧(ଡି.ଏନ୍‌.ଏ.): ପୁରୀ ଜିଲା ସାକ୍ଷୀଗୋପାଳ ମନ୍ଦିର ଗର୍ଭଗୃହର ଫଟୋ ସୋସିଆଲ ମିଡିଆରେ ଭାଇରାଲ ହୋଇଛି। ସାଙ୍ଗସାଥୀଙ୍କୁ ଅଁଳାନବମୀର ଅଭିନନ୍ଦନ ଜଣାଇ ଜଣେ ଯୁବକ ସାକ୍ଷୀଗୋପାଳ ଠାକୁର ଓ ଶ୍ରୀରାଧାଙ୍କ ଫଟୋ ଭାଇରାଲ କରିଛନ୍ତି।

ପୁଣି ଶ୍ରୀମନ୍ଦିର ଫଟୋ ଭାଇରାଲ

ପୁଣି ଶ୍ରୀମନ୍ଦିର ଫଟୋ ଭାଇରାଲ

ପୁରୀ ଅଫିସ,୧୯ା୧୧: ବାରମ୍ବାର ସୋସିଆଲ ମିଡିଆରେ ଭାଇରାଲ ହେଉଛି ଶ୍ରୀମନ୍ଦିର ଭିତର ଫଟୋ । କେତେବେଳେ ଭକ୍ତ ସେଲ୍‌ଫି ଉଠାଇ ପୋଷ୍ଟ କରୁଛନ୍ତି ତ ଆଉ କେତେବେଳେ ପୋଲିସ କର୍ମଚାରୀ। 

ବିଶ୍ୱକପ୍‌ ହକିର ପ୍ରଥମ ଟିକେଟ କିଣିଲେ ମୁଖ୍ୟମନ୍ତ୍ରୀ

ବିଶ୍ୱକପ୍‌ ହକିର ପ୍ରଥମ ଟିକେଟ କିଣିଲେ ମୁଖ୍ୟମନ୍ତ୍ରୀ

ଭୁବନେଶ୍ୱର,୧୯ା୧୧(ବ୍ୟୁରୋ): ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ସୋମବାର ବିଶ୍ୱକପ୍‌ ହକିର ପ୍ରଥମ ଟିକେଟ କିଣିଛନ୍ତି। ହକି ଇଣ୍ଡିଆର କର୍ତ୍ତୃପକ୍ଷ ସଚିବାଳୟରେ ମୁଖ୍ୟମନ୍ତ୍ରୀଙ୍କୁ ସାକ୍ଷାତକରି  ହକିର ଟିକେଟ ପ୍ରଦାନ କରିଛନ୍ତି। 

ଆମ ଗାଁ ଆମ ବିକାଶ କାର୍ଯ୍ୟକ୍ରମ: ୧୪୫ ପଞ୍ଚାୟତକୁ ୩୩.୩୦ କୋଟି ମଞ୍ଜୁର

ଆମ ଗାଁ ଆମ ବିକାଶ କାର୍ଯ୍ୟକ୍ରମ: ୧୪୫ ପଞ୍ଚାୟତକୁ ୩୩.୩୦ କୋଟି ମଞ୍ଜୁର

ଭୁବନେଶ୍ୱର,୧୯ା୧୧(ବ୍ୟୁରୋ): ଆମ ଗାଁ ଆମ ବିକାଶ କାର୍ଯ୍ୟକ୍ରମରେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ସୋମବାର ୬  ଜିଲାର ୭ ବ୍ଲକ ପାଇଁ ୩୩.୩୦ କୋଟି ଟଙ୍କାର ପ୍ରକଳ୍ପ  ମଞ୍ଜୁର କରିଛନ୍ତି। 

ଏସସିଙ୍କ ଅନୁଦାନ ହ୍ରାସ ନେଇ ବିଧାନସଭାରେ ହଙ୍ଗାମା: ଅପରାହ୍ନ ୩ଟା ପର୍ଯ୍ୟନ୍ତ ଗୃହ ମୁଲତବୀ

ଏସସିଙ୍କ ଅନୁଦାନ ହ୍ରାସ ନେଇ ବିଧାନସଭାରେ ହଙ୍ଗାମା: ଅପରାହ୍ନ ୩ଟା ପର୍ଯ୍ୟନ୍ତ ଗୃହ ମୁଲତବୀ

ଭୁବନେଶ୍ୱର, ୧୯।୧୧(ବ୍ୟୁରୋ): କେନ୍ଦ୍ରରୁ ଅନୁସୂଚିତ ଜାତି ବର୍ଗର ଛାତ୍ରୀଛାତ୍ରଙ୍କ ମେଧାବୃତ୍ତି ପାଇଁ ମିଳୁଥିବା ଅନୁଦାନ ହ୍ରାସ କରିବା ଏବଂ ସଚିବାଳୟରେ ସିବିଆଇ ପ୍ରବେଶ କରିବା ଘଟଣାକୁ ନେଇ ବିଧାନସଭାରେ ହଙ୍ଗାମା ହୋଇଛି। ଉଭୟ ଶାସକ ଓ ବିରୋଧୀ ଦଳଙ୍କ ଗର୍ଜନରେ ଗୃହକାର୍ଯ୍ୟ ଅଚଳ ହୋଇଯାଇଛି। ପ୍ରବଳ ହଟ୍ଟଗୋଳ ଓ ନାରାବାଜି ଯୋଗୁ ଗୃହକୁ  ଅପରାହ୍ଣ ୩ ପର୍ଯ୍ୟନ୍ତ ବାଚସ୍ପତି ପ୍ରଦୀପ ଅମାତ ମୁଲତବୀ ଘୋଷଣା କରିଛନ୍ତି।

ହାଇକୋର୍ଟର ବିଚାରପତି ଭାବେ ଶପଥ ନେଲେ ଦୁଇ ଜଷ୍ଟିସ୍‌

ହାଇକୋର୍ଟର ବିଚାରପତି ଭାବେ ଶପଥ ନେଲେ ଦୁଇ ଜଷ୍ଟିସ୍‌

କଟକ ଅଫିସ୍‌, ୧୯।୧୧: ହାଇକୋର୍ଟ ବିଚାରପତି ଭାବେ ଶତ୍ରୁଘ୍ନ ପୂଜାହାରୀ ଓ ଡ. ଅକ୍ଷୟ କୁମାର ମିଶ୍ର ସୋମବାର ପୂର୍ବାହ୍ନ ୧୦ଟା ୧୫ରେ ଶପଥ ନେଇଛନ୍ତି। ହାଇକୋର୍ଟ ମୁଖ୍ୟ ବିଚାରପତି କେ.ଏସ. ଝାବେରୀ ଦୁଇ ଜଷ୍ଟିସଙ୍କୁ ଶପଥ ପାଠ କରାଇଛନ୍ତି।

ପଞ୍ଚୁକ ଆରମ୍ଭ: ଶ୍ରୀମନ୍ଦିରରେ ଜମୁଛି ଭିଡ

ପଞ୍ଚୁକ ଆରମ୍ଭ: ଶ୍ରୀମନ୍ଦିରରେ ଜମୁଛି ଭିଡ

ପୁରୀ ଅଫିସ୍‌, ୧୯।୧୧: ସୋମବାରଠାରୁ ଆରମ୍ଭ ହୋଇଛି ପଞ୍ଚୁକ ବ୍ରତ। ଏଥିପାଇଁ ଶ୍ରୀକ୍ଷେତ୍ରରେ ଭକ୍ତଙ୍କ ପ୍ରବଳ ଗହଳି ହୋଇଛି। ପଞ୍ଚୁକର ପ୍ରଥମ ଦିନରେ ମହାପ୍ରଭୁଙ୍କ ଲକ୍ଷ୍ମୀନାରାୟଣ ବେଶ ଅନୁଷ୍ଠିତ ହେଉଛି। 

ଦମନକୁ ଦମନ

ଦମନକୁ ଦମନ

ଭୁବନେଶ୍ୱର ବ୍ୟୁରୋ/ଓଡ଼ାପଡ଼ା (ଡି.ଏନ.ଏ.),୧୯ା୧୧ :ଢେଙ୍କାନାଳ ଜିଲା ଓଡ଼ାପଡ଼ା ବ୍ଲକ ବଳରାମପୁର ଗ୍ରାମରେ ପ୍ରସ୍ତାବିତ ବିୟର ଫ୍ୟାକ୍ଟ୍ରି ଲାଗି ହେଉଥିବା ଗଛକଟା ଉପରେ ଲାଗିଛି ରୋକ୍‌। ତୁରନ୍ତ ଗଛକଟା ବନ୍ଦ କରିବାକୁ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ରବିବାର ନିର୍ଦ୍ଦେଶ ଦେଇଛନ୍ତି। 

ଆଶ୍ରୟସ୍ଥଳକୁ ଆସିଲେ ୧୬ ନୂଆ ହବିଷିଆଳି:୯ ଅସୁସ୍ଥ, ହସ୍ପିଟାଲରେ ଜଣେ ଭର୍ତ୍ତି

ଆଶ୍ରୟସ୍ଥଳକୁ ଆସିଲେ ୧୬ ନୂଆ ହବିଷିଆଳି:୯ ଅସୁସ୍ଥ, ହସ୍ପିଟାଲରେ ଜଣେ ଭର୍ତ୍ତି

ପୁରୀ ଅଫିସ, ୧୯ା୧୧: ସୋମବାରଠାରୁ ଆରମ୍ଭ ହେଉଛି ପଞ୍ଚୁକ। ଏଥିପାଇଁ ଶ୍ରୀକ୍ଷେତ୍ରରେ ଶ୍ରଦ୍ଧାଳୁ ଗହଳି ଆରମ୍ଭ ହୋଇଗଲାଣି। ବିଭିନ୍ନ ମଠ, ମନ୍ଦିର ଏବଂ ଧର୍ମଶାଳାରେ ଶ୍ରଦ୍ଧାଳୁ ଏବଂ ହବିଷିଆଳିଙ୍କ ଭିଡ଼ ଦେଖିବାକୁ ମିଳିଛି।

ପରିବାରର ମଙ୍ଗଳ ପାଇଁ ନିଜ କଥା ଭୁଲିଯାନ୍ତି ସରସ୍ବତୀ

ପରିବାରର ମଙ୍ଗଳ ପାଇଁ ନିଜ କଥା ଭୁଲିଯାନ୍ତି ସରସ୍ବତୀ

ପୁରୀ ଅଫିସ, ୧୯ା୧୧: ପବିତ୍ର କାର୍ତ୍ତିକ ମାସରେ ଶ୍ରୀକ୍ଷେତ୍ରରେ ରହି ବ୍ରତ ପାଳିବେ। ନୀତି କାଳିଆ ଠାକୁରଙ୍କୁ ଦର୍ଶନ କରି ପରିବାରର ଶୁଭ ମନାସିବେ। ଏମିତି କିଛି କାମନା ଏବଂ ପୂଣ୍ୟ ଅର୍ଜନ ଲକ୍ଷ୍ୟରେ ପୁରୀକୁ ଆସିଛନ୍ତି ହଜାର ହଜାର ହବିଷିଆଳି। 

ଆଜିଠୁ ପଞ୍ଚୁକ, ଶ୍ରୀକ୍ଷେତ୍ର ଚଳଚଞ୍ଚଳ

ଆଜିଠୁ ପଞ୍ଚୁକ, ଶ୍ରୀକ୍ଷେତ୍ର ଚଳଚଞ୍ଚଳ

ପୁରୀ ଅଫିସ, ୧୯।୧୧: ସୋମବାରଠାରୁ ଆରମ୍ଭ ହେବ ମହା କାର୍ତ୍ତିକର ପଞ୍ଚୁକ ବ୍ରତ। କାର୍ତ୍ତିକ ଶୁକ୍ଳ ଏକାଦଶୀଠାରୁ କାର୍ତ୍ତିକ ପୂର୍ଣ୍ଣିମା ପର୍ଯ୍ୟନ୍ତ ଶ୍ରୀମନ୍ଦିରରେ ମହାପ୍ରଭୁଙ୍କ ପଞ୍ଚୁକ ବେଶ ଅନୁଷ୍ଠିତ ହେବ। ଆସନ୍ତା ୧୯ ତାରିଖରେ ହରି ଉତ୍‌ଥାପନ ଏକାଦଶୀ। ଏଥିପାଇଁ ଶ୍ରୀମନ୍ଦିରରେ ସ୍ବତନ୍ତ୍ର ନୀତି ସମ୍ପନ୍ନ ହେବା ସହିତ ମହାପ୍ରଭୁଙ୍କ ଠିଆକିଆ ତଥା ଲକ୍ଷ୍ମୀନାରାୟଣ ବେଶ ଅନୁଷ୍ଠିତ ହେବ। ସେହିପରି ୨୦ ତାରିଖରେ ମହାପ୍ରଭୁଙ୍କ ବାଙ୍କଚୂଡ, ୨୧ରେ ତ୍ରିବିକ୍ରମ, ୨୨ରେ ଲକ୍ଷ୍ମୀନୃସିଂହ ଏବଂ ୨୩ ତାରିଖ କାର୍ତ୍ତିକ ପୂର୍ଣ୍ଣିମାରେ ରାଜାରାଜେଶ୍ୱର ବେଶ ତଥା ସୁନାବେଶ ଅନୁଷ୍ଠିତ ହେବ।