ସମ୍ବଲପୁର

ପ୍ରଥମ ରେଜଲ୍ଟ ଶୂନ, ରିଚେକିଂ ପରେ ୭୬

ପ୍ରଥମ ରେଜଲ୍ଟ ଶୂନ, ରିଚେକିଂ ପରେ ୭୬

ଜମନକିରା, ୧୨। ୯ (ଡି.ଏନ୍‌.ଏ.): ଜମନକିରାର ମିତ୍ରଭାନୁ ସାହୁଙ୍କ ପୁଅ କୈବଲ୍ୟ ସାହୁ ସମ୍ବଲପୁର ବିଶ୍ୱବିଦ୍ୟାଳୟ ଅଧୀନ ରାଜଗାଙ୍ଗପୁର ଡାଲମିଅଁା ମହାବିଦ୍ୟାଳୟରେ ଚଳିତ ବର୍ଷ ଯୁକ୍ତ ୩ ବିଜ୍ଞାନ ବିଭାଗର ଶେଷ ବର୍ଷ ଛାତ୍ରଭାବେ ପରୀକ୍ଷା ଦେଇଥିଲେ। ସେ ଜଣେ ମେଧାବୀ ଛାତ୍ର। ଛୋଟ ବେଳୁ ହିଁ ପ୍ରଥମ ଶ୍ରେଣୀରେ ସଦାବେଳେ ପାସ୍‌  କରି ଆସୁଥିଲେ। ୨୦୧୬ ମସିହାରେ ଉଚ୍ଚ ଶିକ୍ଷା ପାଇଁ ଡାଲମିଅଁା କଲେଜରେ ନାମ ଲେଖାଇଥିଲେ। ହେଲେ ଚଳିତ ବର୍ଷ ସ୍ନାତକ ଶେଷ ବର୍ଷ ପରୀକ୍ଷାରେ ଗଣିତ ବିଷୟକୁ ଛାଡ଼ି ଅନ୍ୟ ସମସ୍ତ ବିଷୟରେ ଭଲ ନମ୍ବର ରଖିଥିଲେ। ମାତ୍ର ରିଜଲ୍ଟ ବେଳେ ସେ ଗଣିତରେ ଶୂନ ନମ୍ବର ରଖିଥିବା ଯୋଗୁ ପରୀକ୍ଷାରେ ଫେଲ୍‌ ପ୍ରକାଶିତ ହୋଇଥିଲା। କୈବଲ୍ୟ ସହଜରେ ଏହି ରେଜଲ୍ଟକୁ ବିଶ୍ୱାସ କରିପାରି ନ ଥିଲେ। ଅନ୍ୟ ଛାତ୍ରୀଛାତ୍ରଙ୍କ ଠାରୁ ସବୁବେଳେ ଅଧିକ ନମ୍ବରରେ ପାସ କରୁଥିବା କୈବଲ୍ୟ ଏହି ରେଜଲ୍ଟରେ ମର୍ମାହତ ହୋଇପଡ଼ିଥିଲେ। ଏକଥା  ପରିବାର ଲୋକଙ୍କୁ ଜଣାଇବା ପରେ ପରିବାର ଲୋକେ ତାଙ୍କୁ ଆଶ୍ୱସନା ଦେଇଥିଲେ। ପରବର୍ତ୍ତୀ ସମୟରେ ପରିବାର ଲୋକେ କୈବଲ୍ୟଙ୍କୁ ନେଇ ବିଶ୍ୱବିଦ୍ୟାଳୟରେ ଅଭିଯୋଗ କରିଥିଲେ। ଏ କଥାକୁ ବିଶ୍ୱବିଦ୍ୟାଳୟର କର୍ତ୍ତୃପକ୍ଷ କର୍ଣ୍ଣଗୋଚର କରି ନ ଥିଲେ। ସମୟ ଗଡ଼ି ଯାଇଥିବା ବେଳେ ଛାତ୍ର ଜଣକ ମାନସିକ ଅବସାଦରେ ଥିଲେ। ପରିବାର ଲୋକେ ପରେ ବାଧ୍ୟ ହୋଇ ପୁନଃ ମୂଲ୍ୟାଙ୍କନ ପାଇଁ ଫି ଦାଖଲ କରି ମୂଲ୍ୟାଙ୍କନ କରାଇଥିଲେ। ଆବେଦନ କରିବା ୧୫ ଦିନ ପରେ ପରୀକ୍ଷା ଫଳ ବାହାରିଥିଲା। ସେଥିରେ ସେ ଗଣିତରେ ୭୬ ନମ୍ବର ରଖି ପ୍ରଥମ ଶ୍ରେଣୀରେ ପାସ ଘୋଷିତ ହୋଇଥିଲେ। ପରୀକ୍ଷା ଫଳ ବାହାରିଲା ବେଳକୁ ସମସ୍ତ ଉଚ୍ଚ ଶିକ୍ଷା ପାଇଁ ଆବେଦନ ତାରିଖ ଶେଷ ହୋଇସାରିଥିଲା। ଗରିବ ପରିବାରରୁ ଆସିଥିବାରୁ ବାହାରକୁ ଉଚ୍ଚ ଶିକ୍ଷାପାଇଁ ଯିବା ଲାଗି ତାଙ୍କ ପକ୍ଷେ ସମ୍ଭବ ହୋଇପାରି ନ ଥିଲା। ଅନ୍ୟପକ୍ଷରେ ଷ୍ଟାଫ୍‌ ସିଲେକ୍ସନ ଓ ରେଲୱେ ପରୀକ୍ଷା ଦେବାରୁ ବଞ୍ଚିତ୍ତ ହୋଇଥିବା ନେଇ ସେ ଅଭିଯୋଗ କରିଛନ୍ତିି। ଏବେ ତାଙ୍କ ବାପା ମିତ୍ରଭାନୁ ସାହୁ ଓ ପରିବାରର ଚିନ୍ତା ବଢିଛି। ବିଶ୍ୱବିଦ୍ୟାଳୟ କର୍ତ୍ତୃପକ୍ଷଙ୍କ ଏଭଳି ଦାୟିତ୍ୱ ହୀନତା ଯୋଗୁ ଜଣେ ନିରୀହ ଗରିବ ମେଧାବୀ ଛାତ୍ରର ଭବିଷ୍ୟତ ଅନ୍ଧାର ହୋଇପଡ଼ିଥିବା ବେଳେ ପୁଅର ଏଭଳି ଅବସ୍ଥା ପରିବାରର ମୁଣ୍ଡବ୍ୟଥାର କାରଣ ସାଜିଛି ।
All Right Reserved By

ସମ୍ବଲପୁର

କୃଷିକ୍ଷେତ୍ରର ଉନ୍ନତି ପାଇଁ ଚାଷୀଙ୍କ ସହ ଆଲୋଚନା

କୃଷିକ୍ଷେତ୍ରର ଉନ୍ନତି ପାଇଁ ଚାଷୀଙ୍କ ସହ ଆଲୋଚନା

ସୁନ୍ଦରଗଡ,୨୬।୯ (ଡି.ଏନ୍‌.ଏ.)-ଭାରତ ସରକାରଙ୍କ ସ୍ବଚ୍ଛତା ହିଁ ସେବା ପକ୍ଷ ପାଳନ ଅବସରରେ ଭୁବନେଶ୍ୱରସ୍ଥିତ ଭାରତୀୟ ଜଳ ପ୍ରବନ୍ଧନ ଅନୁଷ୍ଠାନ ଦ୍ୱାରା ସୁନ୍ଦରଗଡ ଜିଲାର ଆଦିବାସୀ ବହୁଳ ସଦର ବ୍ଲକ ଅନ୍ତର୍ଗତ ବିର୍ଜାବେର୍ଣ୍ଣା ଗ୍ରାମରେ କୃଷି ଶିବିର ଅନୁଷ୍ଠିତ ହୋଇଯାଇଛି। ଏଥିରେ ଆଧୁନିକ ମତ୍ସ୍ୟ ଚାଷ ଉପରେ ବିସ୍ତୃତ ଭାବେ ଆଲୋଚନା କରାଯାଇଥିଲା। ସେହିଭଳି ସମନ୍ବିତ କୃଷି ପଦ୍ଧତି, ପନିପରିବା ଚାଷ ଏବଂ ରୋଗ ପୋକ ନିୟନ୍ତ୍ରଣ ଉପରେ କୃଷି ବୈଜ୍ଞାନିକମାନେ ଆଲୋକପାତ କରି ଚାଷୀମାନଙ୍କ ବିଭିନ୍ନ ପ୍ରଶ୍ନର ଉତ୍ତର ଦେଇଥିଲେ । 

ଗଙ୍ଗାଜଳ ଗାଁରେ ମଦ ବିରୋଧୀ ଆନ୍ଦୋଳନ

ଗଙ୍ଗାଜଳ ଗାଁରେ ମଦ ବିରୋଧୀ ଆନ୍ଦୋଳନ

ବଡଗାଁ, ୨୬ ।୯(ଡି.ଏନ.ଏ.)- ରାଜ୍ୟ ସରକାର ଗାଁ ଗାଁରେ ମଦ ବେପାର କରିବାକୁ ସୁଯୋଗ ଦେଇଛନ୍ତି। ପୋଲିସ ଓ ଅବକାରୀ କର୍ମଚାରୀଙ୍କ ଛତ୍ରଛାୟା ତଳେ ମଦ ବେପାରୀ ନିର୍ଭୟ, ଅବାଧରେ କାରବାର କରୁଛନ୍ତି। ମଦ ବିକ୍ରି ବନ୍ଦ କରିବାକୁ କହିଲେ ଗାଳି, ଧମକ ଦେଇ ଯାଅ କାହାକୁ କହିବ କହ କହୁଛନ୍ତି । ଆଗାମୀ ନିର୍ବାଚନରେ ଏଇ ସରକାର ଆସିଲେ ଗାଁ ଗୁଡିକରେ ମଦ ବନ୍ୟା ଜଳ ଭଳି ଭାସିବ । ଏଣୁ ସରକାର ମଦ ବନ୍ଦ ପାଇଁ କଡା ନିର୍ଦ୍ଦେଶ ଦିଅନ୍ତୁ , ନ ଚେତ ନିର୍ବାଚନରେ ପରିଣାମ ଭୋଗିବାକୁ ପ୍ରସ୍ତୁତ ରୁହନ୍ତୁ ବୋଲି ସୁନ୍ଦରଗଡ ଜିଲା ବଡଗାଁ ଓ କୁତ୍ରା ଥାନା ଅଞ୍ଚଳରେ ମଦ ବିରୋଧୀ ଆନ୍ଦୋଳନ ଚଳାଇଥିବା ମହିଳାମାନେ ଚେତାବନୀ ଦେଇଛନ୍ତି । 

ଦେଶୀ ମଦ ଭାଟି ଶ୍ରମିକଙ୍କୁ ହତ୍ୟା, ସନ୍ଦେହ ଘେରରେ ଭାଟି କର୍ମଚାରୀ

ଦେଶୀ ମଦ ଭାଟି ଶ୍ରମିକଙ୍କୁ ହତ୍ୟା, ସନ୍ଦେହ ଘେରରେ ଭାଟି କର୍ମଚାରୀ

ପାଟଣାଗଡ,୨୬।୯ (ଡି.ଏନ.ଏ.)
ବଲାଙ୍ଗୀର ଜିଲା ପାଟଣାଗଡ ଡାକ୍ତରଖାନାରେ ଜଣେ ଆଦିବାସୀ ବ୍ୟକ୍ତିଙ୍କ ବୁଧବାର ମୃତ୍ୟୁ ଘଟିଛି। ମୃତକ ହେଲେ ସ୍ଥାନୀୟ ଭାଟିଶାଲ ପଡାର ନାରାୟଣ ମୁଣ୍ଡା (୪୦)। ସେ ପାଟଣାଗଡ ଦେଶୀ ମଦଭାଟିରେ ଶ୍ରମିକ ଭାବେ କାର୍ଯ୍ୟ କରୁଥିଲେ। ମଙ୍ଗଳବାର ରାତିରେ ନାରାୟଣ ଘରକୁ ଫେରିବାରେ ବିଳମ୍ବ ହେବାରୁ ତାଙ୍କ ସ୍ତ୍ରୀ ସରୋଜିନୀ ମୁଣ୍ଡା ତାଙ୍କୁ ଫୋନ କରିଥିଲେ। ହେଲେ ନାରାୟଣ ଫୋନ ଉଠାଇ ନ ଥିଲେ। ସରୋଜିନିଙ୍କୁ ସନ୍ଦେହ ହେବା ପରେ ସ୍ଥାନୀୟ ଲୋକଙ୍କ ସହାୟତାରେ ତାଙ୍କୁ ଖୋଜା ଖୋଜି କରିଥିଲେ। ପରେ ଜାଣିବାକୁ ପାଇଥିଲେ ଯେ ରାତି ୧୦ଟା ସମୟରେ ମଦ ଭାଟିରୁ କାମ ସାରି ନିକଟରେ ଥିବା ସୁବର୍ଣ୍ଣରେଖା ନଦୀକୁ ଶୌଚ ହେବାପାଇଁ ଯାଇଥଲେ। ସେଠାରେ ତାଙ୍କୁ ଭୁଜାଲିରେ ଆକ୍ରମଣ ହୋଇଛି। ଲୋକେ ନାରାୟଣଙ୍କୁ ଉଦ୍ଧାର କରି ପାଟଣାଗଡ ଡାକ୍ତରଖାନାରେ ରାତି ୧୨ଟାରେ ଭର୍ତ୍ତି କରିଥିଲେ। 

ମରୁଡି ସହୟତା ଦାବି ନେଇ ଫାସଡରେ ରାସ୍ତାରୋକୋ

ମରୁଡି ସହୟତା ଦାବି ନେଇ ଫାସଡରେ ରାସ୍ତାରୋକୋ

ଲୋଇସିଂହା,୨୬।୯(ଡି.ଏନ.ଏ.)-୨୦୧୭ ଖରିଫ ମରୁଡି ସହାୟତା ଦାବିରେ ବଲାଙ୍ଗୀର ଜିଲା ଲୋଇସିଂହା ଥାନା ଅନ୍ତର୍ଗତ ଫାସଡ ଠାରେ ବଲାଙ୍ଗୀର ସଦର ବ୍ଲକ  କଂଗ୍ରେସ ତରଫରୁ ୨୬ ନଂ ଜାତୀୟ ରାଜପଥ ଅବରୋଧ କରାଯାଇଥିଲା ା ପୂର୍ବାହ୍ନ ୧୦ଟାରୁ ପ୍ରାୟ ୧ ଘଣ୍ଟା ଧରି ରାସ୍ତାରୋକୋ ଅନୁଷ୍ଠିତ ହୋଇଥିଲା। ଅବରୋଧ ସ୍ଥଳକୁ ଉପଜିଲାପାଳ ବୈରବସିଂ ପଟେଲ, ଲୋଇସିଂହା ତହସିଲଦାର କର୍ଣ୍ଣ ମଲ୍ଲିକ ପହଞ୍ଚତ୍ ବିକ୍ଷୋଭକାରୀଙ୍କ ସହ ଆଲୋଚନା କରିଥିଲେ। ଜିଲାପାଳ ଓ ଓ ରାଜ୍ୟ ସରକାରଙ୍କୁ ଅବଗତ କରି ଆବଶ୍ୟକ ପଦକ୍ଷେପ ଗ୍ରହଣ କରାଯିବ ବୋଲି କହିଥିଲେ। 

ବିଦେଶୀ ହଟାଅ, ଲୋଇସିଂହା ବଞ୍ଚାଅ

ବିଦେଶୀ ହଟାଅ, ଲୋଇସିଂହା ବଞ୍ଚାଅ

ଲୋଇସିଂହା,୨୬।୯(ଡି.ଏନ.ଏ)-ବଲାଙ୍ଗୀର ଜିଲା ଲୋଇସିଂହା ବ୍ଲକ ଅନ୍ତର୍ଗତ ବୁର୍ଡା ପୂର୍ତ୍ତ ବିଭାଗ ଡାକ ବଙ୍ଗଳା ଠାରେ ବିଦେଶୀ ହଟାଅ,ଲୋଇସିଂହା ବଞ୍ଚାଅ ଅଭିଯାନର ଷଷ୍ଠ ବୈଠକ ଅନୁଷ୍ଠିତ ହୋଇଯାଇଛି । ସହଦେବ ସାଙ୍କ ସଭାପତିତ୍ୱରେ ଅନୁଷ୍ଠିତ ବୈଠକରେ ଲୋଇସିଂହା, ଆଗଲପୁର ଓ ପୁଇଁତଳା ବ୍ଲକର ବହୁ ସଂଖ୍ୟକ କର୍ମୀ ଯୋଗ ଦେଇଥିଲେ।

ଭିଜିଲାନ୍ସ ଜାଲରେ ଅମିନ, ୩୦ ହଜାର ଟଙ୍କା ଲାଞ୍ଚ ନେଇ ଧରାପଡିଲେ

ଭିଜିଲାନ୍ସ ଜାଲରେ ଅମିନ, ୩୦ ହଜାର ଟଙ୍କା ଲାଞ୍ଚ ନେଇ ଧରାପଡିଲେ

ଧର୍ମଗଡ଼, ୨୬।୯ (ଡି.ଏନ.ଏ.)-କଳାହାଣ୍ଡି ଜିଲା କୁସୁମଖୁଣ୍ଟିସ୍ଥିତ ସ୍ବତନ୍ତ୍ର ଭୂ-ଅର୍ଜନ ଅଫିସରେ କାର୍ଯ୍ୟରତ ଅମିନ ତୋଫାନ ମହନ୍ତ ବୁଧବାର ଜଣେ ଚାଷୀଙ୍କଠାରୁ ଜମିର ମୂଲ୍ୟ ବଢାବାକୁ ୩୦ ହଜାର ଟଙ୍କା ଲାଞ୍ଚ ନେଲାବେଳ ଭିଜିଲାନ୍ସ ଜାଲରେ ଧରା ପଡିଛନ୍ତି।

କର୍ଲାରେ ଅବାଧ ନିଶା କାରବାର ବନ୍ଦ ଦାବି: ଗାଁ ଲୋକେ ଜିଲା ପ୍ରଶାସନର ଦ୍ୱାରସ୍ଥ

କର୍ଲାରେ ଅବାଧ ନିଶା କାରବାର ବନ୍ଦ ଦାବି: ଗାଁ ଲୋକେ ଜିଲା ପ୍ରଶାସନର ଦ୍ୱାରସ୍ଥ

ସୁନ୍ଦରଗଡ, ୨୬।୯  (ଡି.ଏନ୍‌.ଏ) -ଗ୍ରାମାଞ୍ଚଳ ବିକାଶ ପାଇଁ ସରକାରଙ୍କ ତରଫରୁ ବିଭିନ୍ନ ଯୋଜନା କାର୍ଯ୍ୟକାରୀ ହେଉଛି। ହେଲେ ଆଦିବାସୀ ବହୁଳ ସୁନ୍ଦରଗଡ ଜିଲାର ଅଧିକାଂଶ ଗ୍ରାମାଞ୍ଚଳରେ ଅବାଧ ନିଶା କାରବାର ଜନସାଧାରଣଙ୍କର ସାମାଜିକ ଓ ଅର୍ଥନୈତିକ ବିକାଶରେ ବାଧକ ସାଜିଛି। ସୁନ୍ଦରଗଡ଼ ସଦର ବ୍ଲକ ଅନ୍ତର୍ଗତ କର୍ଲା ଗ୍ରାମପଞ୍ଚାୟତରେ ଅବାଧରେ ମଦ, ଗଞ୍ଜେଇ ତଥା ଅନ୍ୟାନ୍ୟ ନିଶା କାରବାର ବୃଦ୍ଧି ପାଉଛି। ଏହାକୁ ରୋକିବା ଦିଗରେ ପୋଲିସ ଓ ଅବକାରୀ ବିଭାଗର ନିଷ୍କ୍ରିୟତା ନେଇ ଜନସାଧାରଣଙ୍କ ମଧ୍ୟରେ ଅସନ୍ତୋଷ ପ୍ରକାଶ ପାଇଛି। ବାରମ୍ବାର ଅଭିଯୋଗ ସତ୍ତ୍ୱେ ସ୍ଥାନୀୟ ଧରୁଆଡିହି ଥାନା ପୋଲିସ ଓ ଅବକାରୀ ବିଭାଗ ଚୁପ୍‌ ରହିବା ପରେ ସୋମବାର କର୍ଲା ଗ୍ରାମର ଶତାଧିକ ମହିଳା ପୁରୁଷ ଜିଲା ପ୍ରଶାସନର ଦ୍ୱାରସ୍ଥ ହୋଇଥିଲେ। 

ନାଚଗୀତରେ ଜମିଲା ନୂଆଁଖାଇ ଭେଟଘାଟ

ନାଚଗୀତରେ ଜମିଲା ନୂଆଁଖାଇ ଭେଟଘାଟ

ସୁନ୍ଦରଗଡ,୨୬।୯(ଡି.ଏନ୍‌.ଏ)-ସୁନ୍ଦରଗଡ ଲକ୍ଷେଘର ଓ ସମାଜ ସେବା ସମିତି ଆନୁକୂଲ୍ୟରେ ନୂଆଁଖାଇ ଭେଟଘାଟ ପାଳିତ ହୋଇଯାଇଛି। ସଚ୍ଚିନ୍ଦ୍ର ବୁଖରାଙ୍କ ସଭାପତିତ୍ୱରେ ଅନୁଷ୍ଠିତ ଏହି ସମାରୋହରେ ଭଗବାନ ତନ୍ତୀ ପ୍ରାରମ୍ଭରେ ସ୍ବାଗତ ଅଭିଭାଷଣ ଓ ବିବରଣୀ ପାଠ କରିଥିଲେ। ଭାରତୀୟ ପ୍ରଶାସନିକ ସେବା ଅଧିକାରୀ ପ୍ରଦୀପ କୁମାର ନାଏକ ମୁଖ୍ୟ ଅତିଥି ଭାବେ ଯୋଗ ଦେଇଥିଲେ । 

ସୁନ୍ଦରଗଡ ସରକାରୀ କଲେଜକୁ ମିଳିଲା ରାଜ୍ୟସ୍ତରୀୟ ଜାତୀୟ ସେବା ଯୋଜନା ପୁରସ୍କାର

ସୁନ୍ଦରଗଡ ସରକାରୀ କଲେଜକୁ ମିଳିଲା ରାଜ୍ୟସ୍ତରୀୟ ଜାତୀୟ ସେବା ଯୋଜନା ପୁରସ୍କାର

ସୁନ୍ଦରଗଡ, ୨୬।୯ (ଡି.ଏନ୍‌.ଏ.)-ସୁନ୍ଦରଗଡ ସରକାରୀ ମହାବିଦ୍ୟାଳୟକୁ ରାଜ୍ୟସ୍ତରୀୟ ଜାତୀୟ ସେବା ଯୋଜନା ପୁରସ୍କାର ମିଳିଛି । ଭବନେଶ୍ୱରଠାରେ ଆୟୋଜିତ ଏକ ସ୍ବତନ୍ତ୍ର ପୁରସ୍କାର ବିତରଣ ଉତ୍ସବରେ ଉଚ୍ଚଶିକ୍ଷା ମନ୍ତ୍ରୀ ଅନନ୍ତ ଦାସଙ୍କ ନିକଟରୁ ମହାବିଦ୍ୟାଳୟର ଜାତୀୟ ସେବା ଯୋଜନା ପ୍ରୋଗ୍ରାମ ଅଫିସର ଡଃ ନିଗମାନନ୍ଦ ଓଝା ଏହି ପୁରସ୍କାର ଗ୍ରହଣ କରିଛନ୍ତି। ଏହି ସମାରୋହରେ ରାଜ୍ୟ ଶିକ୍ଷା ସଚିବ ବିଷ୍ଣୁପଦ ସେଠୀ ଉପସ୍ଥିତ ଥିଲେ ।

ଚିତ୍ରାଙ୍କନ ପ୍ରତିଯୋଗିତାରେ ଭାଗ ନେଲେ ୫୬ ଛାତ୍ରୀଛାତ୍ର

ଚିତ୍ରାଙ୍କନ ପ୍ରତିଯୋଗିତାରେ ଭାଗ ନେଲେ ୫୬ ଛାତ୍ରୀଛାତ୍ର

ରେଢ଼ାଖୋଲ,୨୬।୯(ଡି.ଏନ.ଏ.)-ସମ୍ବଳପୁର ଜିଲା ଜଳ ଓ ପରିମଳ ମିଶନ ଆନୁକୂଲ୍ୟରେ ସ୍ଥାନୀୟ ରାଣୀ ଅନ୍ନପୂର୍ଣ୍ଣା ସରକାରୀ ବାଳିକା ଉଚ୍ଚ ବିଦ୍ୟାଳୟରେ ମଙ୍ଗଳବାର ବ୍ଲକସ୍ତରୀୟ ବକ୍ତୃତା ଓ ଚିତ୍ରାଙ୍କନ ପ୍ରତିଯୋଗିତା ଅନୁଷ୍ଠିତ ହୋଇଯାଇଛି।

‘ପ୍ଲାଷ୍ଟିକ ଫ୍ରି ଓଡ଼ିଶା’କୁ ସମର୍ଥନ

‘ପ୍ଲାଷ୍ଟିକ ଫ୍ରି ଓଡ଼ିଶା’କୁ ସମର୍ଥନ

କଣ୍ଟାବାଞ୍ଜିି,୨୬।୯(ଡି.ଏନ.ଏ.)-ବଲାଙ୍ଗୀର ଜିଲା ତୁରେକେଲା ବ୍ଲକ ଚଟୁଅନକା ମାଝିପଡା ସରକାରୀ ପ୍ରାଥମିକ ବିଦ୍ୟାଳୟରେ ବୁଧବାର ଦୈନିକ ଓଡିଶା ପୋଷ୍ଟ ଓ ଧରିତ୍ରୀ ତରଫରୁ ଚାଲିଥିବା ‘ପ୍ଲାଷ୍ଟିକ ଫ୍ରି ଓଡ଼ିଶା’କୁ ସମର୍ଥନ ମିଳିଛି। ପ୍ରଧାନ ଶିକ୍ଷକ ବିରଞ୍ଚି ନାରାୟଣ ଦାସଙ୍କ ନେତୃତ୍ୱରେ କିଶୋର ବରିହା, ଦେବକୀ ତାଣ୍ଡି, ଅଗସ୍ତି ମାଝୀ, ଛିନେ ମାଝି ଓ ଛାତ୍ରୀଛାତ୍ର ଗାଁ ପରିକ୍ରମା କରିଥିଲେ। ଏହି ଅବସରରେ ପରିବେଶକୁ ପଲିଥିନମୁକ୍ତ କରିବାକୁ ବିଦ୍ୟାଳୟ ପରିସରରେ ଏକ ସଚେତନତା ସଭା ଅନୁଷ୍ଠିତ ହୋଇଥିଲା।

ଟିଟିଲାଗଡ ଶାଖା ଚତୁର୍ଥ ଶ୍ରେଣୀ କର୍ମଚାରୀ ସଂଘର କର୍ମକର୍ତ୍ତା ଚୟନ

ଟିଟିଲାଗଡ ଶାଖା ଚତୁର୍ଥ ଶ୍ରେଣୀ କର୍ମଚାରୀ ସଂଘର କର୍ମକର୍ତ୍ତା ଚୟନ

ଟିଟିଲାଗଡ, ୨୬।୯ (ଡି.ଏନ.ଏ)- ବଲାଙ୍ଗୀର ଜିଲା ଟିଟିଲାଗଡରେ ନିଖିଳ ଉତ୍କଳ ଚତୁର୍ଥ ଶ୍ରେଣୀ ସରକାରୀ କର୍ମଚାରୀ ସଂଘର ଟିଟିଲାଗଡ ଶାଖାର ଏକ ବନ୍ଧୁ ମିଳନ ତଥା ନୂଆଁଖାଇ ଭେଟଘାଟ ଉପଜିଲାପାଳଙ୍କ ସମ୍ମିଳନୀ କକ୍ଷରେ ଅନୁଷ୍ଠିତ ହୋଇଯାଇଛି । ସଂଘ ସଭାପତି ସକୁନ୍ତଳା ମହାକୁଡଙ୍କ ସଭାପତିତ୍ୱରେ ଅନୁଷ୍ଠିତ କାର୍ଯ୍ୟକ୍ରମରେ ମୁଖ୍ୟଅତିଥି ଭାବରେ ସଂଘର ରାଜ୍ୟ ସଭାପତି ସରୋଜ କୁମାର ମହାନ୍ତି ଏବଂ ସମ୍ପାଦକ ସୁବଳ କିଶୋର ମହାନ୍ତି ପ୍ରମୁଖ ଯୋଗଦେଇ ସମସ୍ତଙ୍କୁ ନୂଆଁଖାଇର ଅଭିନନ୍ଦନ ଜଣାଇଥିଲେ ।