ସମ୍ବଲପୁର

ପ୍ରଧାନମନ୍ତ୍ରୀ ଫସଲ ବୀମା ରାଶି ପାଇଁ ଗର୍ଜିଲେ ଚାଷୀ

ପ୍ରଧାନମନ୍ତ୍ରୀ ଫସଲ ବୀମା ରାଶି ପାଇଁ ଗର୍ଜିଲେ ଚାଷୀ

ରେଢ଼ାଖୋଲ, ୧୨।୯ (ଡି.ଏନ.ଏ.)- ପ୍ରଧାନମନ୍ତ୍ରୀ ଫସଲ ବୀମା ରାଶି ପ୍ରଦାନ ଦାବିରେ ରେଢ଼ାଖୋଲ ବକ୍‌ ଭରତାପୁର ପଞ୍ଚାୟତର ଶତାଧିକ ଚାଷୀ ଓ କୃଷକ ସଂଗଠନର କର୍ମକର୍ତ୍ତା ଉପଜିଲାପାଳଙ୍କ କାର୍ଯ୍ୟାଳୟ ସମ୍ମୁଖରେ ଧାରଣାରେ ବସିଥିଲେ। ଏ ନେଇ ଏକ ଦାବିପତ୍ର ମଧ୍ୟ ଉପଜିଲାପାଳଙ୍କ ଅନୁପସ୍ଥିତିରେ ଡେପୁଟି କଲେକ୍ଟର ଅମ୍ଲାନ ଅପରାଜିତା ମିଶ୍ରଙ୍କୁ ଦେଇଥିଲେ। ତେବେ ଦାବିପତ୍ର ଗ୍ରହଣ କରି ଏ ସଂକ୍ରାନ୍ତରେ ଜିଲାପାଳ ସମର୍ଥ ବର୍ମାଙ୍କୁ ଜଣାଇ ଦିଆଯାଇଛି। ସେ ବୀମା କମ୍ପାନୀ ସହ ଆଲୋଚନା କରି ପଦକ୍ଷେପ ନେବେ ବୋଲି ଡେପୁଟି କଲେକ୍ଟର ଚାଷୀମାନଙ୍କୁ ପ୍ରତିଶ୍ରୁତି ଦେଇଥିଲେ । ହେଲେ ଚାଷୀମାନେ ଗତ ୨୦୧୭ ମସିହାଠାରୁ ବିଭିନ୍ନ ସମୟରେ ଉପଜିଲାପାଳ, ଜିଲାପାଳଙ୍କୁ ମଧ୍ୟ ଦାବିପତ୍ର ପ୍ରଦାନ କରାଯାଇଥିଲେ ହେଁ କୌଣସି ପଦକ୍ଷେପ ନେଇ ନ ଥିବା ଯୋଗୁ ବୀମା ରାଶି ଘୋଷଣା ନ ହେବା ପର୍ଯ୍ୟନ୍ତ ଅନିର୍ଦ୍ଧିଷ୍ଟ କାଳ ପାଇଁ ଧାରଣା ଜାରି ରହିବ ବୋଲି କହିଥିଲେ। ଶେଷରେ ଉପଜିଲାପାଳ ବିଶିକେଶନ ଦେହୁରୀ ସମ୍ବଲପୁରରୁ ଫେରି ଆନ୍ଦୋଳନରତ ଚାଷୀଙ୍କୁ ମନାଇବାରେ ସଫଳ ହୋଇଛନ୍ତି। ସେମାନଙ୍କୁ ନିଜ ଅଫିସକୁ ଡାକି ଉପଜିଲାପାଳ ଆଲୋଚନା କରିଥିଲେ। ସେ ଜିଲାପାଳଙ୍କ ସହ ଆଲୋଚନା କରିବେ। ଆବଶ୍ୟକ କାଗଜପତ୍ର ଯାଞ୍ଚ କରିବେ। ଏହାପରେ କ’ଣ ଅଗ୍ରଗତି ହେଲା କି ନ ହେଲା ଚାଷୀଙ୍କୁ ଜଣାଇବେ କହି ୧୦ ଦିନ ସମୟ ସମୟ ନେଇଛନ୍ତି। ଏଣୁ ଏହି ପ୍ରତିଶ୍ରୁତି ପାଇବା ପରେ ଆନ୍ଦୋଳନରତ ଚାଷୀ ଧାରଣାରୁ ଓହରିଥିଲେ। ଚାଷୀମାନେ ଅଭିଯୋଗ କରିଛନ୍ତି ଯେ, ଭରତାପୁର ଓ ତ୍ରୀବେଣପୁର ପଞ୍ଚାୟତ ସମେତ ବ୍ଲକର ୬ଟି ପଞ୍ଚାୟତରେ ସ୍ବଳ୍ପ ବୃଷ୍ଟିପାତ ଯୋଗୁ ମରୁଡି ପରିସ୍ଥିତି ସୃଷ୍ଟି ହୋଇଥିଲା । ତ୍ରୀବଣପୁର ପଞ୍ଚାୟତକୁ ୮୬ ପ୍ରତିଶତ ଫସଲ ନଷ୍ଟ ହୋଇଥିବା ନେଇ ଘୋଷଣା କରାଯିବା ସହିତ ବୀମା ରାଶି ପ୍ରଦାନ କରାଯାଇ ଥିବାବେଳେ ଭରତାପୁର ପଞ୍ଚାୟତକୁ ମାତ୍ର ୩୯ ପ୍ରତିଶତ ଘୋଷଣା କରାଯାଇଛି । ଭରତାପୁର ପଞ୍ଚାୟତକୁ ମଧ୍ୟ ୮୬ ପ୍ରତିଶତ ଘୋଷଣା କରାଯାଇ ଫସଲ ବୀମା ପ୍ରଦାନ କରାଯିବାକୁ ଚାଷୀ ଦାବି କରିଛନ୍ତି । ଗତ ସେପ୍ଟେମ୍ବର ୩ରେ ଉପଜିଲାପାଳଙ୍କୁ ଏ ସଂକ୍ରାନ୍ତରେ ଦାବିପତ୍ର ପ୍ରଦାନ କରାଯିବା ସହ ୧୦ ତାରିଖ ସୁଦ୍ଧା ଫସଲ ବୀମା ପ୍ରଦାନ ପାଇଁ ପଦକ୍ଷେପ ନିଆ ନ ଗଲେ ୧୧ ତାରିଖଠାରୁ ଧାରଣା ଦିଆଯିବ ବୋଲି ଜଣାଇଦିଆ ଯାଇଥିଲା। ଏଣୁ ମଙ୍ଗଳବାର ପଞ୍ଚାୟତର ଲିଙ୍ଗରାଜ ସାହୁ, ଶରତ ପ୍ରଧାନ, ଶିବ ପ୍ରସାଦ ପ୍ରଧାନ, ଈଶ୍ୱରଚନ୍ଦ୍ର ପ୍ରଧାନ, ବେଣୁଧର ପ୍ରଧାନ, ଉମାଚରଣ ପ୍ରଧାନ, ଧରଣିଧର ସାହୁ, ଲଲିତ ପ୍ରଧାନ, ଈଶ୍ୱରଚନ୍ଦ୍ର ବିଶ୍ୱାଳ, ଅଗସ୍ତି ସାହୁ, ଲକ୍ଷ୍ମଣ ପ୍ରଧାନ, ଦିଲୀପ କୁମାର ବେହେରା, ଶିବ ସାମଲ, ରାମଚନ୍ଦ୍ର ସାହୁଙ୍କ ସମେତ ଶତାଧିକ ଚାଷୀ ଓ କୃଷକ ସଂଗଠନର କର୍ମକର୍ତ୍ତା ଧାରଣାରେ ବସିଥିଲେ।
All Right Reserved By

ସମ୍ବଲପୁର

ଶୀତ ଗଲାପରେ କମ୍ବଳ କଥା ମନେ ପଡୁଛି

ସମ୍ବଲପୁର,୧୮ା୨(ବ୍ୟୁରୋ)ରାଜ୍ୟ ସରକାରଙ୍କ ପକ୍ଷରୁ ରାଜ୍ୟର ବୃଦ୍ଧାବୃଦ୍ଧ, ବିଧବା, ଭିନ୍ନକ୍ଷମମାନଙ୍କୁ ମାସିକ ଭତ୍ତା ମିଳୁଛି। ୬୦ ବର୍ଷ ବୟସ ଭିତରେ ହିତାଧିକାରୀଙ୍କୁ ପୂର୍ବରୁ ୩୦୦ ଟଙ୍କା ମିଳୁଥିଲା। ଏବେ ଆଉ ୨ ଶହ ଟଙ୍କା ବଢିଛି। ସେହିଭଳି ୬୦ ବର୍ଷ ଉପରକୁ ହିତାଧିକାରୀଙ୍କୁ ପୂର୍ବରୁ ୫୦୦ ଟଙ୍କା ମିଳୁଥିଲା। ଏବେ ତାହା ୭ ଶହ ଟଙ୍କାକୁ ବଢିଛି। 

ଅଙ୍ଗନୱାଡି କର୍ମୀ, ସହାୟିକା ସମାବେଶ: ପ୍ରେକ୍ଷାଳୟରେ ସିଟ୍‌ ମିଳିଲାନି

ସମ୍ବଲପୁର, ୧୮।୨ (ବ୍ୟୁରୋ)-ପଶ୍ଚିମ ଓଡିଶା ଅଙ୍ଗନୱାଡି କର୍ମୀ ଓ ସହାୟିକା ସଂଘର ସମାବେଶ (ମହାଯୋଟ) ତପସ୍ବିନୀ ପ୍ରେକ୍ଷାଳୟଠାରେ ଅନୁଷ୍ଠିତ ହୋଇଯାଇଛି । ହେଲେ ପ୍ରେକ୍ଷାଳୟରେ ସ୍ଥାନଭାବ ଯୋଗୁଁ ଅଙ୍ଗନୱାଡି କର୍ମୀ ଓ ସହାୟିକାମାନେ ବାହାରେ ବସିଥିଲେ। ନଳିନୀ ବାଗଙ୍କ ଅଧ୍ୟକ୍ଷତାରେ ଆବାହକ ପ୍ରଶାନ୍ତ ପାଢ଼ୀ ପରିଚାଳନା କରିଥିଲେ । 

ଆଜି ୧୨ ଘଣ୍ଟିଆ ଦେବଗଡ ବନ୍ଦ

ଦେବଗଡ,୧୮ା୨(ସ୍ବ.ପ୍ର.)

ରେଙ୍ଗାଳି ବନ୍ଧ ବାସଚ୍ୟୁତଙ୍କ ସମସ୍ୟା ଓ ଦାବି ପ୍ରତି ରାଜ୍ୟ ସରକାର ଓ ଜିଲା ପ୍ରଶାସନ ଅଣଦେଖା କରୁଛି। ଏହାର ପ୍ରତିବାଦରେ ଗତ ମଙ୍ଗଳବାରଠାରୁ ରେଙ୍ଗାଳି ବାସଚ୍ୟୁତ ସୁରକ୍ଷା ସମିତି ନେତୃତ୍ୱରେ କ୍ଷତିଗ୍ରସ୍ତ ପରିବାରସମୂହ ଗଣଧାରଣାରେ ବସିଛନ୍ତି। 

‘ପିଠା’ରେ ବିଜେଡି ନେତାଙ୍କୁ ବିରୋଧ

ବାମରା, ୧୮।୨ (ସ୍ବ.ପ୍ର.)

ସମ୍ବଳପୁର ଜିଲା ବାମରା ବ୍ଲକ ରଙ୍ଗିଆଟିକ୍ରା ପଞ୍ଚାୟତରେ ରବିବାର ଚାଲିଥିବା ପିଠା କାର୍ଯ୍ୟକ୍ରମରେ ଜଣେ ବ୍ୟକ୍ତିଙ୍କୁ ୱାର୍ଡ ମେମ୍ବର କଲ୍ୟାଣ ସଂଘ ବିରୋଧ କରି ପଞ୍ଚାୟତ କାର୍ଯ୍ୟାଳୟରେ ତାଲା ମାରିଛି । ବ୍ଲକ ଅଧ୍ୟକ୍ଷ ସଦାନନ୍ଦ କୁଜୁର, ନୋଡାଲ ଅଧିକାରୀ ଲକ୍ଷ୍ମୀନାରାୟଣ ମହାପାତ୍ର, ସରପଞ୍ଚ ଚମ୍ପାବତୀ ମିଞ୍ଜ ପ୍ରମୁଖଙ୍କ ସହ ବିଜେଡି ନେତା ଭୁବନେଶ୍ୱର କିସାନ ଉପସ୍ଥିତ ଥିଲେ । ଭୁବନେଶ୍ୱର ବର୍ତ୍ତମାନ କୌଣସି ଜନ ପ୍ରତିନିଧି ନ ଥିବା ବେଳେ କୌଣସି ପଦ ପଦବୀରେ ମଧ୍ୟ ନାହାନ୍ତି । 

ଅତି ଚାଲାକି ମହଙ୍ଗା ପଡିଲା

ବାମରା, ୧୮।୨ (ସ୍ବ.ପ୍ର.)

ବିହାରରେ ନିଜ କାକାକୁ ହତ୍ୟା କରି ଫେରାର ଥିବା ଜଣେ ଅଭିଯୁକ୍ତ ନିଜର ଅତି ଚାଲାକି ଯୋଗୁଁ ଗୋବିନ୍ଦପୁର ଥାନା ପୋଲିସ ହାତରେ ଧରା ପଡିଛନ୍ତି। ପୋଲିସ ତାଙ୍କୁ ଅଟକ ରଖିଛି। ଅଭିଯୁକ୍ତଙ୍କୁ ନେବା ପାଇଁ ବିହାର ପୋଲିସ ଆସି ପହଞ୍ଚତ୍ଛି । ସେ ହେଲେ ଧନଞ୍ଜୟ ଚୌହାନ। 

ଅଜ୍ଞତାରୁ ବଢୁଛି ସାଇବର କ୍ରାଇମ୍‌

ଅଜ୍ଞତାରୁ ବଢୁଛି ସାଇବର କ୍ରାଇମ୍‌

ବୀରମହାରାଜପୁର, ୧୮ା୨(ଡି.ଏନ୍‌.ଏ.)

ସମ୍ପ୍ରତି ଇଣ୍ଟରନେଟର ପ୍ରସାର ଯୋଗୁଁ କମ୍ପ୍ୟୁଟର ଓ ସ୍ମାର୍ଟ ଫୋନର ବ୍ୟବହାର ବଢି ଚାଲିଥିବା ବେଳେ ଏହାର ଦୁରୂପଯୋଗ ଅନେକ କ୍ଷେତ୍ରରେ କ୍ଷତି ଘଟାଇ ଚାଲିଛି। ଏଭଳି ଆପରାଧିକ ଘଟଣାକୁ ସାଇବର କ୍ରାଇମ୍‌ କୁହାଯାଉଥିବା ବେଳେ ସମ୍ପ୍ରତି ସାଧାରଣ ଲୋକେ ଏହାର ଶିକାର ହେଉଥିବା ଘଟଣା ପ୍ରତିଦିନ ସାମ୍‌ନାକୁ ଆସୁଛି। ଏଭଳି ଅପରାଧକୁ ରୋକିବା ପାଇଁ ରହିଥିବା ବିଧିବ୍ୟବସ୍ଥା ସମ୍ପର୍କରେ ଲୋକଙ୍କ ଅଜ୍ଞତା ଯୋଗୁଁ ଆପରାଧିକ ଘଟଣା ବୃଦ୍ଧିପାଇଛି।

ରାଣୀପୁର-ଝରିଆଲରେ ବେଆଇନ ଖନନ: ସ୍ମାରକୀ ଉପରେ ମାଟି ପୋତିଦେଲେ

ରାଣୀପୁର-ଝରିଆଲରେ ବେଆଇନ ଖନନ: ସ୍ମାରକୀ ଉପରେ ମାଟି ପୋତିଦେଲେ

ବଲାଙ୍ଗୀର ଅଫିସ, ୧୮ା୨

ଭାରତୀୟ ପ୍ରତ୍ନତାତ୍ତ୍ୱିକ ବିଭାଗ(ଏଏସ୍‌ଆଇ) ଅଧିନରେ ଥିବା ରାଣୀପୁର-ଝରିଆଲ ପ୍ରାଚୀନ ଐତିହ୍ୟ ସମୂହ ନିକଟରେ ବେଆଇନ ଗାତ ଖୋଳାଯିବା ପରେ ଏବେ ଐତିହାସିକ ଭଗ୍ନ ସ୍ମାରକୀ ଉପରେ ମାଟି ପୋତି ଦିଆଯାଇଛି ା ଭାରତ ସରକାରଙ୍କ ଦ୍ୱାରା ସ୍ମାରକୀ ସମୂହ ଅଞ୍ଚଳଭାବେ ଘୋଷିତ ବହୂମୂଲ୍ୟ ପ୍ରାଚୀନ କୀର୍ତ୍ତିରାଜି ଅଞ୍ଚଳରେ ଏଭଳି ବେଆଇନ କାମ ଖୋଲାଖୋଲି କରାଯାଇଥିଲେ ମଧ୍ୟ ଏଏସ୍‌ଆଇ କିମ୍ବା ସ୍ଥାନୀୟ ପ୍ରଶାସନ କୌଣସି  ପଦକ୍ଷେପ ନ ନେବାରୁ ସ୍ଥାନୀୟ ବୁଦ୍ଧିଜୀବୀ ମହଲରେ ଉଦ୍‌ବେଗ ପ୍ରକାଶ ପାଇଛି ା 

ନକ୍‌ଆଉଟ ଫୁଟବଲ ଟୁର୍ନାମେଣ୍ଟ: ଧର୍ମଗଡ ଚାମ୍ପିୟନ

ନକ୍‌ଆଉଟ ଫୁଟବଲ ଟୁର୍ନାମେଣ୍ଟ: ଧର୍ମଗଡ ଚାମ୍ପିୟନ

ସେରଗଡ଼,୧୮।୨(ଡି.ଏନ.ଏ.): କଳାହାଣ୍ଡି ଜିଲା ନର୍ଲା ବ୍ଲକ ଅଧୀନ ତୁଳାପଡାଠାରେ ପାଝରାଣୀ ସାଂସ୍କୃତିକ ଅନୁଷ୍ଠାନ ପକ୍ଷରୁ ଚାଲିଥିବା ନକଆଉଟ ଫୁଟବଲ ଟୁର୍ନାମେଣ୍ଟ ସୋମବାର ଉଦ୍‌ଯାପିତ ହୋଇଯାଇଛି। ଧର୍ମଗଡ ଓ ଜାମଖୁଣ୍ଟା ମଧ୍ୟରେ ଅନୁଷ୍ଠିତ ଫାଇନାଲ ଖେଳରେ ଧର୍ମଗଡ ୪-୨ ଗୋଲରେ ବିଜୟୀ ହୋଇ ଚାମ୍ପିୟନ ହୋଇଛି। ଚାମ୍ପିୟନ ଦଳକୁ ୮ ହଜାର ଟଙ୍କା ସହ ଟ୍ରଫି ଏବଂ ରନର୍ସଅପ୍‌ ଦଳକୁ ୬ ହଜାର ଟଙ୍କା ସହ ଟ୍ରଫି ପ୍ରଦାନ କରାଯାଇଛି ।

ମୁଖ୍ୟମନ୍ତ୍ରୀଙ୍କ ଦିନିକିଆ ବୌଦ୍ଧ ଜିଲା ଗସ୍ତ

ମୁଖ୍ୟମନ୍ତ୍ରୀଙ୍କ ଦିନିକିଆ ବୌଦ୍ଧ ଜିଲା ଗସ୍ତ

ବୌଦ୍ଧ,୧୮।୨(ସ୍ବ.ପ୍ର): କାଳିଆ ଯୋଜନା ଏକ ଯୁଗାନ୍ତକାରୀ ପଦକ୍ଷେପ । ଏହି ଯୋଜନାରେ ରାଜ୍ୟରେ ଜଣେ ହେଲେ ଯୋଗ୍ୟ ଚାଷୀ ଯେପରି ବଞ୍ଚତ୍ତ ହେବେ ନାହିଁ ସେଥିପ୍ରତି ଦୃଷ୍ଟି ଦିଆଯାଉଛି ।

ଓଡିଶା ଷ୍ଟାମ୍ପ ଭେଣ୍ଡର ମହାସଂଘର ଧାରଣା ସମାଧାନ ପାଇଁ ସରକାର ଦୃଷ୍ଟି ଦେବାକୁ ଦାବି

ରାଉରକେଲା ଅଫିସ,୧୮ା୨-ଓଡିଶା ଷ୍ଟାମ୍ପ ଭେଣ୍ଡର ମହାସଂଘ ପକ୍ଷରୁ ବିଭିନ୍ନ ଦାବି ନେଇ ଧାରଣା ଆରମ୍ଭ ହୋଇଛି ା 

‘ଶାସନ ପରିବର୍ତ୍ତନର ବାର୍ତ୍ତାବହ ସାଜିବେ କୃଷକ’

ରାଉରକେଲା ଅଫିସ,୧୮ା ୨-ବିଜେଡି ସରକାର କୃଷକଙ୍କ ସମସ୍ୟାର ସମାଧାନ ପାଇଁ କେବେ ଆଗ୍ରହ ପ୍ରକାଶ କରି ନାହଁାନ୍ତି। ଏଥିପାଇଁ ଶାସନ ପରିବର୍ତ୍ତନର ବାର୍ତ୍ତାବହ ସାଜିବେ ଓଡିଶା କୃଷକ। କୃଷକମାନେ ହେଲେ ସମାଜର ମେରୁଦଣ୍ଡ। 

ବେଲପାହାଡ଼ ବନ୍ଦ

ବେଲପାହାଡ଼,୧୮ା୨(ଡ଼ି.ଏନ୍‌.ଏ): ଜମ୍ମୁକଶ୍ମୀର ପୁଲୱାମାଠାରେ ସଂଘଟିତ ଆତଙ୍କବାଦୀଙ୍କ ଆତ୍ମଘାତୀ ବିସ୍ଫୋରଣରେ ଭାରତର ୪୯ ଜଣ ଯବାନ ଶହୀଦ ହୋଇଛନ୍ତି ା