ରାଜ୍ୟ | ବାଲେଶ୍ୱର

ମଦ ପାଇଁ ଟଙ୍କା ନ ଦେବାରୁ ସ୍ତ୍ରୀଙ୍କୁ ହତ୍ୟା

ମଦ ପାଇଁ ଟଙ୍କା ନ ଦେବାରୁ ସ୍ତ୍ରୀଙ୍କୁ ହତ୍ୟା
ବାଲେଶ୍ୱର ଅଫିସ, ୧୨।୯: ବାଲେଶ୍ୱର ଜିଲା ଚାନ୍ଦିପୁର ଥାନା ଅଧୀନ  ରଣସାହି ଅଞ୍ଚଳର ସାହାଡ଼ା ଗ୍ରାମରେ ସ୍ବାମୀଙ୍କ ଭୁଜାଲି ଚୋଟରେ ସ୍ତ୍ରୀଙ୍କ ମୃତ୍ୟୁ ଘଟିଛି। ମଙ୍ଗଳବାର ବିଳମ୍ବିତ ରାତିରେ ଘଟିଥିବା ଏହି ଘଟଣା ଉକ୍ତ ଅଞ୍ଚଳରେ ଚର୍ଚ୍ଚାର ବିଷୟ ପାଲଟିଛି। ପ୍ରକାଶ ଯେ, ଗ୍ରାମର ଅଜୟ କୁମାର କମିଳା(୪୦) ସ୍ତ୍ରୀ ସୁମିତ୍ରା(୨୩)ଙ୍କୁ ମଦ ପିଇବା ପାଇଁ ଟଙ୍କା ମାଗିଥିଲେ। ସୁମିତ୍ରା ଟଙ୍କା ନ ଦେବାକୁ ଉଭୟଙ୍କ ମଧ୍ୟରେ ପାଟିତୁଣ୍ଡ ହୋଇଥିଲା। ମା’ବାପାଙ୍କ ପାଟିତୁଣ୍ଡ ଦେଖି ୩ ନାବାଳିକା ଝିଅ ଡରରେ ପଡିଶା ଘରେ ଲୁଚି ରହିଥିଲେ। ପରେ ପରିସ୍ଥିତି ଶାନ୍ତି ପଡ଼ିବା ପରେ ରାତିରେ ସୁମିତ୍ରା ଓ ୩ ପିଲା ଶୋଇଯାଇଥିଲେ। ରାତି ପ୍ରାୟ ୧୧ଟାରେ ଅଜୟ ସୁମିତ୍ରାଙ୍କ ବେକ ଓ ପେଟକୁ ଏକ ଧାରୁଆ ଭୁଜାଲିରେ ବାରମ୍ବାର ପ୍ରହାର କରିଥିଲେ। ଘଟଣାସ୍ଥଳରେ ହିଁ ସୁମିତ୍ରାଙ୍କର ମୃତ୍ୟୁ ଘଟିଛି। ଏହି କାଣ୍ଡ ଘଟାଇବା ପରେ ଅଜୟ ଘଟଣାସ୍ଥଳରୁ ଫେରାର ହୋଇଯାଇଥିଲେ। ରାତି ପ୍ରାୟ ୨ଟାରେ ବଡ଼ ଝିଅର ନିଦ ଭାଙ୍ଗିବା ପରେ ମା’ର ମୃତଦେହ ଦେଖି ସେ ପଡ଼ିଶା ଘରକୁ ଯାଇ ଜଣାଇଥିଲେ। ଗାଁ ଲୋକେ ଚାନ୍ଦିପୁର ସମୂଦ୍ର କୂଳରୁ ଅଜୟଙ୍କୁ ଧରି ଗାଁକୁ ଆଣିଥିଲେ। ପ୍ରଥମେ ଅଜୟ ଘଟଣା ସମ୍ପର୍କରେ କିଛି ଯାଣି ନ ଥିବା କହିଥିଲେ। ଗାଁର ମହିଳାମାନେ ତାଙ୍କୁ ମାଡ଼ ମାରିବା ପରେ ସେ ସବୁ ସତ କଥା ସ୍ବିକାର କରିଛନ୍ତି। ଗାଁ ଲୋକେ ଅଜୟଙ୍କୁ ପୋଲିସ ଜିମା ଦେଇଛନ୍ତି। ପୋଲିସ ଘଟଣାର ତଦନ୍ତ ଚଳାଇଛି। 
All Right Reserved By

ରାଜ୍ୟ | ବାଲେଶ୍ୱର

ପଶ୍ଚିମ ଓଡିଶାରେ ହାଇକୋର୍ଟର ସ୍ଥାୟୀ ବେଞ୍ଚ ପ୍ରତିଷ୍ଠା ପ୍ରସଙ୍ଗ: ଓକିଲଙ୍କ ଆନ୍ଦୋଳନ, କୋର୍ଟ ବନ୍ଦ

ପଶ୍ଚିମ ଓଡିଶାରେ ହାଇକୋର୍ଟର ସ୍ଥାୟୀ ବେଞ୍ଚ ପ୍ରତିଷ୍ଠା ପ୍ରସଙ୍ଗ: ଓକିଲଙ୍କ ଆନ୍ଦୋଳନ, କୋର୍ଟ ବନ୍ଦ

  ସୋନପୁର,୨୦।୧୧(ନି.ପ୍ର.): ପଶ୍ଚିମ ଓଡିଶାରେ ହାଇକୋର୍ଟର ସ୍ଥାୟୀ ବେଞ୍ଚ ପ୍ରତିଷ୍ଠା ଦାବିରେ ଚାଲିଥିବା ଆନ୍ଦୋଳନ ଜୋର ଧରିଛି। ଆଇନଜୀବୀମାନେ ଆନ୍ଦୋଳନକୁ ଜୋରଦାର କରିଛନ୍ତି। ପଶ୍ଚିମ ଓଡିଶା ଓକିଲ ସଂଘ ସମୂହ କେନ୍ଦ୍ରୀୟ କ୍ରିୟାନୁଷ୍ଠାନ କମିଟି(ସିଏସି) ପକ୍ଷରୁ ନିଆଯାଇଥିବା ନିଷ୍ପତ୍ତି ଅନୁଯାୟୀ ଓକିଲମାନେ କାର୍ଯ୍ୟବନ୍ଦ ଆନ୍ଦୋଳନ ଜାରି ରଖିଛନ୍ତି ।

ସପ୍ତାହେ ହେବ ହାତୀ ଉପଦ୍ରବ: ୫୦ ଏକରରୁ ଊର୍ଦ୍ଧ୍ୱ ଧାନଫସଲ ନଷ୍ଟ

ସପ୍ତାହେ ହେବ ହାତୀ ଉପଦ୍ରବ: ୫୦ ଏକରରୁ ଊର୍ଦ୍ଧ୍ୱ ଧାନଫସଲ ନଷ୍ଟ

ଛେଣ୍ଡିପଦା,୨୦।୧୧(ସ୍ବ.ପ୍ର.)- ଛେଣ୍ଡିପଦା ବନାଞ୍ଚଳ ଦୁର୍ଗାପୁର ସଂରକ୍ଷିତ ଜଙ୍ଗଲର ପାଶର୍‌ବବର୍ତ୍ତୀ ଗ୍ରାମରେ ସପ୍ତାହେ ହେବ ହାତୀ ଉପଦ୍ରବ ଲାଗିରହିଛି। ଏଥିଯୋଗୁ ଚାଷୀଙ୍କ ପ୍ରାୟ ୫୦ ଏକରରୁ ଊର୍ଦ୍ଧ୍ୱ ଧାନ ଫସଲ ନଷ୍ଟ ହୋଇଥିବା ଅଭିଯୋଗ ହୋଇଛି। 

ବୁଢୀମା’ ମୁଣ୍ଡରେ ନାତିର ବୋଝ

ବୁଢୀମା’ ମୁଣ୍ଡରେ ନାତିର ବୋଝ

ଚମ୍ପୁଆ, ୨୦ା୧୧(ଡି.ଏନ.ଏ.): ମା’ବାପା ଛେଉଁଣ୍ଡ ନାତିର ବୋଝ ସମ୍ଭାଳୁଛନ୍ତି ୬୫ ବର୍ଷର ବିଧବା ବୁଢୀମା’। ଚମ୍ପୁଆ ବ୍ଲକ ଗୁଳୁଦିପଶି ଗ୍ରାମରେ ଜନସେବା ସଙ୍ଗଠନର ଗାଁକୁ ଚାଲ ପରିପ୍ରେକ୍ଷୀରେ ଉକ୍ତ ଘଟଣା ପଦାକୁ ଆସିଛି। ସଙ୍ଗଠନର ସମ୍ପାଦକ ମହେନ୍ଦ୍ର କୁମାର ଗିରିଙ୍କ ସମେତ ୯ ଜଣ ସଭ୍ୟ ବୁଢୀମା ପାର୍ବତୀ ମୁଣ୍ଡା ପାଖରେ ପହଞ୍ଚି ଥିଲେ। ତାଙ୍କର ଦୁଃଖ ପ୍ରଶାସନର ଦୃଷ୍ଟି ଆକର୍ଷଣ କରାଇବେ ବୋଲି ସଙ୍ଗଠନର ସମ୍ପାଦକ ପ୍ରତିଶ୍ରୁତି ଦେଇଛନ୍ତି। 

ମଇଁଷିକୁ ଧକ୍କା ଦେଇ ମହାନଦୀ ପୋଲରୁ ଖସିଲା ଯାତ୍ରୀବାହୀ ବସ୍‌: ୩ ମୃତ, ୧୫ରୁ ଊର୍ଦ୍ଧ୍ୱ ଆହତ

ମଇଁଷିକୁ ଧକ୍କା ଦେଇ ମହାନଦୀ ପୋଲରୁ ଖସିଲା ଯାତ୍ରୀବାହୀ ବସ୍‌: ୩ ମୃତ, ୧୫ରୁ ଊର୍ଦ୍ଧ୍ୱ ଆହତ

କଟକ ଅଫିସ,୨୦।୧୧: କଟକ ଜଗତପୁର ଥାନା ଅନ୍ତର୍ଗତ ମହାନଦୀ ବ୍ରିଜ ଉପରୁ ମଙ୍ଗଳବାର ସନ୍ଧ୍ୟା ୬.୩୦ ସମୟରେ ଏକ ଯାତ୍ରୀବାହୀ ବସ୍‌ ୨୦ ଫୁଟ ତଳକୁ ଖସିପଡ଼ିଛି। ବସ୍‌ଟି ତାଳଚେରରୁ କଟକ ଯାଉଥିବା ବେଳେ ଉକ୍ତ ସ୍ଥାନରେ ଏକ ମଇଁଷିକୁ ଧକ୍କା ଦେଇଥିଲା। ଫଳରେ ବସ୍‌ଟି ଭାରସାମ୍ୟ ହରାଇ ଗ୍ରିଲରେ ମାଡ଼ ହୋଇ ପୋଲ ତଳକୁ ଖସି ପଡ଼ିଥିଲା। 

ମଦ କାରଖାନାକୁ ବିରୋଧ ପ୍ରସଙ୍ଗ: ବଳରାମପୁରରେ ଆର୍‌ଡିସିଙ୍କ ସରଜମିନ ତଦନ୍ତ

ମଦ କାରଖାନାକୁ ବିରୋଧ ପ୍ରସଙ୍ଗ: ବଳରାମପୁରରେ ଆର୍‌ଡିସିଙ୍କ ସରଜମିନ ତଦନ୍ତ

ଓଡ଼ାପଡ଼ା,୨୦।୧୧(ଡି.ଏନ୍‌.ଏ.): ଢେଙ୍କାନାଳ ଜିଲା ଓଡ଼ାପଡ଼ା ବ୍ଲକ ବଳରାମପୁର ଗ୍ରାମରେ ପ୍ରସ୍ତାବିତ ମଦ କାରଖାନାକୁ ଅଞ୍ଚଳବାସୀ ବିରୋଧ କରିଥିଲେ। ଘଟଣାକୁ ନେଇ ପୋଲିସ ଓ ଗ୍ରାମବାସୀ ମୁହାଁମୁହିଁ ପରିସ୍ଥିତି ସୃଷ୍ଟି ହୋଇଥିଲା। ପରେ ଏହା ଉପରେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ରୋକ ଲଗାଇଥିଲେ। ତେବେ ମଙ୍ଗଳବାର ଉତ୍ତରାଞ୍ଚଳ ରାଜସ୍ବ କମିଶନର ଡିଭି ସ୍ବାମୀ ସେଠାରେ ପହଞ୍ଚି ସରଜମିନ ତଦନ୍ତ କରିଛନ୍ତି।

୨୧ରେ ରାଜ୍ୟପାଳଙ୍କ ଖୋର୍ଦ୍ଧା ଗସ୍ତ: ମରାମତି ହୋଇନି ମରଣଯନ୍ତା ରାସ୍ତା

୨୧ରେ ରାଜ୍ୟପାଳଙ୍କ ଖୋର୍ଦ୍ଧା ଗସ୍ତ: ମରାମତି ହୋଇନି ମରଣଯନ୍ତା ରାସ୍ତା

ଖୋର୍ଦ୍ଧା ଅଫିସ,୨୦।୧୧: ଖୋର୍ଦ୍ଧା ଜିଲା ଗୁରୁଜଙ୍ଗରେ ଲୋକ ଉତ୍ସବ ଚାଲିଛି। ଏ ନେଇ  ପ୍ରତ୍ୟହ ମନ୍ତ୍ରୀମାନେ ଏଠାକୁ  ଆସୁଛନ୍ତି। ୨୧ ତାରିଖ ଏହାର ଉଦ୍‌ଯାପନୀ ଦିବସ ଅବସରରେ ରାଜ୍ୟପାଳଙ୍କ ଖୋର୍ଦ୍ଧା ଗସ୍ତ କାର୍ଯ୍ୟକ୍ରମ ରହିଛି। 

ଚାକିରୀ ପ୍ରଲୋଭନ ଦେଖାଇ ବଳାତ୍କାର: ଅଭିଯୁକ୍ତ ଗିରଫ

ଚାକିରୀ ପ୍ରଲୋଭନ ଦେଖାଇ ବଳାତ୍କାର: ଅଭିଯୁକ୍ତ ଗିରଫ

ଦାରିଙ୍ଗବାଡ଼ି, ୨୦।୧୧ (ଡି.ଏନ.ଏ.)- ଜଣେ  ୨୩ ବର୍ଷ ଯୁବତୀଙ୍କୁ ବିଭିନ୍ନ ପ୍ରଲୋଭନ ଦେଖାଇବା ସହ ଚାକିରୀ କରାଇଦେବା ଏବଂ ରୋଜଗାର ବୃଦ୍ଧିର ଲୋଭ ଦେଖାଇ ବାରମ୍ବାର ବଳାତ୍କାର କରାଯାଇଥିବା ବ୍ରାହ୍ମଣୀଗାଁ ଥାନାରେ ଅଭିଯୋଗ ହୋଇଛିା 

ଭାଜପାର ଅଭିଯୋଗ: ସରକାରଙ୍କ ସହ ନରସିଂହଙ୍କ ଭିତିରି ସମ୍ପର୍କ, ଅପରାହ୍ନ ୩ଟା ଯାଏ ଗୃହ ମୁଲତବୀ

ଭାଜପାର ଅଭିଯୋଗ: ସରକାରଙ୍କ ସହ ନରସିଂହଙ୍କ ଭିତିରି ସମ୍ପର୍କ, ଅପରାହ୍ନ ୩ଟା ଯାଏ ଗୃହ ମୁଲତବୀ

ଭୁବନେଶ୍ୱର, ୨୦।୧୧(ବ୍ୟୁରୋ): କଂଗ୍ରେସ ଓ ବିଜେଡି ଏକ।  ବିରୋଧୀ ଦଳ ନେତା ଶାସକ ଦଳ ଇଙ୍ଗିତରେ ପରିଚାଳିତ ହେଉଛନ୍ତି। ୨୦୧୪ରେ ପୂର୍ବତନ ବିରୋଧୀ ଦଳ ନେତା ଭୂପିନ୍ଦର ସିଂ ଯେପରି ନିଜର ଫାଇଦା ପାଇଁ ସରକାର ସହିତ ସାମିଲ ହୋଇଥିଲେ ବର୍ତ୍ତମାନ ମଧ୍ୟ ସେହି ଅବସ୍ଥା ସୃଷ୍ଟି ହୋଇଛି। ରାଜ୍ୟବାସୀଙ୍କ ସ୍ବାର୍ଥକୁ ଅଣଦେଖାକରି ବିରୋଧୀ ଦଳ ନେତା ନିଜର ଫାଇଦା ହାସଲ ଲାଗି ସରକାରଙ୍କ ସହ ଭିତିରି ଯୋଡ଼ି ହୋଇଛନ୍ତି। 

ଅସନ୍ତୋଷ କ୍ରିଡାପ୍ରେମୀ, ଟିକେଟ ଲାଗି ଖୋଲୁନି ଓ୍ବେବସାଇଟ୍‌

ଅସନ୍ତୋଷ କ୍ରିଡାପ୍ରେମୀ, ଟିକେଟ ଲାଗି ଖୋଲୁନି ଓ୍ବେବସାଇଟ୍‌

ଭୁବନେଶ୍ୱର,୨୦।୧୧(ବ୍ୟୁରୋ): ହକି ମହାକୁମ୍ଭ ଆସନ୍ତା ନଭେମ୍ବର ୨୮ରୁ ସ୍ଥାନୀୟ କଳିଙ୍ଗ ଷ୍ଟାଡିୟମ୍‌ରେ ଆରମ୍ଭ ହେବ। ଏହାର ଉଦ୍‌ଘାଟନୀ ଉତ୍ସବ ଲାଗି ମଙ୍ଗଳବାର ଅପରାହ୍ନ ୧୨ଟାରୁ ଟିକେଟ ଉପଲବ୍ଧ ହେବା ନେଇ ଘୋଷଣା ହୋଇଥିଲା।

ବାଙ୍କଚୁଡ଼ା ବେଶରେ ଦର୍ଶନ ଦେଲେ ମହାପ୍ରଭୁ

ବାଙ୍କଚୁଡ଼ା ବେଶରେ ଦର୍ଶନ ଦେଲେ ମହାପ୍ରଭୁ

ପୁରୀ ଅଫିସ,୨୦।୧୧: କାର୍ତ୍ତିକ ଶୁକ୍ଲ ଦ୍ୱାଦଶୀ ତଥା ପଞ୍ଚୁକର ଦ୍ୱିତୀୟ ଦିବସରେ ମଙ୍ଗଳବାର ରତ୍ନସିଂହାସନରେ ତିନି ଠାକୁରଙ୍କ ବାଙ୍କଚୁଡା ବେଶ ଅନୁଷ୍ଠିତ ହୋଇଛି। ଏହି ବେଶ ଦର୍ଶନ ଲାଗି ଶ୍ରୀମନ୍ଦିରରେ ଭକ୍ତଙ୍କ ପ୍ରବଳ ଭିଡ଼ ଲାଗିଛି ।

ହକି ବିଶ୍ୱକପ୍‌ ଉଦ୍‌ଘାଟନୀ ଉତ୍ସବ: ଆଜିଠୁ ଟିକେଟ୍‌ ବିକ୍ରି

ହକି ବିଶ୍ୱକପ୍‌ ଉଦ୍‌ଘାଟନୀ ଉତ୍ସବ: ଆଜିଠୁ ଟିକେଟ୍‌ ବିକ୍ରି

ଭୁବନେଶ୍ୱର, ୨୦।୧୧(ବ୍ୟୁରୋ): ନଭେମ୍ବର ୨୮ରୁ ସ୍ଥାନୀୟ କଳିଙ୍ଗ ଷ୍ଟାଡିୟମରେ ଆରମ୍ଭ ହେବ ହକି ମହାକୁମ୍ଭ। ଏହାପୂର୍ବରୁ ଉଦ୍‌ଘାଟନୀ ଉତ୍ସବ ପାଇଁ ଆଜିଠୁ ଟିକେଟ୍‌ ବିକ୍ରି ଆରମ୍ଭ ହେବ। ଅପରାହ୍ନ ୧୨ରୁ ଅନଲାଇନରେ ଟିକେଟ୍‌  ଉପଲବ୍ଧ ହେବ।

ବଳରାମପୁରରେ ହେବନି ବିୟର ବଟ୍‌ଲିଂ ପ୍ଲାଣ୍ଟ

ବଳରାମପୁରରେ ହେବନି ବିୟର ବଟ୍‌ଲିଂ ପ୍ଲାଣ୍ଟ

ଭୁବନେଶ୍ୱର, ୨୦।୧୧(ବ୍ୟୁରୋ): ଢେଙ୍କାନାଳ ଜିଲା ଓଡାପଡା ବ୍ଲକ ବଳରାମପୁର ନିକଟରେ ପ୍ରସ୍ତାବିତ ବିୟର ବଟଲିଂ ପ୍ଲାଣ୍ଟକୁ ବାତିଲ କରିଦିଆଯାଇଛି। ସେଠାରେ ଆଉ ସେହି ପ୍ଲାଣ୍ଟ ହେବନାହିଁ।