ଖେଳ |

କଳିଙ୍ଗ ଷ୍ଟାଡିୟମରେ ଜାତୀୟ ଓପନ୍‌ ଆଥଲେଟିକ୍ସ ଚାମ୍ପିୟନଶିପ୍‌

କଳିଙ୍ଗ ଷ୍ଟାଡିୟମରେ ଜାତୀୟ ଓପନ୍‌ ଆଥଲେଟିକ୍ସ ଚାମ୍ପିୟନଶିପ୍‌
ଭୁବନେଶ୍ୱର, ୧୨।୯ (ସ୍ପୋଟର୍‌ସ ବ୍ୟୁରୋ)- ସ୍ଥାନୀୟ କଳିଙ୍ଗ ଷ୍ଟାଡିୟମରେ ଆସନ୍ତା ୨୫ରୁ ୨୮ ତାରିଖ ମଧ୍ୟରେ ୫୮ତମ ଜାତୀୟ ଓପନ୍‌ ଆଥଲେଟିକ ଚାମ୍ପିୟଶିପ ଆୟୋଜନ ହେବ। ଚଳିତ ସେସନର ଏହା ଶେଷ ମେଜର ଚାମ୍ପିୟନଶିପ୍‌ ହୋଇଥିବାରୁ ବିଭିନ୍ନ ଦୃଷ୍ଟିକୋଣରୁ ଏହାର ଗୁରୁତ୍ୱ ବେଶ୍‌ ବଢିଯାଇଛି।  ଆଥଲେଟିକ୍ସ ଫେଡେରେଶନ ଅଫ୍‌ ଇଣ୍ଡିଆ (ଏଏଫଆଇ) ସାଧାରଣ ସମ୍ପାଦକ ସି.କେ. ଭାଲସନ ମଙ୍ଗଳବାର ଏଠାରେ ଆୟୋଜିତ ଏକ ଖବରଦାତା ସମ୍ମଳନୀରେ ଯୋଗ ଦେଇ ଏହି ଆଥଲେଟିକ୍‌ ଚାମ୍ପିୟନଶିପ୍‌ ସଂକ୍ରାନ୍ତରେ ବିଶେଷ ଭାବେ ସୂଚନା ପ୍ରଦାନ କରିଥିଲେ। ଏହି ମେଗା ଇଭେଣ୍ଟରେ ପାଖାପାଖି ୬୦୦ ଆଥଲେଟ୍‌ ଅଂଗ୍ରହଣ କରିବେ। ଦେଶର ସବୁ ରାଜ୍ୟ ଓ ରେଲଓ୍ବେ, ସର୍ଭିସେସ, ଏଲଆଇସି ଓ ପୋଲିସ ଭଳି ବୋର୍ଡରୁ ଆଥଲେଟମାନେ ଭାଗ ନେବେ ବୋଲି ସେ କହିଥିଲେ। ସବୁଠାରୁ ବଡ଼ କଥା ହେଉଛି ଜାପାନ ଭଳି ଦେଶରୁ ମଧ୍ୟ ଆଥଲେଟମାନେ ଏହି ଚାମ୍ପିୟନଶିପ୍‌ରେ ଭାଗ ନେବାକୁ ଇଚ୍ଛା ପ୍ରକାଶ କରିଛନ୍ତି। ୩ଜଣ ଜାପାନୀ ମହିଳା ସ୍ପ୍ରିଣ୍ଟର ଏହି ଇଭେଣ୍ଟରେ ଏଥର ଭାଗ ନେବେ। ଜାପାନାର ହିଟୋମି ସିମୁରା ମହିଳା ୧୦୦ ମିଟର ହର୍ଡଲ୍ସ, ସାୟାକା ଆଓକି ମହିଳା ୪୦୦ ମିଟର ହର୍ଡଲ୍ସ ଓ ତାକେଇସି କୋନୋମି ୪୦୦ ମିଟର ରେସ୍‌ରେ ଅଂଶଗ୍ରହଣ କରିବେ। ଏଥିରେ ଅଂଶଗ୍ରହଣ କରିବାକୁ ଜାପାନ ଖେଳାଳିମାନେ ଅନୁରୋଧ କରିଥିଲେ ଓ ଏହାକୁ ଆମେ ସାଦରେ ଗ୍ରହଣ କରିଛୁ ବୋଲି ଭାଲସନ କହିଛନ୍ତି। ଭାରତ ଏବେ ଏସିଆରେ ଅନ୍ୟତମ ଆଥଲେଟିକ୍‌ ପାଓ୍ବାର ହାଉସ ରୂପେ ଉଭା ହୋଇଛି। ତେଣୁ ବିଦେଶରୁ ମଧ୍ୟ ଖେଳାଳିମାନେ ଆମ ଜାତୀୟ ଚାମ୍ପିୟନଶିପ୍‌ରେ ଅଂଶଗ୍ରହଣ କରିବାକୁ ଇଚ୍ଛା ପ୍ରକାଶ କରିଛନ୍ତି। ଏହା ମଧ୍ୟ ଖୁସିର କଥା ବୋଲି ସେ କହିଛନ୍ତି। ଏହି ଚାମ୍ପିୟନଶିପ୍‌ରେ ଦେଶର ତାରକା ଆଥଲେଟ ଅଂଶଗ୍ରହଣ କରିବେ ବୋଲି ସେ ସୂଚନା ଦେଇଥିଲେ। ତାରକା ଜାଭେଲିନ ଥ୍ରେୟର ନିରଜ ଚୋପ୍ରା ମଧ୍ୟ ଏଥିରେ ଅଂଶଗ୍ରହଣ କରିବେ। ତେବେ ତାରକା ମହିଳା ସ୍ପ୍ରିଣ୍ଟର ହିମା ଦାସ ଇଞ୍ଜୁରି କାରଣରୁ ଏଥିରେ ଭାଗ ନେବେ ନାହିଁ। ଓଡ଼ିଆ ମହିଳା ସ୍ପ୍ରିଣ୍ଟର ଶ୍ରାବଣୀ ନନ୍ଦ ମଧ୍ୟ ଇଞ୍ଜୁରି କାରଣରୁ ଅଂଶଗ୍ରହଣ କରିବେ ନାହିଁ। ତେବେ ଅନ୍ୟ ତାରକା ଆଥଲେଟଙ୍କ ଅଂଶଗ୍ରହଣ କରିବା ନେଇ ପରେ ଘୋଷଣା କରାଯିବ ବୋଲି ଭାଲସନ କହିଥିଲେ। 
ଭୁବେନେଶ୍ୱର ଏବେ ‘ପାରାଡାଇଜ ସିଟି ଅଫ୍‌ ସ୍ପୋଟର୍‌ସ’ ଅର୍ଥାତ କ୍ରୀଡ଼ାର ସ୍ବର୍ଗ ବନିଯାଇଛି ବୋଲି ଭାଲସନ କହିଥିଲେ। ଏଥି ପାଇଁ ସେ ନବୀନ ପଟ୍ଟନାୟକଙ୍କ ନେତୃତ୍ୱାଧୀନ ଓଡ଼ିଶା ସରକାରଙ୍କୁ ଧନ୍ୟବାଦ ଦେବା ସହ ଭୂୟସୀ ପ୍ରଶଂସା କରିଛନ୍ତି । ଓଡ଼ିଶା ସରକାରଙ୍କ ପ୍ରଚେଷ୍ଟାରେ ଭୁବନେଶ୍ୱରର କଳିଙ୍ଗ ଷ୍ଟାଡିୟମରେ ଗୋଟିଏ ପରେ ଗୋଟିଏ ମେଜର ଇଭେଣ୍ଟ  ବେଶ୍‌ ସଫଳତା ସହ ଆୟୋଜିତ ହୋଇଛି। ବିଶ୍ୱକ୍ରୀଡ଼ା ମାନଚିତ୍ରରେ ଭୁବନେଶ୍ୱର ଏକ ସ୍ବତନ୍ତ୍ର ସ୍ଥାନ ସୃଷ୍ଟି କରିପାରିଛି। ମାତ୍ର ୯୦ ଦିନ ମଧ୍ୟରେ ସରକାରଙ୍କ ପ୍ରଚେଷ୍ଟାରେ ଏଠାରେ ଗତବର୍ଷ ଏସିଆନ ଆଥଲେଟିକ୍ସ ଗେମ୍ସ ବେଶ୍‌ ସଫଳତାର ସହ ଆୟୋଜିତ ହୋଇଥିଲା ଓ ସାରା ବିଶ୍ୱ ପାଇଁ ଏହା ଏକ ଉଦାହରଣ ସୃଷ୍ଟି କରିଥିଲା ବୋଲି ଭାଲସନ କହିଛନ୍ତି। ଏଥିପାଇଁ ସେ ଓଡ଼ିଶା ସରକାର ଓ ଓଡ଼ିଶା ଆଥଲେଟିକ ଆସୋସିଏଶନ (ଓଏଏ)କୁ  କୃତଜ୍ଞତା ଜଣାଇଛନ୍ତି। ପୁଣି ଥରେ କଳିଙ୍ଗ ଷ୍ଟାଡିୟମରେ ଆଉ ଏକ ମେଗା ଇଭେଣ୍ଟର ଆୟୋଜନ ସଫଳ ହେବ ବୋଲି ଭାଲସନ କହିଛନ୍ତି। 
ଜାକର୍ତ୍ତାଠାରେ ଅନୁଷ୍ଠିତ ହୋଇଥିବା ୧୮ତମ ଏସିଆନ ଗେମ୍ସରେ ଭାରତୀୟ ଆଥଲେଟମାନେ ଐତିହାସିକ ପ୍ରଦର୍ଶନ କରିଥିଲେ। ଭାରତୀୟ ଆଥଲେଟମାନେ ଟ୍ରାକ ଆଣ୍ଡ ଫିଲ୍ଡରେ ଏଥର ୭ ସ୍ବର୍ଣ୍ଣ, ୧୦ ରୌପ୍ୟ ଓ ୨ଟି ବ୍ରୋଞ୍ଜ ପଦକ ସହ ମୋଟ ୧୯ଟି ପଦକ ହାସଲ କରିଥିଲେ। ଏଥିପାଇଁ ସବୁ ଆଥଲେଟ, କୋଚ, ସପୋର୍ଟ ଷ୍ଟାଫ, କ୍ରୀଡ଼ା ପ୍ରଶଂସକ ଓ ଗଣମାଧ୍ୟମଗୁଡିକୁ ଆମେ ଧନ୍ୟବାଦ ଜଣାଉଛୁ ବୋଲି ଭାଲସନ କହିଛନ୍ତି। କଳିଙ୍ଗ ଷ୍ଟାଡିୟମରେ ବିଶ୍ୱସ୍ତରୀୟ ସୁବିଧା ସୁଯୋଗ ରହିଛି। ଏକ ସୁନ୍ଦର ଅଭ୍ୟାସ ପଡିଆ ଓ ଓ୍ବାର୍ମଅପ୍‌ ଟ୍ରାକ ଆଥଲେଟଙ୍କୁ  ବେଶ୍‌ ସହାୟତା ପ୍ରଦାନ କରିବ। ଏହି ପ୍ରତିଯୋଗିତାରେ ସବୁ ଆଥଲେଟ ବିଶ୍ୱସ୍ତରୀୟ ପ୍ରଦର୍ଶନ କରିବେ ବୋଲି ଭାଲସନ ଆଶାପ୍ରକାଶ କରିଛନ୍ତି। ୪ ଦିନ ଧରି ଚାଲିବାକୁ ଥିବା ଏହି ଚାମ୍ପିୟନଶିପ୍‌ରେ ପ୍ରତିଦିନ ସକାଳେ ୨ଘଣ୍ଟା ଓ ସନ୍ଧ୍ୟାବେଳେ ୩ ଘଣ୍ଟାର ଖେଳ ଆୟୋଜନ ହେବ। କିଛି ଦିନ ତଳେ ଏସିଆନ ଗେମ୍ସରେ ୧୦୦ ଓ ୨୦୦ ମିଟର ଦୌଡରେ ରୌପ୍ୟ ପଦକ ହାସଲ କରିଥିବା ମହିଳା ତାରକା ସ୍ପ୍ରିଣ୍ଟର ଦୂତୀ ଚାନ୍ଦଙ୍କୁ ଓଡ଼ିଶା ସରକାର ୩ କୋଟି ଟଙ୍କା ପୁରସ୍କାର ପ୍ରଦାନ କରିଛନ୍ତି। ପୁଣି ଏଥି ସହିତ ସରକାର ଦୂତୀଙ୍କ ଅଲିମ୍ପିକ୍ସ ପ୍ରସ୍ତୁତି ପାଇଁ ସବୁ ଖର୍ଚ୍ଚ ବହନ କରିବାକୁ ଘୋଷଣା କରିଛନ୍ତି। ସରକାରଙ୍କ ଏହି ପଦକ୍ଷେପ ଅତ୍ୟନ୍ତ ପ୍ରଶଂସା ଯୋଗ୍ୟ। ଅନ୍ୟ କୌଣସି ସରକାର ପଦକ ବିଜେତାଙ୍କୁ ଏତେ ପରିମାଣର ଅର୍ଥ ପୁରସ୍କାର ବାବଦରେ ପ୍ରଦାନ କରିନାହାନ୍ତି। ସରକାରଙ୍କ ଏହି ପଦକ୍ଷେପ ଦୃଷ୍ଟାନ୍ତମୂଳକ ଓ କ୍ରୀଡ଼ା ପାଇଁ ଶୁଭଙ୍କର ବୋଲି ସେ କହିଛନ୍ତି। 
ଏହି ଚାମ୍ପିୟନଶିପ୍‌ର ସୁପରିଚାଳନା ପାଇଁ ୮୦ଜଣ ଟେକନିକାଲ ଷ୍ଟାଫ୍‌ ଦାୟିତ୍ୱରେ ରହିବେ। ସେହିପରି ୫୦ଜଣ ଭଲ୍ୟୁଣ୍ଟିୟର ମଧ୍ୟ ନିୟୋଜିତ ହେବେ। ଅଂଶଗ୍ରହଣ କରିବାକୁ ଥିବା ଆଥଲେଟମାନଙ୍କ ରହିବା ସୁବ୍ୟବସ୍ଥା କରାଯାଇଛି। ଏଥିପାଇଁ ରାଜଧାନୀର ବିଭିନ୍ନ ହୋଟେଲଗୁଡିକୁ ବୁକ୍‌ କରାଯାଇଛି। ନଭେମ୍ବର- ଡିସେମ୍ବରରେ ଖେଳାଯିବାକୁ ଥିବା ହକି ବିଶ୍ୱକପ୍‌ ପାଇଁ ଚାଲିଥିବା ପୁନର୍ଗଠନ କାର୍ଯ୍ୟ ଆୟୋଜନରେ ବାଧା ସୃଷ୍ଟି କରିବ ନାହିଁ ବୋଲି ଭାଲସନ ସ୍ପଷ୍ଟ କରିଥିଲେ। ମୁଖ୍ୟ ଷ୍ଟାଡିୟମରେ ଏହି ଚାମ୍ପିୟନଶିପ୍‌ ଆୟୋଜନ ହେବ। ତେଣୁ ପୁନର୍ଗଠନ କାର୍ଯ୍ୟ କୌଣସିମତେ ବାଧା ଉପୁଜାଇବ ନାହିଁ। ୨୩ ତାରିଖରୁ ଆଥଲେଟମାନେ ପହଞ୍ଚିବା ଆରମ୍ଭ କରିବେ। ଏପରିକି ୨୪ ତାରିଖରେ ମଧ୍ୟ କେତେକ ଆଥଲେଟ ଭୁବନେଶ୍ୱରରେ ପହଞ୍ଚିବେ ବୋଲି ଭାଲସନ କହିଥିଲେ। ଏହି ଖବରଦାତା ସମ୍ମଳନୀରେ ସୁମିତ୍‌ ପାଣ୍ଡେ, ପ୍ରବୋଧ ମହାନ୍ତି, ମନୋଜ ପାଢୀ, ରାଜୀବ ସେଠ ପ୍ରମୁଖ କ୍ରୀଡ଼ା ଅଧିକାରୀ ଯୋଗ ଦେଇଥିଲେ। 
All Right Reserved By

ଖେଳ |

 କନ୍ଧେନ ବୁଢୀ କ୍ରିକେଟ ଟୁର୍ନାମେଣ୍ଟ: ସୋନପୁର ଚାମ୍ପିୟନ

କନ୍ଧେନ ବୁଢୀ କ୍ରିକେଟ ଟୁର୍ନାମେଣ୍ଟ: ସୋନପୁର ଚାମ୍ପିୟନ

ଉଲୁଣ୍ଡା, ୨୦ା୧୧(ଡି.ଏନ.ଏ.): ସୁବର୍ଣ୍ଣପୁର ଜିଲା ଉଲୁଣ୍ଡା ବ୍ଲକ ସାନ ଅଙ୍କରିଆଠାରେ ଗତ ତିନିଦିନ ଧରି ଚାଲିଥିବା ମା’ କନ୍ଧେନ ବୁଢୀ କ୍ରିକେଟ ଟୁର୍ନାମେଣ୍ଟ ମଙ୍ଗଳବାର ଉଦ୍‌ଯାପିତ ହୋଇଯାଇଛି। ଫାଇନାଲ ଖେଳରେ କୋଟସମଲାଇକୁ ହରାଇ ସୋନପୁର ଜୟ ଦୁର୍ଗା କ୍ଲବ ଚାମ୍ପିୟନ ହୋଇଛି। ସ୍ଥାନୀୟ ମା’ କନ୍ଧେନ ବୁଢୀ କ୍ରିକେଟ କ୍ଲବ ଦ୍ୱାରା ଆୟୋଜିତ ଏହି ଟୁର୍ନାମେଣ୍ଟର ପ୍ରଥମ ସେମିଫାଇନାଲରେ ସୋନପୁର ଖେମାଲୋଏକୁ ହରାଇଥିବା ବେଳେ ଦ୍ୱିତୀୟ ସେମିଫାଇନାଲରେ ପାତ୍ରପାଲିକୁ  ହରାଇ କୋଟସମଲାଇ ଦଳ ଫାଇନାଲରେ ପ୍ରବେଶ କରିଥିଲା।

ବିଶ୍ୱ ବକ୍ସିଂ ଚାମ୍ପିୟନଶିପ୍‌ରେ ମେରିକମ୍‌ଙ୍କ କୃତିତ୍ୱ

ବିଶ୍ୱ ବକ୍ସିଂ ଚାମ୍ପିୟନଶିପ୍‌ରେ ମେରିକମ୍‌ଙ୍କ କୃତିତ୍ୱ

ନୂଆଦିଲ୍ଲୀ, ୨୦।୧୧(ପି.ଟି.)- ତାରକା ଭାରତୀୟ ବକ୍ସର ଏମ୍‌.ସି. ମେରିକମ୍‌ ମହିଳା ବିଶ୍ୱ ବକ୍ସିଂ ଚାମ୍ପିୟନଶିପ୍‌ରେ ୭ମ ପଦକ ନିଶ୍ଚିତ କରିଛନ୍ତି। 

ସ୍ମିଥ୍‌, ଓ୍ବାର୍ନରଙ୍କ ଉପରେ ବାସନ୍ଦାଦେଶ ବଳବତ୍ତର ରହିବ

ସ୍ମିଥ୍‌, ଓ୍ବାର୍ନରଙ୍କ ଉପରେ ବାସନ୍ଦାଦେଶ ବଳବତ୍ତର ରହିବ

ବ୍ରିସ୍‌ବେନ, ୨୦।୧୧(ପି.ଟି.)- ବଲ୍‌ ଟ୍ୟାମ୍ପରିଂ ମାମଲାରେ ଅଷ୍ଟ୍ରେଲିଆର ଦୁଇ ବରିଷ୍ଠ କ୍ରିକେଟର ଷ୍ଟିଭ ସ୍ମିଥ୍‌ ଓ ଡେଭିଡ୍‌ ଓ୍ବାର୍ନରଙ୍କ ସମେତ ନବାଗତ ବ୍ୟାଟ୍ସମ୍ୟାନ କେମରୁନ ବ୍ୟାନକ୍ରଫ୍ଟଙ୍କ ଉପରେ ଲାଗିଥିବା ବାସନ୍ଦାଦେଶ ଆଗାମୀ ଭାରତ ବିପକ୍ଷ ଟେଷ୍ଟ ସିରିଜ ସମୟରେ ମଧ୍ୟ ବଳବତ୍ତର ରହିବ। 

ବବ୍‌ ଅରୁମଙ୍କ ସହ ବିଜେନ୍ଦରଙ୍କ ନୂଆ ଚୁକ୍ତି

ବବ୍‌ ଅରୁମଙ୍କ ସହ ବିଜେନ୍ଦରଙ୍କ ନୂଆ ଚୁକ୍ତି

ଲସ୍‌ ଆଞ୍ଜେଲ୍ସ, ୨୦।୧୧(ପି.ଟି.)- ଷ୍ଟାର ଭାରତୀୟ ବକ୍ସର ବିଜେନ୍ଦର ସିଂ କିମ୍ବଦନ୍ତୀ ପ୍ରୋମୋଟର ବବ୍‌ ଅରୁମଙ୍କ କମ୍ପାନୀ ‘ଟପ୍‌ ର଼୍ୟାଙ୍କ’ ସହ ନୂତନ ଚୁକ୍ତି ସ୍ବାକ୍ଷର କରିଛନ୍ତି। ଫଳରେ ଫ୍ରଫେଶନାଲ ବକ୍ସିଂରେ ଭାରତ ଓ ଇଂଲଣ୍ଡରେ ଅପରାଜେୟ ରହିଥିବା ବିଜେନ୍ଦର ଆସନ୍ତାବର୍ଷ ଆମେରିକାରେ ପଦାର୍ପଣ କରିବା ନିଶ୍ଚିତ ହୋଇଛି।

ଆସାମକୁ ୧୨୧ ରନରେ ଅଲ୍‌ଆଉଟ୍‌ କଲା ଓଡ଼ିଶା

ଆସାମକୁ ୧୨୧ ରନରେ ଅଲ୍‌ଆଉଟ୍‌ କଲା ଓଡ଼ିଶା

ଭୁବନେଶ୍ୱର, ୨୦।୧୧- ମଙ୍ଗଳବାରଠାରୁ ରଣଜୀ ଟ୍ରଫି କ୍ରିକେଟ ପ୍ରତିଯୋଗିତାର ୩ୟ ରାଉଣ୍ଡ ଦେଶର ବିଭିନ୍ନ ଗ୍ରାଉଣ୍ଡରେ ଆରମ୍ଭ ହୋଇଛି। ଓଡ଼ିଶା ଦଳ ପ୍ରଥମ ଦିବସରେ ଘରୋଇ ଆସାମ ବିପକ୍ଷରେ ଦମ୍‌ଦାର ପ୍ରଦର୍ଶନ କରିଛି।

ସ୍ମୋକିଂ କରୁଥିବାବେଳେ ଧରାପଡ଼ିଲେ ପାଣ୍ଡ୍ୟା

ସ୍ମୋକିଂ କରୁଥିବାବେଳେ ଧରାପଡ଼ିଲେ ପାଣ୍ଡ୍ୟା

ମୁମ୍ବାଇ, ୨୦।୧୧- ଭାରତୀୟ କ୍ରିକେଟ ଦଳର ଷ୍ଟାର୍‌ ଅଲ୍‌ରାଉଣ୍ଡର ହାର୍ଦ୍ଦିକ ପାଣ୍ଡ୍ୟା ଧୂମପାନ କରୁଥିବାର ଏକ ଭିଡିଓ ଏବେ ସୋସିଆଲ ମିଡିଆରେ ଭାଇରାଲ ହୋଇଛି, ଯାହାକୁ ନେଇ ଏବେ ଚାରିଆଡ଼େ ଚର୍ଚ୍ଚା ଚାଲିଛି ଚାଲିଛି।

ପୋଥାସ୍‌ ଓ୍ବେଷ୍ଟଇଣ୍ଡିଜର ଅନ୍ତରୀଣ କୋଚ୍‌

ପୋଥାସ୍‌ ଓ୍ବେଷ୍ଟଇଣ୍ଡିଜର ଅନ୍ତରୀଣ କୋଚ୍‌

ସେଣ୍ଟ ଲୁସିଆ, ୨୦।୧୧- ଓ୍ବେଷ୍ଟଇଣ୍ଡିଜ କ୍ରିକେଟ ଦଳର ଫିଲ୍ଡିଂ କୋଚ୍‌ ନିକ୍‌ ପୋଥାସ୍‌ଙ୍କୁ ଆଗାମୀ ବାଂଲାଦେଶ ଗସ୍ତ ଲାଗି ଅନ୍ତରୀଣ କୋଚ୍‌ ଦାୟିତ୍ୱ ପ୍ରଦାନ କରାଯାଇଛି। ପ୍ରାକ୍ତନ ଅଷ୍ଟ୍ରେଲୀୟ ବ୍ୟାଟ୍ସମ୍ୟାନ ଷ୍ଟୁଆର୍ଟ ଲ’ ଗତମାସରେ ଓ୍ବେଷ୍ଟଇଣ୍ଡିଜ ଦଳର ମୁଖ୍ୟ ପ୍ରଶିକ୍ଷକ ଦାୟିତ୍ୱରୁ ଓହରି ଯାଇଥିଲେ।

ସର୍ବଭାରତୀୟ ପୋଲିସ ଜୁଡ଼ୋ କ୍ଲଷ୍ଟର ଉଦ୍‌ଯାପିତ : ୪ ବର୍ଗରେ ଏସ୍‌ଏସ୍‌ବିକୁ ଟାଇଟଲ୍‌

ସର୍ବଭାରତୀୟ ପୋଲିସ ଜୁଡ଼ୋ କ୍ଲଷ୍ଟର ଉଦ୍‌ଯାପିତ : ୪ ବର୍ଗରେ ଏସ୍‌ଏସ୍‌ବିକୁ ଟାଇଟଲ୍‌

କଟକ ଅଫିସ, ୨୦ା୧୧- ଓଡ଼ିଶା ପୋଲିସ ଆନୁକୂଲ୍ୟରେ ଅନୁଷ୍ଠିତ ୩ୟ ସର୍ବଭାରତୀୟ ପୋଲିସ ଜୁଡୋ କ୍ଲଷ୍ଟର ଚାମ୍ପିୟନଶିପ ସ୍ଥାନୀୟ ରିଜର୍ଭ ପୋଲିସ ଗ୍ରାଉଣ୍ଡରେ ସୋମବାର ଉଦ୍‌ଯାପିତ ହୋଇଛି । ପ୍ରତିଯୋଗିତାରେ ସଶସ୍ତ୍ର ସୀମା ବଳ (ଏସ୍‌ଏସ୍‌ବି) ଦଳଗତ ଭାବେ ସର୍ବାଧିକ ୪ଟି ଟାଇଟଲ ହାସଲ କରିଛି ।  ଉଷୁ ଓ ଟାଇକୋଣ୍ଡୋର ଉଭୟ ପୁରୁଷ, ମହିଳା ବର୍ଗରେ ଏସ୍‌ଏସ୍‌ବି ଦଳ ଚାମ୍ପିୟନ ହୋଇ ଏହି ରେକର୍ଡ ସୃଷ୍ଟି କରିଛି । 

ବିଜୟ ମର୍ଚ୍ଚାଣ୍ଟ ଟ୍ରଫି: ବିଜୟ ଲକ୍ଷ୍ୟରେ ଓଡ଼ିଶା

ବିଜୟ ମର୍ଚ୍ଚାଣ୍ଟ ଟ୍ରଫି: ବିଜୟ ଲକ୍ଷ୍ୟରେ ଓଡ଼ିଶା

କଟକ ଅଫିସ,୨୦ା୧୧-  ଅଗରତାଲାର ପୋଲିସ ଟ୍ରେନିଂ ଏକାଡେମୀ ଗ୍ରାଉଣ୍ଡରେ ଚାଲିଥିବା ୧୬ବର୍ଷରୁ କମ୍‌ ବିଜୟ ମର୍ଚ୍ଚାଣ୍ଟ ଟ୍ରଫି ଓଡ଼ିଶା-ତ୍ରିପୁରା ମ୍ୟାଚର ଦ୍ୱିତୀୟ ଦିବସ ଖେଳ ଶେଷ ହୋଇଛି । 

ଆର୍ଚେରୀ ଆସୋସିଏଶନ ନିର୍ବାଚନ :  ହସ୍ତକ୍ଷେପ କରିବେନି ସୁପ୍ରିମକୋର୍ଟ

ଆର୍ଚେରୀ ଆସୋସିଏଶନ ନିର୍ବାଚନ : ହସ୍ତକ୍ଷେପ କରିବେନି ସୁପ୍ରିମକୋର୍ଟ

ନୂଆଦିଲ୍ଲୀ, ୨୦ା୧୧ (ପି.ଟି.)-ଚଳିତ ଆର୍ଚେରୀ ଆସୋସିଏଶନ ଅଫ୍‌ ଇଣ୍ଡିଆ (ଏଏଆଇ)ର ନିର୍ବାଚନ ପ୍ରକ୍ରିୟାରେ ହସ୍ତକ୍ଷେପ କରିବା ଲାଗି ସୁପ୍ରିମକୋର୍ଟ ମନା କରିଦେଇଛନ୍ତି। ଫଳାଫଳ ବାହାରିବା ପରେ ଏହାକୁ ଚ୍ୟାଲେଞ୍ଜ କରି କୌଣସି ପିଟିଶନ ଦାଖଲ କରାଗଲେ ଏହା ବିଚାରକୁ ନିଆଯାଇ ପାରେ।  

ଏଆଇବିଏ ମହିଳା ବିଶ୍ୱ ବକ୍ସିଂ:  କ୍ୱାର୍ଟରରେ ୮ ଭାରତୀୟ

ଏଆଇବିଏ ମହିଳା ବିଶ୍ୱ ବକ୍ସିଂ: କ୍ୱାର୍ଟରରେ ୮ ଭାରତୀୟ

ନୂଆଦିଲ୍ଲୀ,୨୦।୧୧(ପି.ଟି.)- ଏଠାରେ ଚାଲିଥିବା ଏଆଇବିଏ ମହିଳା ବିଶ୍ୱ ବକ୍ସିଂ ଚାମ୍ପିୟନଶିପ୍‌ରେ ଭାରତୀୟ ଖେଳାଳିଙ୍କ ଦମ୍‌ଦାର ପ୍ରଦର୍ଶନ ଜାରି ରହିଛି। ଜଜିଂରେ ଦେଖାଦେଇଥିବା ବିବାଦ ଭାରତୀୟ ମହିଳା ବକ୍ସରଙ୍କ ପ୍ରଦର୍ଶନକୁ ପ୍ରଭାବିତ କରି ପାରିନାହିଁ। ସୋମବାର ୮ଜଣ ଭାରତୀୟ ବକ୍ସର କ୍ୱାର୍ଟର ଫାଇନାଲରେ ପ୍ରବେଶ କରିଛନ୍ତି। 

ଭାରତ- ଅଷ୍ଟ୍ରେଲିଆ ସିରିଜ:ସ୍ପୋଟର୍‌ସ ଫ୍ଲାଶେସକୁ ଅଡିଓ ରାଇଟ୍ସ

ଭାରତ- ଅଷ୍ଟ୍ରେଲିଆ ସିରିଜ:ସ୍ପୋଟର୍‌ସ ଫ୍ଲାଶେସକୁ ଅଡିଓ ରାଇଟ୍ସ

ନୂଆଦିଲ୍ଲୀ,୨୦।୧୧(ପି.ଟି.)-  ଜଣାଶୁଣା ମଲ୍ଟି ସ୍ପୋଟର୍‌ସ ଆପ୍‌ ‘ସ୍ପୋଟର୍‌ସ ଫ୍ଲାଶେସ୍‌’ ଆଗାମୀ ଭାରତ- ଅଷ୍ଟ୍ରେଲିଆ କ୍ରିକେଟ ସିରିଜର ଅଡିଓ ବ୍ରଡକାଷ୍ଟ ରାଇଟ୍ସ ହାସଲ କରିଛି। ସୋନୀ ପିକ୍ଚର୍ସ ନେଟଓ୍ବର୍କ ଲିମିଟେଡଠାରୁ ସ୍ପୋଟର୍‌ସ ଫ୍ଲାଶେସ ଏହି ଅଧିକାର ହାସଲ କରିଛି।