ବାଣିଜ୍ୟ |

ନୂଆ ବାଣ ଛାଡ଼ିଲେ ଟ୍ରମ୍ପ;ଭାରତ ଚାହୁଁଛି ଆମେରିକା ସହ ବାଣିଜ୍ୟ ଚୁକ୍ତି

ନୂଆ ବାଣ ଛାଡ଼ିଲେ ଟ୍ରମ୍ପ;ଭାରତ ଚାହୁଁଛି ଆମେରିକା ସହ ବାଣିଜ୍ୟ ଚୁକ୍ତି
ଓ୍ବାଶିଂଟନ,୧୨-୯: ଆମେରିକା ପକ୍ଷରୁ ଭାରତ ଓ ଚାଇନାକୁ ଦିଆଯାଉଥିବା ସବସିଡି ବନ୍ଦ କରିଦେବା ଲାଗି ରାଷ୍ଟ୍ରପତି ଡୋନାଲ୍ଡ ଟ୍ରମ୍ପ ଧମକ ଦେବାର ସପ୍ତାହେ ନ ପୂରୁଣୁ ଭାରତକୁ ନେଇ ଆଉ ଏକ ବାଣ ଛାଡିଛନ୍ତି। ବାଣିଜ୍ୟ ସଂକ୍ରାନ୍ତରେ ତାଙ୍କ ପ୍ରଶାସନ କଠୋର ପଦକ୍ଷେପ  ନେଉଥିବା ସତ୍ତ୍ୱେ ଆମେରିକା ସହ ଏକ ବାଣିଜ୍ୟ ଚୁକ୍ତି କରିବାକୁ ଭାରତ ଚାହୁଁଛି ବୋଲି ଟ୍ରମ୍ପ କହିଛନ୍ତି। ଆମେରିକାର  ସମସ୍ତ ସାମଗ୍ରୀ ଉପରେ ଭାରତ ଶତପ୍ରତିଶତ ଟାରିଫ ଲଗାଉଛି ବୋଲି ଟ୍ରମ୍ପ ପୂର୍ବରୁ ଅଭିଯୋଗ କରିଥିଲେ। ଆମେରିକା ସହ ଭାରତ ଏକ ବାଣିଜ୍ୟ ଚୁକ୍ତି ଚାହୁଁଛି ବୋଲି ଭାରତ ସରକାରଙ୍କ ଜଣେ ପ୍ରତିନିଧି ତାଙ୍କୁ କହିଥିବା ଟ୍ରମ୍ପ ଉଲ୍ଲେଖ କରିଛନ୍ତି। ତେବେ ସେହି ବ୍ୟକ୍ତି ଜଣକ କିଏ ସେ ସ୍ପଷ୍ଟ କରିନାହାନ୍ତି। ଦକ୍ଷିଣ ଡାକୋଟାର ସିୟକ୍ସ ଫଲ୍ସରେ ଦଳ ପକ୍ଷରୁ ପାଣ୍ଠି ଯୋଗାଡ କାର୍ଯ୍ୟକ୍ରମରେ ଯୋଗ ଦେଇ ଟ୍ରମ୍ପ ଉକ୍ତ ମନ୍ତବ୍ୟ ଦେଇଛନ୍ତି। ସେ କହିଛନ୍ତି ଯେ, ତାଙ୍କ ପୂର୍ବର ପ୍ରଶାସନକୁ ଭାରତ ଏସଂକ୍ରାନ୍ତରେ କହିପାରି ନ ଥିଲା। ବର୍ତ୍ତମାନର ପ୍ରଶାସନର କାର୍ଯ୍ୟରେ ସେମାନେ ଖୁସି। ଆମେରିକା ରାଷ୍ଟ୍ରପତି କହିଛନ୍ତି ଯେ, ବବ୍‌ ଲାଇଟହାଇଜରଙ୍କ ନେତୃତ୍ୱରେ ଗଠିତ ଦେଶର ବାଣିଜ୍ୟ ପ୍ରତିନିଧି ଦଳର ମନୋଭାବ ଅତ୍ୟନ୍ତ କଠୋର। ଉଲ୍ଲେଖଥାଉକି, ଆମେରିକା ସହ ବାଣିଜ୍ୟ ଚୁକ୍ତି ଲାଗି ଜାପାନ ମଧ୍ୟ ଆଗ୍ରହ ଦେଖାଇଛି। ଭାରତର ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଏବଂ ଜାପାନ ପ୍ରଧାନମନ୍ତ୍ରୀ ସିଞ୍ଜୋ ଆବେଙ୍କ ଭଳି ବିଦେଶୀ ରାଷ୍ଟ୍ରର ନେତା ଏବେ ତାଙ୍କର ବନ୍ଧୁ ହୋଇଗଲେଣି। 
All Right Reserved By

ବାଣିଜ୍ୟ |

ଏମ୍‌ସିଏଲ୍‌ର ନୂତନ ଅଧ୍ୟକ୍ଷ ହେଲେ ରାଜୀବ ରଞ୍ଜନ ମିଶ୍ର

ଏମ୍‌ସିଏଲ୍‌ର ନୂତନ ଅଧ୍ୟକ୍ଷ ହେଲେ ରାଜୀବ ରଞ୍ଜନ ମିଶ୍ର

ସମ୍ବଲପୁର, ୨୬-୯:  ମହାନଦୀ କୋଲ ଫିଲ୍‌ଡି ଲିମିଟେଡ୍‌(ଏମ୍‌ସିଏଲ୍‌)ର ନୂତନ ଅଧ୍ୟକ୍ଷ ତଥା ପରିଚାଳନା ନିର୍ଦ୍ଦେଶକ ଭାବେ ରାଜୀବ ରଞ୍ଜନ ମିଶ୍ର ଅତିରିକ୍ତ ଦାୟିତ୍ୱ ଗ୍ରହଣ କରିଛନ୍ତି। ମିଶ୍ର ବର୍ତ୍ତମାନ ଓ୍ବେଷ୍ଟର୍ନ କୋଲ୍‌ ଫିଲ୍‌ଡ ଲିମିଟେଡ୍‌ର ଅଧ୍ୟକ୍ଷ ତଥା ପରିଚାଳନା ନିର୍ଦ୍ଦେଶକ ଦାୟିତ୍ୱରେ ଅଛନ୍ତି। 

ମୃତ୍ୟୁଞ୍ଜୟ ମହାପାତ୍ର ସିଣ୍ଡିକେଟ୍‌ ବ୍ୟାଙ୍କର ନୂତନ ସିଇଓ

ମୃତ୍ୟୁଞ୍ଜୟ ମହାପାତ୍ର ସିଣ୍ଡିକେଟ୍‌ ବ୍ୟାଙ୍କର ନୂତନ ସିଇଓ

ଭୁବନେଶ୍ୱର,୨୬-୯:  ଦେଶର ପ୍ରମୁଖ ରାଷ୍ଟ୍ରାୟତ୍ତ ବ୍ୟାଙ୍କ ସିଣ୍ଡିକେଟ୍‌ର ମୁଖ୍ୟକାର୍ଯ୍ୟ ନିର୍ବାହୀ ଅଧିକାରୀ(ସିଇଓ) ତଥା ପ୍ରବନ୍ଧନ ନିର୍ଦ୍ଦେଶକ(ଏମ୍‌ଡି) ଭାବେ ମୃତ୍ୟୁଞ୍ଜୟ ମହାପାତ୍ର ନିିଯୁକ୍ତି ପାଇଛନ୍ତି।

ଅଧିକାଂଶ କର୍ମଚାରୀଙ୍କ ମାସିକ ଆୟ ୧୦ ହଜାରରୁ କମ୍‌

ଅଧିକାଂଶ କର୍ମଚାରୀଙ୍କ ମାସିକ ଆୟ ୧୦ ହଜାରରୁ କମ୍‌

ନୂଆଦିଲ୍ଲୀ,୨୬-୯: (ପି.ଟି.): ବିଭିନ୍ନ କ୍ଷେତ୍ରରେ କର୍ମଚାରୀମାନଙ୍କର ଦରମା ତଥା ମଜୁରି ବୃଦ୍ଧି ପାଉଥିଲେ ମଧ୍ୟ ଏବେ ବି ଅଧିକାଂଶ କର୍ମଚାରୀ ମାସକୁ ୧୦,୦୦୦ ଟଙ୍କାରୁ କମ୍‌ ଆୟ କରୁଛନ୍ତି। ସରକାର ଚାଷୀମାନଙ୍କର ଆୟ ଦ୍ୱିଗୁଣିତ କରିବା ପାଇଁ ଡିଣ୍ଡିମ ପିଟୁଥିବା ବେଳେ ସେମାନଙ୍କର ରିୟଲ ଇନ୍‌କମ୍‌ ବା ପ୍ରକୃତ ଆୟରେ ବିଶେଷ ବୃଦ୍ଧି ଘଟୁନାହିଁ। ବିଭିନ୍ନ ରିପୋର୍ଟ ଆଧାରରେ କୁହାଯାଉଛି ଯେ, ବର୍ଷକୁ ବର୍ଷ ମୁଦ୍ରାସ୍ଫୀତି ୭% ହାରରେ ବୃଦ୍ଧି ପାଉଥିବା ବେଳେ କୃଷି କ୍ଷେତ୍ରରେ ନିୟୋଜିତ ଶ୍ରମିକମାନଙ୍କର ପ୍ରକୃତ ଆୟ ୨% ବି ବଢୁନାହିଁ। 

ବଜାରରେ କମୁଛି ନଗଦ

ବଜାରରେ କମୁଛି ନଗଦ

ମୁମ୍ବାଇ,୨୫ା୯: ବିମୁଦ୍ରୀକରଣ ପରେ ନଗଦ ଅର୍ଥର ପ୍ରବାହ ବହୁଗୁଣିତ ହୋଇଥିଲା। ଯେତିକି ଟଙ୍କା ବ୍ୟାଙ୍କକୁ ଫେରିଥିଲା ତା’ର ୯୯.୯ ପ୍ରତିଶତ ପୁନର୍ବାର ବଜାରରେ ପ୍ରଚଳନ ହୋଇସାରିଥିଲା। 

୧୫% ଅଧିକ ବେଗରେ ଗଡିବ ଭାରତୀୟ ରେଳ

ନୂଆଦିଲ୍ଲୀ, ୨୫-୯
 ଭାରତୀୟ ରେଳପଥ ଏହାର ସମସ୍ତ ନେଟ୍‌ଓ୍ବର୍କକୁ ବିଦ୍ୟୁତୀକରଣ କରିବ। ଅର୍ଥାତ୍‌  ଡିଜେଲ ପରିବର୍ତ୍ତେ ସବୁ ଟ୍ରେନ୍‌  ବିଦ୍ୟୁତ୍‌ରେ ଚାଲିବ। 

୯୦ ଟଙ୍କା ଅତିକ୍ରମ କଲା ପେଟ୍ରୋଲ ଦର

୯୦ ଟଙ୍କା ଅତିକ୍ରମ କଲା ପେଟ୍ରୋଲ ଦର

ନୂଆଦିଲ୍ଲୀ, ୨୫ା୯(ପି.ଟି.)
ଆଉ ୧୦ ଟଙ୍କା ବଢିଲେ ଦେଶରେ ପେଟ୍ରୋଲ ଦର ୧୦୦ ଟଙ୍କା ଅତିକ୍ରମ କରିଯିବ।  ମିଳିଥିବା ସୂଚନା ଅନୁସାରେ ମୁମ୍ବାଇ ସହରରେ ସୋମବାର ପେଟ୍ରୋଲ ଲିଟର ପିଛା ଦର ୯୦ ଟଙ୍କା ଅତିକ୍ରମ କରି ଯାଇଛି। 

ଆଇଟି ଶିଳ୍ପରେ ୫୦% କର୍ମଚାରୀ ଅସନ୍ତୁଷ୍ଟ

ଆଇଟି ଶିଳ୍ପରେ ୫୦% କର୍ମଚାରୀ ଅସନ୍ତୁଷ୍ଟ

କୋଲକାତା,୨୫-୯
 ଭାରତରେ ସୂଚନା ଓ ପ୍ରଯୁକ୍ତି(ଆଇଟି) ଶିଳ୍ପରେ ଚଳିତ ବର୍ଷ ଘଣ୍ଟାକୁ କର୍ମଚାରୀମାନେ ୩୧୭ ଟଙ୍କାରୁ ଅଧିକ ଦରମା ପାଉଛନ୍ତି। ଏହା ଅନ୍ୟ ସମସ୍ତ ପ୍ରମୁଖ କ୍ଷେତ୍ରଠାରୁ ଅଧିକ ହୋଇଥିଲେ ମଧ୍ୟ ଏ କ୍ଷେତ୍ରର କର୍ମଚାରୀମାନେ ଏହି ଦରମାକୁ ନେଇ ସନ୍ତୁଷ୍ଟ ନୁହନ୍ତି। 

ଭାରତରେ ପୁରୁଷମାନେ ବେଶି ମୋବାଇଲ୍‌ ବ୍ୟବହାର କରୁଛନ୍ତି

ଭାରତରେ ପୁରୁଷମାନେ ବେଶି ମୋବାଇଲ୍‌ ବ୍ୟବହାର କରୁଛନ୍ତି

ନୂଆଦିଲ୍ଲୀ, ୨୪-୯(ପି.ଟି.):  ଭାରତରେ ନାରୀମାନଙ୍କ ତୁଳନାରେ ପୁରୁଷମାନେ ଅଧିକ ସଂଖ୍ୟାରେ ମୋବାଇଲ୍‌ ଫୋନ୍‌ ବ୍ୟବହାର କରୁଛନ୍ତି। ଚଳିତ ବର୍ଷ ମାର୍ଚ୍ଚ ସୁଦ୍ଧା ଟେଲିକମ୍ୟୁନିକେଶନ ବିଭାଗ ଯେଉଁ ତଥ୍ୟ ଦେଇଛି ସେଥିରୁ ଜଣାପଡିଛି, ଦେଶରେ ବର୍ତ୍ତମାନ ପ୍ରାୟ ୯୯ କୋଟି ମୋବାଇଲ୍‌ ଉପଭୋକ୍ତା ଅଛନ୍ତି। 

”ମୋଦି କେୟାର ନୁହେଁ ଦରିଦ୍ର ନାରାୟଣ ସେବା“

”ମୋଦି କେୟାର ନୁହେଁ ଦରିଦ୍ର ନାରାୟଣ ସେବା“

ରାଞ୍ଚତ୍,୨୪-୯: ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ରବିବାର ଏଠାରେ ବିଶ୍ୱର ସର୍ବବୃହତ ସ୍ବାସ୍ଥ୍ୟ ସେବା ଯୋଗାଣକାରୀ ଯୋଜନା ଆୟୁଷ୍ମାନ ଭାରତର ଶୁଭାରମ୍ଭ କରିଛନ୍ତି। ପ୍ରଧାନମନ୍ତ୍ରୀ ଜନ ଆରୋଗ୍ୟ ଯୋଜନା(ପିଏମ୍‌ଜେଏଓ୍ବାଇ) ନାମରେ ନାମିତ ଏହି ଫ୍ଲାଗଶିପ୍‌ ସ୍କିମ୍‌ ଜରିଆରେ ସହରଠାରୁ ଆରମ୍ଭ 

ଟଙ୍କାକୁ ଧ୍ୟାନରେ ରଖି ଆମଦାନୀ ଉପରେ କଟକଣା ଲଗାଯିବ: ଗର୍ଗ

ଟଙ୍କାକୁ ଧ୍ୟାନରେ ରଖି ଆମଦାନୀ ଉପରେ କଟକଣା ଲଗାଯିବ: ଗର୍ଗ

ନୂଆଦିଲ୍ଲୀ,୨୪-୯: କେନ୍ଦ୍ର ସରକାର ଅଣ-ଜରୁରୀ ସାମଗ୍ରୀର ଆମଦାନୀରେ କଟକଣା ଲଗାଇବାକୁ ଯାଉଛନ୍ତି। ଏଥିପାଇଁ ଆବଶ୍ୟକ ପଦକ୍ଷେପ ବିଭିନ୍ନ ବିକଳ୍ପ ଉପରେ ବିଚାର ଚାଲିଛି ବୋଲି ଅର୍ଥନୈତିକ ବ୍ୟାପାର ସଚିବ ସୁଭାଷ ଚନ୍ଦ୍ର ଗର୍ଗ କହିଛନ୍ତି। ଡଲାର ବିନିମୟରେ ଟଙ୍କାର ମୂଲ୍ୟକୁ 

୯ ରାଷ୍ଟ୍ରାୟତ୍ତ ଉଦ୍ୟୋଗର ସମ୍ପତ୍ତି ବିକିବେ ସରକାର

୯ ରାଷ୍ଟ୍ରାୟତ୍ତ ଉଦ୍ୟୋଗର ସମ୍ପତ୍ତି ବିକିବେ ସରକାର

ନୂଆଦିଲ୍ଲୀ,୨୪-୯: କେନ୍ଦ୍ର ସରକାର ୯ ରାଷ୍ଟ୍ରାୟତ୍ତ ଉଦ୍ୟୋଗର ସମ୍ପତ୍ତି ବିକ୍ରି କରିବାକୁ ଯାଉଛନ୍ତି। ସେମାନଙ୍କର ଜମି ଓ ଅନ୍ୟ ସମ୍ପତ୍ତିକୁ ବିକ୍ରି କରାଯିବ। ମୋଟ୍‌ ୨୪ ଉଦ୍ୟୋଗକୁ ରଣନୈତିକ ଦୃଷ୍ଟିକୋଣରୁ ବିକ୍ରି କରାଯିବାକୁ ନିଷ୍ପତ୍ତି ନିଆଯାଇଛି।

ଏମ୍‌ଏସପି ବୃଦ୍ଧିରୁ ସୁନା ଚାହିଦା ୨୫% ବଢ଼ିବ

ଏମ୍‌ଏସପି ବୃଦ୍ଧିରୁ ସୁନା ଚାହିଦା ୨୫% ବଢ଼ିବ

ନୂଆଦିଲ୍ଲୀ,୨୪-୯: ଚାଷୀଙ୍କୁ ସେମାନଙ୍କ ଉତ୍ପାଦିତ ଫସଲର ଅଧିକ ମୂଲ୍ୟ ଦେବା ଲକ୍ଷ୍ୟରେ କେନ୍ଦ୍ର ସରକାର ଏହାର ସର୍ବନିମ୍ନ ସହାୟକ ମୂଲ୍ୟ(ଏମ୍‌ଏସ୍‌ପି) ବୃଦ୍ଧି କରିଛନ୍ତି। ଏହି କାରଣରୁ ଚଳିତ ବର୍ଷର ଦ୍ୱିତୀୟାର୍ଦ୍ଧରେ ସୁନା ଚାହିଦା ପ୍ରାୟ ୨୫% ବୃଦ୍ଧି ପାଇବ ବୋଲି ଏକ ରିପୋର୍ଟ ପ୍ରକାଶ ପାଇଛି।