ମୁମ୍ବାଇ: ‘ଦବଙ୍ଗ-୩’ ଖୁବ୍ ଶୀଘ୍ର ରିଲିଜ୍ ହେବାକୁ ଯାଉଛି ବୋଲି ପ୍ରଶଂସକଙ୍କ ନିମନ୍ତେ ଏକ ବଡ ସରପ୍ରାଇଜ୍ ଛାଡିଛନ୍ତି ସଲମାନ୍। ଦୀର୍ଘ ୮ବର୍ଷ ତଳେ ‘ଦବଙ୍ଗ୍’ ରିଲିଜ ହୋଇଥିବା ବେଳେ ସୋମବାର ଏହାର ବର୍ଷପୂର୍ତ୍ତି ପାଳନ କରାଯାଇଛି। ଏଥିପାଇଁ ସେ ଏବଂ ସୋନାକ୍ଷୀ ସିହ୍ନା ପୂର୍ତ୍ତି ଉତ୍ସବ ପାଳନ କରିଛନ୍ତି। ସେମାନେ ଫିଲ୍ମ ସେଟ୍ରୁ ଉଭୟଙ୍କ ଫଟୋ ସୋସିଆଲ୍ ମିଡିଆରେ ପୋଷ୍ଟ୍ କରିଛନ୍ତି। ୫୨ ବର୍ଷ ବୟସ୍କ ଏହି ଅଭିନେତା ସୋନାକ୍ଷୀଙ୍କ ସହିତ ଫଟୋ ପୋଷ୍ଟ କରି ତା’ ତଳେ ଲେଖିଛନ୍ତି-‘ଆଜ୍ ଏଇଟ୍ ସାଲ୍ ହୋ ଗୟି ଦବଙ୍ଗ କୋ’। ଆପଣମାନଙ୍କ ଅନୁକୂଳ ମତାମତ ଓ ପ୍ରଶଂସା ପାଇଁ ଧନ୍ୟବାଦ। ରଜୋ ଏବଂ ଚୁଲବୁଲ୍ ପାଣ୍ଡେ ଯୋଡି ପକ୍ଷରୁ ଖୁବ୍ ଭଲ ପାଇବା ଜଣାଉଛୁ। ଆସନ୍ତା ବର୍ଷ ଦବଙ୍ଗ-୩ ରେ ଦେଖାହେବ।
ସଲମାନ୍ ଏହା ପୋଷ୍ଟ କରିବାର ଘଣ୍ଟାଏରୁ କମ୍ ସମୟ ମଧ୍ୟରେ ୩ ଲକ୍ଷରୁ ଊର୍ଦ୍ଧ୍ୱ ପ୍ରଶଂସକ ଲାଇକ୍ କରିଛନ୍ତି। ସେମାନେ ସଲମାନ୍ଙ୍କ ସ୍ନେହପୂର୍ଣ୍ଣ ବାର୍ତ୍ତାରେ ଉଲ୍ଲସିତ ହୋଇପଡିଛନ୍ତି। ଅନେକ ପ୍ରଶଂସକ ମଧ୍ୟ ଅଜସ୍ର ମତାମତ ଅଜାଡି ଦେଇଛନ୍ତି। ଯେପରି-‘ସ୍ବାଗତ ହୈ ଆପ୍କା ପାଣ୍ଡେଜି ଅଗ୍ଲେ ସାଲ୍ ଭି’, ‘ଲଭ୍ ୟୁ ଭାଇ’, ‘କ୍ୟାନ୍ ନଟ୍ ଓ୍ବେଟ୍ ଭାଇଜାନ୍’ ଏବଂ ‘ଏଇଟ୍ ଇୟର୍ସ? ଟାଇମ୍ ଫ୍ଲାଇଜ୍ ସୋ ଫାଷ୍ଟ’ ଇତ୍ୟାଦି।
