ବାଲେଶ୍ୱର

ବିଜୁଳି ଆଲୁଅ ସାତ ସପନ ୫ବର୍ଷ ହେଲା ଅନ୍ଧାରରେ ଝରଣା ସାହି

ବିଜୁଳି ଆଲୁଅ ସାତ ସପନ ୫ବର୍ଷ ହେଲା ଅନ୍ଧାରରେ ଝରଣା ସାହି
ରାଇସୁଆଁ,୧୨।୯(ଡି.ଏନ.ଏ.)-ସରକାର ଘର ଘରକୁ ବିଜୁଳି ଯୋଜନା କରିଛନ୍ତି। ମାତ୍ର ପ୍ରଶାସନିକସ୍ତରର ମାନସିକତାର ଅଭାବ ଏବଂ ରାଜନୈତିକ ଇଛାଶକ୍ତିର ଅଭାବ ଯୋଗୁ କେନ୍ଦୁଝର ଜିଲା ସଦର ବ୍ଲକର ଗ୍ରାମାଞ୍ଚଳରେ ଏହି ଯୋଜନା ବାଟବଣା ହେବାରେ ଲାଗିଛି। ଏହିପରି ଏକ ଘଟଣା ଏବେ ଦେଖିବାକୁ ମିଳିଛି କେନ୍ଦୁଝର ଜିଲା ସଦର ବ୍ଲକ ଅନ୍ତର୍ଗତ ବରଦାପାଳ ପଞ୍ଚାୟତର ଝରଣା ସାହିରେ। 
ଏହି ଗ୍ରାମ ୨ଶହରୁ ଊର୍ଦ୍ଧ୍ୱ ଜନସାଧାରଣ ବସବାସ କରୁଥିବା ବେଳେ ୯୫ ପ୍ରତିଶତ ଆଦିବାସୀ ଶ୍ରେଣୀ ଏବଂ ୫ବର୍ଷ ତଳେ ଏହି ଗ୍ରାମକୁ ବିଜୁଳି ପାଇଁ ତାର ଟଣା ଠାରୁ ଆରମ୍ଭ କରି ଟ୍ରାନ୍ସଫର୍ମର ସଂଯୋଗରେ ଗ୍ରାମର ସମସ୍ତ ଜନସାଧାରଣ  ଠିକାଦାରଙ୍କୁ ସହଯୋଗ କରିଥଲେ। ନିଜ ନିଜର କାମଧନ୍ଧାକୁ ଛାଡି କାହିଁକି ନା ତାଙ୍କ ଗ୍ରାମକୁ ବିଜୁଳି ଆଲୋକ ଆସିବ ସମସ୍ତେ ବିଜୁଳି ଆଲୋକ ବ୍ୟବହାର କରିବେ। ମାତ୍ର ଗ୍ରାମବାସୀଙ୍କ ସ୍ବପ୍ନ ସ୍ବପ୍ନରେ ହିଁ ରହିଗଲା ନିମ୍ନମାନର ଖୁଣ୍ଟ ଏବଂ ଟ୍ରାନ୍ସଫର୍ମର ଯୋଗୁ ବିଜୁଳି ଆଲୋକ ୧ମାସ ଜଳିବା ପରେ ଟ୍ରାନ୍ସଫର୍ମର ଖରାପ ହୋଇଗଲା ଏବଂ ଏବେ ବିଦ୍ୟୁତ ଖୁଣ୍ଟ ଗୁଡିକ ମଧ୍ୟ ଭାଙ୍ଗି ଗଲାଣି ମାତ୍ର ଗାଁକୁ ବିଜୁଳି ଆଲୁଅ ନାହିଁ।  ଏହି ବିଷୟରେ ଗାଁ ଲୋକେ ବିଦ୍ୟୁତ ବିଭାଗ ଉଚ୍ଚ ଅଧିକାରୀଙ୍କୁ ବହୁ ବାର ଜଣାଇଲେ ମଧ୍ୟ କୌଣସି ପଦକ୍ଷେପ ଗ୍ରହଣ କରାଯାଇନି। ଏଥିପ୍ରତି ଜିଲା ପ୍ରଶାସନ ତୁରନ୍ତ ଦୃଷ୍ଟି ଦେବାକୁ ଜିଲା ପ୍ରଶାସନ ନିକଟରେ ଗ୍ରାମବାସୀ ଦାବି କରିଛନ୍ତି।
All Right Reserved By

ବାଲେଶ୍ୱର

ବିଜ୍ଞାନ ମେଳାରେ ଶ୍ରେଷ୍ଠ ଛାତ୍ରଙ୍କୁ ସମ୍ବର୍ଦ୍ଧନା

ବିଜ୍ଞାନ ମେଳାରେ ଶ୍ରେଷ୍ଠ ଛାତ୍ରଙ୍କୁ ସମ୍ବର୍ଦ୍ଧନା

ଖଇରା,୧୮।୧୧(ଡି.ଏନ.ଏ.)-ଖଇରା ବ୍ଲକସ୍ତରୀୟ ବିଜ୍ଞାନ ମେଳରେ ଖଇରା ବ୍ଲକ ପଳସା ପଞ୍ଚାୟତ ନଛିପୁର ହାଇସ୍କୁଲର ୧୦ମ ଶ୍ରେଣୀ ଛାତ୍ର ଚିରଞ୍ଜୀବୀ ମିଶ୍ର ସିନିୟରରେ ପ୍ରଥମ ହୋଇ ଶ୍ରେଷ୍ଠ ସ୍ଥାନ ଅଧିକାର କରିଛନ୍ତି। 

ଚାଷଜମିରେ ହାତୀପଲ

ଚାଷଜମିରେ ହାତୀପଲ

ସଜନାଗଡ଼, ୧୮।୧୧(ଡି.ଏନ.ଏ.)- ବାଲେଶ୍ୱର ଜିଲା ନୀଳଗିରି ତିନିକୋଶିଆ ସଂରକ୍ଷିତ ଜଙ୍ଗଲରେ ୫୮ରୁ ଊର୍ଦ୍ଧ୍ୱ ହାତୀପଲ ଆସିବାର ଆଜକୁ ୫ଦିନ ବିତିଗଲାଣି।  ହାତୀପଲଙ୍କ ଉପଦ୍ରବ ଜାରି ରହିଛି। ଗତ ରାତିରେ ହାତୀଗୁଡ଼ିକ କୌଣସି ଧନଜୀବନ ନଷ୍ଟ ନ କରିଥିଲେ ମଧ୍ୟ ଜଙ୍ଗଲକୁ ଲାଗି ରହିଥିବା ଏକର ଏକର ଚାଷଜମିର କ୍ଷୟକ୍ଷତି ଘଟାଇଛନ୍ତି।

୪୫ ବସ୍ତା ଚୋରା କୋଇଲା ଜବତ

୪୫ ବସ୍ତା ଚୋରା କୋଇଲା ଜବତ

ତିହିଡ଼ି, ୧୮।୧୧ (ଡି.ଏନ.ଏ.) - ଭଦ୍ରକ ଜିଲା ତିହିଡି ଥାନା ଅଧୀନ ମଙ୍ଗଳପୁର ଓ ତଳମୂଷାଙ୍ଗ ରାସ୍ତାରୁ ୪୫ ବସ୍ତା ଚୋରା କୋଇଲା ସ୍ଥାନୀୟ ପୋଲିସ ରବିବାର ମଧ୍ୟାହ୍ନରେ ଜବତ କରିଛି। ଏଥିସହ ୧୦ ସାଇକେଲ ମଧ୍ୟ ଜବତ କରାଯାଇଛି। 

୨ ବର୍ଷ ଧରି ମିଳିନି ଦରମା: ବାସୁଦେବପୁର ଜଳସେଚନ କର୍ମଚାରୀଙ୍କ ଧାରଣା ଚେତାବନୀ

୨ ବର୍ଷ ଧରି ମିଳିନି ଦରମା: ବାସୁଦେବପୁର ଜଳସେଚନ କର୍ମଚାରୀଙ୍କ ଧାରଣା ଚେତାବନୀ

ବାସୁଦେବପୁର, ୧୮।୧୧(ଡି.ଏନ.ଏ.) -ଭଦ୍ରକ ଜିଲା ବାସୁଦେବପୁର ଜଳସେଚନ ବିଭାଗରେ କାର୍ଯ୍ୟରତ ୫ ଅସ୍ଥାୟୀ କର୍ମଚାରୀଙ୍କୁ ୨ ବର୍ଷ ଧରି ମିଳି ନାହିଁ। ସେମାନେ ନିୟମିତ କାର୍ଯ୍ୟ କରିଆସୁଥିବାବେଳେ ବିଭାଗ ପକ୍ଷରୁ ସେମାନଙ୍କୁ ଦରମା ଦିଆଯାଉ ନ ଥିବା ଅଭିଯୋଗ କରିଛନ୍ତି। 

ହାତୀ ଉଜାଡୁଛନ୍ତି  ପାଚିଲା ଧାନ ଜମି

ହାତୀ ଉଜାଡୁଛନ୍ତି ପାଚିଲା ଧାନ ଜମି

କପ୍ତିପଦା,୧୮।୧୧(ଡି.ଏନ୍‌.ଏ)-ଶିମିଳିପାଳ ଅଭୟାରଣ୍ୟରୁ ଚାଲି ଆସିଥିବା ଏକ ହାତୀପଲ ମୟୂରଭଞ୍ଜ ଜିଲା କପ୍ତିପଦା ବ୍ଲକ୍‌ ଅଧୀନ ଲାବଣ୍ୟଦେଇପୁର ପଞ୍ଚାୟତ ଓ ଏହା ଆଖପାଖ ଅଞ୍ଚଳରେ ଉପଦ୍ରବ ଚଳାଇଛନ୍ତି। ସେମାନେ ଜଙ୍ଗଲ ତଳି ଇଲକା ଚାଷ ଜମିରେ  ପଶି ପାଚିଲା ଧାନ ଖାଇ ନଷ୍ଟ କରିଦେଉଛନ୍ତି। ଜଙ୍ଗଲରେ ଖାଦ୍ୟାଭାବର ଶିକାର ହେଉଥିବା ହାତୀପଲ ପାଚିଲା ଧାନ ଖାଇବା ସକାଶେ ଗେଁଗଣ୍ଡା ଇଲାକାକୁ ପଶି ଫସଲ ନଷ୍ଟ କରୁଥିବାରୁ ଚାଷୀମାନେ ହତାଶ ହୋଇପଡିଛନ୍ତି। ବନ ବିଭାଗ ହାତୀପଲ ଘଉଡାଇବାକୁ  ଉଦ୍ୟମ କରୁଥିଲେ ମଧ୍ୟ ସେମାନେ ଜଙ୍ଗଲତଳି ଅଞ୍ଚଳ ଛାଡି ଯାଉ ନାହାନ୍ତି।

 ପ୍ରତିଭା ପରିବାରର ଜୋନସ୍ତରୀୟ ପ୍ରତିଯୋଗିତା: ନୃତ୍ୟ ଗୀତରେ କମ୍ପିଲା ବିଦ୍ୟାଳୟ ପରିସର

ପ୍ରତିଭା ପରିବାରର ଜୋନସ୍ତରୀୟ ପ୍ରତିଯୋଗିତା: ନୃତ୍ୟ ଗୀତରେ କମ୍ପିଲା ବିଦ୍ୟାଳୟ ପରିସର

ଖଇରା, ୧୮।୧୧(ଡି.ଏନ.ଏ.)-ଖଇରାର ପୂଜ୍ୟପୂଜା ସଙ୍ଗଠନ ପ୍ରତିଭା ପରିବାର ଆନୁକୂଲ୍ୟରେ ଶନିବାର କୁପାରୀ ହାଇସ୍କୁଲ ପରିସରରେ କୁପାରୀ ଜୋନସ୍ତରୀୟ ପ୍ରତିଯୋଗିତା ଅନୁଷ୍ଠିତ ହୋଇଯାଇଛି। ଭାରପ୍ରାପ୍ତ ପ୍ରଧାନଶିକ୍ଷକ କରୁଣାକର ମହାନ୍ତି ଏହାକୁ ଆନୁଷ୍ଠାନିକ ଭାବେ ଉଦଘାଟନ କରିଥିଲେ। ସଭାପତି ଚିନ୍ତାମଣି ସାହାଣି, ସମ୍ପାଦକ ଉମେଶ ଚନ୍ଦ୍ର ନାୟକ ପ୍ରାରମ୍ଭିକ ବକ୍ତବ୍ୟରେ  ୨୦୦୨ରୁ ପ୍ରତିଷ୍ଠା ହୋଇଥିବା ଏହି ପ୍ରତିଭା ପରିବାରର ଆଭିମୁଖ୍ୟ ସମ୍ପର୍କରେ ଆଲୋକପାତ କରିଥିଲେ । ବୁଦ୍ଧିରାମ ପାଣିଗ୍ରାହୀ ଧନ୍ୟବାଦ ଅର୍ପଣ କରିଥିଲେ। 

ମେଧା ଅନ୍ବେଷଣ ପରୀକ୍ଷାରେ ୪୩୦୮ ଛାତ୍ରୀଛାତ୍ର

ମେଧା ଅନ୍ବେଷଣ ପରୀକ୍ଷାରେ ୪୩୦୮ ଛାତ୍ରୀଛାତ୍ର

ବାଲେଶ୍ୱର ଅଫିସ,୧୮।୧୧-ଓଡ଼ିଶା ମାଧ୍ୟମିକ ସ୍କୁଲ ଶିକ୍ଷକ ସଂଘ ‘ଓଷ୍ଟା’ ତରଫରୁ ରବିବାର ମେଧା ଅନ୍ବେଷଣ ପରୀକ୍ଷା-୨୦୧୮ ଅନୁଷ୍ଠିତ ହୋଇଯାଇଛି। ରାଜ୍ୟରେ ପ୍ରାୟ ୨୦ହଜାର ପରୀକ୍ଷାର୍ଥୀ ଏହି ପରୀକ୍ଷା ଦେଉଥିବାବେଳେ ବାଲେଶ୍ୱର ଜିଲାରେ ୪୩୦୮ଜଣ ଛାତ୍ରୀଛାତ୍ର ପରୀକ୍ଷା ଦେଇଛନ୍ତି। ଜିଲାସଭାପତି ଜିତେନ୍ଦ୍ର କୁମାର ବେହେରା, କାର୍ଯ୍ୟକାରୀ ସଭାପତି ଦୀପକ କୁମାର ଆଚାର୍ଯ୍ୟ, ସମ୍ପାଦକ ବାଦଲ ଚନ୍ଦ୍ର ପାତ୍ର, ରାଜ୍ୟ ଯୁଗ୍ମ ସମ୍ପାଦକ ଅକ୍ଷୟ କୁମାର ମିଶ୍ର, ସଦସ୍ୟ ଜଗବନ୍ଧୁୁ ପଣ୍ଡା, ଉପଦେଷ୍ଟା ଇନ୍ଦୁମାଧବ ମହାନ୍ତି ପ୍ରମୁଖଙ୍କ ତତ୍ତ୍ୱାବଧାନରେ ଜିଲାର ୧୭ଟି କେନ୍ଦ୍ରରେ ଏହି ପରୀକ୍ଷା ଅନୁଷ୍ଠିତ ହୋଇଛି। ବାଲେଶ୍ୱର ପବ୍ଲିକ ସ୍କୁଲରେ ହୋଇଥିବା କେନ୍ଦ୍ରରେ ୨୮୩ଜଣ ପରୀକ୍ଷାର୍ଥୀ ପରୀକ୍ଷା ଦେଇଛନ୍ତି। ପ୍ରଧାନ ଶିକ୍ଷୟିତ୍ରୀ ଜୟନ୍ତୀମଣି ସାହୁ କେନ୍ଦ୍ର ପରିଚାଳକ ଦାୟିତ୍ୱ ତୁଲାଇଥିଲେ।

ସହାୟତାର ହାତ ବଢାଇଲା ଗୋପାଳଗାଁ ଯୁବକ ସଂଘ

ସହାୟତାର ହାତ ବଢାଇଲା ଗୋପାଳଗାଁ ଯୁବକ ସଂଘ

ବାଲେଶ୍ୱର ଅଫିସ, ୧୮।୧୧-ବାଲେଶ୍ୱର ଗୋପାଳଗାଁ ଯୁବକ ସଂଘ ପକ୍ଷରୁ ଶନିବାର ବାଲେଶ୍ୱର ରେଳ ଷ୍ଟେଶନ ପରିସରରେ ଥିବା ଶତାଧିକ ଗରିବ, ବାସହରା, ନିରାଶ୍ରୟ ଲୋକମାନଙ୍କୁ ସଂଘର କର୍ମକର୍ତ୍ତାମାନେ କମ୍ବଳ, ଗାମୁଛା, ମହିଳାମାନଙ୍କୁ ଶାଢ଼ୀ ଓ ଖାଦ୍ୟ ପୁଡ଼ିଆ ବଣ୍ଟନ କରିଥିଲେ। 

କୋହ୍ଲରେ ପ୍ରତିଭା ଅନ୍ବେଷଣ

କୋହ୍ଲରେ ପ୍ରତିଭା ଅନ୍ବେଷଣ

ତିହିଡ଼ି, ୧୮।୧୧ (ଡି.ଏନ.ଏ.)- ତିହିଡି ବ୍ଲକ କୋହ୍ଲ ପଞ୍ଚାୟତରେ ‘ମୁଁ ହିରୋ ମୁଁ ଓଡ଼ିଶା’ ପ୍ରତିଭା ଅନ୍ବେଷଣ କାର୍ଯ୍ୟକ୍ରମ ଅନୁଷ୍ଠିତ ହୋଇଯାଇଛି। ପଞ୍ଚାୟତ କାର୍ଯ୍ୟାଳୟ ପରିସରରେ ଆୟୋଜିତ କାର୍ଯ୍ୟକ୍ରମରେ ଉଦ୍‌ଘାଟନୀ ସଭାରେ ଏମ୍‌ପିଙ୍କ ପ୍ରତିନିଧି ସୁରେନ୍ଦ୍ର କୁମାର ନାୟକ ପୌରୋହିତ୍ୟ କରିଥିଲେ। ସରପଞ୍ଚ ତିଳୋତ୍ତମା ବେହେରା ମୁଖ୍ୟଅତିଥି, ଆଇନଜୀବୀ ବିପ୍ଳବ କୁମାର ନାୟକ ମୁଖ୍ୟବକ୍ତା, ସମାଜିକ କର୍ମୀ ବିଜୟ ନାୟକ, ଜିପିଓ ତରଣୀସେନ ବାରିକ, ସମିତିସଭ୍ୟ ସୌମ୍ୟରଞ୍ଜନ ପରିଡ଼ା, ନାଏବସରପଞ୍ଚ ନରହରି ନାୟକ, ଉମାକାନ୍ତ ସେଠୀ ପ୍ରମୁଖ ସମ୍ମାନିତ ଅତିଥି ଭାବେ ଯୋଗଦେଇ ବକ୍ତବ୍ୟ ରଖିଥିଲେ। 

ବାର୍ଷିକ କ୍ରୀଡ଼ାରେ  ୩ ଶହ ଛାତ୍ରୀଛାତ୍ର

ବାର୍ଷିକ କ୍ରୀଡ଼ାରେ ୩ ଶହ ଛାତ୍ରୀଛାତ୍ର

ଆନନ୍ଦପୁର, ୧୮।୧୧(ସ୍ବ.ପ୍ର.): ଆନନ୍ଦପୁର ସରସ୍ବତୀ ଶିଶୁ ମନ୍ଦିରର ବାର୍ଷିକ କ୍ରୀଡ଼ା ଉତ୍ସବ ସ୍ଥାନୀୟ ଷ୍ଟାଡିୟମ୍‌ଠାରେ ଦୁଇ ଦିନ ଧରି ଅନୁଷ୍ଠିତ ହୋଇଯାଇଛି। ଏଥିରେ  ଦୌଡକୁଦ, ଉଚ୍ଚଡିଆଁ, ଲମ୍ବଡିଆଁ ଆଦି ବିଭିନ୍ନ ପ୍ରତିଯୋଗିତା ହୋଇଥିଲା।  ପ୍ରତିଯୋଗିତାରେ ୩ ଶହରୁ ଊର୍ଦ୍ଧ୍ୱ ଛାତ୍ରୀଛାତ୍ର ଅଂଶ ଗ୍ରହଣ କରିଥିଲେ। 

ବରିଷ୍ଠ ନାଗରିକଙ୍କୁ ସମ୍ବର୍ଦ୍ଧନା

ବରିଷ୍ଠ ନାଗରିକଙ୍କୁ ସମ୍ବର୍ଦ୍ଧନା

ଆନନ୍ଦପୁର, ୧୮।୧୧(ସ୍ବ.ପ୍ର.): ଘସିପୁରା ବ୍ଲକ କେଶଦୁରାପାଳ ରାଧାରମଣ କୁଞ୍ଜ ତରଫରୁ ବରିଷ୍ଠ ନାଗରିକମାନଙ୍କ ଉଦ୍ଦେଶ୍ୟରେ ଏକ ସମ୍ବର୍ଦ୍ଧନା ଉତ୍ସବ ଅନୁଷ୍ଠିତ ହୋଇଯାଇଛି। ନାମ ସଂକୀର୍ତ୍ତନ କରି ଗ୍ରାମରେ ଥିବା ବରିଷ୍ଠ ନାଗରିକଙ୍କୁ ନିମନ୍ତ୍ରଣ କରାଯାଇ ଏକ ସଭାର ଆୟୋଜନ କରାଯାଇଥିଲା। ସଭାରେ କୁଞ୍ଜର ଉପଦେଷ୍ଠା ଶିକ୍ଷାବିତ୍‌ ଅଶୋକ ବିନ୍ଧାଣି, ନିମାଇଁ ଚରଣ ମହାରଣା, ଶୁକଦେବ ଓଝା ପ୍ରମୁଖଙ୍କ ସଂଯୋଜନାରେ ସଭା କାର୍ଯ୍ୟ ଆରମ୍ଭ ହୋଇଥିଲା। ବରିଷ୍ଠ ନାଗରିକଙ୍କୁ ସମ୍ବର୍ଦ୍ଧନା ଦିଆଯାଇଥିଲା। 

ଖୁଚୁରା ପଇସାକୁ ନେଇ ଉତ୍ତେଜନା

ଖୁଚୁରା ପଇସାକୁ ନେଇ ଉତ୍ତେଜନା

ଆନନ୍ଦପୁର, ୧୮।୧୧(ସ୍ବ.ପ୍ର.): ଘସିପୁରା ବ୍ଲକ କେଶଦୁରାପାଳଠାରେ ଥିବା ଏକ ବ୍ୟାଙ୍କ ଶାଖରେ ଖୁଚୁରା ପଇସାକୁ ନେଇ ଉତ୍ତେଜନା ଦେଖା ଦେଇଛି। ଖୁଚୁରା ପଇସା ବର୍ତ୍ତମାନ ଏକ ବଡ ସମସ୍ୟା ଭାବେ ଉଭା ହୋଇଥିବା ବେଳେ ବ୍ୟାଙ୍କ କର୍ମଚାରୀଙ୍କ ଅସହଯୋଗ ମନୋବୃତି  ଗ୍ରାହକଙ୍କୁ ବ୍ୟଥିତ କରିଛି। ଖୁଚୁରା ପାଇସା ବ୍ୟାଙ୍କ ଶାଖାରେ ଡିପୋଜିଟ୍‌ ନେଇ ସମସ୍ୟା ଦେଖା ଦେଇଛି। ବ୍ୟାଙ୍କ ପରିସରରେ କର୍ମଚାରୀଙ୍କ ଦ୍ୱାରା ପରିବା କାଟିବା ଭିଡିଓ ସୋସିଆଲ୍‌ ମୋଡିଆରେ ଭାରାଲ୍‌ ହୋଇଥିବା ବେଳେ ଏବେ ଖୁଚୁରା ପାଇସା କାରବାରକୁ ନେଇ ଗ୍ରାହକ ଓ କର୍ମଚାରୀଙ୍କ ମଧ୍ୟରେ ଯୁକ୍ତିତର୍କ ହେବା ଭଳି ଘଟଣା ଘଟିଛି।