ବାଲେଶ୍ୱର

ଦଦରା ଘରେ ଜୁଆଙ୍ଗ

ଦଦରା ଘରେ ଜୁଆଙ୍ଗ
କେନ୍ଦୁଝର, ୧୨ା୯ (ସ୍ବ.ପ୍ର.)- ବହୁ କଷ୍ଟରେ ଜଙ୍ଗଲଜମି ଅଧିକାର ଆଇନ ବଳରେ ଜମି ପଟ୍ଟା ଓ ଘର ମିଳିଥିଲା। ତେବେ ଘର ନିର୍ମାଣ ହୋଇପାରିଲା ନାହିଁ ା ଏନେଇ ଗୁହାରୀ କଲେ କେହି ଶୁଣିଲେ ନାହିଁ ା ଫଳରେ ଏହି ଭଙ୍ଗାଦଦରା ଘରେ ରହୁଛନ୍ତି ୩ ପ୍ରାଣୀ ା ଘରର କାନ୍ଥ ଭୁଶୁଡି ପଡି ବିପଦପୂର୍ଣ୍ଣ ଅବସ୍ଥାରେ ରହିଛି ା କାନ୍ଥ ଭୁଶୁଡିଯାଇଥିବାରୁ ମେଲା ପଡିଛି। ବର୍ଷା ହେଲେ ପାଣି ଗଳୁଛି ଏବଂ ଶୀତ ଦିନରେ ଶୋଇ ହେଉନାହିଁ ା ଏଭଳି ଅବସ୍ଥାରେ ରହୁଛନ୍ତିି ଯୋଗେଶ୍ୱର ଜୁଆଙ୍ଗ। ଏଭଳି ବହୁ ଜୁଆଙ୍ଗ ପରିବାର ସମସ୍ୟା ମଧ୍ୟରେ ରହୁଛନ୍ତି। କିନ୍ତୁ ସରକାରଙ୍କ ବିଭିନ୍ନ ଆବାସିକ ଯୋଜନାର ସଫଳତା ପହଞ୍ଚିପାରୁନାହିଁ ା 
  ହରିଚନ୍ଦନପୁର ବ୍ଲକର ବୁଢାଖମଣ ପଞ୍ଚାୟତର ନୋଡାମ ଜୁଆଙ୍ଗ ଗ୍ରାମର ଲୋକେ ବିଭିନ୍ନ ସମସ୍ୟା ମଧ୍ୟରେ ଅଛନ୍ତି। କେନ୍ଦୁଝର ଜିଲା ମୁଖ୍ୟାଳୟଠାରୁ ପ୍ରାୟ ୪୦ କି.ମି. ଦୂରରେ ବଣପାହାଡ ଘେରାରେ ରହିଛି ଏହି ଜୁଆଙ୍ଗ ଗ୍ରାମ ା ଏହି ଗ୍ରାମରେ ପାଖାପାଖି ୩୬ଟି ପୁରାତନ ଜନଜାତି ଜୁଆଙ୍ଗ ପରିବାର ବସବାସ କରୁୁଛନ୍ତି। ତେବେ ସେମାନଙ୍କ ମଧ୍ୟରୁ ୨୦ ଜଣଙ୍କୁ ୨୦୧୨ ମସିହାରେ ଜଙ୍ଗଲଜମି ପଟ୍ଟାରେ ଘର ମିଳିଥିଲା। ତେବେ ଗୋଟିଏ ହେଲେ ଘର ସମ୍ପୂର୍ଣ୍ଣ ହୋଇପାରି ନ ଥିବାରୁ ଏହି ଗରୀବ ଲୋକ ମାନେ ଭଙ୍ଗାଦଦରା ଘରେ ଅସୁରକ୍ଷିତ ଅବସ୍ଥାରେ ରହୁଛନ୍ତି। ଏନେଇ ବାରମ୍ବାର ଅଭିଯୋଗ କଲେ ମଧ୍ୟ ଶୁଣିବାକୁ କେହିନାହିଁ ା ବିଭିନ୍ନ ଆବାସିକ ଯୋଜନାର ସଫଳତାକୁ ନେଇ ପ୍ରଶାସନ ବାଃ ବାଃ ମାରୁଥିବା ବେଳେ ଏହି ଗ୍ରାମରେ ସମୀକ୍ଷା କଲେ ବାସ୍ତବ ଚିତ୍ର କଣ ବେଶ ଜଣାପଡିବ ବୋଲି ମତ ପ୍ରକାଶ ପାଉଛି ା 
ଘର ପାଇଥିବା ଗରୀବ ଜୁଆଙ୍ଗ ହିତାଧିକାରୀ ମାନେ ହେଉଛନ୍ତି ପବିତ୍ର ଜୁଆଙ୍ଗ, ଶୁକୁରୁ ଜୁଆଙ୍ଗ, ମାଢୁ ଜୁଆଙ୍ଗ, ମେଘା ଜୁଆଙ୍ଗ, ଉଦିଆ ଜୁଆଙ୍ଗ, ଲକ୍ଷ୍ମୀଧର ଜୁଆଙ୍ଗ, କୃଷ୍ଣ ଜୁଆଙ୍ଗ, ସୁଦର୍ଶନ ଜୁଆଙ୍ଗ, ପଞ୍ଚୁ ଜୁଆଙ୍ଗ, ବନମାଳୀ ଜୁଆଙ୍ଗ, ଟୁକୁନା ଜୁଆଙ୍ଗ, ନିଶାକର ଜୁଆଙ୍ଗ, ବ୍ରହ୍ମାନନ୍ଦ ଜୁଆଙ୍ଗ, ଯୋଗେଶ୍ୱର ଜୁଆଙ୍ଗ, ବଂଶୀଧର ଜୁଆଙ୍ଗ, ଟଭା ଜୁଆଙ୍ଗ, ସନାତନ ଜୁଆଙ୍ଗ, ଇନ୍ଦ୍ରମଣୀ ଜୁଆଙ୍ଗ, କଇଁଥ ଜୁଆଙ୍ଗ, ବଲ୍ଲଭ ଜୁଆଙ୍ଗ, ହରିହର ଜୁଆଙ୍ଗ, ମାଛୁ ଜୁଆଙ୍ଗ, ରବି ଜୁଆଙ୍ଗ, ସରଜନିଆ ଜୁଆଙ୍ଗ, ଟଙ୍କଧର ଜୁଆଙ୍ଗ ବୋଲି ଜଣାପଡିଛି। ଘର ନିର୍ମାଣ ହେବ ଏବଂ ଭଲରେ ରହିବେ ଏଭଳି ଆଶା ରଖି ଦୁତୀ ଜୁଆଙ୍ଗଙ୍କ ସ୍ବାମୀ ଶେଷରେ ଆଖିବୁଜିଥିବା ବେଳେ ଦୂତୀ ଏବେ ବହୁ ଅସୁବିଧାରେ ରହୁଥିବା କହିଛନ୍ତି।
ସରକାର ଗୃହହୀନମାନଙ୍କୁ ବିଭିନ୍ନ ଆବାସ ଯୋଜନାରେ ଘର ଯୋଗାଇଦେଉଛନ୍ତି। ତେବେ ଉପଯୁକ୍ତ ତଦାରଖ ଅଭାବ ଯୋଗୁ ପାଉଥିବା ଘର ବ୍ୟବହାର କରିପାରୁନାହାନ୍ତି। ଫଳରେ ପୂର୍ବ ପରି ଭଙ୍ଗାଦଦରା ଘରେ ବହୁ କଷ୍ଟରେ ଚଳୁଛନ୍ତି। ଏଣୁ ଏଭଳି କ୍ଷେତ୍ରରେ ସରକାରଙ୍କ ବିଜୁ ପକ୍କା ଘର ଯୋଜନା ସେମାନଙ୍କ ପାଇଁ ପ୍ରହସନରେ ପରିଣତ ହେଉଛି ା 
All Right Reserved By

ବାଲେଶ୍ୱର

ଭୁଶୁଡିଲା ୧୦୦ ବର୍ଷର ପୁରୁଣା ଗଛ: ନୀଳଗିରି-ପଞ୍ଚଲିଙ୍ଗେଶ୍ୱର ରାସ୍ତା ଅବରୋଧ

ଭୁଶୁଡିଲା ୧୦୦ ବର୍ଷର ପୁରୁଣା ଗଛ: ନୀଳଗିରି-ପଞ୍ଚଲିଙ୍ଗେଶ୍ୱର ରାସ୍ତା ଅବରୋଧ

ସଜନାଗଡ଼, ୨୦।୯(ଡି.ଏନ.ଏ.)-ବାଲେଶ୍ୱର ଜିଲା ନୀଳଗିରିଠାରେ ବୁଧବାର ମଧ୍ୟରାତ୍ରରୁ ଅଧିକାଂଶ ସ୍ଥାନରେ ପ୍ରବଳ ବର୍ଷା ଯୋଗୁ ଚାଷଜମି ପାଣିରେ ବୁଡ଼ି ରହିଛି। ନୀଳଗିରି ପଞ୍ଚଲିଙ୍ଗେଶ୍ୱରକୁ ସଂଯୋଗ କରୁଥିବା ମୁଖ୍ୟରାସ୍ତା ଦାଶରଥିପୁରଠାରେ ଶହେ ବର୍ଷରୁ ଊର୍ଦ୍ଧ୍ୱ ପୁରୁଣା ତେନ୍ତୁଳିଗଛ ପଡ଼ିରହିଥିବାରୁ ଏଠାକୁ ଆସୁଥିବା ପର୍ଯ୍ୟଟକ ଗତ ରାତିଠାରୁ ଅଟକି ରହିଥିଲେ। 

ବାଲେଶ୍ୱର ଟାଉନ ବିଜେଡ଼ି ମହିଳା କମିଟି ବୈଠକ

ବାଲେଶ୍ୱର ଟାଉନ ବିଜେଡ଼ି ମହିଳା କମିଟି ବୈଠକ

ବାଲେଶ୍ୱର ଅଫିସ, ୨୦।୯-ବାଲେଶ୍ୱର ପୌରପରିଷଦ ୨୮ନଂ. ୱାର୍ଡ଼ରେ ବାଲେଶ୍ୱର ଟାଉନ ବିଜୁ ମହିଳା ଜନତା ଦଳର ଏକ ବୈଠକ ଅନୁଷ୍ଠିତ ହୋଇଯାଇଛି। ଟାଉନ ମହିଳା ସଭାପତି ରଞ୍ଜିତା ମହାପାତ୍ରଙ୍କ ସଭାପତିତ୍ୱରେ ପୌରାଧ୍ୟକ୍ଷ ଆଲୋକ କୁମାର ସାହୁ ଯୋଗଦେଇ ବାଲେଶ୍ୱର ସହରରେ ବିଜେଡ଼ି ମହିଳା ସଙ୍ଗଠନକୁ କିପରି ଅଧିକରୁ ଅଧିକ ସଙ୍ଗଠିତ କରିହେବ  ସେନେଇ ବକ୍ତବ୍ୟ ଦେଇଥିଲେ। 

ବାଜପେୟୀଜୀଙ୍କ ସମ୍ମାନାର୍ଥେ ଚିକିତ୍ସା ଶିବିର

ବାଜପେୟୀଜୀଙ୍କ ସମ୍ମାନାର୍ଥେ ଚିକିତ୍ସା ଶିବିର

ସଜନାଗଡ଼, ୨୦।୯(ଡି.ଏନ.ଏ.)-ପୂର୍ବତନ ପ୍ରଧାନମନ୍ତ୍ରୀ ସ୍ବର୍ଗତ ଅଟଳ ବିହାରୀ ବାଜପେୟୀଙ୍କ ସମ୍ମାନାର୍ଥେ ନୀଳଗିରି ନିକଟସ୍ଥ ଧୋବଶିଳା ଗ୍ରାମପଞ୍ଚାୟତଠାରେ ଭାଜପା ପକ୍ଷରୁ ଚିକିତ୍ସା ଶିବିର ଅନୁଷ୍ଠିତ ହୋଇଛି। 

ଭୋଟର ସଚେତନତା କର୍ମଶାଳା

ଭୋଟର ସଚେତନତା କର୍ମଶାଳା

ଉଦଳା,୨୦।୯ (ଡି.ଏନ.ଏ.) - ଉଦଳା ମହାବିଦ୍ୟାଳୟ ଜାତୀୟ ସେବା ଯୋଜନା, ଯୁବ ରେଡକ୍ରସ୍‌ ମିଳିତ ସହଯୋଗରେ ଏକ ଭୋଟର ସଚେତନତା କର୍ମଶାଳା ମହାବିଦ୍ୟାଳୟ ପରିସରରେ ଅନୁଷ୍ଠିତ ହୋଇଯାଇଛି 

‘ଯୁବ ଗୋଷ୍ଠୀଙ୍କ ଅନ୍ତର୍ନିହିତ ଗୁଣର ବିକାଶ କର’

‘ଯୁବ ଗୋଷ୍ଠୀଙ୍କ ଅନ୍ତର୍ନିହିତ ଗୁଣର ବିକାଶ କର’

ଖୁଣ୍ଟା,୨୦।୯ (ଡି.ଏନ.ଏ.) -ସ୍ଥାନୀୟ ଖୁଣ୍ଟା ଡିଗ୍ରୀ ମହାବିଦ୍ୟାଳୟ ସଭା ଗୃହରେ  ‘ମୁଁ ହୀରୋ ମୁଁ ଓଡ଼ିଶା’ କାର୍ଯ୍ୟକ୍ରମ ଅନୁଷ୍ଠିତ ହୋଇଯାଇଛି ।  କାର୍ଯ୍ୟକ୍ରମ ର ନୋଡାଲ ଅଫିସର ପ୍ରମୋଦ କୁମାର ନାୟକଙ୍କ ପ୍ରତ୍ୟକ୍ଷ ତତ୍ତ୍ୱାବଧାନରେ ଅନୁଷ୍ଠିତ ସଭାରେ ମୁଖ୍ୟ ଅତିଥି ଭାବେ ଉପବାଚସ୍ପତି ସାନନ୍ଦ ମାର୍ଣ୍ଡି ଯୋଗ ଦେଇଥିଲେ ।

 ଅଙ୍ଗନୱାଡି କର୍ମୀଙ୍କ ବିକ୍ଷୋଭ ପ୍ରଦର୍ଶନ

ଅଙ୍ଗନୱାଡି କର୍ମୀଙ୍କ ବିକ୍ଷୋଭ ପ୍ରଦର୍ଶନ

ବଡ଼ସାହି,୨୦ା୯(ସ୍ବ.ପ୍ର)-ଅଙ୍ଗନୱାଡି କେନ୍ଦ୍ରରେ ଖେଳନା କିଣା ଦୁର୍ନିତୀକୁ ନେଇ ଅଲ ଓଡିଶା ଅଙ୍ଗନୱାଡି ୱାକର୍ସ ଆସୋସିଏସନ ପକ୍ଷରୁ ଗୁରୁବାର ସିଡିପିଓଙ୍କ କାର୍ଯ୍ୟାଳୟ ସମ୍ମୁଖରେ କର୍ମୀମାନେ ବିକ୍ଷୋଭ ପ୍ରଦର୍ଶନ କରିଛନ୍ତି।

ବିଜୁ ଯୁବ ବାହିନୀର ପ୍ରଶିକ୍ଷଣ ଶିବିର

ବିଜୁ ଯୁବ ବାହିନୀର ପ୍ରଶିକ୍ଷଣ ଶିବିର

ବାରିପଦା ଅଫିସ,୨୦।୯-ରାଜ୍ୟ ସରକାରଙ୍କ ରାଜ୍ୟ  ଯୁବ କଲ୍ୟାଣ  ପରିଷଦ ପକ୍ଷରୁ ବାରିପଦା ସ୍ଥିତ ଜିଲା ଗ୍ରାମ୍ୟ ଉନ୍ନୟନ ସଂସ୍ଥାର ସମ୍ମିଳନୀ କକ୍ଷରେ ମୟୂରଭଞ୍ଜ, କେଉଁଝର, ବାଲେଶ୍ୱର, ଭଦ୍ରକ ଏବଂ ଯାଜପୁର ଜିଲାର ଏକ ତାଲିମ ଶିବିର ଅନୁଷ୍ଠିତ ହୋଇଯାଇଛି। 

ଦୁର୍ଘଟଣାରେ ବାଇକ୍‌ ଆରୋହୀ ମୃତ

ଦୁର୍ଘଟଣାରେ ବାଇକ୍‌ ଆରୋହୀ ମୃତ

ବାଲେଶ୍ୱର ଅଫିସ୨୦।୯- ବାଲେଶ୍ୱର ସହଦେବଖୁଣ୍ଟା ଥାନା ଅନ୍ତର୍ଗତ ୬୦ନଂ ଜାତୀୟ ରାଜପଥ ବାରୁଣି ପୋଲ ନିକଟରେ ଗୁରୁବାର ମଧ୍ୟାହ୍ନ ୧ଟା ୪୦ରେ ଏକ ବାଇକ୍‌ ଚାଳକ ଭାରସାମ୍ୟ ହରାଇ ଛିଡ଼ା ହୋଇଥିବା ବସ୍‌ ପଛପଟୁ ପିଟି ହୋଇଥିଲା। 

ମତଦାନ କେନ୍ଦ୍ର ସ୍ଥାନାନ୍ତରକୁ ବିରୋଧ: ଭୋଟ ବର୍ଜନ କରିବେ ଗ୍ରାମବାସୀ

ମତଦାନ କେନ୍ଦ୍ର ସ୍ଥାନାନ୍ତରକୁ ବିରୋଧ: ଭୋଟ ବର୍ଜନ କରିବେ ଗ୍ରାମବାସୀ

ରୂପ୍‌ସା, ୨୦।୯(ଡି.ଏନ.ଏ.)-ବାଲେଶ୍ୱର ସଦର ବ୍ଲକ ରସଲପୁର ପଞ୍ଚାୟତର ଉଲାଡ଼ି ପ୍ରାଥମିକ ବିଦ୍ୟାଳୟରେ ଥିବା ୧୦ନଂ. ବୁଥ୍‌ କେନ୍ଦ୍ର ସ୍ଥାନାନ୍ତରକୁ ଗ୍ରାମବାସୀ ବିରୋଧ କରିଛନ୍ତି। ଏ ସମ୍ପର୍କରେ ସରପଞ୍ଚ ସୁବେଶ ନାୟକ, ସମିତିସଭ୍ୟା ବାସନ୍ତୀ ପାଣି, ଗ୍ରାମବାସୀ ଭଗବାନ ନାୟକ, ରନତ୍ାକର ଦଳେଇ, ଲକ୍ଷ୍ମୀଧର ସିଂ, ସୂର୍ଯ୍ୟକାନ୍ତ ମାଝି ଓ ଧନଞ୍ଜୟ ମହାନ୍ତିଙ୍କ ସମେତ ଶତାଧିକ ଭୋଟର ଜିଲାପାଳ, ଉପଜିଲାପାଳ ଓ ବିଡିଓଙ୍କୁୁ ଲିଖିତ ଭାବେ ଜଣାଇଛନ୍ତି। ଏହି ମତଦାନ କେନ୍ଦ୍ରକୁ ସ୍ଥାନାନ୍ତର କରା ନ ଯିବା ଦିଗରେ ପଦକ୍ଷେପ ଗ୍ରହଣ କରା ନ ଗଲେ ଆସନ୍ତା ୨୦୧୯ ନିର୍ବାଚନରେ ଉଲାଡ଼ି ଓ ଗୋବିନ୍ଦପୁର ଗ୍ରାମବାସୀ ଭୋଟ ବର୍ଜନ କରିବେ ବୋଲି ଚେତାବନୀ ଦେଇଛନ୍ତି।

ଜଳବାୟୁ ପରିବର୍ତ୍ତନ ସମ୍ବନ୍ଧୀୟ ସଚେତନତା କର୍ମଶାଳା

ଜଳବାୟୁ ପରିବର୍ତ୍ତନ ସମ୍ବନ୍ଧୀୟ ସଚେତନତା କର୍ମଶାଳା

ବାହାନଗା, ୨୦।୯(ଡି.ଏନ.ଏ.)-ବାଲେଶ୍ୱର ଜିଲା ବାହାନଗା ବ୍ଲକ କୋଚିଆକୁଇଲି ପଞ୍ଚାୟତ ପାଟଣା ଗ୍ରାମର ଥିବା ଚୈତନ୍ୟ ପ୍ରସାଦ ୟୁପି ବିଦ୍ୟାଳୟ ପରିସରରେ ବ୍ଲକସ୍ତରୀୟ ଜଳବାୟୁ ପରିବର୍ତ୍ତନ ସମ୍ବନ୍ଧୀୟ ସଚେତନତା ଶିବିର ଅନୁଷ୍ଠିତ ହୋଇଛି। ସ୍ବେଚ୍ଛାସେବୀ ସଙ୍ଗଠନ ଜଗନ୍ନାଥ ସେବା ସଂସ୍ଥା ଓ ବାଲେଶ୍ୱର ଜିଲା ନାବାର୍ଡର ମିଳିତ ସହଯୋଗରେ ଏହି ଶିବିର ଅନୁଷ୍ଠିତ ହୋଇଥିଲା।

ଶିକ୍ଷକସଂଘର ପଥପ୍ରାନ୍ତ ସଭା

ଶିକ୍ଷକସଂଘର ପଥପ୍ରାନ୍ତ ସଭା

ବସ୍ତା,୨୦।୯(ସ୍ବ.ପ୍ର.)- ବସ୍ତା ବ୍ଲକ ଅନ୍ତର୍ଗତ ସାହାଡ଼ା ହାଟପଡ଼ିଆରେ ଓଡ଼ିଶା ସ୍କୁଲ କଲେଜ ଶିକ୍ଷକ କର୍ମଚାରୀ ମିଳିତ ମଞ୍ଚ ପକ୍ଷରୁ ଏକ ପଥପ୍ରାନ୍ତ ସଭା ଅନୁଷ୍ଠିତ ହୋଇଯାଇଛି। ପଥଦୁର୍ଗା ସଂସ୍କୃତ କଲେଜର ଅଧ୍ୟାପକ ସଦାନନ୍ଦ ଦିକ୍ଷୀତଙ୍କ ପରିଚାଳନାରେ ଜଗନ୍ନାଥ ଜୀଉ ଉଚ୍ଚ ବିଦ୍ୟାଳୟ ପରିଚାଳନା କମିଟିର ରମେଶ ଚନ୍ଦ୍ର ଦାସ, ଶିକ୍ଷକ ନେତା ରମେଶ ନାୟକ, ମନ୍ମଥ ସେନାପତି, ଗଜେନ୍ଦ୍ର ସାହୁ, ଅଶୋକକୁମାର ଖଟୁଆ ପ୍ରମୁଖ ଏହି ଆନ୍ଦୋଳନକୁ ସମର୍ଥନ କରିବା ସହିତ ସରକାରଙ୍କ ଶିକ୍ଷକମାରଣ ନୀତିକୁ ତୀବ୍ର ସମାଲୋଚନା କରିଥିଲ। 

ମହିଳାଙ୍କ ଆତ୍ମହତ୍ୟା

ମହିଳାଙ୍କ ଆତ୍ମହତ୍ୟା

ବସ୍ତା,୨୦।୯(ସ୍ବ.ପ୍ର.)-ବାଲେଶ୍ୱର ଜିଲା ସିଂଲା ଥାନା ଅନ୍ତର୍ଗତ ନାବରା ପଞ୍ଚାୟତ ଜମାଳପୁର ଗାଁର ଜ୍ୟୋତିରେଖା ନାମ୍ନୀ ଜଣେ ମହିଳା ଫାଶୀ ଦେଇ ଆତ୍ମହତ୍ୟା କରିଛନ୍ତି।  ତାଙ୍କ ମୃତଦେହ ପାଇଖାନା ଭିତରୁ ଉଦ୍ଧାର କରାଯାଇଥିଲା।